ЕВАНГЕЛИЕ ЕЖЕ Ѿ ІОАННА
13:1
Ⱂⱃⱑⰶⰴⰵ ⰶⰵ ⱂⱃⰰⰸⰴⱐⱀⰻⰽⰰ ⱂⰰⱄⱌⱑ. ⰲⱑⰴⱏⰹ ⰻⱄ҃ ⱑⰽⱁ ⱂⱃⰻⰴⰵ ⰵⰿⱆ ⰳⱁⰴⰻⱀⰰ. ⰴⰰ ⱂⱃⱑⰻⰴⰵⱅⱏ ⱁⱅⱏ ⰿⰻⱃⰰ ⱄⰵⰳⱁ ⰽⱏ ⱁⱅ҃ⱌⱓ. ⰲⱐⰸⰾⱓⰱⱐ ⱄⰲⱁⱗ ⱄⱘⱋⱔⱗ ⰲⱁ ⰲⱐⱄⰵⰿⱐ ⰿⰻⱃⱑ. ⰴⱁ ⰽⱁⱀⱐⱌⰰ ⰲⱐⰸⰾⱓⰱⰻ ⱗ ::
Прѣжде же праздьника пасцѣ. вѣдꙑ ис҃ ѣко приде емоу година. да прѣидетъ отъ мира сего къ от҃цю. вьзлюбь своѩ сѫщѧѩ во вьсемь мирѣ. до коньца вьзлюби ѩ ::
13:2
ⰺ ⰲⰵⱍⰵⱃⰻ ⰱⱏⰹⰲⱏⱎⰻ. ⰴⰻⱑⰲⱁⰾⱆ ⱓⰶⰵ ⰲⱏⰾⱁⰶⱏⱎⱓ ⰲⱏ ⱄⱃⰴ҃ⱌⰵ ⰻⱓⰴⱑ. ⱄⰻⰿⱁⱀⱁⰲⱆ ⰻⱄⰽⰰⱃⰻⱁⱅⱏⱄⰽⱆⰿⱆ :: ⰴⰰ ⰻ ⱂⱃⱑⰴⰰⱄⱅⱏ.
ꙇ вечери бꙑвъши. диѣволоу юже въложъшю въ срд҃це июдѣ. симоновоу искариотъскоумоу :: да и прѣдастъ.
13:3
ⰲⱑⰴⱏⰹ ⰻⱄ҃ ⱑⰽⱁ ⰲⱐⱄⱑ ⰴⰰⱄⱅⱏ ⰵⰿⱆ ⱁⱅ҃ⱌⱏ ⰲⱏ ⱃⱘⱌⱑ. ⰺ ⱑⰽⱁ ⱁⱅⱏ ⰱ҃ⰰ ⰻⰸⰻⰴⰵ ⰻ ⰽⱏ ⰱ҃ⱆ ⰳⱃⱔⰴⰵⱅⱏ.
вѣдꙑ ис҃ ѣко вьсѣ дастъ емоу от҃цъ въ рѫцѣ. ꙇ ѣко отъ б҃а изиде и къ б҃оу грѧдетъ.
13:4
ⰲⱏⱄⱅⰰ ⱄⱏ ⰲⰵⱍⰵⱃⱔ ⰻ ⱂⱁⰾⱁⰶⰻ ⱃⰻⰸⱏⰹ. ⰺ ⱂⱃⰻⰵⰿⱏ ⰾⰵⱀⱅ ⰻ҅ ⱂⱃⱑⱂⱁⱑⱄⰰ ⱄⱔ.
въста съ вечерѧ и положи ризꙑ. ꙇ приемъ лент и҅ прѣпоѣса сѧ.
13:5
Ⱂⱁ ⱅⱁⰿⱐ ⰶⰵ ⰲⱏⰾⰻ ⰲⱁⰴⱘ ⰲⱏ ⱆⰿⱏⰹⰲⰰⰾⱐⱀⰻⱌⱘ. ⰺ ⱀⰰⱍⱔⱅⱏ ⱆⰿⱏⰹⰲⰰⱅⰻ ⱀⱁⰷⱑ ⱆⱍⰵⱀⰻⰽⱁⰿⱏ. ⰺ ⱁⱅⰻⱃⰰⱅⰻ ⰾⰵⱀⱅⰻⰵⰿⱐ. ⰺⰿⱏⰶⰵ ⰱⱑ ⱂⱃⱑⱂⱁⱑⱄⰰⱀⱏ.
