ЕВАНГЕЛИЕ ЕЖЕ Ѿ МАТѲЕꙖ
20:1
Ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰵⰱⰵⱄⰽⱁⰵ. ⱍⰾⰲ҃ⰽⱆ ⰴⱁⰿⱁⰲⰻⱅⱆ. ⰺⰶⰵ ⰻⰸⰻⰴⰵ ⰽⱆⱂⱏⱀⱁ ⱛⱅⱃⱁ. ⱀⰰⱗⱅⱏ ⰴⱑⰾⰰⱅⰵⰾⱏ ⰲⰻⱀⱁⰳⱃⰰⰴⱆ ⱄⰲⱁⰵⰿⱆ.
Подобъно естъ цс҃рствие небеское. члв҃коу домовитоу. ꙇже изиде коупъно ѵтро. наѩтъ дѣлателъ виноградоу своемоу.
20:2
ⱄⱏⰲⱑⱋⰰⰲⱏ ⰶⰵ ⱄⱏ ⰴⱑⰾⰰⱅⰵⰾⱏⰹ. ⱂⱁ ⱂⱑⱀⱔⰸⱆ ⱀⰰ ⰴⰵⱀⱐ. ⱂⱁⱄⱏⰾⰰ ⱗ ⰲⱏ ⰲⰻⱀⱁⰳ!ⱃⰴⱏ ⱄⰲⱁⰻ.
съвѣщавъ же съ дѣлателꙑ. по пѣнѧзоу на день. посъла ѩ въ виног!рдъ свои.
20:3
ⰺ ⰻⱎⰵⰴⱏ ⰲⱏ ⱅⱃⰵⱅⰻⱙ ⰳⱁⰴⰻⱀⱘ. ⰲⰻⰴⱑ ⰻⱀⱏⰹ ⱀⰰ ⱅⱃⱏⰶⰻⱋⰻ ⱄⱅⱁⱗⱎⱅⱔ ⱂⱃⰰⰸⰴⱏⱀⱏⰹ.
ꙇ ишедъ въ третиѭ годинѫ. видѣ инꙑ на тръжищи стоѩштѧ праздънꙑ.
20:4
ⰺ ⱅⱑⰿⱏ ⱃⰵⱍⰵ ⰻⰴⱑⱅⰵ ⰻ ⰲⱏⰹ ⰲⱏ ⰲⰻⱀⱁⰳⱃⰰⰴⱏ ⰿⱁⰻ. ⰺ ⰵⰶⰵ ⰱⱘⰴⰵⱅⱏ ⱂⱃⰰⰲⱏⰴⰰ ⰴⰰⰿⱏ ⰲⰰⰿⱏ.
ꙇ тѣмъ рече идѣте и вꙑ въ виноградъ мои. ꙇ еже бѫдетъ правъда дамъ вамъ.
20:5
ⱁⱀⰻ ⰶⰵ ⰻⰴⱘ. ⱂⰰⰽⱏⰹ ⰶⰵ ⰻⱎⰵⰴⱏ ⰲⱏ ⱎⰵⱄⱅⱘⱙ ⰻ ⰲⱏ ⰴⰵⰲⱔⱅⱘⱙ ⰳⱁⰴⰻⱀⱘ. ⱄⱏⱅⰲⱁⱃⰻ ⱅⰰⰽⱁⰶⰴⰵ.
они же идѫ. пакꙑ же ишедъ въ шестѫѭ и въ девѧтѫѭ годинѫ. сътвори такожде.
20:6
ⰲⱐ ⰵⰴⰻⱀⱘⱙ ⰶⰵ ⱀⰰ ⰴⰵⱄⱔⱅⰵ ⰳⱁⰴⰻⱀⱘ ⰻⱎⰵⰴⱏ. ⱁⰱⱃⱑⱅⰵ ⰴⱃⱆⰳⱏⰹⱗ ⱄⱅⱁⱗⱎⱅⱔ ⱂⱃⰰⰸⰴⱏⱀⱏⰹ. ⰺ ⰳⰾ҃ⰰ ⰻⰿⱏ ⱍⱏⱅⱁ ⱄⱅⱁⰻⱅⰵ ⱄⱐⰴⰵ ⰲⰵⱄⱐ ⰴⰵⱀⱐ ⱂⱃⰰⰸⰴⱐⱀⰻ.
