ЕВАНГЕЛИЕ ЕЖЕ Ѿ ІОАННА
12:1
Ⰺ҅ⱄ ⰶⰵ ⱂⱃⱑⰶⰴⰵ ⱎⰵⱄⱅⰻ ⰴⰵⱀⱏ ⱂⰰⱄⱈⱏⰹ. ⱂⱃⰻⰴⰵ ⰲⱐ ⰲⰻⱅⰰⱀⰻⱙ. ⰺⰴⰵⰶⰵ ⰱⱑ ⰾⰰⰸⰰⱃⱏ ⱆⰿⰵⱃⱁⰻ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰹⰻⱈⱏ.
Ꙇ҅с же прѣжде шести денъ пасхꙑ. приде вь витаниѭ. ꙇдеже бѣ лазаръ оумерои. егоже въскрѣси отъ мрътвꙑихъ.
12:2
ⱄⱏⱅⰲⱁⱃⰻⱎⱔ ⰶⰵ [ⰵ]ⰿⱆ ⰲⰵⱍⰵⱃⱙ ⱅⱆ. ⰺ ⰿⰰⱃⱏⱅⰰ ⱄⰾⱆⰶⰰⰰⱎⰵ. ⰾⰰⰸⰰⱃⱏ ⰶⰵ ⰵⰴⰻⱀⱏ ⰱⱑ ⱁⱅⱏ ⰲⱏⰸⰾⰵⰶⱔⱎⱅⰻⰻⱈⱏ ⱄⱏ ⱀⰻⰿⱏ.
сътворишѧ же [е]моу вечерѭ тоу. ꙇ маръта слоужааше. лазаръ же единъ бѣ отъ възлежѧштиихъ съ нимъ.
12:3
ⰿⰰⱃⰻⱑ ⰶⰵ ⱂⱃⰻⰵⰿⱏⱎⰻ ⰾⰻⱅⱃⱘ ⱈⱃⰻⰸⰿⱏⰹ. ⱀⰰⱃⰴⰰ ⱂⰻⱄⱅⰻⰽⰻⱗ ⰿⱏⱀⱁⰳⱁⱌⱑⱀⱏⱀⱏⰹ. ⱂⱁⰿⰰⰸⰰ ⱀⱁⰷⱑ ⰻⱄ҃ⰲⱑ. ⰺ ⱁⱅⱃⱏ ⰲⰾⰰⱄⱏⰹ ⱄⰲⱁⰻⰿⰻ ⱀⱁⰷⱑ ⰵⰳⱁ. Ⱈⱃⰰⰿⰻⱀⰰ ⰶⰵ ⰻⱄⱂⰾⱏⱀⰻ ⱄⱔ ⱁⱅⱏ ⰲⱁⱀⱔ ⱈⱃⰻⰸⰿⱏⱀⱏⰹⱗ ::
мариѣ же приемъши литрѫ хризмꙑ. нарда пистикиѩ мъногоцѣнънꙑ. помаза ноѕѣ ис҃вѣ. ꙇ отръ власꙑ своими ноѕѣ его. Храмина же исплъни сѧ отъ вонѧ хризмънꙑѩ ::
12:4
!Ⰳⰾⰰ ⰶⰵ ⰵⰴⰻⱀⱏ ⱁⱅⱏ ⱁ[у]ⱍⰵⱀⰻⰽⱏ ⰵⰳⱁ. ⰻⱓⰴⰰ ⱄⰻⰿⱁⱀⱐ ⰻ҅ⱄⰽⰰⱃⰻⱁⱅⱏⱄⰽⱏⰹ. ⰺⰶⰵ ⰻ ⱈⱁⱅⱑⰰⱎⰵ ⱂⱃⱑⰴⰰⱅⰻ.
!Гла же единъ отъ о[у]ченикъ его. июда симонь и҅скариотъскꙑ. ꙇже и хотѣаше прѣдати.
12:5
ⱍⰵⱄⱁ ⱃⰰⰴⰻ ⰿⱛⱃⱁ ⱄⰵ ⱀⰵ ⱂⱃⱁⰴⰰⱀⱁ ⰱⱏⰹⱄⱅⱏ. ⱀⰰ !ⱅ ⱂⱑⱀⱔⰷⱏ. ⰺ ⰴⰰⱀⱁ ⱀⰻⱋⰻⰻⰿⱏ.
чесо ради мѵро се не продано бꙑстъ. на !т пѣнѧѕъ. ꙇ дано нищиимъ.
12:6
ⱄⰵ ⱃⰵⱍⰵ ⱀⰵ ⱑⰽⱁ ⱁ ⱀⰻⱎⱅⰻⰻⱈⱏ ⱂⰵⱍⰰⰰⱎⰵ ⱄⱔ. ⱀⱏ ⱑⰽⱁ ⱅⰰⱅⱐ ⰱⱑ. ⰺ ⱄⰽⱃⰻⱀⰻⱌⱘ ⰻⰿⱏⰹ. ⰺ ⰲⱐⰿⱑⱅⰰⰵⰿⰰ ⱀⱁⱎⰰⰰⱎⰵ.
