Ꙇ҅ бꙑ!с въ единъ отъ дьніи. оучѧштю емоу л̑юди въ цркъве. ꙇ҅ благовѣствоуѭштю. състашѧ сѧ архⸯиереі. ꙇ҅ кънижьници. съ старци.

гл҃ѭште къ н̑емоу. рьци намъ коеѭ областиѭ се твориши. ꙇ҅ къто естъ давꙑ тебѣ область сьѭ.

*̆ѡтъвѣштавъ же рече къ н̑имъ. въпрошѫ вꙑ ꙇ҅ азъ единого словесе. ꙇ҅ рьцѣте ми.

крьштенье ꙇ҅оанⸯново. съ !нсе ли бѣ. ꙇ҅ли отъ чк҃ъ.

они же помꙑшл̑ѣахѫ вь себѣ гл҃ѭште. ѣко аште речемъ отъ !нсе. речетъ къ намъ. по чьто оубо не вѣровасте емоу.

аште ли речемъ отъ чк҃ъ. л̑юдье вси каменьемь побиѭтъ нꙑ. ꙇ҅звѣстъно бо бѣ л̑юдьмъ. о ꙇоанⸯнѣ. ѣко пророкъ бѣ.

ꙇ҅ отъвѣшташѧ не вѣмъ отъкѫдоу.

ꙇ҅с҃ же рече ꙇ҅мъ. ни азъ гл̑ѭ вамъ. коеѭ областиѭ се творѭ.

начѧтъ же къ л̑юдемъ гл҃ати притъчѫ сьѭ. !Чкъ насади виноградъ. ꙇ҅ въдастъ і дѣлател̑емъ. ꙇ҅ отиде на лѣта многа.

ꙇ҅ въ врѣмѧ посъла къ дѣлател̑емъ рабъ. да отъ плода виноградънааго дадѧтъ емоу. дѣлател̑е же бивъше і поустишѧ тъшть.

ꙇ҅ приложи і дроугꙑ посълати рабъ. они же ꙇ҅ того бивъше. ꙇ҅ досадишѧ емоу. поустишѧ і тъшть.

ꙇ҅ приложи ꙇ҅ третіи посълати. они же ꙇ҅ сего оуѣзвивъше. ꙇ҅згънашѧ.

рече г҃ь винограда. чьто сътвор̑ѭ. посъл̑ѭ сн҃ъ моі вьзл̑юбл̑енъі. некъли сего оусрамл̑ѣѭтъ сѧ.

видѣвъше же і дѣлател̑е. мꙑшл̑ѣахѫ дроугъ къ дроугоу гл҃ѭште. сь естъ наслѣдьникъ оубьѣмъ і. да наше бѫдетъ достоѣнье.

ꙇ҅зведъше же і вънъ ꙇ҅з винограда оубишѧ. чьто оубо сътворитъ ꙇ҅мъ г҃ь винограда.

придетъ ꙇ҅ погоубитъ дѣлател̑ѧ сьѩ. ꙇ҅ въдастъ виноградъ ꙇ҅нѣмъ. слꙑшавъше же рѣшѧ да не бѫдетъ.

онъ же възьрѣвъ на н̑ѧ рече. чьто оубо естъ напⸯсаное се. камень егоже неврѣдоу сътворишѧ зиждѫштеі. събꙑстъ въ главѫ ѫгълоу.

вⸯсѣкъ падꙑ на камене семь съкроушитъ сѧ. *̆а на н̑емьже падетъ. сътьретъ і.

ꙇ҅ вьзискашѧ. архиереі ꙇ҅ кънижьници. възложити на н̑ь рѫцѣ въ тъ часъ. ꙇ҅ оубоѣшѧ сѧ л̑юдиі. разоумѣшѧ бо ѣко къ н̑имъ рече притъчѫ сьѭ.

ꙇ҅ съглѧдавъше посълашѧ дѣлател̑ѧ. творѧште сѧ паведьници сѫште. да ꙇ҅мѫтъ і въ словеси. да бѫ і прѣдали владꙑчьствоу. ꙇ҅ области воеводъ.

ꙇ҅ въпросишѧ і гл̑ѭште. оучител̑ю. вѣмъ ѣко правь гл҃еши. ꙇ҅ не на лице зьриши. нъ въ ꙇ҅стинѫ пѫти бж҃ию оучиши.

достоꙇтъ ли намъ к̑есареви дань даѣти ꙇ҅ли ни.

