ЕВАНГЕЛИЕ ЕЖЕ Ѿ ІОАННА
5:1
Ⱂⱁ ⱄⰻⱈⱏ ⰶⰵ ⰱⱑ ⱂⱃⰰⰸⰴⱐⱀⰻⰽⱏ ⰻⱓⰴⰵⰻⱄⰽⱏ. Ⰺ ⰲⱐⰸⰻⰴⰵ ⰻⱄ҃ ⰲⱏ ⰵⱃⱆⱄⰰⰾⰻⰿⱏ.
По сихъ же бѣ праздьникъ июдеискъ. Ꙇ вьзиде ис҃ въ ероусалимъ.
5:2
ⰵⱄⱅⱏ ⰶⰵ ⰲⱏ !ⰵⱃⱄⰿⱑⱈⱏ ⱀⰰ ⱁⰲⱐⱍⰻ ⰽⱘⱂⱑⰾⰻ. ⱑⰶⰵ ⱀⰰⱃⰻⱌⰰⰰⱅⱏ ⱄⱔ ⰵⰲⱃⰵⰻⱄⰽⱏⰹ ⰲⰻⱅⰵⰸⰴⰰ. ⱂⱔⱅⱐ ⱂⱃⰻⱅⰲⱁⱃⱏ ⰻⰿⱘⱎⱅⰻ.
естъ же въ !ерсмѣхъ на овьчи кѫпѣли. ѣже нарицаатъ сѧ евреискꙑ витезда. пѧть притворъ имѫшти.
5:3
ⰲⱏ ⱅⱑⱈⱏ ⰾⰵⰶⰰⰰⱎⰵ ⰿⱏⱀⱁⰶⱐⱄⱅⰲⱁ ⰱⱁⰾⱔⱎⱅⰻⰻⱈⱏ. ⱄⰾⱑⱂⱏ ⱈⱃⱁⰿⱏ. ⱄⱆⱈⱏ. ⱍⰰⱙⱋⰻⰻⱈⱏ ⰴⰲⰻⰶⰵⱀⰻⱑ ⰲⱁⰴⱑ.
въ тѣхъ лежааше мъножьство болѧштиихъ. слѣпъ хромъ. соухъ. чаѭщиихъ движениѣ водѣ.
5:4
!ⰰⱀⰳⰾ ⰱⱁ ⰳⱀ҃ⱐ ⱀⰰ ⰲⱐⱄⱑ ⰾⱑⱅⰰ ⱄⱏⱈⱁⰶⰴⰰⰰⱎⰵ ⰲⱏ ⰽⱘⱂⱑⰾⱐ. ⰺ ⰲⱏⰸⰿⱘⱎⱅⰰⰰⱎⰵ ⰲⱁⰴⱘ. ⰺ ⰻⰶⰵ ⱂⱃⱏⰲⱑⰵ ⰲⱏⰾⰰⰶⰰⰰⱎⰵ ⱂⱁ ⰲⱏⰸⰿⱘⱎⱅⰵⱀⰻⰻ ⰲⱁⰴⱏⰹ. ⱄⱏⰴⱃⰰⰲⱏ ⰱⱏⰹⰲⰰⰰⱎⰵ. ⱑⱌⱑⰿⱏ ⰶⰵ ⱀⰵⰴⱘⰳⱁⰿⱏ ⱁⰴⱃⱏⰶⰻⰿⱏ ⰱⱏⰹⰲⰰⰰⱎⰵ.
!англ бо гн҃ь на вьсѣ лѣта съхождааше въ кѫпѣль. ꙇ възмѫштааше водѫ. ꙇ иже пръвѣе вълажааше по възмѫштении водꙑ. съдравъ бꙑвааше. ѣцѣмъ же недѫгомъ одръжимъ бꙑвааше.
5:5
Ⰱⱑ ⰶⰵ ⱅⱆ ⰵⰴⰻⱀⱏ ⱍⰾⰲ҃ⰽⱏ. !ⰼ. ⰺ ⱁⱄⰿⱐ ⰾⱑⱅⱏ ⰻⰿⱏⰹ ⰲⱏ ⱀⰵⰴⱘⰷⱑ ⱄⰲⱁⰵⰿⱐ.
Бѣ же тоу единъ члв҃къ. !ђ. ꙇ осмь лѣтъ имꙑ въ недѫѕѣ своемь.
