ЕВАНГЕЛИЕ ЕЖЕ Ѿ ЛОУКꙐ
10:1
Ⱂⱁ ⱄⰻⱈⱏ ⰶⰵ ⰰⰲⰻ ⰳ҃ⱐ ⰺ҅ⱀⱑⱈⱏ. !ⱀⱅⱏ. ⰺ҅ ⱂⱁⱄⱏⰾⰰ ⱗ ⱂⱁ ⰴⸯⰲⱑⰿⰰ. ⱂⱃⱑⰴⱏ ⰾⰻⱌⰵⰿⱐ ⱄⰲⱁⰺⰿⱐ. ⰲⱏ ⰲⸯⱄⱑⰽⱏ ⰳⱃⰰⰴⱏ ⰺ҅ ⰿⱑⱄⱅⱁ. ⱑⰿⱁⰶⰵ ⱈⱁⱅⱑⰰⱎⰵ ⱄⰰⰿⱏ ⰺ҅ⱅⰻ.
По сихъ же ави г҃ь ꙇ҅нѣхъ. !нтъ. ꙇ҅ посъла ѩ по дⸯвѣма. прѣдъ лицемь своꙇмь. въ вⸯсѣкъ градъ ꙇ҅ мѣсто. ѣможе хотѣаше самъ ꙇ҅ти.
10:2
!Ⰳⰾⰰⰰⱎⰵ ⰶⰵ ⰽⱏ ⱀ̑ⰻⰿⱏ. ⰶⱔⱅⰲⰰ ⱆⰱⱁ ⰿⱀⱁⰳⰰ. ⰰ ⰴⱑⰾⰰⱅⰵⰾ̑ⱐ ⰿⰰⰾⱁ. ⰿⱁⰾⰻⱅⰵ ⱄⱔ ⱆⰱⱁ ⰳⱀ҃ⱆ ⰶⱔⱅⰲⱑ. ⰴⰰ ⰺ҅ⰸⰲⰵⰴⰵⱅⱏ ⰴⱑⰾⰰⱅⰵⰾ̑ⱔ ⱀⰰ ⰶⱔⱅⰲⱘ ⱄⰲⱁⱙ.
!Глааше же къ н̑имъ. жѧтва оубо многа. а дѣлател̑ь мало. молите сѧ оубо гн҃оу жѧтвѣ. да ꙇ҅зведетъ дѣлател̑ѧ на жѧтвѫ своѭ.
10:3
Ⰺⰴⱑⱅⰵ ⱄⰵ ⰰⰸⱏ ⱂⱁⱄⱏⰹⰾⰰⱙ ⰲⱏⰹ. ⱑⰽⱁ ⰰⰳⱀⱔ ⱂⱁⱄⱃⱑⰴⱑ ⰲⰾⱐⰽⱏ.
Ꙇдѣте се азъ посꙑлаѭ вꙑ. ѣко агнѧ посрѣдѣ влькъ.
10:4
ⱀⰻ ⱀⱁⱄⰻⱅⰵ ⰲⱏⰾⰰⰳⰰⰾⰻⱎⱅⰰ ⱀⰻ ⰲⱃⱑⱅⰻⱎⱅⰰ. ⱀⰻ ⱄⰰⱂⱁⰳⱏ. ⰺ҅ ⱀⰻⰽⱁⰳⱁⰶⰵ ⱀⰰ ⱂⱘⱅⰻ ⱀⰵ ⱌⱑⰾⱆⰻⱅⰵ.
ни носите вълагалишта ни врѣтишта. ни сапогъ. ꙇ҅ никогоже на пѫти не цѣлоуите.
10:5
Ⰲⱏ ⱀ̑ⱐⰶⰵ ⰴⱁⰿⱏ ⰲⱐⱀⰻⰴⰵⱅⰵ ⰽⱁⰾⰻⰶⱐⰴⱁ. ⱂⱃⱏⰲⱑⰵ ⰳⰾ҃ⰻⱅⰵ. ⰿⰻⱃⱏ ⰴⱁⰿⱆ ⱄⰵⰿⱆ.
Въ н̑ьже домъ вьнидете колижьдо. пръвѣе гл҃ите. миръ домоу семоу.
10:6
ⰰⱎⱅⰵ ⰾⰻ ⰱⱘⰴⱘⱅⱏ. ⱄⱀ҃ⱁⰲⰵ ⰿⰻⱃⰰ. ⱂⱁⱍⰻⰵⱅⱏ ⱀⰰ ⱀ̑ⰵⰿⱐ ⰿⰻⱃⱏ ⰲⰰⱎⱐ. ⰰⱎⱅⰵ ⰾⰻ ⱀⰻ. ⰽⱏ ⰲⰰⰿⱏ ⰲⱏⰸⰲⱃⰰⱅⰻⱅⱏ ⱄⱔ.
аште ли бѫдѫтъ. сн҃ове мира. почиетъ на н̑емь миръ вашь. аште ли ни. къ вамъ възвратитъ сѧ.
