Ꙇ҅ егда приближи сѧ въ ил҃мъ. въ витⸯађиѭ. ꙇ҅ вифаниѭ. къ горѣ елеоньсцѣ. посъла дъва отъ оученикъ своꙇ҅хъ.

ꙇ҅ гл҃а ꙇ҅ма. ꙇ҅дѣта въ вьсь ѣже естъ прѣмо вама. ꙇ҅ абье въходѧшта вь н̑ѭ. обрѧштета жрѣбьць привѧзанъ. на н̑емьже нѣстъ не оу никтоже отъ чк҃ъ вьсѣлъ. отрѣшⸯша і приведѣта.

ꙇ҅ аште вама къто речетъ чьто се дѣета. рьцѣта ѣко г҃ь трѣбоуетъ. Ꙇ҅ ꙇ҅ абье пакꙑ посъл̑етъ і сѣмо.

ꙇ҅досте же ꙇ҅ обрѣтосте жрѣбьць привѧзанъ. при двьрехъ. вьнѣ на распѫтиі. ꙇ҅ отрѣшаашете і.

ꙇ҅ етери отъ стоѩштиіхъ тоу. гл҃аахѫ ꙇ҅ма. чьто дѣ̆ета отрѣшаѭшта жрѣбьць.

она же рѣста ꙇ҅мъ. ѣкоже заповѣдѣ ис҃. ꙇ҅ оставишѧ ѣ.

ꙇ҅ приведоста жрѣбьць. къ ꙇ҅с҃ви. ꙇ҅ възложишѧ на н̑ь ризꙑ своѩ. ꙇ҅ вьсѣде на н̑е.

мнози же ризꙑ своѩ постилаахѫ по пѫти. а дроузиі вѣꙇ҅е рѣзаахѫ отъ дрѣвъ. ꙇ҅ постилаахѫ по пѫти.

ꙇ҅ прѣдьходѧштеі. ꙇ҅ въ слѣдъ ходѧштеі. въпь̆ѣхѫ гл̑ѭште. осанⸯна бг҃внъ грѧдꙙи въ ꙇ҅мѧ гн҃е.

!бгсвно грѧдѫштее цр҃сье. въ ꙇмѧ г҃и оц҃а нашего да҃да. *̆ѡсан̑на въ вꙑшьніихъ.

Ꙇ҅ въниде въ !ілмъ ис҃. ꙇ҅ въ цръкъвь. ꙇ҅ съглѧда вьсѧ. поздѣ же сѫштю часоу. ꙇ҅зиде въ витⸯаниѭ. съ обѣма на десѧте

въ оутрьн̑иі. ꙇ҅ ишьдъшемъ ꙇ҅мъ отъ витаниѩ. възлака.

ꙇ҅ видѣ смоковьницѫ ꙇ҅здалече. ꙇ҅мѫштѫ листвие. приде аште оубо обрѧштетъ чьто на н̑еі. ꙇ҅ пришьдъ къ н̑еі. ничьсоже не обрѣте на н̑еи. тъкъмо листвье. не оу бо бѣ врѣмѧ смокъвамъ.

ꙇ҅ отъвѣштавъ ис҃ рече еі. къ томоу отъ тебе въ вѣкъ. никътоже плода сънѣждь. слꙑшаахѫ же оученици его.

ꙇ҅ придошѧ пакꙑ въ ꙇл҃мъ. ꙇ҅ въшьдъ ис҃ въ цръкъвь. начѧтъ ꙇ҅згонити. продаѭштѧѩ ꙇ҅ коупоуѭштѧѩ въ цръкъве. ꙇ҅ дъскꙑ тръжьникъ. ꙇ҅ сѣдала продаѭштиіхъ голѫби. ꙇ҅спровръже.

ꙇ҅ не дадѣаше никомоуже мимонести. съсѫдъ сквозѣ цръковь.

ꙇ҅ оучааше гл҃ѧ ꙇ҅мъ. нѣстъ ли псано. ѣко храмъ моі храмъ молитвѣ наречетъ сѧ. всѣмъ ѩзꙑкомъ. вꙑ же сътвористе и. врътъпъ разбоꙇникомъ.

ꙇ҅ слꙑшашѧ кънижьници. ꙇ҅ арⸯхиереи. ꙇ҅ искаахѫ како і бѫ погоубили. боѣхѫ бо сѧ его. ѣко вьсь народъ дивл̑ѣахѫ сѧ о оучениі его.

ꙇ҅ ѣко поздѣ бꙑстъ. ꙇ҅схождааше вънъ. ꙇ҅з града.

ꙇ҅ мимоходѧште оутро. видѣшѧ смоковьницѫ оусохъшѫ ꙇ҅с корене. ꙇ҅ въспомѣнѫвъ петръ гл҃а емоу. равⸯви. виждь смоковьница ѭже проклѧтъ оусъше.

ꙇ҅ отъвѣштавъ ис҃. гл҃а емоу. ꙇ҅мѣꙇ҅те вѣрѫ бж҃ьѭ.

аминь. гл҃ѭ вамъ. ѣко ꙇ҅же аште речетъ горѣ сеи. двигни сѧ ꙇ҅ връзи сѧ въ море. ꙇ҅ не оусѫмьнитъ сѧ въ сръдьци своемь нъ вѣрѫ емл̑етъ. ѣкоже гл̑етъ. бꙑваетъ. бѫдетъ емоу еже аште речетъ.

Сего ради гл҃ѭ вамъ. вьсѣ елико аште молѧште сѧ просите. вѣроуꙇ҅те ѣко приемл̑ете. ꙇ҅ бѫдетъ вамъ.

ꙇ҅ егда стоꙇте молѧште сѧ. отъпоуштаꙇ҅те. аште чьто ꙇ҅мате на кого. да ꙇ҅ оц҃ь вашь неб҃скъꙇ. отъпоуститъ вамъ. прѣгрѣшениѣ ваша.

аште ли вꙑ не отъпоустите. ни оц҃ь вашь неб҃скъꙇ. отъпоуститъ прѣгрѣшеньі вашихъ.

Ꙇ҅ придошѧ пакꙑ въ ꙇл҃мъ. Ꙇ҅ въ цръкъве сѫштю моу. придошѧ къ н̑емоу арⸯхиереі ꙇ҅ кънижьници. ꙇ҅ старⸯци.

ꙇ҅ гл҃ашѧ емоу. коеѭ областиѭ се твориши. ли къто ти дастъ область сиѭ. да сице твориши.

ис҃ же отъвѣштавъ рече ꙇ҅мъ. въпрошѫ ꙇ҅ азъ вꙑ единого словесе. отъвѣштаꙇ҅те ми. ꙇ҅ рекѫ вамъ коеѭ областиѭ се твор̑ѭ.

крьштение ꙇ҅оаново. отъкѫдоу бѣ. съ !нбесе ли ꙇ҅ли отъ чк҃ъ. отъвѣштаꙇ҅те ми.

ꙇ҅ мꙑшл̑ѣахѫ къ себѣ гл̑ѭште. аште речемъ съ неб҃се. речетъ по чьто оубо не вѣровасте емоу.

аште ли речемъ отъ чк҃ъ. боѣахѫ бо сѧ л̑юдиі. вьси бо ꙇ҅мѣахѫ ꙇ҅оана ѣко пророка.

ꙇ҅ отъвѣштавъше гл҃ашѧ ис҃ви не вѣмъ. ꙇ҅с҃ же отъвѣштавъ гл҃а ꙇ҅мъ. ни азъ гл̑ѭ вамъ. коеѭ областиѭ се твор̑ѭ.