вь единѫѭ же на десѧте годинѫ ишедъ. обрѣте дроугꙑѩ стоѩштѧ праздънꙑ. ꙇ гл҃а имъ чъто стоите сьде весь день праздьни.
20:7
ⰺ ⰳⰾ҃ⰰⱎⱔ ⰵⰿⱆ ⱑⰽⱁ ⱀⰻⰽⱅⱁⰶⰵ ⱀⰰⱄⱏ ⱀⰵ ⱀⰰⱗⱅⱏ. ⰳⰾ҃ⰰ ⰻⰿⱏ ⰻⰴⱑⱅⰵ ⰻ ⰲⱏⰹ ⰲⱏ ⰲⰻⱀⱁⰳⱃⰰⰴⱏ ⰿⱁⰻ. ⰺ ⰵⰶⰵ ⰱⱘⰴⰵⱅⱏ ⱂⱃⰰⰲⱏⰴⰰ ⱂⱃⰻⰻⰿⰵⱅⰵ.
ꙇ гл҃ашѧ емоу ѣко никтоже насъ не наѩтъ. гл҃а имъ идѣте и вꙑ въ виноградъ мои. ꙇ еже бѫдетъ правъда приимете.
20:8
ⰲⰵⱍⰵⱃⱆ ⰶⰵ ⰱⱏⰹ[ⰲⱏ]ⱎⱓ. ⰳⰾ҃ⰰ ⰳⱀ҃ⱏ ⰲⰻⱀⱁⰳⱃⰰⰴⰰ. ⰽⱏ ⱂⱃⰻⱄⱅⰰⰲⱏⱀⰻⰽⱆ ⱄⰲⱁⰵⰿⱆ. ⱂⱃⰻⰸⱁⰲⰻ ⰴⱑⰾⰰⱅⰵⰾⱔ. ⰺ ⰴⰰⰶⰴⱐ ⰻⰿⱏ ⰿⱏⰸⰴⱘ. ⱀⰰⱍⰵⱀⱏ ⱁⱅⱏ ⱂⱁⱄⰾⱑⰴⱐⱀⰻⰻⱈⱏ ⰴⱁ ⱂⱃⱏⰲⱏⰹⰻⱈⱏ.
вечероу же бꙑ[въ]шю. гл҃а гн҃ъ винограда. къ приставъникоу своемоу. призови дѣлателѧ. ꙇ даждь имъ мъздѫ. наченъ отъ послѣдьниихъ до пръвꙑихъ.
20:9
ⱂⱃⰻⱎⰵⰴⱏⱎⰵ ⰶⰵ ⰻⰶⰵ ⰲⱏ ⰵⰴⰻⱀⱘⱙ ⱀⰰ ⰴⰵⱄⱔⱅⰵ ⰳⱁⰴⰻⱀⱘ. ⱂⱃⰻⱗⱄⱔ ⱂⱁ ⱂⱑⱀⱔⰸⱓ.
пришедъше же иже въ единѫѭ на десѧте годинѫ. приѩсѧ по пѣнѧзю.
20:10
ⰺ ⱂⱃⰻⱎⰵⰴⱏⱎⰵ ⱂⱃⱏⰲⰻⰻ ⰿⱐⱀⱑⰰⱈⱘ ⱄⱔ ⰲⱔⱎⱅⰵ ⱂⱃⰻⱗⱅⰻ. ⰺ ⱂⱃⰻⱗⱄⱔ ⱂⱁ ⱂⱑⱀⱔⰸⱆ.
