ЕВАНГЕЛИЕ ЕЖЕ Ѿ ЛОУКꙐ
12:1
ⱁ ⱀⰻⱈⱏⰶⰵ ⱄⱏⱀⱏⰿⱏⱎⰵⰿⱏ ⱄⱔ ⱅⱏⰿⰰⰿⱏ ⱀⰰⱃⱁⰴⰰ. ⱑⰽⱁ ⱂⱃⱑⱂⰻⱃⰰⰰⱈⱘ ⰴⱃⱆⰳⱏ ⰴⱃⱆⰳⰰ. Ⱀⰰⱍⱔⱅⱏ ⰳⰾ҃ⰰⱅⰻ ⰽⱐ ⱆⱍⰵⱀⰻⰽⱁⰿⱏ ⱄⰲⱁⰺⰿⱏ. ⱂⱃⱏⰲⱑⰵ ⰲⱐⱀⰵⰿⰾ̑ⱑⱅⰵ ⱄⰵⰱⱑ ⱁⱅⱏ ⰽⰲⰰⱄⰰ ⱇⰰⱃⰻⱄⱑⰺ҅ⱄⰽⰰ. ⰵⰶⰵ ⰵⱄⱅⱏ ⰾⰻⱌⰵⰿⱑⱃⱐⰵ.
о нихъже сънъмъшемъ сѧ тъмамъ народа. ѣко прѣпираахѫ дроугъ дроуга. Начѧтъ гл҃ати кь оученикомъ своꙇмъ. пръвѣе вьнемл̑ѣте себѣ отъ кваса фарисѣꙇ҅ска. еже естъ лицемѣрье.
12:2
Ⱀⰻⱍⱐⱅⱁⰶⰵ ⰱⱁ ⱂⱁⰽⱃⱏⰲⰵⱀⱁ ⰵⱄⱅⱏ. ⰵⰶⰵ ⱀⰵ ⱁⱅⱏⰽⱃⱏⰹⰵⱅⱏ ⱄⱔ. ⰺ҅ ⱅⰰⰺⱀⱁ ⰵⰶⰵ ⱀⰵ ⱃⰰⰸⱆⰿⱑⰵⱅⱏ ⱄⱔ.
Ничьтоже бо покръвено естъ. еже не отъкрꙑетъ сѧ. ꙇ҅ таꙇно еже не разоумѣетъ сѧ.
12:3
ⰲⱐ ⱄⰲⱑⱅⱑ ⱆⱄⰾⱏⰹⱎⰻⱅⱏ ⱄⱔ. ⰺ҅ ⰵⰶⰵ ⰽⱏ ⱆⱈⱆ ⰳⰾ҃ⰰⱄⱅⰵ. ⰲⱏ ⱅⰰⰺⰾⰻⱎⱅⰻⱈⱏ. ⱂⱃⱁⱂⱁⰲⱑⱄⱅⱏ ⱄⱔ ⱀⰰ ⰽⱃⱁⰲⱑⱈⱏ.
вь свѣтѣ оуслꙑшитъ сѧ. ꙇ҅ еже къ оухоу гл҃асте. въ таꙇлиштихъ. проповѣстъ сѧ на кровѣхъ.
12:4
ⰳⰾ҃ⱙ ⰶⰵ ⰲⰰⰿⱏ ⰴⱃⱆⰳⱁⰿⱏ ⰿⱁⰺ҅ⰿⱏ. ⱀⰵ ⱆⰱⱁⰺⱅⰵ ⱄⱔ ⱁⱅⱏ ⱆⰱⰻⰲⰰⱙⱎⱅⰹⰻⱈⱏ ⱅⱑⰾⱁ. ⰺ҅ ⱀⰵ ⱂⱁ ⱅⱁⰿⱐ ⱀⰵ ⰺ҅ⰿⱘⱎⱅⰵⰿⱏ. ⰾⰻⱈⰰ ⱍⰵⱄⱁ ⱄⱏⱅⰲⱁⱃⰻⱅⰻ.
гл҃ѭ же вамъ дроугомъ моꙇ҅мъ. не оубоꙇте сѧ отъ оубиваѭштіихъ тѣло. ꙇ҅ не по томь не ꙇ҅мѫштемъ. лиха чесо сътворити.
12:5
ⱄⱏⰽⰰⰸⰰⱙ ⰶⰵ ⰲⰰⰿⱏ. ⰽⱁⰳⱁ ⱄⱔ ⱆⰱⱁⰺⱅⰵ. ⱆⰱⱁjⱅⰵ ⱄⱔ ⰺ҅ⰿⱘⱎⱅⰰⰰⰳⱁ ⰲⰾⰰⱄⱅⱐ. ⱂⱁ ⱆⰱⱐⰵⱀⰹⰻ ⰲⱐⰲⱃⱑⱎⱅⰻ ⰲⱏ ⰼⰵⱁⱀⱘ. ⰵⰹ ⰳⰾ̑ⱙ ⰲⰰⰿⱏ. ⱅⱁⰳⱁ ⱆⰱⱁⰺ҅ⱅⰵ ⱄⱔ.
съказаѭ же вамъ. кого сѧ оубоꙇте. оубоjте сѧ ꙇ҅мѫштааго власть. по оубьеніи вьврѣшти въ ђеонѫ. еі гл̑ѭ вамъ. того оубоꙇ҅те сѧ.
12:6
ⱀⰵ ⱂⱔⱅⱐ ⰾⰻ ⱂⱐⱅⰻⱌⱐ. ⰲⱑⱀⰻⱅⱏ ⱄⱔ ⱂⱑⱀⱔⰸⰵⰿⰰ ⰴⸯⰲⱑⰿⰰ. ⰺ҅ ⱀⰻ ⰵⰴⰻⱀⰰ ⱁⱅⱏ ⱀ̑ⰻⱈⱏ. ⱀⱑⱄⱅⱏ ⰸⰰⰱⱏⰲⰵⱀⰰ ⱂⱃⱑⰴⱏ ⰱ҃ⰿⱐ.
не пѧть ли пьтиць. вѣнитъ сѧ пѣнѧзема дⸯвѣма. ꙇ҅ ни едина отъ н̑ихъ. нѣстъ забъвена прѣдъ б҃мь.
