Ютроу же бꙑвъшю. съвѣтъ сътворишѧ. вси арⸯхиереи. ꙇ҅ старⸯци л̑юдьсциі на ꙇс҃а. ѣко оубити і.

ꙇ҅ сьвѧзавъше и ведошѧ. ꙇ҅ прѣдашѧ пѫнⸯтьскоумоу пилатоу. ꙇ҅ђемоноу.

Тъгда видѣ ꙇ҅юда. прѣдавъꙇ его. ѣко осѫдишѧ и. раскаѣвъ сѧ възврати. !ђ съребрьникъ. арⸯхиереомъ ꙇ҅ старцемъ

гл҃ѧ. съгрѣшихъ прѣдавъ крьвь неповиньнѫ. они же рѣшѧ чьто естъ намъ. тꙑ оузьриши.

ꙇ҅ повръгъ е въ цръкьве отиде. ꙇ҅ ошьдъ възвѣси сѧ.

арⸯхиереꙇ҅ же приемъше съребро рѣшѧ. не достоꙇ҅но естъ въложити его въ карⸯванѫ. пон̑еже цѣна кръве естъ.

съвѣтъ же сътворⸯше. коупишѧ ꙇ҅мь село скѫдельниково. въ погрѣбание странънъꙇмъ.

тѣмь же нарече сѧ село то село кръве до сего дне.

тъгда събꙑстъ сѧ реченое пророкомь ꙇ҅еремиемь. гл҃ѭштемь. ꙇ҅ приѩшѧ !ђ съребрьникъ. цѣнѫ цѣн̑енаего. егоже цѣнишѧ отъ сн҃овъ !ꙇ҅левъ.

ꙇ҅ дашѧ на селѣ скѫдельничи. ѣко же съказа мнѣ г҃ь.

!Ꙇс же ста прѣдъ ꙇђемономь. ꙇ въпроси ђемонъ гл҃ѧ. тꙑ ли еси цр҃ь ꙇюдѣꙇскъ. ꙇс҃ же рече емоу тꙑ гл҃еши.

егда на н̑ь гл҃ахѫ арⸯхиереі ꙇ҅ старци. ничьсоже отъвѣштавааше.

тъгда гл҃а емоу пилатъ. не слꙑшиши ли колико на тѧ съвѣдѣтел̑ьствоуѭтъ.

ꙇ҅ не отъвѣшта емоу. ни къ единомоу !глоу. ѣко дивити сѧ ꙇ҅ђемоноу зѣло.

на всѣкъ же днь великъ. обꙑчаꙇ҅ бѣ ꙇ҅ђемоноу. отъпоуштати народоу. съвѧзън̑ѣ егоже хотѣахѫ.

ꙇ҅мѣше же тъгда съвѧзьн̑ѣ нарочита. нарицаемааго вараавѫ.

събъравъшемъ же сѧ ꙇ҅мъ. рече ꙇ҅мъ пилатъ. кого хоштете отъ обою. отьпоуштѫ вамъ. вараавѫ ли ꙇ҅ли ꙇс҃а. нарицаемаго х҃а.

вѣдѣаше бо ѣко зависти ради прѣдашѧ и.

сѣдѧштю же емоу на сѫдишти. посъла къ н̑емоу жена своѣ гл̑ѭшти. ничьсоже тебѣ. ꙇ҅ правьдьникоу томоу. много бо пострадахъ дньсь въ сънѣ его ради.

архиереꙇ же ꙇ҅ старⸯци. наоустишѧ народꙑ. да ꙇ҅спросѧтъ вараавѫ. ꙇ҅ ис҃а погоубѧтъ.

*̆ѡтъвѣштавъ же ꙇ҅ђемонъ рече ꙇ҅мъ. кого хоштете отъ обою отъпоуштѫ вамъ. они же рѣшѧ вараавѫ.

гл҃а ꙇ҅мъ пилатъ. чьто же сътвор̑ѭ. ꙇ҅с҃а нарицаемаего х҃а. гл҃ашѧ емоу вси да распѧтъ бѫдетъ.

ꙇ҅ђемонъ же рече ꙇ҅мъ. чьто зъло сътвори. они же ꙇ҅злиха въпиѣхѫ гл҃ѭште. да распѧтъ бѫдетъ.

