ЕВАНГЕЛИЕ ЕЖЕ Ѿ ЛОУКꙐ
9:1
Ⱄⱏⰸⱏⰲⰰⰲⱏ ⰶⰵ ⰻⱄ҃ⱏ ⱁⰱⰰ ⱀⰰ ⰴⰵⱄⱔⱅⰵ. ⰴⰰⱄⱅⱏ ⰻⰿⱏ ⱄⰻⰾⱘ ⰻ ⰲⰾⰰⱄⱅⱐ ⱀⰰ ⰲⱐⱄⱑⱈⱏ ⰱⱑⱄⱑⱈⱏ. ⰺ ⱀⰵⰴⱘⰳⱏⰹ ⱌⱑⰾⰻⱅⰻ.
Съзъвавъ же ис҃ъ оба на десѧте. дастъ имъ силѫ и власть на вьсѣхъ бѣсѣхъ. ꙇ недѫгꙑ цѣлити.
9:2
ⰺ ⱂⱁⱄⱏⰾⰰ ⱗ. ⱂⱃⱁⱂⱁⰲⱑ[ⰴⱑ]ⱅⰻ ⱌⱄ҃ⱃⱄⱅⰲⰻⰵ ⰱⰶ҃ⰻⰵ. ⰺ ⱌⱑⰾⰻⱅⰻ ⰱⱁⰾⱔⱋⱔⱗ.
ꙇ посъла ѩ. проповѣ[дѣ]ти цс҃рствие бж҃ие. ꙇ цѣлити болѧщѧѩ.
9:3
ⰺ ⱃⰵⱍⰵ ⰽⱏ ⱀⰻⰿⱏ. ⱀⰻⱌⱏⱄⱁⰶⰵ ⱀⰵ ⰲⱐⰸⰵⰿⰾⱑⱅⰵ ⱀⰰ ⱂⱘⱅⱐ. ⱀⰻ ⰶⱏⰸⰾⰰ ⱀⰹ ⱂⰻⱃⱏⰹ. ⱀⰻ ⱈⰾⱑⰱⰰ ⱀⰻ ⱄⱏⱃⰵⰱⱃⰰ. ⱀⰻ ⰴⱏⰲⱁⱓ ⱃⰻⰸⱆ ⰻⰿⱑⱅⰻ.
ꙇ рече къ нимъ. ницъсоже не вьземлѣте на пѫть. ни жъзла ні пирꙑ. ни хлѣба ни съребра. ни дъвою ризоу имѣти.
9:4
ⰺ ⰲⱏ ⱀⱐⰶⰵ ⰴⱁⰿⱏ ⰲⱏⱀⰻⰴⰵⱅⰵ ⱅⱆ ⱂⱃⱑⰱⱏⰹⰲⰰⰻⱅⰵ. ⰺ ⱁⱅⱏ ⱅⱆⰴⱆ ⰻⱄⱈⱁⰴⰻⱅⰵ.
ꙇ въ ньже домъ вънидете тоу прѣбꙑваите. ꙇ отъ тоудоу исходите.
9:5
ⰺ ⰵⰾⰻⰽⱁ ⱀⰵ ⱂⱃⰻⰵⰿⰾⱙⱅⱏ ⰲⰰⱄⱏ. ⰺⱄⱈⱁⰴⱔⱎⱅⰵ ⱁⱅⱏ ⰳⱃⰰⰴⰰ ⱅⱁⰳⱁ. ⰺ ⱂⱃⰰⱈⱏ ⱁⱅⱏ ⱀⱁⰳⱏ ⰲⰰⱎⰻⱈⱏ ⱁⱅⱏⱅⱃⱔⱄⱑⱅⰵ. ⰲⱐ ⱄⱏⰲⱑⰴⱑⱀⰻⰵ ⱀⰰ ⱀⱔ.
ꙇ елико не приемлѭтъ васъ. ꙇсходѧште отъ града того. ꙇ прахъ отъ ногъ вашихъ отътрѧсѣте. вь съвѣдѣние на нѧ.
9:6
ⰹⱄⱈⱁⰴⱔⱎⱅⰵ ⰶⰵ ⱂⱃⱁⱈⱁⰶⰴⰰⰰⱈⱘ ⱄⰽⰲⱁⰸⱑ ⰲⱐⱄⰻ. ⰱⰾⰰⰳⱁⰲⱑⱄⱅⱆⱙⱎⱅⰵ. ⰺ ⱌⱑⰾⱔⱎⱅⰵ ⰲⱏⱄⱘⰴⱘ :: ⰽ!ⱌ
ісходѧште же прохождаахѫ сквозѣ вьси. благовѣстоуѭште. ꙇ цѣлѧште въсѫдѫ :: к!ц
9:7
Ⱄⰾⱏⰹⱎⰰ ⰶⰵ ⰻⱃⱁⰴⱏ ⱍⰵⱅⰲⱃⱏⱅⱁⰲⰾⰰⱄⱅⰵⱌⱏ. ⰱⱏⰹⰲⰰⱙⱎⱅⰰⰰ ⱁⱅⱏ ⱀⰵⰳⱁ ⰲⱐⱄⱑ. ⰺ ⱀⰵ ⰴⱁⰿⱏⰹⱎⰾⱑⰰⱎⰵ ⱄⱔ ⰸⰰⱀⰵ ⰳⰾ҃ⰰⰳⰾⱏ ⰱⱑ ⱁⱅⱏ ⰵⱅⰵⱃⱏ. ⱑⰽⱁ ⰻⱁⰰⱀⱏ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰹⱈⱏ.
Слꙑша же иродъ четврътовластецъ. бꙑваѭштаа отъ него вьсѣ. ꙇ не домꙑшлѣаше сѧ зане гл҃аглъ бѣ отъ етеръ. ѣко иоанъ въста отъ мрътвꙑхъ.
9:8
ⱁⱅⱏ ⰻⱀⱑⱈⱏ ⰶⰵ ⱑⰽⱁ ⰻⰾⰻⱑ ⱑⰲⰻ ⱄⱔ. ⱁⱅⱏ ⰴⱃⱆⰳⱏⰹⱈⱏ ⰶⰵ ⱑⰽⱁ !ⱂⱃⰽⱏ ⱀⱑⰽⱏⰹ ⱁⱅⱏ ⰴⱃⰵⰲⱐⱀⰻⱈⱏ ⰲⱏⱄⰽⱃⱏⱄⰵ.
отъ инѣхъ же ѣко илиѣ ѣви сѧ. отъ дроугꙑхъ же ѣко !пркъ нѣкꙑ отъ древьнихъ въскръсе.