10:7
Ⰲⱏ ⱅⱁⰿⱐⰶⰵ ⰴⱁⰿⱆ ⱂⱃⱑⰱⱏⰹⰲⰰⰺ҅ⱅⰵ. ⱑⰴⱘⱎⱅⰵ ⰺ ⱂⱐⱙⱎⱅⰵ. ⱑⰶⰵ ⱄⱘⱅⱏ ⱆ ⱀ̑ⰻⱈⱏ. ⰴⱁⱄⱅⱁⰺ҅ⱀⱏ ⰱⱁ ⰵⱄⱅⱏ ⰴⱑⰾⰰⱅⰵⰾ̑ⱐ ⰿⱏⰸⰴⱏⰹ ⱄⰲⱁⰵⱗ. ⱀⰵ ⱂⱃⱑⱈⱁⰴⰻⱅⰵ ⰶⰵ ⰺ҅ⰸ ⰴⱁⰿⱆ ⰲⱏ ⰴⱁⰿⱏ
Въ томьже домоу прѣбꙑваꙇ҅те. ѣдѫште ꙇ пьѭште. ѣже сѫтъ оу н̑ихъ. достоꙇ҅нъ бо естъ дѣлател̑ь мъздꙑ своеѩ. не прѣходите же ꙇ҅з домоу въ домъ
10:8
Ⰺ҅ ⰲⱏ ⱀ̑ⱐⰶⰵ ⰳⱃⰰⰴⱏ ⰽⱁⰾⰻⰶⱐⰴⱁ ⰲⱐⱀⰻⰴⰵⱅⰵ. ⰺ ⱂⱃⰻⰵⰿⰾ̑ⱙⱅⱏ ⰲⱏⰹ. ⱑⰴⰻⱅⰵ ⱂⱃⱑⰴⱏⰾⰰⰳⰰⰵⰿⰰⱑ ⰲⰰⰿⱏ.
Ꙇ҅ въ н̑ьже градъ колижьдо вьнидете. ꙇ приемл̑ѭтъ вꙑ. ѣдите прѣдълагаемаѣ вамъ.
10:9
ⰺ҅ ⱌⱑⰾⰻⱅⰵ ⱀⰵⰴⱘⰶⱐⱀⱏⰹⱗ. ⰺ҅ⰶⰵ ⱄⱘⱅⱏ ⰲⱐ ⱀ̑ⰵⰿⱐ. ⰺ҅ ⰳⰾ҃ⰻⱅⰵ ⰺ҅ⰿⱏ. ⱂⱃⰻⰱⰾⰻⰶⰻ ⱄⱔ ⱀⰰ ⰲⱏⰹ ⱌⱃ҃ⱄⰻⰵ ⰱⰶ҃ⱐⰵ.
ꙇ҅ цѣлите недѫжьнꙑѩ. ꙇ҅же сѫтъ вь н̑емь. ꙇ҅ гл҃ите ꙇ҅мъ. приближи сѧ на вꙑ цр҃сие бж҃ье.
10:10
Ⰲⱏ ⱀ̑ⱐⰶⰵ ⰽⱁⰾⰻⰶⱐⰴⱁ ⰳⱃⰰⰴⱏ ⰲⱏⱈⱁⰴⰻⱅⰵ. ⰺ҅ ⱀⰵ ⱂⱃⰻⰵⰿⰾ̑ⱙⱅⱏ ⰲⰰⱄⱏ. ⰺ҅ⱎⱐⰴⱏⱎⰵ ⱀⰰ ⱃⰰⱄⱂⱘⱅⱐⱑ ⰵⰳⱁ ⱃⱐⱌⱑⱅⰵ.
Въ н̑ьже колижьдо градъ въходите. ꙇ҅ не приемл̑ѭтъ васъ. ꙇ҅шьдъше на распѫтьѣ его рьцѣте.
10:11
ⰺ҅ ⱂⱃⰰⱈⱏ ⱂⱃⰻⰾⱐⱂⱏⱎⰻⰹ ⱀⰰⱄⱏ. ⱁⱅⱏ ⰳⱃⰰⰴⰰ ⰲⰰⱎⰵⰳⱁ ⰲⱏ ⱀⱁⰳⰰⱈⱏ =ⱀ=ⰰⱎⰻⱈⱏ. ⱁⱅⱏⱅⱃⱔⱄⰰⰵⰿⱏ ⰲⰰⰿⱏ. Ⱉⰱⰰⱍⰵ ⱄⰵ ⰲⱑⰴⰻⱅⰵ. ⱑⰽⱁ ⱂⱃⰻⰱⰾⰻⰶⰻ ⱄⱔ ⱀⰰ ⰲⱏⰹ ⱌⱃ҃ⱄⰻⰵ ⰱⰶ҃ⰻⰵ.
