ЕВАНГЕЛИЕ ЕЖЕ Ѿ ЛОУКꙐ
9:1
Ⱄⱏⰸⱏⰲⰰⰲⱏ ⰶⰵ ⱁⰱⰰ ⱀⰰ ⰴⰵⱄⱔⱅⰵ. ⰴⰰⱄⱅⱏ ⰺ҅ⰿⱏ ⱄⰻⰾⱘ ⰺ҅ ⰲⰾⰰⱄⱅⱐ. ⱀⰰ ⰲⱄⱑⱈⱏ ⰱⱑⱄⱑⱈⱏ. ⰺ҅ ⱀⰵⰴⱘⰳⱏⰹ ⱌⱑⰾⰻⱅⰻ.
Съзъвавъ же оба на десѧте. дастъ ꙇ҅мъ силѫ ꙇ҅ власть. на всѣхъ бѣсѣхъ. ꙇ҅ недѫгꙑ цѣлити.
9:2
ⰺ҅ ⱂⱁⱄⱏⰾⰰ ⱗ ⱂⱃⱁⱂⱁⰲⱑⰴⰰⱅⰻ ⱌⱃ҃ⱄⱅⰲⰻⰵ ⰱⰶ҃ⱐⰵ. ⰺ҅ ⰻⱌⱑⰾⰻⱅⰻ ⰱⱁⰾⱔⱎⱅⱔⱗ.
ꙇ҅ посъла ѩ проповѣдати цр҃ствие бж҃ье. ꙇ҅ ицѣлити болѧштѧѩ.
9:3
ⰺ ⱃⰵⱍⰵ ⰽⱏ ⱀ̑ⰻⰿⱏ. ⱀⰻⱍⱐⱄⱁⰶⰵ ⱀⰵ ⰲⱏⰸⰵⰸⰿ̑ⱑⱅⰵ ⱀⰰ ⱂⱘⱅⱐ. ⱀⰻ ⰶⱐⰸⰾⰰ. ⱀⰻ ⱂⰻⱃⱏⰹ. ⱀⰻ ⱈⰾⱑⰱⰰ. ⱀⰻ ⱄⱏⱃⰵⰱⱃⰰ. ⱀⰻ ⰴⱏⰲⱁⱓ ⱃⰻⰸⱆ ⰺ҅ⰿⱑⱅⰻ.
ꙇ рече къ н̑имъ. ничьсоже не възезм̑ѣте на пѫть. ни жьзла. ни пирꙑ. ни хлѣба. ни съребра. ни дъвою ризоу ꙇ҅мѣти.
9:4
ⰺ҅ ⰲⱏ ⱀ̑ⱐⰶⰵ ⰴⱁⰿⱏ ⰲⱐⱀⰻⰴⰵⱅⰵ. ⱅⱆ ⱂⱃⱑⰱⱏⰹⰲⰰⰹⱅⰵ. ⰺ҅ ⱁⱅⱏⱅⱘⰴⱆ ⰺ҅ⱄⱈⱁⰴⰻⱅⰵ.
ꙇ҅ въ н̑ьже домъ вьнидете. тоу прѣбꙑваіте. ꙇ҅ отътѫдоу ꙇ҅сходите.
9:5
Ⰺ҅ ⰵⰾⰻⰽⱁ ⱀⰵ ⱂⱃⰻⰵⰿⰾ̑ⱙⱅⱏ ⰲⰰⱄⱏ. ⰺ҅ⱄⱈⱁⰴⱔⱎⱅⰵ ⱁⱅⱏ ⰳⱃⰰⰴⰰ ⱅⱁⰳⱁ. ⱂⱃⰰⱈⱏ ⱁⱅⱏ ⱀⱁⰳⱏ ⰲⰰⱎⰻⱈⱏ ⱁⱅⱏⱅⱃⱔⱄⱑⱅⰵ. ⰲⱏ ⱄⱏⰲⱑⰴⱑⱀⰻⰵ ⱀⰰ ⱀ̑ⱔ.
Ꙇ҅ елико не приемл̑ѭтъ васъ. ꙇ҅сходѧште отъ града того. прахъ отъ ногъ вашихъ отътрѧсѣте. въ съвѣдѣние на н̑ѧ.
9:6
Ⰺ҅ⱄⱈⱁⰴⱔⱎⱅⰵ ⰶⰵ ⱂⱃⱁⱈⱁⰶⰴⰰⰰⱈⱘ ⱄⰽⰲⱁⰸⱑ ⰲⱄⰻ. ⰱⰾⰰⰳⱁⰲⱑⱄⱅⱆⱙⱎⱅⰵ ⰲⱏⱄⱘⰴⱆ.
Ꙇ҅сходѧште же прохождаахѫ сквозѣ вси. благовѣстоуѭште въсѫдоу.
9:7
Ⱄⰾⱏⰹⱎⰰ ⰶⰵ ⰺ҅ⱃⱁⰴⱏ ⱍⰵⱅⰲⱃⱏⱅⱁⰲⰾⰰⱄⱅⱐⱌⱐ. ⰱⱏⰹⰲⰰⱙⱎⱅⰰⰰ ⱁⱅⱏ ⱀ̑ⰵⰳⱁ ⰲⸯⱄⱑ. ⰺ҅ ⱀⰵ ⰴⱁⰿⱏⰹⱎⰾ̑ⱑⰰⱎⰵ ⱄⱔ. ⰸⰰⱀ̑ⰵ ⰳⰾ҃ⰵⰿⱁ ⰱⱑ ⱁⱅⱏ ⰵⱅⰵⱃⱏ. ⱑⰽⱁ ⰺ҅ⱁⰰⱀⱏ. ⰲⱏⱄⱅⰰ ⱁⱅⱏ ⰿⱃⱏⱅⰲⱏⰹⱈⱏ.
Слꙑша же ꙇ҅родъ четврътовластьць. бꙑваѭштаа отъ н̑его вⸯсѣ. ꙇ҅ не домꙑшл̑ѣаше сѧ. зан̑е гл҃емо бѣ отъ етеръ. ѣко ꙇ҅оанъ. въста отъ мрътвꙑхъ.
9:8
ⱁⱅⱏ ⰺ҅ⱀⱑⱈⱏ ⰶⰵ ⱑⰽⱁ ⰺ҅ⰾⰻⱑ ⰰⰲⰻ ⱄⱔ. ⱁⱅⱏ ⰴⱃⱆⰳⱏⰹⱈⱏ ⰶⰵ. ⱑⰽⱁ ⱂⱃⱁⱃⱁⰽⱏ. ⱀⱑⰽⱏⰹ ⱁⱅⱏ ⰴⱃⰵⰲⰾⱐⱀⰻⱈⱏ ⰲⱏⱄⰽⱃⱏⱄⰵ.
отъ ꙇ҅нѣхъ же ѣко ꙇ҅лиѣ ави сѧ. отъ дроугꙑхъ же. ѣко пророкъ. нѣкꙑ отъ древльнихъ въскръсе.