9:9
ⰺ ⱃⰵⱍⰵ ⰻⱃⱁⰴⱏ ⰺⱁⰰⱀⰰ ⰰⰸⱏ ⱆⱄⱑⰽⱀⱘⱈⱏ. ⰽⱅⱁ ⰶⰵ ⰵⱄⱅⱏ ⱄⱏ ⱁ ⱀⰵⰿⱏⰶⰵ ⰰⰸⱏ ⱄⰾⱏⰹⱎⱘ ⱅⰰⰽⱁⰲⰰⰰ. ⰺ҅ ⰻ҅ⱄⰽⰰⰰⱎⰵ ⰲⰻⰴⱑⱅⰻ ⰻ.
ꙇ рече иродъ ꙇоана азъ оусѣкнѫхъ. кто же естъ съ о немъже азъ слꙑшѫ таковаа. ꙇ҅ и҅скааше видѣти и.
9:10
ⰺ҅ ⰲⱏⰸⰲⱃⰰⱋⱐⱎⰵ ⱄⱔ !ⰰⱂⰾⰻ ⱂⱁⰲⱑⰴⰰⱎⱔ ⰵⰿⱆ ⰵⰾⰻⰽⱁ ⱄⱏⱅⰲⱁⱃⰻⱎⱔ. ⰺ ⱂⱁⰵⰿⱏ ⱗ ⱁⱅⰻⰴⰵ ⰵⰴⰻⱀⱏ ⱀⰰ ⰿⱑⱄⱅⱁ ⱂⱁ[ⱏⰹ]ⱄⱅⱁ. ⰳⱃⰰⰴⰰ ⱀⰰⱃⰻⱌⰰⰵⰿⰰⰰⰳⱁ ⰲⰻⰴⱏⱄⰰⰻⰴⰰ.
ꙇ҅ възвращьше сѧ !апли повѣдашѧ емоу елико сътворишѧ. ꙇ поемъ ѩ отиде единъ на мѣсто по[ꙑ]сто. града нарицаемааго видъсаида.
9:11
ⱀⰰⱃⱁⰴⰻ ⰶⰵ ⱃⰰⰸⱆⰿⱑⰲⱏⱎⰵ ⱂⱁ ⱀⰵⰿⱐ ⰻⰴⱘ. ⰺ ⱂⱃⰻⰻⰿⱏ ⱗ ⰳⰾ҃ⰰⰰⱎⰵ ⰻⰿⱏ ⱁ !ⱌⱑⱄⰰⱃⰵⱄⱅⰲⰻⰻ ⰱⰶ҃ⰻⰻ. ⰺ ⱅⱃⱑⰱⱆⱙⱎⱅⱔⱗ ⰻⱌⱑⰾⰵⱀⰻⱑ ⱌⱑⰾⱑⰰⱎⰵ ::
народи же разоумѣвъше по немь идѫ. ꙇ приимъ ѩ гл҃ааше имъ о !цѣсарествии бж҃ии. ꙇ трѣбоуѭштѧѩ ицѣлениѣ цѣлѣаше ::
9:12
Ⰴⱐⱀⱐ ⰶⰵ ⱀⰰⱍⱔⱅⱏ ⱂⱃⱑⰽⰾⰰⱀⱑⱅⰻ ⱄⱔ. ⱂⱃⰻⱄⱅⱘⱂⱐⱎⰰ ⰶⰵ ⱁⰱⰰ ⱀⰰ ⰴⰵⱄⱔⱅⰵ ⱃⱑⱄⱅⰵ ⰵⰿⱆ. ⱁⱅⱏⱂⱆⱄⱅⰻ ⱀⰰⱃⱁⰴⱏⰹ. ⰴⰰ ⱎⰵⰴⱏⱎⰵ ⰲⱏ ⱁⰽⱃⱏⱄⱅⱐⱀⱔⱗ ⰲⱐⱄⰻ ⰻ ⱄⰵⰾⰰ ⰲⰻⱅⰰⱙⱅⱏ. ⰺ ⱁⰱⱃⱔⱎⱅⱘⱅⱏ ⰱⱃⰰⱎⱏⱀⱁ. ⱑⰽⱁ ⱄⱏⰴⰵ ⱀⰰ ⱂⱆⱄⱅⱑ ⰿⱑⱄⱅⱑ ⰵⱄⰿⱏ.
Дьнь же начѧтъ прѣкланѣти сѧ. пристѫпьша же оба на десѧте рѣсте емоу. отъпоусти народꙑ. да шедъше въ окръстьнѧѩ вьси и села витаѭтъ. ꙇ обрѧштѫтъ брашъно. ѣко съде на поустѣ мѣстѣ есмъ.
9:13
ⱃⰵⱍⰵ ⰶⰵ ⰽⱏ ⱀⰻⰿⱏ. ⰴⰰⰴⰻⱅⰵ ⰻⰿⱏ ⰲⱏⰹ ⱑⱄⱅⰻ. ⱁⱀⰻ ⰶⰵ ⱃⱑⱎⱔ ⱀⰵ ⰻⰿⰰⰿⱏ ⱄⱏⰴⰵ ⰲⱔⱎⱅⰵ ⱂⱔⱅⰻ ⱈⰾⱑⰱⱏ. ⰺ ⱃⱏⰹⰱⱆ ⰴⱏⰲⱁⱙ. ⰰⱋⰵ ⱆⰱⱁ ⱀⰵ ⰿⱏⰹ ⱎⱐⰴⱏⱎⰵ ⰲⱁ ⰲⱐⱄⱔ ⰾⱓⰴⰻ ⱄ ⱗ҅. ⰽⱆⱂⰻⰿⱏ ⰱⱃⰰⱎⱏⱀⰰ.
рече же къ нимъ. дадите имъ вꙑ ѣсти. они же рѣшѧ не имамъ съде вѧште пѧти хлѣбъ. ꙇ рꙑбоу дъвоѭ. аще оубо не мꙑ шьдъше во вьсѧ люди с ѩ҅. коупимъ брашъна.
9:14
ⰱⱑⰰⱎⰵ ⰱⱁ ⰿⱘⰶⱐ ⱑⰽⱁ ⱀⱔⱅⱐ ⱅⱏⰹⱄⱙⱎⱅⱐ. :: Ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ ⱂⱁⱄⰰⰴⰻⱅⰵ ⱗ ⱀⰰ ⱄⱂⱁⰴⱏⰹ ⱂⱁ ⱂⱔⱅⰻ ⰴⰵⱄⱔⱅⱏ.
бѣаше бо мѫжь ѣко нѧть тꙑсѭшть. :: Рече же къ оученикомъ своимъ посадите ѩ на сподꙑ по пѧти десѧтъ.