5:6
ⱄⰵⰳⱁ ⰲⰻⰴⱑⰲⱏ ⰻⱄ҃ ⰾⰵⰶⱔⱎⱅⰰ. ⰺ ⱃⰰⰸⱆⰿⱑⰲⱏ. ⱑⰽⱁ ⰿⱏⱀⱁⰳⰰ ⰾⱑⱅⰰ ⱙⰶⰵ ⰻⰿⱑⰰⱎⰵ. ⰳⰾ҃ⰰ ⰵⰿⱆ ⱈⱁⱎⱅⰵⱎⰻ ⰾⰻ ⱌⱑⰾⱏ ⰱⱏⰹⱅⰻ.
сего видѣвъ ис҃ лежѧшта. ꙇ разоумѣвъ. ѣко мънога лѣта ѭже имѣаше. гл҃а емоу хоштеши ли цѣлъ бꙑти.
5:7
ⱁⱅⱏⰲⱑⱋⰰ ⰵⰿⱆ ⱀⰵⰴⱘⰶⱏⱀⱏⰹ. ⰵⰻ ⰳ҃ⰻ ⱍⰾ҃ⰽⰰ ⰶⰵ ⱀⰵ ⰻⰿⰰⰿⱏ. ⰴⰰ ⰵⰳⰴⰰ ⰲⱏⰸⰿⱘⱅⰻⱅⱏ ⱄⱔ ⰲⱁⰴⰰ. ⰲⱏⰲⱃⱏⰶⰵⱅⱏ ⰿⱔ ⰲⱏ ⰽⱘⱂⱑⰾⱐ. ⰵⰳⰴⰰ ⰶⰵ ⱂⱃⰻⱈⱁⰶⰴⱘ ⰰⰸⱏ. ⰺⱀⱏ ⱂⱃⱑⰶⰴⰵ ⰿⰵⱀⰵ ⰲⱏⰾⰰⰸⰻⱅⱏ.
отъвѣща емоу недѫжънꙑ. еи г҃и чл҃ка же не имамъ. да егда възмѫтитъ сѧ вода. въвръжетъ мѧ въ кѫпѣль. егда же прихождѫ азъ. ꙇнъ прѣжде мене вълазитъ.
5:8
ⰳⰾ҃ⰰ ⰵⰿⱆ ⰻⱄ҃ : ⰲⱏⱄⱅⰰⱀⰻ ⰲⱏⰸⱏⰿⰻ ⱁⰴⱃⱏ ⱅⰲⱁⰻ. ⰺ ⰻⰴⰻ ⰲⱏ ⰴⱁⰿⱏ ⱄⰲⱁⰻ.
гл҃а емоу ис҃ : въстани възъми одръ твои. ꙇ иди въ домъ свои.
5:9
ⰺ ⰰⰱⱐⰵ ⱌⱑⰾⱏ ⰱⱏⰹⱄⱅⱏ ⱍⰾ҃ⰽⱏ. ⰺ ⰲⱐⰸⱔⱅⱏ ⱁⰴⱃⱏ ⱄⰲⱁⰻ. ⰻ ⱈⱁⰶⰴⰰⰰⱎⰵ
ꙇ абье цѣлъ бꙑстъ чл҃къ. ꙇ вьзѧтъ одръ свои. и хождааше
5:91
ⰱⱑ ⰶⰵ ⱄⱁⰱⱁⱅⰰ ⰲⱏ ⱅⱏ ⰴⱐⱀⱐ.
бѣ же собота въ тъ дьнь.
5:10
ⰳⰾ҃ⰰⱈⱘ ⰶⰵ ⰻⱓⰴⰵⰻ ⰻⱄⱌⱑⰾⱑⰲⱏⱎⱓⱆⰿⱆ. ⱄⱁⰱⱁⱅⰰ ⰵⱄⱅⱏ ⰻ ⱀⰵ ⰴⱁⱄⱅⱁⰻⱅⱏ ⱅⰵⰱⱑ ⰲⱐⰸⱔⱅⰻ ⱁⰴⱃⰰ ⱅⰲⱁⰵⰳⱁ.
гл҃ахѫ же июдеи исцѣлѣвъшюоумоу. собота естъ и не достоитъ тебѣ вьзѧти одра твоего.
5:11
ⱁⱀⱏ ⰶⰵ ⱁⱅⱏⰲⱑⱎⱅⰰ ⰻⰿⱏ. ⰺⰶⰵ ⰿⱔ ⱄⱏⱅⰲⱁⱃⰻ ⱌⱑⰾⰰ ⱅⱏ ⰿⱏⱀⱑ ⱃⰵⱍⰵ. ⰲⱐⰸⱐⰿⰻ ⱁⰴⱃⱏ ⱅⰲⱁⰻ ⰻ ⱈⱁⰴⰻ.
онъ же отъвѣшта имъ. ꙇже мѧ сътвори цѣла тъ мънѣ рече. вьзьми одръ твои и ходи.