12:7
ⱀⱏ ⰺ ⰲⰾⰰⱄⰻ ⰳⰾⰰⰲⱏⰹ ⰲⰰⱎⰵⱗ. ⰲⱐⱄⰻ ⰺ҅ⱎⱅⱐⱅⰵⱀⰻ ⱄⱘⱅⱏ. ⱀⰵ ⰱⱁⰺⱅⰵ ⱆⰱⱁ. ⰿⱏⱀⱁⰸⱑⱈⱏ ⱂⱐⱅⰻⱌⱐ ⱄⱆⰾⱑⰺ҅ⱎⰻ ⰵⱄⱅⰵ ⰲⱏⰹ.
нъ ꙇ власи главꙑ вашеѩ. вьси ꙇ҅штьтени сѫтъ. не боꙇте оубо. мънозѣхъ пьтиць соулѣꙇ҅ши есте вꙑ.
12:8
Ⰳⰾ̑ⱙ ⰶⰵ ⰲⰰⰿⱏ. ⰲⱄⱑⰽⱏ ⰺⰶⰵ ⰽⱁⰾⰻⰶⱐⰴⱁ. ⰺ҅ⱄⱂⱁⰲⱑⱄⱅⱏ ⰿⱔ ⱂⱃⱑⰴⱏ ⱍⰽ҃ⱏⰹ. ⰺ҅ ⱄⱀ҃ⱏ ⱍⱄ҃ⰽⱏⰹ ⰺ҅ⱄⱂⱁⰲⱑⱄⱅⱏ ⰺ҅. ⱂⱃⱑⰴⱏ ⰰⰼ҃ⰾⱏⰹ ⰱⰶ҃ⰹⰹ.
Гл̑ѭ же вамъ. всѣкъ ꙇже колижьдо. ꙇ҅сповѣстъ мѧ прѣдъ чк҃ꙑ. ꙇ҅ сн҃ъ чс҃кꙑ ꙇ҅сповѣстъ ꙇ҅. прѣдъ ађ҃лꙑ бж҃іі.
12:9
Ⰰ ⱁⱅⱏⰲⱃⱏⰳⱏⰹ ⱄⱔ ⰿⰵⱀⰵ ⱂⱃⱑⰴⱏ ⱍⰽ҃ⱏⰹ. ⱁⱅⱏⰲⱃⱏⰶⰵⱀⱏ ⰱⱘⰴⰵⱅⱏ ⱂⱃⱑⰴⱏ ⰰⰼ҃ⰾⱏⰹ ⰱⰶ҃ⰹⰻ.
А отъвръгꙑ сѧ мене прѣдъ чк҃ꙑ. отъвръженъ бѫдетъ прѣдъ ађ҃лꙑ бж҃іи.
12:10
ⰺ҅ ⰲⱄⱑⰽⱏ ⰺ҅ⰶⰵ ⱃⰵⱍⰵⱅⱏ ⱄⰾⱁⰲⱁ ⱀⰰ ⱄⱀ҃ⱏ ⱍⱄ҃ⰽⱏⰹ. ⱁⱅⱏⱂⱆⱄⱅⰻⱅⱏ ⱄⱔ ⰵⰿⱆ. Ⰰ ⰺⰶⰵ ⰲⰾⰰⱄⰲⰻⰿⰻⱄⰰⰵⱅⱏ ⱀⰰ ⰴⱈ҃ⱏ ⱄⱅ҃ⱏⰹ. ⱀⰵ ⱁⱅⱏⱂⱆⱄⱅⰻⱅⱏ ⱄⱔ ⰵⰿⱆ.
ꙇ҅ всѣкъ ꙇ҅же речетъ слово на сн҃ъ чс҃кꙑ. отъпоуститъ сѧ емоу. А ꙇже власвимисаетъ на дх҃ъ ст҃ꙑ. не отъпоуститъ сѧ емоу.
12:11
ⰵⰳⰴⰰ ⰶⰵ ⱂⱃⰻⰲⰵⰴⱘⱅⱏ ⰲⱏⰹ ⱀⰰ ⱄⱏⱀⱏⰿⰻⱎⱅⰰ. ⰺ҅ ⰲⰾⰰⱄⱅⰻ. ⰺ҅ ⰲⰾⰰⰴⱏⰹⱍⱐⱄⱅⰲⰻⱑ. ⱀⰵ ⱂⱐⱌⱑⱅⰵ ⱄⱔ ⰽⰰⰽⱁ ⰾⰻ ⱍⱐⱅⱁ ⱂⱁⰿⱏⰹⱄⰾⰻⱅⰵ. ⰾⰻ ⱍⱐⱅⱁ ⱃⰵⱍⰵⱅⰵ.
егда же приведѫтъ вꙑ на сънъмишта. ꙇ҅ власти. ꙇ҅ владꙑчьствиѣ. не пьцѣте сѧ како ли чьто помꙑслите. ли чьто речете.
12:12
ⱄⱅ҃ⱏⰹ ⰱⱁ ⰴⱈ҃ⱏ ⱀⰰⱆⱍⰻⱅⱏ ⰲⱏⰹ. ⰲⱏ ⱅⱏ ⱍⰰⱄⱏ ⱑⰽⱁⰶⰵ ⱂⱁⰴⱁⰱⰰⰵⱅⱏ ⰳⰾ҃ⰰⱅⰻ.
ст҃ꙑ бо дх҃ъ наоучитъ вꙑ. въ тъ часъ ѣкоже подобаетъ гл҃ати.
12:13
Ⱃⰵⱍⰵ ⰶⰵ ⰵⰿⱆ ⰵⱅⰵⱃⱏ ⱁⱅⱏ ⱀⰰⱃⱁⰴⰰ. ⱆⱍⰻⱅⰵⰾ̑ⱓ. ⱃⱐⱌⰻ ⰱⱃⰰⱅⱆ ⰿⱁⰵⰿⱆ. ⰴⰰ ⱃⰰⰸⰴⱑⰾⰻⱅⱏ ⱄⱏ ⰿⱏⱀⱁⱙ ⰴⱁⱄⱅⱁⱑⱀⰻⰵ.
Рече же емоу етеръ отъ народа. оучител̑ю. рьци братоу моемоу. да раздѣлитъ съ мъноѭ достоѣние.
12:14
ⱉⱀⱏ ⰶⰵ ⱃⰵⱍⰵ ⰵⰿⱆ ⱍⰾⱁⰲⱑⱍⰵ. ⰽⱏⱅⱁ ⰿⱔ ⱂⱁⱄⱅⰰⰲⰻ ⱄⱘⰴⰻⱙ ⰾⰻ ⰴⱑⰾⰰⱅⰵⰾ̑ⱑ ⱀⰰⰴⱏ ⰲⰰⰿⰻ.
