ЕВАНГЕЛИЕ ЕЖЕ Ѿ ІОАННА
12:1
!Ⰺⱄ ⰶⰵ ⱂⱃⱑⰶⰴⰵ ⱎⰵⱄⱅⰻ ⰴⱐⱀⱏ ⱂⰰⱄⱈⱏⰹ. ⱂⱃⰻⰴⰵ ⰲⱏ ⰲⰻⱅⰰⱀⰻⱙ. ⰺ҅ⰴⰵⰶⰵ ⰱⱑ ⰾⰰⰸⰰⱃⱐ ⱆⰿⱐⱃⱏⰹ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰹⱈⱏ ⰻⱄ҃.
!Ꙇс же прѣжде шести дьнъ пасхꙑ. приде въ витаниѭ. ꙇ҅деже бѣ лазарь оумьрꙑ. егоже въскрѣси отъ мрътвꙑхъ ис҃.
12:2
ⱄⱏⱅⰲⱁⱃⰻⱎⱔ ⰶⰵ ⰵⰿⱆ ⰲⰵⱍⰵⱃⱘ ⱅⱆ. ⰺ҅ ⰿⰰⱃⸯⱅⰰ ⱄⰾⱆⰶⰰⰰⱎⰵ. ⰾⰰⰸⰰⱃⱐ ⰶⰵ ⰵⰴⰻⱀⱏ ⰱⱑ ⱁⱅⱏ ⰲⱐⰸⰾⰵⰶⱔⱎⱅⰻⱈⱏ ⱄⱏ ⱀ̑ⰻⰿⱐ.
сътворишѧ же емоу вечерѫ тоу. ꙇ҅ марⸯта слоужааше. лазарь же единъ бѣ отъ вьзлежѧштихъ съ н̑имь.
12:3
Ⰿⰰⱃⰻⱑ ⰶⰵ ⱂⱃⰻⰹⰿⱏⱎⰻ. ⰾⰻⰲⱃⱘ ⱈⱃⰻⰸⰿⱏⰹ. ⱀⰰⱃⰴⰰ ⱂⰻⱄⱅⰻⰽⰻⱗ. ⰿⱀⱁⰳⱁⱌⱑⱀⱀⱏⰹ. ⱂⱁⰿⰰⰸⰰ ⱀⱁⰷⱑ ⰺⱄ҃ⰲⱑ. ⰺ҅ ⱁⱅⱃⱏ ⰲⰾⰰⱄⱏⰹ ⱄⰲⱁⰺⰿⰻ ⱀⱁⰷⱑ ⰵⰳⱁ. ⱈⱃⰰⰿⰻⱀⰰ ⰶⰵ ⰺ҅ⱄⱂⰾⱏⱀⰻ ⱄⱔ. ⱁⱅⱏ ⰲⱁⱀ̑ⱔ ⱈⱃⰻⰸⰿⱐⱀⱏⰹⱗ.
Мариѣ же приімъши. ливрѫ хризмꙑ. нарда пистикиѩ. многоцѣннꙑ. помаза ноѕѣ ꙇс҃вѣ. ꙇ҅ отръ власꙑ своꙇми ноѕѣ его. храмина же ꙇ҅сплъни сѧ. отъ вон̑ѧ хризмьнꙑѩ.
12:4
!Ⰳⰾⰰ ⰶⰵ ⰵⰴⰻⱀⱏ. ⱁⱅⱏ ⱆⱍⰵⱀⰻⰽⱏ ⰵⰳⱁ. ⰺ҅ⱓⰴⰰ ⱄⰻⰿⱁⱀⱏ ⰺ҅ⱄⰽⰰⱃⰻⱁⱅⱐⱄⰽⱏⰹ. ⰺ҅ⰶⰵ ⰹ ⱈⱁⱅⱑⰰⱎⰵ ⱂⱃⱑⰴⰰⱅⰻ.
!Гла же единъ. отъ оученикъ его. ꙇ҅юда симонъ ꙇ҅скариотьскꙑ. ꙇ҅же і хотѣаше прѣдати.
12:5
ⱍⰵⱄⱁ ⱃⰰⰴⰻ ⱈⱃⰻⰸⰿⰰ ⱄⰻ ⱀⰵ ⱂⱃⱁⰴⰰⱀⰰ ⰱⱏⰹⱄⱅⱏ. ⱀⰰ ⱅⱃⱐⱈⱏ ⱄⱏⱅⱑⱈⱏ ⱂⱑⱀⱔⰸⱐ. ⰺ҅ ⰴⰰⱀⰰ ⱀⰻⱎⱅⰻⰿⱏ.
чесо ради хризма си не продана бꙑстъ. на трьхъ сътѣхъ пѣнѧзь. ꙇ҅ дана ништимъ.
12:6
ⱄⰵ ⰶⰵ ⱃⰵⱍⰵ. ⱀⰵ ⱑⰽⱁ ⱁ ⱀⰻⱎⱅⰻⱈⱏ ⱂⰵⱍⰰⰰⱎⰵ ⱄⱔ ⱀⱏ ⱑⰽⱁ ⱅⰰⱅⱐ ⰱⱑ. ⰺ҅ ⰽⱁⰲⱐⱍⰵⰶⱐⱌⱐ ⰺ҅ⰿⱏⰹ. ⰺ҅ ⰲⱏⰿⰵⱅⰰⰵⰿⰰⰰ ⱀⱁⱎⰰⰰⱎⰵ.
