ЕВАНГЕЛИЕ ЕЖЕ Ѿ ЛОУКꙐ
20:1
Ⰺ ⰱⱏⰹⱄⱅⱏ ⰲⱐ ⰵⰴⰻⱀⱐ ⱁⱅⱏ ⰴⱐⱀⰵⰻ ⱅⱑⱈⱏ. ⱆⱍⱔⱎⱅⱓ ⰵⰿⱆ ⰾⱓⰴⰻ ⰲⱏ !ⱌⱃⰽⰲⰻ. ⰻ ⰱⰾⰰⰳⱁⰲⱑⱄⱅⱏⱄⱅⰲⱆⱙⱎⱅⱓ. ⱄⱏⱄⱅⰰⱎⱔ ⱄⱔ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⱌⰻ ⱄⱏ ⱄⱅⰰⱃⱐⱌⰻ.
Ꙇ бꙑстъ вь единь отъ дьнеи тѣхъ. оучѧштю емоу люди въ !цркви. и благовѣстъствоуѭштю. състашѧ сѧ архиереи и кънижъници съ старьци.
20:2
ⰺ ⱃⱑⱎⱔ ⰳⰾ҃ⱙⱎⱅⰵ ⰽⱏ ⱀⰵⰿⱆ. ⱃⱐⱌⰻ ⱀⰰⰿⱏ ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⰻⱎⰻ ⰻ ⰽⱏⱅⱁ ⰵⱄⱅⱏ ⰴⰰⰲⱏⰹ ⱅⰵⰱⱑ ⱁⰱⰾⰰⱄⱅⱏ ⱄⰻⱙ.
ꙇ рѣшѧ гл҃ѭште къ немоу. рьци намъ коеѭ областиѭ се твориши и къто естъ давꙑ тебѣ областъ сиѭ.
20:3
ⱁⱅⱏⰲⱑⱎⱅⰰⰲⱏ ⰶⰵ ⱃⰵ[ⱍⰵ] ⰽⱏ ⱀⰻⰿⱏ. ⰲⱏⱂⱃⱁⱎⱘ ⰲⱏⰹ ⰻ ⰰⰸⱏ ⰵⰴⰻⱀⱁⰳⱁ ⱄⰾⱁⰲⰵⱄⰵ ⰻ ⱃⱐⱌⱑⱅⰵ ⰿⰻ.
отъвѣштавъ же ре[че] къ нимъ. въпрошѫ вꙑ и азъ единого словесе и рьцѣте ми.
20:4
ⰽⱃⱏⱎⱅⰵⱀⰻⰵ ⰻⱁⰰⱀⱁⰲⱁ ⱄⱏ ⱀⰵⰱⱄⰵ ⰾⰻ ⰱⱑ ⰻⰾⰻ ⱁⱅⱏ ⱍⰾⰲ҃ⰽⱏ.
кръштение иоаново съ небсе ли бѣ или отъ члв҃къ.
20:5
ⱁⱀⰻ ⰶⰵ ⱂⱁⰿⱏⰹⱎⰾⱑⰰⱈⱘ ⰲⱏ ⱄⰵⰱⱑ ⰳⰾ҃ⱙⱎⱅⰵ. ⱑⰽⱁ ⰰⱎⱅⰵ ⱃⰵⱍⰵⰿⱏ ⱁⱅⱏ ⱀⰵⰱ҃ⱄⰵ. ⱃⰵⱍⰵⱅⱏ ⱂⱁ ⱍⱏⱅⱁ ⱀⰵ ⰲⱑⱃⱁⰲⰰⱄⱅⰵ ⰵⰿⱆ.
они же помꙑшлѣахѫ въ себѣ гл҃ѭште. ѣко аште речемъ отъ неб҃се. речетъ по чъто не вѣровасте емоу.
20:6
ⰰⱎⱅⰵ ⰾⰻ ⱃⰵⱍⰵⰿⱏ ⱁⱅⱏ ⱍⰾ҃ⰽⱏ. ⰾⱓⰴⰻⰵ ⰲⱐⱄⰻ ⰽⰰⰿⰵⱀⰻⰵⰿⱐ ⱂⱁⰱⰻⱙⱅⱏ ⱀⱏⰹ. ⰺⰸⰲⱑⱄⱅⱏⱀⱁ ⰱⱁ ⰱⱑ ⰾⱓⰴⰵⰿⱏ. ⱑⰽⱁ ⰻⱁⰰⱀⱏ !ⱂⱃⰽⱏ ⰱⱑ.