ѡнъ же рече емоу чловѣче. къто мѧ постави сѫдиѭ ли дѣлател̑ѣ надъ вами.
12:15
ⱃⰵⱍⰵ ⰶⰵ ⰽⱏ ⱀ̑ⰻⰿⱏ. ⰱⰾ̑ⱓⰴⱑⱅⰵ ⱄⱔ. ⰺ҅ ⱈⱃⰰⱀⰻⱅⰵ ⱄⱔ. ⱁⱅⱏ ⰲⱄⱑⰽⱁⰳⱁ ⰾⰻⱈⱁⰺ҅ⰿⰻⱑ. ⱑⰽⱁ ⱀⰵ ⱁⱅⱏ ⰺ҅ⰸⰱⱏⰹⱅⱏⰽⰰ ⰽⱁⰿⱆⰶⱐⰴⱁ. ⰶⰻⰲⱁⱅⱏ ⰵⰳⱁ ⰵⱄⱅⱏ. ⱁ ⰺ҅ⰿⱑⱀⰻⰹ ⰵⰿⱆ.
рече же къ н̑имъ. бл̑юдѣте сѧ. ꙇ҅ храните сѧ. отъ всѣкого лихоꙇ҅миѣ. ѣко не отъ ꙇ҅збꙑтъка комоужьдо. животъ его естъ. о ꙇ҅мѣниі емоу.
12:16
ⱃⰵⱍⰵ ⰶⰵ ⱂⱃⰻⱅⱏⱍⱘ ⰽⱏ ⱀ̑ⰻⰿⱏ ⰳⰾ҃ⱔ. !Ⱍⰽⱆ ⰵⱅⰵⱃⱆ ⰱⱁⰳⰰⱅⱆ. ⱆⰳⱁⰱⱐⰸⰻ ⱄⱔ ⱀ̑ⰻⰲⰰ.
рече же притъчѫ къ н̑имъ гл҃ѧ. !Чкоу етероу богатоу. оугобьзи сѧ н̑ива.
12:17
ⰺ҅ ⰿⱏⰹⱎⰾ̑ⱑⰰⱎⰵ ⰲⱐ ⱄⰵⰱⱑ !ⰳⰾⱗ. ⱍⱐⱅⱁ ⱄⱏⱅⰲⱁⱃ̑ⱙ. ⱑⰽⱁ ⱀⰵ ⰺ҅ⰿⰰⰿⱐ ⰽⱏⰴⰵ ⱄⱏⰱⰻⱃⰰⱅⰻ. ⱂⰾⱁⰴⱏ ⰿⱁⰺ҅ⱈⱏ.
ꙇ҅ мꙑшл̑ѣаше вь себѣ !глѩ. чьто сътвор̑ѭ. ѣко не ꙇ҅мамь къде събирати. плодъ моꙇ҅хъ.
12:18
ⰺ҅ ⱃⰵⱍⰵ ⱄⰵ ⱄⱏⱅⰲⱁⱃ̑ⱙ. ⱃⰰⰸⱁⱃ̑ⱙ ⰶⰻⱅⱐⱀⰻⱌⱘ ⰿⱁⱙ. ⰺ҅ ⰱⱁⰾⱐⱎⱘ ⱄⱏⰸⰻⰶⰴⱘ. ⰺ҅ ⱄⱏⰱⰵⱃⱘ ⱅⱆ ⰶⰻⱅⰰ ⰿⱁⱑ. ⰺ҅ ⰴⱁⰱⱃⱁ ⰿⱁⰵ.
ꙇ҅ рече се сътвор̑ѭ. разор̑ѭ житьницѫ моѭ. ꙇ҅ большѫ съзиждѫ. ꙇ҅ съберѫ тоу жита моѣ. ꙇ҅ добро мое.
12:19
ⰺ҅ ⱃⰵⰽⱘ ⰴⱎ҃ⰻ ⰿⱁⰵⰹ. ⰴⱎ҃ⰵ. ⰺ҅ⰿⰰⱎⰻ ⰿⱏⱀⱁⰳⱁ ⰴⱁⰱⱃⱁ ⰾⰵⰶⱔⱎⱅⰵ ⱀⰰ ⰾⱑⱅⰰ ⰿⱀⱁⰳⰰ. ⱂⱁⱍⰻⰲⰰⰹ. ⱑⰶⰴⱐ ⱂⰻⰹ. ⰲⰵⱄⰵⰾⰻ ⱄⱔ.
ꙇ҅ рекѫ дш҃и моеі. дш҃е. ꙇ҅маши мъного добро лежѧште на лѣта многа. почиваі. ѣждь пиі. весели сѧ.
12:20
Ⱃⰵⱍⰵ ⰶⰵ ⰵⰿⱆ ⰱ҃ⱏ. ⰱⰵⰸⱆⰿⱐⱀⰵ. ⰲⱏ ⱄⰻⱙ ⱀⱁⱎⱅⱐ ⰴⱎ҃ⱘ ⱅⰲⱁⱙ ⰺ҅ⱄⱅⱔⰸⰰⱙ ⱁⱅⱏ ⱅⰵⰱⰵ. ⰰ ⱑⰶⰵ ⱆⰳⱁⱅⱁⰲⰰ ⰽⱁⰿⱆ ⰱⱘⰴⱘⱅⱏ.
Рече же емоу б҃ъ. безоумьне. въ сиѭ ношть дш҃ѫ твоѭ ꙇ҅стѧзаѭ отъ тебе. а ѣже оуготова комоу бѫдѫтъ.
12:21
ⱅⰰⰽⱁ ⱄⱏⰱⰻⱃⰰⱗⰹ ⱄⰵⰱⱑ. ⰰ ⱀⰵ ⰲⱏ ⰱ҃ⱏ ⰱⱁⰳⰰⱅⱑⱗ.
тако събираѩі себѣ. а не въ б҃ъ богатѣѩ.
12:22
ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱄⰵⰳⱁ ⱃⰰⰴⰻ ⰳⰾ҃ⱙ ⰲⰰⰿⱏ. ⱀⰵ ⱂⱐⱌⱑⱅⰵ ⱄⱔ ⰴⱎ҃ⰵⱙ ⱍⱐⱅⱁ ⱑⱄⱅⰵ. ⱀⰻ ⱅⱑⰾⱁⰿⱐ ⰲⱏ ⱍⱐⱅⱁ ⱁⰱⰾⱑⱍⰵⱅⰵ ⱄⱔ.