се же рече. не ѣко о ништихъ печааше сѧ нъ ѣко тать бѣ. ꙇ҅ ковьчежьць ꙇ҅мꙑ. ꙇ҅ въметаемаа ношааше.
12:7
ⱃⰵⱍⰵ ⰶⰵ ⰻⱄ҃. ⱀⰵ ⰴⱑⰹ ⰵⱗ. ⰴⰰ ⰲⱐ ⰴⱐⱀⱐ ⱂⱁⰳⱃⰵⰱⰵⱀⰻⱑ ⰿⱁⰵⰳⱁ ⱄⱏⰱⰾ̑ⱓⰴⰵⱅⱏ ⱙ.
рече же ис҃. не дѣі еѩ. да вь дьнь погребениѣ моего събл̑юдетъ ѭ.
12:8
ⱀⰻⱎⱅⱔⱗ ⰱⱁ ⰲⱐⱄⰵⰳⰴⰰ ⱄⱏ ⱄⱁⰱⱁⱙ ⰺ҅ⰿⰰⱅⰵ. ⰰ ⰿⰵⱀⰵ ⱀⰵ ⰲⱐⱄⰵⰳⰴⰰ ⰺ҅ⰿⰰⱅⰵ.
ништѧѩ бо вьсегда съ собоѭ ꙇ҅мате. а мене не вьсегда ꙇ҅мате.
12:9
Ⱃⰰⰸⱆⰿⱑ ⰶⰵ ⱀⰰⱃⱁⰴⱏ. ⰿⱀⱁⰳⱏ ⱁⱅⱏ ⰺ҅ⱓⰴⰵⰹ ⱑⰽⱁ ⱅⱆ ⰵⱄⱅⱏ. ⰺ҅ ⱂⱃⰻⰴⱘ ⱀⰵ ⰻⱄ҃ⰰ ⱃⰰⰴⰻ ⱅⱏⰽⱏⰿⱁ. ⱀⱏ ⰴⰰ ⰺ҅ ⰾⰰⰸⰰⱃⱑ ⰲⰻⰴⱔⱅⱏ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰺⱈⱏ.
Разоумѣ же народъ. многъ отъ ꙇ҅юдеі ѣко тоу естъ. ꙇ҅ придѫ не ис҃а ради тъкъмо. нъ да ꙇ҅ лазарѣ видѧтъ. егоже въскрѣси отъ мрътвъꙇхъ.
12:10
ⱄⱏⰲⱑⱎⱅⰰⱎⱔ ⰶⰵ ⰰⱃⱈⰻⰵⱃⰵⰹ. ⰴⱁ ⰺ҅ ⰾⰰⰸⰰⱃⱑ ⱆⰱⰻⱙⱅⱏ.
съвѣшташѧ же архиереі. до ꙇ҅ лазарѣ оубиѭтъ.
12:11
ⱑⰽⱁ ⰿⱀⱁⰸⰻ ⰵⰳⱁ ⱃⰰⰴⰻ ⰺ҅ⰴⱑⰰⱈⱘ ⰺ҅ⱓⰴⱑⰹ. ⰺ҅ ⰲⱑⱃⱁⰲⰰⱈⱘ ⰲⱏ ⰺⱄ҃ⰰ.
ѣко мнози его ради ꙇ҅дѣахѫ ꙇ҅юдѣі. ꙇ҅ вѣровахѫ въ ꙇс҃а.
12:12
Ⰲⱏ ⱆⱅⱃⱑⰺ ⰶⰵ ⰴⱐⱀⱐ ⱀⰰⱃⱁⰴⱏ ⰿⱀⱁⰳⱏ. ⱂⱃⰻⱎⱐⰴⱏⰹ ⰲⱏ ⱂⱃⰰⰸⰴⱐⱀⰻⰽⱏ. ⱄⰾⱏⰹⱎⰰⰲⱏⱎⰵ ⱑⰽⱁ ⰻⱄ҃. ⰳⱃⱔⰴⰵⱅⱏ ⰲⱏ ⰺⰾ҃ⰿⱏ.
Въ оутрѣꙇ же дьнь народъ многъ. пришьдꙑ въ праздьникъ. слꙑшавъше ѣко ис҃. грѧдетъ въ ꙇл҃мъ.
12:13
ⱂⱃⰻⱗⱎⱔ ⰲⰰⰺ ⱁⱅⱏ ⱇⰻⱀⰻⰽⱏ. ⰺ҅ ⰻⰸⰻⰴⱘ ⱂⱃⱁⱅⰻⰲⱘ ⰵⰿⱆ. ⰺ҅ ⰸⱏⰲⰰⰰⱈⱘ ⰳⰾ҃ⱙⱎⱅⰵ. ̆ⱉⱄⰰⱀⱀⰰ. ⰱⰾⰰⰳⱁⱄⰾⱁⰲⰵⱀⱏ ⰳⱃⱔⰴⱔⰻ ⰲⱏ ⰺⰿⱔ ⰳⱀ҃ⰵ. ⱌⱃ҃ⱐ ⰺⰸⰴⱃⰰⰺⰾⰵⰲⱏ.