5:12
ⰲⱏⱂⱃⱁⱄⰻⱎⱔ ⰶⰵ ⰻ ⰽⱏⱅⱁ ⰵⱄⱅⱏ !ⱍⰽⱏ ⱃⰵⰽⱏⰹ ⱅⰵⰱⱑ. ⰲⱐⰸⱐⰿⰻ ⱁⰴⱃⱏ ⱅⰲⱁⰻ ⰻ ⱈⱁⰴⰻ.
въпросишѧ же и къто естъ !чкъ рекꙑ тебѣ. вьзьми одръ твои и ходи.
5:13
ⰺⱄⱌⱑⰾⱑⰲⱏⰹ ⰶⰵ ⱀⰵ ⰲⱑⰴⱑⰰⱎⰵ ⰽⱅⱁ ⰵⱄⱅⱏ ⰺⱄ҃ ⰱⱁ ⱆⰽⰾⱁⱀⰻ ⱄⱔ ⱀⰰⱃⱁⰴⱆ ⱄⱘⱎⱅⱓ ⱀⰰ ⰿⱑⱄⱅⱑ.
ꙇсцѣлѣвꙑ же не вѣдѣаше кто естъ ꙇс҃ бо оуклони сѧ народоу сѫштю на мѣстѣ.
5:14
ⱂⱁ ⱅⱁⰿⱐ ⰶⰵ ⱁⰱⱃⱑⱅⰵ ⰻ ⰻⱄ҃. ⰲⱏ !ⱌⱃⰽⰲⰵ. ⰺ ⱃⰵⱍⰵ ⰵⰿⱆ. ⱄⰵ ⱌⱑⰾⱏ ⰱⱏⰹⱄⱅ ⰽ ⱅⱁⰿⱆ ⱀⰵ ⱄⱏⰳⱃⱑⱎⰰⰻ. ⰴⰰ ⱀⰵ ⰳⱁⱃⰵ ⱍⱅⱁ ⰱⱘⰴⰵⱅⱏ.
по томь же обрѣте и ис҃. въ !цркве. ꙇ рече емоу. се цѣлъ бꙑст к томоу не съгрѣшаи. да не горе что бѫдетъ.
5:15
ⰺⰴⰵ ⰶⰵ ⱍⰾⰲ҃ⰽⱏ ⰻ ⱂⱁⰲⱑ[ⰴⱑ] ⰻⱓⰴⰵⱁⰿⱏ. ⱑⰽⱁ ⰻⱄ҃. ⰵⱄⱅⱏ ⰻⰶⰵ ⰻ ⱄⱏⱅⰲⱁⱃⰻ ⱌⱑⰾⰰ :: ⰽ!ⱌ ::
ꙇде же члв҃къ и повѣ[дѣ] июдеомъ. ѣко ис҃. естъ иже и сътвори цѣла :: к!ц ::
5:16
ⰺ҅ ⱄⰵⰳⱁ ⱃⰰⰴⰻ ⰳⱁⱀⱑⰰⱈⱘ ⰻⱓⰴⰵⰻ ⰻⱄ҃ⰰ. ⰻ ⰻⱄⰽⰰ{ⰰⱈⱘ} ⰰⱈⱘ ⰵⰳⱁ ⱆⰱⰻⱅⰻ. ⰸⰰⱀⰵ ⱄⰻ ⱅⰲⱁⱃⱑⰰⱎⰵ ⰲⱏ ⱄⱁⰱⱁⱅⱘ.
ꙇ҅ сего ради гонѣахѫ июдеи ис҃а. и иска{ахѫ} ахѫ его оубити. зане си творѣаше въ соботѫ.
5:17
Ⰺⱄ ⰶⰵ ⱁⱅⱏⰲⱑⱎⱅⰰⰲⰰⱎⰵ ⰻⰿⱏ :: ⱁⱅ҃ⱌⱏ ⰿⱁⰻ ⰴⱁ ⱄⰵⰾⱑ ⰴⱑⰾⰰⰰⱅⱏ. ⰻ ⰰⰸⱏ ⰴⱑⰾⰰⱙ.
Ꙇс же отъвѣштаваше имъ :: от҃цъ мои до селѣ дѣлаатъ. и азъ дѣлаѭ.