ꙇ пришедъше пръвии мьнѣахѫ сѧ вѧште приѩти. ꙇ приѩсѧ по пѣнѧзоу.
20:11
ⱂⱃⰻⰵⰿⱏⱎⰵ ⰶⰵ ⱃⱏⱂⱏⱅⰰⰰⱈⱘ ⱀⰰ ⰳⱀ҃ⱏ
приемъше же ръпътаахѫ на гн҃ъ
20:12
ⰳⰾ҃ⱘⱎⱅⰵ. ⰽⰰⰽⱁ ⱄⱐⱗ ⱂⱁⱄⰾⱑⰴⱐⱀⱔⱗ. ⰵⰴⰻⱀⱏ ⱍⰰⱄⱏ ⱄⱏⱅⰲⱁⱃⱐⱎⱔ. ⰺ ⱃⰰⰲⱏⱀⱏⰹ ⱀⰰⰿⱏ ⱄⱏⱅⰲⱁⱃⰻⰾⱏ ⱗ ⰵⱄⰻ. ⱂⱁⱀⰵⱄⱏⱎⰵⰻⰿⱏ ⱅⱔⰳⱁⱅⱘ ⰴⱐⱀⰵ ⰻ ⰲⰰⱃⱏ.
гл҃ѫште. како сьѩ послѣдьнѧѩ. единъ часъ сътворьшѧ. ꙇ равънꙑ намъ сътворилъ ѩ еси. понесъшеимъ тѧготѫ дьне и варъ.
20:13
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ ⰵⰴⰻⱀⱁⰿⱆ ⰻⱈⱏ. ⰴⱃⱆⰶⰵ ⱀⰵ ⱁⰱⰻⰶⰴⱘ ⱅⰵⰱⰵ. ⱀⰵ ⱂⱁ ⱂⱑⱀⱔⰷⱆ ⰾⰻ ⱄⱏⰲⱑⱎⱅⰰⱈⱏ ⱄⱏ ⱅⱁⰱⱁⱙ.
онъ же отъвѣщавъ рече единомоу ихъ. дроуже не обиждѫ тебе. не по пѣнѧѕоу ли съвѣштахъ съ тобоѭ.
20:14
ⰲⱐⰸⱐⰿⰻ ⱄⰲⱁⰵ ⰻ ⰻⰴⰻ. ⱈⱁⱎⱅⱘ ⰶⰵ ⱄⰵⰿⱆ ⱂⱁⱄⰾⱑⰴⱐⱀⱓⰿⱆ ⰴⰰⱅⰻ ⱑⰽⱁ ⰻ ⱅⰵⰱⱑ.
вьзьми свое и иди. хоштѫ же семоу послѣдьнюмоу дати ѣко и тебѣ.
20:15
ⰺⰾⰻ ⱀⱑⱄⱅⱏ ⰿⰻ ⰾⱑⱅⱐ ⱄⱏⱅⰲⱁⱃⰻⱅⰻ ⰲⱏ ⱄⰲⱁⰻⱈⱏ ⰿⰻ ⰵⰶⰵ ⱈⱁⱎⱅⱘ. ⰰⱎⱅⰵ ⱁⰽⱁ ⱅⰲⱁⰵ ⰾⱘⰽⰰⰲⱁ ⰵⱄⱅⱏ. ⱑⰽⱁ ⰰⰸⱏ ⰱⰾⰰⰳⱏ ⰵⱄⰿⱏ.
ꙇли нѣстъ ми лѣть сътворити въ своихъ ми еже хоштѫ. аште око твое лѫкаво естъ. ѣко азъ благъ есмъ.