приѩшѧ ваꙇ отъ финикъ. ꙇ҅ изидѫ противѫ емоу. ꙇ҅ зъваахѫ гл҃ѭште. ̆ѡсанна. благословенъ грѧдꙙи въ ꙇмѧ гн҃е. цр҃ь ꙇздраꙇлевъ.
12:14
Ⱉⰱⱃⱑⱅⰵ ⰶⰵ ⰻⱄ҃ ⱁⱄⱐⰾⱔ ⰲⱐⱄⱑⰴⰵ ⱀⰰ ⱀ̑ⰵ. ⱑⰽⱁⰶⰵ ⰵⱄⱅⱏ ⱂⱄⰰⱀⱁ.
Ѡбрѣте же ис҃ осьлѧ вьсѣде на н̑е. ѣкоже естъ псано.
12:15
ⱀⰵ ⰱⱁⰺ ⱄⱔ ⰴⱏⱎⱅⰻ ⱄⰻⱁⱀⱁⰲⰰ. ⱄⰵ ⱌⱃ҃ⱐ ⱅⰲⱁⰹ ⰳⱃⱔⰴⰵⱅⱏ. ⱄⱑⰴⱔ ⱀⰰ ⰶⱃⱑⰱⱔⱅⰵ ⱁⱄⱏⰾ̑ⰻ.
не боꙇ сѧ дъшти сионова. се цр҃ь твоі грѧдетъ. сѣдѧ на жрѣбѧте осъл̑и.
12:16
Ⱄⰻⱈⱏ ⰶⰵ ⱀⰵ ⱃⰰⰸⱆⰿⱑⱎⱔ. ⱆⱍⰵⱀⰻⱌⰻ ⰵⰳⱁ ⱂⱃⱑⰶⰴⰵ. ⱀⱏ ⰵⰳⰴⰰ ⱂⱃⱁⱄⰾⰰⰲⰻ[ⱅⱏ] ⱄⱔ ⰻⱄ҃. ⱅⱁⰳⰴⰰ ⱂⱁⰿⱑⱀⱘⱎⱔ ⱑⰽⱁ ⱄⰻ ⰱⱑⱎⱔ ⱁ ⱀ̑ⰵⰿⱐ ⱂⱄⰰⱀⰰ. ⰺ҅ ⱄⰻ ⱄⱏⱅⰲⱁⱃⰻⱎⱔ ⰵⰿⱆ.
Сихъ же не разоумѣшѧ. оученици его прѣжде. нъ егда прослави[тъ] сѧ ис҃. тогда помѣнѫшѧ ѣко си бѣшѧ о н̑емь псана. ꙇ҅ си сътворишѧ емоу.
12:17
ⱄⱏⰲⱑⰴⱑⱅⰵⰾ̑ⱐⱄⱅⰲⱁⰲⰰⰰⱎⰵ ⱀⰰⱃⱁⰴⱏ. ⰺ҅ⰶⰵ ⰱⱑ ⱄⱏ ⱀ̑ⰻⰿⱐ. ⰵⰳⰴⰰ ⰾⰰⰸⰰⱃⱑ ⰲⱏⰸⰳⰾⰰⱄⰻ ⱁⱅⱏ ⰳⱃⱁⰱⰰ. ⰺ҅ ⰲⱏⱄⰽⱃⱑⱄⰻ ⰵⰳⱁ ⱁⱅⱏ ⰿⱃⱏⱅⰲⱏⰹⱈⱏ.
съвѣдѣтел̑ьствовааше народъ. ꙇ҅же бѣ съ н̑имь. егда лазарѣ възгласи отъ гроба. ꙇ҅ въскрѣси его отъ мрътвꙑхъ.
12:18
ⱄⰵⰳⱁ ⱃⰰⰴⰻ ⰺ҅ ⱂⱃⱁⱅⰻⰲⱘ ⰺ҅ⰸⰻⰴⰵ ⰵⰿⱆ ⱀⰰⱃⱁⰴⱏ. ⱑⰽⱁ ⱄⰾⱏⰹⱎⰰⱎⱔ ⱄⱏⱅⰲⱁⱃⱐⱎⰰ ⰸⱀⰰⰿⰵⱀⰻⱑ.
сего ради ꙇ҅ противѫ ꙇ҅зиде емоу народъ. ѣко слꙑшашѧ сътворьша знамениѣ.
12:19
ⱇⰰⱃⰻⱄⱑⰹ ⰶⰵ ⱃⱑⱎⱔ ⰽⱏ ⱄⰵⰱⱑ. ⰲⰻⰴⰻⱅⰵ ⱑⰽⱁ ⱀⰻⰽⰰⰰⰶⰵ ⱂⱁⰾⱐⰸⰰ ⰵⱄⱅⱏ. ⱄⰵ ⰲⱐⱄⱐ ⰿⰻⱃⱏ ⱂⱁ ⱀ̑ⰵⰿⱐ ⰺ҅ⰴⰵ.
фарисѣі же рѣшѧ къ себѣ. видите ѣко никааже польза естъ. се вьсь миръ по н̑емь ꙇ҅де.