5:18
ⱄⰵⰳⱁ ⰶⰵ ⱃⰰⰴⰻ ⰻⱄⰽⰰⰰⱈⱘ ⱂⰰⱍⰵ ⰻⱓⰴⰵⰻ ⰵⰳⱁ ⱆⰱⰻⱅⰻ. ⱑⰽⱁ ⱀⰵ ⱅⱏⰽⰿⱁ ⱃⰰⰸⰰⱃⱑⰰⱎⰵ ⱄⱁⰱⱁⱅⱘ. ⱀⱏ ⰹ ⱁⱌ҃ⰰ ⱄⰲⱁⰵⰳⱁ ⰳⰾ҃ⰰⰰⱎⰵ ⰱ҃ⰰ. {ⱃⰰ} ⱃⰰⰲⰵⱀⱏ ⱄⱔ ⱅⰲⱁⱃⱔ ⰱ҃ⱆ.
сего же ради искаахѫ паче июдеи его оубити. ѣко не тъкмо разарѣаше соботѫ. нъ і оц҃а своего гл҃ааше б҃а. {ра} равенъ сѧ творѧ б҃оу.
5:19
ⱁⱅⱏⰲⱑⱎⱅⰰ ⰶⰵ ⰻⱄ҃ⱏ ⰻ ⱃⰵⱍⰵ ⰻⰿⱏ. ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱀⰵ ⰿⱁⰶⰵⱅⱏ ⱄⱀ҃ⱏ ⱁ ⱄⰵⰱⱑ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ. ⰰⱎⱅⰵ ⱀⰵ ⰵⰶⰵ ⰲⰻⰴⰻⱅⱏ ⱁⱅ҃ⱌⰰ ⱅⰲ{ⱃ}ⱁⱃⱔⱋⰰ. ⱑⰶⰵ ⰱⱁ ⱁⱀⱏ ⱅⰲⱁⱃⰻⱅⱏ. ⱄⰻ ⰻ ⱄⱀ҃ⱏ ⱅⰰⰽⱁⰶⰴⰵ. ⱅⰲⱁⱃⰻⱅⱏ.
отъвѣшта же ис҃ъ и рече имъ. аминь амин гл҃ѭ вамъ. не можетъ сн҃ъ о себѣ творити ничесоже. аште не еже видитъ от҃ца тв{р}орѧща. ѣже бо онъ творитъ. си и сн҃ъ такожде. творитъ.
5:20
ⱁⱅ҃ⱌ [ⰱ]ⱁ ⰾⱓⰱⰻⱅⱏ ⱄⱀ҃ⰰ. ⰻ ⰲⱐⱄⱑ ⱂⱁⰽⰰⰸⰰⰰⱅⱏ ⰵⰿⱆ ⱑⰶⰵ ⱄⰰⰿⱏ ⱅⰲⱁⱃⰻⱅⱏ. ⰺ ⰱⱁⰾⱐⱎⰰⰰ ⱄⰻⱈⱏ ⱂⱁⰽⰰⰶⰵⱅⱏ ⰵⰿⱆ ⰴⱑⰾⰰ. ⰴⰰ ⰲⱏⰹ ⱍⱓⰴⰻⱅⰵ ⱄⱔ.
от҃ц [б]о любитъ сн҃а. и вьсѣ показаатъ емоу ѣже самъ творитъ. ꙇ большаа сихъ покажетъ емоу дѣла. да вꙑ чюдите сѧ.
5:21
ⱑⰽⱁ ⰱⱁ ⱁⱌ҃ⱏ ⰲⱐⱄⰽⱃⱑⱎⰰⰰⱅⱏ ⰿⱃⱏⱅⰲⱏⰹⱗ ⰻ ⰶⰻⰲⰻⱅⱏ. ⱅⰰⰽⱁ ⰻ ⱄⱀ҃ⱏ ⱗⰶⰵ ⱈⱁⱎⱅⰵⱅⱏ ⰶⰻⰲⰻⱅⱏ.
ѣко бо оц҃ъ вьскрѣшаатъ мрътвꙑѩ и живитъ. тако и сн҃ъ ѩже хоштетъ живитъ.
5:22
ⱁⱅ҃ⱌⱏ ⰱⱁ ⱀⰵ ⱄⱘⰴⰻⱅⱏ ⱀⰻⰽⱁⰿⱆⰶⰵ. ⱀⱏ ⱄⱘⰴⱏ ⰲⰵⱄⱐ ⰴⰰⱄⱅⱏ ⱄⱀ҃ⱁⰲⰻ.
от҃цъ бо не сѫдитъ никомоуже. нъ сѫдъ весь дастъ сн҃ови.
5:23
ⰴⰰ ⰲⱏⱄⰻ ⱍⱅⱘⱅⱏ ⱄⱀ҃ⰰ ⱑⰽⱁⰶⰵ ⱍⱅⱘⱅⱏ ⱁⱅ҃ⱌⰰ. ⰺ ⰻⰶⰵ ⱀⰵ ⱍⱅⰵⱅⱏ ⱄⱀ҃ⰰ ⱀⰵ ⱍⱐⱅⰵⱅⱏ ⱁⱅ҃ⱌⰰ. ⱂⱁⱄⱏⰾⰰⰲⱏⱎⰰⰰⰳⱁ ⰻ.