20:16
ⱅⰰⰽⱁ ⰱⱘⰴⱘⱅⱏ ⱂⱁⱄⰾⱑⰴⱐⱀⰻⰻ ⱂⱃⱏⰲⰻⰻ. ⰺ ⱂⱃⱏⰲⰻⰻ ⱂⱁⱄⰾⱑⰴⱐⱀⰻⰻ. ⰿⱏⱀⱁⰷⰻ ⰱⱁ ⱄⱘⱅⱏ ⰸⱏⰲⰰⱀⰻⰻ ⰿⰰⰾⱁ ⰶⰵ ⰻⰸⰱⱏⱃⰰⱀⱏⰹⰻⱈⱏ ::
тако бѫдѫтъ послѣдьнии пръвии. ꙇ пръвии послѣдьнии. мъноѕи бо сѫтъ зъвании мало же избъранꙑихъ ::
20:17
Ⰺ ⰲⱏⱄⱈⱁⰴⱔ ⰻⱄ҃ ⰲⱏ !ⰻⰿⱏ. ⱂⱁⱗⱅⱏ ⱁⰱⰰ ⱀⰰ ⰴⰵⱄⱔⱅⰵ {ⱁ} ⱆⱍⰵⱀⰻⰽⰰ ⰵⰴⰻⱀⱏⰹ ⱀⰰ ⱂⱘⱅⱐ ⰻ ⱃⰵⱍⰵ ⰻⰿⱏ.
Ꙇ въсходѧ ис҃ въ !имъ. поѩтъ оба на десѧте {о} оученика единꙑ на пѫть и рече имъ.
20:18
ⱄⰵ ⰲⱏⱄⱈⱁⰴⰻⰿⱏ ⰲⱏ !ⰵⱃⱄⰾⰿⱏ. ⰺ ⱄⱀⱏ ⱍⰾⰲ҃ⱍⱄⰽⱏ ⱂⱃⱑⰴⰰⱀⱏ ⰱⱘⰴⰵⱅⱏ ⰰⱃⱈⰻⰵⱃⰵⱁⰿⱏ. ⰺ ⰽⱏⱀⰻⰶⱏⱀⰻⰽⱁⰿⱏ. ⰺ ⱁⱄⱘⰴⱔⱅⱏ ⰹ ⱀⰰ ⱄⱏⰿⱃⱏⱅⱐ.
се въсходимъ въ !ерслмъ. ꙇ снъ члв҃чскъ прѣданъ бѫдетъ архиереомъ. ꙇ кънижъникомъ. ꙇ осѫдѧтъ і на съмръть.
20:19
ⰺ ⱂⱃⱑⰴⰰⰴⱔⱅⱏ ⰹ ⱀⰰ ⱂⱁⱃⱘⰳⰰⱀⰻⰵ !ⱗⰸⰽⰿⱏ. ⰺ ⰱⰻⰵⱀⰻⰵ ⰻ ⱂⱃⱁⱂⱔⱅⱐⰵ. ⰺ ⰲⱏ ⱅⱃⰵⱅⰻ ⰴⰵⱀⱐ ⰲⱐⱄⰽⱃⱏⱄⱀⰵⱅⱏ.
ꙇ прѣдадѧтъ і на порѫгание !ѩзкмъ. ꙇ биение и пропѧтье. ꙇ въ трети день вьскръснетъ.
20:20
Ⱅⱏⰳⰴⰰ ⱂⱃⰻⱄⱅⱘⱂⰻ ⰽⱏ ⱀⰵⰿⱆ ⰿⰰⱅⰻ ⱄⱀ҃ⱁⰲⱆ ⰸⰵⰲⰵⰴⰵⱁⰲⱆ. ⱄⱏ ⱄⱀ҃ⱐⰿⰰ ⱄⰲⱁⰻⰿⰰ ⰽⰾⰰⱀⱑⱙⱎⱅⰻ ⱄⱔ. ⰺ ⱂⱃⱁⱄⱔⱎⱅⰻ ⱀⱑⱍⰵⱄⱁ ⱁⱅⱏ ⱀⰵⰳⱁ.
Тъгда пристѫпи къ немоу мати сн҃овоу зеведеовоу. съ сн҃ьма своима кланѣѭшти сѧ. ꙇ просѧшти нѣчесо отъ него.