12:20
Ⰱⱑⰰⱈⱘ ⰶⰵ ⰵⰾⰾⰻⱀⰻ. ⰵⱅⰵⱃⰻ ⱁⱅⱏ ⰲⱏⱎⱐⰴⱏⱎⰻⱈⱏ. ⰴⰰ ⱂⱁⰽⰾⱁⱀⱔⱅⱏ ⱄⱔ ⰲⱏ ⱂⱃⰰⰸⰴⱐⱀⰻⰽⱏ.
Бѣахѫ же еллини. етери отъ въшьдъшихъ. да поклонѧтъ сѧ въ праздьникъ.
12:21
ⱄⰻⰹ ⰶⰵ ⱂⱃⰻⱄⱅⱘⱂⰻⱎⱔ ⰽⱏ ⱇⰻⰾⰻⱂⱆ. ⰺ҅ⰶⰵ ⰱⱑ ⱁⱅⱏ ⰲⰻⰴⱏⱄⰰⰺ҅ⰴⱏⰹ ⰳⰰⰾⰻⰾⱑⰺ҅ⱄⰽⱏⰹⱗ. ⰺ҅ ⰿⱁⰾ̑ⱑⰰⱈⱘ ⰹ ⰳⰾ҃ⱙⱎⱅⰵ. ⰳ҃ⰻ. ⱈⱁⱎⱅⰵⰿⱏ ⰺⱄ҃ⰰ ⰲⰻⰴⱑⱅⰻ.
сиі же пристѫпишѧ къ филипоу. ꙇ҅же бѣ отъ видъсаꙇ҅дꙑ галилѣꙇ҅скꙑѩ. ꙇ҅ мол̑ѣахѫ і гл҃ѭште. г҃и. хоштемъ ꙇс҃а видѣти.
12:22
ⱂⱃⰻⰴⰵ ⱇⰻⰾⰻⱂⱂⱏ ⰺ҅ ⰳⰾ҃ⰰ. ⰰⱀⱐⰴⱃⱑⱁⰲⰻ. ⰺ҅ ⱂⰰⰽⱏⰹ ⰰⱀⰴⱃⱑⰰ ⰺ҅ ⱇⰻⰾⰻⱂⱏ. ⰳⰾ҃ⰰⱄⱅⰵ ⰺ҅ⱄ҃ⰲⰻ.
приде филиппъ ꙇ҅ гл҃а. аньдрѣови. ꙇ҅ пакꙑ андрѣа ꙇ҅ филипъ. гл҃асте ꙇ҅с҃ви.
12:23
!Ⰺⱄ ⰶⰵ ⱁⱅⱏⰲⱑⱎⱅⰰ ⰺ҅ⰿⰰ ⰳⰾ҃ⱔ. ⱂⱃⰻⰴⰵ ⱍⰰⱄⱏ. ⰴⰰ ⱂⱃⱁⱄⰾⰰⰲⰻⱅⱏ ⱄⱔ ⱄⱀ҃ⱏ ⱍⱄ҃ⰽⱏⰹ.
!Ꙇс же отъвѣшта ꙇ҅ма гл҃ѧ. приде часъ. да прославитъ сѧ сн҃ъ чс҃кꙑ.
12:24
*̆ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⰰⱎⱅⰵ ⰸⱃⱏⱀⱁ ⱂⱐⱎⰵⱀⱐⱀⱁ ⱀⰵ ⱆⰿⱐⱃ̑ⰵⱅⱏ ⱂⰰⰴⱏ ⰲⱏ ⰸⰵⰿⰾ̑ⰻ. ⱅⱁ ⰵⰴⰻⱀⱁ ⱂⱃⱑⰱⱏⰹⰲⰰⰵⱅⱏ. ⰰⱎⱅⰵ ⰾⰻ ⱆⰿⱐⱃ̑ⰵⱅⱏ. ⰿⱀⱁⰳⱏ ⱂⰾⱁⰴⱏ ⱄⱏⱅⰲⱁⱃⰻⱅⱏ.
*̆амин амин гл҃ѭ вамъ. аште зръно пьшеньно не оумьр̑етъ падъ въ земл̑и. то едино прѣбꙑваетъ. аште ли оумьр̑етъ. многъ плодъ сътворитъ.
12:25
Ⰾ̑ⱓⰱⱔⰻ ⰴⱎ҃ⱘ ⱄⰲⱁⱙ ⱂⱁⰳⱆⰱⰻⱅⱏ ⱙ. ⰺ҅ ⱀⰵⱀⰰⰲⰻⰴⱔⰻ ⰴⱎ҃ⱔ ⱄⰲⱁⰵⱗ ⰲⱏ ⰿⰻⱃⱑ ⱄⰵⰿⱐ. ⰲⱏ ⰶⰻⰲⱁⱅⱑ ⰲⱑⱍⱐⱀⱑⰿⱐ ⱄⱏⱈⱃⰰⱀⰻⱅⱏ ⱙ.
Л̑юбѧи дш҃ѫ своѭ погоубитъ ѭ. ꙇ҅ ненавидѧи дш҃ѧ своеѩ въ мирѣ семь. въ животѣ вѣчьнѣмь съхранитъ ѭ.
