ЕВАНГЕЛИЕ ЕЖЕ Ѿ МАТѲЕꙖ
6:1
Ⰲⱏⱀⰵⰿⰾ̑ⱑⱅⰵ ⰿⰻⰾⱁⱄⱅⱏⰹⱀ̑ⱔ ⰲⰰⱎⱔ. ⱀⰵ ⱅⰲⱁⱃⰻⱅⰻ ⱂⱃⱑⰴⱏ ⱍⰽ҃ⱏ[ⰹ] ⰴⰰ ⰲⰻⰴⰻⰿⰻ ⰱⱘⰴⰵⱅⰵ ⰺ҅ⰿⰻ. ⰰⱎⱅⰵ ⰾⰻ ⰶⰵ ⱀⰻ. ⰿⱏⰸⰴⱏⰹ ⱀⰵ ⰺ҅ⰿⰰⱅⰵ ⱁⱅⱏ ⱁⱌ҃ⰰ ⰲⰰⱎⰵⰳⱁ. ⰺ҅ⰶⱐ ⰵⱄⱅⱏ ⱀⰰ ⱀⰵⰱⰵⱄⰵⱈⱏ.
Вънемл̑ѣте милостꙑн̑ѧ вашѧ. не творити прѣдъ чк҃ъ[і] да видими бѫдете ꙇ҅ми. аште ли же ни. мъздꙑ не ꙇ҅мате отъ оц҃а вашего. ꙇ҅жь естъ на небесехъ.
6:2
ⰵⰳⰴⰰ ⱆⰱⱁ ⱅⰲⱁⱃⰻⱎⰻ ⰿⰻⰾⱁⱄⱅⱏⰹⱀ̑ⱙ. ⱀⰵ ⰲⱏⱄⱅⱃⱘⰱⰻ ⱂⱃⱑⰴⱏ ⱄⱁⰱⱁⱙ. ⱑⰽⱁ ⱛⱂⱁⰽⱃⰻⱅⰻ ⱅⰲⱁⱃⱔⱅⱏ ⰲⱏ ⱄⱏⱀⱏⰿⰻⱎⱅⰻⱈⱏ. ⰺ҅ ⰲⱏ ⱄⱅⱏⰳⱀⰰⱈⱏ. ⰴⰰ ⱂⱃⱁⱄⰾⰰⰲⱔⱅⱏ ⱄⱔ ⱁⱅⱏ ⱍⰽ҃ⱏ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⰲⱏⱄⱂⱃⰻⰹⰿⱘⱅⱏ ⰿⱏⰸⰴⱘ ⱄⰲⱁⱙ
егда оубо твориши милостꙑн̑ѭ. не въстрѫби прѣдъ собоѭ. ѣко ѵпокрити творѧтъ въ сънъмиштихъ. ꙇ҅ въ стъгнахъ. да прославѧтъ сѧ отъ чк҃ъ. аминь гл̑ѭ вамъ. въсприімѫтъ мъздѫ своѭ
6:3
ⱅⰵⰱⱑ ⰶⰵ ⱅⰲⱁⱃⱔⱎⱅⱓ ⰿⰻⰾⱁⱄⱅⱏⰹⱀ̑ⱙ. ⰴⰰ ⱀⰵ ⱍⱓⰵⱅⱏ ⱎⱓⰺⱌⰰ ⱅⰲⱁⱑ. ⱍⱐⱅⱁ ⱅⰲⱁⱃⰻⱅⱏ ⰴⰵⱄⱀⰻⱌⰰ ⱅⰲⱁⱑ.
тебѣ же творѧштю милостꙑн̑ѭ. да не чюетъ шюꙇца твоѣ. чьто творитъ десница твоѣ.
6:4
ⰴⰰ ⰱⱘⰴⰵⱅⱏ ⰿⰻⰾⱁⱄⱅⱏⰹⱀ̑ⰻ ⱅⰲⱁⱑ ⰲⱏ ⱅⰰⰺ҅ⱀⱑ. ⰺ҅ ⱁⱌ҃ⱐ ⱅⰲⱁⰻ ⰲⰻⰴⱔ ⰲⱏ ⱅⰰⰺⱀⱑ. ⰲⱏⰸⰴⰰⱄⱅⱏ ⱅⰵⰱⱑ ⰰⰲⱑ.