9:9
ⰺ҅ ⱃⰵⱍⰵ ⰺ҅ⱃⱁⰴⱏ. ⰺ҅ⱁⰰⱀⱀⰰ ⰰⰸⱏ ⱆⱄⱑⰽⱀⱘⱈⱏ. ⰽⱏⱅⱁ ⰶⰵ ⰵⱄⱅⱏ ⱄⱐ. ⱁ ⱀ̑ⰵⰿⱐⰶⰵ ⰰⰸⱏ ⱄⰾⱏⰹⱎⱘ ⱅⰰⰽⱁⰲⰰⱑ. ⰺ҅ ⰻⱄⰽⰰⰰⱎⰵ ⰲⰻⰴⱑⱅⰻ ⰹ.
ꙇ҅ рече ꙇ҅родъ. ꙇ҅оанна азъ оусѣкнѫхъ. къто же естъ сь. о н̑емьже азъ слꙑшѫ таковаѣ. ꙇ҅ искааше видѣти і.
9:10
Ⰺ҅ ⰲⱏⰸⰲⱃⰰⱎⱅⱐⱎⰵ ⱄⱔ !̆ⰰⱂⱁⰾⰻ. ⱂⱁⰲⱑⰴⰰⱎⱔ ⰵⰿⱆ ⰵⰾⰻ ⱄⱏⱅⰲⱁⱃⰻⱎⱔ. Ⰺ ⱂⱁⰺ҅ⰿⱏ ⱗ ⱁⱅⰻⰴⰵ ⰵⰴⰻⱀⱏ. ⱀⰰ ⰿⱑⱄⱅⱁ ⱂⱆⱄⱅⱁ. ⰳⱃⰰⰴⰰ ⱀⰰⱃⰻⱌⰰⰵⰿⰰⰳⱁ ⰲⰻⰴⱏⱄⰰⰺ҅ⰴⰰ.
Ꙇ҅ възвраштьше сѧ !̆аполи. повѣдашѧ емоу ели сътворишѧ. Ꙇ поꙇ҅мъ ѩ отиде единъ. на мѣсто поусто. града нарицаемаго видъсаꙇ҅да.
9:11
ⱀⰰⱃⱁⰴⰻ ⰶⰵ ⱃⰰⰸⱆⰿⱑⰲⱏⱎⰵ ⱂⱁ ⱀ̑ⰵⰿⱐ ⰺ҅ⰴⱘ. ⰺ҅ ⱂⱃⰻⰺ҅ⰿⱏ ⱗ ⰳⰾ҃ⰰⰰⱎⰵ ⰺ҅ⰿⱏ. ⱁ ⱌⱃ҃ⱄⱅⰲⰻ ⰱⰶ҃ⰻ. ⰺ҅ ⱅⱃⱑⰱⱆⱙⱎⱅⱔⱗ. ⰺ҅ⱌⱑⰾ̑ⰵⱀⱐⱑ ⱌⱑⰾ̑ⱐⱎⰵ.
народи же разоумѣвъше по н̑емь ꙇ҅дѫ. ꙇ҅ приꙇ҅мъ ѩ гл҃ааше ꙇ҅мъ. о цр҃стви бж҃и. ꙇ҅ трѣбоуѭштѧѩ. ꙇ҅цѣл̑еньѣ цѣл̑ьше.
9:12
Ⰴⱐⱀⱐ ⰶⰵ ⱀⰰⱍⱔⱅⱏ ⱂⱃⱑⰽⰾⰰⱀ̑ⱑⱅⰻ ⱄⱔ. ⱂⱃⰻⱄⱅⱘⱂⰾ̑ⱐⱎⰰ ⰶⰵ ⱁⰱⰰ ⱀⰰ ⰴⰵⱄⱗⱅⰵ. ⱃⱑⱄⱅⰵ ⰵⰿⱆ. ⱁⱅⱏⱂⱆⱄⱅⰻ ⱀⰰⱃⱁⰴⱏⰹ. ⰴⰰ ⱁⱎⱐⰴⱏⱎⰵ ⰲⱏ ⱁⰽⱃⱏⱄⱅⱏⱀ̑ⱔⱗ ⰲⱄⰻ. ⰺ҅ ⱄⰵⰾⰰ ⰲⰻⱅⰰⱙⱅⱏ. ⰺ҅ ⱁⰱⱃⱔⱎⱅⱘⱅⱏ ⰱⱃⰰⱎⱐⱀⱁ. ⱑⰽⱁ ⱄⱐⰴⰵ ⱀⰰ ⱂⱆⱄⱅⱑ ⰿⱑⱄⱅⱑ ⰵⱄⰿⱏ.
Дьнь же начѧтъ прѣклан̑ѣти сѧ. пристѫпл̑ьша же оба на десѩте. рѣсте емоу. отъпоусти народꙑ. да ошьдъше въ окръстън̑ѧѩ вси. ꙇ҅ села витаѭтъ. ꙇ҅ обрѧштѫтъ брашьно. ѣко сьде на поустѣ мѣстѣ есмъ.
9:13
ⱃⰵⱍⰵ ⰶⰵ ⰽⱏ ⱀ̑ⰻⰿⱏ. ⰴⰰⰴⰻⱅⰵ ⰺ҅ⰿⱏ ⰲⱏⰹ ⱑⱄⱅⰻ. ⱁⱀⰻ ⰶⰵ ⱃⱑⱎⱔ. ⱀⰵ ⰺ҅ⰿⰰⰿⱏ ⱄⱐⰴⰵ. ⰲⱔⱎⱅⰵ ⱂⱔⱅⰻ ⱈⰾⱑⰱⱏ. ⰺ҅ ⱃⱏⰹⰱⱆ ⰴⱏⰲⱁⱓ. ⰰⱎⱅⰵ ⱆⰱⱁ ⱀⰵ ⰿⱏⰹ ⱎⱐⰴⱏⱎⰵ ⰲⱏ ⰲⱄⱔ ⰾ̑ⱓⰴⰻ ⱄⱐⱗ ⰽⱆⱂⰻⰿⱏ ⰱⱃⰰⱎⱐⱀⰰ.
рече же къ н̑имъ. дадите ꙇ҅мъ вꙑ ѣсти. они же рѣшѧ. не ꙇ҅мамъ сьде. вѧште пѧти хлѣбъ. ꙇ҅ рꙑбоу дъвою. аште оубо не мꙑ шьдъше въ всѧ л̑юди сьѩ коупимъ брашьна.
9:14
ⰱⱑⰰⱎⰵ ⰱⱁ ⰿⱘⰶⱐ. ⱑⰽⱁ ⱂⱔⱅⱐ ⱅⱏⰹⱄⱘⱎⱅⱐ. ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱂⱁⱄⰰⰴⰻⱅⰵ ⱗ ⱀⰰ ⱄⱂⱁⰴⱏⰹ. ⱂⱁ ⱂⱔⱅⰻ ⰴⰵⱄⱔⱅⱏ.
бѣаше бо мѫжь. ѣко пѧть тꙑсѫшть. рече же къ оученикомъ своꙇ҅мъ. посадите ѩ на сподꙑ. по пѧти десѧтъ.
9:15
ⰺ҅ ⱄⱏⱅⰲⱁⱃⰻⱎⱔ ⱅⰰⰽⱁ ⰺ҅ ⱂⱁⱄⰰⰴⰻⱎⱔ ⰲⱄⱔ.
ꙇ҅ сътворишѧ тако ꙇ҅ посадишѧ всѧ.
