Рече же къ оученикомъ своꙇ҅мъ. невъзможьно естъ да не придѫтъ съблазни. обаче горе томоу ꙇ҅мьже придѫтъ.

добрѣе моу би бꙑло. аште би камень жръновънꙑ. възложенъ на вꙑѭ его. ꙇ҅ връженъ въ море. неже да съблажнѣетъ. малꙑхъ сихъ единого.

Вънемл̑ѣте себѣ. аште съгрѣшитъ братръ твоі. запрѣти емоу. ꙇ҅ аште покаетъ сѧ отъпоусті емоу.

Ꙇ҅ аште седморицеѭ съгрѣшитъ въ тѧ. ꙇ҅ седморицеѭ обратитъ сѧ къ тебѣ. гл҃ѧ каѭ сѧ. отъпоусти емоу.

Ꙇ҅ рѣшѧ ап҃оли гв҃и. приложи намъ вѣрѫ.

рече же г҃ь. аште бисте ꙇ҅мѣли вѣрѫ. ѣко зръно горюшьно. гл҃али бисте оубо сѵкамѣнѣ сеі. вьздери сѧ ꙇ҅ въсади сѧ въ море. ꙇ҅ послоушала би васъ.

Которꙑ ꙇ҅же отъ васъ. рабъ ꙇ҅мѣѩ. орѫшть. ли пасѫшть. ꙇ҅же пришьдъшоумоу съ села. речетъ емоу. абье минѫвъ. вьзлѧзи.

ꙇ҅ли речетъ емоу. оуготоваі чьто вечерѣѭ. ꙇ҅ прѣпоѣсавъ сѧ слоужи ми. доньдеже ѣмь ꙇ҅ пьѭ. ꙇ҅ потомь ѣси ꙇ҅ пьеши тꙑ.

еда ꙇ҅матъ хвалѫ рабоу томоу. ѣко сътвори повелѣнаа. не мьн̑ѭ тако.

ꙇ҅ вꙑ егда сътворите повелѣнаа вамъ. !гліте ѣко раби недостоіни есмъ. еже длъжьни бѣхомъ сътворити. сътворихомъ.

Ꙇ҅ бꙑ!с ꙇ҅дѫштю емоу въ ꙇл҃мъ. ꙇ҅ тъ прохождааше междю самариеѭ. галилѣѭ.

въходѧштю емоу въ етерѫ вⸯсь. сърѣте і !ꙇ. прокаженъ мѫжь. ꙇ҅же сташѧ ꙇ҅здалече.

ꙇ҅ ти вьзнѣсѧ гл҃ѭште. ꙇс҃е наставьниче помилоуі нꙑ.

ꙇ҅ видѣвъ ѩ рече ꙇ҅мъ Шьдъше покажите сѧ ꙇ҅ереомъ. ꙇ҅ бꙑ!с ꙇ҅дѫштемъ ꙇ҅мъ. ꙇ҅штістишѧ сѧ.

единъ же отъ н̑ихъ видѣвъ ѣко ꙇ҅цѣлѣ. възврати сѧ съ гласомь вельемь славѧ б҃а.

ꙇ҅ паде ниць на ногоу его. хвалѫ емоу въздаѩ. ꙇ҅ тъ бѣ самар̑ѣнинъ.

отъвѣштавъ же ис҃. рече. не десѧть ли ꙇ҅штистишѧ сѧ. да девѧть како

не обрѣтѫ сѧ. възвраштьше сѧ дати славѫ б҃ѵ. тъкъмо ꙇ҅ноплеменⸯникъ сь.

ꙇ҅ рече емоу въставъ ꙇ҅ди. вѣра твоѣ сп҃е тѧ.

Въпрошенъ же бꙑ!с отъ фарисѣи. когда придетъ цр҃сье бж҃ие. ѡтъвѣшта ꙇ҅мъ ꙇ҅ рече. не придетъ цр҃сье бж҃ие съ сѫмьнѣниемь.

ни рекѫтъ. се сьде ли овьде. се бо цр҃сье бж҃ие. вънѫтрь̆ѫдоу въ васъ естъ.

Рече же къ оученикомъ. придѫтъ дьнье. егда вьжделѣете единого дьне. сн҃а чс҃кааго видѣти. ꙇ҅ не оузьрите.

Ꙇ҅ рекѫтъ вамъ. се сьде. се овьде х҃ъ. не ꙇзидѣте. ни поженѣте.

ѣко бо млъни блисцаѭшти сѧ. отъ !подънскꙑѩ. на !подънскѫѭ. свьтитъ сѧ. тако бѫдетъ сн҃ъ чс҃кꙑ. въ днь своі.

Прѣжде же подобаетъ емоу. много пострадати. ꙇ҅ искоушеноу бꙑти отъ рода сего.

ꙇ҅ ѣкоже бꙑ!с въ дьни ноевꙑ. тако бѫдетъ ꙇ҅ въ дьни сн҃а чс҃каго.

ѣдѣахѫ ꙇ҅ пьѣхѫ ꙇ жен̑ѣахѫ сѧ ꙇ҅ посагаахѫ. до н̑егоже дьне вьниде ное въ ковьчегъ. ꙇ҅ приде потопъ ꙇ҅ погоуби вьсѧ.

Такожде ѣкоже бꙑ!с. въ дьни лотⸯовꙑ. ѣдѣахѫ ꙇ҅ пьѣахѫ. коуповаахѫ ꙇ҅ продаахѫ. саждаахѫ зъдаахѫ.

въ н̑ьже дьнь ꙇ҅зиде лотъ. отъ содомл̑ѣнъ. одъжди жюпьлъ. ꙇ҅ огнь съ небесе. ꙇ҅ погоуби вьсѧ.

ꙇ҅ по томоужде бѫдетъ ꙇ҅ днь. въ н̑ьже сн҃ъ чс҃къ ѣвитъ сѧ.

Въ тъ дьнь въ н̑ьже бѫдетъ на кровѣ. ꙇ҅ съсѫди его въ домоу. да не сълѣзетъ възѧтъ ꙇхъ. ꙇ҅же на селѣ. такожде да не възвратитъ сѧ. вьспѧть.

поминаꙇ҅те женѫ лотовѫ.

ꙇ҅же аште вьзиштетъ дш҃ѫ своѭ сп҃сти погоубитъ ѭ. а ꙇ҅же погоубитъ живітъ ѭ.

гл҃ѭ же вамъ. въ тѫ ношть бѫдете дъва. на ложи единомь. единъ поемл̑етъ сѧ а дроугꙑ оставл̑ѣетъ.

бѫдете дьвѣ въ коупѣ мел̑ѭшти. единѫ поемл̑ѭтъ а дроугѫѭ оставл̑ѣѭтъ.

дъва на селѣ. единъ поемл̑ѭтъ а дроугꙑ оставл̑ѣѭтъ.

ꙇ҅ отъвѣштавъше гл҃ашѧ емоу. къде г҃и. онъ же рече ꙇ҅мъ. ꙇ҅деже тѣло. тоу ꙇ҅ орли сънемл̑ѭтъ сѧ.