ЕВАНГЕЛИЕ ЕЖЕ Ѿ ЛОУКꙐ
7:1
ⰵⰳⰴⰰ ⰶⰵ ⱄⱏⰽⱁⱀⱐⱍⰰ ⰲⱄⱔ ⰳⰾ҃ⱏⰹ ⱄⱐⱗ. ⰲⱏ ⱄⰾⱆⱈⱏⰹ ⰾ̑ⱓⰴⱐⰿⱏ. ⰲⱐⱀⰻⰴⰵ ⰲⱏ ⰽⰰⱂⰵⱃⱏⱀⰰⱆⰿⱏ.
егда же съконьча всѧ гл҃ꙑ сьѩ. въ слоухꙑ л̑юдьмъ. вьниде въ каперънаоумъ.
7:2
Ⱄⱏⱅⱐⱀⰻⰽⱆ ⰶⰵ ⰵⱅⰵⱃⱆ ⱃⰰⰱⱏ ⰱⱁⰾⱔ ⰸⱐⰾⱑ. ⱆⰿⰻⱃⰰⰰⱎⰵ. ⰺ҅ⰶⰵ ⰱⱑ ⰵⰿⱆ ⱍⱐⱄⱅⱐⱀⱏ.
Сътьникоу же етероу рабъ болѧ зьлѣ. оумирааше. ꙇ҅же бѣ емоу чьстьнъ.
7:3
ⱄⰾⱏⰹⱎⰰⰲⱏ ⰶⰵ ⰺⱄ҃ⰰ ⱂⱁⱄⱏⰾⰰ ⰽⱏ ⱀ̑ⰵⰿⱆ ⱄⱅⰰⱃⱐⱌⱔ. ⰺ҅ⱓⰴⰵⰺ҅ⱄⰽⱏⰹ. ⰿⱁⰾⱔ ⰹ ⰴⰰ ⱄⱂ҃ⰵⱅⱏ ⱃⰰⰱⱏ ⰵⰳⱁ.
слꙑшавъ же ꙇс҃а посъла къ н̑емоу старьцѧ. ꙇ҅юдеꙇ҅скꙑ. молѧ і да сп҃етъ рабъ его.
7:4
ⱁⱀⰻ ⰶⰵ ⱂⱃⰻⱎⱐⰴⱏⱎⰵ ⰽⱏ ⰺⱄ҃ⰲⰻ. ⰿⱁⰾ̑ⱑⰰⱈⱘ ⰹ ⱅⱏⱎⱅⱐⱀⱁ ⰳⰾ̑ⱙⱎⱅⰵ ⰵⰿⱆ. ⱑⰽⱁ ⰴⱁⱄⱅⱁⰺ҅ⱀⱏ ⰵⱄⱅⱏ. ⰵⰶⰵ ⰰⱎⱅⰵ ⰴⰰⱄⰻ ⰵⰿⱆ.
они же пришьдъше къ ꙇс҃ви. мол̑ѣахѫ і тъштьно гл̑ѭште емоу. ѣко достоꙇ҅нъ естъ. еже аште даси емоу.
7:5
ⰾ̑ⱓⰱⰻⱅⱏ ⰱⱁ ⱗⰸⱏⰹⰽⱏ ⱀⰰⱎⱐ. ⰺ҅ ⱄⱏⱀⱏⰿⰻⱎⱅⰵ ⱅⱏ ⱄⱏⰸⱏⰴⰰ ⱀⰰⰿⱏ.
л̑юбитъ бо ѩзꙑкъ нашь. ꙇ҅ сънъмиште тъ съзъда намъ.
7:6
ⰺⱄ҃ ⰶⰵ ⰺ҅ⰴⱑⰰⱎⰵ ⱄⱏ ⱀ̑ⰻⰿⰻ. ⰵⱎⱅⰵ ⰶⰵ ⰵⰿⱆ ⱀⰵⰴⰰⰾⰵⱍⰵ ⱄⱘⱎⱅⱓ ⱁⱅⱏ ⰴⱁⰿⱆ. ⱂⱁⱄⱏⰾⰰ ⰽⱏ ⱀ̑ⰵⰿⱆ ⰴⱃⱆⰳⱏⰹ ⱄⱏⱅⱐⱀⰻⰽⱏ ⰳⰾ҃ⱔ ⰵⰿⱆ. ⰳ҃ⰻ ⱀⰵ ⰴⰲⰻⰶⰻ ⱄⱔ. ⱀⱑⱄⰿⱐ ⰱⱁ ⰴⱁⱄⱅⱁⰺ҅ⱀⱏ. ⰴⰰ ⱂⱁⰴⱏ ⰽⱃⱁⰲⱏ ⰿⱁⰹ ⰲⱐⱀⰻⰴⰵⱎⰻ.
ꙇс҃ же ꙇ҅дѣаше съ н̑ими. еште же емоу недалече сѫштю отъ домоу. посъла къ н̑емоу дроугꙑ сътьникъ гл҃ѧ емоу. г҃и не движи сѧ. нѣсмь бо достоꙇ҅нъ. да подъ кровъ моі вьнидеши.
7:7
ⱅⱑⰿⱐ ⰶⰵ ⱀⰵ ⱄⰵⰱⰵ ⰴⱁⱄⱅⱁⰺⱀⰰ ⱄⱏⱅⰲⱁⱃⰻⱈⱏ. ⱂⱃⰻⱅⰻ ⰽⱏ ⱅⰵⰱⱑ. ⱀⱏ ⱃⱐⱌⰻ ⱄⰾⱁⰲⱁⰿⱐ. ⰺ҅ ⰻⱌⱑⰾⱑⱅⱏ ⱁⱅⱃⱁⰽⱏ ⰿⱁⰻ.