9:16
ⱂⱃⰻⰿⱏ ⰶⰵ ⱂⱔⱅⱐ ⱈⰾⱑⰱⱏ. ⰺ҅ ⱁⰱⱑ ⱃⱏⰹⰱⱑ. ⰲⱏⰸⱐⱃⱑⰲⱏ ⱀⰰ ⱀⰱ҃ⱁ ⰱⰳ҃ⰲⰻ ⱗ. ⰺ҅ ⱄⱏⰾⱁⰿⰻ. ⰺ҅ ⰴⰰⱑⱎⰵ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱂⱃⱑⰴⱏⰾⱁⰶⰻⱅⰻ ⱀⰰⱃⱁⰴⱆ.
примъ же пѧть хлѣбъ. ꙇ҅ обѣ рꙑбѣ. възьрѣвъ на нб҃о бг҃ви ѩ. ꙇ҅ съломи. ꙇ҅ даѣше оученикомъ своꙇ҅мъ. прѣдъложити народоу.
9:17
ⰺ҅ ⱑⱎⱔ ⰺ҅ ⱀⰰⱄⱏⰹⱅⰻⱎⱔ ⱄⱔ ⰲⱄⰻ. ⰺ҅ ⰲⱏⰸⱔⱎⱔ ⰺ҅ⰸⰱⱏⰹⰲⱏⱎⱔⱗ ⰺ҅ⰿⱏ. ⱆⰽⱃⱆⱈⱏ. ⰽⱁⱎⰰ ⰴⱏⰲⰰ ⱀⰰ ⰴⰵⱄⱔⱅⰵ.
ꙇ҅ ѣшѧ ꙇ҅ насꙑтишѧ сѧ вси. ꙇ҅ възѧшѧ ꙇ҅збꙑвъшѧѩ ꙇ҅мъ. оукроухъ. коша дъва на десѧте.
9:18
Ⰺ҅ ⰱⱏⰹⱄⱅⱏ. ⰵⰳⰴⰰ ⰿⱁⰾ̑ⱑⰰⱎⰵ ⱄⱔ ⰵⰴⰻⱀⱏ. ⱄⱏ ⱀ̑ⰻⰿⱐ ⰱⱑⰰⱈⱘ ⱆⱍⰵⱀⰻⱌⰻ ⰵⰳⱁ. ⰺ҅ ⰲⱏⱂⱃⱁⱄⰻ ⱗ ⰳⰾ҃ⱔ. ⰽⱁⰳⱁ ⰿⱔ ⱀⰵⱂⱐⱎⱅⱓⱙⱅⱏ ⱀⰰⱃⱁⰴⰻ ⰱⱏⰹⱅⰻ.
Ꙇ҅ бꙑстъ. егда мол̑ѣаше сѧ единъ. съ н̑имь бѣахѫ оученици его. ꙇ҅ въпроси ѩ гл҃ѧ. кого мѧ непьштюѭтъ народи бꙑти.
9:19
ⱁⱀⰻ ⰶⰵ ⱁⱅⱏⰲⱑⱎⱅⰰⰲⱏⱎⰵ ⱃⱑⱎⱔ ⰺ҅ⱁⰰⱀⱀⰰ ⰽⱃⱐⱄⱅⰻⱅⰵⰾ̑ⱑ. ⰺ҅ⱀⰻ ⰶⰵ ⰺ҅ⰾⰻⱙ. ⱁⰲⰻ ⰶⰵ ⱑⰽⱁ !ⱂⱃⱁ!ⱃⰽⱏ ⰵⱅⰵⱃⱏ. ⰴⱃⰵⰲⰾ̑ⱐⱀⰻⰹⱈⱏ ⰲⱏⱄⰽⱃⱏⱄⰵ.
они же отъвѣштавъше рѣшѧ ꙇ҅оанна крьстител̑ѣ. ꙇ҅ни же ꙇ҅лиѭ. ови же ѣко !про!ркъ етеръ. древл̑ьниіхъ въскръсе.
9:20
ⱃⰵⱍⰵ ⰶⰵ ⰺ҅ⰿⱏ. ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ. ⱁⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⱃⰵⱍⰵ. ⱈ҃ⰰ ⰱⰶ҃ⱐⱑ.
рече же ꙇ҅мъ. вꙑ же кого мѧ гл҃ете бꙑти. отъвѣштавъ же петръ рече. х҃а бж҃ьѣ.
9:21
Ⱉⱀⱏ ⰶⰵ ⰸⰰⱂⱃⱑⱎⱅⱐ ⰺ҅ⰿⱏ. ⱂⱁⰲⰵⰾⱑ ⱀⰻⰽⱁⰿⱆⰶⰵ ⱀⰵ ⰳⰾ҃ⰰⱅⰻ. ⱄⰵⰳⱁ
Ѡнъ же запрѣшть ꙇ҅мъ. повелѣ никомоуже не гл҃ати. сего
9:22
ⱃⰵⰽⱏ. ⱑⰽⱁ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⱄ҃ⰽⱆⰿⱆ ⰿⱀⱁⰳⱁ ⱂⱁⱄⱅⱃⰰⰴⰰⱅⰻ. ⰺ҅ ⰻⱄⰽⱆⱎⰵⱀⱆ ⰱⱏⰹⱅⰻ. ⱁⱅⱏ ⱄⱅⰰⱃⱌⱐ ⰺ҅ ⰰⱃⱈⰻⰵⱃⰵⰹ. ⰺ҅ ⰽⱏⱀⰻⰶⱐⱀⰻⰽⱏ. ⰺ҅ ⱆⰱⱐⰵⱀⱆ ⰱⱏⰹⱅⰻ. ⰺ҅ ⱅⱃⰵⱅⰻⰹ ⰴⱐⱀⱐ ⰲⱏⱄⰽⱃⱏⱄⱀⱘⱅⰻ.
рекъ. ѣко подобаатъ сн҃оу чс҃коумоу много пострадати. ꙇ҅ искоушеноу бꙑти. отъ старць ꙇ҅ архиереі. ꙇ҅ кънижьникъ. ꙇ҅ оубьеноу бꙑти. ꙇ҅ третиі дьнь въскръснѫти.
9:23
ⰳⰾ҃ⰰⰰⱎⰵ ⰲⱄⱑⰿⱏ. ⰰⱎⱅⰵ ⰽⱏⱅⱁ ⱈⱁⱎⱅⰵⱅⱏ ⱂⱁ ⰿⱀⱑ ⰺ҅ⱅⰻ ⰴⰰ ⱁⱅⱏⰲⱃⱏⰶⰵⱅⱏ ⱄⱔ ⱄⰵⰱⰵ. ⰺ҅ ⰴⰰ ⰲⱏⰸⱏⰿⰵⱅⱏ !ⰽⱃⱄⱅⱏ ⱄⰲⱁⰹ. ⱂⱁ ⰲⱄⱔ ⰴⱀⰻ. ⰺ҅ ⱈⱁⰴⰻⱅⱏ ⱂⱁ ⰿⱀⱑ
гл҃ааше всѣмъ. аште къто хоштетъ по мнѣ ꙇ҅ти да отъвръжетъ сѧ себе. ꙇ҅ да възъметъ !крстъ своі. по всѧ дни. ꙇ҅ ходитъ по мнѣ
9:24
ⰺ҅ⰶⰵ ⰱⱁ ⰰⱎⱅⰵ ⱈⱁⱎⱅⰵⱅⱏ ⰴⱎ҃ⱘ ⱄⰲⱁⱙ ⱄⱏⱂⰰⱄⱅⰻ ⱂⱁⰳⱆⰱⰻⱅⱏ ⱙ. ⰺ҅ⰶⰵ ⰰⱎⱅⰵ ⱈⱁⱎⱅⰵⱅⱏ ⱂⱁⰳⱆⰱⰻⱅⱏ ⰴⱎ҃ⱘ ⱄⰲⱁⱙ. ⰿⰵⱀⰵ ⱃⰰⰴⰻ. ⱅⱏ ⱄⱂ҃ⰵⱅⱏ ⱙ.