се рече не ѣко о ништиихъ печааше сѧ. нъ ѣко тать бѣ. ꙇ скриницѫ имꙑ. ꙇ вьмѣтаема ношааше.
12:7
ⱃⰵⱍⰵ ⰶⰵ ⰻⱄ҃ ⱀⰵ ⰴⱑⰻ ⱗ ⰲⱏ ⰴⰵⱀⱐ ⱂⱁⰳⱃⰵⰱⰵⱀⰻⱑ ⰿⱁⰵⰳⱁ ⱄⱏⰱⰾⱓⰴⰵ ⱙ.
рече же ис҃ не дѣи ѩ въ день погребениѣ моего съблюде ѭ.
12:8
ⱀⰻⱎⱅⱔⱗ ⰱⱁ ⱄⱏ ⱄⱁⰱⱁⱙ ⰲⱏⱄⰵⰳⰴⰰ ⰻⰿⰰⱅⰵ. ⰰ ⰿⰵⱀⰵ ⱀⰵ ⰲⱏⱄⰵⰳⰴⰰ ⰻⰿⰰⱅⰵ.
ништѧѩ бо съ собоѭ въсегда имате. а мене не въсегда имате.
12:9
ⱃⰰⰸⱆⰿⱑ ⰶⰵ ⱀⰰⱃⱁⰴⱏ ⰿⱏⱀⱁⰳⱏ ⱁⱅⱏ ⰻⱓⰴⰵⰻ. ⱑⰽⱁ ⱅⱆ ⰵⱄⱅⱏ. ⰺ ⱂⱃⰻⰴⱘ ⱀⰵ ⰻⱄ҃ⰰ ⱃⰰⰴⰻ ⱅⱏⰽⱏⰿⱁ. ⱀⱏ ⰴⰰ ⰻ ⰾⰰⰸⰰⱃⰰ ⰲⰻⰴⱔⱅⱏ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰹⱈⱏ.
разоумѣ же народъ мъногъ отъ июдеи. ѣко тоу естъ. ꙇ придѫ не ис҃а ради тъкъмо. нъ да и лазара видѧтъ. егоже въскрѣси отъ мрътвꙑхъ.
12:10
ⱄⱏⰲⱑⱎⱅⰰⱎⱔ ⰶⰵ ⰰⱃⱈⰻⰵⱃⰵⰻ. ⰴⱁ ⰻ ⰾⰰⰸⰰⱃⰰ ⱆⰱⰻⱙⱅⱏ.
съвѣшташѧ же архиереи. до и лазара оубиѭтъ.
12:11
ⱑⰽⱁ ⰿⱏⱀⱁⰷⰻ ⰵⰳⱁ ⱃⰰⰴⰻ ⰻⰴⱑⰰⱈⱘ ⰻⱓⰴⰵⰻ. ⰺ ⰲⱑⱃⱁⰲⰰⱈⱘ ⰲⱏ ⰻⱄ҃ⰰ.
ѣко мъноѕи его ради идѣахѫ июдеи. ꙇ вѣровахѫ въ ис҃а.
12:12
ⰲⱏ ⱆⱅⱃⱑⰻ ⰶⰵ ⰴⰵⱀⱐ ⱀⰰⱃⱁⰴⱏ ⰿⱏⱀⱁⰳⱏ. ⱂⱃⰻⱎⰵⰴⱏⰹ ⰲⱏ ⱂⱃⰰⰸⰴⱐⱀⰻⰽⱏ. ⱄⰾⱏⰹⱎⰰⰲⱏⱎⰵ ⱑⰽⱁ ⰻⱄ҃ ⰳⱃⱔⰴⰵⱅⱏ ⰲⱏ !ⰻⰿⱏ.
въ оутрѣи же день народъ мъногъ. пришедꙑ въ праздьникъ. слꙑшавъше ѣко ис҃ грѧдетъ въ !имъ.
12:13
ⱂⱃⰻⱗⱄⱔ ⰲⱑⰻⰵ ⱁⱅⱏ ⱇⰻⱀⰻⰽⱏ. ⰺ ⰻⰸⰻⰴⱘ ⱂⱃⱁⱅⰻⰲⱘ ⰵⰿⱆ. ⰺ ⰸⱏⰲⰰⰰⱈⱘ ⰳⰾ҃ⱙⱎⱅⰵ. ⱉ҅ⱄⰰⱀⸯⱀⰰ !ⰱⰾⰳⱄⰲⱀⱏ ⰳⱃⱔⰴⱔⰻ ⰲⱏ ⰹⰿⱔ ⰳⱀ҃ⰵ. ⱌⱄ҃ⱃⱏ !ⰺⰾⰲⱏ.