тѣмь же не себе достоꙇна сътворихъ. прити къ тебѣ. нъ рьци словомь. ꙇ҅ ицѣлѣтъ отрокъ мои.
7:8
ⰺ҅ⰱⱁ ⰰⰸⱏ ⱍⰽ҃ⱏ ⰵⱄⰿⱐ ⱂⱁⰴⱏ ⰲⰾⰰⱄⱅⰵⰾⱏⰹ. ⱆⱍⰻⱀ̑ⰵⱀⱏ. ⰺ҅ⰿⱑⱗ ⱂⱁⰴⱏ ⱄⱁⰱⱁⱙ ⰲⱁⱗ. ⰺ҅ ⰳⰾ҃ⱙ ⱄⰵⰿⱆ ⰺ҅ⰴⰻ. ⰺ҅ ⰻⰴⰵⱅⱏ. ⰺ҅ ⰴⱃⱆⰳⱆⰿⱆ ⱂⱃⰻⰴⰻ. ⰺ҅ ⱂⱃⰻⰴⰵⱅⱏ. ⰺ҅ ⱃⰰⰱⱆ ⰿⱁⰵⰿⱆ. ⱄⱏⱅⰲⱁⱃⰻ ⱄⰵ ⰺ҅ ⱄⱏⱅⰲⱁⱃⰻⱅⱏ.
ꙇ҅бо азъ чк҃ъ есмь подъ властелꙑ. оучин̑енъ. ꙇ҅мѣѩ подъ собоѭ воѩ. ꙇ҅ гл҃ѭ семоу ꙇ҅ди. ꙇ҅ идетъ. ꙇ҅ дроугоумоу приди. ꙇ҅ придетъ. ꙇ҅ рабоу моемоу. сътвори се ꙇ҅ сътворитъ.
7:9
ⰺ҅ ⱄⰾⱏⰹⱎⰰⰲⱏ ⱄⰵ ⰻⱄ҃. ⱍⱓⰴⰻ ⱄⱔ ⰵⰿⱆ. ⰺ҅ ⱁⰱⱃⰰⱎⱅⱐ ⱄⱔ ⱂⱁⱄⰾⱑⰴⱆⱙⱎⱅⱓⰿⱆ ⱀⰰⱃⱁⰴⱆ ⱃⰵⱍⰵ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱀⰹ ⰲⱏ !ⰺⰾ̑ⰻ ⱅⱁⰾⰻⰽⱁⱗ ⰲⱑⱃⱏⰹ ⱀⰵ ⱁⰱⱃⱑⱅⱏ.
ꙇ҅ слꙑшавъ се ис҃. чюди сѧ емоу. ꙇ҅ обрашть сѧ послѣдоуѭштюмоу народоу рече. аминь гл̑ѭ вамъ. ні въ !ꙇл̑и толикоѩ вѣрꙑ не обрѣтъ.
7:10
ⰺ҅ ⰲⱏⰸⰲⱃⰰⱎⱅⱐ ⱄⱔ ⰲⱏ ⰴⱁⰿⱏ ⱂⱁⱄⱏⰾⰰⱀⱏⰹ. ⱁⰱⱃⱑⱅⱘ ⰱⱁⰾⱔⱎⱅⰰⰰⰳⱁ ⱃⰰⰱⰰ ⰺ҅ⱌⱑⰾⱑⰲⱏⱎⰰ.
ꙇ҅ възврашть сѧ въ домъ посъланꙑ. обрѣтѫ болѧштааго раба ꙇ҅цѣлѣвъша.
7:11
Ⰺ҅ ⰱⱏⰹⱄⱅⱏ ⰲⱏ ⱂⱃⱁⱍⰻⰹ. ⰺ҅ⰴⱑⰰⱎⰵ ⰲⱏ ⰳⱃⰰⰴⱏ ⱀⰰⱃⰻⱌⰰⰵⰿⱏⰹ ⱀⰰⰺ҅ⱀⱏ. ⰺ҅ ⱄⱏ ⱀ̑ⰻⰿⱐ ⰺ҅ⰴⱑⰰⱈⱘ ⱆⱍⰵⱀⰻⱌⰻ ⰵⰳⱁ. ⰺ҅ ⱀⰰⱃⱁⰴⱏ ⰿⱀⱁⰳⱏ.
Ꙇ҅ бꙑстъ въ прочиі. ꙇ҅дѣаше въ градъ нарицаемꙑ наꙇ҅нъ. ꙇ҅ съ н̑имь ꙇ҅дѣахѫ оученици его. ꙇ҅ народъ многъ.
7:12
ⱑⰽⱁ ⰶⰵ ⱂⱃⰻⰱⰾⰻⰶⰻ ⱄⱔ ⰽⱏ ⰲⱃⰰⱅⱁⰿⱏ ⰳⱃⰰⰴⰰ. ⰺ҅ ⱄⰵ ⰺ҅ⰸⱀⱁⱎⰰⰰⱈⱘ ⱆⰿⱐⱃⱏⱎⱐ ⱄⱀ҃ⱏ. ⰺ҅ⱀⱁⱍⱔⰴⱏ ⰿⰰⱅⰵⱃⰻ ⱄⰲⱁⰵⰹ. ⰺ҅ ⱅⰰ ⰱⱑ ⰲⱏⰴⱁⰲⰰ. ⰺ҅ ⱀⰰⱃⱁⰴⱏ ⱁⱅⱏ ⰳⱃⰰⰴⰰ ⰿⱀⱁⰳⱏ ⰱⱑ ⱄⱏ ⱀ̑ⰵⱙ.