да бѫдетъ милостꙑн̑и твоѣ въ таꙇ҅нѣ. ꙇ҅ оц҃ь твои видѧ въ таꙇнѣ. въздастъ тебѣ авѣ.
6:5
ⰺ҅ ⰵⰳⰴⰰ ⰿⱁⰾⰻⱎⰻ ⱄⱔ ⱀⰵ ⰱⱘⰴⰻ ⱑⰽⱁ ⰺ҅ ⰾⰻⱌⰵⰿⱑⱃⱏ. ⱑⰽⱁ ⰾ̑ⱓⰱⱔⱅⱏ. ⱀⰰ ⱄⱏⱀⱏⰿⰻⱎⱅⰻⱈⱏ. ⰺ҅ ⰲⱏ ⱄⱅⱏⰳⱀⰰⱈⱏ. ⱀⰰ ⱃⰰⱄⱂⱘⱅⰻⰺ҅ⱈⱏ. ⱄⱅⱁⱗⱎⱅⰵ ⰿⱁⰾⰻⱅⰻ ⱄⱔ. ⰴⰰ ⱑⰲⱔⱅⱏ ⱄⱔ ⱍⰽ҃ⱁⰿⱏ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱑⰽⱁ ⰲⱏⱄⱂⱃⰻⰿⱘⱅⱏ ⰿⱏⰸⰴⱘ ⱄⰲⱁⱙ.
ꙇ҅ егда молиши сѧ не бѫди ѣко ꙇ҅ лицемѣръ. ѣко л̑юбѧтъ. на сънъмиштихъ. ꙇ҅ въ стъгнахъ. на распѫтиꙇ҅хъ. стоѩште молити сѧ. да ѣвѧтъ сѧ чк҃омъ. аминь гл̑ѭ вамъ. ѣко въспримѫтъ мъздѫ своѭ.
6:6
ⱅⱏⰹ ⰶⰵ ⰵⰳⰴⰰ ⰿⱁⰾⰻⱎⰻ ⱄⱔ. ⰲⱏⱀⰻⰴⰻ ⰲⱏ ⰽⰾⱑⱅⱐ ⱅⰲⱁⱙ. ⰺ҅ ⰸⰰⱅⰲⱁⱃⱐ ⰴⰲⱐⱃⰻ ⱅⰲⱁⱗ. ⱂⱁⰿⱁⰾⰻ ⱄⱔ ⱁⱌ҃ⱓ ⱅⰲⱁⰵⰿⱆ ⰲⱏ ⱅⰰⰺⱀⱑ. ⰺ҅ ⱁⱌ҃ⱐ ⱅⰲⱁⰻ ⰲⰻⰴⱔⰻ ⰲⱏ ⱅⰰⰺⱀⱑ. ⰲⱏⰸⰴⰰⱄⱅⱏ ⱅⰵⰱⱑ ⰰⰲⱑ.
тꙑ же егда молиши сѧ. въниди въ клѣть твоѭ. ꙇ҅ затворь двьри твоѩ. помоли сѧ оц҃ю твоемоу въ таꙇнѣ. ꙇ҅ оц҃ь твои видѧи въ таꙇнѣ. въздастъ тебѣ авѣ.
6:7
Ⰿⱁⰾⱔⱎⱅⰵ ⰶⰵ ⱄⱔ ⱀⰵ ⰾⰻⱈⱁ ⰳⰾ҃ⱑⱅⰵ. ⱑⰽⱁⰶⰵ ⰺ҅ ⱗⰸⱏⰹⱍⱐⱀⰻⱌⰻ. ⰿⱐⱀⱔⱅⱏ ⱄⱔ ⱑⰽⱁ ⰲⱏ ⰿⱀⱁⰷⱑ ⰳⰾ҃ⰰⱀⰻ ⱄⰲⱁⰵⰿⱐ. ⱆⱄⰾⱏⰹⱎⰰⱀⰻ ⰱⱘⰴⱘⱅⱏ.