да въси чтѫтъ сн҃а ѣкоже чтѫтъ от҃ца. ꙇ иже не чтетъ сн҃а не чьтетъ от҃ца. посълавъшааго и.
5:24
Ⰰⰿⰻⱀⱐ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱄⰾⱆⱎ ⱗ҅ⰻ ⱄⰾⱁⰲⰵⱄⰵ ⰿⱁⰵⰳⱁ. ⰻ ⰲⱑⱃⱘ ⰵⰿⰾⱔ ⱂⱁⱄⱏⰾⰰⰲⱏⱎⱓⰿⱆ ⰿⱔ. ⰺⰿⰰⱅⱏ ⰶⰻⰲⱁⱅⰰ ⰲⱑⱍⱏⱀⰰⰰⰳⱁ. ⰺ ⱀⰰ ⱄⱘⰴⱏ ⱀⰵ ⱂⱃⰻⰴⰵⱅⱏ. ⱀⱏ ⱂⱃⱑⰻⰴⰵⱅⱏ ⱁⱅⱏ ⱄⱏⰿⱃⱏⱅⰻ ⰲⱏ ⰶⰻⰲⱁⱅⱏ.
Аминь аминь гл҃ѭ вамъ. ѣко слоуш ѩ҅и словесе моего. и вѣрѫ емлѧ посълавъшюмоу мѧ. ꙇматъ живота вѣчънааго. ꙇ на сѫдъ не придетъ. нъ прѣидетъ отъ съмръти въ животъ.
5:25
ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰳⱃⱔⰴⰵⱅⱏ ⰳⱁⰴⰻⱀⰰ ⰻ ⱀⱏⰹⱀⱑ ⰵⱄⱅⱏ. ⰵⰳⰴⰰ ⰿⱃⱏⱅⰲⰻⰻ ⱆⱄⰾⱏⰹⱎⱔⱅⱏ ⰳⰾ҃ⱄⱏ ⱄⱀⰰ ⰱⰶ҃ⰻⱑ. ⰺ ⱆⱄⰾⱏⰹⱎⰰⰲⱏⱎⰵⰻ ⱁⰶⰻⰲⱘⱅⱏ.
аминь амин гл҃ѭ вамъ. ѣко грѧдетъ година и нꙑнѣ естъ. егда мрътвии оуслꙑшѧтъ гл҃съ сна бж҃иѣ. ꙇ оуслꙑшавъшеи оживѫтъ.
5:26
ⱑⰽⱁⰶⰵ ⰱⱁ ⱁⱅ҃ⱌⱏ ⰶⰻⰲⱁⱅⰰ ⰻⰿⰰⱅⱏ ⰲⱐ ⱄⰵⰱⱑ. ⱅⰰⰽⱁ ⰴⰰⱄⱅⱏ ⰻ ⱄⱀ҃ⱁⰲⰻ ⰶⰻⰲⱁⱅⰰ ⰻⰿⱑⱅⰻ ⰲⱐ ⱄⰵⰱⱑ.
ѣкоже бо от҃цъ живота иматъ вь себѣ. тако дастъ и сн҃ови живота имѣти вь себѣ.
5:27
ⰻ ⱁⰱⰾⰰⱄⱅⱏ ⰴⰰⱄⱅⱏ ⰵⰿⱆ ⰻ ⱄⱘⰴⱏ ⱅⰲⱁⱃⰻⱅⰻ. ⱑⰽⱁ ⱄⱀ҃ⱏ ⱍⰾⰲ҃ⱄⰽⱏⰹ ⰵⱄⱅⱏ.
и областъ дастъ емоу и сѫдъ творити. ѣко сн҃ъ члв҃скꙑ естъ.
5:28
ⱀⰵ ⰴⰻⰲⰻⱅⰵ ⱄⱔ ⱄⰵⰿⱆ. ⱑⰽⱁ ⰳⱃⱔⰴⰵⱅⱏ ⰳⱁⰴⰻⱀⰰ. ⰲⱐ ⱀⱓⰶⰵ ⰲⱐⱄⰻ ⱄⱁⱎⱅⰵⰻ ⰲⱏ ⰳⱃⱁⰱⱑⱈⱏ. ⱆⱄⰾⱏⰹⱎⱔⱅⱏ ⰳⰾ҃ⱄⱏ ⱄⱀ҃ⰰ ⰱⰶ҃ⰻⱑ.