12:26
ⰰⱎⱅⰵ ⰽⱅⱁ ⰿⸯⱀⱑ ⱄⰾⱆⰶⰻⱅⱏ. ⱂⱁ ⰿⱀⱑ ⰴⰰ ⱈⱁⰴⰻⱅⱏ. ⰺ҅ⰴⰵⰶⰵ ⰵⱄⰿⱐ ⰰⰸⱏ. ⱅⱆ ⰺ҅ ⱄⰾⱆⰳⰰ ⰿⱁⰹ ⰱⱘⰴⰵⱅⱏ. ⰺ҅ ⰰⱎⱅⰵ ⰽⱏⱅⱁ ⰿⱐⱀⱑ ⱄⰾⱆⰶⰻⱅⱏ. ⱂⱁⱍⱐⱅⰵⱅⱏ ⰹ ⱁⱌ҃ⱐ.
аште кто мⸯнѣ слоужитъ. по мнѣ да ходитъ. ꙇ҅деже есмь азъ. тоу ꙇ҅ слоуга моі бѫдетъ. ꙇ҅ аште къто мьнѣ слоужитъ. почьтетъ і оц҃ь.
12:27
Ⱀⱏⰹⱀ̑ⱑ ⰴⱎ҃ⰰ ⰿⱁⱑ ⰲⱏⰸⰿⱘⱅⰻ ⱄⱔ. ⰺ҅ ⱍⱐⱅⱁ ⱃⰵⰽⱘ. !ⱁⱍⰵ ⱄⱂ҃ⰻ ⰿⱔ ⱁⱅⱏ ⱍⰰⱄⰰ ⱄⰵⰳⱁ. ⱀⱏ ⱄⰵⰳⱁ ⱃⰰⰴⰻ ⱂⱃⰻⰴⱏ ⱀⰰ ⰳⱁⰴⰻⱀⱘ ⱄⰻⱙ.
Нꙑн̑ѣ дш҃а моѣ възмѫти сѧ. ꙇ҅ чьто рекѫ. !оче сп҃и мѧ отъ часа сего. нъ сего ради придъ на годинѫ сиѭ.
12:28
!Ⱉⱍⰵ ⱂⱃⱁⱄⰾⰰⰲⰻ ⰺ҅ⰿⱔ ⱅⰲⱁⰵ. ⱂⱃⰻⰴⰵ ⰶⰵ ⰳⰾ҃ⰰ!ⱄ ⱄⱏ ⱀⰱ҃ⱄⰵ. ⰺ҅ ⱂⱃⱁⱄⰾⰰⰲⰻⱈⱏ ⰺ҅ ⱂⰰⰽⱏⰹ ⱂⱃⱁⱄⰾⰰⰲⰾ̑ⱘ.
!Ѡче прослави ꙇ҅мѧ твое. приде же гл҃а!с съ нб҃се. ꙇ҅ прославихъ ꙇ҅ пакꙑ прославл̑ѫ.
12:29
ⱀⰰⱃⱁⰴⱏ ⰶⰵ ⱄⱅⱁⱗ ⰺ҅ ⱄⰾⱏⰹⱎⰰⰲⱏ. ⰳⰾ҃ⰰⰰⱈⱘ ⰳⱃⱁⰿⱏ ⰱⱏⰹⱄⱅⱏ. ⰺ҅ⱀⰻ ⰳⰾ҃ⰰⱈⱘ ⰰⰼ҃ⰾⱏ. ⰳⰾ҃ⰰ ⰵⰿⱆ.
народъ же стоѩ ꙇ҅ слꙑшавъ. гл҃аахѫ громъ бꙑстъ. ꙇ҅ни гл҃ахѫ ађ҃лъ. гл҃а емоу.
12:30
ⱁⱅⱏⰲⱑⱎⱅⰰ ⰻⱄ҃. ⰺ ⱃⰵⱍⰵ. ⱀⰵ ⰿⰵⱀⰵ ⱃⰰⰴⰻ ⰳⰾⰰⱄⱏ ⱄⱐ ⰱⱏⰹ!ⱄ. ⱀⱏ [ⱀⰰⱃⱁⰴⰰ] ⱃⰰⰴⰻ
отъвѣшта ис҃. ꙇ рече. не мене ради гласъ сь бꙑ!с. нъ [народа] ради
12:31
ⱀⱏⰹⱀ̑ⱑ ⰶⰵ ⱄⱘⰴⱏ ⰵⱄⱅⱏ ⰿⰻⱃⱆ ⱄⰵⰿⱆ. ⱀⱏⰹⱀ̑ⱑ ⰽⱏⱀⱔⰸⱐ ⰿⰻⱃⰰ ⱄⰵⰳⱁ ⰺ҅ⰸⰳⱏⱀⰰⱀⱏ ⰱⱘⰴⰵⱅⱏ ⰲⱏⱀⱏ.
нꙑн̑ѣ же сѫдъ естъ мироу семоу. нꙑн̑ѣ кънѧзь мира сего ꙇ҅згънанъ бѫдетъ вънъ.
12:32
ⰺ҅ ⰰⰸⱏ ⰰⱎⱅⰵ ⰲⱐⰸⱀⰵⱄⰵⱀⱏ ⰱⱘⰴⱘ ⱁⱅⱏ ⰸⰵⰿⰾ̑ⱔ. ⰲⱐⱄⱔ ⱂⱃⰻⰲⰾⱑⰽⱘ ⰽⱏ ⱄⰵⰱⱑ.
