ЕВАНГЕЛИЕ ЕЖЕ Ѿ ІОАННА
8:1
ⰺ҅ⱄ ⰶⰵ ⰻⰴⰵ ⰲⱏ ⰳⱁⱃⱘ ⰵⰾⰵⱁⱀⱏⱄⰽⱘ.
ꙇ҅с же иде въ горѫ елеонъскѫ.
8:2
Ⱓⱅⱃⱁ ⰶⰵ ⱂⰰⰽⱏⰹ ⱂⱃⰻⰴⰵ ⰲⱏ !ⱌⱃⰽⰲⱏ. ⰺ ⰲⱐⱄⰻ ⰾⱓⰴⱐⰵ ⰻⰴⱑⰰⱈⱘ ⰽⱐ ⱀⰵⰿⱆ. ⰺ ⱄⱑⰴⱏ ⱆⱍⰰⰰⱎⰵ ⱗ.
Ютро же пакꙑ приде въ !црквъ. ꙇ вьси людье идѣахѫ кь немоу. ꙇ сѣдъ оучааше ѩ.
8:3
ⱂⱃⰻⰲⱑⱄⱔ ⰶⰵ ⰽⱏⱀⰻⰶⱐⱀⰻⱌⰻ ⰻ ⱇⰰⱃⰻⱄⰵⰻ. ⰶⰵⱀⱘ ⰲⱐ ⱂⱃⱑⰾⱓⰱⱁⰴⱑⰰⱀⰻⰻ ⱗⱅⱘ. ⰻ ⱂⱁⱄⱅⰰⰲⱐⱎⰵ ⱙ ⱂⱁ ⱄⱃⱑⰴⱑ.
привѣсѧ же кънижьници и фарисеи. женѫ вь прѣлюбодѣании ѩтѫ. и поставьше ѭ по срѣдѣ.
8:4
ⰳⰾ҃ⰰⱎⱔ ⰵⰿⱆ. ⱆⱍⰻⱅⰵⰾⱓ ⱄⰻ ⰶⰵⱀⰰ ⱗⱅⰰ ⰵⱄⱅⱏ ⱀⱏⰹⱀⱑ ⰲⱏ ⱂⱃⱑⰾⱓⰱⱁⰴⱑⰰⱀⰻⰻ.
гл҃ашѧ емоу. оучителю си жена ѩта естъ нꙑнѣ въ прѣлюбодѣании.
8:5
ⰰ ⰲⱏ ⰸⰰⰽⱁⱀⱑ ⱀⰰⰿⱏ ⰿⱁⱄⰻ ⱂⱁⰲⰵⰾⱑ. ⱅⰰⰽⱁⰲⱏⰹⱗ ⰽⰰⰿⰵⱀⰻⰵⰿⱐ ⱂⱁⰱⰻⰲⰰⱅⰻ. ⱅⱏⰹ ⰶⰵ ⱍⱅⱁ ⰳⰾ҃ⰵⱎⰻ.
а въ законѣ намъ моси повелѣ. таковꙑѩ камениемь побивати. тꙑ же что гл҃еши.
8:6
ⱄⰵ ⰶⰵ ⱃⱑⱎⱔ ⰻⱄⰽⱆⱎⰰⱙⱎⱅⰵ ⰻ. ⰴⰰ ⰱⱘ ⰻⰿⱑⰾⰻ ⱀⰰ ⱀⱐ ⱍⱅⱁ ⰳⰾ҃ⰰⱅⰻ. ⰺⱄ҃ⱏ ⰶⰵ ⱀⰻⰸⱏ ⱂⱁⰽⰾⱁⱀⱐ ⱄⱔ ⱂⱃⱏⱄⱅⱁⰿⱐ ⱂⰻⱄⰰⰰⱎⰵ ⱀⰰ ⰸⰵⰿⰻ.
се же рѣшѧ искоушаѭште и. да бѫ имѣли на нь что гл҃ати. ꙇс҃ъ же низъ поклонь сѧ пръстомь писааше на земи.
8:7
ⱑⰽⱁ ⰶⰵ ⱂⱃⰻⰾⰵⰶⰰⰰⱈⱘ ⰲⱏⱂⱃⰰⱎⰰⱙⱎⱅⰵ ⰻ. ⰲⱏⱄⰽⰾⱁⱀⰻ ⱄⱔ ⰻ ⱃⰵⱍⰵ ⰻⰿⱏ. ⰺⰶⰵ ⰲⰰⱄⱏ ⰱⰵⰸ ⰳⱃⱑⱈⰰ ⰵⱄⱅⱏ. ⱂⱃⱑⰶⰴⰵ ⰲⱃⱏⰷⰻ ⰽⰰⰿⰵⱀⱐ ⱀⰰ ⱀⱙ.
ѣко же прилежаахѫ въпрашаѭште и. въсклони сѧ и рече имъ. ꙇже васъ без грѣха естъ. прѣжде връѕи камень на нѭ.
8:8
ⰻ ⱂⰰⰽⱏⰹ ⱂⱁⰽⰾⱁⱀⱐ ⱄⱔ ⱂⰻⱄⰰⰰⱎⰵ ⱀⰰ ⰸⰵⰿⰻ.
и пакꙑ поклонь сѧ писааше на земи.
8:9
ⱁⱀⰻ ⰶⰵ ⱄⰾⱏⰹⱎⰰⰲⱏⱎⰵ ⰻⱄⱈⱁⰶⰴⰰⰰⱈⱘ ⰵⰴⰻⱀⱏ ⱂⱁ ⰵⰴⰻⱀⱁⰿⱆ. ⱀⰰⱍⱐⱀⱏⱎⰵ ⱁⱅⱏ ⱄⱅⰰⱃⰵⱌⱏ ⰴⱁ ⱂⱁⱄⰾⱑⰴⱐⱀⰻⱈⱏ. ⰺ ⱁⱄⱅⰰ ⰻⱄ҃ⱏ ⰵⰴⰻⱀⱏ ⰻ ⰶⰵⱀⰰ ⱄⱅⱁⱗⱎⱅⰻ ⱂⱁ ⱄⱃⱑⰴⱑ.
