ЕВАНГЕЛИЕ ЕЖЕ Ѿ МАРЪКА
13:1
Ⰺ҅ ⰻⱄⱈⱁⰴⱔⱎⱅⱓ ⰵⰿⱆ ⱁⱅⱏ ⱌⱃⱏⰽⱏⰲⰵ. ⰳⰾ҃ⰰ ⰵⰿⱆ ⰵⰴⰻⱀⱏ ⱁⱅⱏ ⱆⱍⰵⱀⰻⰽⱏ ⱄⰲⱁⰺ҅ⱈⱏ. ⱆⱍⰻⱅⰵⰾ̑ⱓ. ⰲⰻⰶⰴⱐ. ⰽⰰⰽⱁⰲⱁ ⰽⰰⰿⰵⱀⱐⰵ. ⰺ҅ ⰽⰰⰽⱁⰲⱁ ⰸⱏⰴⰰⱀⰻⰵ.
Ꙇ҅ исходѧштю емоу отъ цръкъве. гл҃а емоу единъ отъ оученикъ своꙇ҅хъ. оучител̑ю. виждь. каково каменье. ꙇ҅ каково зъдание.
13:2
ⰺⱄ҃ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⰲⰻⰴⰻⱎⰻ ⰾⰻ ⰲⰵⰾⰻⰽⰰⱑ ⱄⰻ ⰸⱏⰴⰰⱀⰻⱑ. ⱀⰵ ⰺ҅ⰿⰰⱅⱏ ⱁⱄⱅⰰⱅⰻ ⱄⱐⰴⰵ ⰽⰰⰿⰵⱀⱐ ⱀⰰ ⰽⰰⰿⰵⱀⰵ. ⰺ҅ⰶⰵ ⱀⰵ ⰺ҅ⰿⰰⱅⱏ ⱃⰰⰸⱁⱃⰻⱅⰻ ⱄⱔ.
ꙇс҃ же отъвѣштавъ рече емоу. видиши ли великаѣ си зъданиѣ. не ꙇ҅матъ остати сьде камень на камене. ꙇ҅же не ꙇ҅матъ разорити сѧ.
13:3
Ⰺ҅ ⱄⱑⰴⱔⱎⱅⱓ ⰵⰿⱆ ⱀⰰ ⰳⱁⱃⱑ ⰵⰾⰵⱁⱀⱄⱌⱑ. ⱂⱃⱑⰿⱁ ⱌⱃ҃ⰽⰲⰻ. ⰲⱏⱂⱃⰰⱎⰰⰰⱈⱘ ⰹ ⰵⰴⰻⱀⱁⰳⱁ. ⱂⰵⱅⱃⱏ. ⰺ҅ ⱑⰽⱁⰲⱏ. ⰺ҅ ⱁⰰⱀⱀⱏ. ⰺ҅ ⰰⱀⸯⰴⱃⱑⰰ.
Ꙇ҅ сѣдѧштю емоу на горѣ елеонсцѣ. прѣмо цр҃кви. въпрашаахѫ і единого. петръ. ꙇ҅ ѣковъ. ꙇ҅ оаннъ. ꙇ҅ анⸯдрѣа.
13:4
ⱃⱐⱌⰻ ⱀⰰⰿⱏ ⰽⱁⰳⰴⰰ ⱄⰵ ⰱⱘⰴⰵⱅⱏ. ⰺ҅ ⰽⱁⰵ ⰱⱘⰴⰵⱅⱏ ⰸⱀⰰⰿⰵⱀⱐⰵ. ⰵⰳⰴⰰ ⰺ҅ⰿⱘⱅⱏ ⱄⱏⰽⱁⱀⱐⱍⰰⱅⰻ ⱄⱔ ⰲⱐⱄⱑ ⱄⰻ.
рьци намъ когда се бѫдетъ. ꙇ҅ кое бѫдетъ знаменье. егда ꙇ҅мѫтъ съконьчати сѧ вьсѣ си.