ꙇ҅ азъ аште вьзнесенъ бѫдѫ отъ земл̑ѧ. вьсѧ привлѣкѫ къ себѣ.
12:33
ⱄⰵ ⰶⰵ ⰳⰾ҃ⰰⰰⱎⰵ ⰽⰾⰵⱂⰾ̑ⱔ. ⰽⱁⰵⱙ ⱄⱏⰿⱃⱏⱅⰻⱙ ⱈⱁⱅⱑⰰⱎⰵ ⱆⰿⱐⱃⱑⱅⰻ.
се же гл҃ааше клепл̑ѧ. коеѭ съмрътиѭ хотѣаше оумьрѣти.
12:34
ⱁⱅⱏⰲⱑⱎⱅⰰ ⰵⰿⱆ ⱀⰰⱃⱁⰴⱏ. ⰿⱏⰹ ⱄⰾⱏⰹⱎⰰⱈⱁⰿⱏ ⱁⱅⱏ ⰸⰰⰽⱁⱀⰰ. ⱑⰽⱁ ⱈ҃ⱏ ⱂⱃⱑⰱⱏⰹⰲⰰⰵⱅⱏ ⰲⱏ ⰲⱑⰽⱏ. ⰺ҅ ⰽⰰⰽⱁ ⱅⱏⰹ ⰳⰾ҃ⰵⱎⰻ. ⰲⱐⰸⱀⰵⱄⱅⰻ ⱄⱔ ⱂⱁⰴⱁⰱⰰⰵⱅⱏ ⱄⱀ҃ⱆ ⱍⱄ҃ⰽⱆⰵⰿⱆ. ⰽⱏⱅⱁ ⱄⱐ ⰵⱄⱅⱏ ⱄⱀ҃ⱏ ⱍⱄ҃ⰽⱏⰹ.
отъвѣшта емоу народъ. мꙑ слꙑшахомъ отъ закона. ѣко х҃ъ прѣбꙑваетъ въ вѣкъ. ꙇ҅ како тꙑ гл҃еши. вьзнести сѧ подобаетъ сн҃оу чс҃коуемоу. къто сь естъ сн҃ъ чс҃кꙑ.
12:35
ⱃⰵⱍⰵ ⰶⰵ [ⰵ]ⰿ[ⱆ] ⰻⱄ҃. ⰵⱎⱅⰵ ⰲⱏ ⰿⰰⰾⱁ ⰲⱃⱑⰿⱔ ⱄⰲⱑⱅⱏ ⰲⱏ ⰲⰰⱄⱏ ⰵⱄⱅⱏ. ⱈⱁⰴⰻⱅⰵ ⰴⱁⱀⱐⰴⰵⰶⰵ ⱄⰲⱑⱅⱏ ⰺ҅ⰿⰰⱅⰵ. ⰴⰰ ⱅⱐⰿⰰ ⰲⰰⱄⱏ ⱀⰵ ⰺ҅ⰿⰵⱅⱏ. ⰺ҅ ⱈⱁⰴⱔⰹ ⰲⱏ ⱅⱐⰿⱑ. ⱀⰵ ⰲⱑⱄⱅⱏ ⰽⰰⰿⱁ ⰺ҅ⰴⰵⱅⱏ.
рече же [е]м[оу] ис҃. еште въ мало врѣмѧ свѣтъ въ васъ естъ. ходите доньдеже свѣтъ ꙇ҅мате. да тьма васъ не ꙇ҅метъ. ꙇ҅ ходѧі въ тьмѣ. не вѣстъ камо ꙇ҅детъ.
12:36
ⰴⱁⱀⱐⰴⰵⰶⰵ ⱄⰲⱑⱅⱏ ⰺ҅ⰿⰰⱅⰵ. ⰲⱑⱃⱆⰵⱅⰵ ⰲⱏ ⱄⰲⱑⱅⱏ. ⰴⰰ !ⱄⱀⰻ ⱄⰲⱑⱅⱆ ⰱⱘⰴⰵⱅⰵ. ⱄⰻ ⰳⰾ҃ⰰ ⰻⱄ҃. ⰺ ⱎⱐⰴⱏ ⱄⱏⰽⱃⱏⰹ ⱄⱔ ⱁⱅⱏ ⱀ̑ⰻⱈⱏ.
доньдеже свѣтъ ꙇ҅мате. вѣроуете въ свѣтъ. да !сни свѣтоу бѫдете. си гл҃а ис҃. ꙇ шьдъ съкрꙑ сѧ отъ н̑ихъ.
12:37
ⱅⱁⰾⰻⰽⰰ ⰶⰵ ⰸⱀⰰⰿⰵⱀⰻⱑ ⱄⱏⱅⰲⱁⱃⱐⱎⱓ ⰵⰿⱆ ⱂⱃⱑⰴⱏ ⱀ̑ⰻⰿⰻ. ⱀⰵ ⰲⱑⱃⱁⰲⰰⰰⱈⱘ ⰵⰿⱆ.
толика же знамениѣ сътворьшю емоу прѣдъ н̑ими. не вѣроваахѫ емоу.