они же слꙑшавъше исхождаахѫ единъ по единомоу. начьнъше отъ старецъ до послѣдьнихъ. ꙇ оста ис҃ъ единъ и жена стоѩшти по срѣдѣ.
8:10
ⰲⱏⱄⰽⰾⱁⱀⱐ ⰶⰵ ⱄⱔ ⰻⱄ҃ⱏ ⱃⰵⱍⰵ ⰵⰻ. ⰶⰵⱀⱁ ⰽⱐⰴⰵ ⱄⱘⱅⱏ ⰻⰶⰵ ⱀⰰ ⱅⱔ ⰲⰰⰶⰴⰰⱈⱘ. ⱀⰻⰽⱏⰹⰻ ⰶⰵ ⰾⰻ ⱅⰵⰱⰵ ⱀⰵ ⱁⱄⱘⰴⰻ.
въсклонь же сѧ ис҃ъ рече еи. жено кьде сѫтъ иже на тѧ важдахѫ. никꙑи же ли тебе не осѫди.
8:11
ⱁⱀⰰ ⰶⰵ ⱃⰵⱍⰵ ⱀⰻⰽⱏⰹⰻⰶⰵ ⰳ҃ⰻ. ⱃⰵⱍⰵ ⰵⰻ ⰻⱄ҃ ⱀⰻ ⰰⰸⱏ ⱅⰵⰱⰵ ⱁⱄⱘⰶⰴⰰⱙ. ⰻⰴⰻ ⰻ ⱁⱅⱏ ⱄⰵⰾⱑ ⱀⰵ ⱄⱏⰳⱃⱑⱎⰰⰻ ⰽ ⱅⱁⰿⱆ. ⰽ!ⱌ ::
она же рече никꙑиже г҃и. рече еи ис҃ ни азъ тебе осѫждаѭ. иди и отъ селѣ не съгрѣшаи к томоу. к!ц ::
8:12
Ⱂⰰⰽⱏⰹ ⰶⰵ ⰻⰿⱏ ⱃⰵⱍⰵ ⰻⱄ҃ⱏ ⰳⰾ҃ⱔ. ⰰⰸⱏ ⰵⱄⰿⱏ ⱄⰲⱑⱅⱏ ⰿⰻⱃⱆ. ⱈⱁⰴⱔⰻ ⱂⱁ ⰿⱐⱀⱑ. ⱀⰵ ⰻⰿⰰⱅⱏ ⱈⱁⰴⰻⱅⰻ ⰲⱏ ⱅⱏⰿⱑ. ⱀⱏⰹ ⰻⰿⰰⱅⱏ ⱄⰲⱑⱅⰰ ⰶⰻⰲⱁⱅⱏⱀⰰⰰⰳⱁ.
Пакꙑ же имъ рече ис҃ъ гл҃ѧ. азъ есмъ свѣтъ мироу. ходѧи по мьнѣ. не иматъ ходити въ тъмѣ. нꙑ иматъ свѣта животънааго.
8:13
ⱃⱑⱎⱔ ⰶⰵ ⰵⰿⱆ ⱇⰰⱃⰻⱄⱑⰻ. ⱅⱏⰹ ⱁ ⱄⰵⰱⱑ ⱄⰰⰿⱏ ⱄⱏⰲⱑⰴⱑⱅⰵⰾⱐⱄⱅⰲⱆⰵⱎⰻ. ⱄⱏⰲⱑⰴⱑⱅⰵⰾⱐⱄⱅⰲⱁ ⱅⰲⱁⰵ ⱀⱑⱄⱅⱏ ⰻⱄⱅⰻⱀⱏⱀⱁ.
рѣшѧ же емоу фарисѣи. тꙑ о себѣ самъ съвѣдѣтельствоуеши. съвѣдѣтельство твое нѣстъ истинъно.
8:14
Ⱉⱅⱏⰲⱑⱎⱅⰰ ⰻⱄ҃ⱏ ⰻ ⱃⰵⱍⰵ ⰻⰿⱏ. ⰰⱎⱅⰵ ⰰⰸⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⰿⱐⱀⱑ ⱄⰰⰿⱁⰿⱏ. ⱄⱏⰲⱑⰴⱑⱅⰵⰾⱐⱄⱅⰲⱁ ⰿⱁⰵ ⰻⱄⱅⰻⱀⱏⱀⱁ ⰵⱄⱅⱏ. ⱑⰽⱁ ⰲⱑⰿⱐ ⱁⱅⱏ ⰽⱘⰴⱆ ⱂⱃⰻⰴⱏ ⰻ ⰽⰰⰿⱁ ⰳⱃⱔⰴⱘ. ⰲⱏⰹ ⰶⰵ ⱀⰵ ⰲⱑⱄⱅⰵ ⱁⱅⱏ ⰽⱘⰴⱆ ⰳⱃⱔⰴⱘ ⰻ ⰽⰰⰿⱁ ⰻⰴⱘ.
Ѡтъвѣшта ис҃ъ и рече имъ. аште азъ съвѣдѣтельствоуѭ о мьнѣ самомъ. съвѣдѣтельство мое истинъно естъ. ѣко вѣмь отъ кѫдоу придъ и камо грѧдѫ. вꙑ же не вѣсте отъ кѫдоу грѧдѫ и камо идѫ.
8:15
ⰲⱏⰹ ⱂⱁ ⱂⰾⱏⱅⰻ ⱄⱘⰴⰻⱅⰵ ⰰⰸⱏ ⱀⰵ ⱄⱘⰶⰴⱘ ⱀⰻⰽⱁⰿⱆⰶⰵ.
вꙑ по плъти сѫдите азъ не сѫждѫ никомоуже.
8:16
ⰰⱎⱅⰵ ⰾⰻ ⱄⱘⰶⰴⱘ ⰰⰸⱏ. ⱄⱘⰴⱏ ⰿⱁⰻ ⰻⱄⱅⰻⱀⰵⱀⱏ ⰵⱄⱅⱏ. ⱑⰽⱁ ⰵⰴⰻⱀⱏ {ⱀⱑ} ⱀⱑⱄⰿⱏ. ⱀⱏ ⰰⰸⱏ ⰻ ⱂⱁⱄⱏⰾⰰⰲⱏⰹ ⰿⱔ ⱁⱅ҃ⱌⱏ.