По томь же въли водѫ въ оумꙑвальницѫ. ꙇ начѧтъ оумꙑвати ноѕѣ оученикомъ. ꙇ отирати лентиемь. ꙇмъже бѣ прѣпоѣсанъ.
13:6
ⱂⱃⰻⰴⰵ ⰶⰵ ⰽⱏ ⱄⰻⰿⱁⱀⱆ ⱂⰵⱅⱃⱆ. ⰺ ⰳⰾ҃ⰰ ⰵⰿⱆ ⱅⱏ. ⰳ҃ⰻ. ⱅⱏⰹ ⰾⰻ ⰿⱁⰻ ⱆⰿⱏⰹⰵⱎⰻ ⱀⱁⰷⱑ.
приде же къ симоноу петроу. ꙇ гл҃а емоу тъ. г҃и. тꙑ ли мои оумꙑеши ноѕѣ.
13:7
ⱁⱅⱏⰲⱑⱎⱅⰰ ⰻⱄ҃ ⰻ ⱃⰵⱍⰵ ⰵⰿⱆ. ⰵⰶⰵ ⰰⰸⱏ ⱅⰲⱁⱃⱙ ⱅⱏⰹ ⱀⰵ ⰲⱑⱄⰻ ⱀⱏⰹⱀⱑ. ⱃⰰⰸⱆⰿⱑⰵⱎⰻ ⰶⰵ ⱂⱁ ⱄⰻⱈⱏ.
отъвѣшта ис҃ и рече емоу. еже азъ творѭ тꙑ не вѣси нꙑнѣ. разоумѣеши же по сихъ.
13:8
ⰳⰾ҃ⰰ ⰵⰿⱆ ⱂⰵⱅⱃⱏ ⱀⰵ ⱆⰿⱏⰹⰵⱎⰻ ⱀⱁⰳⱆ ⰿⱁⰵⱓ ⰲⱐ ⰲⱑⰽⱏ. ⱁⱅⱏⰲⱑⱎⱅⰰ ⰵⰿⱆ ⰻⱄ҃. ⰰⱎⱅⰵ ⱀⰵ ⱆⰿⱏⰹⱙ ⱅⰵⰱⰵ. ⱀⰵ ⰻⰿⰰⱎⰻ ⱍⱔⱄⱅⰻ ⱄⱏ ⰿⱏⱀⱁⱙ.
гл҃а емоу петръ не оумꙑеши ногоу моею вь вѣкъ. отъвѣшта емоу ис҃. аште не оумꙑѭ тебе. не имаши чѧсти съ мъноѭ.
13:9
ⰳⰾ҃ⰰ ⰵⰿⱆ ⱄⰻⰿⱁⱀⱏ ⱂⰵⱅⱃⱏ. ⰳ҃ⰻ ⱀⰵ ⱀⱁⰷⱑ ⰿⱁⰻ ⱅⱏⰽⰿⱁ. ⱀⱏ ⰻ ⱃⱘⱌⱑ ⰻ ⰳⰾⰰⰲⱘ.
гл҃а емоу симонъ петръ. г҃и не ноѕѣ мои тъкмо. нъ и рѫцѣ и главѫ.
13:10
ⰳⰾ҃ⰰ ⰵⰿⱆ ⰻⱄ҃ⱏ. ⰺⰸⰿⱏⰲⰵⱀⱏⰹ ⱀⰵ ⱅⱃⱑⰱⱆⱆⱅⱏ ⱅⰽⰿⱁ ⱀⱁⰷⱑ ⱆⰿⱏⰹⱅⰻ. ⰵⱄⱅⱏ ⰱⱁ ⰲⰵⱄⱐ ⱍⰻⱄⱅⱏ. ⰺ ⰲⱏⰹ ⱍⰻⱄⱅⰻ ⰵⱄⱅⰵ :: ⰽ!ⱌ :: :: ⱀⱏ ⱀⰵ ⰲⱐⱄⰻ.