12:38
ⰴⰰ ⱄⱏⰱⱘⰴⱘⱅⱏ ⱄⱔ ⱄⰾⱁⰲⰵⱄⰰ ⰺ҅ⱄⰰⰺ҅ⱗ ⱂⱃⱁⱃⱁⰽⰰ ⰵⰶⰵ ⱃⰵⱍⰵ. ⰳ҃ⰻ ⰽⱏⱅⱁ ⰲⱑⱃⱁⰲⰰ ⱄⰾⱆⱈⱆ ⰲⰰⱎⰵⰿⱆ. ⰺ҅ ⰿⱏⰹⱎⱐⱌⰰ ⰳⱀ҃ⱑ. ⰽⱁⰿⱆ ⱁⱅⱏⰽⱃⱏⰹ ⱄⱔ.
да събѫдѫтъ сѧ словеса ꙇ҅саꙇ҅ѩ пророка еже рече. г҃и къто вѣрова слоухоу вашемоу. ꙇ҅ мꙑшьца гн҃ѣ. комоу отъкрꙑ сѧ.
12:39
Ⱄⰵⰳⱁ ⱃⰰⰴⰻ ⱀⰵ ⰿⱁⰶⰰⱈⱘ ⰲⱑⱃⱁⰲⰰⱅⰻ. ⱑⰽⱁ ⱂⰰⰽⱏⰹ ⱃⰵⱍⰵ ⰺ҅ⱄⰰⰹⱑ.
Сего ради не можахѫ вѣровати. ѣко пакꙑ рече ꙇ҅саіѣ.
12:40
ⱁⱄⰾⱑⱂⰻ ⱁⱍⰻ ⰺ҅ⱈⱏ. ⰺ҅ ⱁⰽⰰⰿⱑⱀⰻⰾⱏ %̆ⰵⱄⱅⱏ ⱄⱃⱏⰴⱐⱌⰰ ⰺ҅ⱈⱏ. ⰴⰰ ⱀⰵ ⰲⰻⰴⱔⱅⱏ ⱁⱍⰻⰿⰰ. ⱀⰻ ⱃⰰⰸⱆⰿⱑⱙⱅⱏ ⱄⱃⱏⰴⱐⱌⰵⰿⱐ. ⰺ҅ ⱁⰱⱃⰰⱅⱔⱅⱏ ⱄⱔ ⰺ҅ ⰻⱌⱑⰾ̑ⱘ ⱗ.
ослѣпи очи ꙇ҅хъ. ꙇ҅ окамѣнилъ %̆естъ сръдьца ꙇ҅хъ. да не видѧтъ очима. ни разоумѣѭтъ сръдьцемь. ꙇ҅ обратѧтъ сѧ ꙇ҅ ицѣл̑ѫ ѩ.
12:41
Ⱄⰻ ⱃⰵⱍⰵ ⰺ҅ⱄⰰⰺⱑ. ⰵⰳⰴⰰ ⰲⰻⰴⱑ ⱄⰾⰰⰲⱘ ⰵⰳⱁ. ⰺ҅ ⰳⰾ҃ⰰ ⱁ ⱀ̑ⰵⰿⱐ.
Си рече ꙇ҅саꙇѣ. егда видѣ славѫ его. ꙇ҅ гл҃а о н̑емь.
12:42
ⱁⰱⰰⱍⰵ ⱆⰱⱁ ⰺ҅ ⱁⱅⱏ ⰽⱏⱀⱔⰸⱐ. ⰿⱀⱁⰸⰻ ⰲⱑⱃⱁⰲⰰⱎⱔ ⰲⱐ ⱀ̑ⰵⰳⱁ. ⱀⱏ ⱇⰰⱃⰻⱄⱑⰻ ⱃⰰⰴⰻ ⱀⰵ ⰺ҅ⱄⱂⱁⰲⱑⰴⰰⰰⱈⱘ. ⰴⰰ ⱀⰵ ⰺ҅ ⱄⱏⱀⱏⰿⰻⱎⱅⱐ ⰺ҅ⰸⰳⱏⱀⰰⱀⰻ ⰱⱘⰴⱘⱅⱏ.
обаче оубо ꙇ҅ отъ кънѧзь. мнози вѣровашѧ вь н̑его. нъ фарисѣи ради не ꙇ҅сповѣдаахѫ. да не ꙇ҅ сънъмишть ꙇ҅згънани бѫдѫтъ.
12:43
ⰲⱐⰸⰾ̑ⱓⰱⰻⱎⱔ ⰱⱁ ⱂⰰⱍⰵ ⱄⰾⰰⰲⱘ ⱍⱄ҃ⰽⱘ. ⱀⰵⰶⰵ ⱄⰾⰰⰲⱘ ⰱⰶ҃ⰻⱙ.
вьзл̑юбишѧ бо паче славѫ чс҃кѫ. неже славѫ бж҃иѭ.
12:44
!Ⰺⱄ ⰶⰵ ⰲⱏⰸⱏⰲⰰ ⰺ҅ ⱃⰵⱍⰵ. ⰲⱑⱃⱆⱗⰻ ⰲⱐ ⰿⱔ ⱀⰵ ⰲⱑⱃⱆⰵⱅⱏ ⰲⱏ ⰿⰵⱀⰵ. ⱀⱏ ⰲⱏ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ.