13:5
ⰺ҅ⱄ҃ ⰶⰵ ⱁⱅⱏⰲⱑⱎⱅⰰⰲⱏ. ⱀⰰⱍⱔⱅⱏ ⰳⰾ҃ⰰⱅⰻ ⰺ҅ⰿⱏ. ⰱⰾ̑ⱓⰴⱑⱅⰵ ⱄⱔ. ⰴⰰ ⱀⰵ ⰽⱏⱅⱁ ⰲⰰⱄⱏ ⱂⱃⱑⰾⱐⱄⱅⰻⱅⱏ.
ꙇ҅с҃ же отъвѣштавъ. начѧтъ гл҃ати ꙇ҅мъ. бл̑юдѣте сѧ. да не къто васъ прѣльститъ.
13:6
ⰿⱀⱁⰸⰻ ⰱⱁ ⱂⱃⰻⰴⱘⱅⱏ ⰲⱏ ⰿⱁⰵ ⰺ҅ⰿⱔ ⰳⰾ̑ⱙⱎⱅⰵ. ⱑⰽⱁ ⰰⰸⱏ ⰵⱄⰿⱐ. ⰺ҅ ⰿⱀⱁⰳⱏⰹ ⱂⱃⱑⰾⱐⱄⱅⱔⱅⱏ.
мнози бо придѫтъ въ мое ꙇ҅мѧ гл̑ѭште. ѣко азъ есмь. ꙇ҅ многꙑ прѣльстѧтъ.
13:7
ⰵⰳⰴⰰ ⰶⰵ ⱆⱄⰾⱏⰹⱎⰻⱅⰵ ⰱⱃⰰⱀⰻ. ⰺ҅ ⱄⰾⱆⱈⱏⰹ ⰱⱃⰰⱀⰻⰹ. ⱀⰵ ⱆⰶⰰⱄⰰⰺ҅ⱅⰵ ⱄⱔ. ⱂⱁⰴⱁⰱⰰⰵⱅⱏ ⰱⱁ ⰱⱏⰹⱅⰻ. ⱀⱏ ⱀⰵ ⱆ ⰽⱁⱀⱐⱍⰻⱀⰰ.
егда же оуслꙑшите брани. ꙇ҅ слоухꙑ браниі. не оужасаꙇ҅те сѧ. подобаетъ бо бꙑти. нъ не оу коньчина.
13:8
ⰲⱏⱄⱅⰰⱀⰵⱅⱏ ⰱⱁ ⱗⰸⱏⰹⰽⱏ. ⱀⰰ ⱗⰸⱏⰹⰽⰰ. ⰺ҅ ⱌⱃ҃ⱄⱁ ⱀⰰ ⱌⱃ҃ⱄⱁ. ⰺ҅ ⰱⱘⰴⱘⱅⱏ ⱅⱃⱘⱄⰻ ⱂⱁ ⰿⱑⱄⱅⰰ. ⰺ҅ ⰱⱘⰴⱘⱅⱏ ⰳⰾⰰⰴⰻ ⰺ҅ ⰿⱔⱅⰵⰶⰻ.
въстанетъ бо ѩзꙑкъ. на ѩзꙑка. ꙇ҅ цр҃со на цр҃со. ꙇ҅ бѫдѫтъ трѫси по мѣста. ꙇ҅ бѫдѫтъ глади ꙇ҅ мѧтежи.
13:9
ⱀⰰⱍⱔⰾⱁ ⰱⱁⰾⱑⰸⱀⱐⰿⱏ ⱄⰻ. Ⰱⰾ̑ⱓⰴⱑⱅⰵ ⰶⰵ ⰲⱏⰹ ⱄⱔ ⱄⰰⰿⰻ. ⱂⱃⱑⰴⰰⰴⱔⱅⱏ ⰱⱁ ⰲⱏⰹ ⰲⱏ ⱄⱏⱀⱔⱅⰻⱑ. ⰺ҅ ⱀⰰ ⱄⱏⱀⱏⰿⰻⱎⱅⰻⱈⱏ ⰱⱐⰵⱀⰻ ⰱⱘⰴⰵⱅⰵ. ⰺ҅ ⱂⱃⱑⰴⱏ ⰲⱁⰵⰲⱁⰴⰰⰿⰻ. ⰺ҅ !ⱌⱃⰻ ⱄⱅⰰⱀⰵⱅⰵ ⰿⰵⱀⰵ ⱃⰰⰴⰻ. ⰲⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰺ҅ⰿⱏ.