рече же къ оученикомъ своꙇ҅мъ. сего ради гл҃ѭ вамъ. не пьцѣте сѧ дш҃еѭ чьто ѣсте. ни тѣломь въ чьто облѣчете сѧ.
12:23
ⰴⱎ҃ⰰ ⰱⱁ ⰱⱁⰾⱐⱎⰻ ⰵⱄⱅⱏ ⱂⰻⱎⱅⱔ. ⰺ҅ ⱅⱑⰾⱁ ⱁⰴⰵⰶⰴⱔ.
дш҃а бо больши естъ пиштѧ. ꙇ҅ тѣло одеждѧ.
12:24
ⱄⱏⰿⱁⱅⱃⰻⱅⰵ ⰲⱃⰰⱀⱏ. ⰽⰰⰽⱁ ⱀⰵ ⱄⱑⱙⱅⱏ ⱀⰻ ⰶⱐⱀ̑ⱙⱅⱏ. ⰺ҅ⰿⱏⰶⰵ ⱀⱑⱄⱅⱏ ⱄⱏⰽⱃⱁⰲⰻⱎⱅⰰ. ⱀⰻ ⱈⱃⰰⱀⰻⰾⰻⱎⱅⰰ. ⰺ҅ ⰱ҃ⱏ ⱂⰻⱅⱑⰵⱅⱏ ⱗ. ⰽⱁⰾⱐⰿⰻ ⱂⰰⱍⰵ ⰲⱏⰹ ⰵⱄⱅⰵ ⰾⱆⱍⱐⱎⰻ ⱂⱐⱅⰻⱌⱐ.
съмотрите вранъ. како не сѣѭтъ ни жьн̑ѭтъ. ꙇ҅мъже нѣстъ съкровишта. ни хранилишта. ꙇ҅ б҃ъ питѣетъ ѩ. кольми паче вꙑ есте лоучьши пьтиць.
12:25
ⰽⱏⱅⱁ ⰶⰵ ⱁⱅⱏ ⰲⰰⱄⱏ ⱂⰵⰽⱏⰹ ⱄⱔ ⰿⱁⰶⰵⱅⱏ. ⱂⱃⰻⰾⱁⰶⰻⱅⰻ ⱅⱑⰾⰵⱄⰵ ⱄⰲⱁⰵⰿⱐ ⰾⰰⰽⱏⱅⱐ ⰵⰴⰻⱀⱏ.
къто же отъ васъ пекꙑ сѧ можетъ. приложити тѣлесе своемь лакъть единъ.
12:26
ⰰⱎⱅⰵ ⱆⰱⱁ ⱀⰻ ⰿⰰⰾⰰ ⱍⰵⱄⱁ ⰿⱁⰶⰵⱅⰵ. ⱍⱐⱅⱁ ⰲⱏ ⱂⱃⱁⱍⰻⰹⱈⱏ ⱂⰵⱍⰵⱅⰵ ⱄⱔ.
аште оубо ни мала чесо можете. чьто въ прочиіхъ печете сѧ.
12:27
ⱄⱏⰿⱁⱅⱃⰻⱅⰵ ⱌⰲⱑⱅⱏ ⱄⰵⰾⱏⱀⱏⰺ҅ⱈⱏ. ⰽⰰⰽⱁ ⱃⰰⱄⱅⱘⱅⱏ. ⱀⰵ ⱅⱃⱆⰶⰴⰰⱙⱅⱏ ⱄⱔ ⱀⰻ ⱂⱃⱔ[ⰴ]ⱘⱅⱏ. ⰳⰾ҃ⱙ ⰶⰵ ⰲⰰⰿⱏ. ⱑⰽⱁ ⱀⰻ ⱄⱁⰾⱁⰿⱆⱀⱏ. ⰲⱏ ⰲⱄⰵⰹ ⱄⰾⰰⰲⱑ ⱄⰲⱁⰵⰹ ⱁⰱⰾⱑⱍⰵ ⱄⱔ. ⱑⰽⱁ ⰵⰴⰻⱀⱏ ⱁⱅⱏ ⱄⰻⱈⱏ.
съмотрите цвѣтъ селънъꙇ҅хъ. како растѫтъ. не троуждаѭтъ сѧ ни прѧ[д]ѫтъ. гл҃ѭ же вамъ. ѣко ни соломоунъ. въ всеі славѣ своеі облѣче сѧ. ѣко единъ отъ сихъ.
12:28
ⰰⱎⱅⰵ ⰾⰻ ⰶⰵ ⱅⱃⱑⰲⱘ. ⰴⱐⱀⱐⱄⱐ ⱀⰰ ⱄⰵⰾⱑ ⱄⱘⱎⱅⱘ. ⰺ҅ ⱆⱅⱃⱑ ⰲⱏ ⱂⰵⱎⱅⱐ ⰲⱏⰿⱑⱅⰰⰵⰿⱘ. ⰱ҃ⱏ ⱅⰰⰽⱁ ⱁⰴⱑⰵⱅⱏ. ⰽⱁⰾⱐⰿⰻ ⱂⰰⱍⰵ ⰲⰰⱄⱏ ⰿⰰⰾⱁⰲⱑⱃⰻ.
аште ли же трѣвѫ. дьньсь на селѣ сѫштѫ. ꙇ҅ оутрѣ въ пешть въмѣтаемѫ. б҃ъ тако одѣетъ. кольми паче васъ маловѣри.
12:29
ⰺ҅ ⰲⱏⰹ ⱀⰵ ⰺ҅ⱎⱅⱑⱅⰵ ⱍⱐⱅⱁ ⰺ҅ⰿⰰⱅⰵ ⱑⱄⱅⰻ. ⰺ҅ ⱍⱐⱅⱁ ⱂⰻⱅⰻ. ⰺ҅ ⱀⰵ ⰲⱏⰸⱀⱁⱄⰻⱅⰵ ⱄⱔ.
ꙇ҅ вꙑ не ꙇ҅штѣте чьто ꙇ҅мате ѣсти. ꙇ҅ чьто пити. ꙇ҅ не възносите сѧ.
12:30
ⰲⱐⱄⱑⱈⱏ ⱄⰻⱈⱏ ⱗⰸⱏⰹⱌⰻ ⰿⰻⱃⰰ ⱄⰵⰳⱁ ⰺ҅ⱎⱅⱘⱅⱏ. ⰲⰰⱎⱐ ⰶⰵ ⱁⱌ҃ⱐ ⰲⱑⱄⱅⱏ. ⱑⰽⱁ ⱅⱃⱑⰱⱆⰵⱅⰵ ⱄⰻⱈⱏ.