9:15
ⰺ ⱄⱏⱅⰲⱁⱃⰻⱎⱔ ⱅⰰⰽⱁ. ⰺ ⱂⱁⱄⰰⰴⰻⱎⱔ ⰲⱐⱄⱔ.
ꙇ сътворишѧ тако. ꙇ посадишѧ вьсѧ.
9:16
ⱂⱃⰻⰵⰿⱏ ⰶⰵ ⱂⱔⱅⱐ ⱈⰾⱑⰱⱏ ⰻ ⱁⰱⱑ ⱃⱏⰹⰱⱑ. ⰲⱐⰸⱐⱃⱑⰲⱏ ⱀⰰ ⱀⰵⰱⱁ ⰱⰾⰰⰳⱁⱄⰾⱁⰲⰻ ⱗ. ⰻ ⱄⱏⰾⱁⰿⰻ ⰻ ⰴⰰⱑⰰⱎⰵ ⱆⱍⰵⱀⰻⰽⱁⰿⱏ ⱂⱃⱑⰴⱏⰾⱁⰶⰻⱅⰻ ⱀⰰⱃⱁⰴⱆ.
приемъ же пѧть хлѣбъ и обѣ рꙑбѣ. вьзьрѣвъ на небо благослови ѩ. и съломи и даѣаше оученикомъ прѣдъложити народоу.
9:17
ⰺ ⱑⱄⱔ ⰻ ⱀⰰⱄⱏⰹⱅⰻⱎⱔ ⱄⱔ ⰲⱐⱄⰻ. ⰺ ⰲⱏⰸⱔⱎⱔ ⰻⰸⰱⱏⰹⰲⱏⱎⰵⰵ ⰻⰿⱏ ⰽⱁⱎⱏ !!ⰱⰺ ::
ꙇ ѣсѧ и насꙑтишѧ сѧ вьси. ꙇ възѧшѧ избꙑвъшее имъ кошъ !!бꙇ ::
9:18
Ⰺ ⰱⱏⰹⱄⱅⱏ ⰵⰳⰴⰰ ⰿⱁⰾⱑⰰⱎⰵ ⱄⱔ ⰵⰴⰻⱀⱏ. ⱄⱏ ⱀⰻⰿⱐ ⰱⱑⰰⱈⱘ ⱆⱍⰵⱀⰻⱌⰻ ⰵⰳⱁ. ⰺ ⰲⱏⱂⱃⱁⱄⰻ ⱗ ⰳⰾ҃ⱔ. ⰽⱁⰳⱁ ⰿⱔ ⱀⰵⱂⱐⱎⱅⱓⱙⱅⱏ ⱀⰰⱃⱁⰴⰻ ⰱⱏⰹⱅⰻ.
Ꙇ бꙑстъ егда молѣаше сѧ единъ. съ нимь бѣахѫ оученици его. ꙇ въпроси ѩ гл҃ѧ. кого мѧ непьштюѭтъ народи бꙑти.
9:19
ⱁⱀⰻ ⰶⰵ ⱁⱅⱏⰲⱑⱎⱅⰰⰲⱏⱎⰵ ⱃⱑⱎⱔ. ⰺⱁⰰⱀⰰ !ⰽⱃⱄⱅⰻⱅⰵⰾⱑ ⰻ ⰻⱀⰻ ⰶⰵ ⰻⰾⰻⱙ. ⱁⰲⰻ ⰶⰵ ⱑⰽⱁ !ⱂⱃⰽⱏ ⰵⰴⰻⱀⱏ ⰴⱃⰵⰲⱐⱀⰻⰻⱈⱏ ⰲⱁⱄⰽⱃⱏⱄⰵ.
они же отъвѣштавъше рѣшѧ. ꙇоана !крстителѣ и ини же илиѭ. ови же ѣко !пркъ единъ древьниихъ воскръсе.
9:20
Ⱃⰵⱍⰵ ⰶⰵ ⰻⰿⱏ ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ. ⱁⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⱃⰵⱍⰵ !ⱈⰰ ⰱⰶ҃ⰻⱑ.
Рече же имъ вꙑ же кого мѧ гл҃ете бꙑти. отъвѣштавъ же петръ рече !ха бж҃иѣ.
9:21
ⱁⱀⱏ ⰶⰵ ⰸⰰⱂⱃⱑⱎⱅⱏ ⰻⰿⱏ. ⱂⱁⰲⰵⰾⱑ ⱀⰻⰽⱁⰿⱆⰶⰵ ⱀⰵ ⰳⰾ҃ⰰⱅⰻ ⱄⰵⰳⱁ
онъ же запрѣштъ имъ. повелѣ никомоуже не гл҃ати сего
9:22
ⱃⰵⰽⱏ. ⱑⰽⱁ ⱂⱁⰴⰰⰱⰰⰰⱅⱏ ⱄⱀ҃ⱆ !ⱍⰾⱄⰽⱆⱆⰿⱆ ⰿⱐⱀⱁⰳⱁ ⱂⱁⱄⱅⱃⰰⰴⰰⱅⰻ. ⰺ ⰻⱄⰽⱆⱎⰵⱀⱆ ⰱⱏⰹⱅⰻ ⱁⱅⱏ ⱄⱅⰰⱃⰵⱌⱏ. ⰺ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⰽⱏ. ⰺ ⱆⰱⱐⰵⱀⱆ ⰱⱏⰹⱅⰻ ⰻ ⱅⱃⰵⱅⰻⰻ ⰴⰵⱀⱐ ⰲⱏⱄⱅⰰⱅⰻ.
рекъ. ѣко подабаатъ сн҃оу !члскоуоумоу мьного пострадати. ꙇ искоушеноу бꙑти отъ старецъ. ꙇ архиереи и кънижъникъ. ꙇ оубьеноу бꙑти и третии день въстати.
9:23
ⰳⰾ҃ⰰⰰⱎⰵ ⰶⰵ ⰽⱏ ⰲⱐⱄⱑⰿⱏ. ⰰⱎⱅⰵ ⰽⱅⱁ ⱈⱁⱎⱅⰵⱅⱏ ⱂⱁ ⰿⱐⱀⱑ ⰻⱅⰻ. ⰴⰰ ⱁⱅⱏⰲⱃⱏⰶⰵⱅⱏ ⱄⱔ ⱄⰵⰱⰵ. ⰺ ⰴⰰ ⰲⱏⰸⱐⰿⰵⱅⱏ !ⰽⱃⱄⱅⱏ ⱄⰲⱁⰻ ⱂⱁ ⰲⱐⱄⱔ ⰴⱐⱀⰻ ⰻ ⱈⱁⰴⰻⱅⱏ ⱂⱁ ⰿⱐⱀⱑ.