начѧло болѣзньмъ си. Бл̑юдѣте же вꙑ сѧ сами. прѣдадѧтъ бо вꙑ въ сънѧтиѣ. ꙇ҅ на сънъмиштихъ бьени бѫдете. ꙇ҅ прѣдъ воеводами. ꙇ҅ !цри станете мене ради. въ съвѣдѣтел̑ьство ꙇ҅мъ.
13:10
Ⰺ҅ ⰲⱏ ⰲⱐⱄⱑⱈⱏ ⱗⰸⱏⰹⱌⱑⱈⱏ. ⱂⱁⰴⱁⰱⰰⰵⱅⱏ ⱂⱃⱑⰶⰴⰵ ⱂⱃⱁⱂⱁⰲⱑⰴⰰⱅⰻ ⱄⱔ !̆ⰵⰲⰰⰼⰾⰻⱓ.
Ꙇ҅ въ вьсѣхъ ѩзꙑцѣхъ. подобаетъ прѣжде проповѣдати сѧ !̆евађлию.
13:11
*̆ⰵⰳⰴⰰ ⰶⰵ ⰲⱁⰴⱔⱅⱏ ⰹ ⱂⱃⱑⰴⰰⱙⱎⱅⰵ. ⱀⰵ ⱂⱐⱌⱑⱅⰵ ⱄⱔ ⱂⱃⱑⰶⰴⰵ ⱍⱐⱅⱁ ⰲⱏⰸⰳⰾⰰⰳⱁⰾ̑ⰵⱅⰵ. ⱀⰻ ⱂⱁⱆⱍⰰⰺ҅ⱅⰵ ⱄⱔ. ⱀⱏ ⰵⰶⰵ ⰰⱎⱅⰵ ⰴⰰⱄⱅⱏ ⱄⱔ ⰲⰰⰿⱏ ⰲⱏ ⱅⱏ ⱍⰰⱄⱏ. ⱅⱁ ⰳⰾ̑ⰻⱅⰵ. ⱀⰵ ⰲⱏⰹ ⰱⱁ ⰱⱘⰴⰵⱅⰵ ⰳⰾ̑ⱙⱎⱅⰵⰻ. ⱀⱏ ⰴⱈ҃ⱏ ⱄⱅ҃ⱏⰺ.
*̆егда же водѧтъ і прѣдаѭште. не пьцѣте сѧ прѣжде чьто възглагол̑ете. ни пооучаꙇ҅те сѧ. нъ еже аште дастъ сѧ вамъ въ тъ часъ. то гл̑ите. не вꙑ бо бѫдете гл̑ѭштеи. нъ дх҃ъ ст҃ъꙇ.
13:12
ⱂⱃⱑⰴⰰⱄⱅⱏ ⰶⰵ ⰱⱃⰰⱅⱏ ⰱⱃⰰⱅⱃⰰ ⱀⰰ ⱄⱏⰿⱃⱏⱅⱐ. ⰺ҅ ⱁⱌ҃ⱐ ⱍⱔⰴⱁ. ⰺ҅ ⰲⱏⱄⱅⰰⱀⱘⱅⱏ ⱍⱔⰴⰰ ⱀⰰ ⱃⱁⰴⰻⱅⰵⰾ̑ⱔ. ⰺ҅ ⱆⰱⰻⱙⱅⱏ ⱗ.