ꙇ҅же бо аште хоштетъ дш҃ѫ своѭ съпасти погоубитъ ѭ. ꙇ҅же аште хоштетъ погоубитъ дш҃ѫ своѭ. мене ради. тъ сп҃етъ ѭ.
9:25
ⰽⰰⱑ ⱂⱁⰾⱐⰸⰰ ⱍⰽ҃ⱆ. ⰰⱎⱅⰵ ⱂⱃⰻⱁⰱⱃⱔⱎⱅⰵⱅⱏ ⰲⱐⱄⱐ ⰿⰻⱃⱏ. ⰰ ⱄⰵⰱⰵ ⱂⱁⰳⱆⰱⰻⱅⱏ. ⰾⰻ ⱁⱅⱏⱎⱅⰵⱅⰻⱅⱏ.
каѣ польза чк҃оу. аште приобрѧштетъ вьсь миръ. а себе погоубитъ. ли отъштетитъ.
9:26
ⰺ҅ⰶⰵ ⰱⱁ ⰰⱎⱅⰵ ⱂⱁⱄⱅⱏⰹⰴⰻⱅⱏ ⱄⱔ ⰿⰵⱀⰵ. ⰺ҅ ⰿⱁⰺⱈⱏ ⱄⰾⱁⰲⰵⱄⱏ. ⱄⰵⰳⱁ ⱄⱀ҃ⱏ ⱍⱄ҃ⰽⱏⰹ ⱂⱁⱄⱅⱏⰹⰴⰻⱅⱏ ⱄⱔ. ⰵⰳⰴⰰ ⱂⱃⰻⰴⰵⱅⱏ ⰲⱏ ⱄⰾⰰⰲⱑ ⱄⰲⱁⰵⰹ. ⰺ҅ !ⱁⱅⱐⱍⰻ. ⰺ҅ ⱄⱅ҃ⱏⰺⱈⱏ ⰰⰼ҃ⰾⱏ.
ꙇ҅же бо аште постꙑдитъ сѧ мене. ꙇ҅ моꙇхъ словесъ. сего сн҃ъ чс҃кꙑ постꙑдитъ сѧ. егда придетъ въ славѣ своеі. ꙇ҅ !отьчи. ꙇ҅ ст҃ъꙇхъ ађ҃лъ.
9:27
!Ⰳⰾⱙ ⰶⰵ ⰲⰰⰿⱏ. ⰲⱏ ⰺⱄⱅⰻⱀⱘ ⱄⱘⱅⱏ ⰵⱅⰵⱃⰻ. ⱁⱅⱏ ⱄⱅⱁⱗⱎⱅⰻⱈⱏ ⱄⱐⰴⰵ. ⰺ҅ⰶⰵ ⱀⰵ ⰺ҅ⰿⱘⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ. ⰴⱁⱀⱐⰴⰵⰶⰵ ⱆⰸⱐⱃⱔⱅⱏ ⱌⱃ҃ⱄⱅⰲⰵ ⰱⰶ҃ⱐⰵ.
!Глѭ же вамъ. въ ꙇстинѫ сѫтъ етери. отъ стоѩштихъ сьде. ꙇ҅же не ꙇ҅мѫтъ въкоусити съмръти. доньдеже оузьрѧтъ цр҃стве бж҃ье.
9:28
Ⰱⱏⰹⱄⱅⱏ ⰶⰵ ⱂⱁ ⱄⰾⱁⰲⰵⱄⰵⱈⱏ ⱄⰻⱈⱏ. ⱑⰽⱁ ⰴⱐⱀⰻⰹ ⱁⱄⰿⱐ. ⰺ҅ ⱂⱁⰺ҅ⰿⱏ ⱂⰵⱅⱃⰰ. ⰺ҅ ⱁⰰⱀⸯⱀⰰ. ⰺ҅ ⰻⱑⰽⱁⰲⰰ. ⰲⱐⰸⰻⰴⰵ ⱀⰰ ⰳⱁⱃⱘ ⱂⱁⰿⱁⰾⰻⱅⱏ ⱄⱔ.
Бꙑстъ же по словесехъ сихъ. ѣко дьниі осмь. ꙇ҅ поꙇ҅мъ петра. ꙇ҅ оанⸯна. ꙇ҅ иѣкова. вьзиде на горѫ помолитъ сѧ.
9:29
ⰺ҅ ⰱⱏⰹ!ⱄ ⰵⰳⰴⰰ ⰿⱁⰾ̑ⱑⰰⱎⰵ ⱄⱔ. ⰲⰻⰴⱑⱀⱐⰵ ⰾⰻⱌⰰ ⰵⰳⱁ ⰺ҅ⱀⱁ. ⰺ҅ ⱁⰴⱑⰰⱀⱐⰵ ⰵⰳⱁ ⰱⱑⰾⱁ ⰱⰾⰻⱄⱌⰰⱗ ⱄⱔ.
ꙇ҅ бꙑ!с егда мол̑ѣаше сѧ. видѣнье лица его ꙇ҅но. ꙇ҅ одѣанье его бѣло блисцаѩ сѧ.
9:30
ⰺ҅ ⱄⰵ ⰿⱘⰶⰰ ⰴⱏⰲⰰ ⱄⱏ ⱀ̑ⰻⰿⱐ ⰳⰾ̑ⱙⱎⱅⰰ. ⱑⰽⱁ ⰱⱑⱄⱅⰵ. ⰿⱛ҅ⱄⰻ. ⰺ҅ ⰻⰾⰻⱑ.
ꙇ҅ се мѫжа дъва съ н̑имь гл̑ѭшта. ѣко бѣсте. мѵ҅си. ꙇ҅ илиѣ.
9:31
ⰰⰲⱐⱎⰰ ⱄⱔ ⰲⱏ ⱄⰾⰰⰲⱑ. ⰳⰾ҃ⰰⰰⱎⰵ ⰶⰵ ⰺ҅ⱄⱈⱁⰴⱏ ⰵⰳⱁ. ⰺ҅ⰶⰵ ⱈⱁⱅⱑⰰⱎⰵ ⱄⱏⰽⱁⱀⱐⱍⰰⱅⰻ [ⱄⱔ] ⰲⱏ !ⰺ҅ⰾⰿⱑ.
авьша сѧ въ славѣ. гл҃ааше же ꙇ҅сходъ его. ꙇ҅же хотѣаше съконьчати [сѧ] въ !ꙇ҅лмѣ.