Молѧште же сѧ не лихо гл҃ѣте. ѣкоже ꙇ҅ ѩзꙑчьници. мьнѧтъ сѧ ѣко въ мноѕѣ гл҃ани своемь. оуслꙑшани бѫдѫтъ.
6:8
ⱀⰵ ⱂⱁⰴⱁⰱⰻⱅⰵ ⱄⱔ ⱆⰱⱁ ⰺⰿⱏ. ⰲⱑⱄⱅⱏ ⰱⱁ ⱁⱌ҃ⱐ ⰲⰰⱎⱐ ⰺ҅ⱈⱏⰶⰵ ⱅⱃⱑⰱⱆⰵⱅⰵ. ⱂⱃⱑⰶⰴⰵ ⱂⱃⱁⱎⰵⱀⰻⱑ ⰲⰰⱎⰵⰳⱁ.
не подобите сѧ оубо ꙇмъ. вѣстъ бо оц҃ь вашь ꙇ҅хъже трѣбоуете. прѣжде прошениѣ вашего.
6:9
ⱅⰰⰽⱁ ⱆⰱⱁ ⰿⱁⰾⰻⱅⰵ ⱄⱔ ⰲⱏⰹ: Ⱉⱍ҃ⰵ ⱀⰰⱎⱐ. ⰺ҅ⰶⰵ ⰵⱄⰻ ⱀⰰ ⱀⰵⰱⰵⱄⰵⱈⱏ. ⰴⰰ ⱄⱅ҃ⰻⱅⱏ ⱄⱔ ⰺ҅ⰿⱔ ⱅⰲⱁⰵ.
тако оубо молите сѧ вꙑ: Ѡч҃е нашь. ꙇ҅же еси на небесехъ. да ст҃итъ сѧ ꙇ҅мѧ твое.
6:10
ⰴⰰ ⱂⱃⰻⰴⰵⱅⱏ ⱌⱃ҃ⱄⱅⰲⰻⰵ ⱅⰲⱁⰵ. ⰴⰰ ⰱⱘⰴⰵⱅⱏ ⰲⱁⰾ̑ⱑ ⱅⰲⱁⱑ. ⱑⰽⱁ ⱀⰰ ⱀ҃ⱄⰻ ⰺ ⱀⰰ ⰸⰵⰿⰾ̑ⰻ.
да придетъ цр҃ствие твое. да бѫдетъ вол̑ѣ твоѣ. ѣко на н҃си ꙇ на земл̑и.
6:11
ⱈⰾⱑⰱⱏ ⱀⰰⱎⱐ ⱀⰰⱄⱅⱁⱗⱎⱅ....... ⰴⰰⰶⰴⱐ ⱀⰰⰿⱏ ⰴⱀⰵⱄⱐ.
хлѣбъ нашь настоѩшт....... даждь намъ днесь.
6:12
ⰺ҅ ⱁⱅⱏⱂⱆⱄⱅⰻ ⱀⰰⰿⱏ ⰴⰾⱐⰳⱏⰹ ⱀⰰⱎⱔ. ⱑⰽⱁ ⰺ҅ ⰿⱏⰹ ⱁⱅⱏⱂⱆⱎⱅⰰⰵⰿⱏ ⰴⰾⱐⰶⱐⱀⰻⰽⱁⰿⱏ ⱀⰰⱎⰻⰿⱏ.
ꙇ҅ отъпоусти намъ дльгꙑ нашѧ. ѣко ꙇ҅ мꙑ отъпоуштаемъ дльжьникомъ нашимъ.