ꙇ҅ прахъ прильпъшиі насъ. отъ града вашего въ ногахъ =н=ашихъ. отътрѧсаемъ вамъ. Ѡбаче се вѣдите. ѣко приближи сѧ на вꙑ цр҃сие бж҃ие.
10:12
ⰳⰾ҃ⱙ ⰲⰰⰿⱏ. ⱑⰽⱁ ⱄⱁⰴⱁⰿⰾ̑ⱑⱀⰵⰿⱏ ⰲⱏ ⱅⱏ ⰴⱐⱀⱐ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ. ⱀⰵⰶⰵ ⰳⱃⰰⰴⱆ ⱅⱁⰿⱆ.
гл҃ѭ вамъ. ѣко содомл̑ѣнемъ въ тъ дьнь. отърадьнѣе бѫдетъ. неже градоу томоу.
10:13
Ⰳⱁⱃⰵ ⱅⰵⰱⱑ ⱈⱁⱃⰰⰸⰻⱀⱏ. ⰳⱁⱃⰵ ⱅⰵⰱⱑ ⰲⰻⰴⱏⱄⰰⰺ҅ⰴⰰ. ⱑⰽⱁ ⰰⱎⱅⰵ ⰲⱏ ⱅⸯⱛⱃⱑ. ⰺ҅ ⱄⰻⰴⱁⱀⱑ ⱄⰻⰾⱏⰹ ⰱⰻⱎⱔ ⰱⱏⰹⰾⱏⰹ. ⰱⱏⰹⰲⱏⱎⱔⱗ ⰲⱏ ⰲⰰⱓ. ⰴⱃⰵⰲⰾ̑ⰵ. ⱆⰱⱁ ⰲⱏ ⰲⱃⱑⱅⰻⱎⱅⰻ ⰺ҅ ⱂⱁⱂⰵⰾⱑ. ⱄⱑⰴⱔⱎⱅⰵ ⱂⱁⰽⰰⰰⰾⰻ ⱄⱔ ⰱⰻⱎⱔ.
Горе тебѣ хоразинъ. горе тебѣ видъсаꙇ҅да. ѣко аште въ тⸯѵрѣ. ꙇ҅ сидонѣ силꙑ бишѧ бꙑлꙑ. бꙑвъшѧѩ въ ваю. древл̑е. оубо въ врѣтишти ꙇ҅ попелѣ. сѣдѧште покаали сѧ бишѧ.
10:14
ⱁⰱⰰⱍⰵ ⱅⸯⱛⱃⱆ ⰺ҅ ⱄⰻⰴⱁⱀⱆ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⱀⰰ ⱄⱘⰴⱑ. ⱀⰵⰶⰵ ⰲⰰⰿⰰ.
обаче тⸯѵроу ꙇ҅ сидоноу. отърадьнѣе бѫдетъ на сѫдѣ. неже вама.
10:15
ⰺ҅ ⱅⱏⰹ ⰽⰰⱇⰵⱃⱏⱀⰰⱆⰿⱏ. ⰴⱁ !ⱀⱄⰵ ⰲⱐⰸⱀⰵⱄⱏ ⱄⱔ. ⰴⱁ ⰰⰴⰰ ⱄⱏⰲⰵⰴⰵⱎⰻ ⱄⱔ.
ꙇ҅ тꙑ каферънаоумъ. до !нсе вьзнесъ сѧ. до ада съведеши сѧ.
10:16
Ⱄⰾⱆⱎⰰⱗⰹ ⰲⰰⱄⱏ. ⰿⰵⱀⰵ ⱄⰾⱆⱎⰰⰵⱅⱏ. ⰺ҅ ⱄⰾⱆⱎⰰⱗⰻ ⰿⰵⱀⰵ. ⱄⰾⱆⱎⰰⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺ҅ ⱁⱅⱏⰿⱑⱅⰰⱗⰹ ⱄⱔ ⰲⰰⱄⱏ. ⰿⰵⱀⰵ ⱄⱔ ⱁⱅⱏⰿⱑⱅⰰⰵⱅⱏ. ⰰ ⱁⱅⱏⰿⱑⱅⰰⱗⰹ ⱄⱔ ⰿⰵⱀⰵ. ⱁⱅⱏⰿⱑⱅⰰⰵⱅⱏ ⱄⱔ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
Слоушаѩі васъ. мене слоушаетъ. ꙇ҅ слоушаѩи мене. слоушаетъ посълавъшааго мѧ. ꙇ҅ отъмѣтаѩі сѧ васъ. мене сѧ отъмѣтаетъ. а отъмѣтаѩі сѧ мене. отъмѣтаетъ сѧ посълавъшааго мѧ.
10:17
Ⰲⱏⰸⰲⱃⰰⱅⰻⱎⱔ ⰶⰵ ⱄⱔ ⱄⰵⰴⰿⱐ ⰴⰵⱄⱔⱅⰻⰹ. ⱄⱏ ⱃⰰⰴⱁⱄⱅⰻⱙ ⰳⰾ҃ⱙⱎⱅⰵ. ⰳ҃ⰻ. ⰺ҅ ⰱⱑⱄⰻ ⱂⱁⰲⰻⱀⱆⱙⱅⱏ ⱄⱔ ⱀⰰⰿⱏ ⱁ ⰺ҅ⰿⰵⱀⰻ ⱅⰲⱁⰵⰿⱐ.