приѩсѧ вѣие отъ финикъ. ꙇ изидѫ противѫ емоу. ꙇ зъваахѫ гл҃ѭште. ѡ҅санⸯна !блгсвнъ грѧдѧи въ імѧ гн҃е. цс҃ръ !ꙇлвъ.
12:14
ⱁⰱⱃⱑⱅⱏ ⰶⰵ ⰻⱄ҃ ⱁⱄⱐⰾⱔ ⰲⱐⱄⱑⰴⰵ ⱀⰰ ⱀⰵ. ⱑⰽⱁⰶⰵ ⰵⱄⱅⱏ ⱂⰻⱄⰰⱀⱁ.
обрѣтъ же ис҃ осьлѧ вьсѣде на не. ѣкоже естъ писано.
12:15
ⱀⰵ ⰱⱁⰻ ⱄⱔ ⰴⱏⱋⰻ ⱄⰻⱁⱀⱁⰲⰰ. ⱄⰵ ⱌⱄ҃ⱃⱐ ⱅⰲⱁⰻ ⰳⱃⱔⰴⰵⱅⱏ. ⱄⱑⰴⱔ ⱀⰰ ⰶⱃⱑⰱⱔⱅⰵ ⱁⱄⱏⰾⰻ.
не бои сѧ дъщи сионова. се цс҃рь твои грѧдетъ. сѣдѧ на жрѣбѧте осъли.
12:16
ⱄⰻⱈⱏ ⰶⰵ ⱀⰵ ⱃⰰⰸⱆⰿⱑⱎⱔ ⱆⱍⰵⱀⰻⱌⰻ ⰵⰳⱁ ⱂⱃⱑⰶⰴⰵ. ⱀⱏ ⰵⰳⰴⰰ ⱂⱃⱁⱄⰾⰰⰲⰻ ⱄⱔ ⰻⱄ҃. ⱅⱏⰳⰴⰰ ⱂⱁⰿⱑⱀⱘⱎⱔ. ⱑⰽⱁ ⱄⰻ ⰱⱑⱎⱔ ⱁ ⱀⰵⰿⱐ ⱂⰻⱄⰰⱀⰰ. ⰺ ⱄⰻ ⱄⱏⱅⰲⱁⱃⰻⱎⱔ ⰵⰿⱆ.
сихъ же не разоумѣшѧ оученици его прѣжде. нъ егда прослави сѧ ис҃. тъгда помѣнѫшѧ. ѣко си бѣшѧ о немь писана. ꙇ си сътворишѧ емоу.
12:17
Ⱄⱏⰲⱑⰴⱑⱅⰵⰾⱐⱄⱅⰲⱁⰲⰰⰰⱎⰵ ⰶⰵ ⱀⰰⱃⱁⰴⱏ ⰻⰶⰵ ⰱⱑ ⱄⱏ ⱀⰻⰿⱐ. ⰵⰳⰴⰰ ⰾⰰⰸⰰⱃⰰ ⰲⱏⰸⱏⰲⰰ ⱁⱅⱏ ⰳⱃⱁⰱⰰ. ⰺ ⰲⱐⱄⰽⱃⱑⱄⰻ ⰵⰳⱁ ⱁⱅⱏ ⰿⱃⱏⱅⰲⱏⰹⱈⱏ.
Съвѣдѣтельствовааше же народъ иже бѣ съ нимь. егда лазара възъва отъ гроба. ꙇ вьскрѣси его отъ мрътвꙑхъ.
12:18
ⱄⰵⰳⱁ ⱃⰰⰴⰻ ⰻ ⱂⱃⱁⱅⰻⰲⱘ ⰵⰿⱆ ⰻⰸⰻⰴⰵ ⱀⰰⱃⱁⰴⱏ. ⱑⰽⱁ ⱄⰾⱏⰹⱎⰰⱎⱔ ⰻ ⱄⱏⱅⰲⱁⱃⱐⱎⱐ ⱄⰵ ⰸⱀⰰⰿⰵⱀⰻⰵ :: ⰽ!ⱌ.
сего ради и противѫ емоу изиде народъ. ѣко слꙑшашѧ и сътворьшь се знамение :: к!ц.
12:19
Ⱇⰰⱃⰻⱄⰵⰻ ⰶⰵ ⱃⱑⱎⱔ ⰽⱏ ⱄⰵⰱⱑ. ⰲⰻⰴⰻⱅⰵ ⱑⰽⱁ ⱀⰻⰽⰰⰽⱁⰶⰵ ⱂⱁⰾⱐⰷⰰ ⰵⱄⱅⱏ. ⱄⰵ ⰲⰵⱄⱐ ⰿⰻⱃⱏ ⱂⱁ ⱀⰵⰿⱐ ⰻⰴⰵⱅⱏ ::
Фарисеи же рѣшѧ къ себѣ. видите ѣко никакоже польѕа естъ. се весь миръ по немь идетъ ::
12:20
Ⰱⱑⰰⱈⱘ ⰶⰵ ⰵ!ⰾⰾⰻⱀⰻ ⰵⰴⰻⱀⰻ ⱁⱅⱏ ⰲⱏⱎⰵⰴⱏⱎⰻⰻⱈⱏ. ⰴⰰ ⱂⱁⰽⰾⱁⱀⱔⱅⱏ ⱄⱔ ⰲⱏ ⱂⱃⰰⰸⰴⱐⱀⰻⰽⱏ.
