ЕВАНГЕЛИЕ ЕЖЕ Ѿ МАТѲЕꙖ
16:1
ⰺ҅ ⱂⱃⰻⱄⱅⱘⱂⱐⱎⰵ ⱇⰰⱃⰻⱄⱑⰻ. ⰺ҅ ⱄⰰⰴⱆⰽ̑ⰵⰹ. ⰺ҅ⱄⰽⱆⱎⰰⱙⱎⱅⰵ ⰻ. ⱂⱃⱁⱄⰻⱎⱔ ⰸⱀⰰⰿⰵⱀⰻⱑ ⱄⱏ ⱀⰱ҃ⱄⰵ ⱂⱁⰽⰰⰸⰰⱅⰻ ⰺ҅ⰿⱏ.
ꙇ҅ пристѫпьше фарисѣи. ꙇ҅ садоук̑еі. ꙇ҅скоушаѭште и. просишѧ знамениѣ съ нб҃се показати ꙇ҅мъ.
16:2
̆ⱉⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⰲⰵⱍⰵⱃⱏ ⱄⱘⱎⱅⱓ ⰳⰾ҃ⰵⱅⰵ. ⰲⰵⰴⱃⱁ ⱍⱃⱏⰿⱏⱀⱆⰵⱅⱏ ⱄⱔ ⱀⰱ҃ⱁ.
̆ѡнъ же отъвѣштавъ рече ꙇ҅мъ. вечеръ сѫштю гл҃ете. ведро чръмъноуетъ сѧ нб҃о.
16:3
ⰺ҅ ⱓⱅⱃⱁ. ⰴⱐⱀⱐ ⱄⱐ ⰸⰻⰿⱀⱏ. ⱍⱃⱏⰿⱏⱀⱆⰵⱅⱏ ⰱⱁ ⱄⱔ ⰴⱃⱔⱄⰵⰾⱆⱗ ⱀⰱ҃ⱁ. ⰾⰻⱌⰵ ⱆⰱⱁ ⱀ҃ⱄⰻ ⱆⰿⱑⰵⱅⰵ. ⱃⰰⱄⱘⰶⰴⰰ...
ꙇ҅ ютро. дьнь сь зимнъ. чръмъноуетъ бо сѧ дрѧселоуѩ нб҃о. лице оубо н҃си оумѣете. расѫжда...
16:4
Ⱃⱁⰴⱏ ⰸⱏⰾⱏⰹ ⱂⱃⱑⰾ̑ⱓⰱⱁⰴⱑⰻ. ⰸⱀⰰⰿⰵⱀⰻⱑ ⰺ҅ⱎⱅⰵⱅⱏ. ⰺ҅ ⰸⱀⰰⰿⰵⱀⰻⰵ ⱀⰵ ⰴⰰⱄⱅⱏ ⱄⱔ ⰵⰿⱆ. ⱅⱏⰽⱏⰿⱁ ⰸⱀⰰⰿⰵⱀⰻⰵ ⰺⱁⱀⱑ ⱂⱃⱁⱃⱁⰽⱆ. ⰺ҅ ⱁⱄⱅⰰⰲⱐ ⱗ ⱁⱅⰻⰴⰵ.
Родъ зълꙑ прѣл̑юбодѣи. знамениѣ ꙇ҅штетъ. ꙇ҅ знамение не дастъ сѧ емоу. тъкъмо знамение ꙇонѣ пророкоу. ꙇ҅ оставь ѩ отиде.
16:5
Ⰺ ⱂⱃⱑⱎⱐⰴⱏⱎⰵ ⱆⱍⰵⱀⰻⱌⰻ ⱀⰰ ⱁⱀⱏ ⱂⱁⰾⱏ. ⰸⰰⰱⱏⰹⱎⱔ ⱈⰾⱑⰱⱏⰹ ⰲⱐⰸⱔⱅⰻ.