разоумѣвъ же льсть ꙇ҅хъ. рече къ н̑имъ.

покажѣте ми пѣнѧзь. чиі ꙇ҅матъ образъ ꙇ҅ напⸯсанье. они же рѣшѧ к̑есаревъ.

онъ же рече къ н̑имъ въздадите оубо кесаревое к̑есареви. ѣже сѫтъ бж҃иѣ !бви.

ꙇ҅ не могошѧ зазьрѣти.... гл҃ѣ его прѣдъ л̑юдьми. ꙇ҅ дивьше сѧ о отъвѣтѣ его оумльчашѧ.

Пристѫпишѧ же етеріи отъ садоук̑еі гл̑ѭште. въскрѣшенью не бꙑти. ꙇ҅ въпрашаахѫ

гл҃ѭште. оучител̑ю моси напⸯсалъ естъ намъ. аште комоу братръ оумьретъ. ꙇ҅мꙑ женѫ. ꙇ҅ тъ бештѧдьнъ бѫдетъ. да поꙇ҅метъ братръ его женѫ. ꙇ҅ въскрѣситъ сѣмѧ братра своего.

седмь оубо братрьѩ бѣ. ꙇ҅ пръвꙑ поꙇ҅мъ женѫ оумрѣтъ. ꙇ҅ бѧштьдьнъ.

ꙇ҅ поѩтъ въторꙑ женѫ. ꙇ҅ тъ оумрѣтъ бештѧда.

ꙇ҅ третиі поѩтъ ѭ такоже ꙇ҅ вⸯсѣ седмь оумрѣшѧ. не оставъше чѧдъ.

послѣдь же вⸯсѣхъ ꙇ҅ жена оумрѣтъ.

въ въскрѣшенье оубо. которааго ꙇ҅хъ бѫдетъ жена. седмь бо ꙇ҅мѣшѧ ѭ женѫ.

ꙇ҅ отъвѣштавъ ꙇс҃. рече ꙇ҅мъ. сн҃ове вѣка сего женѧтъ сѧ. ꙇ҅ посагаѭтъ.

а съподобьшеі сѧ. вѣкъ тъ оулоучѧтъ. ꙇ҅ въскрѣшенье еже отъ мрътвъꙇ҅хъ. ни женѧтъ сѧ. ни посагаѭтъ.

ни оумрѣти бо потомь могѫтъ. равьни бо сѫтъ ађ҃ломъ. ꙇ҅ сн҃ове сѫтъ бж҃і. въскрѣшенью сн҃ове сѫтъ.

ѣко въстаѭтъ мрътвіи. ꙇ҅ моси съказа при кѫпинѣ. ѣкоже гл҃а. !гѣ !ба авраамл̑ѣ. ꙇ҅ б҃а ꙇ҅саакова. ꙇ҅ б҃а ꙇ҅ѣковл̑ѣ.

б҃ъ же нѣстъ мрътвъꙇ҅хъ. нъ живꙑхъ. вьси бо томоу живи сѫтъ.

отъвѣштавъше же. етеріи. кънижьникъ рѣшѧ. оучител̑ю. добрѣ рече.

Въ томоу же не съмѣахѫ его въпрашати ничьсоже.

рече же ꙇ҅мъ. како !глѭтъ кън̑игꙑ. х҃а бꙑти сн҃а !дава.

самъ бо да҃дъ гл҃етъ. въ кънигахъ сⸯпалъмьскꙑхъ. Рече г҃ь гв҃и моемоу. сѣди о деснѫѭ мене.

доньдеже положѫ врагꙑ твоѩ. подъ ножью ногама твоꙇ҅ма.

да҃дъ ꙇ оубо !гѣ нарицаетъ. то како сн҃ъ емоу естъ.

Слꙑшѧштемъ же вⸯсѣмъ л̑юдьмъ. рече къ оученикомъ своꙇ҅мъ.

вьнемл̑ѣте отъ кънижьникъ. хотѧштиꙇ҅хъ въ одеждахъ ходити. ꙇ҅ л̑юбѧште цѣлованьѣ на тръжиштихъ. ꙇ҅ прѣдьсѣданиѣ на сънъмиштихъ. ꙇ҅ прѣждезъваньѣ на обѣдѣхъ.

Ꙇ҅же сънѣдаѭтъ домꙑ въдовиць. ꙇ҅ виноѭ далече молѧтъ сѧ. сиі приꙇ҅мѫтъ осѫжденье большее.