6:13
ⰺ҅ ⱀⰵ ⰲⱏⰲⰵⰴⰻ ⱀⰰⱄⱏ ⰲⱏ ⱀⰰⱂⰰⱄⱅⱐ. ⱀⱏ ⰺ҅ⰸⰱⰰⰲⰻ ⱀⱏⰹ ⱁⱅⱏ ⱀⰵⱂⱃⰻⱑⰸⱀⰻ. ⱑⰽⱁ ⱅⰲⱁⰵ ⰵⱄⱅⱏ ⱌⱃ҃ⱄⱅⰲⰻⰵ. ⰺ҅ ⱄⰻⰾⰰ ⰺ҅ !ⱄⰾⰰ!ⰲ ⰲⱏ [ⰲⱑ!ⰽ] ⰲⱑⰽ[ⱁⰿⱏ.] ⰰⰿⰻⱀⱐ: !ⰸⰰ!ⱍ:
ꙇ҅ не въведи насъ въ напасть. нъ ꙇ҅збави нꙑ отъ неприѣзни. ѣко твое естъ цр҃ствие. ꙇ҅ сила ꙇ҅ !сла!в въ [вѣ!к] вѣк[омъ.] аминь: !за!ч:
6:14
Ⰰⱎⱅⰵ ⰱⱁ ⱁⱅⱏⱂⱆⱎⱅⰰⰵⱅⰵ ⱍⰽ҃ⱁⰿⱏ ⱄⱏⰳⱃⱑⱎⰵⱀⰻⱑ ⰺ҅ⱈⱏ. ⱁⱅⱏⱂⱆⱄⱅⰻⱅⱏ ⰺ҅ ⰲⰰⰿⱏ ⱁⱌ҃ⱐ ⰲⰰⱎⱐ ⱀⰱ҃ⱄⰽⱏⰺ.
Аште бо отъпоуштаете чк҃омъ съгрѣшениѣ ꙇ҅хъ. отъпоуститъ ꙇ҅ вамъ оц҃ь вашь нб҃скъꙇ.
6:15
ⱁⱅⱏⱂⱆⱄⱅⰻⱅⱏ ⰲⰰⰿⱏ. ⱄⱏⰳⱃⱑⱎⰵⱀⰻⰹ ⰲⰰⱎⰻⱈⱏ.
отъпоуститъ вамъ. съгрѣшениі вашихъ.
6:16
Ⰵⰳⰴⰰ ⱂⱁⱄⱅⰻⱅⰵ ⱄⱔ. ⱀⰵ ⰱⱘⰴⱑⱅⰵ ⱑⰽⱁ ⱛ҅ⱂⱁⰽⱃⰻⱅⰻ. ⱄⱑⱅⱆⱙⱎⱅⰵ. ⱂⱃⱁⱄⰿⱃⰰⰶⰴⰰⱙⱎⱅⰵ ⰱⱁ ⰾⰻⱌⰰ ⱄⰲⱁⱑ. ⰴⰰ ⰱⰻⱎⱔ ⱄⱔ ⰰⰲⰻⰾⰻ ⱍⰽ҃ⱁⰿⱏ ⱂⱁⱄⱅⱔⱎⱅⰵ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱑⰽⱁ ⰲⱏⱄⱂⱃⰻⰹⰿⱘⱅⱏ ⰿⱏⰸⰴⱘ ⱄⰲⱁⱙ.
Егда постите сѧ. не бѫдѣте ѣко ѵ҅покрити. сѣтоуѭште. просмраждаѭште бо лица своѣ. да бишѧ сѧ авили чк҃омъ постѧште. аминь гл̑ѭ вамъ. ѣко въсприімѫтъ мъздѫ своѭ.
6:17
ⱅⱏⰹ ⰶⰵ ⱂⱁⱄⱅⱔ ⱄⱔ ⱂⱁⰿⰰⰶⰻ ⱄⰻ ⰳⰾⰰⰲⱘ ⱄⰲⱁⱙ. ⰺ҅ ⰾⰻⱌⰵ ⱅⰲⱁⰵ ⱆⰿⱏⰹ.
тꙑ же постѧ сѧ помажи си главѫ своѭ. ꙇ҅ лице твое оумꙑ.