Ꙇ прѣшьдъше оученици на онъ полъ. забꙑшѧ хлѣбꙑ вьзѧти.
16:6
ⰺⱄ҃ ⰶⰵ ⱃⰵⱍⰵ ⰺ҅ⰿⱏ. ⰲⱏⱀⰵⰿⰾ̑ⱑⱅⰵ ⰺ ⰱⰾ̑ⱓⰴⱑⱅⰵ ⱄⱔ. ⱁⱅⱏ ⰽⰲⰰⱄⰰ ⱇⰰⱃⰻⱄⰵⰺ҅ⱄⰽⰰ. ⰺ҅ ⱄⰰⰴⱆⰽ̑ⰵⰺ҅ⱄⰽⰰ.
ꙇс҃ же рече ꙇ҅мъ. вънемл̑ѣте ꙇ бл̑юдѣте сѧ. отъ кваса фарисеꙇ҅ска. ꙇ҅ садоук̑еꙇ҅ска.
16:7
ⱁⱀⰻ ⰶⰵ ⱂⱁⰿⱏⰹⱎⰾ̑ⱑⰰⱈⱘ ⰳⰾ̑ⱙⱎⱅⰵ. ⰽⰰⰽⱁ ⱈⰾⱑⰱⱏ ⱀⰵ ⰲⱏⰸⱔⱈⱁⰿⱏ.
они же помꙑшл̑ѣахѫ гл̑ѭште. како хлѣбъ не възѧхомъ.
16:8
ⱃⰰⰸⱆⰿⱑⰲⱏ ⰶⰵ ⰻⱄ҃ ⱃⰵⱍⰵ. ⱍⱐⱅⱁ ⰿⱏⰹⱄⰾⰻⱅⰵ ⰲⱐ ⱄⰵⰱⱑ ⰿⰰⰾⱁⰲⱑⱃⰻ. ⱑⰽⱁ ⱈⰾⱑⰱⱏ ⱀⰵ ⰲⱏⰸⱔⱄⱅⰵ.
разоумѣвъ же ис҃ рече. чьто мꙑслите вь себѣ маловѣри. ѣко хлѣбъ не възѧсте.
16:9
ⱀⰻ ⰾⰻ ⱃⰰⰸⱆⰿⱑⱄⱅⰵ ⱀⰻ ⱂⱁⰿⱏⰹⱄⰾⰻⱅⰵ. ⰴ҃ ⱈⰾⱑⰱⱏ. ⱂⱔⱅⰻ ⱅⱏⰹⱄⱔⱎⱅⱐ. ⰺ҅ ⰽⱁⰾⰻⰽⱁ ⰽⱁⱎⱐⱀⰻⱌⱐ ⰲⱐⰸⱔⱄⱅⰵ.
ни ли разоумѣсте ни помꙑслите. д҃ хлѣбъ. пѧти тꙑсѧшть. ꙇ҅ колико кошьниць вьзѧсте.
16:10
ⱀⰻ !ⰶ ⱈⰾⱑⰱⱏ. ⱍⰵⱅⱏⰹⱃⰵⰿⱏ ⱅⱏⰹⱄⱔⱎⱅⰰⰿⱏ. ⰺ҅ ⰽⱁⰾⰻⰽⱁ ⰽⱁⱎⱐⱀⰻⱌⱐ ⰲⱐⰸⱔⱄⱅⰵ.
ни !ж хлѣбъ. четꙑремъ тꙑсѧштамъ. ꙇ҅ колико кошьниць вьзѧсте.