не дивите сѧ семоу. ѣко грѧдетъ година. вь нюже вьси соштеи въ гробѣхъ. оуслꙑшѧтъ гл҃съ сн҃а бж҃иѣ.
5:29
ⰻ ⰻⰸⰻⰴⱘⱅⱏ ⱄⱏⱅⰲⱁⱃⱐⱎⰵⰻ ⰱⰾⰰⰳⰰⰰ ⰲⱏ ⰲⱐⱄⰽⱃⱑⱎⰵⱀⰻⰵ ⰶⰻⰲⱁⱅⱆ. ⰰ ⱄⱏⱅⰲⱁⱃⱐⱎⰵⰻ ⰸⱏⰾⰰⰰ ⰲⱏ ⰲⱐⱄⰽⱃⱑⱎⰵⱀⰻⰵ ⱄⱘⰴⱆ.
и изидѫтъ сътворьшеи благаа въ вьскрѣшение животоу. а сътворьшеи зълаа въ вьскрѣшение сѫдоу.
5:30
ⱀⰵ ⰿⱁⰳⱘ ⰰⰸⱏ ⱁ ⱄⰵⰱⱑ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ. ⱑⰽⱁⰶⰵ ⱄⰾⱏⰹⱎⱘ ⱄⱘⰶⰴⱘ. ⰻ ⱄⱘⰴⱐ ⰿⱁⰻ ⱂⱃⰰⰲⱐⰴⰵⱀⱏ ⰵⱄⱅⱏ. ⱑⰽⱁ ⱀⰵ ⰻⱎⱅⱘ ⰲⱁⰾⱔ ⰿⱁⰵⱗ. ⱀⱏ ⰲⱁⰾⱙ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ ⱁⱅ҃ⱌⰰ :: ⰽ!ⱌ.
не могѫ азъ о себѣ творити ничесоже. ѣкоже слꙑшѫ сѫждѫ. и сѫдь мои правьденъ естъ. ѣко не иштѫ волѧ моеѩ. нъ волѭ посълавъшааго мѧ от҃ца :: к!ц.
5:31
ⰰⱎⱅⰵ ⰰⰸⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⰿⱐⱀⱑ. ⱄⱏⰲⱑⱅⰵⰾⱐⱄⱅⰲⱁ ⰿⱁⰵ ⱀⱑⱄⱅⱏ ⰻⱄⱅⰻⱀⱏⱀⱁ.
аште азъ съвѣдѣтельствоуѭ о мьнѣ. съвѣтельство мое нѣстъ истинъно.
5:32
ⰺⱀⱏ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱆⱗⰻ ⱁ ⰿⰵⱀⱑ. ⰺ ⰲⱑⰿⱐ ⱑⰽⱁ ⰻⱄⱅⰻⱀⱐⱀⱁ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰵⰶⰵ ⱄⱏⰲⱑⰴⱑⱅⰵⰾⱐⱄⱅⰲⱆⱅⱏ ⱁ ⰿⱏⱀⱑ.
ꙇнъ естъ съвѣдѣтельствоуѩи о менѣ. ꙇ вѣмь ѣко истиньно естъ съвѣдѣтельство еже съвѣдѣтельствоутъ о мънѣ.
5:33
ⰲⱏⰹ ⱂⱁⱄⱏⰾⰰⱄⱅⰵ ⰽⱏ ⰻⱁ{ⱁ}ⰰⱀⱆ. ⰺ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⱁ ⰻⱄⱅⰻⱀⱑ.
вꙑ посъласте къ ио{о}аноу. ꙇ съвѣдѣтельствова о истинѣ.
5:34
ⰰⰸⱏ ⰶⰵ ⱀⰵ ⱁⱅⱏ ⱍⰾ҃ⰽⰰ ⱄⱏⰲⱑⰴⱑⱅⰵⰾⱐⱄⱅⰲⰰ ⱂⱃⰻⰵⰿⰾⱙ. ⱀⱏ ⱄⰻ ⰳⰾ҃ⱙ ⰴⰰ ⰲⱏⰹ ⱄⱂ҃ⱄⱀⰻ ⰱⱘⰴⰵⱅⰵ.
азъ же не отъ чл҃ка съвѣдѣтельства приемлѭ. нъ си гл҃ѭ да вꙑ сп҃сни бѫдете.