видѣвъ же пилатъ. ѣко ничьсоже оуспѣетъ. нъ паче мльва бꙑваетъ. приꙇ҅мъ водѫ оумꙑ рѫцѣ прѣдъ народомь. гл҃ѧ неповиннъ есмь. отъ кръве сего правьдьника. вꙑ оузьрите.

ꙇ҅ отъвѣштавъше вси л̑юдие рѣшѧ. кръвь его на насъ. ꙇ҅ на чѧдѣхъ нашихъ.

Тъгда отъпоусти ꙇ҅мъ вараавѫ. ꙇ҅с҃а же бивъ. прѣдастъ ꙇ да ꙇ распьнѫтъ.

Тъгда воꙇни ђемонови. прѣꙇ҅мъше ꙇс҃а на сѫдишти. събърашѧ на нь вьсѫ спирѫ.

ꙇ҅ съвлькъше и. хламѵдоѭ чръвленоѭ одѣшѧ і.

ꙇ҅ съплетъше вѣньць отъ тръниѣ. възложишѧ на главѫ его. ꙇ҅ трьсть въ десницѫ его. ꙇ҅ поклоньше сѧ прѣдъ н̑имь на колѣноу. рѫгаахѫ сѧ емоу гл̑ѭште. Радоуꙇ сѧ !црю ꙇ҅юдѣꙇскъ.

ꙇ҅ плинѫвъше на н̑ь. приѩшѧ трьсть. ꙇ҅ биѣхѫ ꙇ по главѣ.

ꙇ҅ егда порѫгашѧ сѧ емоу. съвлѣшѧ съ н̑его хламѵ҅дѫ. ꙇ҅ облѣшѧ і въ ризꙑ своѩ.ꙇ҅ ведошѧ и на распѧтие.

ꙇ҅сходѧште же обрѣтѫ чк҃а. к̑ѵринѣꙇ҅ска. ꙇ҅менемь симона семоу задѣшѧ понести !крстъ его. !ко!ц.

Ꙇ пришьдъше на мѣсто нарицаемое. ђельђота. еже естъ нарицаемо краниево мѣсто.

дашѧ емоу пити. оцьть съ зльчиѭ размѣшьнъ. ꙇ въкоушь не хотѣаше пити.

пропьнъше же и. раздѣльше ризꙑ его меташѧ жрѣбиѩ.

ꙇ҅ сѣдъше стрѣжахѫ ꙇ тоу.

ꙇ҅ положишѧ връхоу главꙑ его. винѫ напсанѫ. сь естъ ꙇс҃. цр҃ь ꙇ҅юдѣꙇскъ.

тъгда распѧшѧ съ н̑имь два разбоꙇ҅ника. единого о деснѫѭ. ꙇ҅ единого о шюѭѭ.

Мимоходѧштеꙇ҅ же хоул̑ѣахѫ и. покꙑваѭште главами своꙇ҅ми

ꙇ гл҃ѭште. оувⸯва. разарѣѩі цръковь. ꙇ҅ трьми дьньми съзидаѩ ѭ. сп҃и себе. аште сн҃ъ бж҃іи еси. сълѣзи съ крста.

такожде же ꙇ҅ архиереи рѫгаѭште сѧ. съ кън̑ижьникꙑ ꙇ҅ старци. ꙇ҅ фарисѣи гл҃аахѫ.

ꙇ҅нꙑ сп҃е. себе ли не можеши сп҃сти. аште цр҃ь !ꙇ҅лвъ естъ. да сълѣзетъ нꙑн̑ѣ съ !крста. ꙇ҅ вѣрѫ ꙇ҅мемъ емоу.

оупъва на б҃а. да ꙇ҅збавитъ і нꙑн̑ѣ. аште хоштетъ емоу. Рече бо ѣко бж҃іи сн҃ъ есмь.

тожде же ꙇ҅ разбоꙇ҅ника пропѧтаѣ съ н̑имь. поношаашете емоу.

Ѡтъ шестꙑѩ же годинꙑ. тъма бꙑ!с по всеи земл̑и. до девѧтꙑѩ годинꙑ.

при девѧтѣꙇ же годинѣ. възъпи ис҃ гласомь велиемь гл҃ѧ. *̆ели. ели лемⸯма завахⸯтани. еже естъ бж҃е бж҃е мои въскѫѭ мѧ остави.