ѣко же приближи сѧ къ вратомъ града. ꙇ҅ се ꙇ҅зношаахѫ оумьръшь сн҃ъ. ꙇ҅ночѧдъ матери своеі. ꙇ҅ та бѣ въдова. ꙇ҅ народъ отъ града многъ бѣ съ н̑еѭ.
7:13
ⰺ҅ ⰲⰻⰴⱑⰲⱏ ⱙ ⰳ҃ⱐ ⰿⰻⰾⱁⱄⱃⱏⰴⱁⰲⰰ ⱙ. ⰺ҅ ⱃⰵⱍⰵ ⰵⰹ ⱀⰵ ⱂⰾⰰⱍⰻ ⱄⱔ
ꙇ҅ видѣвъ ѭ г҃ь милосръдова ѭ. ꙇ҅ рече еі не плачи сѧ
7:14
ⰺ҅ ⱂⱃⰻⱄⱅⱘⱂⰾⱐ ⰽⱁⱄⱀⱘ ⰲⱏ ⱁⰴⱃⱏ. ⱀⱁⱄⱔⱎⱅⰵⰺ ⰶⰵ ⱄⱅⰰⱎⱔ. ⰺ҅ ⱃⰵⱍⰵ. ⱓⱀⱁⱎⰵ. ⱅⰵⰱⱑ ⰳⰾ̑ⱙ ⰲⱏⱄⱅⰰⱀⰻ.
ꙇ҅ пристѫпль коснѫ въ одръ. носѧштеꙇ же сташѧ. ꙇ҅ рече. юноше. тебѣ гл̑ѭ въстани.
7:15
ⰺ ⱄⱑⰴⰵ ⰿⱃⱏⱅⰲⱏⰺ. ⰺ҅ ⱀⰰⱍⱔⱅⱏ ⰳⰾ҃ⰰⱅⰻ.
ꙇ сѣде мрътвъꙇ. ꙇ҅ начѧтъ гл҃ати.
7:16
Ⱂⱃⰻⱗⱅⱏ ⰶⰵ ⱄⱅⱃⰰⱈⱏ ⰲⱄⱔ. ⰺ҅ ⱄⰾⰰⰲⰾ̑ⱑⰰⱈⱘ ⰱ҃ⰰ ⰳⰾ҃ⱙⱎⱅⰵ. ⱑⰽⱁ ⱂⱃⱁⱃⱁⰽⱏ ⰲⰵⰾⰻⰽⱏ ⰲⱏⱄⱅⰰ ⰲⱏ ⱀⰰⱄⱏ. ⰺ҅ ⱑⰽⱁ ⱂⱁⱄⱑⱅⰻ ⰳ҃ⱐ ⰱ҃ⱏ ⰾ̑ⱓⰴⰻⰹ ⱄⰲⱁⰺⱈⱏ.
Приѩтъ же страхъ всѧ. ꙇ҅ славл̑ѣахѫ б҃а гл҃ѭште. ѣко пророкъ великъ въста въ насъ. ꙇ҅ ѣко посѣти г҃ь б҃ъ л̑юдиі своꙇхъ.
7:17
Ⰺ҅ ⰻⰸⰻⰴⰵ ⱄⰾⱁⰲⱁ ⱄⰵ ⱂⱁ ⰲⱄⰵⰹ ⰺ҅ⱓⰴⰵⰹ ⱁ ⱀ̑ⰵⰿⱐ. ⰺ҅ ⱂⱁ ⰲⱐⱄⰵⰹ ⱄⱅⱃⰰⱀⱑ.
Ꙇ҅ изиде слово се по всеі ꙇ҅юдеі о н̑емь. ꙇ҅ по вьсеі странѣ.
7:18
Ⰺ҅ ⰲⱏⰸⰲⱑⱄⱅⰻⱎⱔ ⰺ҅ⱁⰰⱀⱆ. ⱆⱍⰵⱀⰻⱌⰻ ⰵⰳⱁ. ⱁ ⰲⱄⱑⱈⱏ ⱄⰻⱈⱏ.
Ꙇ҅ възвѣстишѧ ꙇ҅оаноу. оученици его. о всѣхъ сихъ.
7:19
ⰺ҅ ⱂⱃⰻⰸⱏⰲⰰⰲⱏ ⰴⱏⰲⰰ ⰵⱅⰵⱃⰰ ⱁⱅⱏ ⱆⱍⰵⱀⰻⰽⱏ ⱄⰲⱁⰺⱈⱏ ⰺ҅ⱁⰰⱀⱏ. ⱂⱁⱄⱏⰾⰰ ⰽⱏ ⰺⱄ҃ⰲⰻ ⰳⰾ҃ⱔ. ⱅⱏⰹ ⰾⰻ ⰵⱄⰻ ⰳⱃⱔⰴⱔⰻ. ⰺ҅ⰾⰻ ⰺ҅ⱀⱁⰳⱁ ⱍⰰⰵⰿⱏ.
ꙇ҅ призъвавъ дъва етера отъ оученикъ своꙇхъ ꙇ҅оанъ. посъла къ ꙇс҃ви гл҃ѧ. тꙑ ли еси грѧдꙙи. ꙇ҅ли ꙇ҅ного чаемъ.
7:20
ⱂⱃⰻⱎⱐⰴⱏⱎⰰ ⰶⰵ ⰽⱏ ⱀ̑ⰵⰿⱆ ⰿⱘⰶⰰ ⱃⰵⰽⱁⱄⱅⰰ. ⰺ҅ⱁⰰⱀⱏ ⰽⱃⱐⱄⱅⰻⱅⰵⰾ̑ⱐ ⱂⱁⱄⱏⰾⰰ ⱀⱏⰹ ⰽⱏ ⱅⰵⰱⱑ ⰳⰾ҃ⱔ. ⱅⱏⰹ ⰾⰻ ⰵⱄⰻ ⰳⱃⱔⰴⱔⰻ. ⰺ҅ⰾⰻ ⰺ҅ⱀⱁⰳⱁ ⱍⰰⰵⰿⱏ.