гл҃а емоу ис҃ъ. ꙇзмъвенꙑ не трѣбоуоутъ ткмо ноѕѣ оумꙑти. естъ бо весь чистъ. ꙇ вꙑ чисти есте :: к!ц :: :: нъ не вьси.
13:11
ⰲⱑⰴⱑⰰⱎⰵ ⰱⱁ ⱂⱃⱑⰴⰰⱙⱎⱅⰰⰰⰳⱁ ⰻ. ⱄⰵⰳⱁ ⱃⰰⰴⰻ ⱃⰵⱍⰵ ⱑⰽⱁ ⱀⰵ ⰲⱐⱄⰻ ⰵⱄⱅⰵ ⱍⰻⱄⱅⰻ.
вѣдѣаше бо прѣдаѭштааго и. сего ради рече ѣко не вьси есте чисти.
13:12
ⰵⰳⰴⰰ ⰶⰵ ⱆⰿⱏⰹ ⱀⱁⰷⱑ ⰻⱈⱏ. ⱂⱃⰻⱗⱅⱏ ⱃⰻⰸⱏⰹ ⱄⰲⱁⱗ ⰻ ⰲⱏⰸⰾⰵⰶⰵ ⱂⰰⰽⱏⰹ. ⰺ ⱃⰵⱍⰵ ⰻⰿⱏ. ⰲⱑⱄⱅⰵ ⰾⰻ ⱍⱅⱁ ⱄⱏⱅⰲⱁⱃⰻⱈⱏ ⰲⰰⰿⱏ.
егда же оумꙑ ноѕѣ ихъ. приѩтъ ризꙑ своѩ и възлеже пакꙑ. ꙇ рече имъ. вѣсте ли что сътворихъ вамъ.
13:13
ⰲⱏ[ⰹ] ⰳⰾ҃ⰰⰰⱎⰵⱅⰵ ⰿⱔ ⱆⱍⰻⱅⰵⰾⱑ ⰻ ⰳ҃ⰰ. ⰺ ⰴⱁⰱⱃⱑ ⰳⰾ҃ⰵⱅⰵ ⰵⱄⰿⱏ ⰱⱁ.
въ[і] гл҃аашете мѧ оучителѣ и г҃а. ꙇ добрѣ гл҃ете есмъ бо.
13:14
ⰰⱎⱅⰵ ⱆⰱⱁ ⰰⰸⱏ ⱆⰿⱏⰹⱈⱏ ⰲⰰⱎⰻ ⱀⱁⰷⱑ !ⰳⱐ ⰻ ⱆⱍⰻⱅⰵⰾⱐ. ⰺ ⰲⱏⰹ ⰴⰾⱏⰶⱐⱀⰻ ⰵⱄⱅⰵ ⰴⱃⱆⰳⱏ ⰴⱃⱆⰳⱆ ⱆⰿⱏⰹⰲⰰⱅⰻ ⱀⱁⰷⱑ.
аште оубо азъ оумꙑхъ ваши ноѕѣ !гь и оучитель. ꙇ вꙑ длъжьни есте дроугъ дроугоу оумꙑвати ноѕѣ.
13:15
ⱁⰱⱃⰰⰸⱏ ⰱⱁ ⰴⰰⱈⱏ ⰲⰰⰿⱏ. ⰴⰰ ⱑⰽⱁⰶⰵ ⰰⰸⱏ ⱄⱏⱅⰲⱁⱃⰻⱈⱏ ⰲⰰⰿⱏ. ⰺ ⰲⱏⰹ ⱅⰲⱁⱃⰻⱅⰵ.
образъ бо дахъ вамъ. да ѣкоже азъ сътворихъ вамъ. ꙇ вꙑ творите.
13:16
ⰰⰿⰻⱀⱐ ⰰⰿⰻⱀ ⰳⰾ҃ⰰⰳⰾⱙ ⰲⰰⰿⱏ. ⱀⱑⱄⱅⱏ ⱃⰰⰱⱏ ⰱⱁⰾⰵⰻ ⰳ҃ⰰ ⱄⰲⱁⰵⰳⱁ. ⱀⰻ !ⰰⱂⰾⱏ ⰱⱁⰾⰵⰻ ⱂⱁⱄⱏⰾⰰⰲⱏⱎⰰⰰⰳⱁ ⰻ.