аште ли сѫждѫ азъ. сѫдъ мои истиненъ естъ. ѣко единъ {нѣ} нѣсмъ. нъ азъ и посълавꙑ мѧ от҃цъ.
8:17
ⰺ ⰲⱏ ⰸⰰⰽⱁⱀⱑ ⰶⰵ ⰲⰰⱎⰵⰿⱐ ⱂⰻⱄⰰⱀⱁ ⰵⱄⱅⱏ. ⱑⰽⱁ ⰴⱏⰲⱁⱓ ⱍⰾⰲ҃ⰽⱆ ⱄⱏⰲⱑⰴⱑⱅⰵⰾⱐⱄⱅⰲⱁ ⰻⱄⱅⰻⱀⱏⱀⱁ ⰵⱄⱅⱏ.
ꙇ въ законѣ же вашемь писано естъ. ѣко дъвою члв҃коу съвѣдѣтельство истинъно естъ.
8:18
ⰰⰸⱏ ⰵⱄⰿⱏ ⱄⱏⰲⱑⰴⱑⱅⰵⰾⱐⱄⱅⰲⱆⱗ ⱁ ⰿⱐⱀⱑ ⱄⰰⰿⱁⰿⱐ. ⰺ ⱄⱏⰲⱑⰴⱑⱅⰵⰾⱐⱄⱅⰲⱆⱆⱅⱏ ⱁ ⰿⱐⱀⱑ ⱂⱁⱄⱏⰾⰰⰲⱏⰹⰻ ⰿⱔ ⱁⱅ҃ⱌⱏ.
азъ есмъ съвѣдѣтельствоуѩ о мьнѣ самомь. ꙇ съвѣдѣтельствоуоутъ о мьнѣ посълавꙑи мѧ от҃цъ.
8:19
!Ⰳⰾⰰⰰⱈⱘ ⰶⰵ ⰵⰿⱆ ⰽⱏⰴⰵ ⰵⱄⱅⱏ ⱁⱅⱏⱌⱏ ⱅⰲⱁⰻ. Ⱁⱅⱏⰲⱑⱎⱅⰰ ⰻⱄ҃ ⱀⰻ ⰿⰵⱀⰵ ⰲⱑⱄⱅⰵ ⱀⰻ ⱁⱅⱐⱌⰰ ⰿⱁⰵⰳⱁ. ⰰⱎⱅⰵ ⰿⱔ ⰱⰻⱄⱅⰵ ⰲⱑⰴⱑⰾⰻ. ⰻ ⱁⱅ҃ⱌⰰ ⰿⱁⰵⰳⱁ ⰱⰻⱄⱅⰵ ⰲⱑⰴⱑⰾⰻ.
!Глаахѫ же емоу къде естъ отъцъ твои. Отъвѣшта ис҃ ни мене вѣсте ни отьца моего. аште мѧ бисте вѣдѣли. и от҃ца моего бисте вѣдѣли.
8:20
Ⱄⰻⱗ ⰳⰾ҃ⱏⰹ ⰳⰾ҃ⰰ ⰻⱄ҃ ⰲⱏ ⰳⰰⰸⱁⱇⰻⰾⰰⰽ ⰻ҅. ⱆⱍⱔ ⰲⱏ !ⱌⱃⰽⰲⰵ. ⰺ ⱀⰻⰽⱅⱁⰶⰵ ⱀⰵ ⱗⱅⱏ ⰵⰳⱁ. ⱑⰽⱁ ⱀⰵ ⱆ ⰱⱑ ⱂⱃⰻⱎⱏⰾⰰ ⰳⱁⰴⰻⱀⰰ ⰵⰳⱁ. :: ⰽ!ⱌ ::
Сиѩ гл҃ꙑ гл҃а ис҃ въ газофилак и҅. оучѧ въ !цркве. ꙇ никтоже не ѩтъ его. ѣко не оу бѣ пришъла година его. :: к!ц ::
8:21
Ⱃⰵⱍⰵ ⰶⰵ ⰻⰿⱏ ⱂⰰⰽⱏⰹ ⰻⱄ҃. ⰰⰸⱏ ⰻⰴⱘ ⰻ ⰲⱏⰸⰻⱎⱅⰵⱅⰵ ⰿⰵⱀⰵ. ⰻ ⰲⱐ ⰳⱃⱑⱄⱑ ⰲⰰⱎⰵⰿⱏ ⱆⰿⱐⱃⰵⱅⰵ. ⱑⰿⱁⰶⰵ ⰰⰸⱏ ⰻⰴⱘ. ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.
Рече же имъ пакꙑ ис҃. азъ идѫ и възиштете мене. и вь грѣсѣ вашемъ оумьрете. ѣможе азъ идѫ. вꙑ не можете прити.
8:22
ⰳⰾ҃ⰰⰰⱈⱘ ⰶⰵ ⰻⱓⰴⰵⰻ. ⰵⰴⰰ ⱄⱔ ⱄⰰⰿⱏ ⱆⰱⰻⰵⱅⱏ. ⱑⰽⱁ ⰳⰾ҃ⱅⱏ. ⱑⰿⱁⰶⰵ ⰰⰸⱏ {ⱂⱃ}ⰻⰴⱘ ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.
гл҃аахѫ же июдеи. еда сѧ самъ оубиетъ. ѣко гл҃тъ. ѣможе азъ {пр}идѫ вꙑ не можете прити.
8:23
ⰺ ⰳⰾ҃ⰰⰰⱎⰵ ⰻⰿⱏ. ⰲⱏⰹ ⱁⱅⱏ ⱀⰻⰶⱏⱀⰻⱈⱏ ⰵⱄⱅⰵ. ⰰⰸⱏ ⱁⱅⱏ ⰲⱏⰹⱎⱏⱀⰻⱈⱏ ⰵⱄⰿⱏ. ⰲⱏⰹ ⱁⱅⱏ ⱄⰵⰳⱁ ⰿⰻⱃⰰ ⰵⱄⱅⰵ. ⰰⰸⱏ ⱀⱑⱄⰿⱏ ⱁⱅⱏ ⱄⰵⰳⱁ ⰿⰻⱃⰰ.