пришьдъша же къ н̑емоу мѫжа рекоста. ꙇ҅оанъ крьстител̑ь посъла нꙑ къ тебѣ гл҃ѧ. тꙑ ли еси грѧдꙙи. ꙇ҅ли ꙇ҅ного чаемъ.
7:21
ⰲⱏ ⱅⱏ ⱍⰰⱄⱏ ⰺ҅ⱌⱑⰾⰻ ⰿⱀⱁⰳⱏⰹ ⱁⱅⱏ ⱀⰵ..ⰴ=ⱘⰳⱏ= ⰺ҅ ⱃⰰⱀⱏ. ⰺ҅ ⰴⱈ҃ⱏ ⰸⱏⰾⱏ. ⰺ ⰿⱀⱁⰳⱁⰿⱏ ⱄⰾⱑⱂⱁⰿⱏ ⰴⰰⱃⱁⰲⰰ ⱂⱃⱁⰸⱐⱃⱑⱀⱐⰵ.
въ тъ часъ ꙇ҅цѣли многꙑ отъ не..д=ѫгъ= ꙇ҅ ранъ. ꙇ҅ дх҃ъ зълъ. ꙇ многомъ слѣпомъ дарова прозьрѣнье.
7:22
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰺ҅ⰿⰰ. ⱎⱐⰴⱏⱎⰰ ⰲⱏⰸⰲⱑⱄⱅⰻⱅⰰ ⰺ҅ⱁⰰⱀⱀⱁⰲⰻ. ⱑⰶⰵ ⰲⰻⰴⱑⱄⱅⰰ ⰺ҅ ⱄⰾⱏⰹⱎⰰⱄⱅⰰ. ⱑⰽⱁ ⱄⰾⱑⱂⰻⰹ ⱂⱃⱁⰸⰻⱃⰰⱙⱅⱏ. ⰺ҅ ⱈⱃⱁⰿⰹⰻ ⱈⱁⰴⱔⱅⱏ. ⰺ҅ ⱂⱃⱁⰽⰰⰶⰵⱀⰻⰹ ⱁⱍⰻⱎⱅⰰⱙⱅⱏ ⱄⱔ. ⰺ҅ ⰳⰾⱆⱄⰻⰹ ⱄⰾⱏⰹⱎⱔⱅⱏ. ⰿⱃⱏⱅⰲⰻⰹ ⰲⱏⱄⱅⰰⱙⱅⱏ. ⱀⰻⱎⱅⰻⰹ ⰱⰾⰰⰳⱁⰲⱑⱄⱅⰲⱆⱙⱅⱏ.
ꙇ҅ отъвѣштавъ ис҃ рече ꙇ҅ма. шьдъша възвѣстита ꙇ҅оаннови. ѣже видѣста ꙇ҅ слꙑшаста. ѣко слѣпиі прозираѭтъ. ꙇ҅ хроміи ходѧтъ. ꙇ҅ прокажениі очиштаѭтъ сѧ. ꙇ҅ глоусиі слꙑшѧтъ. мрътвиі въстаѭтъ. ништиі благовѣствоуѭтъ.
7:23
ⰺ҅ ⰱⰾⰰⰶⱐⱀⱏ ⰵⱄⱅⱏ ⰺ҅ⰶⰵ ⰰⱎⱅⰵ ⱀⰵ ⱄⱏⰱⰾⰰⰸⱀⰻⱅⱏ ⱄⱔ ⱁ ⰿⸯⱀⱑ.
ꙇ҅ блажьнъ естъ ꙇ҅же аште не съблазнитъ сѧ о мⸯнѣ.
7:24
ⱁⱎⱐⰴⱏⱎⰵⰿⰰ ⰶⰵ ⱆⱍⰵⱀⰻⰽⱁⰿⰰ ⰺ҅ⱁⰰⱀⱁⰲⱁⰿⰰ. ⱀⰰⱍⱔⱅⱏ ⰳⰾ҃ⰰⱅⰻ ⰽⱏ ⱀⰰⱃⱁⰴⱁⰿⱏ ⱁ ⰺ҅ⱁⰰⱀⸯⱀⱑ. ⱍⰵⱄⱁ ⰺ҅ⰸⰻⰴⱁⱄⱅⰵ ⰲⱏ ⱂⱆⱄⱅⱏⰹⱀ̑ⱙ ⰲⰻⰴⱑⱅⱏ. ⱅⱃⱐⱄⱅⰻ ⰾⰻ ⰲⱑⱅⱃⱁⰿⱐ ⰴⰲⰻⰶⰵⰿⱏⰹ.
ошьдъшема же оученикома ꙇ҅оановома. начѧтъ гл҃ати къ народомъ о ꙇ҅оанⸯнѣ. чесо ꙇ҅зидосте въ поустꙑн̑ѭ видѣтъ. трьсти ли вѣтромь движемꙑ.
7:25
ⱀⱏ ⱍⰵⱄⱁ ⰺ҅ⰸⰻⰴⱁⱄⱅⰵ ⰲⰻⰴⱑⱅⱏ. ⱍⰽ҃ⰰ ⰾⰻ. ⰿⱔⰽⱏⰽⰰⰿⰻ ⱃⰻⰸⰰⰿⰻ ⱁⰴⱑⱀⰰ. ⱄⰵ ⰺ҅ⰶⰵ ⰲⱏ ⱁⰴⰵⰶⰴⰻ ⱄⰾⰰⰲⱐⱀⱑ. ⰺ҅ ⰲⱏ ⱂⰻⱎⱅⰻ ⰿⸯⱀⱁⰸⱑ ⱄⱘⱎⱅⰵ. ⰲⱐ ⱌⱃ҃ⱄⱅⰲⰹⰻⱈⱏ ⱄⱘⱅⱏ.