16:11
ⰽⰰⰽⱁ ⱀⰵ ⱃⰰⰸⱆⰿⱑⰵⱅⰵ. ⱑⰽⱁ ⱀⰵ ⱁ ⱈⰾⱑⰱⱑⱈⱏ ⰲⰰⰿⱏ ⰲⱏⱀⱏⰿⰰⱅⰻ ⱃⱑⱈⱏ: ⱈⱃⰰⱀⰻⱅⰵ ⰶⰵ ⱄⱔ. ⱁⱅⱏ ⰽⰲⰰⱄⰰ ⱇⰰⱃⰻⱄⰵⰻⱄⰽⰰ ⰺ҅ ⱄⰰⰴⱆⰽ̑ⰵⰺⱄⰽⰰ.
како не разоумѣете. ѣко не о хлѣбѣхъ вамъ вънъмати рѣхъ: храните же сѧ. отъ кваса фарисеиска ꙇ҅ садоук̑еꙇска.
16:12
ⱅⱏⰳⰴⰰ ⱃⰰⰸⱆⰿⱑⱎⱔ ⱑⰽⱁ ⱃⰵⱍⰵ ⱈⱃⰰⱀⰻⱅⰵ ⱄⱔ. ⱀⰵ ⱁⱅ ⰽⰲⰰⱄⰰ ⱈⰾⱑⰱⱏⱀⰰⰰⰳⱁ. ⱀⱏ ⱁⱅⱏ ⱆⱍⰵⱀⰻⱑ ⱇⰰⱃⰻⱄⰵⰻⱄⰽⰰ ⰺ҅ ⱄⰰⰴⱆⰽⰵⰺ҅ⱄⰽⰰ:
тъгда разоумѣшѧ ѣко рече храните сѧ. не от кваса хлѣбънааго. нъ отъ оучениѣ фарисеиска ꙇ҅ садоукеꙇ҅ска:
16:13
Ⱂⱃⰻⱎⱐⰴⱏ ⰶⰵ ⰻⱄ҃. ⰲⱏ ⱄⱅⱃⰰⱀⱘ ⰽ̑ⰵⱄⰰⱃⰻⱗ ⱇⰻⰾⰻⱂⱁⰲⱏⰹ. ⰲⱏⱂⱃⰰⱎⰰⰰⱎⰵ ⱆⱍⰵⱀⰻⰽⱏⰹ ⱄⰲⱁⱗ ⰳⰾ҃ⱔ. ⰽⱁⰳⱁ ⰳⰾ̑ⱙⱅⱏ ⰿⱔ ⱍⱌ҃ⰻ ⱄⱘⱎⱅⰰ. ⱄⱀ҃ⰰ ⱍⱄ҃ⰽⰰⰳⱁ.
Пришьдъ же ис҃. въ странѫ к̑есариѩ филиповꙑ. въпрашааше оученикꙑ своѩ гл҃ѧ. кого гл̑ѭтъ мѧ чц҃и сѫшта. сн҃а чс҃каго.
16:14
ⱉⱀⰻ ⰶⰵ ⱃⱑⱎⱔ ⰵⰿⱆ. ⱁⰲⰻ ⰺ҅ⱁⰰⱀⰰ ⰽⱃⱄⱅⰻⱅⰵⰾ̑ⱑ. ⰺ҅ⱀⰻ ⰶⰵ ⰺ҅ⰾⰻⱙ. ⰴⱃⱆⰸⰻ ⰶⰵ ⰺ҅ⰵⱃⰵⰿⰻⱙ. ⰾⰻ ⰵⰴⰻⱀⱁⰳⱁ ⱁⱅⱏ ⱂⱃⱁⱃⱁⰽⱏ.
ѡни же рѣшѧ емоу. ови ꙇ҅оана крстител̑ѣ. ꙇ҅ни же ꙇ҅лиѭ. дроузи же ꙇ҅еремиѭ. ли единого отъ пророкъ.
16:15
ⰳⰾ҃ⰰ ⰺ҅ⰿⱏ ⰻⱄ҃. ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ.
гл҃а ꙇ҅мъ ис҃. вꙑ же кого мѧ гл҃ете бꙑти.