вьсѣхъ сихъ ѩзꙑци мира сего ꙇ҅штѫтъ. вашь же оц҃ь вѣстъ. ѣко трѣбоуете сихъ.
12:31
ⱁⰱⰰⱍⰵ ⰺ҅ⱎⱅⰰⱅⰵ ⱌⱃ҃ⱄⱐⱑ ⰱⰶ҃ⰻⱑ. ⰺ҅ ⱄⰻ ⰲⱄⱑ ⱂⱃⰻⰾⱁⰶⱔⱅⱏ ⱄⱔ ⰲⰰⰿⱏ.
обаче ꙇ҅штате цр҃сьѣ бж҃иѣ. ꙇ҅ си всѣ приложѧтъ сѧ вамъ.
12:32
Ⱀⰵ ⰱⱁⰺ҅ⱅⰵ ⱄⱔ ⰿⰰⰾⱁⰵ ⱄⱅⰰⰴⱁ. ⱑⰽⱁ ⰱⰾⰰⰳⱁⰺ҅ⰸⰲⱁⰾⰻ ⱁⱌ҃ⱐ ⰲⰰⱎⱐ. ⰴⰰⱅⰻ ⰲⰰⰿⱏ ⱌⱃ҃ⱄⱐⰵ.
Не боꙇ҅те сѧ малое стадо. ѣко благоꙇ҅зволи оц҃ь вашь. дати вамъ цр҃сье.
12:33
ⱂⱃⱁⰴⰰⰴⰻⱅⰵ ⰺ҅ⰿⱑⱀⱐⰵ ⰲⰰⱎⰵ. ⰺ҅ ⰴⰰⰴⰻⱅⰵ ⰿⰻⰾⱁⱄⱅⱏⰹⱀ̑ⱙ. Ⱄⱏⱅⰲⱁⱃⰻⱅⰵ ⰲⱏⰾⰰⰳⰰⰾⰻⱎⱅⰵ ⱀⰵ ⰲⰵⱅⱏⱎⰰⱙⱎⱅⰵ. ⱄⱏⰽⱃⱁⰲⰻⱎⱅⰵ ⱀⰵ ⱄⰽⱘⰴⱑⰵⰿⱁ. ⱀⰰ !ⱀⱄⱈⱏ. ⰺ҅ⰴⰵⰶⰵ ⱅⰰⱅⱐ ⱀⰵ ⱂⱃⰻⰱⰾⰻⰶⰰⰵⱅⱏ ⱄⱔ. ⱀⰻ ⱅⱐⰾ̑ⱑ ⱅⱐⰾⰻⱅⱏ. ⱀⰻ ⱍⱃⱏⰲⱐ.
продадите ꙇ҅мѣнье ваше. ꙇ҅ дадите милостꙑн̑ѭ. Сътворите вълагалиште не ветъшаѭште. съкровиште не скѫдѣемо. на !нсхъ. ꙇ҅деже тать не приближаетъ сѧ. ни тьл̑ѣ тьлитъ. ни чръвь.
12:34
ⰺ҅ⰴⰵⰶⰵ ⰱⱁ ⰵⱄⱅⱏ ⱄⱏⰽⱃⱁⰲⰻⱎⱅⰵ ⰲⰰⱎⰵ. ⱅⱆ ⰺ҅ ⱄⱃⱏⰴⱐⱌⰵ ⰲⰰⱎⰵ ⰱⱘⰴⰵⱅⱏ.
ꙇ҅деже бо естъ съкровиште ваше. тоу ꙇ҅ сръдьце ваше бѫдетъ.
12:35
Ⰱⱘⰴⱘ ⱍⱃⱑⱄⰾⰰ ⰲⰰⱎⰰ ⱂⱃⱑⱂⱁⱑⱄⰰⱀⰰ. ⰺ҅ ⱄⰲⱑⱅⰻⰾⱐⱀⰻⱌⰻ ⰳⱁⱃⱘⱎⱅⰵ.
Бѫдѫ чрѣсла ваша прѣпоѣсана. ꙇ҅ свѣтильници горѫште.
12:36
ⰺ҅ ⰲⱏⰹ ⱂⱁⰴⱁⰱⱐⱀⰻ ⱍⰽ҃ⱁⰿⱏ. ⱍⰰⱙⱎⱅⰵⰿⱏ !ⰳⰰ ⱄⰲⱁⰵⰳⱁ. ⱅⱏⰳⰴⰰ ⰲⱏⰸⰲⱃⰰⱅⰻⱎⱔ ⱄⱔ ⱁⱅⱏ ⰱⱃⰰⰽⱏ. ⰴⰰ ⱂⱃⰻⱎⱐⰴⱏⱎⱓ ⰺ҅ ⱅⰾⱏⰽⱀⱘⰲⱏⱎⱓ. ⰰⰱⱐⰵ ⱁⱅⰲⱃⱏⰸⱘⱅⱏ ⰵⰿⱆ.
ꙇ҅ вꙑ подобьни чк҃омъ. чаѭштемъ !га своего. тъгда възвратишѧ сѧ отъ бракъ. да пришьдъшю ꙇ҅ тлъкнѫвъшю. абье отвръзѫтъ емоу.
12:37
Ⰱⰾⰰⰶⰵⱀⰻ ⱃⰰⰱⰻ ⱅⰹ. ⱗⰶⰵ ⰳ҃ⱐ ⱁⰱⱃⱔⱎⱅⰵⱅⱏ ⰱⱐⰴⱔⱎⱅⱔ. ⰰⰿⰻⱀⸯ ⰳⰾ҃ⱙ ⰲⰰⰿⱏ. ⱑⰽⱁ ⱂⱃⱑⱂⱁⱑⱎⰵⱅⱏ ⱄⱔ. ⰺ҅ ⱂⱁⱄⰰⰴⰻⱅⱏ ⱗ. ⰺ҅ ⰿⰻⱀⱘⰲⱏ ⱂⱁⱄⰾⱆⰶⰻⱅⱏ ⰺⰿⱏ.
Блажени раби ті. ѩже г҃ь обрѧштетъ бьдѧштѧ. аминⸯ гл҃ѭ вамъ. ѣко прѣпоѣшетъ сѧ. ꙇ҅ посадитъ ѩ. ꙇ҅ минѫвъ послоужитъ ꙇмъ.