6:18
ⰴⰰ ⱀⰵ ⰰⰲⰻⱎⰻ ⱄⱔ ⱍⰽ҃ⱁⰿⱏ ⱂⱁⱄⱅⱔ ⱄⱔ. ⱀⱏ ⱁⱌ҃ⱓ ⱅⰲⱁⰵⰿⱆ. ⰺ҅ⰶⱐ ⰵⱄⱅⱏ ⰲⱏ ⱅⰰⰺⱀⱑ. ⰺ҅ ⱁⱌ҃ⱐ ⱅⰲⱁⰻ ⰲⰻⰴⱔⰻ ⰲⱏ ⱅⰰⰺⱀⱑ. ⰲⱏⰸⰴⰰⱄⱅⱏ ⱅⰵⰱⱑ ⰰⰲⱑ.
да не авиши сѧ чк҃омъ постѧ сѧ. нъ оц҃ю твоемоу. ꙇ҅жь естъ въ таꙇнѣ. ꙇ҅ оц҃ь твои видѧи въ таꙇнѣ. въздастъ тебѣ авѣ.
6:19
ⱀⰵ ⱄⱏⰽⱃⱏⰹⰲⰰⰻⱅⰵ ⱄⰵⰱⱑ ⱄⱏⰽⱃⱁⰲⰻⱎⱅⰰ ⱀⰰ ⰸⰵⰿⰻ. ⰺ҅ⰴⰵⰶⰵ ⱍⱃⱏⰲⱐ ⰺ ⱅⱐⰾ̑ⱑ ⱅⱐⰾⰻⱅⱏ. ⰺ҅ⰴⰵⰶⰵ ⱅⰰⱅⰻⰵ ⱂⱁⰴⱏⰽⱁⱂⰰⰲⰰⱙⱅⱏ ⰺ҅ ⰽⱃⰰⰴⱘⱅⱏ.
не съкрꙑваите себѣ съкровишта на земи. ꙇ҅деже чръвь ꙇ тьл̑ѣ тьлитъ. ꙇ҅деже татие подъкопаваѭтъ ꙇ҅ крадѫтъ.
6:20
ⱄⱏⰽⱃⱏⰹⰲⰰⰺⱅⰵ ⱄⰵⰱⱑ ⱄⱏⰽⱃⱁⰲⰻⱎⱅⰰ ⱀⰰ ⱀⰱ҃ⱄⰵ. ⰺ҅ⰴⰵⰶⰵ ⱀⰻ ⱍⱃⱏⰲⱐ ⱀⰻ ⱅⱐⰾ̑ⱑ ⱅⱐⰾⰻⱅⱏ. ⰺ҅ⰴⰵⰶⰵ ⱀⰻ ⱅⰰⱅⰻⰵ ⱂⱁⰴⱏⰽⱁⱂⰰⱙⱅⱏ ⱀⰻ ⰽⱃⰰⰴⱘⱅⱏ
съкрꙑваꙇте себѣ съкровишта на нб҃се. ꙇ҅деже ни чръвь ни тьл̑ѣ тьлитъ. ꙇ҅деже ни татие подъкопаѭтъ ни крадѫтъ
6:21
ⰺ҅ⰴⰵⰶⰵ ⰱⱁ ⰵⱄⱅⱏ ⱄⱏⰽⱃⱁⰲⰻⱎⱅⰵ ⰲⰰⱎⰵ. ⱅⱆ ⰵⱄⱅⱏ ⰺ҅ ⱄⱃⰴⱐⱌⰵ ⰲⰰⱎⰵ.
ꙇ҅деже бо естъ съкровиште ваше. тоу естъ ꙇ҅ срдьце ваше.
6:22
Ⱄⰲⱑⱅⰻⰾⱐⱀⰻⰽⱏ ⱅⱑⰾⱆ ⰵⱄⱅⱏ ⱁⰽⱁ. ⰰⱎⱅⰵ ⱆⰱⱁ ⰱⱘⰴⰵⱅⱏ ⱁⰽⱁ ⱅⰲⱁⰵ ⱂⱃⱁⱄⱅⱁ. ⰲⱄⰵ ⱅⱑⰾⱁ ⱅⰲⱁⰵ ⰱⱘⰴⰵⱅⱏ ⱄⰲⱑⱅⱏⰾⱁ.
