ЕВАНГЕЛИЕ ЕЖЕ Ѿ МАТѲЕꙖ
3:11
ⱄⰰⱂⱁⰳⱆ ⱂⱁⱀⰵⱄⱅⰻ. ⱅⱏ ⰲⰰⱄⱏ ⰽⱃⱐⱄⱅⰻⱅⱏ ⰴⱈ҃ⱁⰿⱐ ⱄⱅ҃ⱏⰺⰿⱐ ⰺ҅ ⱁⰳⱀ̑ⰵⰿⱐ.
сапогоу понести. тъ васъ крьститъ дх҃омь ст҃ъꙇмь ꙇ҅ огн̑емь.
3:12
Ⰵⰿⱆⰶⰵ ⰾⱁⱂⰰⱅⰰ ⰲⱏ ⱃⱘⰽⱆ ⰵⰳⱁ. ⰺ҅ ⱂⱁⱅⱃⱑⰱⰻⱅⱏ ⰳⱆⰿⱏⱀⱁ ⱄⰲⱁⰵ. ⰺ҅ ⱄⱏⰱⰵⱃⰵⱅⱏ ⱂⱐⱎⰵⱀⰻⱌⱘ. ⰲⱏ ⰶⰻⱅⱐⱀⰻⱌⱘ ⰰ ⱂⰾⱑⰲⱏⰹ ⱄⱏⰶⰵⰶⰵⱅⱏ ⱁⰳⱀ̑ⰵⰿⱐ ⱀⰵⰳⰰⱄⰻⰿⱏⰺⰿⱐ.
Емоуже лопата въ рѫкоу его. ꙇ҅ потрѣбитъ гоумъно свое. ꙇ҅ съберетъ пьшеницѫ. въ житьницѫ а плѣвꙑ съжежетъ огн̑емь негасимъꙇмь.
3:13
ⱅⱁⰳⰴⰰ ⱂⱃⰻⰴⰵ ⰻⱄ҃ ⱁⱅⱏ ⰳⰰⰾⰻⰾⰵⱗ ⱀⰰ ⰺ҅ⱁⱃⸯⰴⰰⱀⱏ. ⰽⱏ ⰺ҅ⱁⰰⱀⱆ ⰽⱃⱐⱄⱅⰻⱅⰻ ⱄⱔ ⱁⱅⱏ ⱀ̑ⰵⰳⱁ.
тогда приде ис҃ отъ галилеѩ на ꙇ҅орⸯданъ. къ ꙇ҅оаноу крьстити сѧ отъ н̑его.
3:14
ⰺ҅ⱁⰰⱀⱏ ⰶⰵ ⰲⱏⰸⰱⱃⰰⱀ̑ⱑⱎⰵ ⰵⰿⱆ ⰳⰾ҃ⱔ. ⰰⰸⱏ ⱅⱃⱑⰱⱆⱙ ⱁⱅⱏ ⱅⰵⰱⰵ ⰽⱃⱐⱄⱅⰻⱅⰻ ⱄⱔ. ⰰ !ⰾ!ⰻ ⱅⱏⰹ ⰽⱏ ⰿⱀⱑ ⰳⱃⱔⰴⰵⱎⰻ.
ꙇ҅оанъ же възбран̑ѣше емоу гл҃ѧ. азъ трѣбоуѭ отъ тебе крьстити сѧ. а !л!и тꙑ къ мнѣ грѧдеши.
3:15
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ ⱃⰵⱍⰵ ⰽⱏ ⱀ̑ⰵⰿⱆ. ⱁⱄⱅⰰⱀⰻ ⱀⱏⰹⱀ̑ⱑ. ⱅⰰⰽⱁ ⰱⱁ ⱂⱁⰴⱁⰱⱐⱀⱁ ⱀⰰⰿⱏ ⰵⱄⱅⱏ ⱄⱏⰽⱁⱀⱍⰰⱅⰻ ⰲⱄⱑⰽⱘ ⱂⱃⰰⰲⱏⰴⱘ. ⱅⱁⰳⰴⰰ ⱁⱄⱅⰰⰲⰻ ⰵⰳⱁ.
отъвѣштавъ же ис҃ рече къ н̑емоу. остани нꙑн̑ѣ. тако бо подобьно намъ естъ съкончати всѣкѫ правъдѫ. тогда остави его.
3:16
ⰽⱃⱐⱎⱅⱐ ⱄⱔ ⰻⱄ҃. ⰺ҅ ⰲⱏⰸ!ⰻⰴⰵ ⱁⱅⱏ ⰲⱁⰴⱏⰹ. ⰺ҅ ⱄⰵ ⱁⱅⰲⱃⱏⰸⱁⱎⱔ ⱄⱔ ⰵⰿⱆ. ⰺ҅ ⰲⰻⰴⱑ ⰴⱈ҃ⱏ ⰱⰶ҃ⰹⰻ ⱄⱏⱈⱁⰴⱔⱎⱅⱐ. ⱑⰽⱁ ⰳⱁⰾⱘⰱⱐ. ⰺ҅ ⰳⱃⱔⰴⱘⱎⱅⱐ ⱀⰰ ⱀ̑ⱐ.
крьшть сѧ ис҃. ꙇ҅ въз!иде отъ водꙑ. ꙇ҅ се отвръзошѧ сѧ емоу. ꙇ҅ видѣ дх҃ъ бж҃іи съходѧшть. ѣко голѫбь. ꙇ҅ грѧдѫшть на н̑ь.
3:17
ⰺ҅ ⱄⰵ ⰳⰾⰰⱄⱏ ⱄⱏ ⱀⰱ҃ⱄⰵ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ. ⰲⱏⰸⰾ̑ⱓⰱⰾ̑ⰵⱀⱏⰺ. ⱁ ⱀⰵⰿⱐⰶⰵ ⰱⰾⰰⰳⱁⰲ[ⱁ]ⰾⰻⱈⱏ.
ꙇ҅ се гласъ съ нб҃се гл҃ѧ. сь естъ сн҃ъ мои. възл̑юбл̑енъꙇ. о немьже благов[о]лихъ.