прѣдастъ же братъ братра на съмръть. ꙇ҅ оц҃ь чѧдо. ꙇ҅ въстанѫтъ чѧда на родител̑ѧ. ꙇ҅ оубиѭтъ ѩ.
13:13
ⰺ҅ ⰱⱘⰴⰵⱅⰵ ⱀⰵⱀⰰⰲⰻⰴⰻⰿⰻ ⰲⸯⱄⱑⰿⰻ ⰺ҅ⰿⰵⱀⰵ ⰿⱁⰵⰳⱁ ⱃⰰⰴⰻ. ⱂⱃⱑⱅⱃⱏⱂⱑⰲⱏⰹ ⰶⰵ ⰴⱁ ⰽⱁⱀⱐⱌⰰ ⱄⱂ҃ⰵⱀⱏ ⰱⱘⰴⰵⱅⱏ.
ꙇ҅ бѫдете ненавидими вⸯсѣми ꙇ҅мене моего ради. прѣтръпѣвꙑ же до коньца сп҃енъ бѫдетъ.
13:14
*̆ⰵⰳⰴⰰ ⰶⰵ ⱆⰸⱐⱃⰻⱅⰵ ⰿⱃⱐⰸⱁⱄⱅⱐ ⰸⰰⱂⱆⱄⱅⱑⱀⱐⱑ. ⱃⰵⱍⰵⱀⱘⱙ ⰴⰰⱀⰻⰾⱁⰿⱐ ⱂⱃⱁⱃⱁⰽⱁⰿⱐ. ⱄⱅⱁⱗⱎⱅⱘ ⰺ҅ⰴⰵⰶⰵ ⱀⰵ ⱂⱁⰴⱁⰱⰰⰵⱅⱏ. Ⱍⱐⱅⱏⰹ ⰴⰰ ⱃⰰⰸⱆⰿⱑⰵⱅⱏ. ⱅⱏⰳⰴⰰ ⰺ҅ⰶⰵ ⰱⱘⰴⱘⱅⱏ ⰲⱏ ⰺⱓⰴⰵⰹ. ⰴⰰ ⰱⱑⰳⰰⱙⱅⱏ ⱀⰰ ⰳⱁⱃⱏⰹ.
*̆егда же оузьрите мрьзость запоустѣньѣ. реченѫѭ даниломь пророкомь. стоѩштѫ ꙇ҅деже не подобаетъ. Чьтꙑ да разоумѣетъ. тъгда ꙇ҅же бѫдѫтъ въ ꙇюдеі. да бѣгаѭтъ на горꙑ.
13:15
ⰺ҅ ⰻⰶⰵ ⱀⰰ ⰽⱃⱁⰲⱑ. ⰴⰰ ⱀⰵ ⱄⱏⰾⰰⰸⱔⱅⱏ ⰲⱏ ⰴⱁⰿⱏ. ⱀⰻ ⰴⰰ ⰲⱐⱀⰻⰴⰵⱅⱏ ⰲⱐⰸⱔⱅⱏ ⱍⰵⱄⱁ ⱁⱅⱏ ⰴⱁⰿⱆ ⱄⰲⱁⰵⰳⱁ.
ꙇ҅ иже на кровѣ. да не сълазѧтъ въ домъ. ни да вьнидетъ вьзѧтъ чесо отъ домоу своего.
13:16
ⰺ҅ ⱄⱔⰹ ⱀⰰ ⱄⰵⰾⱑ. ⰴⰰ ⱀⰵ ⰲⱏⰸⰲⱃⰰⱅⰻⱅⱏ ⱄⱔ ⰲⱐⱄⱂⱔⱅⱐ ⰲⱐⰸⱔⱅⰻ ⱃⰻⰸⱏ ⱄⰲⱁⰺ҅ⱈⱏ.
ꙇ҅ сꙙі на селѣ. да не възвратитъ сѧ вьспѧть вьзѧти ризъ своꙇ҅хъ.