Свѣтильникъ тѣлоу естъ око. аште оубо бѫдетъ око твое просто. все тѣло твое бѫдетъ свѣтъло.
6:23
ⰰⱎⱅⰵ ⰾⰻ ⱁⰽⱁ ⱅⰲⱁⰵ ⰾⱘⰽⰰⰲⱁ ⰱⱘⰴⰵⱅⱏ. ⰲⱄⰵ ⱅⱑⰾⱁ ⱅⰲⱁⰵ ⱅⱐⰿⱏⱀⱁ ⰱⱘⰴⰵⱅⱏ. ⰰⱎⱅⰵ ⱆⰱⱁ ⱄⰲⱑⱅⱏ ⰺ҅ⰶⰵ ⰲⱏ ⱅⰵⰱⱑ. ⱅⱏⰿⰰ ⰵⱄⱅⱏ. ⱅⱑ ⱅⱏⰿⰰ ⰽⱁⰾⱐⰿⰻ:
аште ли око твое лѫкаво бѫдетъ. все тѣло твое тьмъно бѫдетъ. аште оубо свѣтъ ꙇ҅же въ тебѣ. тъма естъ. тѣ тъма кольми:
6:24
Ⱀⰻⰽⱏⰺ ⰶⰵ ⱃⰰⰱⱏ ⱀⰵ ⰿⱁⰶⰵⱅⱏ ⰴⰲⱑⰿⰰ ⰳⰿ҃ⰰ ⱃⰰⰱⱁⱅⰰⱅⰻ. ⰾⰻ ⰱⱁ ⰵⰴⰻⱀⱁⰳⱁ ⰲⱏⰸⱀⰵⱀⰰⰲⰻⰴⰻⱅⱏ. ⰰ ⰴⱃⱆⰳⰰⰳⱁ ⰲⱏⰸⰾⱓⰱⰻⱅⱏ. ⰾⰻ ⰵⰴⰻⱀⱁⰳⱁ ⰴⱃⱏⰶⰻⱅⱏ ⱄⱔ. ⰰ ⱁ ⰴⱃⱆⰷⱑⰿⱐ ⱀⰵⰱⱃⱑⱎⱅⰻ ⰲⱏⱍⱐⱀⰵⱅⱏ. ⱀⰵ ⰿⱁⰶⰵⱅⰵ ⰱ҃ⱛ ⱃⰰⰱⱁⱅⰰⱅⰻ ⰺ҅ ⰿⰰⰿⱁⱀⱑ:
Никъꙇ же рабъ не можетъ двѣма гм҃а работати. ли бо единого възненавидитъ. а дроугаго възлюбитъ. ли единого дръжитъ сѧ. а о дроуѕѣмь небрѣшти въчьнетъ. не можете б҃ѵ работати ꙇ҅ мамонѣ:
6:25
Ⱄⰵⰳⱁ ⱃⰰⰴⰻ ⰳⰾ̑ⱙ ⰲⰰⰿⱏ. ⱀⰵ ⱂⸯⱌⱑⱅⰵ ⱄⱔ ⰴⱎ҃ⰵⱙ ⱄⰲⱁⰵⱙ. ⱍⱐⱅⱁ ⱑⱄⱅⰵ ⰺ҅ⰾⰻ ⱍⱅⱁ ⱂⰻⰵⱅⰵ. ⱀⰻ ⱅⱑⰾⱁⰿⱐ ⰲⰰⱎⰻⰿⱐ. ⰲⱏ ⱍⱅⱁ ⱁⰱⰾⱑⱍⰵⱅⰵ ⱄⱔ. ⱀⰵ ⰴⱎ҃ⰰ ⰾⰻ ⰱⱁⰾⱐⱎⰻ ⰵⱄⱅⱏ ⱂⰻⱎⱅⱔ. ⰺ҅ ⱅⱑⰾⱁ ⱁⰴⰵⰶⰴⱔ.