гл҃ааше же къ вьсѣмъ. аште кто хоштетъ по мьнѣ ити. да отъвръжетъ сѧ себе. ꙇ да възьметъ !крстъ свои по вьсѧ дьни и ходитъ по мьнѣ.
9:24
ⰺⰶⰵ ⰱⱁ ⰰⱎⱅⰵ ⱈⱁⱎⱅⰵⱅⱏ ⰴⱎ҃ⱘ ⱄⰲⱁⱙ ⱄⱏⱂⰰⱄⱅⰻ ⱂⱁⰳⱆⰱⰻⱅⱏ ⱙ. ⰺ ⰻⰶⰵ ⰰⱎⱅⰵ ⱂⱁⰳⱆⰱⰻⱅⱏ ⰴⱎ҃ⱘ ⱄⰲⱁⱙ ⰿⰵⱀⰵ ⱃⰰⰴⰻ ⱄⱂ҃ⱄⱅⱏ ⱙ.
ꙇже бо аште хоштетъ дш҃ѫ своѭ съпасти погоубитъ ѭ. ꙇ иже аште погоубитъ дш҃ѫ своѭ мене ради сп҃стъ ѭ.
9:25
ⰽⰰⱑ ⰱⱁ ⱂⱁⰾⱏⰷⰰ ⰵⱄⱅⱏ ⱍⰾ҃ⰽⱆ ⰰⱎⱅⰵ ⱂⱃⰻⱁⰱⱃⱔⱋⰵⱅⱏ ⰲⰵⱄⱐ ⰿⰻⱃⱏ. ⰰ ⱄⰵⰱⰵ ⱂⱁⰳⱆⰱⰻⱅⱏ. ⰾⰻ ⱁⱅⱏⱎⱅⰵ[ⱅⰻ]ⱅⱏ.
каѣ бо полъѕа естъ чл҃коу аште приобрѧщетъ весь миръ. а себе погоубитъ. ли отъште[ти]тъ.
9:26
ⰺⰶⰵ ⰱⱁ ⰰⱎⱅⰵ ⱂⱁⱄⱅⱏⰹⰴⰻⱅⱏ ⱄⱔ ⰿⰵⱀⰵ ⰻ ⰿⱁⰻⱈⱏ ⱄⰾⱁⰲⰵⱄⱏ. ⱄⰵⰳⱁ ⱄⱀ҃ⱏ !ⱍⰾⱄⰽⱏⰹ ⱂⱁⱄⱅⱏⰹⰴⰻⱅⱏ ⱄⰵ. ⰵⰳⰴⰰ ⱂⱃⰻⰴⰵⱅⱏ ⰲⱏ ⱄⰾⰰⰲⱑ ⱄⰲⱁⰵⰻ ⰻ ⱁⱅⱏⱍⰻ. Ⰺ ⱄⱅ҃ⱏⰹⰻⱈⱏ ⰰⱀⰼ҃ⰾⱏ.
ꙇже бо аште постꙑдитъ сѧ мене и моихъ словесъ. сего сн҃ъ !члскꙑ постꙑдитъ се. егда придетъ въ славѣ своеи и отъчи. Ꙇ ст҃ꙑихъ анђ҃лъ.
9:27
ⰳⰾ҃ⱙ ⰶⰵ ⰲⰰⰿⱏ ⰲⱏ ⰹⱄⱅⰻⱀⱘ ⱄⱘⱅⱏ ⰵⰴⰻⱀⰻ ⱁⱅⱏ ⱄⱅⱁⱗⱎⱅⰻⰻⱈⱏ ⱄⱏⰴⰵ ⰻⰶⰵ ⱀⰵ ⰻⰿⱘⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ. ⰴⱁⱀⱐⰴⰵⰶⰵ ⱆⰸⱏⱃⱔⱅⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
гл҃ѭ же вамъ въ істинѫ сѫтъ едини отъ стоѩштиихъ съде иже не имѫтъ въкоусити съмръти. доньдеже оузърѧтъ цс҃рствие бж҃ие.
9:28
Ⰱⱏⰹⱄⱅⱏ ⰶⰵ ⱂⱁ ⱄⰾⱁⰲⰵⱄⰵⱈⱏ ⱄⰻⱈⱏ ⱑⰽⱁ ⰴⱐⱀⰻⰻ ⱁⱄⰿⱐ. ⰺ ⱂⱁⰵⰿⱏ ⱂⰵⱅⱃⰰ ⰻ ⰻⱁⰰⱀⰰ ⰻ ⰻⱑⰽⱁⰲⰰ. ⰲⱐⰸⰻⰴⰵ ⱀⰰ ⰳⱁⱃⱘ ⱂⱁⰿⱁⰾⰻⱅⱏ ⱄⱔ.
Бꙑстъ же по словесехъ сихъ ѣко дьнии осмь. ꙇ поемъ петра и иоана и иѣкова. вьзиде на горѫ помолитъ сѧ.
9:29
ⰺ ⰱⱏⰹⱄⱅⱏ ⰵⰳⰴⰰ ⰿⱁⰾⱑⰰⱎⰵ ⱄⱔ ⰲⰻⰴⱑⱀⰻⰵ ⰾⰻⱌⰰ ⰵⰳⱁ ⰻⱀⱁ. Ⰺ ⱁⰴⱑⱀⰻⰵ ⰵⰳⱁ ⰱⰾⰻⱄⱌⰰⱗ ⱄⱔ.
ꙇ бꙑстъ егда молѣаше сѧ видѣние лица его ино. Ꙇ одѣние его блисцаѩ сѧ.
9:30
ⰻ ⱄⰵ ⰿⱘⰶⰰ ⰴⱏⰲⰰ ⱄⱏ ⱀⰻⰿⱐ ⰳⰾ҃ⱙⱋⰰ. ⱑⰶⰵ ⰱⱑⱄⱅⰵ ⰿⱁⱄⰻⰻ ⰺ ⰻⰾⰻⱑ.
и се мѫжа дъва съ нимь гл҃ѭща. ѣже бѣсте мосии ꙇ илиѣ.
