ЕВАНГЕЛИЕ ЕЖЕ Ѿ ІОАННА
3:1
Ⰱⱑ ⱍⰽ҃ⱏ ⱁⱅⱏ ⱇⰰⱃⰻⱄⱑⰹ ⱀⰻⰽⱁⰴⰻⰿⱏ ⰺ҅ⰿⱔ ⰵⰿⱆ. ⰽⱏⱀⱔⰸⱐ ⰺ҅ⱓⰴⰵⰺ҅ⱄⰽⱏ.
Бѣ чк҃ъ отъ фарисѣі никодимъ ꙇ҅мѧ емоу. кънѧзь ꙇ҅юдеꙇ҅скъ.
3:2
ⱄⱐ ⱂⱃⰻⰴⰵ ⰽⱏ ⱀ̑ⰵⰿⱆ ⱀⱁⱎⱅⰻⱙ. ⰺ҅ ⱃⰵⱍⰵ ⰵⰿⱆ ⱃⰰⰲⸯⰲⰻ. ⰲⱑⰿⱐ ⱑⰽⱁ ⱁⱅⱏ ⰱ҃ⰰ ⱂⱃⰻⱎⱐⰾⱏ ⰵⱄⰻ ⱆⱍⰻⱅⰵⰾ̑ⱐ. ⱀⰻⰽⱏⱅⱁⰶⰵ ⰱⱁ ⱀⰵ ⰿⱁⰶⰵⱅⱏ ⰸⱀⰰⰿⰵⱀⰻ ⱄⰻⱈⱏ ⱅⰲⱁⱃⰻⱅⰻ. ⱑⰶⰵ ⱅⱏⰹ ⱄⱏⱅⰲⱁⱃⰻⱎⰻ. ⰰⱎⱅⰵ ⱀⰵ ⰱⱘⰴⰵⱅⱏ ⰱ҃ⱏ ⱄⱏ ⱀ̑ⰻⰿⱐ.
сь приде къ н̑емоу ноштиѭ. ꙇ҅ рече емоу равⸯви. вѣмь ѣко отъ б҃а пришьлъ еси оучител̑ь. никътоже бо не можетъ знамени сихъ творити. ѣже тꙑ сътвориши. аште не бѫдетъ б҃ъ съ н̑имь.
3:3
ⱁⱅⱏⰲⱑⱎⱅⰰ ⰻⱄ҃. ⰺ҅ ⱃⰵⱍⰵ ⰵⰿⱆ. ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⰰⱎⱅⰵ ⰽⱏⱅⱁ ⱀⰵ ⱃⱁⰴⰻⱅⱏ ⱄⱔ ⱄⱏⰲⱏⰹⱎⰵ. ⱀⰵ ⰿⱁⰶⰵⱅⱏ ⰲⰻⰴⱑⱅⰻ ⱌⱃ҃ⱄⰻⱑ ⰱⰶ҃ⰻⱑ.
отъвѣшта ис҃. ꙇ҅ рече емоу. амин амин гл҃ѭ тебѣ. аште къто не родитъ сѧ съвꙑше. не можетъ видѣти цр҃сиѣ бж҃иѣ.
3:4
ⰳⰾ҃ⰰ ⰽⱏ ⱀ̑ⰵⰿⱆ ⱀⰻⰽⱁⰴⰻⰿⱏ. ⰽⰰⰽⱁ ⰿⱁⰶⰵⱅⱏ ⱍⰽ҃ⱏ ⱃⱁⰴⰻⱅⰻ ⱄⱔ ⱄⱅⰰⱃⱏ ⱄⱏⰹ. ⰵⰴⰰ ⰿⱁⰶⰵⱅⱏ ⰲⱏⱅⱁⱃⰻⱌⰵⱙ ⰲⱏ ⱘⱅⱃⱁⰱⱘ ⰲⱐⰾⱑⱄⱅⰻ ⰿⰰⱅⰵⱃⰵ ⱄⰲⱁⰵⱗ ⰺ҅ ⱃⱁⰴⰻⱅⰻ ⱄⱔ.
гл҃а къ н̑емоу никодимъ. како можетъ чк҃ъ родити сѧ старъ сꙑ. еда можетъ въторицеѭ въ ѫтробѫ вьлѣсти матере своеѩ ꙇ҅ родити сѧ.
3:5
ⱁⱅⱏⰲⱑⱎⱅⰰ ⰻⱄ҃. ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⰰⱎⱅⰵ ⰽⱏⱅⱁ ⱀⰵ ⱃⱁⰴⰻⱅⱏ ⱄⱔ ⰲⱁⰴⱁⱙ ⰺ҅ ⰴⱈ҃ⱁⰿⱐ. ⱀⰵ ⰿⱁⰶⰵⱅⱏ ⰲⱐⱀⰻⱅⰻ ⰲⱐ ⱌⱃ҃ⱄⰻⰵ ⰱⰶ҃ⰻⰵ.
отъвѣшта ис҃. амин амин гл҃ѭ тебѣ. аште къто не родитъ сѧ водоѭ ꙇ҅ дх҃омь. не можетъ вьнити вь цр҃сие бж҃ие.