Възвратишѧ же сѧ седмь десѧтиі. съ радостиѭ гл҃ѭште. г҃и. ꙇ҅ бѣси повиноуѭтъ сѧ намъ о ꙇ҅мени твоемь.
10:18
ⱃⰵⱍⰵ ⰶⰵ ⰺ҅ⰿⱏ. ⰲⰻⰴⱑⱈⱏ ⱄⱁⱅⱁⱀⱘ. ⱑⰽⱁ ⰿⰾⱏⱀⰻⱙ ⱄⱏ !ⱀⱄⰵ ⱂⰰⰴⱏⱎⰰ.
рече же ꙇ҅мъ. видѣхъ сотонѫ. ѣко млъниѭ съ !нсе падъша.
10:19
ⱄⰵ ⰴⰰⱈⱏ ⰲⰰⰿⱏ ⰲⰾⰰⱄⱅⱐ. ⱀⰰⱄⱅⱘⱂⰰⱅⰻ ⱀⰰ ⰸⰿⱐⱗ. ⰺ҅ ⱄⰽⱁⱃⱏⱂⰻⱗ. ⰺ҅ ⱀⰰ ⰲⱄⱘ ⱄⰻⰾⱘ ⰲⱃⰰⰶⱐⱙ. ⰺ҅ ⱀⰻⱍⱐⱅⱁⰶⰵ ⰲⰰⱄⱏ ⱀⰵ ⰲⱃⱑⰴⰻⱅⱏ.
се дахъ вамъ власть. настѫпати на змьѩ. ꙇ҅ скоръпиѩ. ꙇ҅ на всѫ силѫ вражьѭ. ꙇ҅ ничьтоже васъ не врѣдитъ.
10:20
ⱁⰱⰰⱍⰵ ⱁ ⱄⰵⰿⱐ ⱀⰵ ⱃⰰⰴⱆⰺⱅⰵ ⱄⱔ. ⱑⰽⱁ ⰱⱑⱄⰻ ⰲⰰⰿⱏ ⱂⱁⰲⰻⱀⱆⱙⱅⱏ ⱄⱔ. ⱃⰰⰴⱆⰺ҅ⱅⰵ ⰶⰵ ⱄⱔ. ⱑⰽⱁ ⰺ҅ⰿⰵⱀⰰ ⰲⰰⱎⰰ ⱀⰰⱂⱄⰰⱀⰰ ⱄⱘⱅⱏ. ⱀⰰ !ⱀⱄⱈⱏ.
обаче о семь не радоуꙇте сѧ. ѣко бѣси вамъ повиноуѭтъ сѧ. радоуꙇ҅те же сѧ. ѣко ꙇ҅мена ваша напсана сѫтъ. на !нсхъ.
10:21
Ⰲⱏ ⱅⱏ ⱍⰰⱄⱏ ⰲⱏⰸⰴⱃⰰⰴⱁⰲⰰ ⱄⱔ ⰴⱈ҃ⱁⰿⱐ ⰻⱄ҃. ⰺ҅ ⱃⰵⱍⰵ. ⰺ҅ⱄⱂⱁⰲⱑⰴⰰⱙ ⱅⰻ ⱄⱔ !ⱁⱍⰵ. ⰳ҃ⰻ ⱀⰵⰱ҃ⱄⰵ ⰺ҅ ⰸⰵⰿⰾ̑ⱔ. ⱑⰽⱁ ⱆⱅⰰⰺ҅ⰾⱏ ⰵⱄⰻ ⱄⰻ ⱁⱅⱏ ⱂⱃⱑⰿⱘⰴⱃⱏ. ⰺ҅ ⱃⰰⰸⱆⰿⱐⱀⱏ. ⰺ҅ ⱁⱅⱏⰽⱃⱏⰹ ⱄⰻ ⰿⰾⰰⰴⱐⱀⱐⱌⰵⰿⱏ. ⰵⰹ !ⱁⱍⰵ ⱑⰽⱁ ⱅⰰⰽⱁ ⰱⱏⰹⱄⱅⱏ. ⰱⰾⰰⰳⱁⰲⱁⰾ̑ⰵⱀⰻⰵ ⱂⱃⱑⰴⱏ ⱅⱁⰱⱁⱙ.
Въ тъ часъ въздрадова сѧ дх҃омь ис҃. ꙇ҅ рече. ꙇ҅сповѣдаѭ ти сѧ !оче. г҃и неб҃се ꙇ҅ земл̑ѧ. ѣко оутаꙇ҅лъ еси си отъ прѣмѫдръ. ꙇ҅ разоумьнъ. ꙇ҅ отъкрꙑ си младьньцемъ. еі !оче ѣко тако бꙑстъ. благовол̑ение прѣдъ тобоѭ.
