ЕВАНГЕЛИЕ ЕЖЕ Ѿ ІОАННА
19:1
Ⱅⱏⰳⰴⰰ ⰶⰵ ⱂⰻⰾⰰⱅⱏ ⱂⱁⱗⱅⱏ ⰻⱄ҃ⰰ ⰻ ⱅⰵⱂⰵ.
Тъгда же пилатъ поѩтъ ис҃а и тепе.
19:2
ⰺ ⰲⱁⰻⱀⰻ ⱄⱏⱂⰾⰵⱅⱏⱎⰵ ⰲⱑⱀⰵⱌⱏ ⱁⱅⱏ ⱅⱃⱏⱀⰻⱑ. ⰲⱏⰸⰾⱁⰶⰻⱎⱔ ⱀⰰ ⰳⰾⰰⰲⱘ ⰵⰿⱆ. ⰺ ⰲⱏ ⱃⰻⰸⱘ ⱂⱃⰰⱂⱃⱘⰴⱏⱀⱘ ⱁⰱⰾⱑⱎⱔ ⰻ.
ꙇ воини съплетъше вѣнецъ отъ тръниѣ. възложишѧ на главѫ емоу. ꙇ въ ризѫ прапрѫдънѫ облѣшѧ и.
19:3
ⰺ ⰳⰾ҃ⰰⱈⱘ. ⱃⰰⰴⱆⰻ ⱄⱔ ⱌⱄ҃ⱃⱓ ⰻⱓⰴⰵⰻⱄⰽⱏ. ⰺ ⰱⰻⱑⱈⱘ ⰻ ⱂⱁ ⰾⰰⱀⰻⱅⰰⰿⰰ.
ꙇ гл҃ахѫ. радоуи сѧ цс҃рю июдеискъ. ꙇ биѣхѫ и по ланитама.
19:4
ⰺⰸⰻⰴⰵ ⰶⰵ ⱂⰰⰽⱏⰹ ⱂⰻⰾⰰⱅⱏ ⰲⱁⱀⱏ. ⰺ ⰳⰾ҃ⰰ ⰻⰿⱏ ⱄⰵ ⰻⰸⰲⱁⰶⰴⱘ ⰻ ⰲⰰⰿⱏ ⰲⱁⱀⱏ. ⰴⰰ ⱃⰰⰸⱆⰿⱑⰰⱅⰵ ⱑⰽⱁ ⰲⱐ ⱀⰵⰿⱐ ⰲⰻⱀⱏⰹ ⱀⰵ ⱁⰱⱃⱑⱅⰰⱙ ⱀⰻ ⰵⰴⰻⱀⱁⱗ.
ꙇзиде же пакꙑ пилатъ вонъ. ꙇ гл҃а имъ се извождѫ и вамъ вонъ. да разоумѣате ѣко вь немь винꙑ не обрѣтаѭ ни единоѩ.
19:5
ⰺⰸⰻⰴⰵ ⰶⰵ ⰻⱄ҃ ⰲⱁⱀⱏ ⱀⱁⱄⱔ ⱅⱃⱏⱀⱁⰲⱏ ⰲⱑⱀⰵⱌⱏ. ⰺ ⱂⱃⰰⱂⱃⱘⰴⱐⱀⱘⱙ ⱃⰻⰸⱘ. ⰺ ⰳⰾ҃ⰰ ⰻⰿⱏ ⱄⰵ ⱍⰾⰲ҃ⰽⱏ :: ⰽ!ⱌ .
ꙇзиде же ис҃ вонъ носѧ тръновъ вѣнецъ. ꙇ прапрѫдьнѫѭ ризѫ. ꙇ гл҃а имъ се члв҃къ :: к!ц .
19:6
Ⰵⰳⰴⰰ ⰶⰵ ⰻ ⰲⰻⰴⱑⱎⱔ ⰰⱃⱈⰻⰵⱃⰵⰻ ⰻ ⱄⰾⱆⰳⱏⰹ. ⰲⱏⰸⱏⱂⰻⱎⱔ ⰳⰾ҃ⱙⱎⱅⰵ. ⱂⱃⱁⱂⱐⱀⰻ ⰻ ⱂⱃⱁⱂⱐⱀⰻ ⰻ. !Ⰳⰾⰰ ⰻⰿⱏ ⱂⰻⰾⰰⱅⱏ. ⱂⱁⰻⰿⱑⱅⰵ ⰲⱏⰹ ⰻ ⱂⱃⱁⱂⱐⱀⱑⱅⰵ. Ⰰⰸⱏ ⰱⱁ ⱀⰵ ⱁⰱⱃⱑⱅⰰⱙ ⰲⱐ ⱀⰵⰿⱐ ⰲⰻⱀⱏⰹ.