етери же отъстоѩштихъ тоу. слꙑшавъше гл҃ахѫ. ѣко ꙇ҅лиѭ зоветъ.

ꙇ҅ абие текъ единъ отъ н̑ихъ. ꙇ҅ приімъ гѫбѫ. наплънь оцьта. ꙇ҅ възньзъ на трьсть напаѣше і.

ꙇ҅ прочиі гл҃ахѫ. остани да видимъ аште придетъ. ꙇ҅лиѣ сп҃стъ его. дроугъꙇ же приꙇ҅мъ копие. прободе емоу ребра. ꙇ҅ изиде вода ꙇ҅ кръвь.

ꙇс҃ же пакꙑ възъпивъ гласомь велиемь. ꙇ҅споусти дх҃ъ.

ꙇ҅ се катапетазма црковънаѣ. раздъра сѧ. съ вꙑшьн̑ѣго краѣ. до нижьн̑ѣаго. на дъвое. ꙇ҅ землѣ потрѧсе сѧ. ꙇ҅ камение распаде сѧ.

ꙇ҅ гроби отвръзошѧ сѧ. ꙇ҅ многа тѣлеса почиваѭштиіхъ ст҃ъꙇхъ въсташѧ.

ꙇ҅ ишьдъше ꙇ҅з гробъ. по въскръсновениі его. вънидошѧ въ ст҃ъꙇ градъ. ꙇ҅ ѣвишѧ сѧ многомъ.

сътьникъ же ꙇ҅ иже бѣахѫ съ н̑имь. стрѣгѫште ис҃а. видѣвъше трѫсъ ꙇ҅ бꙑвъшаа. оубоѣшѧ сѧ гл̑ѭште. въ ꙇ҅стинѫ бж҃іи сн҃ъ сь бѣ. !ко!ц.

Бѣахѫ же тоу женꙑ многꙑ. ꙇ҅здалече зьрѧштѧ. ѩже ꙇ҅дѫ по ꙇс҃ѣ. отъ галилеѩ слоужѧштѧ емоу.

вь н̑ихъ же бѣ мариѣ магъдалꙑн̑и. ꙇ҅ мариѣ ꙇ҅ѣковл̑ѣ. ꙇ҅ осиі мт҃и. ꙇ҅ мт҃и сн҃овоу зеведеовоу.

поздѣ же бꙑвъшю. приде чк҃ъ богатъ. отъ аримат̆еѩ. ꙇ҅менемь ꙇ҅осифъ. ꙇ҅же ꙇ҅ оучи сѧ оу ꙇс҃а.

сь пристѫпь къ пилатоу. проси тѣла ꙇ҅с҃ва. пилатъ же повелѣ тѣло ꙇс҃во дати.

ꙇ҅ приꙇ҅мъ тѣло ꙇ҅осифъ. обитъ е пон̑ѣвицеѭ чистоѭ.

ꙇ҅ положи е въ новѣемь своемь гробѣ. ꙇ҅же ꙇ҅сѣче въ камени. ꙇ҅ възваль. камень на двьри гроба отиде.

Бѣ же тоу мариѣ магъдалꙑн̑и. ꙇ҅ дроугаѣ мариѣ сѣдѧшти прѣмо гробоу.

Въ оутрьни же днь по параскевьђиі. събърашѧ сѧ арⸯхиереи ꙇ҅ фарисеі. къ пилатоу

гл̑ѭште. г҃и помѣнѫхомъ. ѣко льстьць онъ рече. еште живъ сꙑ. по трьхъ дньхъ въстанѫ.

повели оубо оутвръдити гробъ. до третиѣго дьне. еда како пришьдъше оученици ноштиѭ оукрадѫтъ ꙇ. ꙇ҅ рекѫтъ л̑юдемъ въста отъ мрътвъꙇхъ. ꙇ҅ бѫдетъ послѣдьн̑ѣѣ льсть горьши пръвꙑѩ.

Рече же ꙇ҅мъ пилатъ. ꙇ҅мате коустодиѭ. ꙇ҅дѣте оутвръдите ѣкоже вѣсте.

они же шьдъше оутвръдишѧ гробъ. знаменавъше камень съ коустодиеѭ. !ко!ц.