Сего ради гл̑ѭ вамъ. не пⸯцѣте сѧ дш҃еѭ своеѭ. чьто ѣсте ꙇ҅ли что пиете. ни тѣломь вашимь. въ что облѣчете сѧ. не дш҃а ли больши естъ пиштѧ. ꙇ҅ тѣло одеждѧ.
6:26
ⰲⱏⰸⱐⱃⰻⱅⰵ ⱀⰰ ⱂⱅⰻⱌⱔ ⱀⰱ҃ⱄⰽⱏⰹⱗ. ⰽⰰⰽⱁ ⱀⰵ ⱄⱑⱙⱅⱏ ⱀⰻ ⰶⱐⱀ̑ⱙⱅⱏ. ⱀⰻ ⱄⱏⰱⰻⱃⰰⱙⱅⱏ ⰲⱏ ⰶⰻⱅⱐⱀⰻⱌⱘ. ⰺ҅ ⱁⱌ҃ⱐ ⰲⰰⱎⱐ ⱀⰵⰱ҃ⱄⰽⱏⰺ ⱂⰻⱅⱑⰵⱅⱏ ⱗ. ⱀⰵ ⰲⱏⰹ ⰾⰻ ⱂⰰⱍⰵ ⰾⱆⱍⱐⱎⰻ ⰺ҅ⱈⱏ ⰵⱄⱅⰵ.
възьрите на птицѧ нб҃скꙑѩ. како не сѣѭтъ ни жьн̑ѭтъ. ни събираѭтъ въ житьницѫ. ꙇ҅ оц҃ь вашь неб҃скъꙇ питѣетъ ѩ. не вꙑ ли паче лоучьши ꙇ҅хъ есте.
6:27
ⰽⸯⱅⱁ ⰶⰵ ⱁⱅⱏ ⰲⰰⱄⱏ ⱂⰵⰽⱏⰹ ⱄⱔ. ⰿⱁⰶⰵⱅⱏ ⱂⱃⰻⰾⱁⰶⰻⱅⰻ ⱅⱑⰾⰵⱄⰻ ⱄⰲⱁⰵⰿⱐ ⰾⰰⰽⱏⱅⱐ ⰵⰴⰻⱀⱏ.
кⸯто же отъ васъ пекꙑ сѧ. можетъ приложити тѣлеси своемь лакъть единъ.
6:28
ⰺ҅ ⱁ ⱁⰴⰵⰶⰴⰻ ⱍⱐⱅⱁ ⱄⱔ ⱂⰵⱍⰵⱅⰵ. ⱄⱏⰿⱁⱅⱃⰻⱅⰵ ⱌⰲⱑⱅⱏ ⱄⰵⰾⱏⱀⱏⰺⱈⱏ ⰽⰰⰽⱁ ⱃⰰⱄⱅⱘⱅⱏ. ⱀⰵ ⱅⱃⱆⰶⰴⰰⱙⱅⱏ ⱄⱔ ⱀⰻ ⱂⱃⰻⰴⱘⱅⱏ.
ꙇ҅ о одежди чьто сѧ печете. съмотрите цвѣтъ селънъꙇхъ како растѫтъ. не троуждаѭтъ сѧ ни придѫтъ.
6:29
ⰳⰾ̑ⱙ ⰶⰵ ⰲⰰⰿⱏ. ⱑⰽⱁ ⱀⰻ ⱄⱁⰾⱁⰿⱛⱀⱏ. ⰲⱏ ⰲⱄⰵⰻ ⱄⰾⰰⰲⱑ ⱄⰲⱁⰵⰻ ⱁⰱⰾⱑⱍⰵ ⱄⱔ. ⱑⰽⱁ ⰵⰴⰻⱀⱏ ⱁⱅⱏ ⱄⰻⱈⱏ.
гл̑ѭ же вамъ. ѣко ни соломѵнъ. въ всеи славѣ своеи облѣче сѧ. ѣко единъ отъ сихъ.