аминь амин гл҃аглѭ вамъ. нѣстъ рабъ болеи г҃а своего. ни !аплъ болеи посълавъшааго и.
13:17
ⰰⱋⰵ ⱄⰻ ⰲⱑⱄⱅⰵ ⰱⰾⰰⰶⰵⱀⰻ ⰵⱄⱅⰵ ⰰⱎⱅⰵ ⱅⰲⱁⱃⰻⱅⰵ ⱑ.
аще си вѣсте блажени есте аште творите ѣ.
13:18
ⱀⰵ ⱁ ⰲⱐⱄⱑⱈⱏ ⰲⰰⱄⱏ ⰳⰾ҃ⱙ. ⰰⰸⱏ ⰱⱁ ⰲⱑⰿⱐ ⱗⰶⰵ ⰻⰸⰱⱏⱃⰰⱈⱏ. ⱀⱏ ⰴⰰ ⰽⱏⱀⰻⰳⱏⰹ ⱄⱏⰱⱘⰴⱘⱅⱏ ⱄⱔ. ⱑⰴⱏⰹ ⱄⱏ ⰿⱏⱀⱁⱙ ⱈⰾⱑⰱⱏ ⰲⱏⰸⰴⰲⰻⰶⰵ ⱀⰰ ⰿⱔ ⱂⱃⱑⰾⱐⱋⰵⱀⰻⰵ ⱄⰲⱁⰵ.
не о вьсѣхъ васъ гл҃ѭ. азъ бо вѣмь ѩже избърахъ. нъ да кънигꙑ събѫдѫтъ сѧ. ѣдꙑ съ мъноѭ хлѣбъ въздвиже на мѧ прѣльщение свое.
13:19
ⱁⱅⱏ ⱄⰵⰾⱑ ⰳⰾ҃ⱙ ⰲⰰⰿⱏ. ⱂⱃⱑⰶⰴⰵ ⰴⰰⰶⰵ ⱀⰵ ⰱⱘⰴⰵⱅⱏ. ⰴⰰ ⰵⰳⰴⰰ ⰱⱘⰴⰵⱅⱏ ⰲⱑⱃⱘ ⰻⰿⰵⱅⰵ ⱑⰽⱁ ⰰⰸⱏ ⰵⱄⰿⱏ.
отъ селѣ гл҃ѭ вамъ. прѣжде даже не бѫдетъ. да егда бѫдетъ вѣрѫ имете ѣко азъ есмъ.
13:20
ⰰⰿⰻⱀ ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱂⱃⰻⰵⰿⰾⱔⰻ ⰰⱎⱅⰵ ⰽⱁⰳⱁ ⱂⱁⱄⱏⰾⱙ ⰿⰵⱀⰵ ⱂⱃⰻⰵⰿⰾⰵⱅⱏ. ⰰ ⱂⱃⰻⰵⰿⰾⱔⰻ ⰿⰵⱀⰵ ⱂⱃⰻⰵⰿⰾⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰻ ⰿⱔ. ::
амин аминь гл҃ѭ вамъ. приемлѧи аште кого посълѭ мене приемлетъ. а приемлѧи мене приемлетъ посълавъшааго и мѧ. ::
13:21
Ⱄⰻ ⱃⰵⰽⱏ ⰻⱄ҃ ⰲⱏⰸⰿⱘⱅⰻ ⱄⱔ ⰴⱈ҃ⰿⱏ. ⰺ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⰻ ⱃⰵⱍⰵ. ⰰⰿⰻⱀⱐ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰵⰴⰻⱀⱏ ⱁⱅⱏ ⰲⰰⱄⱏ ⱂⱃⱑⰴⰰⱄⱅⱏ ⰿⱔ.
Си рекъ ис҃ възмѫти сѧ дх҃мъ. ꙇ съвѣдѣтельствова и рече. аминь амин гл҃ѭ вамъ. ѣко единъ отъ васъ прѣдастъ мѧ.