аште ли речемъ отъ чл҃къ. людие вьси камениемь побиѭтъ нꙑ. ꙇзвѣстъно бо бѣ людемъ. ѣко иоанъ !пркъ бѣ.
20:7
ⰺ ⱁⱅⱏⰲⱑⱋⰰⱎⱔ ⱀⰵ ⰲⱑⰿⱏ ⱁⱅⱏ ⰽⱘⰴⱆ.
ꙇ отъвѣщашѧ не вѣмъ отъ кѫдоу.
20:8
ⰺⱄ҃ⱏ ⰶⰵ ⱃⰵⱍⰵ ⰻⰿⱏ. ⱀⰻ ⰰⰸⱏ ⰳⰾ҃ⱙ ⰲⰰⰿⱏ ⰽⱁⱙ ⰲⰾⰰⱄⱅⰻⱙ ⱄⰵ ⱅⰲⱁⱃⱙ ::
ꙇс҃ъ же рече имъ. ни азъ гл҃ѭ вамъ коѭ властиѭ се творѭ ::
20:9
Ⱀⰰⱍⱔⱅⱏ ⰶⰵ ⰽⱏ ⰾⱓⰴⰵⰿⱐ ⰳⰾ҃ⱅⰻ ⱂⱃⰻⱅⱏⱍⱘ ⱄⰻⱙ. ⱍⰾ҃ⰽⱏ ⱀⰰⱄⰰⰴⰻ ⰲⰻⱀⱁⰳⱃⰰⰴⱏ ⰻ ⰲⱏⰴⰰⱄⱅⱏ ⰹ ⰴⱑⰾⰰⱅⰵⰾⰵⰿⱐ. ⰺ ⱁⱅⰻⰴⰵ ⱀⰰ ⰾⱑⱅⰰ ⰿⱏⱀⱁⰳⰰ.
Начѧтъ же къ людемь гл҃ти притъчѫ сиѭ. чл҃къ насади виноградъ и въдастъ і дѣлателемь. ꙇ отиде на лѣта мънога.
20:10
ⰻ ⰲⱏ ⰲⱃⱑⰿⱔ ⱂⱁⱄⱏⰾⰰ ⰽⱏ ⰴⱑⰾⰰⱅⰵⰾⰵⰿⱏ ⱃⰰⰱⱏ. ⰴⰰ ⱁⱅⱏ ⱂⰾⱁⰴⰰ ⰲⰻⱀⱁⰳ!ⱃⰴⰰ ⰴⰰⰴⱔⱅⱏ ⰵⰿⱆ. ⰴⱑⰾⰰⱅⰵⰾⰵ ⰶⰵ ⰱⰻⰲⱏⱎⰵ ⱂⱆⱄⱅⰻⱎⱔ ⱅⱏⱎⱅⱐ.
и въ врѣмѧ посъла къ дѣлателемъ рабъ. да отъ плода виног!рда дадѧтъ емоу. дѣлателе же бивъше поустишѧ тъшть.
20:11
ⰺ ⱂⱃⰻⰾⱁⰶⰻ ⰴⱃⱆⰳⱏⰹ ⱂⱁⱄⱏⰾⰰⱅⰻ ⱃⰰⰱⱏ. ⱁⱀⰻ ⰶⰵ ⰻ ⱅⱁⰳⱁ ⰱⰻⰲⱏⱎⰵ ⰻ ⰴⱁⱄⰰⰶⰴⱐⱎⰵ ⰵⰿⱆ ⱂⱆⱄⱅⰻⱎⱔ ⱅⱏⱎⱅⱏ.
ꙇ приложи дроугꙑ посълати рабъ. они же и того бивъше и досаждьше емоу поустишѧ тъштъ.
20:12
ⰺ ⱂⱃⰻⰾⱁⰶⰻ ⱅⱃⰵⱅⰻ ⱂⱁⱄⱏⰾⰰⱅⰻ. ⱁⱀⰻ ⰶⰵ ⰻ ⱄⰵⰳⱁ ⱆⱑⰸⰲⱐⱎⰵ ⰻⰸⰳⱏⱀⰰⱎⱔ.
ꙇ приложи трети посълати. они же и сего оуѣзвьше изгънашѧ.
