Бѣ же етеръ болѧ лазарь отъ витаниѩ. градьца марина. ꙇ҅ марътꙑ сестрꙑ еѩ.

бѣ же мариѣ. помазавъшиѣ !гѣ мѵромь. ꙇ҅ отьръши ноѕѣ его власꙑ своꙇми. еѩже братъ. лазарь болѣаше.

посъласте же сестрѣ его къ н̑емоу гл҃ѭшти. г҃и се егоже тꙑ л̑юбиши болитъ.

слꙑшавъ же ис҃ рече. си болѣзнь нѣстъ къ съмръти. нъ къ славѣ бж҃ꙇ. да прославитъ сѧ сн҃ъ бж҃и еѭ.

л̑юбл̑ѣаше же ꙇс҃. марⸯтѫ. ꙇ҅ сестрѫ еѩ. ꙇ҅ лазарѣ.

егда же оуслꙑша ѣко болитъ тогда же прѣбꙑстъ. на н̑емьже бѣ мѣстѣ дъва дьни

потомь же гл҃а оучеником ꙇ҅дѣмъ въ ꙇ҅юдеѭ пакꙑ.

гл҃ашѧ емоу оученици равви нꙑн̑ѣ ꙇ҅скахѫ тебе камениемь побити ꙇ҅юдеі. ꙇ҅ пакꙑ ли ꙇ҅деши тамо.

отъвѣшта ис҃. не дъва ли на десѧте часа есте въ дьни. аште къто ходитъ въ дьне. не потъкнетъ сѧ. ѣко свѣтъ мира сего видитъ.

аште ли къто ходитъ ноштиѭ потъкнетъ сѧ. ѣко свѣта нѣстъ о н̑емь.

си рече. ꙇ҅ по семь гл҃а. лазарь дроугъ нашь оусъпе. нъ ꙇ҅дѫ да възбоуждѫ і.

рѣшѧ же оученици его. г҃и. аште оусъпе. съпасенъ бѫдетъ.

ꙇс҃ же рече о съмръти его. они же мьнѣшѧ. ѣко о оусъпениꙇ сни ꙇ҅ съна гл҃етъ.

тогда рече !ꙇмъ ис҃. не обиноуѩ сѧ. лазарь оумьрѣтъ.

ꙇ҅ радоуѭ сѧ васъ ради. да вѣрѫ ꙇ҅мете ѣко не бѣхъ тоу. нъ ꙇ҅дѣмъ къ н̑емоу.

рече же тⸯома. нарицаемꙑ близньць. къ оученикомъ. ꙇ҅дѣмъ ꙇ҅ мꙑ да оумьремъ съ н̑имь.

пришьдъ же ис҃ въ витаниѭ. обрѣте і. четꙑри дьни ꙇ҅мѫшть въ гробѣ.

бѣ же витаниѣ близъ ꙇл҃ма. ѣко д҃ ꙇ҃ стадиі.

ꙇ҅ мнози же бѣахѫ пришьли. къ марⸯтѣ ꙇ҅ марі. да оутѣшѧтъ і. о братѣ ею

маръта же егда оуслꙑша. ѣко ис҃ грѧдетъ сърѣте і. а мариѣ дома сѣдѣаше.

рече же марⸯта къ іс҃ѵ. г҃и аште би сьде бꙑлъ. не би братъ моі оумрълъ.

нꙑн̑ѣ вѣмь. ѣко егоже колижьдо. просиши отъ б҃а дастъ ти б҃ъ.

гл҃а еі ис҃. въскръснетъ братъ твоі.

гл҃а емоу марⸯта. вѣмь ѣко въскръснетъ. въ въскрѣшение въ послѣдьни дьнь.

рече же еі ис҃. *̆азъ есмь въскрѣшение ꙇ҅ животъ. вѣроуѩи въ мѧ. аште оумьретъ оживетъ.

ꙇ҅ вⸯсѣкъ живꙑи. ꙇ҅ вѣроуѩи въ мѧ не оумьретъ въ вѣкъ. ꙇ҅меши ли вѣрѫ семоу.

гл҃а емоу еі г҃и. азъ вѣровахъ ѣко тꙑ еси х҃ъ сн҃ъ бж҃іи. грѧдꙙи въ миръ.

ꙇ҅ се рекъши ꙇ҅де. ꙇ҅ призъва мариѭ сестрѫ своѭ таі. ꙇ҅ рекъши еі. оучител̑ь се естъ. ꙇ҅ зоветъ тѧ.

она же ѣко оуслꙑша. въста скоро. ꙇ҅ иде къ н̑емоу.

не бѣ же не оу ис҃. пришьлъ въ вьсⸯь. нъ бѣ на мѣстѣ еште. ꙇ҅деже сърѣте і марⸯта.

ꙇ҅юдеꙇ же. сѫштеі съ н̑еѭ въ домоу. ꙇ҅ оутѣшаѭште ѭ. видѣвъше мариѭ. ѣко скоро въста ꙇ҅ изиде. по н̑еі ꙇ҅дѫ гл҃ѭште. ѣко ꙇ҅детъ на гробъ ꙇ҅ плачетъ сѧ тоу.