20:21
ⱁⱀⱏ ⰶⰵ ⱃⰵⱍⰵ ⰵⰻ ⱍⱏⱅⱁ ⱈⱁⱎⱅⰵⱎⰻ. ⰳⰾ҃ⰰ ⰵⰿⱆ ⱃⱐⱌⰻ ⰴⰰ ⱄⱔⰴⰵⱅⰵ ⱄⱐⱑ ⱄⱀ҃ⱏⰹ ⰿⱁⱑ. ⰵⰴⰻⱀⱏ ⱁ ⰴⰵⱄⱀⱘⱙ ⱅⰵⰱⰵ ⰻ ⰵⰴⰻⱀⱏ ⱁ ⱎⱓⱙ ⱅⰵⰱⰵ. ⰲⱏ ⱌⱄ҃ⱃⱄⱅⰲⰻⰻ ⱅⰲⱁⰵⰿⱏ.
онъ же рече еи чъто хоштеши. гл҃а емоу рьци да сѧдете сьѣ сн҃ꙑ моѣ. единъ о деснѫѭ тебе и единъ о шюѭ тебе. въ цс҃рствии твоемъ.
20:22
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ ⱃⰵⱍⰵ. ⱀⰵ ⰲⱑⱄⱅⰰ ⱄⱔ ⱍⰵⱄⱁ ⱂⱃⱁⱄⱔⱎⱅⰰ. ⰿⱁⰶⰵⱅⰰ ⰾⰻ ⱂⰻⱅⰻ ⱍⰰⱎⱘ. ⱙⰶⰵ ⰰⰸⱏ ⰻⰿⰰⰿⱏ ⱂⰻⱅⰻ. ⰾⰻ ⰽⱃⱏⱎⱅⰵⱀⰻⰵ ⰵⰶⰵ ⰰⰸⱏ ⰽⱃⱏⱎⱅⰰⱙ ⱄⱔ ⰽⱃⱏⱄⱅⰻⱅⰻ ⱄⱔ. ⰳⰾ҃ⰰⱄⱅⰵ ⰵⰿⱆ ⰿⱁⰶⰵⰲⱑ.
отъвѣштавъ же ис҃ рече. не вѣста сѧ чесо просѧшта. можета ли пити чашѫ. ѭже азъ имамъ пити. ли кръштение еже азъ кръштаѭ сѧ кръстити сѧ. гл҃асте емоу можевѣ.
20:23
ⰺ ⰳⰾ҃ⰰ ⰻⰿⰰ. ⱍⰰⱎⱘ ⰿⱁⱙ ⰻⱄⱂⰻⰵⱅⰰ. ⰺⰱⱁ ⰻ ⰽⱃⱐⱎⱅⰵⱀⰻⰵⰿⱐ ⰻⰿⱏⰶⰵ ⰰⰸⱏ ⰽⱃⱐⱎⱅⰰⱙ ⱄⱔ ⰽⱃⱏⱄⱅⰻⱅⰰ ⱄⱔ. ⰰ ⰵⰶⰵ ⱄⱑⱄⱅⰻ ⱁ ⰴⰵⱄⱀⱘ ⰻ ⱁ ⱎⱘⱙ ⰿⰵⱀⰵ ⱀⱑⱄⱅⱏ ⰿⱐⱀⱑ ⱄⰵⰳⱁ ⰴⰰⱅⰻ. ⱀⱏ ⰻⰿⱏⰶⰵ ⱁⰳⱁⱅⱁⰲⰰⱀⱁ ⰵⱄⱅⱏ ⱁⱅⱏ ⱁⱅ҃ⱌⰰ ⰿⱁⰵⰳⱁ.
ꙇ гл҃а има. чашѫ моѭ испиета. ꙇбо и крьштениемь имъже азъ крьштаѭ сѧ кръстита сѧ. а еже сѣсти о деснѫ и о шѫѭ мене нѣстъ мьнѣ сего дати. нъ имъже оготовано естъ отъ от҃ца моего.