20:13
Ⱃⰵⱍⰵ ⰶⰵ !ⰳⱐ ⰲⰻⱀⱁⰳⱃⰰⰴⰰ. ⱍⱏⱅⱁ ⱄⱏⱅⰲⱁⱃⱙ ⱂⱁⱄⱏⰾⱙ ⱄⱀ҃ⱏ ⰿⱁⰻ ⰲⱏⰸⰾⱓⰱⰾⰵⱀⱏⰹ. ⱀⰵⰳⱏⰾⰻ ⱄⰵⰳⱁ ⰲⰻⰴⱑⰲⱏⱎⰵ ⱆⱄⱃⰰⰿⰾⱑⱙⱅⱏ ⱄⱔ.
Рече же !гь винограда. чъто сътворѭ посълѭ сн҃ъ мои възлюбленꙑ. негъли сего видѣвъше оусрамлѣѭтъ сѧ.
20:14
ⰲⰻⰴⱑⰲⱏⱎⰵ ⰶⰵ ⰻ ⰴⱑⰾⰰⱅⰵⰾⰵ. ⰿⱏⰹⱎⰾⱑⰰⱈⱘ ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⱙⱎⱅⰵ. ⱄⱐ ⰵⱄⱅⱏ ⱀⰰⱄⰾⱑⰴⱐⱀⰻⰽⱏ ⱂⱃⰻⰴⱑⱅⰵ ⱆⰱⰻⱑⰿⱏ ⰹ. ⰴⰰ ⱀⰰⱎⰵ ⰱⱘⰴⰵⱅⱏ ⰴⱁⱄⱅⱁⱑⱀⰻⰵ.
видѣвъше же и дѣлателе. мꙑшлѣахѫ дроугъ къ дроугоу гл҃ѭште. сь естъ наслѣдьникъ придѣте оубиѣмъ і. да наше бѫдетъ достоѣние.
20:15
ⰺ ⰻⰸⰲⰵⰴⱏⱎⰵ ⰻ ⰲⱁⱀⱏ ⰻⰸ ⰲⰻⱀⱁⰳⱃⰰⰴⰰ ⱆⰱⰻⱎⱔ. ⱍⱏⱅⱁ ⱆⰱⱁ ⱄⱏⱅⰲⱁⱃⰻⱅⱏ ⰻⰿⱏ ⰳⱀ҃ⱏ ⰲⰻⱀⱁⰳⱃⰰⰴⰰ.
ꙇ изведъше и вонъ из винограда оубишѧ. чъто оубо сътворитъ имъ гн҃ъ винограда.
20:16
ⱂⱃⰻⰴⰵⱅⱏ ⰻ ⱂⱁⰳⱆⰱⰻⱅⱏ ⰴⱑⰾⰰⱅⰵⰾⱔ ⱄⰻⱗ. ⰺ ⰲⱏⰴⰰⱄⱅⱏ ⰲⰻⱀⱁⰳⱃⰰⰴⱏ ⰻⱀⱑⰿⱏ. ⱄⰾⱏⰹⱎⰰⰲⱏⱎⰵ ⰶⰵ ⱃⱑⱎⱔ ⰴⰰ ⱀⰵ ⰱⱘⰴⰵⱅⱏ. ::
придетъ и погоубитъ дѣлателѧ сиѩ. ꙇ въдастъ виноградъ инѣмъ. слꙑшавъше же рѣшѧ да не бѫдетъ. ::
20:17
Ⱁ҅ⱀⱏ ⰶⰵ ⰲⱏⰸⱏⱃⱑⰲⱏ ⱀⰰ ⱀⱔ ⱃⰵⱍⰵ. ⱍⱅⱁ ⱆⰱⱁ ⰵⱄⱅⱏ ⱂⰻⱄⰰⱀⱁⰵ ⱄⰵ. ⰽⰰⰿⰵⱀⱐ ⰵⰳⱁⰶⰵ ⱀⰵⰲⱃⱑⰴⱆ ⱄⱏⱅⰲⱁⱃⰻⱎⱔ ⰸⰻⰶⰴⱘⱎⱅⰵⰻ. ⱄⱏ ⰱⱏⰹⱄⱅⱏ ⰲⱏ ⰳⰾ҃ⰲⱘ ⱘⰳⱏⰾⱆ.