Егда же и видѣшѧ архиереи и слоугꙑ. възъпишѧ гл҃ѭште. пропьни и пропьни и. !Гла имъ пилатъ. поимѣте вꙑ и пропьнѣте. Азъ бо не обрѣтаѭ вь немь винꙑ.
19:7
ⱁⱅⱏⰲⱑⱎⱅⰰⱎⱔ ⰵⰿⱆ ⰻⱓⰴⰵⰻ. ⰿⱏⰹ ⰸⰰⰽⱁⱀⱏ ⰻⰿⰰⰿⱏ ⰻ ⱂⱁ ⰸⰰⰽⱁⱀⱆ ⱀⰰⱎⰵⰿⱆ ⰴⰾⱏⰶⰵⱀⱏ ⰵⱄⱅⱏ ⱆⰿⱐⱃⱑⱅⰻ. ⱑⰽⱁ ⱄⱀ҃ⱐ ⰱⰶ҃ⰹⰻ ⱅⰲⱁⱃⰻⱅⱏ ⱄⱔ.
отъвѣшташѧ емоу июдеи. мꙑ законъ имамъ и по законоу нашемоу длъженъ естъ оумьрѣти. ѣко сн҃ь бж҃іи творитъ сѧ.
19:8
Ⰵⰳⰴⰰ ⰶⰵ ⱄⰾⱏⰹⱎⰰ ⱂⰻⰾⰰⱅⱏ ⱄⰵ ⱄⰾⱁⰲⱁ. ⱂⰰⱍⰵ ⱆⰱⱁⱑ ⱄⱔ
Егда же слꙑша пилатъ се слово. паче оубоѣ сѧ
19:9
ⰻ ⰲⱐⱀⰻⰴⰵ ⰲⱏ ⱂⱃⰵⱅⱁⱃⱏ ⱂⰰⰽⱏⰹ. ⰺ ⰳⰾ҃ⰰ ⰻⱄ҃ⰲⰻ. ⱁⱅⱏ ⰽⱘⰴⱆ ⰵⱄⰻ ⱅⱏⰹ. ⰺⱄ҃ ⰶⰵ ⱁⱅⱏⰲⱑⱅⰰ ⱀⰵ ⱄⱏⱅⰲⱁⱃⰻ ⰵⰿⱆ ::
и вьниде въ преторъ пакꙑ. ꙇ гл҃а ис҃ви. отъ кѫдоу еси тꙑ. ꙇс҃ же отъвѣта не сътвори емоу ::
19:10
!Ⰳⰾⰰ ⰵⰿⱆ ⱂⰻⰾⰰⱅⱏ. ⰿⱐⱀⱑ ⰾⰻ ⱀⰵ ⰳⰾ҃ⰵⱎⰻ. ⱀⰵ ⰲⱑⱄⰻ ⰾⰻ ⱑⰽⱁ ⰲⰾⰰⱄⱅⱐ ⰻⰿⰰⰿⱏ ⱂⱃⱁⱂⱔⱅⰻ ⱅⱔ. ⰻ ⰲⰾⰰⱄⱅⱐ ⰻⰿⰰⰿⱏ ⱂⱆⱄⱅⰻⱅⰻ ⱅⱔ.
!Гла емоу пилатъ. мьнѣ ли не гл҃еши. не вѣси ли ѣко власть имамъ пропѧти тѧ. и власть имамъ поустити тѧ.
19:11
ⱁⱅⱏⰲⱑⱎⱅⰰ ⰻⱄ҃. ⱀⰵ ⰻⰿⰰⱎⰻ ⱁⰱⰾⰰⱄⱅⰻ ⱀⰰ ⰿⱐⱀⱑ ⱀⰻⰽⱁⰵⱗⰶⰵ. ⰰⱋⰵ ⱀⰵ ⰱⰻ ⱅⰻ ⰴⰰⱀⱁ ⱄⱏ ⰲⱏⰹⱎⰵ. ⱄⰵⰳⱁ ⱃⰰⰴⰻ ⱂⱃⱑⰴⰰⰲⱏⰹ ⰿⱔ ⱅⰵⰱⱑ ⰱⱁⰾⰻⰻ ⰳⱃⱑⱈⱏ ⰻⰿⰰⱅⱏ. ⱁⱅⱏ ⱅⱁⰳⱁ ⱂⰻⰾⰰⱅⱏ ⰻⱄⰽⰰⰰⱎⰵ ⱂⱆⱄⱅⰻⱅⰻ ⰻ.