ꙇ гл҃ааше имъ. вꙑ отъ нижънихъ есте. азъ отъ вꙑшънихъ есмъ. вꙑ отъ сего мира есте. азъ нѣсмъ отъ сего мира.
8:24
ⱃⱑⱈⱏ ⱆⰱⱁ ⰲⰰⰿⱏ ⱑⰽⱁ ⱆⰿⱐⱃⰵⱅⰵ ⰲⱏ ⰳⱃⱑⱄⱑⱈⱏ ⰲⰰⱎⰻⱈⱏ. ⰰⱎⱅⰵ ⰱⱁ ⰲⱑⱃⱏⰹ ⱀⰵ ⰵⰿⰾⰵⱅⰵ ⱑⰽⱁ ⰰⰸⱏ ⰵⱄⰿⱏ. ⱆⰿⱐⱃⰵⱅⰵ ⰲⱏ ⰳⱃⱑⱄⱑⱈⱏ ⰲⰰⱎⰻⱈⱏ.
рѣхъ оубо вамъ ѣко оумьрете въ грѣсѣхъ вашихъ. аште бо вѣрꙑ не емлете ѣко азъ есмъ. оумьрете въ грѣсѣхъ вашихъ.
8:25
ⰳⰾ҃ⰰⰰⱈⱘ ⰶⰵ ⰵⰿⱆ ⱅⱏⰹ ⰽⱅⱁ ⰵⱄⰻ. ⰺ ⱃⰵⱍⰵ ⰻⰿⱏ ⰻⱄ҃ ⱀⰰⱍⱔⱅⱁⰽⱏ. ⱑⰽⱁ ⰻ ⰳⰾ҃ⱙ ⰲⰰⰿⱏ.
гл҃аахѫ же емоу тꙑ кто еси. ꙇ рече имъ ис҃ начѧтокъ. ѣко и гл҃ѭ вамъ.
8:26
ⰿⱏⱀⱁⰳⱁ ⰻⰿⰰⰿⱏ ⱁ ⰲⰰⱄⱏ ⰳⰾ҃ⰰⱅⰻ ⰻ ⱄⱘⰴⰻⱅⰻ. ⱀⱏ ⱂⱁⱄⱏⰾⰰⰲⱏⰹ ⰿⱔ ⰻⱄⱅⰻⱀⰵⱀⱏ ⰵⱄⱅⱏ. ⰺ ⰰⰸⱏ ⱑⰶⰵ ⱄⰾⱏⰹⱎⰰⱈⱏ ⱁⱅⱏ ⱀⰵⰳⱁ ⱄⰻ ⰳⰾ҃ⱙ ⰲⱏ ⰿⰻⱃⱑ.
мъного имамъ о васъ гл҃ати и сѫдити. нъ посълавꙑ мѧ истиненъ естъ. ꙇ азъ ѣже слꙑшахъ отъ него си гл҃ѭ въ мирѣ.
8:27
ⰺ ⱀⰵ ⱃⰰⰸⱆⰿⱑⱎⱔ ⱑ[ⰽⱁ] ⱁⱅⱏⱌⰰ ⰻⰿⱏ ⰳⰾ҃ⰰⰰⱎⰵ.
ꙇ не разоумѣшѧ ѣ[ко] отъца имъ гл҃ааше.
8:28
ⱃⰵⱍⰵ ⰶⰵ ⰻⰿⱏ ⰻⱄ҃. ⰵⰳⰴⰰ ⰲⱏⰸⱀⰵⱄⰵⱅⰵ ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ. ⱅⱏⰳⰴⰰ ⱃⰰⰸⱆⰿⱑⰰⱅⰵ ⱑⰽⱁ ⰰⰸⱏ ⰵⱄⰿⱏ. ⰺ ⱁ ⱄⰵⰱⱑ ⱀⰻⱍⰵⱄⱁⰶⰵ ⱀⰵ ⱅⰲⱁⱃⱙ. ⱀⱏ ⱑⰽⱁⰶⰵ ⱀⰰⱆⱍⰻ ⰿⱔ ⱁⱅ҃ⱌⱏ ⰿⱁⰻ ⱄⰻ ⱅⰲⱁⱃⱙ.
рече же имъ ис҃. егда възнесете сн҃а члв҃чскааго. тъгда разоумѣате ѣко азъ есмъ. ꙇ о себѣ ничесоже не творѭ. нъ ѣкоже наоучи мѧ от҃цъ мои си творѭ.
8:29
ⰺ ⱂⱁⱄⱏⰾⰰⰲⱏⰹ ⰿⱔ ⱄⱏ ⰿⱏⱀⱁⱙ ⰵⱄⱅⱏ. ⱀⰵ ⱁⱄⱅⰰⰲⰻ ⰿⰵⱀⰵ ⰵⰴⰻⱀⱁⰳⱁ ⱁⱅ҃ⱌⱏ. ⱑⰽⱁ ⰰⰸⱏ ⱆⰳⱁⰴⱏⱀⰰ ⱅⰲⱁⱃⱙ ⰵⰿⱆ ⰲⱏⱄⰵⰳⰴⰰ.
ꙇ посълавꙑ мѧ съ мъноѭ естъ. не остави мене единого от҃цъ. ѣко азъ оугодъна творѭ емоу въсегда.