мариѣ же ѣко приде. ꙇ҅деже бѣ ис҃. видѣвъши ꙇ҅ паде емоу на ногоу. гл҃ѭшти емоу г҃и. аште би бꙑлъ сьде. не би моі братъ оумрълъ.

ꙇс҃ же ѣко видѣ ѭ плачѫштѫ сѧ. ꙇ҅ пришьдъшѧѩ съ н̑еѭ ꙇ҅юдеѭ. плачѫштѧ сѧ. запрѣти доухоу. ꙇ҅ възмѫти сѧ самъ

ꙇ҅ рече. къде положисте і. гл҃ашѧ емоу. г҃и. грѧди ꙇ҅ виждь.

ꙇ҅ просльзи сѧ ис҃.

гл҃ахѫ же ꙇ҅юдеі. виждь како л̑юбл̑ѣаше і.

етериі же отъ нихъ рѣшѧ. не можааше ли сь отвръзꙑ очи слѣпоуемоу. сътворити. да. ꙇ сь не оумьр̑етъ.

ꙇс҃ же пакꙑ прѣтѧ вь себѣ. приде къ гробоу. бѣ же пешть ꙇ҅ камень належааше на н̑еі.

гл҃а ис҃. възъмѣте камень. гл҃а емоу сестра оумьръшаего. марⸯта. г҃и юже смръдитъ. четврѣдьневьнъ бо естъ.

гл҃а еи ис҃. не рѣхъ ли ти. ѣко аште вѣроуеши. оузьриши славѫ бж҃иѭ.

вьзѧсѧ же камень. ꙇс҃ же вьзведе очи вꙑспрь. ꙇ рече. !оче хвалѫ тебѣ въздаѭ. ѣко оуслꙑша мѧ.

азъ вѣдѣахъ. ѣко вьсегда мене послоушаеши. нъ народа ради. стоѩштаего окръстъ. рѣхъ да вѣрѫ ꙇ҅мѫтъ. ѣко тꙑ мѧ посъла.

ꙇ҅ се рекъ. гласомь велиемь възгласи. лазоре грѧди вънъ.

ꙇ҅ абие ꙇ҅зиде оумьрꙑ. обѧзанъ ногама ꙇ҅ рѫкама. оукроемь. ꙇ҅ лице его обѧзано оуброусомь. гл҃а ꙇ҅мъ ис҃. раздрѣшите і. ꙇ҅ не дѣꙇ҅те его ꙇ҅ти.

мнози же отъ ꙇ҅юдѣі. пришьдъшеі къ мариі. видѣвъше еже сътвори ꙇс҃. вѣровашѧ вь н̑его:. !ко!ц.

етери же отъ н̑ихъ. ꙇ҅дѫ къ фарисѣомъ. ꙇ҅ рѣшѧ ꙇ҅мъ. еже сътвори{ри} ꙇс҃.

събърашѧ же архиереі. ꙇ҅ фарисѣі съборъ. ꙇ҅ гл҃аахѫ чьто сътворимъ. ѣко чк҃ъ сь знамениѣ многа творитъ.

аште оставимъ і тако. вьси вѣрѫ ꙇ҅мѫтъ въ н̑ь. ꙇ҅ придѫтъ римл̑ѣне. ꙇ҅ възъмѫтъ і мѣсто ѩзꙑкъ.

единъ же отъ н̑ихъ каꙇафа. архиереі сꙑ лѣтоу томоу. рече ꙇ҅мъ вꙑ не вѣсте ничесоже.

ни помꙑшл̑ѣете. ѣко добрѣе естъ вамъ. да единъ чк҃ъ оумьр̑етъ за л̑юди. а не вьсь ѩзꙑкъ погꙑбнетъ.

сего же о себѣ не рече. нъ архиереі сꙑ лѣтоу томоу прорече. ѣко хотѣаше ис҃. оумьрѣти за л̑юди.

ꙇ҅ не тъкъмо за л̑юди. нъ і да чѧда бж҃иѣ съберетъ расточенаа въ едино.

Ѡтъ того же дьне. съвѣшташѧ да ꙇ бѫ оубили.

ꙇс҃ же къ томоу не ѣвѣ хождааше въ ꙇ҅юдеꙇхъ. нъ ꙇ҅де отътѫдоу. въ странѫ близъ въ поустꙑн̑и въ ефреомъ. нарицаемъ градъ. ꙇ҅ тоу живѣаше. съ оученикꙑ своꙇ҅ми.

Бѣ же близъ пасха ꙇ҅юдеꙇска. ꙇ҅ вьзидѫ мⸯнози въ ꙇл҃мъ. отъ странꙑ прѣжде пасхꙑ. да очистѧтъ сѧ.

Ꙇ҅ искахѫ же ис҃а. ꙇ҅ гл҃ахѫ къ себѣ въ цръкъве стоѩште. чьто сѧ мьнитъ вамъ. ѣко не ꙇ҅матъ ли прити въ праздьникъ.

дашѧ бо архиереі. ꙇ҅ фарисѣі. заповѣдь. да аште къто оштютитъ і. къде бѫдетъ повѣсте да ꙇ҅мѫтъ і.