9:32
ⱂⰵⱅⱃⱏ ⰶⰵ ⰺ ⱄⱘⱎⱅⰰⰰ ⱄⱏ ⱀ̑ⰻⰿⱐ. ⰱⱑⰰⱈⱘ ⱁⱅⱔⰳⱏⱍⰵⱀⰻ ⱄⱏⱀⱏⰿⱐ. ⱆⰱⱆⰶⰴⱐⱎⰵ ⰶⰵ ⱄⱔ ⰲⰻⰴⱑⱎⱔ ⱄⰾⰰⰲⱘ ⰵⰳⱁ. ⰺ҅ ⱁⰱⰰ ⰿⱘⰶⰰ ⱄⱅⱁⱗⱎⱅⰰ ⱄⱏ ⱀ̑ⰻⰿⱐ.
петръ же ꙇ сѫштаа съ н̑имь. бѣахѫ отѧгъчени сънъмь. оубоуждьше же сѧ видѣшѧ славѫ его. ꙇ҅ оба мѫжа стоѩшта съ н̑имь.
9:33
ⰺ҅ ⰱⱏⰹⱄⱅⱏ ⰵⰳⰴⰰ ⱃⰰⰸⰾⱘⱍⰰⰰⱎⰵⱅⰵ ⱄⱔ ⱁⱅⱏ ⱀ̑ⰵⰳⱁ. ⱃⰵⱍⰵ ⱂⰵⱅⱃⱏ ⰽⱏ ⰺⱄ҃ⰲⰻ. ⱀⰰⱄⱅⰰⰲⱐⱀⰻⱍⰵ. ⰴⱁⰱⱃⱁ ⰵⱄⱅⱏ ⱀⰰⰿⱏ ⱄⱐⰴⰵ ⰱⱏⰹⱅⰻ. ⰺ҅ ⱄⱏⱅⰲⱁⱃⰻⰿⱏ ⱄⰽⰻⱀⰻⱗ ⱅⱃⰹ. ⱅⰵⰱⱑ ⰵⰴⰻⱀⱘ. ⰺ҅ ⰵⰴⰻⱀⱘ ⰿⱁⱄⱑⱁⰲⰻ. ⰺ҅ ⰵⰴⰻⱀⱘ ⰺ҅ⰾⰻⰹ. ⱀⰵ ⰲⱑⰴⱏⰹ ⰶⰵ ⰳⰾ҃ⰰⰰⱎⰵ.
ꙇ҅ бꙑстъ егда разлѫчаашете сѧ отъ н̑его. рече петръ къ ꙇс҃ви. наставьниче. добро естъ намъ сьде бꙑти. ꙇ҅ сътворимъ скиниѩ трі. тебѣ единѫ. ꙇ҅ единѫ мосѣови. ꙇ҅ единѫ ꙇ҅лиі. не вѣдꙑ же гл҃ааше.
9:34
Ⱄⰵ ⰶⰵ ⰵⰿⱆ ⰳⰾ҃ⱙⱎⱅⱓ. ⰱⱏⰹⱄⱅⱏ ⱁⰱⰾⰰⰽⱏ ⰺ҅ ⱁⱄⱑⱀⰻ ⱗ. ⱆⰱⱁⱑⱎⱔ ⰶⰵ ⱄⱔ. ⰲⱏⱎⱐⰴⱏⱎⰵⰿⱏ ⰶⰵ ⰺ҅ⰿⱏ ⰲⱏ ⱁⰱⰾⰰⰽⱏ.
Се же емоу гл҃ѭштю. бꙑстъ облакъ ꙇ҅ осѣни ѩ. оубоѣшѧ же сѧ. въшьдъшемъ же ꙇ҅мъ въ облакъ.
9:35
ⰺ҅ ⰳⰾⰰⱄⱏ ⰱⱏⰹ!ⱄ ⰺ҅ⰸⱁ ⱁⰱⰾⰰⰽⰰ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ ⰲⱏⰸⰾ̑ⱓⰱⰾ̑ⰵⱀⱏⰺ. ⱅⱁⰳⱁ ⱂⱁⱄⰾⱆⱎⰰⰺ҅ⱅⰵ.
ꙇ҅ гласъ бꙑ!с ꙇ҅зо облака гл҃ѧ. сь естъ сн҃ъ мои възл̑юбл̑енъꙇ. того послоушаꙇ҅те.
9:36
ⰺ҅ ⰵⰳⰴⰰ ⰱⱏⰹⱄⱅⱏ ⰳⰾ҃ⰰ!ⱄ. ⱁⰱⱃⱑⱅⰵ ⱄⱔ ⰻⱄ҃. ⰵⰴⰻⱀⱏ. ⰺ҅ ⱅⰻ ⱆⰿⰾⱐⱍⰰⱎⱔ. ⰺ҅ ⱀⰻⰽⱁⰿⱆⰶⰵ ⱀⰵ ⰲⱏⰸⰲⱑⱄⱅⰻⱎⱔ ⰲⱏ ⱅⱏⰹ ⰴⱀⰻ ⱀⰻⱍⱐⱄⱁⰶⰵ ⱁ ⱅⱑⱈⱏ ⱑⰶⰵ ⰲⰻⰴⱑⱎⱔ.
ꙇ҅ егда бꙑстъ гл҃а!с. обрѣте сѧ ис҃. единъ. ꙇ҅ ти оумльчашѧ. ꙇ҅ никомоуже не възвѣстишѧ въ тꙑ дни ничьсоже о тѣхъ ѣже видѣшѧ.
9:37
Ⰱⱏⰹⱄⱅⱏ ⰶⰵ ⰲⱏ ⱂⱃⱁⱍⰻ ⰴⸯⱀⱐ. ⱄⱏⱎⰵⰴⱏⱎⰵⰿⱏ ⰺ҅ⰿⱏ ⱄⱏ ⰳⱁⱃⱏⰹ. ⱄⱏⱃⱑⱅⰵ ⰹ ⱀⰰⱃⱁⰴⱏ ⰿⱀⱁⰳⱏ.
Бꙑстъ же въ прочи дⸯнь. съшедъшемъ ꙇ҅мъ съ горꙑ. сърѣте і народъ многъ.
9:38
ⰺ҅ ⱄⰵ ⰿⱘⰶⱐ ⰺ҅ⰸ ⱀⰰⱃⱁⰴⰰ ⰲⱏⰸⱏⱂⰻ ⰳⰾ̑ⱔ. ⱆⱍⰻⱅⰵⰾ̑ⱓ ⰿⱁⰾ̑ⱙ ⱅⰻ ⱄⱔ. ⱂⱃⰻⰸⱐⱃⰻ ⱀⰰ ⱄⱀ҃ⱏ ⰿⱁⰹ. ⱑⰽⱁ ⰵⰴⰻⱀⱁⱍⱔⰴⱏ ⰿⰻ ⰵⱄⱅⱏ.
ꙇ҅ се мѫжь ꙇ҅з народа възъпи гл̑ѧ. оучител̑ю мол̑ѭ ти сѧ. призьри на сн҃ъ моі. ѣко единочѧдъ ми естъ.