8:30
ⱄⰻ ⰳⰾ҃ⱙⱎⱅⱓ ⰵⰿⱆ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱏ ⱀⰵⰳⱁ :: ⰽ!ⱌ. ⰸⰰ!ⱍ ::
си гл҃ѭштю емоу мъноѕи вѣровашѧ въ него :: к!ц. за!ч ::
8:31
!Ⰳⰾⰰⰰⱎⰵ ⰶⰵ ⰻⱄ҃ ⰽⱏ ⰲⱑⱃⱁⰲⰰⰲⱏⱎⰻⰻⰿⱏ ⰲⱐ ⱀⱐ ⰻⱓⰴⰵⱁⰿⱏ. ⰰⱎⱅⰵ ⰲⱏⰹ ⱂⱃⱑⰱⱘⰴⰵⱅⰵ ⰲⱏ ⱄⰾⱁⰲⰵⱄⰻ ⰿⱁⰵⰿⱏ. ⰲⱏⰹ ⰻⱄⱅⰻⱀⱘ ⱆⱍⰵⱀⰻⱌⰻ ⰿⱁⰻ ⰱⱘⰴⰵⱅⰵ.
!Глааше же ис҃ къ вѣровавъшиимъ вь нь июдеомъ. аште вꙑ прѣбѫдете въ словеси моемъ. вꙑ истинѫ оученици мои бѫдете.
8:32
ⰺ ⱃⰰⰸⱆⰿⱑⰰⱅⰵ ⰻⱄⱅⰻⱀⱘ. ⰺ ⰻⱄⱅⰻⱀⰰ ⱄⰲⱁⰱⱁⰴⰻⱅⱏ ⰲⱏⰹ.
ꙇ разоумѣате истинѫ. ꙇ истина свободитъ вꙑ.
8:33
ⱁⱅⱏⰲⱑⱎⱅⰰⱎⱔ ⰵⰿⱆ ⰻⱓⰴⰵⰻ. ⱄⱑⰿⱔ ⰰⰲⱃⰰⰿⰾⰵ ⰵⱄⰿⱏ. ⰻ ⱀⰻⰽⱁⰿⱆⰶⰵ ⱀⰵ ⱃⰰⰱⱁⱅⰰⱈⱁⰿⱏ ⱀⰻⰽⱁⰾⰻⰶⰵ. ⰽⰰⰽⱁ ⱅⱏⰹ ⰳⰾ҃ⰵⱎⰻ ⱑⰽⱁ ⱄⰲⱁⰱⱁⰴⱐ ⰱⱘⰴⰵⱅⰵ.
отъвѣшташѧ емоу июдеи. сѣмѧ аврамле есмъ. и никомоуже не работахомъ николиже. како тꙑ гл҃еши ѣко свободь бѫдете.
8:34
ⱁ҅ⱅⱏⰲⱑⱋⰰ ⰻⰿⱏ ⰻⱄ҃. ⰰⰿⰻⱀⱐ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⰲⱐⱄⱑⰽⱏ ⱅⰲⱁⱃⱔⰻ. ⰳⱃⱑⱈⱏ ⱃⰰⰱⱏ ⰵⱄⱅⱏ ⰳⱃⱑⱈⱆ.
о҅тъвѣща имъ ис҃. аминь аминь гл҃ѭ вамъ. ѣко вьсѣкъ творѧи. грѣхъ рабъ естъ грѣхоу.
8:35
ⰰ ⱃⰰⰱⱏ ⱀⰵ ⱂⱃⱑⰱⱏⰹⰲⰰⰰⱅⱏ ⰲⱏ ⰴⱁⰿⱆ ⰲⱏ ⰲⱑⰽⱏ. ⱄⱀ҃ⱏ ⰶⰵ ⱂⱃⱑⰱⱏⰹⰲⰰⰰⱅⱏ ⰲⱏ ⰲⱑⰽⱏ.
а рабъ не прѣбꙑваатъ въ домоу въ вѣкъ. сн҃ъ же прѣбꙑваатъ въ вѣкъ.
8:36
ⰰⱎⱅⰵ ⱆⰱⱁ ⱄⱀ҃ⱏ ⰲⱏⰹ ⱄⰲⱁⰱⱁⰴⰻⱅⱏ. ⰲⱏⰹ ⰻⱄⱅⰻⱀⱘ ⱄⰲⱁⰱⱁⰴⱐ ⰱⱘⰴⰵ[ⱅⰵ].
аште оубо сн҃ъ вꙑ свободитъ. вꙑ истинѫ свободь бѫде[те].
8:37
ⰲⱑⰿⱐ ⱑⰽⱁ ⱄⱑⰿⱔ ⰰⰲⱃⰰⰿⰾⰵ ⰵⱄⱅⰵ. ⱀⱐ ⰻⱎⱅⰵⱅⰵ ⰿⰵⱀⰵ ⱆⰱⰻⱅⰻ. ⱑⰽⱁ ⱄⰾⱁⰲⱁ ⰿⱁⰵ ⱀⰵ ⰲⱐⰿⱑⱎⱅⰰⰰⱅⱏ ⱄⱔ ⰲⱏ ⰲⰰⱄⱏ. ::
вѣмь ѣко сѣмѧ аврамле есте. нь иштете мене оубити. ѣко слово мое не вьмѣштаатъ сѧ въ васъ. ::
8:38
Ⰰⰸⱏ ⱑⰶⰵ ⰲⰻⰴⱑⱈⱏ ⱆ ⱁⱅ҃ⱌⰰ ⰿⱁⰵⰳⱁ ⰳⰾ҃ⱙ. ⰺ ⰲⱏⰹ ⱆⰱⱁ ⱑⰶⰵ ⰲⰻⰴⱑⱄⱅⰵ ⱆ ⱁⱅ҃ⱌⰰ ⰲⰰⱎⰵⰳⱁ ⱅⰲⱁⱃⰻⱅⰵ.
Азъ ѣже видѣхъ оу от҃ца моего гл҃ѭ. ꙇ вꙑ оубо ѣже видѣсте оу от҃ца вашего творите.
8:39
ⱁⱅⱏⰲⱑⱋⰰⱎⱔ ⰻ ⱃⱑⱎⱔ ⰵⰿⱆ ⱁⱅ҃ⱌⱏ ⱀⰰⱎⱏ ⰰⰲⱃⰰⰰⰿⱏ ⰵⱄⱅⱏ. ⰳⰾ҃ⰰ ⰻⰿⱏ ⰻⱄ҃. ⰰⱎⱅⰵ ⱍⱔⰴⰰ ⰰⰲⱃⰰⰰⰿⰾⱑ ⰱⱏⰹⱄⱅⰵ ⰱⱏⰹⰾⰻ. ⰴⱑⰾⰰ ⰰⰲⱃⰰⰰⰿⰾⱑ ⱅⰲⱁⱃⰻⰾⰻ ⰱⰻⱄⱅⰵ.