отъвѣшта ис҃. не имаши области на мьнѣ никоеѩже. аще не би ти дано съ вꙑше. сего ради прѣдавꙑ мѧ тебѣ болии грѣхъ иматъ. отъ того пилатъ искааше поустити и.
19:12
ⰺⱓⰴⰵⰻ ⰶⰵ ⰲⱏⱂⰻⱑ[ⱈⱘ] ⰳⰾ҃ⱙⱎⱅⰵ. ⰰⱎⱅⰵ ⱄⰵⰳⱁ ⱂⱆⱄⱅⰻⱎⰻ ⱀⱑⱄⰻ ⰴⱃⱆⰳⱏ ⰽⰵⱄⰰⱃⱁⰲⰻ. ⰲⱐⱄⱑⰽⱏ ⰻⰶⰵ ⱄⱔ ⱅⰲⱁⱃⰻⱅⱏ !ⱌⱃⱏ. ⱂⱃⱁⱅⰻⰲⰻⱅⱏ ⱄⱔ ⰽⰵⱄⰰⱃⱁⰲⰻ :: --.
ꙇюдеи же въпиѣ[хѫ] гл҃ѭште. аште сего поустиши нѣси дроугъ кесарови. вьсѣкъ иже сѧ творитъ !цръ. противитъ сѧ кесарови :: --.
19:13
ⱂⰻⰾⰰⱅⱏ ⰶⰵ ⱄⰾⱏⰹⱎⰰⰲⱏ ⱅⰰ ⱄⰾⱁⰲⰵⱄⰰ. ⰻⰸⰲⰵⰴⰵ ⰲⱁⱀⱏ ⰻⱄ҃ⰰ. ⰺ ⱄⱑⰴⰵ ⱀⰰ ⱄⱘⰴⰻⰻⱎⱅⰻ. ⱀⰰ ⰿⱑⱄⱅⱑ ⱀⰰⱃⰻⱌⰰⰵⰿⱑⰿⱐ ⰾⰻⱅⱁⱄⱅⱃⱁⱅⱑ. ⰵⰲⰲⱃⱑⰻⱄⰽⱏⰹ ⰶⰵ ⰳⰰⰲⰲⰰⱅⰰ.
пилатъ же слꙑшавъ та словеса. изведе вонъ ис҃а. ꙇ сѣде на сѫдиишти. на мѣстѣ нарицаемѣмь литостротѣ. евврѣискꙑ же гаввата.
19:14
ⰱⱑ ⰶⰵ ⱂⰰⱃⰰⱄⰽⰵⰲⱐⰼⰻⰻ ⱂⰰⱄⱌⱑ. ⰳⱁⰴⰻⱀⰰ ⰱⱑ ⱑⰽⱁ ⱎⰵⱄⱅⰰⰰ. ⰺ ⰳⰾ҃ⰰ ⰻⱓⰴⰵⱁⰿⱏ ⱄⰵ ⱌⱄ҃ⱃⱏ ⰲⰰⱎⱏ.
бѣ же параскевьђии пасцѣ. година бѣ ѣко шестаа. ꙇ гл҃а июдеомъ се цс҃ръ вашъ.
19:15
ⱁⱀⰻ ⰶⰵ ⰲⱏⱂⰻⱑⱈⱘ ⰲⱏⰸⱐⰿⰻ ⰲⱏⰸⱐⰿⰻ ⱂⱃⱁⱂⱐⱀⰻ ⰻ. ⰳⰾ҃ⰰ ⰻⰿⱏ ⱂⰻⰾⰰⱅⱏ. ⱌⱄ҃ⱃⱑ ⰾⰻ ⰲⰰⱎⰵⰳⱁ ⱂⱃⱁⱂⱏⱀⱘ. ⱁⱅⱏⰲⱑⱎⱅⰰⱎⱔ ⰰⱃⱈⰻⰵⱃⰵⰻ. ⱀⰵ ⰻⰿⰰⰿⱏ ⱌⱄ҃ⱃⱑ. ⱅⱐⰽⰿⱁ ⰽⰵⱄⰰⱃⰰ.
они же въпиѣхѫ възьми възьми пропьни и. гл҃а имъ пилатъ. цс҃рѣ ли вашего пропънѫ. отъвѣшташѧ архиереи. не имамъ цс҃рѣ. тькмо кесара.
19:16
ⱅⱏⰳⰴⰰ ⰶⰵ ⱂⱃⱑⰴⰰⱄⱅⱏⰹ ⰻⰿⱏ ⰴⰰ ⰻ ⱂⱃⱁⱂⱏⱀⱘⱅⱏ :: ⰽ!ⱌ :: ⱁⱀⰻ ⰶⰵ ⱂⱁⰵⰿⱏⱎⰵ ⰻⱄ҃ⰰ ⰲⱑⱄⱔ.