9:39
ⰺ҅ ⱄⰵ ⰴⱈ҃ⱏ ⰵⰿⰾ̑ⰵⱅⱏ ⰹ. ⰺ҅ ⰲⱐⱀⰵⰸⰰⱂⱘ ⰲⱏⱂⰻⰵⱅⱏ. ⰺ҅ ⱂⱃⱘⰶⰰⰰⱅⱏ ⱄⱔ ⱄⱏ ⱂⱑⱀⰰⰿⰻ. ⰺ҅ ⰵⰴⱏⰲⰰ ⱁⱈⱁⰴⰻⱅⱏ ⱁⱅⱏ ⱀ̑ⰵⰳⱁ ⱄⱏⰽⱃⱆⱎⰰⱗ ⰹ.
ꙇ҅ се дх҃ъ емл̑етъ і. ꙇ҅ вьнезапѫ въпиетъ. ꙇ҅ прѫжаатъ сѧ съ пѣнами. ꙇ҅ едъва оходитъ отъ н̑его съкроушаѩ і.
9:40
ⰺ҅ ⰿⱁⰾⰻⱈⱏ ⱄⱔ ⱆⱍⰵⱀⰻⰽⱁⰿⱏ ⱅⰲⱁⰺⰿⱏ. ⰴⰰ ⰺⰶⰴⰵⱀⱘⱅⱏ ⰹ. ⰺ҅ ⱀⰵ ⰲⱏⰸⰿⱁⰳⱘ.
ꙇ҅ молихъ сѧ оученикомъ твоꙇмъ. да ꙇжденѫтъ і. ꙇ҅ не възмогѫ.
9:41
ⱉⱅⱏⰲⱑⱎⱅⰰⰲⱏ ⰶⰵ ⰻⱄ҃. ⱃⰵⱍⰵ ⰵⰿⱆ. ⱉ ⱃⱁⰴⰵ ⱀⰵⰲⱑⱃⸯⱀⱏ. ⰺ҅ ⱃⰰⰸⰲⱃⰰⱎⱅⰵⱀⱏ. ⰴⱁⰽⱁⰾⱑ ⰱⱘⰴⱘ ⰲⱏ ⰲⰰⱄⱏ. ⰺ҅ ⱅⱃⱏⱂⰾ̑ⱙ ⰲⱏⰹ. ⱂⱃⰻⰲⰵⰴⰻ ⱄⱀ҃ⱏ ⱅⰲⱁⰹ ⱄⱑⰿⱁ.
ѡтъвѣштавъ же ис҃. рече емоу. ѡ роде невѣрⸯнъ. ꙇ҅ развраштенъ. доколѣ бѫдѫ въ васъ. ꙇ҅ тръпл̑ѭ вꙑ. приведи сн҃ъ твоі сѣмо.
9:42
ⰵⱎⱅⰵ ⰶⰵ ⰳⱃⱔⰴⱆⱎⱅⱓ ⰵⰿⱆ ⱂⱁⰲⱃⱏⰶⰵ ⰹ ⰱⱑⱄⱏ. ⰺ҅ ⱄⱏⱅⱃⱔⱄⰵ. ⰸⰰⱂⱃⱑⱅⰻ ⰶⰵ ⰻⱄ҃ ⰴⱈ҃ⰲⰻ ⱀⰵⱍⰻⱄⱅⱆⰿⱆ. ⰴⱎ҃ⰵ ⱀⰵⱍⰻⱄⱅⱏⰹ. ⰺ҅ⰸⰻⰴⰻ ⱁⱅⱏ ⱁⱅⱃⱁⰽⰰ. ⰺ҅ ⰻⱌⱑⰾⰻ ⱁⱅⱃⱁⰽⰰ. ⰺ҅ ⰲⱏⰴⰰⱄⱅⱏ ⰹ ⱁⱌ҃ⱓ ⰵⰳⱁ.
еште же грѧдоуштю емоу повръже і бѣсъ. ꙇ҅ сътрѧсе. запрѣти же ис҃ дх҃ви нечистоумоу. дш҃е нечистꙑ. ꙇ҅зиди отъ отрока. ꙇ҅ ицѣли отрока. ꙇ҅ въдастъ і оц҃ю его.
9:43
ⰴⰻⰲⰾ̑ⱑⰰⱈⱘ ⰶⰵ ⱄⱔ ⰲⱄⰻ ⱁ ⰲⰵⰾⰻⱍⰻⰹ ⰱⰶ҃ⰹⰻ. Ⰲⸯⱄⱑⰿⱏ ⰶⰵ ⱍⱓⰴⱔⱎⱅⰵⰿⱏ ⱄⱔ. ⱁ ⰲⱄⱑⱈⱏ ⱑⰶⰵ ⱅⰲⱁⱃ̑ⱑⰰⱎⰵ ⰻⱄ҃. ⱃⰵⱍⰵ ⱆⱍⰵⱀⰻⰽⱁⰿⱏ ⱄⰲⱁⰺⰿⱏ.
дивл̑ѣахѫ же сѧ вси о величиі бж҃іи. Вⸯсѣмъ же чюдѧштемъ сѧ. о всѣхъ ѣже твор̑ѣаше ис҃. рече оученикомъ своꙇмъ.
9:44
ⰲⱏⰾⱁⰶⰻⱅⰵ ⰲⱏⰹ ⰲⱏ ⱆⱎⰻ ⰲⰰⱎⰻ ⱄⰾⱁⰲⰵⱄⰰ ⱄⰻ. ⱄⱀ҃ⱏ ⰱⱁ ⱍⱄ҃ⰽⱏⰹ ⰺ҅ⰿⰰⱅⱏ ⱂⱃⱑⰴⰰⱅⰻ ⱄⱔ. ⰲⱏ ⱃⱘⱌⱑ !ⱍⱄⱌⱑ.
въложите вꙑ въ оуши ваши словеса си. сн҃ъ бо чс҃кꙑ ꙇ҅матъ прѣдати сѧ. въ рѫцѣ !чсцѣ.
9:45
ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⰳⰾ҃ⰰ ⱄⰵⰳⱁ. ⰱⱑ ⰱⱁ ⱂⱃⰻⰽⱃⱏⰲⰵⱀⱏ ⱁⱅⱏ ⱀ̑ⰻⱈⱏ. ⰴⰰ ⱀⰵ ⱁⱎⱅⱓⱅⱔⱅⱏ ⰵⰳⱁ. ⰺ҅ ⰱⱁⱑⰰⱈⱘ ⱄⱔ ⰲⱏⱂⱃⱁⱄⰻⱅⰹ ⰻⰹ. ⱁ ⰳⰾ҃ⱑ ⱄⰵⰿⱐ.
они же не разоумѣшѧ гл҃а сего. бѣ бо прикръвенъ отъ н̑ихъ. да не оштютѧтъ его. ꙇ҅ боѣахѫ сѧ въпроситі иі. о гл҃ѣ семь.
9:46
Ⰲⱐⱀⰻⰴⰵ ⰶⰵ ⱂⱁⰿⱏⰹⱎⰾ̑ⰵⱀⱐⰵ ⰲⱐ ⱀ̑ⱔ. ⰽⱏⱅⱁ ⰺ҅ⱈⱏ ⰲⱔⱎⱅⰻⰹ ⰱⰻ ⰱⱏⰹⰾⱏ.
Вьниде же помꙑшл̑енье вь н̑ѧ. къто ꙇ҅хъ вѧштиі би бꙑлъ.