отъвѣщашѧ и рѣшѧ емоу от҃цъ нашъ авраамъ естъ. гл҃а имъ ис҃. аште чѧда авраамлѣ бꙑсте бꙑли. дѣла авраамлѣ творили бисте.
8:40
ⱀⱏⰹⱀⱑ ⰶⰵ ⰻⱎⱅⰵⱅⰵ ⰿⰵⱀⰵ ⱆⰱⰻⱅⰻ. ⱍⰾ҃ⰽⰰ ⰻⰶⰵ ⰻⱄⱅⰻⱀⱘ ⰲⰰⰿⱏ ⰳⰾ҃ⱈⱏ. ⱙⰶⰵ ⱄⰾⱏⰹⱎⰰⱈⱏ ⱁⱅⱏ ⰱ҃ⰰ. ⱄⰵⰳⱁ ⰰⰲⱃⰰⰰⰿⱏ ⱀⱑⱄⱅⱏ ⱄⱏⱅⰲⱁⱃⰻⰾⱏ.
нꙑнѣ же иштете мене оубити. чл҃ка иже истинѫ вамъ гл҃хъ. ѭже слꙑшахъ отъ б҃а. сего авраамъ нѣстъ сътворилъ.
8:41
ⰲⱏⰹ ⱅⰲⱁⱃⰻⱅⰵ ⰴⱑⰾⰰ ⱁⱅ҃ⱌⰰ ⰲⰰⱎⰵⰳⱁ :: Ⱃⱑⱎⱔ ⰶⰵ ⰵⰿⱆ ⰿⱏⰹ ⱁⱅⱏ ⰾⱓⰱⱁⰴⱑⰰⱀⰻⱑ ⱀⱑⱄⰿⱏ ⱃⱁⰶⰴⰵⱀⰻ. ⰵⰴⰻⱀⱁⰳⱁ ⱁⱅ҃ⱌⰰ ⰻⰿⰰⰿⱏ ⰱ҃ⰰ :: ⰽ!ⱌ ::
вꙑ творите дѣла от҃ца вашего :: Рѣшѧ же емоу мꙑ отъ любодѣаниѣ нѣсмъ рождени. единого от҃ца имамъ б҃а :: к!ц ::
8:42
Ⱃⰵⱍⰵ ⰶⰵ ⰻⰿⱏ ⰻⱄ҃ :: Ⰰⱋⰵ ⰱ҃ⱏ ⱁⱅ҃ⱌⱏ ⰲⰰⱎⱏ ⰱⰻ ⰱⱏⰻⰾⱏ. ⰾⱓⰱⰻⰾⰻ ⰿⱔ ⰱⰻⱄⱅⰵ. ⰰⰸⱏ ⰱⱁ ⱁⱅⱏ ⰱ҃ⰰ ⰻⰸⰻⰴⱏ ⰻ ⱂⱃⰻⰴⱏ. ⱀⰵ ⱁ ⱄⰵⰱⱑ ⰱⱁ ⱂⱃⰻⰴⱏ ⱀⱏ ⱅⱏ ⰿⱔ ⱂⱁⱄⱏⰾⰰ.
Рече же имъ ис҃ :: Аще б҃ъ от҃цъ вашъ би бъилъ. любили мѧ бисте. азъ бо отъ б҃а изидъ и придъ. не о себѣ бо придъ нъ тъ мѧ посъла.
8:43
ⱂⱁ ⱍⱏⱅⱁ ⰱⰵⱄⱑⰴⱏⰹ ⰿⱁⰵⱗ ⱀⰵ ⱃⰰⰸⱆⰿⱑⰰⱅⰵ. ⱑⰽⱁ ⱀⰵ ⰿⱁⰶⰵⱅⰵ ⱄⰾⱏⰹⱎⰰⱅⰻ ⱄⰾⱁⰲⰵⱄⰵ ⰿⱁⰵⰳⱁ.
по чъто бесѣдꙑ моеѩ не разоумѣате. ѣко не можете слꙑшати словесе моего.
8:44
ⰲⱏⰹ ⱁⱅⱏ ⱁⱅⱏⱌⰰ ⰴⰻⱑⰲⱁⰾⰰ ⰵⱄⱅⰵ. ⰻ ⱂⱁⱈⱁⱅⰻ ⱁⱅ҃ⱌⰰ ⰲⰰⱎⰵⰳⱁ ⱈⱁⱎⱅⰵⱅⰵ ⱅⰲⱁⱃⰻⱅⰻ. ⱁ҅ⱀⱏ !ⱍⰽⱁⱆⰱⰻⰻⱌⱏ ⰱⱑ ⰻⱄⰽⱁⱀⰻ. ⰺ ⰲⱏⰹ ⰻⱄⱅⰻⱀⱑ ⱀⰵ ⱄⱅⱁⰻⱅⱏ. ⱑⰽⱁ ⱀⱑⱄⱅⱏ ⰻⱄⱅⰻⱀⱏⰹ ⰲⱐ ⱀⰵⰿⱐ. ⰵⰳⰴⰰ ⰳⰾ҃ⰵⱅⱏ ⰾⱏⰶⱘ ⱁⱅⱏ ⱄⰲⱁⰻⱈⱏ ⰳⰾ҃ⰵⱅⱏ. ⱑⰽⱁ ⰾⱐⰶⱐ ⰵⱄⱅⱏ ⰻ ⱁⱅ҃ⱌⱏ ⰵⰳⱁ.
вꙑ отъ отъца диѣвола есте. и похоти от҃ца вашего хоштете творити. о҅нъ !чкооубиицъ бѣ искони. ꙇ вꙑ истинѣ не стоитъ. ѣко нѣстъ истинꙑ вь немь. егда гл҃етъ лъжѫ отъ своихъ гл҃етъ. ѣко льжь естъ и от҃цъ его.