9:31
ⱑⰶⰵ ⱑⰲⰾⱐⱎⰰ ⱄⱔ ⰲⱏ ⱄⰾⰰⰲⱑ ⰳⰾ҃ⰰⰰⱎⰵⱅⰵ ⰻⱄⱈⱁⰴⱏ ⰵⰳⱁ. ⰺⰶⰵ ⱈⱁⱅⱑⰰⱎⰵ ⱄⱏⰽⱁⱀⱐⱍⰰⱅⰻ ⰲⱏ !ⰻⰾⰿⱑ :
ѣже ѣвльша сѧ въ славѣ гл҃аашете исходъ его. ꙇже хотѣаше съконьчати въ !илмѣ :
9:32
Ⱂⰵⱅⱃⱏ ⰶⰵ ⰻ ⱄⱘⱎⱅⰰⰰ ⱄⱏ ⱀⰻⰿⱐ ⰱⱑⰰⱈⱘ ⱁⱅⱔⰳⱏⱍⰵⱀⰻ ⱄⱏⱀⱁⰿⱐ. ⱆⰱⱆⰶⰴⱏⱎⰵ ⰶⰵ ⱄⱔ ⰲⰻⰴⱑⱎⱔ ⱄⰾⰰⰲⱘ ⰵⰳⱁ. ⰺ ⱁⰱⰰ ⰿⱘⰶⰰ ⱄⱅⱁⱗⱋⰰ ⱄⱏ ⱀⰻⰿⱏ.
Петръ же и сѫштаа съ нимь бѣахѫ отѧгъчени съномь. оубоуждъше же сѧ видѣшѧ славѫ его. ꙇ оба мѫжа стоѩща съ нимъ.
9:33
ⰺ҅ ⰱⱏⰹⱄⱅⱏ ⰵⰳⰴⰰ ⱃⰰⰸⰾⱘⱍⰰⰰⱎⰵⱅⰵ ⱄⱔ ⱁⱅⱏ ⱀⰵⰳⱁ. ⱃⰵⱍⰵ ⱂⰵⱅⱃⱏ ⰽⱏ ⰻⱄ҃ⰲⰻ. ⱀⰰⱄⱅⰰⰲⱐⱀⰻⱍⰵ ⰴⱁⰱⱃⱁ ⰵⱄⱅⱏ ⱀⰰⰿⱏ ⱄⱏⰴⰵ ⰱⱏⰹⱅⰻ. Ⰺ ⱄⱏⱅⰲⱁⱃⰻⰿⱏ ⱄⰽⰻⱀ ⱗ҅ ⱅⱃⰻ. ⰵⰴⰻⱀⱘ ⱅⰵⰱⱑ ⰻ ⰵⰴⰻⱀⱘ ⰿⱁⱄⰵⱁⰲⰻ. ⰺ ⰵⰴⰻⱀⱘ ⰻⰾⰻⰻ. ⱀⰵ ⰲⱑ{ⰴⱑ}ⰴⱏⰹ ⰵⰶⰵ ⰳⰾ҃ⰰⰰⱎⰵ.
ꙇ҅ бꙑстъ егда разлѫчаашете сѧ отъ него. рече петръ къ ис҃ви. наставьниче добро естъ намъ съде бꙑти. Ꙇ сътворимъ скин ѩ҅ три. единѫ тебѣ и единѫ мосеови. ꙇ единѫ илии. не вѣ{дѣ}дꙑ еже гл҃ааше.
9:34
ⱄⰵ ⰶⰵ ⰵⰿⱆ ⰳⰾ҃ⱘⱎⱅⱓ ⰱⱏⰹⱄⱅⱏ ⱁⰱⰾⰰⰽⱏ. ⰺ ⱁⱄⱑⱀⰻ ⱗ ⰻ ⱆⰱⱁⱑⱎⱔ ⰶⰵ ⱄⱔ. ⰲⱏⱎⰵⰴⱏⱎⰵⰿⰰ ⰻⰿⰰ ⱁⱀⱑⰿⰰ ⰲⱏ ⱁⰱⰾⰰⰽⱏ.
се же емоу гл҃ѫштю бꙑстъ облакъ. ꙇ осѣни ѩ и оубоѣшѧ же сѧ. въшедъшема има онѣма въ облакъ.
9:35
ⰺ ⰳⰾ҃ⱄⱏ ⰱⱏⰹⱄⱅⱏ ⰻⰸ ⱁⰱⰾⰰⰽⰰ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ ⰲⱏⰸⰾⱓⰱⰾⰵⱀⱏⰹⰻ. ⱅⱁⰳⱁ ⱄⰾⱆⱎⰰⰻⱅⰵ.
ꙇ гл҃съ бꙑстъ из облака гл҃ѧ. сь естъ сн҃ъ мои възлюбленꙑи. того слоушаите.
9:36
ⰺ ⰵⰳⰴⰰ ⰱⱏⰹⱄⱅⱏ ⰳⰾⰰⱄⱏ. ⱁⰱⱃⱑⱅⰵ ⱄⱔ ⰻⱄ҃ⱏ ⰵⰴⰻⱀⱏ. ⰺ ⱅⰻ ⱆⰿⰾⱏⱍⰰⱎⱔ. ⰺ ⱀⰻⰽⱁⰿⱆⰶⰵ ⱀⰵ ⰲⱐⰸⰲⱑⱄⱅⰻⱎⱔ ⰲⱏ ⱅⱏⰹ ⰴⱐⱀⰻ. ⱀⰻⱍⰵⱄⱁⰶⰵ ⱁ ⱅⱑⱈⱏ ⰵⰶⰵ ⰲⰻⰴⱑⱎⱔ :: ⰽ!ⱌ ::
ꙇ егда бꙑстъ гласъ. обрѣте сѧ ис҃ъ единъ. ꙇ ти оумлъчашѧ. ꙇ никомоуже не вьзвѣстишѧ въ тꙑ дьни. ничесоже о тѣхъ еже видѣшѧ :: к!ц ::
9:37
Ⰱⱏⰹⱄⱅⱏ ⰶⰵ ⰲⱏ ⱂⱃⱁⱍⰻⰻ ⰴⰵⱀⱐ. ⱄⱏⱎⰵⰴⱏⱎⰵⰿⱏ ⰻⰿⱏ ⱄⱏ ⰳⱁⱃⱏⰹ. ⱄⱏⱃⱑⱅⰵ ⰻ ⱀⰰⱃⱁⰴⱏ ⰿⱏⱀⱁⰳⱏ.
Бꙑстъ же въ прочии день. съшедъшемъ имъ съ горꙑ. сърѣте и народъ мъногъ.
9:38
ⰺ ⱄⰵ ⰿⱘⰶⱏ ⰺⰸ ⱀⰰⱃⱁⰴⰰ ⰲⱏⰸⱏⱂⰻ ⰳⰾ҃ⱔ. ⱆⱍⰻⱅⰵⰾⱓ ⰿⱁⰾⱙ ⱅⰻ ⱄⱔ ⱂⱃⰻⰸⱏⱃⰻ ⱀⰰ ⱄⱀ҃ⱏ ⰿ ⰻ҅. ⱑⰽⱁ ⰻⱀⱁⱍⱔⰴⱏ ⰿⰻ ⰵⱄⱅⱏ.