9:47
ⰺⱄ҃ ⰶⰵ ⰲⱑⰴⱏⰹ ⱂⱁⰿⱏⰹⱎⰾ̑ⰵⱀⱐⰵ ⱄⱃⱏⰴⱐⱌⰰ ⰺ҅ⱈⱏ. ⱂⱃⰻⰹⰿⱏ ⱁⱅⱃⱁⱍⱔ ⱂⱁⱄⱅⰰⰲⰻ ⰵ ⱆ ⱄⰵⰱⰵ.
ꙇс҃ же вѣдꙑ помꙑшл̑енье сръдьца ꙇ҅хъ. приімъ отрочѧ постави е оу себе.
9:48
ⰺ҅ ⱃⰵⱍⰵ ⰺ҅ⰿⱏ. ⰺ҅ⰶⰵ ⰰⱎⱅⰵ ⱂⱃⰻⰹⰿⰵⱅⱏ ⱁⱅⱃⱁⱍⱔ ⱄⰵ. ⰲⱏ ⰺ҅ⰿⱔ ⰿⱁⰵ. ⰿⱔ ⱂⱃⰻⰵⰿⰾ̑ⰵⱅⱏ. ⰺ҅ ⰻⰶⰵ ⰰⱎⱅⰵ ⰿⱔ ⱂⱃⰻⰵⰿⰾ̑ⰵⱅⱏ. ⱂⱃⰻⰵⰿⰾ̑ⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺ҅ⰶⰵ ⰱⱁ ⰿⱐⱀ̑ⰻⰹ ⰵⱄⱅⱏ ⰲⱄⱑⱈⱏ ⰲⰰⱄⱏ. ⱄⱐ ⰵⱄⱅⱏ ⰲⱔⱎⱅⱐⰹ.
ꙇ҅ рече ꙇ҅мъ. ꙇ҅же аште приіметъ отрочѧ се. въ ꙇ҅мѧ мое. мѧ приемл̑етъ. ꙇ҅ иже аште мѧ приемл̑етъ. приемл̑етъ посълавъшааго мѧ. ꙇ҅же бо мьн̑иі естъ всѣхъ васъ. сь естъ вѧштьі.
9:49
Ⱉⱅⱏⰲⱑⱎⱅⰰⰲⱏ ⰶⰵ ⰺ҅ⱁⰰⱀⱀⱏ. ⱃⰵⱍⰵ. ⱀⰰⱄⱅⰰⰲⱐⱀⰻⱍⰵ. ⰲⰻⰴⱑⱈⱁⰿⱏ ⰵⱅⰵⱃⰰ. ⱁ ⰺ҅ⰿⰵⱀⰻ ⱅⰲⱁⰵⰿⱐ. ⰺ҅ⰸⰳⱁⱀⱔⱎⱅⰰ ⰱⱑⱄⱏⰹ. ⰺ҅ ⰲⱏⰸⰱⱃⰰⱀⰻⱈⱁⰿⱏ ⰵⰿⱆ. ⱑⰽⱁ ⰲⱏ ⱄⰾⱑⰴⱏ ⱈⱁⰴⰻⱅⱏ ⱄⱏ ⱀⰰⰿⰻ.
Ѡтъвѣштавъ же ꙇ҅оаннъ. рече. наставьниче. видѣхомъ етера. о ꙇ҅мени твоемь. ꙇ҅згонѧшта бѣсꙑ. ꙇ҅ възбранихомъ емоу. ѣко въ слѣдъ ходитъ съ нами.
9:50
ⰺ҅ ⱃⰵⱍⰵ ⰽⱏ ⱀ̑ⰵⰿⱆ ⰻⱄ҃. ⱀⰵ ⰱⱃⰰⱀⰻⱅⰵ ⰵⰿⱆ. ⱀⱑⱄⱅⱏ ⰱⱁ ⱀⰰ ⰲⱏⰹ. ⰺ҅ⰶⰵ ⰱⱁ ⱀⱑⱄⱅⱏ ⱀⰰ ⰲⱏⰹ ⱂⱁ ⰲⰰⱄⱏ ⰵⱄⱅⱏ.
ꙇ҅ рече къ н̑емоу ис҃. не браните емоу. нѣстъ бо на вꙑ. ꙇ҅же бо нѣстъ на вꙑ по васъ естъ.
9:51
Ⰱⱏⰹ!ⱄ ⰶⰵ ⰵⰳⰴⰰ ⱄⱏⰽⱁⱀⱐⱍⰰⰲⰰⰰⱈⱘ ⱄⱔ ⰴⱐⱀⱐⰵ. ⰲⱏⱄⱈⱁⰶⰴⰵⱀⱐⱓ ⰵⰳⱁ. ⰺ҅ ⱅⱏ ⱆⱅⰲⱃⱏⰴⰻ ⰾⰻⱌⰵ ⱄⰲⱁⰵ ⰺ҅ⱅⰻ ⰲⱏ !ⰹⰾⰿⱏ.
Бꙑ!с же егда съконьчаваахѫ сѧ дьнье. въсхожденью его. ꙇ҅ тъ оутвръди лице свое ꙇ҅ти въ !ілмъ.
9:52
ⰺ҅ ⱂⱁⱄⱏⰾⰰ ⰲⱑⱄⱅⱐⱀⰻⰽⱏⰹ ⱂⱃⱑⰴⱏ ⰾⰻⱌⰵⰿⱐ ⱄⰲⱁⰺⰿⱐ. ⰺ҅ ⱎⱐⰴⱏⱎⰵ ⰲⱐⱀⰻⰴⱘ ⰲⱏ ⰲⱄⱐ ⱄⰰⰿⰰⱃⱑⱀⱐⱄⰽⱘ. ⰴⰰ ⱆⰳⱁⱅⱁⰲⱔⱅⱏ ⰵⰿⱆ.
ꙇ҅ посъла вѣстьникꙑ прѣдъ лицемь своꙇмь. ꙇ҅ шьдъше вьнидѫ въ всь самарѣньскѫ. да оуготовѧтъ емоу.
9:53
ⰺ҅ ⱀⰵ ⱂⱃⰻⱗⱎⱔ ⰵⰳⱁ. ⱑⰽⱁ ⰾⰻⱌⰵ ⰵⰳⱁ ⰱⱑ ⰳⱃⱔⰴⱏⰹ ⰲⱏ !ⰹⰾⰿⱏ.
ꙇ҅ не приѩшѧ его. ѣко лице его бѣ грѧдꙑ въ !ілмъ.
9:54
ⰲⰻⰴⱑⰲⱏⱎⰰ ⰶⰵ ⱆⱍⰵⱀⰻⰽⰰ ⰵⰳⱁ. ⰺ҅ⱑⰽⱁⰲⱏ. ⰺ҅ ⱁⰰⱀⸯⱀⱏ. ⱃⱑⱄⱅⰵ. ⰳ҃ⰻ. ⱈⱁⱎⱅⰵⱎⰻ ⰾⰻ. ⰺ҅ ⱃⰵⱍⰵⰲⱑ. ⰴⰰ ⱁⰳⱀ̑ⱐ ⱄⱏⱎⱐⰴⱏ ⱄⱏ ⱀⰵⰱ҃ⱄⰵ. ⰺ҅ ⱂⱁⱑⱄⱅⱏ ⱗ. ⱑⰽⱁⰶⰵ ⰺ҅ⰾⰻⱑ ⱄⱏⱅⰲⱁⱃⰻ.