12:38
ⰾ̑ⱓⰱⱁ ⰲⱏ ⰲⱏⱅⱁⱃⱘⱙ. ⰾ̑ⱓⰱⱁ ⰲⱏ ⱅⱃⰵⱅⰻⱙ ⱄⱅⱃⰰⰶⱘ ⱂⱃⰻⰴⰵⱅⱏ. ⰺ҅ ⱁⰱⱃⱔⱎⱅⰵⱅⱏ ⱗ ⱅⰰⰽⱁ. ⰱⰾⰰⰶⰵⱀⰻ ⱄⱘⱅⱏ ⱃⰰⰱⰻ ⱅⰻ.
л̑юбо въ въторѫѭ. л̑юбо въ третиѭ стражѫ придетъ. ꙇ҅ обрѧштетъ ѩ тако. блажени сѫтъ раби ти.
12:39
Ⱄⰵ ⰶⰵ ⰲⱑⰴⰻⱅⰵ. ⱑⰽⱁ ⰰⱎⱅⰵ ⰱⰻ ⰲⱑⰴⱑⰾⱏ ⰳⱀ҃ⱏ. ⱈⱃⰰⰿⰻⱀⱏⰹ. ⰲⱏ ⰽⱏⰹ ⱍⰰⱄⱏ ⱅⰰⱅⱐ ⱂⱃⰻⰴⰵⱅⱏ. ⰱⱐⰴⱑⰾⱏ ⱆⰱⱁ ⰱⰻ. ⰺ҅ ⱀⰵ ⰴⰰⰾⱏ ⱂⱁⰴⱏⰽⱁⱂⰰⱅⰻ ⰴⱁⰿⱆ ⱄⰲⱁⰵⰳⱁ.
Се же вѣдите. ѣко аште би вѣдѣлъ гн҃ъ. храминꙑ. въ кꙑ часъ тать придетъ. бьдѣлъ оубо би. ꙇ҅ не далъ подъкопати домоу своего.
12:40
ⰺ҅ ⰲⱏⰹ ⰱⱘⰴⱑⱅⰵ ⰳⱁⱅⱁⰲⰻ. ⱑⰽⱁ ⰲⱏ ⱀ̑ⱐⰶⰵ ⱍⰰⱄⱏ ⱀⰵ ⰿⱐⱀⰻⱅⰵ ⱄⱀ҃ⱏ ⱍⱄ҃ⰽⱏⰹ ⱂⱃⰻⰴⰵⱅⱏ.
ꙇ҅ вꙑ бѫдѣте готови. ѣко въ н̑ьже часъ не мьните сн҃ъ чс҃кꙑ придетъ.
12:41
Ⱃⰵⱍⰵ ⰶⰵ ⰵⰿⱆ ⱂⰵⱅⱃⱏ ⰳ҃ⰻ. ⰽⱏ ⱀⰰⰿⱏ ⰾⰻ ⱂⱃⰻⱅⱏⱍⱘ ⱄⱐⱙ ⰳⰾ҃ⰵⱎⰻ. ⰾⰻ ⰽⱏ ⰲⱄⱑⰿⱏ.
Рече же емоу петръ г҃и. къ намъ ли притъчѫ сьѭ гл҃еши. ли къ всѣмъ.
12:42
Ⱃⰵⱍⰵ ⰳ҃ⱐ. ⰽⱏⱅⱁ ⱆⰱⱁ ⰵⱄⱅⱏ ⰲⱑⱃⱏⱀⱏⰹ ⱂⱃⰻⱄⱅⰰⰲⱐⱀⰻⰽⱏ. ⰺ҅ ⰿⱘⰴⱃⱏⰹ. ⰵⰳⱁⰶⰵ ⱂⱁⱄⱅⰰⰲⰻⱅⱏ ⰳⱀ҃ⱏ ⱀⰰⰴⱏ ⰴⱁⰿⱁⰿⱐ ⱄⰲⱁⰺ҅ⰿⱐ. ⰴⰰⱑⱅⰻ ⰲⱏ ⰲⱃⱑⰿⱔ ⰶⰻⱅⱁⰿⱑⱃⰵⱀⱐⰵ.
Рече г҃ь. къто оубо естъ вѣрънꙑ приставьникъ. ꙇ҅ мѫдрꙑ. егоже поставитъ гн҃ъ надъ домомь своꙇ҅мь. даѣти въ врѣмѧ житомѣренье.
12:43
Ⰱⰾⰰⰶⰵⱀⱏ ⱃⰰⰱⱁⱅⱏ ⰵⰳⱁⰶⰵ ⱂⱃⰻⱎⱐⰴⱏ ⰳⱀ҃ⱏ ⰵⰳⱁ. ⱁⰱⱃⱔⱎⱅⰵⱅⱏ ⱅⰲⱁⱃⱔⱎⱅⰰ ⱅⰰⰽⱁ.
Блаженъ работъ егоже пришьдъ гн҃ъ его. обрѧштетъ творѧшта тако.
12:44
ⰲⱏ ⰺⱄⱅⰻⱀⱘ ⰳⰾ̑ⱙ ⰲⰰⰿⱏ. ⱑⰽⱁ ⱀⰰⰴⱏ ⰲⸯⱄⱑⰿⱐ ⰺ҅ⰿⱑⱀⰻⰵⰿⱐ ⱄⰲⱁⰺ҅ⰿⱐ ⱂⱁⱄⱅⰰⰲⰻⱅⱏ ⰺ҅.
въ ꙇстинѫ гл̑ѭ вамъ. ѣко надъ вⸯсѣмь ꙇ҅мѣниемь своꙇ҅мь поставитъ ꙇ҅.
12:45
Ⰰⱎⱅⰵ ⰾⰻ ⱃⰵⱍⰵⱅⱏ ⱃⰰⰱⱏ ⱅⱏ ⰲⱏ ⱄⱃⱏⰴⱐⱌⰻ ⱄⰲⱁⰵⰿⱐ. ⰿⱘⰴⰻⱅⱏ ⰳⱀ҃ⱏ ⰿⱁⰹ ⱂⱃⰻⱅⰻ. ⱀⰰⱍⱐⱀⰵⱅⱏ ⰱⰻⱅⰻ ⱃⰰⰱⱏⰹ. ⰺ҅ ⱃⰰⰱⱏⰹⱀ̑ⱔ. ⱑⱄⱅⰻ ⰶⰵ ⰺ҅ ⱂⰻⱅⰻ. ⰺ҅ ⱆⱂⰻⰲⰰⱅⰻ ⱄⱔ.