13:17
Ⰳⱁⱃⰵ ⰶⰵ ⱀⰵⱂⱃⰰⰸⰴⱏⱀⱏⰺⰿⱏ ⰺ҅ ⰴⱁⱗⱎⱅⰻⰹⰿⱏ ⰲⱏ ⱅⱏⰹ ⰴⱀⰻ.
Горе же непраздънъꙇмъ ꙇ҅ доѩштиімъ въ тꙑ дни.
13:18
ⰿⱁⰾⰻⱅⰵ. ⰶⰵ ⱄⱔ ⰴⰰ ⱀⰵ ⰱⱘⰴⰵⱅⱏ ⰱⱑⱄⱅⰲⱁ ⰲⰰⱎⰵ ⰸⰻⰿⱑ.
молите. же сѧ да не бѫдетъ бѣство ваше зимѣ.
13:19
Ⰱⱘⰴⱘⱅⱏ ⰱⱁ ⰴⱐⱀⱐⰵ ⱅⰻ ⱄⰽⱃⱏⰱⱐⱀⰻ. ⱑⰽⱁ ⱀⰵ ⰱⱏⰹⱄⱅⱏ ⱅⰰⰽⱁ ⱁⱅⱏ ⱀⰰⱍⱔⰾⰰ ⰸⱏⰴⰰⱀⰻⱓ. ⰵⰶⰵ ⱄⱏⰸⱏⰴⰰ ⰱ҃ⱏ ⰴⱁ ⱀⱏⰹⱀⱑ. ⰺ҅ ⱀⰵ ⰱⱘⰴⰵⱅⱏ.
Бѫдѫтъ бо дьнье ти скръбьни. ѣко не бꙑстъ тако отъ начѧла зъданию. еже съзъда б҃ъ до нꙑнѣ. ꙇ҅ не бѫдетъ.
13:20
Ⰺ҅ ⰰⱎⱅⰵ ⱀⰵ ⰱⰻ ⰳ҃ⱐ ⱂⱃⱑⰽⱃⰰⱅⰻⰾⱏ ⰴⱐⱀⰻⰹ. ⱀⰵ ⰱⰻ ⰱⱏⰹⰾⰰ ⱄⱂ҃ⰵⱀⰰ ⰲⱄⱑⰽⰰ ⱂⰾⱏⱅⱐ. ⱀⱏ ⰺ҅ⰸⰱⱏⱃⰰⱀⱏⰺⱈⱏ ⱃⰰⰴⰻ ⱗⰶⰵ ⰺ҅ⰸⰱⱏⱃⰰ. ⱂⱃⱑⰽⱃⰰⱅⰻⱅⱏ ⰴⱐⱀⰻ.
Ꙇ҅ аште не би г҃ь прѣкратилъ дьниі. не би бꙑла сп҃ена всѣка плъть. нъ ꙇ҅збъранъꙇхъ ради ѩже ꙇ҅збъра. прѣкратитъ дьни.
13:21
Ⰺ҅ ⰰⱎⱅⰵ ⰽⱏⱅⱁ ⱅⱏⰳⰴⰰ ⱃⰵⱍⰵⱅⱏ ⰲⰰⰿⱏ. ⱄⱐⰴⰵ ⱈ҃ⱏ. ⱄⰵ ⱁⰲⱐⰴⰵ. ⱀⰵ ⰺ҅ⰿⱑⱅⰵ ⰲⱑⱃⱏⰹ.
Ꙇ҅ аште къто тъгда речетъ вамъ. сьде х҃ъ. се овьде. не ꙇ҅мѣте вѣрꙑ.
13:22
Ⰲⱏⱄⱅⰰⱀⱘⱅⱏ ⰱⱁ ⰾⱏⰶⰻⰹ ⱈⱃⱐⱄⱅⰻ. ⰺ҅ ⰾⱏⰶⰻⰹ !ⱂⱃⱁ!ⱃⱌⰻ. ⰺ҅ ⰴⰰⰴⱔⱅⱏ ⰸⱀⰰⰿⰵⱀⱐⱑ ⰺ҅ ⱍⱓⰴⰵⱄⰰ. ⰴⰰ ⱂⱃⱑⰾⱐⱄⱅⱔⱅⱏ ⰰⱎⱅⰵ ⰲⱏⰸⰿⱁⰳⱘⱅⱏ ⰺ҅ⰸⰱⱏⱃⰰⱀⱏⰹⱗ.