Бѣахѫ же е!ллини едини отъ въшедъшиихъ. да поклонѧтъ сѧ въ праздьникъ.
12:21
ⱄⰻⰻ ⰶⰵ ⱂⱃⰻⱄⱅⱘⱂⰻⱎⱔ ⰽⱏ ⱇⰻⰾⰻⱂⱆ. ⰺⰶⰵ ⰱⱑ ⱁⱅⱏ ⰲⰻⰴⱏ{ⰲ}ⱄⰰⰻⰴⱏⰹ ⰳⰰⰾⱑⰾⱑⰻⱄⰽ ⱗ҅. ⰺ ⰿⱁⰾⱑⱈⱘ ⰻ ⰳⰾ҃ⱙⱎⱅⰵ. ⰳ҃ⰻ ⱈⱁⱎⱅⰵⰿⱏ ⰻⱄ҃ⰰ ⰲⰻⰴⱑⱅⰻ.
сии же пристѫпишѧ къ филипоу. ꙇже бѣ отъ видъ{в}саидꙑ галѣлѣиск ѩ҅. ꙇ молѣхѫ и гл҃ѭште. г҃и хоштемъ ис҃а видѣти.
12:22
Ⱂⱃⰻⰴⰵ ⱇⰻⰾⰻⱂⱏ ⰻ҅ ⰳⰾ҃ⰰ ⰰⱀⱐⰴⱃⱑⱁⰲⰻ. ⰺ ⱂⰰⰽⱏⰹ ⰰⱀⱐⰴⱃⱑⰰ ⰻ ⱇⰻⰾⰻⱂⱏ ⰳⰾⰰⱄⱅⰵ ⰻⱄ҃ⰲⰻ.
Приде филипъ и҅ гл҃а аньдрѣови. ꙇ пакꙑ аньдрѣа и филипъ гласте ис҃ви.
12:23
ⰺⱄ҃ ⰶⰵ ⱁⱅⱏⰲⱑⱎⱅⰰ ⰻⰿⰰ ⰳⰾ҃ⱔ. Ⱂⱃⰻⰴⰵ ⰳⱁⰴⰻⱀⰰ ⰴⰰ ⱂⱃⱁⱄⰾⰰⰲⰻⱅⱏ ⱄⱔ ⱄⱀ҃ⱏ ⱍⰾⰲ҃ⱄⰽⱏⰹ.
ꙇс҃ же отъвѣшта има гл҃ѧ. Приде година да прославитъ сѧ сн҃ъ члв҃скꙑ.
12:24
ⰰⰿⱀⱐ ⰰⰿⰻⱀⱏ ⰳⰾ҃ⱙ ⰲⰰⰿⱏ. ⰰⱎⱅⰵ ⰸⱃⱏⱀⱁ ⱂⱎⰵⱀⰻⱍⱐⱀⱁ ⱀⰵ ⱆⰿⱐⱃⰵⱅⱏ ⱂⰰⰴⱏ ⰲⱐ ⰸⰵⰿⰻ. ⱅⱁ ⰵⰴⰻⱀⱁ ⱂⱃⱑⰱⱏⰹⰲⰰⰰⱅⱏ. ⰰⱎⱅⰵ ⰾⰻ ⱆⰿⱐⱃⰵⱅⱏ ⰿⱏⱀⱁⰳⱏ ⱂⰾⱁⰴⱏ ⱄⱏⱅⰲⱁⱃⰻⱅⱏ.
амнь аминъ гл҃ѭ вамъ. аште зръно пшеничьно не оумьретъ падъ вь земи. то едино прѣбꙑваатъ. аште ли оумьретъ мъногъ плодъ сътворитъ.
12:25
ⰾⱓⰱⱔⰻ ⰴⱎ҃ⱘ ⱄⰲⱁⱙ ⱂⱁⰳⱆⰱⰻⱅⱏ ⱙ. ⰺ ⱀⰵⱀⰰⰲⰻⰴⱔⰻ ⰴⱎ҃ⱔ ⱄⰲⱁⰵⱗ. ⰲⱐ ⰿⰻⱃⱑ ⱄⰵⰿⱐ. ⰲⱏ ⰶⰻⰲⱁⱅⱑ ⰲⱑⱍⱏⱀⱑⰵⰿⱐ ⱄⱏⱈⱃⰰⱀⰻⱅⱏ ⱙ.
любѧи дш҃ѫ своѭ погоубитъ ѭ. ꙇ ненавидѧи дш҃ѧ своеѩ. вь мирѣ семь. въ животѣ вѣчънѣемь съхранитъ ѭ.