ꙇ се мѫжъ ꙇз народа възъпи гл҃ѧ. оучителю молѭ ти сѧ призъри на сн҃ъ м и҅. ѣко иночѧдъ ми естъ.
9:39
ⰺ ⱄⰵ ⰴⱈ҃ⱏ ⰵⰿⰾⰵⱅⱏⰹ ⰻ. ⰺ ⰲⱏⱀⰵⰸⰰⰰⱂⱘ ⰲⱏⱂⰻⰵⱅⱏ ⰻ ⱂⱃⱘⰶⰰⰰⱅⱏ ⱄⱔ ⱄⱏ ⱂⱑⱀⰰⰿⰻ. ⰺ ⰵⰴⱏⰲⰰ ⱁⱈⱁⰴⰻⱅⱏ ⱁⱅⱏ ⱀⰵⰳⱁ ⱄⱏⰽⱃⱆⱎⰰⱗ ⰻ.
ꙇ се дх҃ъ емлетꙑ и. ꙇ вънезаапѫ въпиетъ и прѫжаатъ сѧ съ пѣнами. ꙇ едъва оходитъ отъ него съкроушаѩ и.
9:40
ⰺ ⰿⱁⰾⰻⱈⱏ ⱄⱔ ⱆⱍⰵⱀⰻⰽⱁⰿⱐ ⱅⰲⱁⰻⰿⱐ ⰴⰰ ⰻⰶⰴⰵⱀⱘⱅⱏ ⰹ. ⰺ ⱀⰵ ⰲⱏⰸⰿⱁⰳⱘ.
ꙇ молихъ сѧ оученикомь твоимь да ижденѫтъ і. ꙇ не възмогѫ.
9:41
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ⱏ ⱃⰵⱍⱔ :: Ⱉ ⱃⱁⰴⰵ ⱀⰵⰲⱑⱃⱐⱀⱐ ⰻ҅ ⱃⰰⰸⰲⱃⰰⱎⱅⰵⱀⱏ ⰴⱁ ⰽⱁⰾⱑ ⰱⱘⰴⱘ ⰲⱏ ⰲⰰⱄⱏ ⰻ ⱅⱃⱏⱂⰾⱙ ⰲⱏⰹ. ⱂⱃⰻⰲⰵⰴⰻ ⰿⰻ ⱄⱀⱏ ⱅⰲⱁⰻ ⱄⱑⰿⱁ.
отъвѣштавъ же ис҃ъ речѧ :: Ѡ роде невѣрьнь и҅ развраштенъ до колѣ бѫдѫ въ васъ и тръплѭ вꙑ. приведи ми снъ твои сѣмо.
9:42
ⰵⱎⱅⰵ ⰶⰵ ⰳⱃⱔⰴⱘⱋⱓ ⰵⰿⱆ. ⱂⱁⰲⱃⱏⰶⰵ ⰻ ⰱⱑⱄⱏ ⰻ ⱄⱏⱅⱃⱔⱄⰵ ⰻ. ⰸⰰⱂⱃⱑⱅⰻ ⰶⰵ ⰻⱄ҃ⱏ ⰴⱈ҃ⱆ ⱀⰵⱍⰻⱄⱅⱆⱆⰿⱆ. ⰺ ⰻⱄⱌⱑⰾⰻ ⱁⱅⱃⱁⰽⰰ. ⰻ ⰲⱏⰴⰰⱄⱅⱏ ⰹ ⱁⱌ҃ⱓ ⰵⰳⱁ.
еште же грѧдѫщю емоу. повръже и бѣсъ и сътрѧсе и. запрѣти же ис҃ъ дх҃оу нечистоуоумоу. ꙇ исцѣли отрока. и въдастъ і оц҃ю его.
9:43
ⰴⰻⰲⰾⱑⰰⱈⱘ ⰶⰵ ⱄⱔ ⰲⱐⱄⰻ ⱁ ⰲⰵⰾⰻⱍⰻⰻ ⰱⰶ҃ⰻⰻ :: Ⰲⱐⱄⱑⰿⱏ ⰶⰵ ⱍⱓⰴⱔⱎⱅⰵⰿⱐ ⱄⱔ ⱁ ⰲⱐⱄⱑⱈⱏ ⱑⰶⰵ ⱅⰲⱁⱃⱑⱎⰵ ⰻⱄ҃ⱏ. ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ.
дивлѣахѫ же сѧ вьси о величии бж҃ии :: Вьсѣмъ же чюдѧштемь сѧ о вьсѣхъ ѣже творѣше ис҃ъ. рече къ оученикомъ своимъ.
9:44
ⰲⱏⰾⱁⰶⰻⱅⰵ ⰲⱏ ⱆⱎⰻ ⰲⰰⱎⰻ ⱄⰾⱁⰲⰵⱄⰰ ⱄⰻ. ⱄⱀ҃ⱏ ⰱⱁ ⱍⰾⰲ҃ⱍⱄⰽⱏⰹ ⰻⰿⰰⱅⱏ ⱂⱃⱑⰴⰰⱅⰻ ⱄⱔ ⰲⱏ ⱃⱘⱌⱑ ⱍⰾⰲ҃ⱍⱄⱌⱑ.
въложите въ оуши ваши словеса си. сн҃ъ бо члв҃чскꙑ иматъ прѣдати сѧ въ рѫцѣ члв҃чсцѣ.
9:45
ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⰳⰾ҃ⰰ ⱄⰵⰳⱁ. ⰱⱑ ⰱⱁ ⱂⱃⰻⰽⱃⱏⰲⱏⱀⱐ ⱁⱅⱏ ⱀⰻⱈⱏ ⰴⰰ ⱀⰵ ⱁⱎⱅⱓⱅⱔⱅⱏ ⰵⰳⱁ. ⰺ ⰱⱁⱑⰰⱈⱘ ⱄⱔ ⰲⱏⱂⱃⱁⱄⰻⱅⰻ ⰵⰳⱁ ⱁ ⰳⰾ҃ⱑ ⱄⰵⰿⱐ ::
они же не разоумѣшѧ гл҃а сего. бѣ бо прикръвънь отъ нихъ да не оштютѧтъ его. ꙇ боѣахѫ сѧ въпросити его о гл҃ѣ семь ::
9:46
Ⰲⱐⱀⰻⰴⰵ ⰶⰵ ⱂⱁⰿⱏⰹⱎⰾⰵⱀⰻⰵ ⰲⱐ ⱀⱔ. ⰽⱏⱅⱁ ⰻⱈⱏ ⰲⱔⱎⱅⰵⰻ ⰱⰻ ⰱⱏⰹⰾⱏ.