Въстанѫтъ бо лъжиі хрьсти. ꙇ҅ лъжиі !про!рци. ꙇ҅ дадѧтъ знаменьѣ ꙇ҅ чюдеса. да прѣльстѧтъ аште възмогѫтъ ꙇ҅збъранꙑѩ.
13:23
ⰲⱏⰹ ⰶⰵ ⰱⰾ̑ⱓⰴⱑⱅⰵ ⱄⱔ. Ⱄⰵ ⱂⱃⱑⰶⰴⰵ ⱃⱑⱈⱏ ⰲⰰⰿⱏ ⰲⱄⱑ.
вꙑ же бл̑юдѣте сѧ. Се прѣжде рѣхъ вамъ всѣ.
13:24
ⱀⱏ ⰲⱏ ⱅⱏⰹ ⰴⱐⱀⰻ ⱂⱁ ⱄⰽⱃⱏⰱⰻ ⱅⱁⰹ. ⱄⰾⱏⱀⱐⱌⰵ ⱂⱁⰿⱃⰰⱍⰻⱅⱏ ⱄⱔ. ⰺ҅ ⰾⱆⱀⰰ ⱀⰵ ⰴⰰⱄⱅⱏ ⱄⰲⱑⱅⰰ ⱄⰲⱁⰵⰳⱁ.
нъ въ тꙑ дьни по скръби тоі. слъньце помрачитъ сѧ. ꙇ҅ лоуна не дастъ свѣта своего.
13:25
ⰺ҅ ⰷⰲⱑⰸⰴⱏⰹ ⱀⰰⱍⱐⱀⱘⱅⱏ ⱄⱏ ⱀⰵⰱ҃ⱄⰵ ⱂⰰⰴⰰⱅⰻ. ⰺ҅ ⱄⰻⰾⱏⰹ ⱗⰶⰵ ⱄⱘⱅⱏ ⱀⰰ ⱀⰱ҃ⱈⱏ. ⱂⱁⰴⰲⰻⰶⱔⱅⱏ ⱄⱔ.
ꙇ҅ ѕвѣздꙑ начьнѫтъ съ неб҃се падати. ꙇ҅ силꙑ ѩже сѫтъ на нб҃хъ. подвижѧтъ сѧ.
13:26
Ⰺ҅ ⱅⱏⰳⰴⰰ ⱆⰸⱐⱃⰻⱅⰵ ⱄⱀ҃ⰰ ⱍⱄ҃ⰽⰰⰵⰳⱁ ⰳⱃⱔⰴⱘⱎⱅⰰ ⱀⰰ ⱁⰱⰾⰰⱌⱑⱈⱏ ⱄⱏ ⱄⰻⰾⱁⱙ ⰿⱀⱁⰳⱁⱙ ⰺ҅ ⱄⰾⰰⰲⱁⱙ.
Ꙇ҅ тъгда оузьрите сн҃а чс҃каего грѧдѫшта на облацѣхъ съ силоѭ многоѭ ꙇ҅ славоѭ.
13:27
ⰺ҅ ⱅⱏⰳⰴⰰ ⱂⱁⱄⱏⰾ̑ⰵⱅⱏ ⰰⰼ҃ⰾⱏⰹ ⱄⰲⱁⱗ. ⰺ҅ ⱄⱏⰱⰵⱃⰵⱅⱏ ⰺ҅ⰸⰱⱏⱃⰰⱀⱏⰹⱗ ⱄⰲⱁⱗ. ⱁⱅⱏ ⱍⰵⱅⱏⰹⱃⱏ ⰲⱑⱅⱃⱏ. ⱁⱅⱏ ⰽⱁⱀⸯⱌⰰ ⰸⰵⰿⰾ̑ⱔ. ⰴⱁ ⰽⱁⱀⱐⱌⰰ ⱀⰵⰱ҃ⱄⰻ.