13:22
ⱄⱏⰸⰻⱃⰰⱈⱘ ⰶⰵ ⱄⱔ ⰿⰵⰶⰴⱓ ⱄⱁⰱⱁⱙ ⱆⱍⰵⱀⰻⱌⰻ. ⱀⰵ ⰴⱁⰿⱏⰹⱄⰾⱔⱎⱅⰵ ⱁ ⰽⱁⰿⱐ ⰳⰾ҃ⰵⱅⱏ.
съзирахѫ же сѧ междю собоѭ оученици. не домꙑслѧште о комь гл҃етъ.
13:23
ⰱⱑ ⰶⰵ ⰵⰴⰻⱀⱏ ⰲⱏⰸⰾⰵⰶⱔ ⱁⱅⱏ ⱆⱍⰵⱀⰻⰽⱏ ⰵⰳⱁ ⱀⰰ ⰾⱁⱀⱑ ⰻⱄ҃ⰲⱑ. ⰵⰳⱁⰶⰵ ⰾⱓⰱⰾⱑⰰⱎⰵ ⰻⱄ҃.
бѣ же единъ възлежѧ отъ оученикъ его на лонѣ ис҃вѣ. егоже люблѣаше ис҃.
13:24
ⱂⱁⰿⰰⱀⱘ ⰶⰵ ⱄⰵⰿⱆ ⱄⰻⰿⱁⱀⱏ ⱂⰵⱅⱃⱏ ⰲⱏⱂⱃⱁⱄⰻⱅⰻ ⰽⱅⱁ ⱆⰱⱁ ⰵⱄⱅⱏ ⱁ ⱀⰵⰿⱐⰶⰵ ⰳⰾ҃ⰵⱅⱏ.
поманѫ же семоу симонъ петръ въпросити кто оубо естъ о немьже гл҃етъ.
13:25
ⱀⰰⱂⰰⰴⱏ ⰶⰵ ⱅⱏ ⱅⰰⰽⱁ ⱀⰰ ⱂⱃⱏⱄⰻ ⰻⱄ҃ⰲⱏⰹ ⰳⰾ҃ⰰ ⰵⰿⱆ ⰳ҃ⰻ ⰽⱅⱁ ⰵⱄⱅⱏ.
нападъ же тъ тако на пръси ис҃вꙑ гл҃а емоу г҃и кто естъ.
13:26
ⱁⱅⱏⰲⱑⱎⱅⰰ ⰻⱄ҃. ⱅⱏ ⰵⱄⱅⱏ ⰵⰿⱆⰶⰵ ⰰⰸⱏ ⱁⰿⱁⱍⱏ ⱈⰾⱑⰱⱏ ⱂⱁⰴⰰⰿⱏ. ⰺ ⱁⰿⱁⱍⱐ ⱈⰾⱑⰱⱏ ⰴⰰⱄⱅⱏ ⰻⱓⰴⱑ ⱄⰻⰿⱁⱀⱓ ⰻⱄⰽⰰⱃⰻⱁⱅⱏⱄⰽⱆⰿⱆ.
отъвѣшта ис҃. тъ естъ емоуже азъ омочъ хлѣбъ подамъ. ꙇ омочь хлѣбъ дастъ июдѣ симоню искариотъскоумоу.
13:27
ⰻ ⱂⱁ ⱈⰾⱑⰱⱑ ⱅⱏⰳⰴⰰ ⰲⱏⱀⰻⰴⰵ ⰲⱁ ⱀⱐ ⱄⱁⱅⱁⱀⰰ. ⰳⰾ҃ⰰ ⰵⰿⱆ ⰻⱄ҃ ⰵⰶⰵ ⱅⰲⱁⱃⰻⱎⰻ ⱄⱏⱅⰲⱁⱃⰻ ⱄⰽⱁⱃⱁ.
и по хлѣбѣ тъгда въниде во нь сотона. гл҃а емоу ис҃ еже твориши сътвори скоро.
13:28
ⱄⰵⰳⱁ ⰶⰵ ⱀⰻⰽⱅⱁⰶⰵ ⱀⰵ ⱃⰰⰸⱆⰿⱑ ⰲⱏⰸⰾⰵⰶⱔⱎⱅⰻⱈⱏ. ⰽⱏ ⱍⰵⱄⱁⰿⱆ ⱃⰵⱍⰵ ⰵⰿⱆ.