Вьниде же помꙑшление вь нѧ. къто ихъ вѧштеи би бꙑлъ.
9:47
ⰺⱄ҃ⱏ ⰶⰵ ⰲⱑⰴⱏⰹ ⱂⱁⰿⱏⰹⱎⰾⰵⱀⰻⰵ ⱄⱃⰴ҃ⱌⰰ ⰻⱈⱏ. ⱂⱃⰻⰵⰿⱏ ⱁⱅⱃⱁⱍⱔ ⱂⱁⱄⱅⰰⰲⰻ ⰵ ⱆ ⱄⰵⰱⰵ
ꙇс҃ъ же вѣдꙑ помꙑшление срд҃ца ихъ. приемъ отрочѧ постави е оу себе
9:48
ⰻ ⱃⰵⱌⱔ ⰻⰿⱏ. ⰺⰶⰵ ⰰⱎⱅⰵ ⱂⱃⰻⰻⰿⰵⱅⱏ ⱁⱅⱃⱁⱍⱔ ⱄⰵ ⰲⱏ ⰹⰿⱔ ⰿⱁⰵ ⰿⱔ ⱂⱃⰻⰵⰿⰾⰵⱅⱏ. ⰺ ⰻⰶⰵ ⰰⱎⱅⰵ ⱂⱃⰻⰵⰿⰾⰵⱅⱏ ⰿⱔ. ⱂⱃⰻⰵⰿⰾⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺⰶⰵ ⰱⱁ ⰿⱐⱀⰻⰻ ⰵⱄⱅⱏ ⰲⱁ ⰲⱐⱄⱑⱈⱏ ⰲⰰⱄⱏ. ⱄⱐ ⰵⱄⱅⱏ ⰲⱔⱎⱅⰵⰻ. ::
и рецѧ имъ. ꙇже аште прииметъ отрочѧ се въ імѧ мое мѧ приемлетъ. ꙇ иже аште приемлетъ мѧ. приемлетъ посълавъшааго мѧ. ꙇже бо мьнии естъ во вьсѣхъ васъ. сь естъ вѧштеи. ::
9:49
ⱁ҅ⱅⱏⰲⱑⱎⱅⰰⰲⱏ ⰶⰵ ⰻⱁⰰⱀⱏ ⱃⰵⱍⰵ. ⱀⰰⱄⱅⰰⰲⱏⱀⰻⱍⰵ ⰲⰻⰴⱑⱈⱁⰿⱏ ⰵⱅⰵⱃⰰ. ⱁ ⰻⰿⰵⱀⰻ ⱅⰲⱁⰵⰿⱐ ⰻⰸⰳⱁⱀⱔⱎⱅⰰ ⰱⱑⱄⱏⰹ. ⰺ ⰲⱏⰸⰱⱃⰰⱀⰻⱈⱁⰿⱏ ⰵⰿⱆ ⱑⰽⱁ ⰲⱐ ⱄⰾⱑⰴⱏ ⱀⰵ ⱈⱁⰴⰻⱅⱏ ⱄⱏ ⱀⰰⰿⰻ.
о҅тъвѣштавъ же иоанъ рече. наставъниче видѣхомъ етера. о имени твоемь изгонѧшта бѣсꙑ. ꙇ възбранихомъ емоу ѣко вь слѣдъ не ходитъ съ нами.
9:50
ⰻ ⱃⰵⱍⰵ ⰽⱏ ⱀⰵⰿⱆ ⰺⱄ҃ⱏ. ⱀⰵ ⰱⱃⰰⱀⰻⱅⰵ ⱀⱑⱄⱅⱏ ⰱⱁ ⱀⰰ ⰲⱏⰹ. ⰺⰶⰵ ⰱⱁ ⱀⱑⱄⱅⱏ ⱀⰰ ⰲⱏⰹ ⱂⱁ ⰲⰰⱄⱏ ⰵⱄⱅⱏ.
и рече къ немоу ꙇс҃ъ. не браните нѣстъ бо на вꙑ. ꙇже бо нѣстъ на вꙑ по васъ естъ.
9:51
Ⰱⱏⰹⱄⱅⱏ ⰶⰵ ⰵⰳⰴⰰ ⱄⱏⰽⱁⱀⱐⱍⰰⰲⰰⰰⱈⱘ ⱄⱔ ⰴⱐⱀⱐⰵ ⰲⱏⱄⱈⱁⰶⰴⰵⱀⰻⱓ ⰵⰳⱁ. ⰺ ⱅⱏ ⱆⱅⰲⱃⱏⰴⰻ ⰾⰻⱌⰵ ⱄⰲⱁⰵ ⰲⱏ !ⰻⰿⱏ ⰻⱅⰻ.
Бꙑстъ же егда съконьчаваахѫ сѧ дьнье въсхождению его. ꙇ тъ оутвръди лице свое въ !имъ ити.
9:52
ⰺ ⱂⱁⱄⱏⰾⰰ ⰲⱑⱄⱅⱐⱀⰻⰽⱏⰹ ⱂⱃⱑⰴⱐ ⰾⰻⱌⰵⰿⱏ ⱄⰲⱁⰻⰿⱏ. ⰺ ⱎⱐⰴⱏⱎⰵ ⰲⱏⱀⰻⰴⱘ ⰲⱐ ⰲⰵⱄⱐ ⱄⰰⰿⰰⱃⱑⱀⱏⱄⰽⱘ. ⰴⰰ ⱆⰳⱁⱅⱁⰲⰰⱙⱅⱏ ⰵⰿⱆ.
ꙇ посъла вѣстьникꙑ прѣдь лицемъ своимъ. ꙇ шьдъше вънидѫ вь весь самарѣнъскѫ. да оуготоваѭтъ емоу.
9:53
ⰺ ⱀⰵ ⱂⱃⰻⱗⱄⱔ ⰵⰳⱁ. ⱑⰽⱁ ⰾⰻⱌⰵ ⰵⰳⱁ ⰱⱑ ⰳⱃⱔⰴⱏⰹ ⰲⱏ ⰻ҅ⰿⱏ.
ꙇ не приѩсѧ его. ѣко лице его бѣ грѧдꙑ въ и҅мъ.