тъгда же прѣдастꙑ имъ да и пропънѫтъ :: к!ц :: они же поемъше ис҃а вѣсѧ.
19:17
ⰺ ⱄⰰⰿⱏ ⱄⰻ ⱀⰵⱄⱏⰹ !ⰽⱃⱄⱅⱏ. ⰺ҅ⰸⰻⰴⰵ ⰲⱏ ⱀⰰⱃⰻⱌⰰⰵⰿⱁⰵ ⰽⱃⰰⱀⰻⰵⰲⱁ ⰿⱑⱄⱅⱁ. ⰵⰶⰵ ⰳⰾ҃ⰵⱅⱏ ⱄⱔ ⰵⰲⱃⰵⰻⱄⰽⱏⰹ ⰳⱁⰾⰳⱁⱅⰰ.
ꙇ самъ си несꙑ !крстъ. ꙇ҅зиде въ нарицаемое краниево мѣсто. еже гл҃етъ сѧ евреискꙑ голгота.
19:18
ⰺⰴⰵⰶⰵ ⰻ ⱂⱃⱁⱂⱔⱄⱔ. ⰺ ⱄⱏ ⱀⰻⰿⱐ ⰻⱀⰰ ⰴⱏⰲⰰ. ⱄⱘⰴⱆ ⰻ ⱁⰲⱘⰴⱆ. ⱂⱁ ⱄⱃⱑⰴⱑ ⰶⰵ ⰻⱄ҃ⰰ.
ꙇдеже и пропѧсѧ. ꙇ съ нимь ина дъва. сѫдоу и овѫдоу. по срѣдѣ же ис҃а.
19:19
ⱀⰰⱂⰻⱄⰰ ⰶⰵ ⰻ ⱅⰻⱅⰾⰰ ⱂⰻⰾⰰⱅⱏ. ⰺ ⱂⱁⰾⱁⰶⰻ ⱀⰰ !ⰽⱃⱄⱅⱑ. ⰱⱑ ⰶⰵ ⱀⰰⱂⰻⱄⰰⱀⱁ ⰻⱄ҃ ⱀⰰⰸⰰⱃⱑⰻ ⱌⱄ҃ⱃⱏ ⰻⱓⰴⰵⰻⱄⰽⱏ.
написа же и титла пилатъ. ꙇ положи на !крстѣ. бѣ же написано ис҃ назарѣи цс҃ръ июдеискъ.
19:20
ⱄⰵⰳⱁ ⰶⰵ ⱅⰻⱅⰾⰰ ⰿⱏⱀⱁⰷⰻ ⱍⰻⱄⱔ ⱁⱅⱏ ⰻⱓⰴⱑⰻ. ⱑⰽⱁ ⰱⰾⰻⰸⱏ ⰱⱑ ⰿⱑⱄⱅⱁ ⰳⱃⰰⰴⰰ. ⰺⰴⰵⰶⰵ ⱂⱃⱁⱂⱔⱄⱔ ⰻⱄ҃ⰰ. ⰺ ⰱⱑ ⱀⰰⱂⰻⱄⰰⱀⱁ ⰵⰲⱃⱑⰻⱄⰽⱏⰹ ⰳⱃⱏⱍⱏⱄⰽⱏⰹ ⰻ ⰾⰰⱅⰻⱀⱏⱄⰽⱏⰹ :: -- ::
сего же титла мъноѕи чисѧ отъ июдѣи. ѣко близъ бѣ мѣсто града. ꙇдеже пропѧсѧ ис҃а. ꙇ бѣ написано еврѣискꙑ гръчъскꙑ и латинъскꙑ :: -- ::
19:21
!Ⰳⰾⰰⰰⱈⱘ ⰶⰵ ⱂⰻⰾⰰⱅⱁⰲⰻ ⰰⱃⱈⰻⰵⱃⰵⰻ ⰻⱓⰴⰵⰻⱄⱌⰻⰻ. ⱀⰵ ⱂⰻⱎⰻ !ⱌⱃⱏ ⰻⱓⰴⰵⰻⱄⰽⱏ. ⱀⱏ ⱑⰽⱁ ⱄⰰⰿⱏ ⱃⰵⱍⰵ. ⱌⱄ҃ⱃⱏ ⰵⱄⰿⱏ ⰻⱓⰴⰵⰻⱄⰽⱏ.
!Глаахѫ же пилатови архиереи июдеисции. не пиши !цръ июдеискъ. нъ ѣко самъ рече. цс҃ръ есмъ июдеискъ.