8:45
ⰰⰸⱏ ⰶⰵ ⰸⰰⱀⰵ ⰻⱄⱅⰻⱀⱘ ⰳⰾ҃ⱙ. ⱀⰵ ⰵⰿⰾⰵⱅⰵ ⰲⱑⱃⱏⰹ ⰿⱐⱀⱑ.
азъ же зане истинѫ гл҃ѭ. не емлете вѣрꙑ мьнѣ.
8:46
ⰽⱏⱅⱁ ⱁⱅⱏ ⰲⰰⱄⱏ ⱁⰱⰾⰻⱍⰰⰰⱅⱏ ⰿⱔ ⱁ ⰳⱃⱑⱄⱑ. ⰰⱎⱅⰵ ⰾⰻ ⰻⱄⱅⰻⱀⱘ ⰳⰾ҃ⱙ. ⱂⱁ ⱍⱏⱅⱁ ⰲⱏⰹ ⱀⰵ ⰵⰿⰾⰵⱅⰵ ⰲⱑⱃⱏⰹ ⰿⱏⱀⱑ.
къто отъ васъ обличаатъ мѧ о грѣсѣ. аште ли истинѫ гл҃ѭ. по чъто вꙑ не емлете вѣрꙑ мънѣ.
8:47
ⰺ҅ⰶⰵ ⰵⱄⱅⱏ ⱁⱅⱏ ⰱ҃ⰰ ⰳⰾ҃ⱏ ⰱⰶ҃ⰹⰻ ⱂⱁⱄⰾⱆⱎⰰⰰⱅⱏ. ⱄⰵⰳⱁ ⰲⱏⰹ ⱀⰵ ⱂⱁⱄⰾⱆⱎⰰⰰⱅⰵ. ⱑⰽⱁ ⱀⱑⱄⱅⰵ ⱁⱅⱏ ⰱ҃ⰰ.
ꙇ҅же естъ отъ б҃а гл҃ъ бж҃іи послоушаатъ. сего вꙑ не послоушаате. ѣко нѣсте отъ б҃а.
8:48
ⱁⱅⱏⰲⱑⱎⱅⰰⱎⱔ ⰻⱓⰴⰵⰻ ⰻ ⱃⱑⱎⱔ ⰵⰿⱆ. ⱀⰵ ⰴⱁⰱⱃⱑ ⰾⰻ ⰳⰾ҃ⰵⰿⱏ ⰿⱏⰹ. ⱑⰽⱁ ⱄⰰⰿⰰⱃⱑⱀⰻⱀⱏ ⰵⱄⰻ ⱅⱏⰹ ⰻ ⰱⱑⱄⱏ ⰻⰿⰰⱎⰻ.
отъвѣшташѧ июдеи и рѣшѧ емоу. не добрѣ ли гл҃емъ мꙑ. ѣко самарѣнинъ еси тꙑ и бѣсъ имаши.
8:49
ⱁⱅⱏⰲⱑⱎⱅⰰ ⰻⱄ҃ ⰰⰸⱏ ⰱⱑⱄⰰ ⱀⰵ ⰻⰿⰰⰿⱏ. ⱀⱏ ⱍⱏⱅⱘ ⱁⱅ҃ⱌⰰ ⰿⱁⰵⰳⱁ. ⰺ ⰲⱏⰹ ⱀⰵ ⱍⱐⱅⰵⱅⰵ ⰿⰵⱀⰵ.
отъвѣшта ис҃ азъ бѣса не имамъ. нъ чътѫ от҃ца моего. ꙇ вꙑ не чьтете мене.
8:50
ⰰⰸⱏ ⰶⰵ ⱀⰵ ⰻⱄⰽⱘ ⱄⰾⰰⰲⱏⰹ ⰿⱁⰵⱗ. ⰵⱄⱅⱏ ⰻⱎⱅⱔ ⰻ ⱄⱘⰴⱔ ::
азъ же не искѫ славꙑ моеѩ. естъ иштѧ и сѫдѧ ::
8:51
Ⰰⰿⰻⱀ ⰰⰿⱀ ⰳⰾ҃ⱙ ⰲⰰⰿⱏ. ⰰⱎⱅⰵ ⰽⱅⱁ ⱄⰾⱁⰲⱁ ⰿⱁⰵ ⱄⱏⰱⰾⱓⰴⰵⱅⱏ. ⱄⱏⰿⱃⱏⱅⰻ ⱀⰵ ⰻⰿⰰⱅⱏ ⰲⰻⰴⱑⱅⰻ ⰲⱏ ⰲⱑⰽⱏ.
Амин амн гл҃ѭ вамъ. аште кто слово мое съблюдетъ. съмръти не иматъ видѣти въ вѣкъ.
8:52
ⱃⱑⱎⱔ ⰶⰵ ⰵⰿⱆ ⰻⱓⰴⰵⰻ. ⱀⱏⰹⱀⱑ ⱃⰰⰸⱆⰿⱑⱈⱁⰿⱏ ⱑⰽⱁ ⰱⱑⱄⱏ ⰻⰿⰰⱎⰻ. ⰰⰲⱃⰰⰰⰿⱏ ⱆⰿⱏⱃⱑⱅⱏ ⰻ !ⱂⱃⱌⰻ. ⰺ ⱅⱏⰹ ⰳⰾ҃ⰵⱎⰻ ⱑⰽⱁ ⰰⱎⱅⰵ ⰽⱅⱁ ⱄⰾⱁⰲⱁ ⰿⱁⰵ ⱄⱏⰱⰾⱓⰴⰵⱅⱏ. ⱀⰵ ⰻⰿⰰⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ ⰲⱏ ⰲⱑⰽⱏ.
рѣшѧ же емоу июдеи. нꙑнѣ разоумѣхомъ ѣко бѣсъ имаши. авраамъ оумърѣтъ и !прци. ꙇ тꙑ гл҃еши ѣко аште кто слово мое съблюдетъ. не иматъ въкоусити съмръти въ вѣкъ.