О҅нъ же възърѣвъ на нѧ рече. что оубо естъ писаное се. камень егоже неврѣдоу сътворишѧ зиждѫштеи. съ бꙑстъ въ гл҃вѫ ѫгълоу.
20:18
ⰲⱐⱄⱑⰽⱏ ⱂⰰⰴⱏⰹ ⱀⰰ ⰽⰰⰿⰵⱀⰵ ⱅⱁⰿⱐ ⱄⱏⰽⱃⱆⱎⰻⱅⱏ ⱄⱔ. ⰰ ⱀⰰ ⱀⰵⰿⱐⰶⰵ ⱂⰰⰴⰵⱅⱏ ⱄⱏⱅⱏⱃⰵⱅⱏ ⰹ ::
вьсѣкъ падꙑ на камене томь съкроушитъ сѧ. а на немьже падетъ сътъретъ і ::
20:19
Ⰺ҅ ⰲⱐⰸⰻⱄⰽⰰⱎⱔ ⰰⱃⱈⰻⰵⱃⰵⰻ ⰻ ⰽⱏⱀⰻⰶⱏⱀⰻⱌⰻ ⰲⱏⰸⰾⱁⰶⰻⱅⰻ ⱀⰰ ⱀⱐ ⱃⱘⱌⱑ ⰲⱏ ⱅⱏ ⱍⰰⱄⱏ. ⰺ ⱆⰱⱁⱑⱎⱔ ⱄⱔ ⰾⱓⰴⰻⰻ. ⱃⰰⰸⱆⰿⱑⱎⱔ ⰱⱁ ⱑⰽⱁ ⰽⱏ ⱀⰻⰿⱏ ⱃⰵⱍⰵ ⱂⱃⰻⱅⱏⱍⱘ ⱄⰻⱙ.
Ꙇ҅ вьзискашѧ архиереи и кънижъници възложити на нь рѫцѣ въ тъ часъ. ꙇ оубоѣшѧ сѧ людии. разоумѣшѧ бо ѣко къ нимъ рече притъчѫ сиѭ.
20:20
ⰺ ⱄⱏⰳⰾⱔⰴⰰⰲⱏⱎⰵ ⱂⱁⱄⱏⰾⰰⱎⱔ ⰸⰰⱄⱑⰴⱐⱀⰻⰽⱏⰹ. ⱅⰲⱁⱃⱔⱋⱔ ⱄⱔ ⱂⱃⰰⰲⰵⰴⱐⱀⰻⱌⰻ ⱄⱘⱎⱅⰵ ⰴⰰ ⰻⰿⱘⱅⱏ ⰹ ⰲⱏ ⱄⰾⱁⰲⰵⱄⰻ. ⰴⰰ ⰱⱘ ⰻ ⱂⱃⱑⰴⰰⰾⰻ ⰲⰾⰰⰴⱏⰹⱍⱏⱄⱅⰲⱆ ⰻ ⱁⰱⰾⰰⱄⱅⰻ ⰲⱁⰵⰲⱁⰴⱏⰹ.
ꙇ съглѧдавъше посълашѧ засѣдьникꙑ. творѧщѧ сѧ праведьници сѫште да имѫтъ і въ словеси. да бѫ и прѣдали владꙑчъствоу и области воеводꙑ.
20:21
ⰻ ⰲⱏⱂⱃⱁⱄⰻⱎⱔ ⰻ ⰳⰾ҃ⱘⱎⱅⰵ :: ⱆⱍⰻⱅⰵⰾⱓ ⰲⱑⰿⱐ ⱑⰽⱁ ⱂⱃⰰⰲⱁ ⰳⰾ҃ⰵⱎⰻ. ⰺ ⱆⱍⰻⱎⰻ. ⰺ ⱀⰵ ⱀⰰ ⰾⰻⱌⰰ ⰸⱏⱃⰻⱎⰻ. ⱀⱏ ⰲⱏⰹ ⰻⱄⱅⰻⱀⱘ ⱂⱘⱅⰻ ⰱⰶ҃ⰻⱓ ⱆⱍⰻⱎⰻ.
и въпросишѧ и гл҃ѫште :: оучителю вѣмь ѣко право гл҃еши. ꙇ оучиши. ꙇ не на лица зъриши. нъ вꙑ истинѫ пѫти бж҃ию оучиши.