19:22
ⱁⱅⱏⰲⱑⱎⱅⰰ ⱂⰻⰾⰰⱅⱏ. ⰵⰶⰵ ⱂⰻⱄⰰⱈⱏ ⱂⰻⱄⰰⱈⱏ ::
отъвѣшта пилатъ. еже писахъ писахъ ::
19:23
Ⰲⱁⰻⱀⰻ ⰶⰵ ⰵⰳⰴⰰ ⱂⱃⱁⱂⱔⱄⱔ ⰻⱄ҃ⰰ ⱂⱃⰻⱗⱄⱔ [ⱃⰻ]ⰸⱏⰹ ⰵⰳⱁ. ⰺ ⱄⱏⱅⰲⱁⱃⰻⱎⱔ ⱍⰵⱅⱏⰹⱃⰻ ⱍ!ⱄⰻ. ⰽⱁⰿⱆⰶⱏⰴⱁ ⰲⱁⰻⱀⱆ ⱍⱔⱄⱅⱐ. ⰻ ⱈⰻⱅⱁⱀⱏ. ⰱⱑ ⰶⰵ ⱈⰻⱅⱁⱀⱏ ⱀⰵ ⱎⱏⰲⰵⱀⱏ. ⱄⱏ ⰲⱃⱏⱈⱆ ⰻⱄⱅⱏⰽⰰⱀⱏ ⰲⱐⱄⱐ.
Воини же егда пропѧсѧ ис҃а приѩсѧ [ри]зꙑ его. ꙇ сътворишѧ четꙑри ч!си. комоужъдо воиноу чѧсть. и хитонъ. бѣ же хитонъ не шъвенъ. съ връхоу истъканъ вьсь.
19:24
ⱃⱑⱎⱔ ⰶⰵ ⰽⱏ ⱄⰵⰱⱑ ⱀⰵ ⱂⱃⱑⰴⰵⱃⱑⰿⱏ ⰵⰳⱁ. ⱀⱏ ⰿⰵⱅⱑⰿⱐ ⰶⱃⱑⰱⰻⱗ ⰽⱁⰿⱆ ⰱⱘⰴⰵⱅⱏ. ⰴⰰ ⱄⱏⰱⱘⰴⱘⱅⱏ ⱄⱔ ⰽⱏⱀⰻⰳⱏⰹ ⰳⰾ҃ⱙⱎⱅⱔⱗ. ⱃⰰⰸⰴⱑⰾⰻⱎⱔ ⱄⰵⰱⱑ ⱃⰻⰸⱏⰹ ⰿⱁⱗ. ⰺ ⱁ ⰿⰰⱅⰻⰸⰿⱏ ⰿⱁⰻ ⰿⰵⱅⰰⱎⱔ ⰶⱃⱑⰱⰻⱗ. ⰲⱁⰻⱀⰻ ⰶⰵ ⱆⰱⱁ ⱄⰻ ⱄⱏⱅⰲⱁⱃⰻⱎⱔ ::
рѣшѧ же къ себѣ не прѣдерѣмъ его. нъ метѣмь жрѣбиѩ комоу бѫдетъ. да събѫдѫтъ сѧ кънигꙑ гл҃ѭштѧѩ. раздѣлишѧ себѣ ризꙑ моѩ. ꙇ о матизмъ мои меташѧ жрѣбиѩ. воини же оубо си сътворишѧ ::
19:25
Ⱄⱅⱁⱑⱈⱘ ⰶⰵ ⱂⱃⰻ !ⰽⱃⱄⱅⱑ ⰻⱄ҃ⰲⱑ ⰿⰰⱅⰻ ⰵⰳⱁ ⰻ ⱄⰵⱄⱅⱃⰰ ⰿⰰⱅⰵⱃⰵ ⰵⰳⱁ. ⰿⰰⱃⰻⱑ ⰽⰾⰵⱁⱂⱁⰲⰰ. ⰺ ⰿⰰⱃⰻⱑ ⰿⰰⰳⰴⰰⰾⰻⱀⰻ.
Стоѣхѫ же при !крстѣ ис҃вѣ мати его и сестра матере его. мариѣ клеопова. ꙇ мариѣ магдалини.
19:26
ⰺⱄ҃ ⰶⰵ ⰲⰻⰴⱑⰲⱏ ⰿⰰⱅⰵⱃⱐ. ⰺ ⱆⱍⰵⱀⰻⰽⰰ ⱄⱅⱁⱗⱎⱅⰰ ⰵⰳⱁⰶⰵ ⰾⱓⰱⰾⱑⰰⱎⰵ. ⰳⰾ҃ⰰ ⰿⰰⱅⰵⱃⰻ ⱄⰲⱁⰵⰻ. ⰶⰵⱀⱁ ⱄⰵ ⱄⱀ҃ⱏ ⱅⰲⱁⰻ.