10:22
Ⰲⸯⱄⱑ ⰿⱀⱑ ⱂⱃⱑⰴⰰⱀⰰ ⰱⱏⰹⱎⱔ. ⱁⱅⱏ ⱁⱌ҃ⰰ ⰿⱁⰵⰳⱁ. ⰺ҅ ⱀⰻⰽⱏⱅⱁⰶⰵ ⱀⰵ ⰲⱑⱄⱅⱏ ⰽⱏⱅⱁ ⰵⱄⱅⱏ ⱄⱀ҃ⱏ. ⱅⱏⰽⱏⰿⱁ ⱁⱌ҃ⱐ. ⰺ҅ ⰽⱏⱅⱁ ⰵⱄⱅⱏ ⱁⱌ҃ⱐ ⱅⱁⰽⸯⰿⱁ ⱄⱀ҃ⱏ. ⰺ҅ ⰵⰿⱆⰶⰵ ⰰⱎⱅⰵ ⱈⱁⱎⱅⰵⱅⱏ !ⱄⱀⱏ ⰰⰲⰻⱅⰻ.
Вⸯсѣ мнѣ прѣдана бꙑшѧ. отъ оц҃а моего. ꙇ҅ никътоже не вѣстъ къто естъ сн҃ъ. тъкъмо оц҃ь. ꙇ҅ къто естъ оц҃ь токⸯмо сн҃ъ. ꙇ҅ емоуже аште хоштетъ !снъ авити.
10:23
ⰺ҅ ⱁⰱⱃⰰⱎⱅⱐ ⱄⱔ ⰽⱏ ⱆⱍⰵⱀⰻⰽⱁⰿⱏ ⰵⰴⰻⱀⱏ ⱃⰵⱍⰵ. Ⰱⰾⰰⰶⰵⱀⱑ ⱁⱍⰻ ⰲⰻⰴⱔⱎⱅⰻⰹ. ⱑⰶⰵ ⰲⰻⰴⰻⱅⰵ.
ꙇ҅ обрашть сѧ къ оученикомъ единъ рече. Блаженѣ очи видѧштиі. ѣже видите.
10:24
ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⰿⱀⱁⰸⰻ !ⱂⱃⱁ!ⱃⱌⰻ. ⰺ҅ !ⱌⱃⰻ. ⰲⱏⱄⱈⱁⱅⱑⱎⱔ ⰲⰻⰴⱑⱅⰻ. ⱑⰶⰵ ⰲⰻⰴⰻⱅⰵ. ⰺ҅ ⱀⰵ ⰲⰻⰴⱑⱎⱔ. ⰺ҅ ⱄⰾⱏⰹⱎⰰⱅⰻ. ⱑⰶⰵ ⱄⰾⱏⰹⱎⰻⱅⰵ. ⰺ҅ ⱀⰵ ⱄⰾⱏⰹⱎⰰⱎⱔ.
гл҃ѭ бо вамъ. ѣко мнози !про!рци. ꙇ҅ !цри. въсхотѣшѧ видѣти. ѣже видите. ꙇ҅ не видѣшѧ. ꙇ҅ слꙑшати. ѣже слꙑшите. ꙇ҅ не слꙑшашѧ.
10:25
Ⰺ ⱄⰵ ⰸⰰⰽⱁⱀⱀⰻⰽⱏ ⰵⱅⰵⱃⱏ ⰲⱏⱄⱅⰰ. ⰺ҅ⱄⰽⱆⱎⰰⱗ ⰹ ⰺ҅ ⰳⰾ҃ⱔ. ⱆⱍⰻⱅⰵⰾ̑ⱓ. ⱍⱐⱅⱁ ⱄⱏⱅⰲⱁⱃⱐ. ⰶⰻⰲⱁⱅⱏ ⰲⱑⱍⱐⱀⱏⰹ ⱀⰰⱄⰾⱑⰴⱆⱙ.
Ꙇ се законникъ етеръ въста. ꙇ҅скоушаѩ і ꙇ҅ гл҃ѧ. оучител̑ю. чьто сътворь. животъ вѣчьнꙑ наслѣдоуѭ.
10:26
ⱁⱀⱏ ⰶⰵ ⱃⰵⱍⰵ ⰽⱏ ⱀ̑ⰵⰿⱆ. ⰲⱏ ⰸⰰⰽⱁⱀⱑ ⱍⱐⱅⱁ ⰵⱄⱅⱏ ⱂⸯⱄⰰⱀⱁ. ⰽⰰⰽⱁ ⱍⱐⱅⰵⱎⰻ.
онъ же рече къ н̑емоу. въ законѣ чьто естъ пⸯсано. како чьтеши.