20:24
ⰺ ⱄⰾⱏⰹⱎⰰⰲⱏⱎⰵ ⰴⰵⱄⱔⱅⰻⰻ. ⱀⰵⰳⱁⰴⱁⰲⰰⱎⱔ ⱁ ⱁⰱⱁⱓ ⰱⱃⰰⱅⱃⱆ.
ꙇ слꙑшавъше десѧтии. негодовашѧ о обою братроу.
20:25
ⰺⱄ҃ ⰶⰵ ⱂⱃⰻⰸⱏⰲⰰⰲⱏ ⱗ ⱃⰵⱍⰵ. ⰲⱑⱄⱅⰵ ⱑⰽⱁ ⰽⱏⱀⱔⰸⰻ !ⱗⰸⰽⱏ ⱆⱄⱅⱁⱗⱅⱏ ⰻⰿⱏ. ⰻ ⰲⰵⰾⰻⱌⰻⰻ ⱁⰱⰾⰰⰴⰰⱙⱅⱏ ⰿⰰⰾⱏⰹⰻⰿⰻ.
ꙇс҃ же призъвавъ ѩ рече. вѣсте ѣко кънѧзи !ѩзкъ оустоѩтъ имъ. и велиции обладаѭтъ малꙑими.
20:26
ⱀⰵ ⱅⰰⰽⱁ ⱆⰱⱁ ⰱⱘⰴⰵⱅⱏ ⰲⱏ ⰲⰰⱄⱏ. ⱀⱏ ⰹⰶⰵ ⰰⱋⰵ ⱈⱁⱋⰵⱅⱏ ⰲⱔⱎⱅⰻⰻ ⰱⱏⰹⱅⰻ ⰲⱏ ⰲⰰⱄⱏ. ⰴⰰ ⰱⱘⰴⰵⱅⱏ ⰲⰰⱎⱏ ⱄⰾⱆⰳⰰ.
не тако оубо бѫдетъ въ васъ. нъ іже аще хощетъ вѧштии бꙑти въ васъ. да бѫдетъ вашъ слоуга.
20:27
ⰺ ⰻⰶⰵ ⰰⱋⰵ ⱈⱁⱋⰵⱅⱏ ⰲⱏ ⰲⰰⱄⱏ ⰱⱏⰹⱅⰻ ⱂⱃⱑⰴⱐⱀⰻⰻ. ⰴⰰ ⰱⱘⰴⰵⱅⱏ ⰲⰰⱎⱏ ⱃⰰⰱⱏ.
ꙇ иже аще хощетъ въ васъ бꙑти прѣдьнии. да бѫдетъ вашъ рабъ.
20:28
ⱑⰽⱁⰶⰵ ⱄⱀ҃ⱏ ⱍⰾⰲ҃ⱄⰽⱏⰹ. ⱀⰵ ⱂⱃⰻⰴⰵ ⰱⱁ ⰴⰰ ⱂⱁⱄⰾⱆⰶⱔⱅⱏ ⰵⰿⱆ. ⱀⱏ ⱂⱁⱄⰾⱆⰶⰻⱅⱏ. ⰻ ⰴⰰⱅⰻ ⰴⱎ҃ⱘ ⱄⰲⱁⱙ. ⰺⰸⰱⰰⰲⰾⰵⱀⰻⰵ ⰸⰰ ⰿⱏⱀⱁⰳⱏⰹ :: ⰽ!ⱌ ::
ѣкоже сн҃ъ члв҃скꙑ. не приде бо да послоужѧтъ емоу. нъ послоужитъ. и дати дш҃ѫ своѭ. ꙇзбавление за мъногꙑ :: к!ц ::
20:29
Ⰺ ⰻⱄⱈⱁⰴⱔⱋⱓ ⰵⰿⱆ ⱁⱅⱏ ⰻⰵⱃⰻⱈⱁⱀⰰ. ⱂⱁ ⱀⰵⰿⱐ ⰻⰴⱘ ⱀⰰⱃⱁⰴⰻ ⰿⱏⱀⱁⰷⰻ.