ꙇс҃ же видѣвъ матерь. ꙇ оученика стоѩшта егоже люблѣаше. гл҃а матери своеи. жено се сн҃ъ твои.
19:27
ⱂⱁ ⱅⱁⰿⱐ ⰶⰵ ⰳⰾ҃ⰰ ⱆⱍⰵⱀⰻⰽⱆ ⱄⰵ ⰿⰰⱅⰻ ⱅⰲⱁⱑ. ⰺ ⱁⱅⱏ ⱅⱁⰳⱁ ⱍⰰⱄⰰ ⱂⱁⱗⱅⱏ ⱙ ⱆⱍⰵⱀⰻⰽⱏ ⰲⱏ ⱄⰲⱁⱑ ⱄⰻ.
по томь же гл҃а оученикоу се мати твоѣ. ꙇ отъ того часа поѩтъ ѭ оученикъ въ своѣ си.
19:28
ⱂⱁ ⱄⰵⰿⱐ ⰲⱑⰴⱏⰹ ⰻⱄ҃ⱏ. ⱑⰽⱁ ⰲⱐⱄⱑ ⱓⰶⰵ ⱄⱏⰲⱃⱏⱎⰻⱎⱔ ⱄⱔ ⱁ ⱀⰵⰿⱐ. -- ⰴⰰ ⱄⱏⰱⱘⰴⱘⱅⱏ ⱄⱔ ⰽⱏ[ⱀⰻ]ⰳⱏⰹ. ⰳⰾ҃ⰰ ⰶⱔⰶⰴⱘ.
по семь вѣдꙑ ис҃ъ. ѣко вьсѣ юже съвръшишѧ сѧ о немь. -- да събѫдѫтъ сѧ къ[ни]гꙑ. гл҃а жѧждѫ.
19:29
ⱄⱏⱄⱘⰴⱏ ⰶⰵ ⱄⱅⱁⱑⰰⱎⰵ ⱂⰾⱏⱀⱏ ⱁⱌⸯⱅⰰ. ⱁⱀⰻ ⰶⰵ ⰻⱄⱂⰾⱏⱀⱐⱎⰵ ⰳⱘⰱⱘ ⱁⱌⱐⱅⰰ. ⱀⰰ ⱛ҅ⱄⱁⱂⱏ ⰲⱏⰸⱀⰵⰸⱏⱎⰵ. ⱂⱃⰻⰴⱑⱎⱔ ⰽⱏ ⱆⱄⱅⱁⰿⱏ ⰵⰳⱁ.
съсѫдъ же стоѣаше плънъ оцⸯта. они же исплъньше гѫбѫ оцьта. на ѵ҅сопъ възнезъше. придѣшѧ къ оустомъ его.
19:30
ⰵⰳⰴⰰ ⰶⰵ ⱂⱃⰻⱗⱅⱏ ⱁⱌⱐⱅⰰ ⰻⱄ҃ⱏ. ⱃⰵⱍⰵ. ⱄⱏⰲⱃⱏⱎⰻ ⱄⱔ :: --. ⰺ ⱂⱃⱑⰽⰾⱁⱀⱐ ⰳⰾⰰⰲⱘ ⱂⱃⱑⰴⰰⱄⱅⱏ ⰴⱈ҃ⱏ ::
егда же приѩтъ оцьта ис҃ъ. рече. съвръши сѧ :: --. ꙇ прѣклонь главѫ прѣдастъ дх҃ъ ::
19:31
Ⰺⱓⰴⰵⰻ ⰶⰵ ⱂⱁⱀⰵⰶⰵ ⱂⰰⱃⰰⱄⰽⰵⰲⱐⰼⰻ ⰱⱑ. ⰴⰰ ⱀⰵ ⱁⱄⱅⰰⱀⱘⱅⱏ !ⱀⰽⱄⱅⱑ ⱅⱑⰾⰵⱄⰰ. ⰲⱏ ⱄⱁⰱⱁⱅⱘ. ⰱⱑ ⰱⱁ ⰲⰵⰾⰻⰽⱏ ⰴⰵⱀⱐ ⱅⱁⱗ ⱄⱁⰱⱁⱅⱏⰹ. ⰿⱁⰾⰻⱎⱔ ⱂⰻⰾⰰⱅⰰ ⰴⰰ ⱂⱃⱑⰱⰻⱙⱅⱏ ⰳⱁⰾⱑⱀⰻ ⰻⱈⱏ. ⰺ ⰲⱏⰸⱏⰿⱘⱅⱏ ⱗ.