12:26
ⰰⱎⱅⰵ ⰽⱅⱁ ⰿⱐⱀⱑ ⱄⰾⱆⰶⰻⱅⱏ. ⱂⱁ ⰿⱐⱀⱑ ⰴⰰ ⱈⱁⰴⰻⱅⱏ. ⰺ ⰻⰴⰵⰶⰵ ⰵⱄⰿⱏ ⰰⰸⱏ ⱅⱆ ⰻ ⱄⰾⱆⰳⰰ ⰿⱁⰻ ⰱⱘⰴⰵⱅⱏ. ⰺ ⰰⱎⱅⰵ ⰽⱅⱁ ⰿⱐⱀⱑ ⱄⰾⱆⰶⰻⱅⱏ. ⱂⱁⱍⱐⱅⰵⱅⱏ ⰹ ⱁⱅ҃ⱌⱏ.
аште кто мьнѣ слоужитъ. по мьнѣ да ходитъ. ꙇ идеже есмъ азъ тоу и слоуга мои бѫдетъ. ꙇ аште кто мьнѣ слоужитъ. почьтетъ і от҃цъ.
12:27
Ⱀⱏⰹⱀⱑ ⰴⱎ҃ⰰ ⰿⱁⱑ ⰲⱏⰸⰿⱘⱅⰻ ⱄⱔ. ⰺ ⱍⱅⱁ ⱃⰵⰽⱘ. !ⱁⱅⱍⰵ ⱄⱂ҃ⱄⰻ ⰿⱔ ⱁⱅⱏ ⰳⱁⰴⰻⱀⱏⰹ ⱄⰵⱗ. ⱀⱏ ⱄⰵⰳⱁ ⱃⰰⰴⰻ ⱂⱃⰻⰴⱏ ⱀⰰ ⰳⱁⰴⰻⱀⱘ ⱄⰻⱙ.
Нꙑнѣ дш҃а моѣ възмѫти сѧ. ꙇ что рекѫ. !отче сп҃си мѧ отъ годинꙑ сеѩ. нъ сего ради придъ на годинѫ сиѭ.
12:28
!ⱁⱅⱍⰵ ⱂⱃⱁⱄⰾⰰⰲⰻ ⰻⰿⱔ ⱅⰲⱁⰵ. ⱂⱃⰻⰴⰵ ⰶⰵ ⰳⰾⰰⱄⱏ ⱄⱀ҃ⰱⱄⰵ. ⰺ ⱂⱃⱁⱄⰾⰰⰲⰻⱈⱏ ⰻ ⱂⰰⰽⱏⰹ ⱂⱃⱁⱄⰾⰰⰲⰾⱙ.
!отче прослави имѧ твое. приде же гласъ сн҃бсе. ꙇ прославихъ и пакꙑ прославлѭ.
12:29
ⱀⰰⱃⱁⰴⱏ ⰶⰵ ⱄⱅⱁⱗⰻ ⰺ ⱄⰾⱏⰹⱎⰰⰲⱏ. ⰳⰾ҃ⰰⰰⱈⱘ ⰳⱃⱁⰿⱏ ⰱⱏⰹⱄⱅⱏ. ⰺⱀⰻ ⰳⰾ҃ⰰⰰⱈⱘ ⰰⱀⰼ҃ⰾⱏ ⰳⰾ҃ⰰ ⰵⰿⱆ.
народъ же стоѩи ꙇ слꙑшавъ. гл҃аахѫ громъ бꙑстъ. ꙇни гл҃аахѫ анђ҃лъ гл҃а емоу.
12:30
ⱁⱅⱏⰲⱑⱎⱅⰰ ⰻⱄ҃ ⰻ҅ {ⱃⰵ}ⱃⰵⱍⰵ. ⱀⰵ ⰿⰵⱀⰵ ⱃⰰⰴⰻ ⰳⰾⰰⱄⱏ ⱄⱐ ⰱⱏⰹⱄⱅⱏ ⱀⱏ ⰲⰰⱄⱏ ⱃⰰⰴⰻ.
отъвѣшта ис҃ и҅ {ре}рече. не мене ради гласъ сь бꙑстъ нъ васъ ради.
12:31
ⱀⱏⰹⱀⱑ ⱄⱘⰴⱏ ⰵⱄⱅⱏ ⰿⰻⱃⱆ ⱄⰵⰿⱆ. Ⱀⱏⰹⱀⱑ ⰽⱏⱀⱔⰷⱏ ⰿⰻⱃⰰ ⱄⰵⰳⱁ ⰻⰸⰳⱏⱀⰰⱀⱏ ⰱⱘⰴⰵⱅⱏ ⰲⱁⱀⱏ.
нꙑнѣ сѫдъ естъ мироу семоу. Нꙑнѣ кънѧѕъ мира сего изгънанъ бѫдетъ вонъ.