!Ꙇс же възъва ꙇ҅ рече. вѣроуѩи вь мѧ не вѣроуетъ въ мене. нъ въ посълавъшаего мѧ.
12:45
ⰺ҅ ⰲⰻⰴⱔⰹ ⰿⱔ ⰲⰻⰴⰻⱅⱏ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ.
ꙇ҅ видѧі мѧ видитъ посълавъшаего мѧ.
12:46
*̆ⰰⰸⱏ ⱄⰲⱑⱅⱏ ⰲⱏ ⰲⱐⱄⱐ ⰿⰻⱃⱏ ⱂⱃⰻⰴⱏ. ⰴⰰ ⰲⱐⱄⱑⰽⱏ ⰲⱑⱃⱆⱗⰹ ⰲⱏ ⰿⱔ. ⰲⱏ ⱅⱐⰿⱑ ⱀⰵ ⱂⱃⱑⰱⱘⰴⰵⱅⱏ.
*̆азъ свѣтъ въ вьсь миръ придъ. да вьсѣкъ вѣроуѩі въ мѧ. въ тьмѣ не прѣбѫдетъ.
12:47
ⰺ҅ ⰰⱎⱅⰵ ⰽⱅⱁ ⱆⱄⰾⱏⰹⱎⰻⱅⱏ. ⰳⰾ҃ⱏⰹ ⰿⱁⱗ. ⰺ҅ ⱀⰵ ⱄⱏⱈⱃⰰⱀⰻⱅⱏ ⰺ҅ⱈⱏ. ⰰⰸⱏ ⱀⰵ ⱄⱘⰶⰴⱘ ⰵⰿⱆ. ⱀⰵ ⱂⱃⰻⰴⱏ ⰱⱁ ⰴⰰ ⱄⱘⰶⰴⱘ ⰿⰻⱃⱆ. ⱀⱏ ⰴⰰ ⱄⱏⱂⰰⱄⱘ ⰿⰻⱃⱏ.
ꙇ҅ аште кто оуслꙑшитъ. гл҃ꙑ моѩ. ꙇ҅ не съхранитъ ꙇ҅хъ. азъ не сѫждѫ емоу. не придъ бо да сѫждѫ мироу. нъ да съпасѫ миръ.
12:48
ⱁⱅⱏⰿⱑⱅⰰⱗⰻ ⱄⱔ ⰿⰵⱀⰵ. ⰺ҅ ⱀⰵ ⱂⱃⰻⰵⰿⰾ̑ⱔ ⰳⰾ҃ⱏ ⰿⱁⰹⱈⱏ. ⰺ҅ⰿⰰⱅⱏ ⱄⱘⰴⱔⱎⱅⰰⰵⰳⱁ ⰵⰿⱆ. ⱄⰾⱁⰲⱁ ⰵⰶⰵ ⰳⰾ҃ⰰⱈⱏ ⱅⱁ ⱄⱘⰴⰻⱅⱏ ⰵⰿⱆ. ⰲⱏ ⱂⱁⱄⰾⱑⰴⱐⱀ̑ⰻ ⰴⱐⱀⱐ.
отъмѣтаѩи сѧ мене. ꙇ҅ не приемл̑ѧ гл҃ъ моіхъ. ꙇ҅матъ сѫдѧштаего емоу. слово еже гл҃ахъ то сѫдитъ емоу. въ послѣдьн̑и дьнь.
12:49
ⱑⰽⱁ ⰰⰸⱏ ⱁ ⱄⰵⰱⱑ ⱀⰵ ⰳⰾ҃ⰰⰰⱈⱏ. ⱀⱏ ⱂⱁⱄⱏⰾⰰⰲⱏⰺ ⰿⱔ ⱁⱌ҃ⱐ. ⱅⱏ ⰿⱐⱀⱑ ⰸⰰⱂⱁⰲⱑⰴⱐ ⰴⰰⱄⱅⱏ. ⱍⱐⱅⱁ ⱃⰵⰽⱘ. ⰺ҅ ⱍⱐⱅⱁ ⰲⱏⰸⰳⰾⰰⰳⱁⰾⱘ.
ѣко азъ о себѣ не гл҃аахъ. нъ посълавъꙇ мѧ оц҃ь. тъ мьнѣ заповѣдь дастъ. чьто рекѫ. ꙇ҅ чьто възглаголѫ.
12:50
ⰺ҅ ⰲⱑⰿⱐ [ⱑⰽⱁ] ⰸⰰⱂⱁⰲⱑⰴⱐ ⰵⰳⱁ. ⰶⰻⰲⱁⱅⱏ ⰲⱑⱍⱐⱀⱏⰹ ⰵⱄⱅⱏ. ⱑⰶⰵ ⱆⰱⱁ ⰰⰸⱏ ⰳⰾ҃ⱙ. ⱑⰽⱁⰶⰵ ⱃⰵⱍⰵ ⰿⱀⱑ ⱁⱌ҃ⱐ ⱅⰰⰽⱁ ⰳⰾ҃ⱙ.
ꙇ҅ вѣмь [ѣко] заповѣдь его. животъ вѣчьнꙑ естъ. ѣже оубо азъ гл҃ѭ. ѣкоже рече мнѣ оц҃ь тако гл҃ѭ.