сего же никтоже не разоумѣ възлежѧштихъ. къ чесомоу рече емоу.
13:29
ⰵⰴⰻⱀⰻ ⰿⱐⱀⱑⰰⱈⱘ ⱂⱁⱀⰵⰶⰵ ⱄⰽⱃⰻⱀⰻⱌⱘ ⰻⰿⱑⰰⱎⰵ ⰻⱓⰴⰰ. ⱑⰽⱁ ⰳⰾ҃ⱅⱏ ⰵⰿⱆ ⰻⱄ҃ⱏ. ⰽⱆⱂⰻ ⰵⰳⱁⰶⰵ ⱅⱃⱑⰱⱆⰵⰿⱏ ⱀⰰ ⱂⱃⰰⰸⰴⱐⱀⰻⰽⱏ. ⰾⰻ ⱀⰻⱎⱅⰻⰿⱏ ⰴⰰ ⱀⱑⱍⱏⱅⱁ ⰴⰰⱄⱅⱏ.
едини мьнѣахѫ понеже скриницѫ имѣаше июда. ѣко гл҃тъ емоу ис҃ъ. коупи егоже трѣбоуемъ на праздьникъ. ли ништимъ да нѣчъто дастъ.
13:30
ⱂⱃⰻⰵⰿⱏ ⰶⰵ ⱁⱀⱏ ⱈⰾⱑⰱⱏ. ⰺⰸⰻⰴⰵ ⰰⰱⰻⰵ. ⰱⱑ ⰶⰵ ⱀⱁⱎⱅⱏ
приемъ же онъ хлѣбъ. ꙇзиде абие. бѣ же ноштъ
13:31
ⰵⰳⰴⰰ ⰻⰸⰻⰴⰵ. ⰳⰾ҃ⰰ ⰶⰵ ⰻⱄ҃. Ⱀⱏⰹⱀⱑ ⱂⱃⱁⱄⰾⰰⰲⰻ ⱄⱔ ⱄⱀ҃ⱏ ⱍⰾⰲ҃ⱍⱄⰽⱏⰹ. ⰻ ⰱ҃ⱏ ⱂⱃⱁⱄⰾⰰⰲⰻ ⱄⱔ ⱁ ⱀⰵⰿⱐ.
егда изиде. гл҃а же ис҃. Нꙑнѣ прослави сѧ сн҃ъ члв҃чскꙑ. и б҃ъ прослави сѧ о немь.
13:32
ⰰⱎⱅⰵ ⰱ҃ⱏ ⱂⱃⱁⱄⰾⰰⰲⰻ ⱄⱔ ⱁ ⱀⰵⰿⱐ. ⰺ ⰱ҃ⱏ ⱂⱃⱁⱄⰾⰰⰲⰻⱅⱏⰹ ⰻ ⰲⱐ ⱄⰵⰱⱑ. ⰺ ⰰⰱⰻⰵ ⱂⱃⱁⱄⰾⰰⰲⰻⱅⱏ ⰹ.
аште б҃ъ прослави сѧ о немь. ꙇ б҃ъ прославитꙑ и вь себѣ. ꙇ абие прославитъ і.
13:33
ⱍⱔⰴⱏⱌⰰ ⰵⱋⰵ ⰿⰰⰾⱁ ⱄⱏ ⰲⰰⰿⰻ ⰵⱄⰿⱏ. ⰲⱏⰸⰻⱎⱅⰵⱅⰵ ⰿⰵⱀⰵ. ⰺ ⱑⰽⱁⰶⰵ ⱃⱑⱈⱏ ⰻⱓⰴⰵⱁⰿⱏ. ⱑⰽⱁ ⱑⰿⱁⰶⰵ ⰰⰸⱏ ⰻⰴⱘ ⰲⱏⰹ ⱀⰵ ⰿⱁⰶⰵⱅⰵ ⱂⱃⰻ[ⱅⰻ]. ⰺ ⰲⰰⰿⱏ ⰳⰾ҃ⱙ ⱀⱏⰹⱀⱑ.