20:22
ⰴⱁⱄⱅⱁⰻⱅⱏ ⰾⰻ ⱀⰰⰿⱏ ⰽⰵⱄⰰⱃⰵⰲⰻ ⰴⰰⱀⱐ ⰴⰰⱅⰻ. ⰻⰾⰻ ⱀⰻ.
достоитъ ли намъ кесареви дань дати. или ни.
20:23
ⱃⰰⰸⱆⰿⱑⰲⱐ ⰶⰵ ⰾⰵⱄⱅⱐ ⰻⱈⱏ ⱃⰵⱍⰵ ⰽⱏ ⱀⰻⰿⱏ. ⱍⱅⱁ ⰿⱔ ⱁⰽⱆⱎⰰⰰⱅⰵ.
разоумѣвь же лесть ихъ рече къ нимъ. что мѧ окоушаате.
20:24
ⱂⱁⰽⰰⰶⱑⱅⰵ ⰿⰻ ⱂⱑⱀⱔⰷⱏ. ⱍⰻⰻ ⰻⰿⰰⱅⱏ ⱁⰱⱃⰰⰸⱏ ⰻ ⱀⰰⱂⰻⱄⰰⱀⰻⰵ. ⱁⱅⱏⰲⱑⱎⱅⰰⰲⱏⱎⰵ ⱃⱑⱎⱔ ⰽⰵⱄⰰⱃⱁⰲⱏ.
покажѣте ми пѣнѧѕъ. чии иматъ образъ и написание. отъвѣштавъше рѣшѧ кесаровъ.
20:25
ⱁⱀⱏ ⰶⰵ ⱃⰵⱍⰵ ⰽⱏ ⱀⰻⰿⱏ. ⰲⱏⰸⰴⰰⰴⰻⱅⰵ ⱆⰱⱁ ⱑⰶⰵ ⱄⱘⱅⱏ ⰽⰵⱄⰰⱃⰵⰲⰰ ⰽⰵⱄⰰⱃⰵⰲⰻ. ⰻ ⱑⰶⰵ ⱄⱘⱅⱏ ⰱⰶ҃ⰻⱑ !ⰱⰲⰻ.
онъ же рече къ нимъ. въздадите оубо ѣже сѫтъ кесарева кесареви. и ѣже сѫтъ бж҃иѣ !бви.
20:26
ⰺ ⱀⰵ ⰿⱁⰳⱘ ⰸⰰⰸⱐⱃⱑⱅⰻ ⰳⰾ҃ⱑ ⰵⰳⱁ ⱂⱃⱑⰴⱏ ⰾⱙⰴⱐⰿⰻ. ⰻ ⰴⰻⰲⱐⱎⰵ ⱄⱔ ⱁ ⱁⱅⱏⰲⱑⱅⱑ ⰵⰳⱁ ⱆⰿⰾⱏⱍⰰⱎⱔ.
ꙇ не могѫ зазьрѣти гл҃ѣ его прѣдъ лѭдьми. и дивьше сѧ о отъвѣтѣ его оумлъчашѧ.
20:27
Ⱂⱃⰻⱄⱅⱘⱂⱐⱎⰵ ⰶⰵ ⰵⰴⰻⱀⰻ ⱁⱅⱏ ⱄⰰⰴⱆⰽⰵⰻ ⰳⰾ҃ⱙⱎⱅⰵ ⰲⱐⱄⰽⱃⱑⱎⰵⱀⰻⱓ ⱀⰵ ⰱⱏⰹⱅⰻ. ⰲⱏⱂⱃⰰⱎⰰⰰⱈⱘ ⰻ
Пристѫпьше же едини отъ садоукеи гл҃ѭште вьскрѣшению не бꙑти. въпрашаахѫ и
20:28
ⰳⰾ҃ⱘⱎⱅⰵ. ⱆⱍⰻⱅⰵⰾⱓ. ⰿⱁⱄⰻⰻ ⱀⰰⱂⰻⱄⰰⰾⱏ ⰵⱄⱅⱏ ⱀⰰⰿⱏ. ⰰⱎⱅⰵ ⰽⱁⰿⱆ ⰱⱃⰰⱅⱃⱏ ⱆⰿⱏⱃⰵⱅⱏ ⰻⰿⱏⰹ ⰶⰵⱀⱘ. ⰻ ⱅⱏ ⰱⰵⱎⱅⱔⰴⱏ ⱆⰿⱐⱃⰵⱅⱏ. ⰴⰰ ⱂⱁⰻⰿⰵⱅⱏ ⰶⰵⱀⱘ ⰵⰳⱁ ⰱⱃⰰⱅⱃⱏ. ⰻ ⰲⱐⱄⰽⱃⱑⱄⰻⱅⱏ ⱄⱑⰿⱔ ⰱⱃⰰⱅⱃⰰ ⱄⰲⱁⰵⰳⱁ.
