Приключи же сѧ. етериꙇ҅ въ то врѣмѧ. повѣдаѭште. емоу о гали[ле]ꙇ҅хъ. ꙇ҅хъже кръвь питѣтъ. съмѣсі съ жрътвами ꙇ҅хъ.

ꙇ҅ отъвѣштавъ ꙇс҃. рече ꙇ҅мъ. мьните ли ѣко галилѣане сіи. грѣшьнѣꙇше паче вьсѣхъ галилѣанъ бꙑшѧ. ѣко тако пострадашѧ.

ни. гл̑ѭ вамъ. нъ аште не покаете сѧ. ꙇ҅ вси такожде погꙑбнете.

ли они осмь на десѧте. на н̑ѧже паде стлъпъ силоўамьскъ. ꙇ҅ поби ѩ. мьните ли ѣко ти длъжьнѣꙇше бѣшѧ. паче всѣхъ чк҃ъ. живѫштиіхъ въ ꙇл҃мѣ.

ни. гл҃ѭ вамъ. нъ аште не покаете сѧ. вси такожде погꙑбнете.

!Глааше же сьѭ притъчѫ. смоковьницѫ ꙇ҅мѣаше етеръ въ виноградѣ своемь. въсажденѫ. ꙇ҅ приде ꙇ҅штѧ плода на н̑еі. ꙇ҅ не обрѣте.

рече же къ ви[н]ареви. се третие лѣто. отън̑елиже прихождѫ. ꙇ҅штѧ плода на смоковьници сеі. ꙇ҅ не обрѣтаѭ. посѣци ѭ оубо. въскѫѭ ꙇ҅ земл̑ѭ опражнѣетъ.

Онъ же отъвѣштавъ рече емоу. г҃и. остави ѭ ꙇ҅ се лѣто. дон̑деже ѭ окопаѭ окръстъ. ꙇ҅ осꙑплѫ ѭ гноемь.

ꙇ҅ аште оубо сътворитъ плодъ. аште ли ни. въ грѧдѫштее врѣмѧ посѣчеши ѭ.

Бѣ же оучѧ на единомь отъ сънъмишть въ сѫботꙑ.

ꙇ҅ се жена дх҃ъ ꙇ҅мѫшти недѫжьнъ. !ѕ ꙇ҃ !лѣт. ꙇ҅ бѣ слѫка. ꙇ҅ не могѫшти въсклонити сѧ отънѫдь.

оузьрѣвъ же ѭ ис҃ пригласи. ꙇ҅ рече еі. жено. отъпоуштена еси отъ недѫга твоего.

ꙇ҅ възложи на н̑ѭ рѫцѣ. ꙇ҅ абье простьрѣ сѧ. ꙇ҅ славл̑ѣаше б҃а.

*̆ѡ{о}тъвѣштавъ же арх̑исѵнагогъ. негодоуѩ. зан̑е въ сѫботѫ ꙇ҅цѣли ѭ ис҃. гл҃ааше народоу. шесть дьнъ естъ. въ н̑ѧже достоꙇтъ дѣлати. въ тꙑ оубо приходѧште цѣлите сѧ. а не въ дьнь сѫботънꙑ.

отъвѣштавъ же къ н̑емоу г҃ь рече. лицемѣри. кожьдо васъ въ сѫботѫ. не отърѣшаетъ ли своего волоу. ли осъла отъ ѣсліи. ꙇ҅ ведъ напаѣтъ.

сиѭ же дъштерь аврамл̑ѭ сѫштѫ. ѭже съвѧза сотона. се осмое на десѧте лѣто. не достоѣше ли раздрѣшити сеѩ. отъ ѫзꙑ въ дьнь сѫботънꙑ.

Ꙇ҅ се емоу гл̑ѭштю стꙑдѣахѫ сѧ. вси противл̑ѣѭштеі сѧ емоу. ꙇ҅ вси л̑юдье радовахѫ сѧ о всѣхъ славънъꙇхъ. бꙑваѭштихъ отъ н̑его.

!Глааше же комоу подобьно естъ цр҃сье бж҃ие. ꙇ҅ комоу оуподобл̑ѭ е.

подобьно естъ зръноу горюшьноу. еже приемъ чк҃ъ въвръже е въ врътоградъ своі. ꙇ҅ вьздрасте. ꙇ҅ бꙑстъ дрѣво велье. ꙇ҅ птицѧ неб҃скꙑѩ вьселишѧ сѧ въ вѣтви его.

Ꙇ҅ пакꙑ рече комоу оуподобл̑ѫ цр҃сье бж҃ие.

подобъно естъ квасоу. егоже приемъши жена съкрꙑвъ мѫцѣ. триі сатъ. доꙇдеже въкꙑсе всѣ.

Ꙇ҅ прохождааше сквозѣ градꙑ ꙇ҅ вси. ꙇ҅ шьствие творѧ въ ꙇл҃мъ.

Рече же етеръ къ н̑емоу. г҃и аште мало естъ !спаѭштіихъ сѧ. онъ же рече къ н̑имъ.

подвизаꙇте сѧ вьнити сквозѣ тѣснаа врата. ѣко мнози гл̑ѭ вамъ. вьзиштѫтъ вьнити. ꙇ҅ не възмогѫтъ.

отънелиже оубо въстанетъ г҃ь. домоу. ꙇ҅ затворитъ двьри. ꙇ҅ начьнетъ вьнѣ стоѣти. ꙇ҅ тлѣшти двьри. гл҃ѭште. г҃и г҃и. отвръзи намъ. ꙇ҅ отъвѣштавъ речетъ вамъ. не вѣдѣ васъ отъкѫдоу есте.

тъгда начѧтъ гл҃ати ѣхомъ. прѣдъ тобоѭ ꙇ҅ пихомъ. ꙇ҅ на распѫтиіхъ ꙇ҅ тръжиштихъ оучилъ еси.

ꙇ҅ речетъ гл҃ѭ вамъ. не вѣмь васъ отъкѫдоу есте. отъстѫпите отъ мене вьси дѣлател̑е неправдѣ. н̑имь.