Ꙇюдеи же понеже параскевьђи бѣ. да не останѫтъ !нкстѣ тѣлеса. въ соботѫ. бѣ бо великъ день тоѩ соботꙑ. молишѧ пилата да прѣбиѭтъ голѣни ихъ. ꙇ възъмѫтъ ѩ.
19:32
ⱂⱃⰻⰴⱘ ⰶⰵ ⰲⱁⰻⱀⰻ. ⰺ ⱂⱃⱏⰲⱁⱆⰿⱆ ⱂⱃⱑⰱⰻⱎⱔ ⰳⱁⰾⱑⱀⰻ. ⰺ ⰴⱃⱆⰳⱆⰿⱆ ⱂⱃⱁⱂⱔⱅⱆⰿⱆ ⱄⱏ ⱀⰻⰿⱐ.
придѫ же воини. ꙇ пръвооумоу прѣбишѧ голѣни. ꙇ дроугоумоу пропѧтоумоу съ нимь.
19:33
ⱀⰰ ⰻⱄ҃ⰰ ⰶⰵ ⱂⱃⰻⱎⰵⰴⱏⱎⰵ ⱑⰽⱁ ⰲⰻⰴⱑⱎⱔ ⰻ ⱓⰶⰵ ⱆⰿⱐⱃⱐⱎⱏ. ⱀⰵ ⱂⱃⱑⰱⰻⱎⱔ ⰵⰿⱆ ⰳⱁⰾⱑⱀ ⱓ҅.
на ис҃а же пришедъше ѣко видѣшѧ и юже оумьрьшъ. не прѣбишѧ емоу голѣн ю҅.
19:34
ⱀⱏ ⰵⰴⰻⱀⱏ ⱁⱅⱏ ⰲⱁⰻⱀⱏ. ⰽⱁⱂⰻⰵⰿⱐ ⰵⰿⱆ ⱃⰵⰱⱃⰰ ⱂⱃⱁⰱⱁⰴⰵ. ⰺ ⰻⰸⰻⰴⰵ ⰰⰱⰻⰵ ⰽⱃⱏⰲⱏ ⰻ ⰲⱁⰴⰰ.
нъ единъ отъ воинъ. копиемь емоу ребра прободе. ꙇ изиде абие кръвъ и вода.
19:35
ⰺ ⰲⰻⰴⱑⰲⱏ ⰻ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ. ⰺ ⰻⱄⱅⰻⱀⱏⱀⱁ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰵⰳⱁ :: ⰽ!ⱌ :: ⰺ҅ ⱅⱏ ⰲⱑⱄⱅⱏ ⱑⰽⱁ ⰻⱄⱅⰻⱀⱘ ⰳⰾ҃ⰵⱅⱏ. ⰴⰰ ⰲⱏⰹ ⰲⱑⱃⱘ ⰻⰿⰵⱅⰵ.
ꙇ видѣвъ и съвѣдѣтельствова. ꙇ истинъно естъ съвѣдѣтельство его :: к!ц :: ꙇ҅ тъ вѣстъ ѣко истинѫ гл҃етъ. да вꙑ вѣрѫ имете.
19:36
ⰱⱏⰹⱎⱔ ⰱⱁ ⱄⰻ ⰴⰰ ⱄⱏⰱⱘⰴⱘⱅⱏ [ⱄⱔ] ⰽⱏⱀⰻⰳⱏⰹ. ⰽⱁⱄⱅⱐ ⱀⰵ ⱄⱏⰽⱃⱆ[ⱎⰻ]ⱅⱏ ⱄⱔ ⰵⰳⱁ.
бꙑшѧ бо си да събѫдѫтъ [сѧ] кънигꙑ. кость не съкроу[ши]тъ сѧ его.
19:37
ⰺ ⱂⰰⰽⱏⰹ ⰴⱃⱆⰳⱏⰹⱗ ⰽⱐⱀⰻⰳⱏⰹ ⰳⰾ҃ⱙⱅⱏ. ⰲⱐⰸⱐⱃⱔⱅⱏ ⱀⰰ ⱀⱐ ⰵⰳⱁⰶⰵ ⱂⱃⱁⰱⰰⱄⱔ :: ⰽ!ⱌ ::
ꙇ пакꙑ дроугꙑѩ кьнигꙑ гл҃ѭтъ. вьзьрѧтъ на нь егоже пробасѧ :: к!ц ::
19:38
Ⱂⱁ ⱄⰻⱈⱏ ⰶⰵ ⰿⱁⰾⰻ ⱂⰻⰾⰰⱅⰰ ⰻⱁⱄⰻⱇⱏ. ⰺⰶⰵ ⰱⱑ ⱁⱅⱏ ⰰⱃⰻⰿⰰⱅⱑⱗ. ⱄⱔⰻ ⱆⱍⰵⱀⰻⰽⱏ ⰻⱄ҃ⰲⱏ. ⱅⰰⰻⱀⱏ ⰶⰵ ⰸⰰ ⱄⱅⱃⰰⱈⱏ ⰻⱓⰴⰵⰻⱄⰽⱏ. ⰴⰰ ⰲⱏⰸⱐⰿⰵⱅⱏ ⱅⱑⰾⱁ ⰻⱄ҃ⰲⱁ. ⰻ ⱂⱁⰲⰵⰾⱑ ⱂⰻⰾⰰⱅⱏ. ⱂⱃⰻⰴⰵ ⰶⰵ ⰻ ⰲⱐⰸⱔⱅⱏ ⱅⱑⰾⱁ ⰻⱄ҃ⰲⱁ.