гл҃ѫште. оучителю. мосии написалъ естъ намъ. аште комоу братръ оумъретъ имꙑ женѫ. и тъ бештѧдъ оумьретъ. да поиметъ женѫ его братръ. и вьскрѣситъ сѣмѧ братра своего.
20:29
Ⱄⰵⰴⰿⱐ ⱆⰱⱁ ⰱⱃⰰⱅⱃⰻⱗ ⰱⱑ. ⰻ ⱂⱃⱏⰲⱏⰹ ⱂⱁⰵⰿⱏ ⰶⰵⱀⱘ ⱆⰿⱐⱃⱑⱅⱏ ⰱⰵ{ⰴ}ⱎⱅⱔⰴⰵⱀⱐ.
Седмь оубо братриѩ бѣ. и пръвꙑ поемъ женѫ оумьрѣтъ бе{д}штѧдень.
20:30
ⰻ ⱂⱁⱗⱅⱏ ⰲⱏⱅⱁⱃⱏⰹ ⰶⰵⱀⱘ. ⰺ ⱅⱏ ⱆⰿⱐⱃⱑⱅⱏ ⰱⰵⱎⱅⱔⰴⱐⱀⱏ.
и поѩтъ въторꙑ женѫ. ꙇ тъ оумьрѣтъ бештѧдьнъ.
20:31
ⰻ ⱅⱃⰵⱅⰻ ⱂⱁⱗⱅⱏ ⱙ. ⱅⰰⰽⱁⰶⰴⰵ ⰶⰵ ⰻ ⰲⱐⱄⱑ ⱄⰵⰴⰿⱐ ⱆⰿⱐⱃⱑⱎⱔ ⱀⰵ ⱁⱄⱅⰰⰲⰾⱐⱎⰵ ⱍⱔⰴⱏ.
и трети поѩтъ ѭ. такожде же и вьсѣ седмь оумьрѣшѧ не оставльше чѧдъ.
20:32
ⱂⱁⱄⰾⱑⰶⰴⰵ ⰶⰵ ⰲⱐⱄⱑⱈⱏ ⰻ ⰶⰵⱀⰰ ⱆⰿⱐⱃⱑⱅⱏ.
послѣжде же вьсѣхъ и жена оумьрѣтъ.
20:33
ⰲⱁ ⰲⱏⱄⰽⱃⱑⱎⰵⱀⰻⰵ ⱆⰱⱁ ⰽⱁⱅⱁⱃⰰⰰⰳⱁ ⰻⱈⱏ ⰱⱘⰴⰵⱅⱏ ⰶⰵⱀⰰ. ⱄⰵⰴⰿⱐ ⰱⱁ ⰻⰿⱑⱎⱔ ⱙ ⰶⰵⱀⱘ.
во въскрѣшение оубо которааго ихъ бѫдетъ жена. седмь бо имѣшѧ ѭ женѫ.
20:34
ⰻ ⱁⱅⱏⰲⱑⱎⱅⰰⰲⱏ ⰻⱄ҃ⱏ ⱃⰵⱍⰵ ⰻⰿⱏ. ⱄⱀ҃ⱁⰲⰵ ⰲⱑⰽⰰ ⱄⰵⰳⱁ ⰶⰵⱀⱔⱅⱏ ⱄⱔ ⰻ ⱂⱁⱄⰰⰳⰰⱙⱅⱏ.
и отъвѣштавъ ис҃ъ рече имъ. сн҃ове вѣка сего женѧтъ сѧ и посагаѭтъ.
20:35
ⰰ ⱄⱏⱂⱁⰴⱁⰱⰾⱐⱎⰵⰻ ⱄⱔ ⰲⱑⰽⱏ ⱅⱏ ⱆⰾⱆⱍⰻⱅⰻ. ⰻ ⰲⱐⱄⰽⱃⱑⱎⰵⱀⰻⰵ ⰵⰶⰵ ⱁⱅⱏ ⰿⱃⱏⱅⰲⱏⰹⱈⱏ. ⱀⰻ ⰶⰵⱀⱔⱅⱏ ⱄⱔ ⱀⰻ ⱂⱁⱄⰰⰳⰰⱙⱅⱏ.