видѣвъша же оученика его. ꙇ҅ѣковъ. ꙇ҅ оанⸯнъ. рѣсте. г҃и. хоштеши ли. ꙇ҅ речевѣ. да огн̑ь съшьдъ съ неб҃се. ꙇ҅ поѣстъ ѩ. ѣкоже ꙇ҅лиѣ сътвори.
9:55
ⱉⰱⱃⰰⱎⱅⱐ ⰶⰵ ⱄⱔ ⰸⰰⱂⱃⱑⱅⰻ ⰺ҅ⰿⰰ ⰺ҅ ⱃⰵⱍⰵ. ⱀⰵ ⰲⱑⱄⱅⰰ ⱄⱔ. ⰽⱁⰳⱁ ⰴⱈ҃ⰰ ⰵⱄⱅⰰ ⰲⱏⰹ. ⱄⱀ҃ⱏ ⰱⱁ ⱍⱄ҃ⰽⱏⰹ ⱀⱑⱄⱅⱏ ⱂⱃⰻⱎⱐⰾⱏ. ⰴⱎ҃ⱐ ⱍⱄ҃ⰽⱏ ⱂⱁⰳⱆⰱⰻⱅⱏ. ⱀⱏ ⱄⱂ҃ⱄⱅⱏ.
ѡбрашть же сѧ запрѣти ꙇ҅ма ꙇ҅ рече. не вѣста сѧ. кого дх҃а еста вꙑ. сн҃ъ бо чс҃кꙑ нѣстъ пришьлъ. дш҃ь чс҃къ погоубитъ. нъ сп҃стъ.
9:56
ⰺ҅ ⰻⰴⱘ ⰲⱏ ⰺⱀⱘ ⰲⱐⱄⱐ.
ꙇ҅ идѫ въ ꙇнѫ вьсь.
9:57
Ⰱⱏⰹⱄⱅⱏ ⰶⰵ ⰺ҅ⰴⱘⱎⱅⰵⰿⱏ ⰺ҅ⰿⱏ ⱂⱁ ⱂⱘⱅⰻ. ⱃⰵⱍⰵ ⰵⱅⰵⱃⱏ ⰽⱏ ⱀ̑ⰵⰿⱆ. ⰺ҅ⰴⱘ ⱂⱁ ⱅⰵⰱⱑ ⱑⰿⱁⰶⰵ ⰽⱁⰾⰻⰶⱐⰴⱁ ⰺ҅ⰴⰵⱎⰻ ⰳ҃ⰻ.
Бꙑстъ же ꙇ҅дѫштемъ ꙇ҅мъ по пѫти. рече етеръ къ н̑емоу. ꙇ҅дѫ по тебѣ ѣможе колижьдо ꙇ҅деши г҃и.
9:58
ⰺ҅ ⱃⰵⱍⰵ ⰵⰿⱆ ⰻⱄ҃. ⰾⰻⱄⰻ ⱑⰸⰲⰻⱀⱏⰹ ⰺ҅ⰿⱘⱅⱏ. ⰺ҅ ⱂⸯⱅⰻⱌⱔ ⱀⰱ҃ⱄⰽⱏⰹⱗ ⰳⱀⱑⰸⰴⰰ. ⰰ ⱄⱀ҃ⱏ ⱍⱄ҃ⰽⱏⰹ ⱀⰵ ⰺ҅ⰿⰰⱅⱏ ⰽⱏⰴⰵ ⰳⰾⰰⰲⱏⰹ ⱂⱁⰴⱏⰽⰾⱁⱀⰻⱅⰻ.
ꙇ҅ рече емоу ис҃. лиси ѣзвинꙑ ꙇ҅мѫтъ. ꙇ҅ пⸯтицѧ нб҃скꙑѩ гнѣзда. а сн҃ъ чс҃кꙑ не ꙇ҅матъ къде главꙑ подъклонити.
9:59
ⱃⰵⱍⰵ ⰽⱏ ⰴⱃⱆⰳⱆⰿⱆ. ⱈⱁⰴⰻ ⰲⱏ ⱄⰾⱑⰴⱏ ⰿⰵⱀⰵ. ⱁⱀⱏ ⰶⰵ ⱃⰵⱍⰵ ⰳ҃ⰻ. ⱂⱁⰲⰵⰾⰻ ⰿⰻ. ⰴⱃⰵⰲⰾ̑ⰵ ⱎⱐⰴⱏⱎⰵ ⱂⱁⰳⱃⰵⱅⰻ ⱁⱌ҃ⰰ ⰿⱁⰵⰳⱁ.
рече къ дроугоумоу. ходи въ слѣдъ мене. онъ же рече г҃и. повели ми. древл̑е шьдъше погрети оц҃а моего.
9:60
ⱃⰵⱍⰵ ⰶⰵ ⰵⰿⱆ ⰻⱄ҃. ⱁⱄⱅⰰⰲⰻ ⰿⱃⱏⱅⰲⱏⰺⰿⱏ. ⱂⱁⰳⱃⰵⱅⰻ ⱄⰲⱁⱗ ⰿⱃⱏⱅⰲⱐⱌⱔ. ⱅⱏⰹ ⰶⰵ ⱎⱐⰴⱏ ⰲⱏⰸⰲⱑⱎⱅⰰⰹ ⱌⱃ҃ⱄⰻⰵ ⰱⰶ҃ⱐⰵ.
рече же емоу ис҃. остави мрътвъꙇмъ. погрети своѩ мрътвьцѧ. тꙑ же шьдъ възвѣштаі цр҃сие бж҃ье.
9:61
Ⱃⰵⱍⰵ ⰶⰵ ⰺ҅ ⰴⱃⱆⰳⱏⰺ. ⰺ҅ⰴⱘ ⱂⱁ ⱅⰵⰱⱑ ⰳ҃ⰻ. ⰴⱃⰵⰲⰾ̑ⰵ ⰶⰵ ⱂⱁⰲⰵⰾⰻ ⱁⱅⱏⰲⱃⱑⱎⱅⰻ ⰿⰻ ⱄⱔ. ⰺ҅ⰶⰵ ⱄⱘⱅⱏ ⰲⱏ ⰴⱁⰿⱆ ⰿⱁⰵⰿⱐ.
Рече же ꙇ҅ дроугъꙇ. ꙇ҅дѫ по тебѣ г҃и. древл̑е же повели отъврѣшти ми сѧ. ꙇ҅же сѫтъ въ домоу моемь.
9:62
ⱃⰵⱍⰵ ⰶⰵ. ⱀⰻⰽⱏⱅⱁⰶⰵ ⰲⱏⰸⰾⱁⰶⱐ ⱃⱘⰽⱏⰹ ⱄⰲⱁⰵⱗ ⱀⰰ ⱃⰰⰾⱁ. ⰺ҅ ⰸⱐⱃⱔ ⰲⱐⱄⱂⱔⱅⱐ. ⱆⱂⱃⰰⰲⰾ̑ⰵⱀⱏ ⰵⱄⱅⱏ ⰲⱏ ⱌⱃ҃ⱄⰻ ⰱⰶ҃ⰹⰻ.
рече же. никътоже възложь рѫкꙑ своеѩ на рало. ꙇ҅ зьрѧ вьспѧть. оуправл̑енъ естъ въ цр҃си бж҃іи.