12:32
ⰺ ⰰⰸⱏ ⰰⱎⱅⰵ ⰲⱐⰸⱀⰵⱄⰵⱀⱏ ⰱⱘⰴⱘ ⱁⱅⱏ ⰸⰵⰿⰾⱔ. ⰲⱐⱄⱔ ⱂⱃⰻⰲⰾⱑⰽⱘ ⰽⱏ ⱄⰵⰱⱑ.
ꙇ азъ аште вьзнесенъ бѫдѫ отъ землѧ. вьсѧ привлѣкѫ къ себѣ.
12:33
ⱄⰵ ⰶⰵ ⰳⰾ҃ⰰⱎⰵ ⰽⰾⰵⱂⰾⱔ ⰽⱁⰵⱙ ⱄⱏⰿⱃⱏⱅⰻⱙ ⱈⱁⱅⱑⰰⱎⰵ ⱆⰿⱐⱃⱑⱅⰻ.
се же гл҃аше клеплѧ коеѭ съмрътиѭ хотѣаше оумьрѣти.
12:34
ⱁⱅⱏⰲⱑⱎⱅⰰ ⰵⰿⱆ ⱀⰰⱃⱁⰴⱏ. ⰿⱏⰹ ⱄⰾⱏⰹⱎⰰⱈⱁⰿⱏ ⱁⱅⱏ ⰸⰰⰽⱁⱀⰰ. ⱑⰽⱁ !ⱈⱏ ⱂⱃⱑⰱⱏⰹⰲⰰⰰⱅⱏ ⰲⱏ ⰲⱑⰽⱏ. ⰺ ⰽⰰⰽⱁ ⱅⱏⰹ ⰳⰾ҃ⰵⱎⰻ ⰲⱐⰸⱀⰵⱄⱅⰻ ⱄⱔ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⰾⰲ҃ⱍⱄⰽⱆⰿⱆ. ⰽⱅⱁ ⱄⱐ ⰵⱄⱅⱏ ⱄⱀ҃ⱏ ⱍⰾⰲ҃ⱍⱄⰽⱏ.
отъвѣшта емоу народъ. мꙑ слꙑшахомъ отъ закона. ѣко !хъ прѣбꙑваатъ въ вѣкъ. ꙇ како тꙑ гл҃еши вьзнести сѧ подобаатъ сн҃оу члв҃чскоумоу. кто сь естъ сн҃ъ члв҃чскъ.
12:35
ⱃⰵⱍⰵ ⰶⰵ ⰻⰿⱏ ⰻⱄ҃. ⰵⱎⱅⰵ ⰲⱏ ⰿⰰⰾⱁ ⰲⱃⱑⰿⱔ ⱄⰲⱑⱅⱏ ⰲⱏ ⰲⰰⱄⱏ ⰵⱄⱅⱏ. ⱈⱁⰴⰻⱅⰵ ⰴⱁⱀⱐⰴⰵⰶⰵ ⱄⰲⱑⱅⱏ ⰻⰿⰰⱅⰵ. ⰴⰰ ⱅⱏⰿⰰ ⰲⰰⱄⱏ ⱀⰵ ⰻⰿⰵⱅⱏ. ⰺ ⱈⱁⰴⱔⰻ ⰲⱏ ⱅⱏⰿⱑ. ⱀⰵ ⰲⱑⱄⱅⱏ ⰽⰰⰿⱁ ⰻⰴⰵⱅⱏ.
рече же имъ ис҃. еште въ мало врѣмѧ свѣтъ въ васъ естъ. ходите доньдеже свѣтъ имате. да тъма васъ не иметъ. ꙇ ходѧи въ тъмѣ. не вѣстъ камо идетъ.
12:36
ⰴⱁⱀⱐⰴⰵⰶⰵ ⱄⰲⱑⱅⱏ ⰻⰿⰰⱅⰵ. ⰲⱑⱃⱆⰻⱅⰵ ⰲⱏ ⱄⰲⱑⱅⰰ. ⰴⰰ ⱄⱀ҃ⰲⰵ ⱄⰲⱑⱅⱆ ⰱⱘⰴⰵⱅⰵ :: ⰽ!ⱌ :: Ⱄⰻ ⰳⰾ҃ⰰ ⰻⱄ҃. ⰺ ⱁⱎⰵⰴⱏ ⱄⱏⰽⱃⱏⰹ ⱄⱔ ⱁⱅⱏ ⱀⰻⱈⱏ.
доньдеже свѣтъ имате. вѣроуите въ свѣта. да сн҃ве свѣтоу бѫдете :: к!ц :: Си гл҃а ис҃. ꙇ ошедъ съкрꙑ сѧ отъ нихъ.
12:37
ⱅⱁⰾⰻⰽⰰ ⰶⰵ ⰸⱀⰰ[ⰿⰵ]ⱀⰻⱑ ⱄⱏⱅⰲⱁⱃⱐⱎⱓ ⰵⰿⱆ ⱂⱃⱑⰴⱐ ⱀⰻⰿⰻ. ⱀⰵ ⰲⱑⱃⱁⰲⰰⰰⱈⱘ ⰲⱁ ⱀⱐ.