а съподобльшеи сѧ вѣкъ тъ оулоучити. и вьскрѣшение еже отъ мрътвꙑхъ. ни женѧтъ сѧ ни посагаѭтъ.
20:36
ⱀⰻ ⱆⰿⱐⱃⱑⱅⰻ ⰱⱁ ⱂⱁ ⱅⱁⰿⱐ ⰿⱁⰳⱘⱅⱏ. ⱃⰰⰲⱐⱀⰻ ⰱⱁ ⱄⱘⱅⱏ ⰰⱀⰼ҃ⰾⰿⱏ. ⰺ ⱄⱀ҃ⰲⰵ ⱄⱘⱅⱏ ⰱⰶ҃ⰻⰻ. ⰲⱐⱄⰽⱃⱑⱎⰵⱀⰻⱓ ⱄⱀ҃ⰲⰵ ⱄⱘⱋⰵ.
ни оумьрѣти бо по томь могѫтъ. равьни бо сѫтъ анђ҃лмъ. ꙇ сн҃ве сѫтъ бж҃ии. вьскрѣшению сн҃ве сѫще.
20:37
ⰰ ⱑⰽⱁⰶⰵ ⰲⱏⱄⱅⰰⱙⱅⱏ ⰿⱃⱏⱅⰲⰻⰻ. ⰻ ⰿⱁⱄⰻⰻ ⱄⱏⰽⰰⰸⰰ ⱂⱃⰻ ⰽⱘⱂⰻⱀⱑ. ⱑⰽⱁⰶⰵ ⰳⰾ҃ⰵⱅⱏ. ⰳ҃ⰰ ⰱ҃ⰰ ⰰⰲⱃⰰⰿⰾⱑ. ⰻ ⰱ҃ⰰ ⰻⱄⰰⰽⱁⰲⰰ. ⰻ ⰱ҃ⰰ ⰻⱑⰽⱁⰲⰾⱑ.
а ѣкоже въстаѭтъ мрътвии. и мосии съказа при кѫпинѣ. ѣкоже гл҃етъ. г҃а б҃а аврамлѣ. и б҃а исакова. и б҃а иѣковлѣ.
20:38
ⰱ҃ⱏ ⰶⰵ ⱀⱑⱄⱅⱏ ⰿⱃⱏⱅⰲⱏⰹⱈⱏ ⱀⱏ ⰶⰻⰲⱏⰹⱈⱏ. ⰲⱏⱄⰻ ⰱⱁ ⱅⱁⰿⱆ ⰶⰻⰲⰻ ⱄⱘⱅⱏ.
б҃ъ же нѣстъ мрътвꙑхъ нъ живꙑхъ. въси бо томоу живи сѫтъ.
20:39
ⱁⱅⱏⰲⱑⱎⱅⰰⰲⱏⱎⰵ ⰶⰵ ⰵⰴⰻⱀⰻ ⰽⱏⱀⰻⰶⱏⱀⰻⱌⰻ ⱃⱑⱎⱔ. ⱆⱍⰻⱅⰵⰾⱓ ⰴⱁⰱⱃⱑ ⱃⰵⱌⰵ.
отъвѣштавъше же едини кънижъници рѣшѧ. оучителю добрѣ реце.
20:40
ⰽⱏ ⱅⱁⰿⱆ ⰶⰵ ⱀⰵ ⱄⱏⰿⱑⰰⱈⱁ ⰵⰳⱁ ⰲⱏⱂⱃⰰ[ⱎⰰ]ⱅⰻ ⱀⰻⱍⱐⱄⱁⰶⰵ.
къ томоу же не съмѣахо его въпра[ша]ти ничьсоже.
20:41
ⱃ[ⰵ]ⱍⰵ ⰶⰵ ⰽⱏ ⱀⰻⰿⱏ. ⰽⰰⰽⱁ ⰳⰾ҃ⱙⱅⱏ ⰵⰴⰻⱀⰻ. !ⱈⰰ ⰱⱏⰹⱅⰻ ⱄⱀ҃ⰰ !ⰴⰲⰰ.
р[е]че же къ нимъ. како гл҃ѭтъ едини. !ха бꙑти сн҃а !два.