10:27
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⰲⱐⰸⰾ̑ⱓⰱⰻⱎⰻ !ⰳⰰ ⰱ҃ⰰ ⱄⰲⱁⰵⰳⱁ. ⱁⱅⱏ ⰲⱄⰵⰳⱁ ⱄⱃⱏⰴⱐⱌⰰ ⱅⰲⱁⰵⰳⱁ. ⰺ҅ ⰲⸯⱄⰵⱙ ⰴⱎ҃ⰵⱙ. ⰺ҅ ⰲⱐⱄⰵⱙ ⰽⱃⱑⱂⱁⱄⱅⰻⱙ ⱅⰲⱁⰵⱙ. ⰺ҅ ⰲⸯⱄⱑⰿⱐ ⱂⱁⰿⱏⰹⱎⰾ̑ⰵⱀⱐⰵⰿⱐ ⱅⰲⱁⰺ҅ⰿⱐ. ⰺ҅ ⱂⱁⰴⱃⱆⰳⰰ ⱄⰲⱁⰵⰳⱁ ⱑⰽⱁ ⱄⰰⰿⱏ ⱄⱔ.
онъ же отъвѣштавъ рече. вьзл̑юбиши !га б҃а своего. отъ всего сръдьца твоего. ꙇ҅ вⸯсеѭ дш҃еѭ. ꙇ҅ вьсеѭ крѣпостиѭ твоеѭ. ꙇ҅ вⸯсѣмь помꙑшл̑еньемь твоꙇ҅мь. ꙇ҅ подроуга своего ѣко самъ сѧ.
10:28
ⱃⰵⱍⰵ ⰶⰵ ⰵⰿⱆ ⰻⱄ҃. ⱂⱃⰰⰲⱑ ⱁⱅⱏⰲⱑⱎⱅⰰ. ⱄⰵ ⱅⰲⱁⱃⰻ. ⰺ҅ ⰶⰻⰲⱏ ⰱⱘⰴⰵⱎⰻ.
рече же емоу ис҃. правѣ отъвѣшта. се твори. ꙇ҅ живъ бѫдеши.
10:29
ⱁⱀⱏ ⰶⰵ ⱈⱁⱅⱔ ⱁⱂⱃⰰⰲⱐⰴⰻⱅⰻ ⱄⱔ ⱄⰰⰿⱏ. ⱃⰵⱍⰵ ⰽⱏ ⰺⱄ҃ⰲⰻ. ⰺ҅ ⰽⱏⱅⱁ ⰵⱄⱅⱏ ⰺ҅ⱄⰽⱃⱐⱀ̑ⰻⰹ ⰿⰻ.
онъ же хотѧ оправьдити сѧ самъ. рече къ ꙇс҃ви. ꙇ҅ къто естъ ꙇ҅скрьн̑иі ми.
10:30
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃. ⱃⰵⱍⰵ. !Ⱍⰽⱏ ⰵⱅⰵⱃⱏ ⱄⱏⱈⱁⰶⰴⰰⰰⱎⰵ. ⱁⱅⱏ ⰺⰾ҃ⰿⰰ ⰲⱏ ⰵⱃⰻⱈⱘ. ⰺ҅ ⰲⱏ ⱃⰰⰸⰱⱁⰺ҅ⱀⰻⰽⱏⰹ ⰲⱏⱂⰰⰴⰵ. ⰺ҅ⰶⰵ ⰺ҅ ⱄⱏⰲⰾⱏⰽⱏⱎⰵ ⰹ. ⰺ҅ ⱑⰸⰲⱏⰹ ⰲⱏⰸⰾⱁⰶⱐⱎⰵ ⱁⱅⰻⰴⱁⱎⱔ. ⰺ҅ ⱁⱄⱅⰰⰲⱐⱎⰵ ⰹ ⰵⰾⱑ ⰶⰻⰲⱏ ⱄⱘⱎⱅⱐ.
отъвѣштавъ же ис҃. рече. !Чкъ етеръ съхождааше. отъ ꙇл҃ма въ ерихѫ. ꙇ҅ въ разбоꙇ҅никꙑ въпаде. ꙇ҅же ꙇ҅ съвлъкъше і. ꙇ҅ ѣзвꙑ възложьше отидошѧ. ꙇ҅ оставьше і елѣ живъ сѫшть.
10:31
ⱂⱁ ⱂⱃⰻⰽⰾ̑ⱓⱍⰰⱓ ⰶⰵ. ⰺ҅ⰵⱃⱑⰹ ⰵⱅⰵⱃⱏ. ⱄⱏⱈⱁⰶⰴⰰⰰⱎⰵ ⱂⱘⱅⱐⰿⱐ ⱅⱑⰿⱐ. ⰺ҅ ⰲⰻⰴⱑⰲⱏ ⰹ ⰿⰻⰿⱁⰺ҅ⰴⰵ.
по прикл̑ючаю же. ꙇ҅ерѣі етеръ. съхождааше пѫтьмь тѣмь. ꙇ҅ видѣвъ і мимоꙇ҅де.