5:35
ⱁⱀⱏ ⰱⱑ ⱄⰲⱑⱅⰻⰾⱐⱀⰻⰽⱏ ⰳⱁⱃⱔ ⰻ ⱄⰲⱐⱅⱔ. ⰲⱏ[ⰹ] ⰶⰵ ⱈⱁⱅⱑⱄⱅⰵ ⰲⱏⰸⰴⱃⰰⰴⱁⰲⰰⱅⰻ ⱄⱔ ⰲⱏ ⰳⱁⰴⰻⱀⱘ ⱄⰲⱐⱅⱑⱀⰻⱑ ⰵⰳⱁ.
онъ бѣ свѣтильникъ горꙙ и свьтѧ. въ[і] же хотѣсте въздрадовати сѧ въ годинѫ свьтѣниѣ его.
5:36
ⰰⰸⱏ ⰶⰵ ⰻⰿⰰⰿⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰱⱁⰾⰵ ⰻⱁⰰⱀⱁⰲⰰ. ⰴⱑⰾⰰ ⰱⱁ ⱑⰶⰵ ⰴⰰⱄⱅⱏ ⰿⱏⱀⱑ ⱁⱅ҃ⱌⱏ ⰴⰰ ⱄⱏⰲⱃⱏⱎⱘⱑ. ⱅⰰ ⰴⱑⰾⰰ ⱑⰶⰵ ⱅⰲⱁⱃⱙ. ⱄⱏⰲⱑⰴⱑⱅⰵⰾⱏⱄⱅⰲⱆⱙⱅⱏ ⱁ ⰿⱐⱀⱑ. ⱑⰽⱁ ⱁⱅⰵⱌⱏ ⰿⱔ ⱂⱁⱄⱏⰾⰰ.
азъ же имамъ съвѣдѣтельство боле иоанова. дѣла бо ѣже дастъ мънѣ от҃цъ да съвръшѫѣ. та дѣла ѣже творѭ. съвѣдѣтелъствоуѭтъ о мьнѣ. ѣко отецъ мѧ посъла.
5:37
ⰻ ⱂⱁⱄⱏⰾⰰⰲⱏⰹ ⰿⱔ ⱁⱅ҃ⱌⱏ. ⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⱁ ⰿⱐⱀⱑ. ⱀⰻ ⰳⰾⰰⱄⰰ ⰵⰳⱁ ⱀⰻⰽⱏⰴⰵⰶⰵ ⱄⰾⱏⰹⱎⰰⱄⱅⰵ. ⱀⰻ ⰲⰻⰴⱑⱀⰻⱑ ⰵⰳⱁ ⰲⰻⰴⱑⱄⱅⰵ.
и посълавꙑ мѧ от҃цъ. тъ съвѣдѣтельствова о мьнѣ. ни гласа его никъдеже слꙑшасте. ни видѣниѣ его видѣсте.
5:38
ⰺ ⱄⰾⱁⰲⰵⱄⰵ ⰵⰳⱁ ⱀⰵ ⰻⰿⰰⱅⰵ ⱂⱃⱑⰱⱏⰹⰲⰰⱙⱎⱅⰰ ⰲⱏ ⰲⰰⱄⱏ. ⰸⰰⱀⰵ ⰵⰳⱁⰶⰵ ⱅⱏ ⱂⱁⱄⱏⰾⰰ ⱄⰵⰿⱆ ⰲⱏⰹ ⰲⱑⱃⱏⰹ ⱀⰵ ⰵⰿⰾⰵⱅⰵ.
ꙇ словесе его не имате прѣбꙑваѭшта въ васъ. зане егоже тъ посъла семоу вꙑ вѣрꙑ не емлете.
5:39
ⰺⱄⱂ{ⱄ}ⱏⰹⱅⰰⰺⱅⰵ ⰽⱏⱀⰻⰳⱏⰹ ⱑⰽⱁ ⰲⱏⰹ ⰿⱏⱀⰻⱅⰵ ⰲⱏ ⱀⰻⱈⱏ ⰺⰿⱑⱅⰻ ⰶⰻⰲⱁⱅⱏ ⰲⱑⱍⱏⱀⱏⰹ. ⰺ ⱅⱏⰻ ⱄⱘⱅⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙⱎⱅⱔ ⱁ ⰿⱐⱀⱑ.
ꙇсп{с}ꙑтаꙇте кънигꙑ ѣко вꙑ мъните въ нихъ ꙇмѣти животъ вѣчънꙑ. ꙇ тъи сѫтъ съвѣдѣтельствоуѭштѧ о мьнѣ.
5:40
ⰺ ⱀⰵ ⱈⱁⱋⰵⱅⰵ ⱂⱃⰻⱅⰻ ⰽⱏ ⰿⱐⱀⱑ. ⰴⰰ ⰶⰻⰲⱁⱅⱏ ⰻⰿⰰⱅⰵ.