толика же зна[ме]ниѣ сътворьшю емоу прѣдь ними. не вѣроваахѫ во нь.
12:38
ⰴⰰ ⱄⱏⰱⱘⰴⰵⱅⱏ ⱄⱔ ⱄⰾⱁⰲⱁ ⰻⱄⰰⰻⱗ !ⱂⱃⰽⰰ ⰵⰶⰵ ⱃⰵⱍⰵ. ⰳ҃ⰻ ⰽⱅⱁ ⰲⱑⱃⱘ ⱗ ⱄⰾⱆⱈⱆ ⱀⰰⱎⰵⰿⱆ. ⰺ ⰿⱏⰹⱎⱏⱌⰰ ⰳⱀ҃ⱑ ⰽⱁⰿⱆ ⱁⱅⱏⰽⱃⱏⰹ ⱄⱔ.
да събѫдетъ сѧ слово исаиѩ !прка еже рече. г҃и кто вѣрѫ ѩ слоухоу нашемоу. ꙇ мꙑшъца гн҃ѣ комоу отъкрꙑ сѧ.
12:39
ⱄⰵⰳⱁ ⱃⰰⰴⰻ ⱀⰵ ⰿⱁⰶⰰⰰⱈⱘ ⰲⱑⱃⱁⰲⰰⱅⰻ. ⱑⰽⱁ ⱂⰰⰽⱏⰹ ⱃⰵⱍⰵ ⰻⱄⰰⰻⱑ.
сего ради не можаахѫ вѣровати. ѣко пакꙑ рече исаиѣ.
12:40
ⱁⱄⰾⱑⱂⰻ ⱁⱍⰻ ⰻⱈⱏ. ⰺ ⱁⰽⰰⰿⱑⱀⰻⰾⱏ ⰵⱄⱅⱏ ⱄⱃⰴ҃ⱌⰰ ⰻⱈⱏ. ⰴⰰ ⱀⰵ ⰲⰻⰴⱔⱅⱏ ⱁⱍⰻⰿⰰ. ⱀⰻ ⱃⰰⰸⱆⰿⱑⱙⱅⱏ ⱄⱃⰴ҃ⱌⰵⰿⱐ. ⰺ ⱁⰱⱃⰰⱅⱔⱅⱏ ⱄⱔ ⰻ ⰻⱄⱌⱑⰾⱙ ⱗ.
ослѣпи очи ихъ. ꙇ окамѣнилъ естъ срд҃ца ихъ. да не видѧтъ очима. ни разоумѣѭтъ срд҃цемь. ꙇ обратѧтъ сѧ и исцѣлѭ ѩ.
12:41
ⱄⰻ ⱃⰵⱍⰵ ⰻⱄⰰⰻⱑ. ⰵⰳⰴⰰ ⰲⰻⰴⱑ ⱄⰾⰰⰲⱘ ⰵⰳⱁ. ⰺ ⰳⰾ҃ⰰ ⱁ ⱀⰵⰿⱐ.
си рече исаиѣ. егда видѣ славѫ его. ꙇ гл҃а о немь.
12:42
ⱁⰱⰰⱍⰵ ⱆⰱⱁ ⰻ ⱁⱅⱏ ⰽⱐⱀⱔⰸⱏ ⰿⱏⱀⱁⰷⰻ ⰲⱑⱃⱁⰲⰰⱎⱔ ⰲⱐ ⱀⰵⰳⱁ. ⱀⱏ ⱇⰰⱃⰻⱄⱑⰻ ⱃⰰⰴⰻ ⱀⰵ ⰻⱄⱂⱁⰲⱑⰴⰰⰰⱈⱘ. ⰴⰰ ⱀⰵ ⰻ ⱄⱏⱀⱐⰿⰻⱎⱅⱏ ⰻⰸⰳⱏⱀⰰⱀⰻ ⰱⱘⰴⱘⱅⱏ.
обаче оубо и отъ кьнѧзъ мъноѕи вѣровашѧ вь него. нъ фарисѣи ради не исповѣдаахѫ. да не и съньмиштъ изгънани бѫдѫтъ.
12:43
ⰲⱐⰸⰾⱓⰱⰻⱎⱔ ⰱⱁ ⱂⰰⱍⰵ ⱄⰾⰰⰲⱘ ⱍⰾⱍ҃ⰽⱘ ⱀⰵⰶⰵ ⱄⰾⰰⰲⱘ ⰱⰶ҃ⰻⱙ.
вьзлюбишѧ бо паче славѫ члч҃кѫ неже славѫ бж҃иѭ.
12:44
!Ⰺⱄ ⰶⰵ ⰲⱐⰸⱏⰲⰰ ⰻ ⱃⰵⱍⰵ. ⰲⱑⱃⱆⱗⰻ ⰲⱐ ⰿⱔ. ⱀⰵ ⰲⱑⱃⱆⱆⱅⱏ ⰲⱏ ⰿⱔ ⱀⱏ ⰲⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
!Ꙇс же вьзъва и рече. вѣроуѩи вь мѧ. не вѣроуоутъ въ мѧ нъ въ посълавъшааго мѧ.