16:16
ⱁⱅⱏⰲⱑⱎⱅⰰⰲⱐ ⰶⰵ ⱄⰻⰿⱁⱀⱏ ⱂⰵⱅⱃⱏ ⱃⰵⱍⰵ. ⱅⱏⰹ ⰵⱄⰻ ⱈ҃ⱏ ⱄⱀ҃ⱏ ⰱ҃ⰰ ⰶⰻⰲⰰⰳⱁ.
отъвѣштавь же симонъ петръ рече. тꙑ еси х҃ъ сн҃ъ б҃а живаго.
16:17
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰵⰿⱆ. Ⰱⰾⰰⰶⰵⱀⱏ ⰵⱄⰻ ⱄⰻⰿⱁⱀⰵ ⰲⰰⱃⰻⱁⱀⰰ. ⱑⰽⱁ ⱂⰾⱐⱅⱐ ⰺ҅ ⰽⱃⱏⰲⱐ ⱀⰵ ⰰⰲⰻ ⱅⰵⰱⱑ. ⱀⱏ ⱁⱌ҃ⱐ ⰿⱁⰻ ⰺ҅ⰶⱐ ⰵⱄⱅⱏ ⱀⰰ ⱀⰱ҃ⱈⱏ.
ꙇ҅ отъвѣштавъ ис҃ рече емоу. Блаженъ еси симоне вариона. ѣко пльть ꙇ҅ кръвь не ави тебѣ. нъ оц҃ь мои ꙇ҅жь естъ на нб҃хъ.
16:18
Ⰺ҅ ⰰⰸⱏ ⰶⰵ ⱅⰵⰱⱑ ⰳⰾ̑ⱙ. ⱑⰽⱁ ⱅⱏⰹ ⰵⱄⰻ ⱂⰵⱅⱃⱏ. ⰺ҅ ⱀⰰ ⱄⰵⰿⱐ ⰽⰰⰿⰵⱀⰵ. ⱄⱏⰸⰻⰶⰴⱘ ⱌⱃⱏⰽⱁⰲⱐ ⰿⱁⱙ. ⰺ҅ ⰲⱃⰰⱅⰰ ⰰⰴⱁⰲⰰ ⱀⰵ ⱆⰴⰵⰾⱑⱙⱅⱏ ⰵⰻ.
Ꙇ҅ азъ же тебѣ гл̑ѭ. ѣко тꙑ еси петръ. ꙇ҅ на семь камене. съзиждѫ цръковь моѭ. ꙇ҅ врата адова не оуделѣѭтъ еи.
16:19
ⰺ҅ ⰴⰰⰿⱐ ⱅⰵⰱⱑ ⰽⰾⱓⱍⱔ ⱌⱃ҃ⱄⱅⰲⰻⱑ ⱀⰵⰱ҃ⱄⰽⰰⰰⰳⱁ. ⰺ҅ ⰵⰶⰵ ⰰⱎⱅⰵ ⱄⱏⰲⱔⰶⰵⱎⰻ ⱀⰰ ⰸⰵⰿⰾⰻ. ⰱⱘⰴⰵⱅⱏ ⱄⱏⰲⱔⰸⰰⱀⱏ ⱀⰰ ⱀⰵⰱ҃ⱄⱈⱏ. ⰺ҅ ⰵⰶⰵ ⰰⱎⱅⰵ ⱃⰰⰸⰴⱃⱑⱎⰻⱎⰻ ⱀⰰ ⰸⰵⰿⰾⰻ. ⰱⱘⰴⰵⱅⱏ ⱃⰰⰸⰴⱃⱑⱎⰵ ⰱⱁⱅⱘ.
ꙇ҅ дамь тебѣ ключѧ цр҃ствиѣ неб҃скааго. ꙇ҅ еже аште съвѧжеши на земли. бѫдетъ съвѧзанъ на неб҃схъ. ꙇ҅ еже аште раздрѣшиши на земли. бѫдетъ раздрѣше ботѫ.