чѧдъца еще мало съ вами есмъ. възиштете мене. ꙇ ѣкоже рѣхъ июдеомъ. ѣко ѣможе азъ идѫ вꙑ не можете при[ти]. ꙇ вамъ гл҃ѭ нꙑнѣ.
13:34
ⰸⰰⱂⱁⰲⱑⰴⱐ ⱂⱁⰲⱑⰴⰰⱙ ⰲⰰⰿⱏ. ⰴⰰ ⰾⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ ⱑⰽⱁⰶⰵ ⰲⱐⰸⰾⱓⰱⰻⱈⱏ ⰲⱏⰹ. ⰴⰰ ⰻ ⰲⱏⰹ ⰾⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ.
заповѣдь повѣдаѭ вамъ. да любите дроугъ дроуга ѣкоже вьзлюбихъ вꙑ. да и вꙑ любите дроугъ дроуга.
13:35
ⱁ ⱄⰵⰿⱐ ⱃⰰⰸⱆⰿⱑⱙⱅⱏ ⰲⱐⱄⰻ. ⱑⰽⱁ ⰿⱁⰻ ⱆⱍⰵⱀⰻⱌⰻ ⰵⱄⱅⰵ. ⰰⱋⰵ ⰾⱓⰱⱐⰲⱐ ⰻⰿⰰⱅⰵ ⰿⰵⰶⰴⱓ ⱄⱁⰱⱁⱙ.
о семь разоумѣѭтъ вьси. ѣко мои оученици есте. аще любьвь имате междю собоѭ.
13:36
!Ⰳⰾⰰ ⰵⰿⱆ ⱄⰻⰿⱁⱀⱏ ⱂⰵⱅⱃⱏ. ⰳ҃ⰻ ⰽⰰⰿⱁ ⰻⰴⰵⱎⰻ. ⱁⱅⱏⰲⱑⱎⱅⰰ ⰻⱄ҃ⱏ ⱑⰿⱁⰶⰵ ⰰⰸⱏ ⰻⰴⱘ ⱀⰵ ⰿⱁⰶⰵⱎⰻ ⱀⱏⰹⱀⱑ ⱂⱁ ⰿⱐⱀⱑ ⰻⱅⰻ. ⱂⱁⱄⰾⱑⰴⱐ ⰶⰵ ⱂⱁ ⰿⱐⱀⱑ ⰻⰴⰵⱎⰻ.
!Гла емоу симонъ петръ. г҃и камо идеши. отъвѣшта ис҃ъ ѣможе азъ идѫ не можеши нꙑнѣ по мьнѣ ити. послѣдь же по мьнѣ идеши.
13:37
ⰳ҃ⰻ ⱂⱁ ⱍⱏⱅⱁ ⱀⰵ ⰿⱁⰳⱘ ⱀⱏⰹⱀⱑ ⱂⱁ ⱅⰵⰱⱑ ⰻⱅⰻ. ⱀⱏⰹⱀⱑ ⰴⱎ҃ⱘ ⰿⱁⱙ ⰸⰰ ⱅⱔ ⱂⱁⰾⱁⰶⱘ.
г҃и по чъто не могѫ нꙑнѣ по тебѣ ити. нꙑнѣ дш҃ѫ моѭ за тѧ положѫ.
13:38
ⱁⱅⱏⰲⱑⱎⱅⰰ ⰵⰿⱆ ⰻⱄ҃ⱏ ⰴⱎ҃ⱘ ⰾⰻ ⱅⰲⱁⱙ ⰸⰰ ⰿⱔ ⱂⱁⰾⱁⰶⰻⱎⰻ. ⰰⰿⰻⱀⱐ ⰰⰿⰻⱀ ⰳⰾ҃ⱙ ⱅⰵⰱⱑ. ⱀⰵ ⰲⱏⰸⰳⰾⰰⱄⰻⱅⱏ ⰽⱁⰽⱁⱅⱏ ⰴⱁⱀⱐⰴⰵⰶⰵ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ ⱅⱃⰻ ⰽⱃⰰⱅⱏⰹ ::
отъвѣшта емоу ис҃ъ дш҃ѫ ли твоѭ за мѧ положиши. аминь амин гл҃ѭ тебѣ. не възгласитъ кокотъ доньдеже отъвръжеши сѧ мене три кратꙑ ::