ꙇ҅ тъгда посъл̑етъ ађ҃лꙑ своѩ. ꙇ҅ съберетъ ꙇ҅збъранꙑѩ своѩ. отъ четꙑръ вѣтръ. отъ конⸯца земл̑ѧ. до коньца неб҃си.
13:28
ⱁⱅⱏ ⱄⰿⱁⰽⱁⰲⱐⱀⰻⱌⱔ ⰶⰵ ⱀⰰⰲⱏⰹⰽⱀⱑⱅⰵ ⱂⱃⰻⱅⱏⱍⰻ. ⰵⰳⰴⰰ ⱆⰶⰵ ⰲⱑⱅⰲⱐ ⰵⱗ ⰱⱘⰴⰵⱅⱏ ⰿⰾⰰⰴⰰ. ⰺ҅ ⱂⱃⱁⰸⱔⰱⱀⰵⱅⱏ ⰾⰻⱄⱅⰲⱐⰵ. ⰲⱑⰴⰻⱅⰵ ⱑⰽⱁ ⰱⰾⰻⰸⱏ ⰵⱄⱅⱏ ⰶⱔⱅⰲⰰ.
отъ смоковьницѧ же навꙑкнѣте притъчи. егда оуже вѣтвь еѩ бѫдетъ млада. ꙇ҅ прозѧбнетъ листвье. вѣдите ѣко близъ естъ жѧтва.
13:29
ⱅⰰⰽⱁ ⰺ҅ ⰲⱏⰹ ⰵⰳⰴⰰ ⱆⰸⱐⱃⰻⱅⰵ ⱄⰻ ⰱⱏⰹⰲⰰⱙⱎⱅⰰⰰ. ⰲⱑⰴⰻⱅⰵ ⱑⰽⱁ ⰱⰾⰻⰸⱏ ⰵⱄⱅⱏ ⱂⱃⰻ ⰴⰲⱐⱃⰵⱈⱏ.
тако ꙇ҅ вꙑ егда оузьрите си бꙑваѭштаа. вѣдите ѣко близъ естъ при двьрехъ.
13:30
ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱑⰽⱁ ⱀⰵ ⰺ҅ⰿⰰⱅⱏ ⱂⱃⱑⰺ҅ⱅⰻ ⱃⱁⰴⱁⱄⱐ. ⰴⱁⰺⰴⰵⰶⰵ ⰲⱐⱄⱑ ⱄⰻ ⰱⱘⰴⱘⱅⱏ.
аминь гл̑ѭ вамъ. ѣко не ꙇ҅матъ прѣꙇ҅ти родось. доꙇдеже вьсѣ си бѫдѫтъ.
13:31
ⱀⰵⰱⱁ ⰺ҅ ⰸⰵⰿⰾ̑ⱑ ⱂⱃⱑⰺ҅ⰴⰵⱅⱏ. ⰰ ⰿⱁⱑ ⱄⰾⱁⰲⰵⱄⰰ ⱀⰵ ⱂⱃⱑⰺ҅ⰴⱘⱅⱏ.
небо ꙇ҅ земл̑ѣ прѣꙇ҅детъ. а моѣ словеса не прѣꙇ҅дѫтъ.
13:32
*̆ⰰ !ⱁ ⰴⱐⱀⰻ ⱅⱁⰿⱐ ⰺ҅ ⱁ ⱍⰰⱄⱑ. ⱀⰻⰽⱏⱅⱁⰶⰵ ⱀⰵ ⰲⱑⱄⱅⱏ. ⱀⰻ ⰰⰼ҃ⰾⰻ ⰺ҅ⰶⰵ ⱄⱘⱅⱏ ⱀⰰ !ⱀⰱⱄⰵⱈⱏ. ⱀⰻ ⱄⱀ҃ⱏ. ⱅⱏⰽⱏⰿⱁ !ⱁⱌⱐ ⰵⰴⰻⱀⱏ.