10:32
ⱅⰰⰽⱁⰶⰴⰵ ⰶⰵ ⰺ҅ ⰾⰵ̆ⱛⰼⰻⱅⱏ. ⰱⱏⰹⰲⱏ ⱀⰰ ⱅⱁⰿⱐ ⰿⱑⱄⱅⱑ. ⱂⱃⰻⱎⱐⰴⱏ. ⰺ҅ ⰲⰻⰴⱑⰲⱏ ⰹ ⰿⰻⰿⱁⰺ҅ⰴⰵ.
такожде же ꙇ҅ лӗѵђитъ. бꙑвъ на томь мѣстѣ. пришьдъ. ꙇ҅ видѣвъ і мимоꙇ҅де.
10:33
ⱄⰰⰿⰰⱃⱑⱀⰻⱀⱏ ⰶⰵ ⰵⱅⰵⱃⱏ ⰳⱃⱔⰴⱏⰹ. ⱂⱃⰻⰴⰵ ⱀⰰⰴⱏ ⱀ̑ⱐ. ⰺ҅ ⰲⰻⰴⱑⰲⱏ ⰹ ⰿⰻⰾⱁⱄⱃⱏⰴⱁⰲⰰ.
самарѣнинъ же етеръ грѧдꙑ. приде надъ н̑ь. ꙇ҅ видѣвъ і милосръдова.
10:34
ⰺ҅ ⱂⱃⰻⱄⱅⱘⱂⰾ̑ⱐ ⱁⰱⱔⰸⰰ ⱄⱅⱃⱆⱂⱏⰹ ⰵⰳⱁ. ⰲⱐⰸⰾⰻⰲⰰⱗ ⰿⰰⱄⰾⱁ ⰺ҅ ⰲⰻⱀⱁ. ⰲⱏⱄⰰⰶⰴⱐ ⰶⰵ ⰹ ⱀⰰ ⱄⰲⱁⰹ ⱄⰽⱁⱅⱏ. ⱂⱃⰻⰲⰵⰴⰵ. ⰶⰵ ⰹ ⰲⱏ ⰳⱁⱄⱅⰻⱀⰻⱌⱘ. ⰺ҅ ⱂⱃⰻⰾⰵⰶⰰ ⰵⰿⱐ.
ꙇ҅ пристѫпл̑ь обѧза строупꙑ его. вьзливаѩ масло ꙇ҅ вино. въсаждь же і на своі скотъ. приведе. же і въ гостиницѫ. ꙇ҅ прилежа емь.
10:35
ⰺ҅ ⱀⰰ ⱆⱅⱃⱐⱑ ⰺ҅ⱎⱐⰴⱏ. ⰺ҅ⰸⱐⰿⱏ ⰴⸯⰲⰰ ⱂⱑⱀⱔⰸⰰ ⰴⰰⱄⱅⱏ ⰳⱁⱄⱅⰻⱀⱀⰻⰽⱆ. ⰺ҅ ⱃⰵⱍⰵ ⰵⰿⱆ. ⱂⱃⰻⰾⰵⰶⰻ ⰵⰿⱐ. ⰺ҅ ⰵⰶⰵ ⰰⱎⱅⰵ ⱂⱃⰻⰹⰶⰴⰹⰲⰵⱎⰻ. ⰰⰸⱏ ⰵⰳⰴⰰ ⰲⱏⰸⰲⱃⰰⱎⱅⱘ ⱄⱔ ⰲⱏⰸⰴⰰⰿⱐ ⱅⰻ.
ꙇ҅ на оутрьѣ ꙇ҅шьдъ. ꙇ҅зьмъ дⸯва пѣнѧза дастъ гостинникоу. ꙇ҅ рече емоу. прилежи емь. ꙇ҅ еже аште приіждівеши. азъ егда възвраштѫ сѧ въздамь ти.
10:36
ⰽⱏⱅⱁ ⱆⰱⱁ ⱅⱑⱈⱏ ⱅⱃⰹⰻ. ⰺ҅ⱄⰽⱃⱐⱀ̑ⰻⰹ ⰿⱐⱀⰻⱅⱏ ⱅⰻ ⱄⱔ ⰱⱏⰹⱅⰻ. ⰲⱏⱂⰰⰴⱏⱎ̑ⱓⰿⱆ ⰲⱏ ⱃⰰⰸⰱⱁⰺ҅ⱀⰻⰽⱏⰹ.
къто оубо тѣхъ тріи. ꙇ҅скрьн̑иі мьнитъ ти сѧ бꙑти. въпадъш̑юмоу въ разбоꙇ҅никꙑ.
10:37
ⱁⱀⱏ ⰶⰵ ⱃⰵⱍⰵ. ⱄⱏⱅⰲⱁⱃⱐⰹ ⰿⰻⰾⱁⱄⱅⱏⰹⱀ̑ⱙ ⱄⱏ ⱀ̑ⰻⰿⱐ. ⱃⰵⱍⰵ ⰶⰵ ⰵⰿⱆ ⰻⱄ҃. ⰺ҅ⰴⰻ ⰺ҅ ⱅⱏⰹ ⱅⰲⱁⱃⰻ ⱅⰰⰽⱁⰶⰴⰵ.