20:42
ⰰ ⱄⰰⰿⱏ ⰴⰰⰲ҃ⰴⱏ ⰳⰾ҃ⰵⱅⱏ ⰲⱏ ⰽⱏⱀⰻⰳⰰⱈⱏ ⱂⱄⰰⰾⱁⰿⱏⱄⰽⱏⰹⱈⱏ. ⱃⰵⱍⰵ ⰳ҃ⱏ !ⰳⰲⰻ ⰿⱁⰵⰿⱆ ⱄⱔⰴⰻ ⱁ ⰴⰵⱄⱀⱘⱙ ⰿⰵⱀⰵ.
а самъ дав҃дъ гл҃етъ въ кънигахъ псаломъскꙑхъ. рече г҃ъ !гви моемоу сѧди о деснѫѭ мене.
20:43
ⰴⱁⱀⱐⰴⰵⰶⰵ ⱂⱁⰾⱁⰶⱁ ⰲⱃⰰⰳⱏ[ⰹ] ⱅⰲⱁⱗ ⱂⱁⰴⱏⱀⱁⰶⰻⱓ ⱀⱁⰳⰰⰿⰰ ⱅⰲⱁⰻⰿⰰ.
доньдеже положо врагъ[і] твоѩ подъножию ногама твоима.
20:44
ⰴⰰⰲ҃ⰴⱏ ⰹ ⱆⰱⱁ !ⰳⱐ ⱀⰰⱃⰻⱌⰰⰰⱅⱏ ⱅⱁ ⰽⰰⰽⱁ ⰵⰿⱆ ⰵⱄⱅⱏ ⱄⱀ҃ⱏ ::
дав҃дъ і оубо !гь нарицаатъ то како емоу естъ сн҃ъ ::
20:45
Ⱄⰾⰻⱎⱔⱎⱅⰵⰿⱏ ⰶⰵ ⰲⱐⱄⱑⰿⱏ ⰾⱓⰴⰵⰿⱏ. ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ::
Слишѧштемъ же вьсѣмъ людемъ. рече къ оученикомъ своимъ. ::
20:46
Ⰲⱐⱀⰵⰿⰾⱑⱅⰵ ⱁⱅⱏ ⰽⱏⱀⰻⰶⱏⱀⰻⰽⱏ. ⱈⱁⱅⱔⱎⱅⰻⰻⱈⱏ {ⰲⱏ} ⰲⱏ ⱁⰴⰵⰶⰴⰰⱈⱏ ⱈⱁⰴⰻⱅⰻ. ⰻ ⰾⱓⰱⱔⱎⱅⰻⰻⱈⱏ ⱌⱑⰾⱁⰲⰰⱀⰻⱑ ⱀⰰ ⱅⱃⱏⰶⰻⱎⱅⰻⱈⱏ. ⰺ ⱂⱃⱑⰴⱏⱄⱑⰴⰰⱀⰻⱑ ⱀⰰ ⱄⱏⱀⱐⰿⰻ[ⱋⰻ]ⱈⱏ. ⰻ ⱂⱃⱑⰶⰴⰵⰸⱏⰲⰰⱀⰻⱑ ⱀⰰ ⱁⰱⱑⰴⱑⱈⱏ. ⰻ ⱀⰰ ⰲⰵⱍⰵⱃⱑⱈⱏ.
Вьнемлѣте отъ кънижъникъ. хотѧштиихъ {въ} въ одеждахъ ходити. и любѧштиихъ цѣлованиѣ на тръжиштихъ. ꙇ прѣдъсѣданиѣ на съньми[щи]хъ. и прѣждезъваниѣ на обѣдѣхъ. и на вечерѣхъ.
20:47
ⰺⰶⰵ ⱄⱏⱀⱑⰴⰰⱙⱅⱏ ⰴⱁⰿⱏⰹ ⰲⱏⰴⱁⰲⰻⱌⱏ. ⰻ ⰲⰻⱀⱁⱙ ⰴⰰⰾⰵⱍⰵ ⰿⱁⰾⱔⱅⱏ ⱄⱔ. ⱄⰻⰻ ⱂⱃⰻⰻⰿⱘⱅⱏ ⱁⱄⱘⰶⰴⰵⱀⱐⰵ ⰱⱁⰾⱐⱎⰵ.
ꙇже сънѣдаѭтъ домꙑ въдовицъ. и виноѭ далече молѧтъ сѧ. сии приимѫтъ осѫжденье больше.