8:53
ⰵⰴⰰ ⱅⱏⰹ ⰱⱁⰾⰵⰻ ⰵⱄⰻ ⱁⱅ҃ⱌⰰ ⱀⰰⱎⰵⰳⱁ ⰰⰲⱃⰰⰰⰿⰰ. ⰺⰶⰵ ⱆⰿⱐⱃⱑⱅⱏ ⰻ !ⱂⱃⱌⰻ ⱆⰿⱐⱃⱑⱎⱔ. ⰽⱁⰳⱁ ⱄⱔ ⱄⰰⰿⱏ ⱅⱏⰹ ⱅⰲⱁⱃⰻⱎⰻ.
еда тꙑ болеи еси от҃ца нашего авраама. ꙇже оумьрѣтъ и !прци оумьрѣшѧ. кого сѧ самъ тꙑ твориши.
8:54
ⱁⱅⱏⰲⱑⱎⱅⰰ ⰻⱄ҃. ⰰⱎⱅⰵ ⰰⰸⱏ ⱄⰾⰰⰲⰾⱙ ⱄⱔ ⱄⰰⰿⱏ. ⱄⰾⰰⰲⰰ ⰿⱁⱑ ⱀⰻⱍⱅⱁⰶⰵ ⰵⱄⱅⱏ. ⰵⱄⱅⱏ ⱁⱅ҃ⱌⱏ ⰿⱁⰻ ⱄⰾⰰⰲⱔⰻ ⰿⱔ. ⰵⰳⱁⰶⰵ ⰲⱏⰹ ⰳⰾ҃ⰵⱅⰵ ⱑⰽⱁ ⰱ҃ⱏ ⱀⰰⱎⱏ ⰵⱄⱅⱏ.
отъвѣшта ис҃. аште азъ славлѭ сѧ самъ. слава моѣ ничтоже естъ. естъ от҃цъ мои славѧи мѧ. егоже вꙑ гл҃ете ѣко б҃ъ нашъ естъ.
8:55
ⰺ ⱀⰵ ⱂⱁⰸⱀⰰⱄⱅⰵ ⰵⰳⱁ ⰰⰸⱏ ⰶⰵ ⰲⱑⰿⱏ ⰹ. ⰺ ⰰⱎⱅⰵ ⱃⰵⰽⱘ ⱑⰽⱁ ⱀⰵ ⰲⱑⰿⱐ ⰵⰳⱁ. ⰱⱘⰴⱘ ⱂⱁⰴⱁⰱⰵⱀⱏ ⰲⰰⰿⱏ ⰾⱏⰶⱐ. ⱀⱏ ⰲⱑⰿⱏ ⰹ ⰻ ⱄⰾⱁⰲⱁ ⰵⰳⱁ ⱄⱏⰱⰾⱓⰴⰰⱙ.
ꙇ не познасте его азъ же вѣмъ і. ꙇ аште рекѫ ѣко не вѣмь его. бѫдѫ подобенъ вамъ лъжь. нъ вѣмъ і и слово его съблюдаѭ.
8:56
ⰰⰲⱃⰰⰰⰿⱏ ⱁⱅ҃ⱌⱏ ⰲⰰⱎⱏ ⱃⰰⰴⱏ ⰱⰻ ⰱⱏⰹⰾⱏ. ⰴⰰ ⰱⰻ ⰲⰻⰴⱑⰾⱏ ⰴⱐⱀⱐ ⰿⱁⰻ. ⰺ ⰲⰻⰴⱑ ⰻ ⰲⱏⰸⰴⱃⰰⰴⱁⰲⰰ ⱄⱔ.
авраамъ от҃цъ вашъ радъ би бꙑлъ. да би видѣлъ дьнь мои. ꙇ видѣ и въздрадова сѧ.
8:57
Ⱃⱑⱎⱔ ⰶⰵ ⰻⱓⰴⰵⰻ ⰽⱏ ⱀⰵⰿⱆ. ⱂⱔⱅⰻ ⰴⰵⱄⱔⱅⱏ ⰾⱑⱅⱏ ⱀⰵ ⱆ ⰻⰿⰰ[ⱎ]ⰻ. ⰺ ⰰⰲⱃⰰⰿⰰ ⰾⰻ ⰵⱄⰻ ⰲⰻⰴⱑⰾⱏ.
Рѣшѧ же июдеи къ немоу. пѧти десѧтъ лѣтъ не оу има[ш]и. ꙇ аврама ли еси видѣлъ.
8:58
ⱃⰵⱍⰵ ⰻⰿⱏ ⰻⱄ҃. ⰰⰿⰻⱀⱐ ⰰⰿⱀ ⰳⰾ҃ⱙ ⰲⰰⰿⱏ. ⱂⱃⱑⰶⰴⰵ ⰴⰰⰶⰵ ⱀⰵ ⰱⱏⰹⱄⱅⱏ ⰰⰲⱃⰰⰿⱏ ⰰⰸⱏ ⰵⱄⰿⱏ ::
рече имъ ис҃. аминь амн гл҃ѭ вамъ. прѣжде даже не бꙑстъ аврамъ азъ есмъ ::
8:59
Ⰲⱐⰸⱔⱄⱔ ⰶⰵ ⰽⰰⰿⰵⱀⰻⰵ ⰴⰰ ⰲⱃⱏⰳⱘⱅⱏ ⱀⰰ ⱀⱐ. ⰺⱄ҃ ⰶⰵ ⱄⱏⰽⱃⱏⰹ ⱄⱔ ⰻ ⰻⰸⰻⰴⰵ ⰻ !ⱌⱃⰽⰲⰵ. ⰺ ⱂⱃⱁⱎⰵⰴⱏ ⱂⱁ ⱄⱃⱑⰴⱑ ⰻⱈⱏ ⰻⰴⱑⰰⱎⰵ ⰻ ⱈⱁⰶⰴⰰⰰⱎⰵ. :: ⰽ!ⱌ ::
Вьзѧсѧ же камение да връгѫтъ на нь. ꙇс҃ же съкрꙑ сѧ и изиде и !цркве. ꙇ прошедъ по срѣдѣ ихъ идѣаше и хождааше. :: к!ц ::