*̆а !о дьни томь ꙇ҅ о часѣ. никътоже не вѣстъ. ни ађ҃ли ꙇ҅же сѫтъ на !нбсехъ. ни сн҃ъ. тъкъмо !оць единъ.
13:33
Ⰱⰾ̑ⱓⰴⱑⱅⰵ ⱄⱔ. ⰱⱐⰴⰻⱅⰵ. ⰺ҅ ⰿⱁⰾⰻⱅⰵ ⱄⱔ. ⱀⰵ ⰲⱑⱄⱅⰵ ⰱⱁ ⰽⱏⰳⰴⰰ ⰲⱃⱑⰿⱔ ⰱⱘⰴⰵⱅⱏ.
Бл̑юдѣте сѧ. бьдите. ꙇ҅ молите сѧ. не вѣсте бо къгда врѣмѧ бѫдетъ.
13:34
ⱑⰽⱁⰶⰵ ⱍⰽ҃ⱏ ⱁⱈⱁⰴⱔ. ⱁⱄⱅⰰⰲⰻ ⰴⱁⰿⱏ ⱄⰲⱁⰹ. ⰺ҅ ⰴⰰⰲⱏ ⱃⰰⰱⱁⰿⱏ ⱄⰲⱁⰺⰿⱏ ⰲⰾⰰⱄⱅⱐ. ⰺ҅ ⰽⱁⰿⱆⰶⱐⰴⱁ ⰴⱑⰾⱁ ⱄⰲⱁⰵ. ⰺ҅ ⰲⱃⰰⱅⱐⱀⰻⰽⱆ ⱂⱁⰲⰵⰾⱑ ⰴⰰ ⰱⱐⰴⰻⱅⱏ.
ѣкоже чк҃ъ оходѧ. остави домъ своі. ꙇ҅ давъ рабомъ своꙇмъ власть. ꙇ҅ комоужьдо дѣло свое. ꙇ҅ вратьникоу повелѣ да бьдитъ.
13:35
ⰱⱐⰴⰻⱅⰵ ⱆⰱⱁ. ⱀⰵ ⰲⱑⱄⱅⰵ ⰱⱁ ⰽⱏⰳⰴⰰ ⰳ҃ⱐ ⰴⱁⰿⱆ ⱂⱃⰻⰴⰵⱅⱏ. ⰲⰵⱍⰵⱃⱏ ⰾⰻ. ⰾⰻ ⱂⱁⰾⱆ ⱀⱁⱎⱅⰻ. ⰾⰻ ⰲⱏ ⰽⱆⱃⱁⰳⰾⰰⱎⰵⱀⱐⰵ. ⰾⰻ ⱆⱅⱃⱁ.
бьдите оубо. не вѣсте бо къгда г҃ь домоу придетъ. вечеръ ли. ли полоу ношти. ли въ коуроглашенье. ли оутро.
13:36
ⰴⰰ ⱀⰵ ⱂⱃⰻⱎⱐⰴⱏ ⰲⱏⱀⰵⰸⰰⱑⱂⱘ ⱁⰱⱃⱔⱎⱅⰵⱅⱏ ⰲⱏⰹ ⱄⱏⱂⱔⱎⱅⱔ.
да не пришьдъ вънезаѣпѫ обрѧштетъ вꙑ съпѧштѧ.
13:37
ⰰ ⰵⰶⰵ ⰲⰰⰿⱏ ⰳⰾ҃ⱙ. ⰲⱐⱄⱑⰿⱏ ⰳⰾ̑ⱙ ⰱⱐⰴⰻⱅⰵ.
а еже вамъ гл҃ѭ. вьсѣмъ гл̑ѭ бьдите.