9:54
ⰲⰻⰴⱑⰲⱏⱎⰰ ⰶⰵ ⱆⱍⰵⱀⰻⰽⰰ ⰵⰳⱁ ⰻⱑⰽⱁⰲⱏ ⰻ ⰻⱁⰰⱀⱏ. ⱃⱑⱄⱅⰵ ⰳ҃ⰻ. ⱈⱁⱎⱅⰵⱎⰻ ⰾⰻ ⰻ ⱃⰵⱍⱔⰲⱑ ⰴⰰ ⱁⰳⱀⱐ ⱄⱏⱀⰻⰴⰵⱅⱏ ⱄⱏ ⱀⰵⰱⰵⱄⰵ. ⰺ ⱂⱁⱑⱄⱅⱏ ⱗ. ⱑⰽⱁⰶⰵ ⰻ ⰻⰾⰻⱑ ⱄⱏⱅⰲⱁⱃⰻ.
видѣвъша же оученика его иѣковъ и иоанъ. рѣсте г҃и. хоштеши ли и речѧвѣ да огнь сънидетъ съ небесе. ꙇ поѣстъ ѩ. ѣкоже и илиѣ сътвори.
9:55
ⱁⰱⱃⰰⱎⱅⱏ ⰶⰵ ⱄⱔ ⰸⰰⱂⱃⱑⱅⰻ ⰻⰿⰰ.
обраштъ же сѧ запрѣти има.
9:56
ⰻ ⰻⰴⱘ ⰲⱏⰹ ⰻⱀⱘ ⰲⰵⱄⱐ.
и идѫ вꙑ инѫ весь.
9:57
Ⰱⱏⰹⱄⱅⱏ ⰸⰵ ⰻⰴⱘⱎⱅⰵⰿⱏ ⱂⱁ ⱂⱘⱅⰻ. ⱃⰵⱍⰵ ⰵⰴⰻⱀⱏ ⰽⱏ ⱀⰵⰿⱆ. ⰺⰴⱘ ⱂⱁ ⱅⰵⰱⱑ ⱑⰿⱁⰶⰵ ⰽⱁⰾⰻⰶⱏⰴⱁ ⰻⰴⰵⱎⰻ ⰳ҃ⰻ.
Бꙑстъ зе идѫштемъ по пѫти. рече единъ къ немоу. ꙇдѫ по тебѣ ѣможе колижъдо идеши г҃и.
9:58
ⰺ ⱃⰵⱍⰵ ⰵⰿⱆ ⰻⱄ҃ⱏ. ⰾⰻⱄⰻ ⱑⰸⰲⰻⱀⱏⰹ ⰻⰿⱘⱅⱏ. ⰻ ⱂⱅⰻⱌⱔ ⱀⰵⰱ҃ⱄⰽⱏⰹⱗ ⰳⱀⱑⰸⰴⰰ. ⰰ ⱄⱀ҃ⱏ ⱍⰾⱍ҃ⱄⰽⱏⰹ ⱀⰵ ⰻⰿⰰⱅⱏ ⰽⱏⰴⰵ ⱂⱁⰴⱏⰽⰾⱁⱀⰻⱅⰻ ⰳⰾⰰⰲⱏⰹ.
ꙇ рече емоу ис҃ъ. лиси ѣзвинꙑ имѫтъ. и птицѧ неб҃скꙑѩ гнѣзда. а сн҃ъ члч҃скꙑ не иматъ къде подъклонити главꙑ.
9:59
Ⱃⰵⱍⰵ ⰶⰵ ⰽⱏ ⰴⱃⱆⰳⱆⱆⰿⱆ ⱈⱁⰴⰻ ⰲⱐ ⱄⰾⱑⰴⱏ ⰿⰵⱀⰵ. ⱁⱀⱏ ⰶⰵ ⱃⰵⱍⰵ ⰳ҃ⰻ. ⱂⱁⰲⰵⰾⰻ ⰿⰻ ⰴⱃⰵⰲⰾⰵ ⱎⱔⰴⱏⱎⰵ ⱂⱁⰳⱃⰵⱅⰻ ⱁⱅ҃ⱌⰰ ⰿⱁⰵⰳⱁ.
Рече же къ дроугоуоумоу ходи вь слѣдъ мене. онъ же рече г҃и. повели ми древле шѧдъше погрети от҃ца моего.
9:60
Ⱃⰵⱍⰵ ⰸⱔ ⰵⰿⱆ ⰻⱄ҃ⱏ ⱁⱄⱅⰰⰲⰻ ⰿⱃⱏⱅⰲⱏⰹⰿⱏ ⱂⱁⰳⱃⰵⱅⰻ ⱄⰲⱁⱗ ⰿⱃⱏⱅⰲⱏⱌⱔ. ⱅⱏⰹ ⰶⰵ ⱎⰵⰴⱏ ⰲⱏⰸⰲⱑⱎⱅⰰⰻ ⱌⱄ҃ⱃⱄⱅⰲⰻⰵ ⰱⰶ҃ⰻⰵ.
Рече зѧ емоу ис҃ъ остави мрътвꙑмъ погрети своѩ мрътвъцѧ. тꙑ же шедъ възвѣштаи цс҃рствие бж҃ие.
9:61
ⱃⰵⱍⰵ ⰸⰵ ⰻ ⰴⱃⱆⰳⱏⰹ ⰻⰴⱘ ⱂⱁ ⱅⰵⰱⱑ ⰳ҃ⰻ. ⰴⱃⰵⰲⰾⰵ ⰶⰵ ⱂⱁⰲⰵⰾⰻ ⱁⱅⱏⱃⰵⱎⱅⰻ ⰿⰻ ⱄⱔ. ⰺⰶⰵ ⱄⱘⱅⱏ ⰲⱏ ⰴⱁⰿⱆ ⰿⱁⰵⰿⱐ.
рече зе и дроугꙑ идѫ по тебѣ г҃и. древле же повели отърешти ми сѧ. ꙇже сѫтъ въ домоу моемь.
9:62
ⱃⰵⱍⰵ ⰶⰵ ⰽⱏ ⱀⰵⰿⱆ ⰻⱄ҃ⱏ. ⱀⰻⰽⱏⱅⱁⰶⰵ ⰲⱏⰸⰾⱁⰶⱏ ⱃⱘⰽⱏⰹ ⱄⰲⱁⰵⱗ ⱀⰰ ⱃⰰⰾⱁ. ⰺ ⰸⱐⱃⱔ ⰲⱐⱄⱂⱔⱅⱐ ⱆⱂⱃⰰⰲⰾⰵⱀⱏ ⰵⱄⱅⱏ ⰲⱏ !ⱌⱑⱄⱃⱄⱅⰲⰻⰵ ⰱⰶ҃ⰻⰵ :: ⰽ!ⱌ ::
рече же къ немоу ис҃ъ. никътоже възложъ рѫкꙑ своеѩ на рало. ꙇ зьрѧ вьспѧть оуправленъ естъ въ !цѣсрствие бж҃ие :: к!ц ::