нъ чесо ꙇ҅зидосте видѣтъ. чк҃а ли. мѧкъками ризами одѣна. се ꙇ҅же въ одежди славьнѣ. ꙇ҅ въ пишти мⸯнозѣ сѫште. вь цр҃ствіихъ сѫтъ.
7:26
ⱀⱏ ⱍⰵⱄⱁ ⰺ҅ⰸⰻⰴⱁⱄⱅⰵ ⰲⰻⰴⱑⱅⱏ. ⱂⱃⱁⱃⱁⰽⰰ ⰾⰻ. ⰵⰺ. ⰳⰾ҃ⱙ ⰲⰰⰿⱏ. ⰺ҅ ⰾⰻⱎⰵ !ⱂⱃⱁ!ⱃⰽⰰ.
нъ чесо ꙇ҅зидосте видѣтъ. пророка ли. еꙇ. гл҃ѭ вамъ. ꙇ҅ лише !про!рка.
7:27
Ⱄⱐ ⰱⱁ ⰵⱄⱅⱏ ⱁ ⱀ̑ⰵⰿⱐⰶⰵ. ⱄⸯⱂⰰⱀⱁ ⰵⱄⱅⱏ. ⱄⰵ ⰰⰸⱏ ⱂⱁⱄⱏⰾ̑ⱙ ⰰⰼ҃ⰾⱏ ⰿⱁⰻ. ⱂⱃⱑⰴⱏ ⰾⰻⱌⰵⰿⱐ ⱅⰲⱁⰺⰿⱐ. ⰺ҅ⰶⰵ ⱆⰳⱁⱅⱁⰲⰰⰵⱅⱏ ⱂⱘⱅⱐ ⱅⰲⱁⰹ ⱂⱃⱑⰴⱏ ⱅⱁⰱⱁⱙ.
Сь бо естъ о н̑емьже. сⸯпано естъ. се азъ посъл̑ѭ ађ҃лъ мои. прѣдъ лицемь твоꙇмь. ꙇ҅же оуготоваетъ пѫть твоі прѣдъ тобоѭ.
7:28
!Ⰳⰾⱙ ⰶⰵ ⰲⰰⰿⱏ. ⰱⱁⰾ̑ⰻⰹ ⱃⱁⰶⰴⰵⱀⱏⰹⱈⱏ ⰶⰵⱀⰰⰿⰻ ⱂⱃⱁⱃⱁⰽⱏ. ⰺ҅ⱁⰰⱀⱀⰰ ⰽⱃⱐⱄⱅⰻⱅⰵⰾ̑ⱑ ⱀⰻⰽⱏⱅⱁⰶⰵ ⱀⱑⱄⱅⱏ. ⰿⱐⱀ̑ⰻⰹ ⰶⰵ ⰲⱏ ⱌⱃ҃ⱄⰻ ⰱⰶ҃ⰹⰻ ⰱⱁⰾ̑ⰻⰹ ⰵⰳⱁ ⰵⱄⱅⱏ.
!Глѭ же вамъ. бол̑иі рожденꙑхъ женами пророкъ. ꙇ҅оанна крьстител̑ѣ никътоже нѣстъ. мьн̑иі же въ цр҃си бж҃іи бол̑иі его естъ.
7:29
Ⰺ҅ ⰲⱄⰻ ⰾ̑ⱓⰴⱐⰵ ⱄⰾⱏⰹⱎⰰⰲⱏⱎⰵ. ⰺ҅ ⰿⱏⰹⱅⰰⱃⰵ. ⱁⱂⱃⰰⰲⱐⰴⰻⱎⱔ ⰱ҃ⰰ. ⰽⱃⱐⱎⱅⱐⱎⰰ ⱄⱔ ⰽⱃⱐⱎⱅⰵⱀⱐⰵⰿⱐ ⰺ҅ⱁⰰⱀⱁⰲⱁⰿⱐ.
Ꙇ҅ вси л̑юдье слꙑшавъше. ꙇ҅ мꙑтаре. оправьдишѧ б҃а. крьштьша сѧ крьштеньемь ꙇ҅оановомь.
7:30
ⱇⰰⱃⰻⱄⱑⰺ҅ ⰶⰵ ⰺ҅ ⰸⰰⰽⱁⱀⱐⱀⰻⱌⰻ. ⱄⱏⰲⱑⱅⱏ ⰱⰶ҃ⰹⰻ ⱁⱅⱏⰲⱃⱏⰳⱘ ⰲⱏ ⱄⰵⰱⱑ. ⱀⰵ ⰽⱃⰵⱎⱅⱐⱎⰵ ⱄⱔ ⱁⱅⱏ ⱀ̑ⰵⰳⱁ.
фарисѣꙇ҅ же ꙇ҅ законьници. съвѣтъ бж҃іи отъвръгѫ въ себѣ. не крештьше сѧ отъ н̑его.
7:31
ⰽⱁⰿⱆ ⱆⱂⱁⰴⱁⰱⰾ̑ⱙ ⱍⰽ҃ⱏⰹ ⱃⱁⰴⰰ ⱄⰵⰳⱁ. ⰺ҅ ⰽⱁⰿⱆ ⱄⱘⱅⱏ ⱂⱁⰴⱁⰱⱐⱀⰻ.
комоу оуподобл̑ѭ чк҃ꙑ рода сего. ꙇ҅ комоу сѫтъ подобьни.