12:45
ⰺ ⰲⰻⰴⱔⰻ ⰿⱔ ⰲⰻⰴⱑ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
ꙇ видѧи мѧ видѣ посълавъшааго мѧ.
12:46
ⰰⰸⱏ ⱄⰲⱑⱅⱏ ⰲⱐ ⰿⰻⱃⱏ ⱂⱃⰻⰴⱏ. ⰴⰰ ⰲⱐⱄⱑⰽⱏ ⰲⱑⱃⱆⱗⰻ ⰲⱐ ⰿⱔ ⰲⱐ ⱅⱐⰿⱑ ⱀⰵ ⱂⱃⱑⰱⱘⰴⰵⱅⱏ.
азъ свѣтъ вь миръ придъ. да вьсѣкъ вѣроуѩи вь мѧ вь тьмѣ не прѣбѫдетъ.
12:47
ⰺ ⰰⱎⱅⰵ ⰽⱅⱁ ⱆⱄⰾⱏⰹⱎⰻⱅⱏ ⰳⰾ҃ⱏⰹ ⰿⱁⱗ. ⰺ ⱀⰵ ⱄⱏⱈⱃⰰⱀⰻⱅⱏ ⰻⱈⱏ. ⰰⰸⱏ ⱀⰵ ⱄⱘⰶⰴⱘ ⰵⰿⱆ. ⱀⰵ ⱂⱃⰻⰴⱏ ⰱⱁ ⰴⰰ ⱄⱘⰶⰴⱙ ⰿⰻⱃⱆ. ⱀⱏ ⰴⰰ ⱄⱂ҃ⱄⱘ ⰿⰻⱃⱏ.
ꙇ аште кто оуслꙑшитъ гл҃ꙑ моѩ. ꙇ не съхранитъ ихъ. азъ не сѫждѫ емоу. не придъ бо да сѫждѭ мироу. нъ да сп҃сѫ миръ.
12:48
ⱁⱅⱏⰿⰵⱅⰰⱗⰻ ⱄⱔ ⰿⰵⱀⰵ ⰻ ⱀⰵ ⱂⱃⰻⰵⰿⰾⱔ ⰳⰾ҃ⱏ ⰿⱁⰻⱈⱏ. ⰺⰿⰰⱅⱏ ⱄⱘⰴⱔⱎⱅⰰⰰⰳⱁ ⰵⰿⱆ. ⱄⰾⱁⰲⱁ ⰵⰶⰵ ⰳⰾ҃ⰰⱈⱏ ⱅⱁ ⱄⱘⰴⰻⱅⱏ ⰵⰿⱆ ⰲⱏ ⱂⱁⱄⰾⱑⰴⱐⱀⰻⰻ ⰴⱐⱀⱐ.
отъметаѩи сѧ мене и не приемлѧ гл҃ъ моихъ. ꙇматъ сѫдѧштааго емоу. слово еже гл҃ахъ то сѫдитъ емоу въ послѣдьнии дьнь.
12:49
ⱑⰽⱁ ⰰⰸⱏ ⱁ ⱄⰵⰱⱑ ⱀⰵ ⰳⰾ҃ⰰⱈⱏ. ⱀⱏ ⱂⱁⱄⱏⰾⰰⰲⱏⰹ ⰿⱔ ⱁⱅⱏⱌⱏ. ⱅⱏ ⰿⱐⱀⱑ ⰸⰰⱂⱁⰲⱑⰴⱐ ⰴⰰⱄⱅⱏ. ⱍⱅⱁ ⱃⰵⰽⱘ ⰻ ⱍⱅⱁ !ⰲⱏⰸⰳⰾⱙ.
ѣко азъ о себѣ не гл҃ахъ. нъ посълавꙑ мѧ отъцъ. тъ мьнѣ заповѣдь дастъ. что рекѫ и что !възглѭ.
12:50
ⰻ ⰲⱑⰿⱐ ⱑⰽⱁ ⰸⰰⱂⱁⰲⱑⰴⱐ ⰵⰳⱁ ⰶⰻⰲⱁⱅⱏ ⰲⱑⱍⱏⱀⱏⰹⰻ ⰵⱄⱅⱏ. ⱑⰶⰵ ⱆⰱⱁ ⰰⰸⱏ ⰳⰾ҃ⱙ. ⱑⰽⱁⰶⰵ ⱃⰵⱍⰵ ⰿⱏⱀⱑ ⱁⱅⱏⱌⱏ ⱅⰰⰽⱁ ⰳⰾ҃ⱙ :: ::
и вѣмь ѣко заповѣдь его животъ вѣчънꙑи естъ. ѣже оубо азъ гл҃ѭ. ѣкоже рече мънѣ отъцъ тако гл҃ѭ :: ::