Аште ли речетъ рабъ тъ въ сръдьци своемь. мѫдитъ гн҃ъ моі прити. начьнетъ бити рабꙑ. ꙇ҅ рабꙑн̑ѧ. ѣсти же ꙇ҅ пити. ꙇ҅ оупивати сѧ.
12:46
ⱂⱃⰻⰴⰵⱅⱏ ⰳⱀ҃ⱏ ⱃⰰⰱⰰ ⱅⱁⰳⱁ. ⰲⱏ ⱀ̑ⱐⰶⰵ ⰴⱐⱀⱐ ⱀⰵ ⱍⰰⰵⱅⱏ. ⰺ҅ ⰲⱏ ⱍⰰⱄⱏ ⰲⱏ ⱀ̑ⱐⰶⰵ ⱀⰵ ⰲⱑⱄⱅⱏ. ⰺ҅ ⱂⱃⱁⱅⰵⱎⰵⱅⱏ ⰹ. ⰺ҅ ⱍⱔⱄⱅⱐ ⰵⰳⱁ ⱄⱏ ⱀⰵⰲⱑⱃⱏⱀⱏⰺⰿⰻ ⱂⱁⰾⱁⰶ{ⰻⱅ}ⰻⱅⱏ.
придетъ гн҃ъ раба того. въ н̑ьже дьнь не чаетъ. ꙇ҅ въ часъ въ н̑ьже не вѣстъ. ꙇ҅ протешетъ і. ꙇ҅ чѧсть его съ невѣрънъꙇми полож{ит}итъ.
12:47
ⱅⱏ ⰶⰵ ⱃⰰⰱⱏ ⰲⱑⰴⱏⰹ ⰲⱁⰾ̑ⱙ ⱄⱀ҃ⰰ ⱄⰲⱁⰵⰳⱁ. ⰺ҅ ⱀⰵ ⱆⰳⱁⱅⱁⰲⰰⰲⱏ. ⰾⰻ ⱀⰵ ⱄⱏⱅⰲⱁⱃⱐ ⱂⱁⰲⰵⰾⱑⱀⰻⰹ ⰵⰳⱁ. ⰱⱐⰵⱀⱏ ⰱⱘⰴⰵⱅⱏ ⰿⱀⱁⰳⱁ.
тъ же рабъ вѣдꙑ вол̑ѭ сн҃а своего. ꙇ҅ не оуготовавъ. ли не сътворь повелѣниі его. бьенъ бѫдетъ много.
12:48
ⱀⰵ ⰲⱑⰴⱑⰲⱏⰹ ⰶⰵ. ⱄⱏⱅⰲⱁⱃⱐ ⰶⰵ ⰴⱁⱄⱅⱁⰺⱀⰰⰰ ⱃⰰⱀⰰⰿⱏ. ⰱⱐⰵⱀⱏ ⰱⱘⰴⰵⱅⱏ ⰿⰰⰾⱏⰹ. Ⰲⸯⱄⱑⰽⱁⰿⱆ ⰶⰵ ⰵⰿⱆⰶⰵ ⰴⰰⱀⱁ ⰱⱏⰹ!ⱄ ⰿⱀⱁⰳⱁ. ⰿⱏⱀⱁⰳⱁ ⰺ҅ⰸⰻⱎⱅⰵⱅⱏ ⱄⱔ ⱁⱅⱏ ⱀ̑ⰵⰳⱁ. ⰺ҅ ⰵⰿⱆⰶⰵ ⱂⱃⱑⰴⰰⰰⱎ=ⱔ= ⰿⱀⱁⰳⱁ. ⰾⰻⱎⸯⱎⰰ ⱂⱃⱁⱄⱔⱅⱏ ⱁⱅⱏ ⱀ̑ⰵⰳⱁ.
не вѣдѣвꙑ же. сътворь же достоꙇнаа ранамъ. бьенъ бѫдетъ малꙑ. Вⸯсѣкомоу же емоуже дано бꙑ!с много. мъного ꙇ҅зиштетъ сѧ отъ н̑его. ꙇ҅ емоуже прѣдааш=ѧ= много. лишⸯша просѧтъ отъ н̑его.
12:49
Ⱉⰳⱀ̑ⱑ ⱂⱃⱑⰴⱏ ⰲⱏⰲⱃⱑⱎⱅⰻ ⰲⱏ ⰸⰵⰿⰾ̑ⱙ. ⱍⱐⱅⱁ ⱈⱁⱎⱅⱘ. ⰰⱎⱅⰵ ⱆⰶⰵ ⰲⱏⰸⰳⱁⱃⱑ ⱄⱔ.
Ѡгн̑ѣ прѣдъ въврѣшти въ земл̑ѭ. чьто хоштѫ. аште оуже възгорѣ сѧ.
12:50
ⰽⱃⱐⱎⱅⰵⱀⱐⰵⰿⱐ ⰺ҅ⰿⰰⰿⱐ ⰽⱃⱐⱄⱅⰻⱅⰻ ⱄⱔ. ⰺ҅ ⰽⰰⰽⱁ ⱆⰴⱃⱏⰶⱘ ⱄⱔ. ⰴⱁⱀⰴⰵⰶⰵ ⰽⱁⱀⱐⱍⰰⰵⱅⱏ ⱄⱔ.
крьштеньемь ꙇ҅мамь крьстити сѧ. ꙇ҅ како оудръжѫ сѧ. дондеже коньчаетъ сѧ.
12:51
ⰿⱐⱀⰻⱅⰵ ⰾⰻ ⱑⰽⱁ ⰿⰻⱃⰰ ⱂⱃⰻⰴⱏ ⰴⰰⱅⰻ ⱀⰰ ⰸⰵⰿⰾ̑ⱙ. ⱀⰻ. ⰳⰾ̑ⱙ ⰲⰰⰿⱏ. ⱀⱏ ⱃⰰⰸⰴⱑⰾ̑ⰵⱀⱐⱑ.
мьните ли ѣко мира придъ дати на земл̑ѭ. ни. гл̑ѭ вамъ. нъ раздѣл̑еньѣ.
12:52
ⰱⱘⰴⰵⱅⱏ ⰱⱁ ⱁⱅⱏⱄⰵⰾⱑ. ⱂⱔⱅⱐ ⰲⱏ ⰵⰴⰻⱀⱁⰿⱐ ⰴⱁⰿⱆ ⱃⰰⰸⰴⱑⰾ̑ⰵⱀⱏ. ⱅⱃⰻⰵ ⱀⰰ ⰴⸯⰲⰰ. ⰺ҅ ⰴⰲⰰ ⱀⰰ ⱅⱃⰻ.