По сихъ же моли пилата иосифъ. ꙇже бѣ отъ ариматѣѩ. сꙙи оученикъ ис҃въ. таинъ же за страхъ июдеискъ. да възьметъ тѣло ис҃во. и повелѣ пилатъ. приде же и вьзѧтъ тѣло ис҃во.
19:39
Ⱂⱃⰻⰴⰵ ⰶⰵ ⰻ ⱀⰻⰽⱁⰴⰻⰿⱏ ⱂⱃⰻⱎⰵⰴⱏⰹ ⰽⱏ ⰻⱄ҃ⰲⰻ ⱀⱁⱎⱅⰻⱙ ⱂⱃⱑⰶⰴⰵ. ⱀⰵⱄⱏⰹ ⱄⱏⰿⱑⱎⰵⱀⰻⰵ ⰸⰿⱃⱏⱀⱀⱁ ⰻ ⰰⰾⰳⱆⰻⱀⱁ. ⱑⰽⱁ ⰻ ⰾⰻⱅⱃⱏ ⱄⱏⱅⱁ.
Приде же и никодимъ пришедꙑ къ ис҃ви ноштиѭ прѣжде. несꙑ съмѣшение змрънно и алгоуино. ѣко и литръ съто.
19:40
Ⱂⱃⰻⱗⱄⱅⰵ ⰶⰵ ⱅⱑⰾⱁ ⰻⱄ҃ⰲⱁ. ⰺ ⱁⰱⰻⱄⱅⰵ ⰵ ⱃⰻⰸⰰⰿⰻ ⱄⱏ ⰰⱃⱁⰿⰰⱅⱏⰹ. ⱑⰽⱁⰶⰵ ⱁⰱⱏⰹⱍⰰⰻ ⰵⱄⱅⱏ ⰻⱓⰴⱑⱁⰿⱏ ⱂⱁⰳⱃⱑⰱⰰⱅⰻ.
Приѩсте же тѣло ис҃во. ꙇ обисте е ризами съ ароматꙑ. ѣкоже обꙑчаи естъ июдѣомъ погрѣбати.
19:41
ⰱⱑ ⰶⰵ ⱀⰰ ⰿⱑⱄⱅⱑ ⰻⰴⰵⰶⰵ ⰻ ⱂⱃⱁⱂⱔⱄⱔ. ⰲⱃⱏⱅⱏⱂⱏ. ⰺ ⰲⱏ ⰲⱃⱏⱅⱏⱂⱑ ⰳⱃⱁⰱⱏ ⱀⱁⰲⱏ. ⰲⱐ ⱀⰵⰿⱐⰶⰵ ⱀⰻⰽⱁⰾⰻⰶⰵ ⱀⰻⰽⱏⱅⱁⰶⰵ ⱀⰵ ⰱⱑ ⱂⱁⰾⱁⰶⰵⱀⱏ.
бѣ же на мѣстѣ идеже и пропѧсѧ. врътъпъ. ꙇ въ врътъпѣ гробъ новъ. вь немьже николиже никътоже не бѣ положенъ.
19:42
ⱅⱆ ⰶⰵ ⰸⰰ ⱂⰰⱃⰰⱄⰽⰵⰲⱐⰼⰻⱙ ⰻⱓⰴⱑⰻⱄⰽⱘ. ⱑⰽⱁ ⰱⰾⰻⰸⱏ ⰱⱑⰰⱎⰵ ⰳⱃⱁⰱⱏ. ⱂⱁⰾⱁⰶⰻⱄⱅⰵ ⰻⱄ҃ⰰ :: ⰽ!ⱌ ::
тоу же за параскевьђиѭ июдѣискѫ. ѣко близъ бѣаше гробъ. положисте ис҃а :: к!ц ::