7:32
ⱂⱁⰴⱁⰱⱐⱀⰻ ⱄⱘⱅⱏ ⱁⱅⱃⱁⱍⰻⱎⱅⰵⰿⱏ. ⱄⱑⰴⱔⱎⱅⰵⰿⱏ ⱀⰰ ⱅⱃⱏⰶⰻⱎⱅⰻⱈⱏ. ⰺ҅ ⱂⱃⰻⰳⰾⰰⱎⰰⱙⱎⱅⰵ ⰴⱃⱆⰳⱏ ⰴⱃⱆⰳⰰ. ⰺ҅ !ⰳⰾⱙⱅⱏ. ⱄⰲⰻⱃⰰⱈⱁⰿⱏ ⰲⰰⰿⱏ ⰺ҅ ⱀⰵ ⱂⰾⱔⱄⰰⱄⱅⰵ. ⱂⰾⰰⰽⰰⱈⱁⰿⱏ ⱄⱔ ⰲⰰⰿⱏ ⰺ҅ ⱀⰵ ⱂⰾⰰⰽⰰⱄⱅⰵ.
подобьни сѫтъ отрочиштемъ. сѣдѧштемъ на тръжиштихъ. ꙇ҅ приглашаѭште дроугъ дроуга. ꙇ҅ !глѭтъ. свирахомъ вамъ ꙇ҅ не плѧсасте. плакахомъ сѧ вамъ ꙇ҅ не плакасте.
7:33
ⱂⱃⰻⰴⰵ ⰱⱁ ⰺ҅ⱁⰰⱀⱏ ⰽⱃⱐⱄⱅⰻⱅⰵⰾ̑ⱐ. ⱀⰻ ⱈⰾⱑⰱⰰ ⱑⰴⱏⰹ. ⱀⰻ ⰲⰻⱀⰰ ⱂⱐⱗ. ⰺ҅ ⰳⰾ҃ⰵⱅⰵ ⰱⱑⱄⱏ ⰺ҅ⰿⰰⱅⱏ.
приде бо ꙇ҅оанъ крьстител̑ь. ни хлѣба ѣдꙑ. ни вина пьѩ. ꙇ҅ гл҃ете бѣсъ ꙇ҅матъ.
7:34
ⱂⱃⰻⰴⰵ ⱄⱀ҃ⱏ ⱍⱄ҃ⰽⱏⰹ. ⱑⰴⱏⰹ ⰻ ⱂⱐⱗ. ⰺ҅ ⰳⰾ҃ⰵⱅⰵ. ⱄⰵ ⱍⰽ҃ⱏ. ⱑⰴⱐⱌⰰ. ⰺ҅ ⰲⰻⱀⱁⱂⰻⰲⱐⱌⰰ. ⰴⱃⱆⰳⱏ ⰿⱏⰹⱅⰰⱃⰵⰿⱏ ⰺ҅ ⰳⱃⱑⱎⱐⱀⰻⰽⱁⰿⱏ.
приде сн҃ъ чс҃кꙑ. ѣдꙑ и пьѩ. ꙇ҅ гл҃ете. се чк҃ъ. ѣдьца. ꙇ҅ винопивьца. дроугъ мꙑтаремъ ꙇ҅ грѣшьникомъ.
7:35
ⰺ҅ ⱁⱂⱃⰰⰲⱐⰴⰻ ⱄⱔ ⱂⱃⱑⰿⱘⰴⱃⱁⱄⱅⱐ. ⱁⱅⱏ ⰲⱄⱑⱈⱏ ⱍⱔⰴⱏ ⱄⰲⱁⰺ҅ⱈⱏ.
ꙇ҅ оправьди сѧ прѣмѫдрость. отъ всѣхъ чѧдъ своꙇ҅хъ.
7:36
Ⰿⱁⰾ̑ⱑⰰⱎⰵ ⰶⰵ ⰹ. ⰵⱅⰵⱃⱏ ⱁⱅⱏ ⱇⰰⱃⰻⱄⱑⰹ. ⰴⰰ ⰱⰻ ⱑⰾⱏ ⱄⱏ ⱀ̑ⰻⰿⱐ. ⰺ҅ ⰲⱏⱎⱐⰴⱏ ⰲⱏ ⰴⱁⰿⱏ ⱇⰰⱃⰻⱄⱑⱁⰲⱏ ⰲⱐⰸⰾⰵⰶⰵ.
Мол̑ѣаше же і. етеръ отъ фарисѣі. да би ѣлъ съ н̑имь. ꙇ҅ въшьдъ въ домъ фарисѣовъ вьзлеже.
7:37
Ⰺ҅ ⱄⰵ ⰶⰵⱀⰰ ⰲⱏ ⰳⱃⰰⰴⱑ. ⱑⰶⰵ ⰱⱑ ⰳⱃⱑⱎⱐⱀⰻⱌⰰ. ⰺ҅ ⱆⰲⱑⰴⱑⰲⱏⱎⰻ ⱑⰽⱁ ⰲⱏⰸⰾⰵⰶⰻⱅⱏ ⰲⱏ ⱈⱃⰰⰿⰻⱀⱑ ⱇⰰⱃⰻⱄⱑⱁⰲⱑ. ⱂⱃⰻⱀⰵⱄⱏⱎⰻ ⰰⰾⰰⰲⰰⱄⱅⱃⱏ ⰿⸯⱛⱃⰰ.
Ꙇ҅ се жена въ градѣ. ѣже бѣ грѣшьница. ꙇ҅ оувѣдѣвъши ѣко възлежитъ въ храминѣ фарисѣовѣ. принесъши алавастръ мⸯѵра.