3:6
ⱃⱁⰶⰴⰵⱀⱏ ⱁⱅⱏ ⱂⰾⱏⱅⰻ. ⱂⰾⱏⱅⱐ ⰵⱄⱅⱏ. ⰺ҅ ⱃⱁⰶⰴⰵⱀⱁ ⱁⱅⱏ ⰴⱈ҃ⰰ ⰴⱈ҃ⱏ ⰵⱄⱅⱏ.
рожденъ отъ плъти. плъть естъ. ꙇ҅ рождено отъ дх҃а дх҃ъ естъ.
3:7
ⱀⰵ ⱍⱓⰴⰻ ⱄⱔ ⱑⰽⱁ ⱃⱑⱈⱏ ⱅⰻ. ⱂⱁⰴⱁⰱⰰⰵⱅⱏ ⰲⰰⰿⱏ ⱃⱁⰴⰻⱅⰻ ⱄⱔ ⱄⱏⰲⱏⰹⱎⰵ.
не чюди сѧ ѣко рѣхъ ти. подобаетъ вамъ родити сѧ съвꙑше.
3:8
ⰴⱈ҃ⱏ ⰺ҅ⰴⰵⰶⰵ ⱈⱁⱎⱅⰵⱅⱏ ⰴⱆⱎⰵⱅⱏ. ⰺ҅ ⰳⰾⰰⱄⱏ ⰵⰳⱁ ⱄⰾⱏⰹⱎⰻⱎⰻ. ⱀⱏ ⱀⰵ ⰲⱑⱄⰻ ⱁⱅⱏⰽⱘⰴⱆ ⱂⱃⰻⱈⱁⰴⰻⱅⱏ. ⰺ҅ ⰽⰰⰿⱁ ⰺ҅ⰴⰵⱅⱏ. ⱅⰰⰽⱁ ⰵⱄⱅⱏ ⱃⱁⰶⰴⰵⱀⱏⰹ ⱁⱅⱏ ⰴⱈ҃ⰰ.
дх҃ъ ꙇ҅деже хоштетъ доушетъ. ꙇ҅ гласъ его слꙑшиши. нъ не вѣси отъкѫдоу приходитъ. ꙇ҅ камо ꙇ҅детъ. тако естъ рожденꙑ отъ дх҃а.
3:9
ⱁⱅⱏⰲⱑⱎⱅⰰ ⱀⰻⰽⱁⰴⰻⰿⱏ ⰺ҅ ⱃⰵⱍⰵ ⰵⰿⱆ. ⰽⰰⰽⱁ ⰿⱁⰳⱘⱅⱏ ⱄⰻ ⰱⱏⰹⱅⰻ.
отъвѣшта никодимъ ꙇ҅ рече емоу. како могѫтъ си бꙑти.
3:10
ⱁⱅⱏⰲⱑⱎⱅⰰ ⰻⱄ҃ ⰺ҅ ⱃⰵⱍⰵ ⰵⰿⱆ. ⱅⱏⰹ ⰵⱄⰻ ⱆⱍⰻⱅⰵⰾ̑ⱐ ⰺⰾ҃ⰵⰲⱏ. ⰺ҅ ⱄⰻⱈⱏ ⰾⰻ ⱀⰵ ⰲⱑⱄⰻ.
отъвѣшта ис҃ ꙇ҅ рече емоу. тꙑ еси оучител̑ь ꙇл҃евъ. ꙇ҅ сихъ ли не вѣси.
3:11
ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⱑⰽⱁ ⰵⰶⰵ ⰲⱑⰿⱐ ⰳⰾ҃ⰵⰿⱏ. ⰺ҅ ⰵⰶⰵ ⰴⰰⱄⱅⱏ ⰲⱏ ⱃⱘⱌⱑ ⰵⰳⱁ.
амин амин гл҃ѭ тебѣ. ѣко еже вѣмь гл҃емъ. ꙇ҅ еже дастъ въ рѫцѣ его.
3:36
ⰲⱑⱃⱆⱗⰹ ⰲⱏ ⱄⱀ҃ⰰ ⰺ҅ⰿⰰⱅⱏ ⰶⰻⰲⱁⱅⱏ ⰲⱑⱍⱐⱀⱏⰹ. ⰰ ⰺ҅ⰶⰵ ⱀⰵ ⰲⱑⱃⱆⰵⱅⱏ ⰲⱏ ⱄⱀ҃ⰰ. ⱀⰵ ⱆⰸⱐⱃⰻⱅⱏ ⰶⰻⰲⱁⱅⰰ. ⱀⱏ ⰳⱀⱑⰲⱏ ⰱⰶ҃ⰹ ⱂⱃⱑⰱⱏⰹⰲⰰⰵⱅⱏ ⱀⰰ ⱀ̑ⰵⰿⱐ.
вѣроуѩі въ сн҃а ꙇ҅матъ животъ вѣчьнꙑ. а ꙇ҅же не вѣроуетъ въ сн҃а. не оузьритъ живота. нъ гнѣвъ бж҃і прѣбꙑваетъ на н̑емь.