онъ же рече. сътворьі милостꙑн̑ѭ съ н̑имь. рече же емоу ис҃. ꙇ҅ди ꙇ҅ тꙑ твори такожде.
10:38
Ⰱⱏⰹⱄⱅⱏ ⰶⰵ ⱈⱁⰴⱔⱎⱅⱓ ⰵⰿⱆ. ⰺ҅ ⱅⱏ ⰲⱐⱀⰻⰴⰵ ⰲⱏ ⰲⱐⱄⱐ ⰵⱅⰵⱃⱘ. ⰶⰵⱀⰰ ⰶⰵ ⰵⱅⰵⱃⰰ ⰺ҅ⰿⰵⱀⰵⰿⱐ ⰿⰰⱃⸯⱅⰰ. ⱂⱃⰻⱗⱅⱏ ⰹ ⰲⱏ ⰴⱁⰿⱏ ⱄⰲⱁⰻ.
Бꙑстъ же ходѧштю емоу. ꙇ҅ тъ вьниде въ вьсь етерѫ. жена же етера ꙇ҅менемь марⸯта. приѩтъ і въ домъ свои.
10:39
ⰺ҅ ⱄⰵ ⰵⰹ ⰱⱑ ⱄⰵⱄⱅⱃⰰ. ⰺ҅ⰿⰵⱀⰵⰿⱐ ⰿⰰⱃⰻⱑ. ⱑⰶⰵ ⰺ҅ ⱄⱑⰴⱏⱎⰻ ⱂⱃⰻ ⱀⱁⰳⱆ ⰺ҅ⱄ҃ⰲⱆ. ⱄⰾⱏⰹⱎⰰⰰⱎⰵ ⱄⰾⱁⰲⱁ ⰵⰳⱁ.
ꙇ҅ се еі бѣ сестра. ꙇ҅менемь мариѣ. ѣже ꙇ҅ сѣдъши при ногоу ꙇ҅с҃воу. слꙑшааше слово его.
10:40
ⰺ҅ ⰿⰰⱃⸯⱅⰰ ⰿⰾⱏⰲⰾ̑ⱑⰰⱎⰵ. ⱁ ⰿⱀⱁⰸⱑ ⱄⰾⱆⰶⱐⰱⱑ. ⱄⱅⰰⰲⱐⱎⰻ ⰶⰵ ⱃⰵⱍⰵ. ⰳ҃ⰻ. ⱀⰵ ⱃⱁⰴⰻⱎⰻ ⰾⰻ ⱑⰽⱁ ⱄⰵⱄⱅⱃⰰ ⰿⱁⱑ. ⰵⰴⰻⱀⱘ ⰿⱔ ⱁⱄⱅⰰⰲⰻ ⱄⰾⱆⰶⰻⱅⰻ. ⱃⱐⱌⰻ ⱆⰱⱁ ⰵⰹ ⰴⰰ ⰿⰻ ⱂⱁⰿⱁⰶⰵⱅⱏ.
ꙇ҅ марⸯта млъвл̑ѣаше. о мнозѣ слоужьбѣ. ставьши же рече. г҃и. не родиши ли ѣко сестра моѣ. единѫ мѧ остави слоужити. рьци оубо еі да ми поможетъ.
10:41
ⱁⱅⱏⰲⱑⱎⱅⰰⰲⱏ ⰶⰵ ⱃⰵⱍⰵ ⰵⰹ ⰻⱄ҃. ⰿⰰⱃⸯⱅⰰ. ⰿⰰⱃⸯⱅⰰ. ⱂⰵⱍⰵⱎⰻ ⱄⱔ ⰺ҅ ⰿⰾⱐⰲⰻⱎⰻ ⱁ ⰿⱀⱁⰸⱑ.
отъвѣштавъ же рече еі ис҃. марⸯта. марⸯта. печеши сѧ ꙇ҅ мльвиши о мнозѣ.
10:42
ⰵⰴⰻⱀⱁ ⰶⰵ ⰵⱄⱅⱏ ⱀⰰ ⱂⱁⱅⱃⱑⰱⱘ. ⰿⰰⱃⰻⱑ ⰱⱁ ⰱⰾⰰⰳⱘⱙ ⱍⱔⱄⱅⱐ ⰺ҅ⰸⰱⱏⱃⰰ. ⱑⰶⰵ ⱀⰵ ⱁⱅⱏⰺ҅ⰿⰵⱅⱏ ⱄⱔ ⱁⱅⱏ ⱀ̑ⰵⱗ.
едино же естъ на потрѣбѫ. мариѣ бо благѫѭ чѧсть ꙇ҅збъра. ѣже не отъꙇ҅метъ сѧ отъ н̑еѩ.