7:38
ⰺ҅ ⱄⱅⰰⰲⱏⱎⰻ ⰸⰰⰴⰻ ⱂⱃⰻ ⱀⱁⰳⱆ ⰵⰳⱁ. ⱂⰾⰰⱍⱘⱎⱅⰻ ⱄⱔ. ⱀⰰⱍⱔⱅⱏ ⰿⱁⱍⰻⱅⰻ ⱀⱁⰸⱑ ⰵⰳⱁ ⱄⰾⱐⰸⰰⰿⰻ. ⰺ҅ ⰲⰾⰰⱄⱏⰹ ⰳⰾⰰⰲⱏⰹ ⱄⰲⱁⰵⱗ ⱁⱅⰻⱃⰰⰰⱎⰵ. ⰺ҅ ⱁⰱⰾⱁⰱⱏⰹⰸⰰⰰⱎⰵ ⱀⱁⰸⱑ ⰵⰳⱁ. ⰺ҅ ⰿⰰⰸⰰⰰⱎⰵ ⰿⸯⱛⱃⱁⰿⱐ.
ꙇ҅ ставъши зади при ногоу его. плачѫшти сѧ. начѧтъ мочити нозѣ его сльзами. ꙇ҅ власꙑ главꙑ своеѩ отирааше. ꙇ҅ облобꙑзааше нозѣ его. ꙇ҅ мазааше мⸯѵромь.
7:39
ⰲⰻⰴⱑⰲⱏ ⰶⰵ ⱇⰰⱃⰻⱄⰵⰹ. ⰲⱏⰸⱏⰲⰰⰲⱏⰹ ⰵⰳⱁ. ⱃⰵⱍⰵ. ⰲⱐ ⱄⰵⰱⱑ ⰳⰾ҃ⱔ. ⱄⱐ ⰰⱎⱅⰵ ⰱⰻ ⰱⱏⰹⰾⱏ !ⱂⱃⱁ!ⱃⰽⱏ. ⰲⱑⰴⱑⰾⱏ ⰱⰻ ⱆⰱⱁ. ⰺ҅ ⰽⰰⰽⱁⰲⰰ ⰶⰵⱀⰰ ⱂⱃⰻⰽⰰⱄⰰⰵⱅⱏ ⱄⱔ ⰵⰿⱐ. ⱑⰽⱁ ⰳⱃⱑⱎⱐⱀⰻⱌⰰ ⰵⱄⱅⱏ.
видѣвъ же фарисеі. възъвавꙑ его. рече. вь себѣ гл҃ѧ. сь аште би бꙑлъ !про!ркъ. вѣдѣлъ би оубо. ꙇ҅ какова жена прикасаетъ сѧ емь. ѣко грѣшьница естъ.
7:40
ⱉⱅⱏⰲⱑⱎⱅⰰⰲⱏ ⰶⰵ ⰻⱄ҃. ⱃⰵⱍⰵ ⰽⱏ ⱀ̑ⰵⰿⱆ. ⱄⰻⰿⱁⱀⰵ. ⰺ҅ⰿⰰⰿⱐ ⱅⰻ ⱀⱑⱍⱐⱅⱁ ⱃⰵⱎⱅⰻ. ⱁⱀⱏ ⰶⰵ ⱃⰵⱍⰵ. ⱆⱍⰻⱅⰵⰾ̑ⱓ ⱃⱐⱌⰻ.
ѡтъвѣштавъ же ис҃. рече къ н̑емоу. симоне. ꙇ҅мамь ти нѣчьто решти. онъ же рече. оучител̑ю рьци.
7:41
ⰴⱏⰲⰰ ⰴⰾⱏⰶⱐⱀⰻⰽⰰ ⰱⱑⰰⱎⰵⱅⰵ ⰸⰰⰺ҅ⰿⱁⰴⰰⰲⱐⱌⱓ ⰵⱅⰵⱃⱆ. ⰵⰴⰻⱀⱏ ⰱⱑ ⰴⰾⱏⰶⱐⱀⱏ. ⱂⱔⱅⱐⱙ ⱄⱏⱅⱏ ⰴⰻⱀⰰⱃⱐ. ⰰ ⰴⱃⱆⰳⱏⰹ ⱂⱔⱅⱐⱙ ⰴⰵⱄⱔⱅⱏ.
дъва длъжьника бѣашете заꙇ҅модавьцю етероу. единъ бѣ длъжьнъ. пѧтьѭ сътъ динарь. а дроугꙑ пѧтьѭ десѧтъ.
7:42
ⱀⰵ ⰺⰿⱘⱎⱅⰵⰿⰰ ⰶⰵ ⰺ҅ⰿⰰ ⰲⱏⰸⰴⰰⱅⰻ. ⱁⰱⱑⰿⰰ ⰺ҅ⰿⰰ ⱁⱅⱏⰴⰰ. ⰽⱁⱅⱁⱃⱏⰹ ⱁⰱⱁⱓ ⱂⰰⱍⰵ ⰲⱐⰸⰾⱓⰱⰻⱅⱏ ⰹ.
не ꙇмѫштема же ꙇ҅ма въздати. обѣма ꙇ҅ма отъда. которꙑ обою паче вьзлюбитъ і.
7:43
ⱁⱅⱏⰲⱑⱎⱅⰰⰲⱏ ⱄⰻⰿⱁⱀⱏ ⱃⰵⱍⰵ. ⱀⰵⱂⱏⱎⱅⱓⱙ ⱑⰽⱁ ⰵⰿⱆⰶⰵ ⰲⱔⱎⱅⰵ ⱁⱅⱏⰴⰰ. ⱁⱀⱏ ⰶⰵ ⱃⰵⱍⰵ ⰵⰿⱆ. ⱂⱃⰰⰲⱐ ⱄⱘⰴⰻⰾⱏ ⰵⱄⰻ.