бѫдетъ бо отъселѣ. пѧть въ единомь домоу раздѣл̑енъ. трие на дⸯва. ꙇ҅ два на три.
12:53
ⱃⰰⰸⰴⱑⰾⱔⱅⱏ ⱄⱔ. ⱁⱌ҃ⱐ ⱀⰰ ⱄⱀ҃ⰰ. ⰺ ⱄⱀ҃ⱏ ⱀⰰ ⱁⱌ҃ⰰ. ⰿⰰⱅⰻ ⱀⰰ ⰴⱏⱎⱅⰵⱃⱐ. ⰺ҅ ⰴⱏⱎⱅⰻ ⱀⰰ ⰿⰰⱅⰵⱃⱐ. ⰺ҅ ⱄⰲⰵⰽⱃⱏⰲⰵ ⱀⰰ ⱀⰵⰲⱑⱄⱅⱘ ⱄⰲⱁⱙ. ⰺ҅ ⱀⰵⰲⱑⱄⱅⱘ ⱀⰰ ⱄⰲⰵⰽⱃⱏⰲⰵ ⱄⰲⱁⱙ.
раздѣлѧтъ сѧ. оц҃ь на сн҃а. ꙇ сн҃ъ на оц҃а. мати на дъштерь. ꙇ҅ дъшти на матерь. ꙇ҅ свекръве на невѣстѫ своѭ. ꙇ҅ невѣстѫ на свекръве своѭ.
12:54
!Ⰳⰾⰰⰰⱎⰵ ⰶⰵ ⰺ҅ ⱀⰰⱃⱁⰴⱁⰿⱏ. ⰵⰳⰴⰰ ⱆⰸⱐⱃⰻⱅⰵ ⱁⰱⰾⰰⰽⱏ. ⰲⱏⱄⱈⱁⰴⱔⱎⱅⱐ ⱁⱅⱏ ⰸⰰⱂⰰⰴⱏ. ⰰⰱⱐⰵ ⰳⰾ҃ⰵⱅⰵ ⱑⰽⱁ ⱅⱘⱍⰰ ⰳⱃⱔⰴⰵⱅⱏ. ⰺ҅ ⰱⱏⰹⰲⰰⰵⱅⱏ ⱅⰰⰽⱁ.
!Глааше же ꙇ҅ народомъ. егда оузьрите облакъ. въсходѧшть отъ западъ. абье гл҃ете ѣко тѫча грѧдетъ. ꙇ҅ бꙑваетъ тако.
12:55
ⰺ҅ ⰵⰳⰴⰰ ⱓⰳⱏ ⰴⱆⱎⰵⱅⱏ. ⰳⰾ҃ⰵⱅⰵ ⰲⰰⱃⱏ ⰱⱘⰴⰵⱅⱏ. ⰺ҅ ⰱⱏⰹⰲⰰⰵⱅⱏ.
ꙇ҅ егда югъ доушетъ. гл҃ете варъ бѫдетъ. ꙇ҅ бꙑваетъ.
12:56
ⱛⱂⱁⰽⱃⰻⱅⰻ. ⰾⰻⱌⰵ !ⱀⰱⱆ. ⰺ҅ ⰸⰵⰿⰾ̑ⰹ ⱆⰿⱑⰵⱅⰵ ⰺ҅ⱄⰽⱆⱎⰰⱅⰻ.
ѵпокрити. лице !нбоу. ꙇ҅ земл̑і оумѣете ꙇ҅скоушати.
12:57
ⱍⱐⱅⱁ ⰶⰵ ⰺ҅ ⱁ ⱄⰵⰱⱑ ⱀⰵ ⱄⱘⰴⰻⱅⰵ ⱂⱃⰰⰲⱏⰴⱏⰹ.
чьто же ꙇ҅ о себѣ не сѫдите правъдꙑ.
12:58
Ⰵⰳⰴⰰ ⰶⰵ ⰳⱃⱔⰴⰵⱎⰻ ⱄⱏ ⱄⱘⱂⱐⱃⰵⰿⱐ ⱄⰲⱁⰺ҅ⰿⱐ ⰽⱏ ⰽⱏⱀⱔⰸⱆ. ⱀⰰ ⱂⱘⱅⰻ ⰴⰰⰶⰴⱐ ⰴⱑⰾⰰⱀⱐⰵ ⰺ҅ⰸⰱⱏⰹⱅⰻ ⱁⱅⱏ ⱀ̑ⰵⰳⱁ. ⰴⰰ ⱀⰵ ⱂⱃⰻⰲⰾⱑⱍⰵⱅⱏ ⱅⰵⰱⰵ ⰽⱏ ⱄⱘⰴⰹⰻ. ⰺ҅ ⱄⱘⰴⰻ ⱅⱔ ⱂⱃⱑⰴⰰⱄⱅⱏ ⱄⰾⱆⰸⱑ. ⰺ҅ ⱄⰾⱆⰳⰰ ⱅⱔ ⰲⱏⱄⰰⰴⰻⱅⱏ ⰲⱏ ⱅⱐⰿⱐⱀⰻⱌⱘ.
Егда же грѧдеши съ сѫпьремь своꙇ҅мь къ кънѧзоу. на пѫти даждь дѣланье ꙇ҅збꙑти отъ н̑его. да не привлѣчетъ тебе къ сѫдіи. ꙇ҅ сѫди тѧ прѣдастъ слоузѣ. ꙇ҅ слоуга тѧ въсадитъ въ тьмьницѫ.
12:59
ⰳⰾ҃ⱙ ⱅⰵⰱⱑ. ⱀⰵ ⰺ҅ⰿⰰⱎⰻ ⰺ҅ⰸⰻⱅⰻ ⱁⱅⱏⱅⱘⰴⱑ. ⰴⱁⱀⰴⰵⰶⰵ ⰺ҅ ⱂⱁⱄⰾⱑⰴⱐⱀ̑ⰻⰹ ⱅⱃⱐⱈⱁⱅⱐ ⰲⱏⰸⰴⰰⱄⰻ.
гл҃ѭ тебѣ. не ꙇ҅маши ꙇ҅зити отътѫдѣ. дондеже ꙇ҅ послѣдьн̑иі трьхоть въздаси.