Ꙇ исходѧщю емоу отъ иерихона. по немь идѫ народи мъноѕи.
20:30
ⰺ ⱄⰵ ⰴⱏⰲⰰ ⱄⰾⱑⱂⱏⱌⰰ ⱄⱑⰴⱔⱎⱅⰰ ⱂⱃⰻ ⱂⱘⱅⰻ. ⰺ҅ ⱄⰾⱏⰹⱎⰰⰲⱏⱎⰰ ⱑⰽⱁ ⰻⱄ҃ⱏ ⰿⰻⰿⱁ ⱈⱁⰴⰻⱅⱏ. ⰲⱏⰸⱏⱂⰻⱄⱅⰵ ⰳⰾⰰⰳⱁⰾⱙⱎⱅⰰ. ⱂⱁⰿⰻⰾⱁⰻ ⱀⱏⰹ ⰳ҃ⰻ ⱄⱀ҃ⱆ !ⰴⰲⰴⰲⱏ.
ꙇ се дъва слѣпъца сѣдѧшта при пѫти. ꙇ҅ слꙑшавъша ѣко ис҃ъ мимо ходитъ. възъписте глаголѭшта. помилои нꙑ г҃и сн҃оу !двдвъ.
20:31
ⱀⰰⱃⱁⰴⰻ ⰶⰵ ⰸⰰⱂⱃⱑⱅⰻⱎⱔ ⰻⰿⰰ ⰴⰰ ⱆⰿⰾⱏⱍⰻⱅⰵ. ⱁⱀⰰ ⰶⰵ ⱂⰰⱍⰵ ⰲⱏⱂⰻⱑⱎⰵⱅⰵ ⰳⰾ҃ⱙⱎⱅⰰ ⱂⱁⰿⰻⰾⱆⰻ ⱀⱏⰹ ⰳ҃ⰻ ⱄⱀ҃ⱆ !ⰴⰲⱏ.
народи же запрѣтишѧ има да оумлъчите. она же паче въпиѣшете гл҃ѭшта помилоуи нꙑ г҃и сн҃оу !двъ.
20:32
ⰺ ⱄⱅⰰⰲⱏ ⰻⱄ҃ⱏ ⰲⱏⰸⰳⰾⰰⱄⰻ ⱑ. ⰻ ⱃⰵⱍⰵ. ⱍⱅⱁ ⱈⱁⱋⰵⱅⰰ ⰴⰰ ⱄⱏⱅⰲⱁⱃⱙ ⰲⰰⰿⰰ.
ꙇ ставъ ис҃ъ възгласи ѣ. и рече. что хощета да сътворѭ вама.
20:33
ⰳⰾ҃ⰰⱄⱅⰵ ⰵⰿⱆ ⰳ҃ⰻ. ⰴⰰ ⱁⱅⰲⱃⱏⰸⰵⱅⰵ ⱄⱔ ⱀⰰⱓ ⱁⱍⰻ.
гл҃асте емоу г҃и. да отвръзете сѧ наю очи.
20:34
ⰿⰻⰾⱁⱄⱃ҃ⰴⰲⰰⰲⱏ ⰶⰵ ⰻⱄ҃ⱏ. ⱂⱃⰻⰽⱁⱄⱀⱘ ⱄⱔ ⱁⱍⰻⱓ ⰻⰿⰰ. ⰺ ⰰⰱⱐⰵ ⱂⱃⱁⰸⱐⱃⱑⱄⱅⰵ ⰻⰿⰰ ⱁⱍⰻ. ⰺ ⱂⱁ ⱀⰵⰿⱐ ⰻⰴⰵⱅⰵ :: ⰽ!ⱌ ::
милоср҃двавъ же ис҃ъ. прикоснѫ сѧ очию има. ꙇ абье прозьрѣсте има очи. ꙇ по немь идете :: к!ц ::