отъвѣштавъ симонъ рече. непъштюѭ ѣко емоуже вѧште отъда. онъ же рече емоу. правь сѫдилъ еси.
7:44
ⰺ҅ ⱁⰱⱃⰰⱎⱅⱐ ⱄⱔ ⰽⱏ ⰶⰵⱀⱑ. ⱃⰵⱍⰵ ⱄⰻⰿⱁⱀⱆ. ⰲⰻⰴⰻⱎⰻ ⰾⰻ ⱄⱐⱙ ⰶⰵⱀⱘ. ⰲⱐⱀⰻⰴⱏ ⰲⱏ ⰴⱁⰿⱏ ⱅⰲⱁⰹ. ⰲⱁⰴⱏⰹ ⱀⰰ ⱀⱁⰸⱑ ⰿⱁⰹ ⱀⰵ ⰴⰰⱄⱅⱏ. ⱄⰻ ⰶⰵ ⱄⰾⱐⰸⰰⰿⰻ ⱁⰿⱁⱍⰻ ⱀⱁⰸⱑ ⰿⱁⰹ. ⰺ҅ ⰲⰾⰰⱄⱏⰹ ⱄⰲⱁⰺⰿⰻ ⱁⱅⱐⱃ̑ⰵ.
ꙇ҅ обрашть сѧ къ женѣ. рече симоноу. видиши ли сьѭ женѫ. вьнидъ въ домъ твоі. водꙑ на нозѣ моі не дастъ. си же сльзами омочи нозѣ моі. ꙇ҅ власꙑ своꙇми отьр̑е.
7:45
ⰾⱁⰱⱐⰸⰰⱀⱐⱑ ⰿⸯⱀⱑ ⱀⰵ ⰴⰰⱄⱅⱏ. ⱄⰻ ⰶⰵ ⱁⱅⱏⱀ̑ⰵⰾⰻⰶⰵ ⰲⱐⱀⰻⰴⱏ. ⱀⰵ ⱂⱃⱑⱄⱅⰰ ⱁⰱⰾⱁⰱⱏⰹⰸⰰⱙⱎⱅⰻ ⱀⱁⰳⱆ ⰿⱁⰵⱓ.
лобьзаньѣ мⸯнѣ не дастъ. си же отън̑елиже вьнидъ. не прѣста облобꙑзаѭшти ногоу моею.
7:46
ⰿⰰⱄⰾⱁⰿⱐ ⰳⰾⰰⰲⱏⰹ ⰿⱁⰵⱗ ⱀⰵ ⱂⱁⰿⰰⰸⰰ. ⱄⰻ ⰶⰵ ⰿⸯⱛⱃⱁⰿⱐ ⱂⱁⰿⰰⰸⰰ ⱀⱁⰷⱑ ⰿⱁⰹ.
масломь главꙑ моеѩ не помаза. си же мⸯѵромь помаза ноѕѣ моі.
7:47
ⰵⰳⱁⰶⰵ ⱃⰰⰴⰻ ⰳⰾ҃ⱙ ⱅⰻ. ⱁⱅⱏⱂⱆⱎⱅⰰⱙⱅⱏ ⱄⱔ ⰵⰹ ⰳⱃⱑⱄⰻ ⰿⱀⱁⰸⰹⰻ. ⱑⰽⱁ ⰲⱐⰸⰾ̑ⱓⰱⰻ ⰿⱀⱁⰳⱁ. ⰰ ⰵⰿⱆⰶⰵ ⰿⱐⱀ̑ⰵ ⱁⱅⱏⱂⱆⱎⱅⰰⰵⱅⱏ ⱄⱔ. ⰿⱐⱀ̑ⱐⱎⱐⰿⰻ ⰾ̑ⱓⰱⰻⱅⱏ.
егоже ради гл҃ѭ ти. отъпоуштаѭтъ сѧ еі грѣси мнозіи. ѣко вьзл̑юби много. а емоуже мьн̑е отъпоуштаетъ сѧ. мьн̑ьшьми л̑юбитъ.
7:48
ⱃⰵⱍⰵ ⰶⰵ ⰵⰺ ⱁⱅⱏⱂⱆⱎⱅⰰⱙⱅⱏ ⱄⱔ ⱅⰵⰱⱑ ⰳⱃⱑⱄⰻ.
рече же еꙇ отъпоуштаѭтъ сѧ тебѣ грѣси.
7:49
ⰺ҅ ⱀⰰⱍⱔⱎⱔ ⰲⱐⰸⰾⰵⰶⱔⱎⱅⰵⰹ ⱄⱏ ⱀ̑ⰻⰿⱐ. ⰳⰾ҃ⰰⱅⰻ ⰲⱐ ⱄⰵⰱⱑ. ⰽⱏⱅⱁ ⱄⱐ ⰵⱄⱅⱏ. ⱑⰽⱁ ⰺ҅ ⰳⱃⱑⱈⱏⰹ ⱁⱅⱏⱂⱆⱎⱅⰰⰵⱅⱏ.
ꙇ҅ начѧшѧ вьзлежѧштеі съ н̑имь. гл҃ати вь себѣ. къто сь естъ. ѣко ꙇ҅ грѣхꙑ отъпоуштаетъ.
7:50
ⱃⰵⱍⰵ ⰶⰵ ⰽⱏ ⰶⰵⱀⱑ. ⰲⱑⱃⰰ ⱅⰲⱁⱑ ⱄⱏⱂⰰⱄⰵ ⱅⱔ. ⰺ҅ⰴⰻ ⰲⱏ ⰿⰻⱃⱏ.
рече же къ женѣ. вѣра твоѣ съпасе тѧ. ꙇ҅ди въ миръ.