6:30
ⰰⱎⱅⰵ ⰶⰵ ⱄⱑⱀⱁ ⰴⱐⱀⱐⱄⱐ ⱄⱘⱎⱅⰵⰵ. ⰰ ⱆⱅⱃⱑ ⰲⱏ ⱁⰳⱀ̑ⱐ ⰲⱏⰿⱑⱅⰰⰵⰿⱁ. ⰱ҃ⱏ ⱅⰰⰽⱁ ⱁⰴⱑⰵⱅⱏ. ⰽⱁⰾⰿⰻ ⱂⰰⱍⰵ ⰲⰰⱄⱏ ⰿⰰⰾⱁⰲⱑⱃⰻ.
аште же сѣно дьньсь сѫштее. а оутрѣ въ огн̑ь въмѣтаемо. б҃ъ тако одѣетъ. колми паче васъ маловѣри.
6:31
ⱀⰵ ⱂⸯⱌⱑⱅⰵ ⱄⱔ ⱆⰱⱁ ⰳⰾ̑ⱙⱎⱅⰵ. ⱍⱐⱅⱁ ⱑⰿⱏ ⰾⰻ ⱍⱐⱅⱁ ⱂⰻⰵⰿⱏ. ⰾⰻ ⱍⰻⰿⱐ ⱁⰴⰵⰶⰴⰵⰿⱏ ⱄⱔ.
не пⸯцѣте сѧ оубо гл̑ѭште. чьто ѣмъ ли чьто пиемъ. ли чимь одеждемъ сѧ.
6:32
ⰲⱄⱑⱈⱏ ⰱⱁ ⱄⰻⱈⱏ ⱗⰸⱏⰹⱌⰻ ⰺ҅ⱎⱅⱘⱅⱏ. ⰲⱑⱄⱅⱏ ⰱⱁ ⱁⱌ҃ⱐ ⰲⰰⱎⱐ ⱀⰵⰱ҃ⱄⰽⱏⰹ. ⱑⰽⱁ ⱅⱃⱑⰱⱆⰵⱅⰵ ⱄⰻⱈⱏ ⰲⱐⱄⱑⱈⱏ.
всѣхъ бо сихъ ѩзꙑци ꙇ҅штѫтъ. вѣстъ бо оц҃ь вашь неб҃скꙑ. ѣко трѣбоуете сихъ вьсѣхъ.
6:33
ⰺ҅ⱎⱅⱑⱅⰵ ⰶⰵ ⱂⱃⱑⰶⰴⰵ ⱌⱃ҃ⱄⱅⰲⰻⱑ ⰱⰶ҃ⰻⱑ. ⰺ҅ ⱂⱃⰰⰲⱏⰴⱏⰹ ⰵⰳⱁ. ⰺ҅ ⱄⰻ ⰲⱄⱑ ⱂⱃⰻⰾⱁⰶⱔⱅⱏ ⱄⱔ ⰲⰰⰿⱏ. !ⰽⱁ!ⱀ.
ꙇ҅штѣте же прѣжде цр҃ствиѣ бж҃иѣ. ꙇ҅ правъдꙑ его. ꙇ҅ си всѣ приложѧтъ сѧ вамъ. !ко!н.
6:34
Ⱀⰵ ⱂⸯⱌⱑⱅⰵ ⱄⱔ ⱆⰱⱁ ⱀⰰ ⱆⱅⱃⱑⰻ. ⱆⱅⱃⱐⱀ̑ⰻ ⰱⱁ ⰴⱀⱐ ⱄⱁⰱⱁⱙ ⱂⰵⱍⰵⱅⱏ ⱄⱔ. ⰴⱁⰲⱐⰾ̑ⰵⱅⱏ ⰴⱐⱀⰻ ⰸⱏⰾⱁⰱⰰ ⱄⰲⱁⱑ. !ⰸⰰ!ⱍ.
Не пⸯцѣте сѧ оубо на оутрѣи. оутрьн̑и бо днь собоѭ печетъ сѧ. довьл̑етъ дьни зълоба своѣ. !за!ч.