ꙇ не хощете прити къ мьнѣ. да животъ имате.
5:41
ⱄⰾⰰⰲⱏⰹ ⱁⱅⱏ ⱍⰾ҃ⰽⱏ ⱀⰵ !ⱂⱃⰻⰵⰿⰾⱙ
славꙑ отъ чл҃къ не !приемлѭ
5:42
ⱀⱏ ⱃⰰⰸⱆⰿⱑⱙ ⰲⱏⰹ ⱑⰽⱁ ⰾⱙⰱⱐⰲⰵ ⰱⰶ҃ⰻⱗ ⱀⰵ ⰻⰿⰰⱅⰵ ⰲⱐ ⱄⰵⰱⱑ.
нъ разоумѣѭ вꙑ ѣко лѭбьве бж҃иѩ не имате вь себѣ.
5:43
ⰰⰸⱏ ⱂⱃⰻⰴⱏ ⰲⱏ ⰹⰿⱔ ⱁⱅ҃ⱌⰰ ⰿⱁⰵⰳⱁ ⰻ ⱀⰵ ⱂⱃⰻⰵⰿⰾⰵⱅⰵ ⰿⰵⱀⰵ. ⰰⱎⱅⰵ ⰻⱀⱏ ⱂⱃⰻⰴⰵⱅⱏ ⰲⱏ ⰹ[ⰿⱔ] ⱄⰲⱁⰵ ⱅⱁⰳⱁ ⱂⱃⰻⰵⰿⰾⰵⱅⰵ.
азъ придъ въ імѧ от҃ца моего и не приемлете мене. аште инъ придетъ въ і[мѧ] свое того приемлете.
5:44
ⰽⰰⰽⱁ ⰲⱏⰹ ⰿⱁⰶⰵⱅⰵ ⰲⱑⱃⱁⰲⰰⱅⰻ ⱄⰾⰰⰲⱘ ⰴⱃⱆⰳⱏ ⱁⱅⱏ ⰴⱃⱆⰳⰰ ⱂⱃⰻⰵⰿⰾⱙⱎⱅⰵ. ⰺ҅ ⱄⰾⰰⰲⱏⰹ ⱑⰶⰵ ⱁⱅⱏ ⰵⰴⰻⱀⰰⰰⰳⱁ ⰱ҃ⰰ ⱀⰵ ⰻⱋⰵⱅⰵ.
како вꙑ можете вѣровати славѫ дроугъ отъ дроуга приемлѭште. ꙇ҅ славꙑ ѣже отъ единааго б҃а не ищете.
5:45
ⱀⰵ ⰿⱐⱀⰻⱅⰵ ⱑⰽⱁ ⰰⰸⱏ ⱀⰰ ⰲⱏⰹ ⱃⰵⰽⱘ ⰽⱏ ⱁⱅⱏⱌⱆ. ⰵⱄⱅⱏ ⰻⰶⰵ ⱀⰰ ⰲⱏⰹ ⰳⰾ҃ⱅⱏ ⰿⱁⱄⰻ. ⱀⰰ ⱀⰵⰳⱁⰶⰵ ⰲⱏⰹ ⱆⱂⱏⰲⰰⱄⱅⰵ.
не мьните ѣко азъ на вꙑ рекѫ къ отъцоу. естъ иже на вꙑ гл҃тъ моси. на негоже вꙑ оупъвасте.
5:46
ⰰⱎⱅⰵ ⰱⱁ ⰱⰻⱄⱅⰵ ⰲⱑⱃⱘ ⰻⰿⰰⰾⰻ ⰿⱁⱄⰵⱁⰲⰻ. ⰲⱑⱃⱘ ⰱⰻⱄⱅⰵ ⱗⰾⰻ ⰻ ⰿⱐⱀⱑ. ⱁ ⰿⱐⱀⱑ ⰱⱁ ⱅⱏ ⱂⰻⱄⰰ.
аште бо бисте вѣрѫ имали мосеови. вѣрѫ бисте ѩли и мьнѣ. о мьнѣ бо тъ писа.
5:47
ⰰⱋⰵ ⰾⰻ ⱅⱁⰳⱁ ⰽⱏⱀⰻⰳⰰⰿⱏ ⰲⱑⱃⱏⰹ ⱀⰵ ⰵⰿⰾⰵⱅⰵ. ⰽⰰⰽⱁ ⰿⱁⰻⰿⱏ ⰳⰾ҃ⰿⱏ ⰲⱑⱃⱘ ⰵ!ⰻⰿⰵⱅⰵ.
аще ли того кънигамъ вѣрꙑ не емлете. како моимъ гл҃мъ вѣрѫ е!имете.