ЕВАНГЕЛИЕ ЕЖЕ Ѿ МАТѲЕꙖ
8:1
Ⱄⱏⱎⰵⰴⱏⱎⱓ ⰶⰵ ⰵⰿⱆ ⱄⱏ ⰳⱁⱃⱏⰹ. ⰲⱏ ⱄⰾⱑⰴⱏ ⰵⰳⱁ ⰺ҅ⰴⱘ ⱀⰰⱃⱁⰴⰻ ⰿⱀⱁⰸⰻ.
8:2
ⰺ҅ ⱄⰵ ⱂⱃⱁⰽⰰⰶⰵⱀⱏ ⱂⱃⰻⱄⱅⱘⱂⱐ ⰽⰾⰰⱀ̑ⱑⰰⱎⰵ ⱄⱔ ⰵⰿⱆ ⰺ҅ ⰳⰾ҃ⱔ. ⰳ҃ⰻ ⰰⱎⱅⰵ ⱈⱁⱎⱅⰵⱎⰻ ⰿⱁⰶⰵⱎⰻ ⰿⱔ ⰺ҅ⱎⱅⰻⱄⱅⰻⱅⰻ.
8:3
ⰺ҅ ⱂⱃⱁⱄⱅⱐⱃⱏ ⱃⱘⰽⱘ ⰻⱄ҃. ⰽⱁⱄⱀⱘ ⰻ ⰳⰾ̑ⱔ. ⱈⱁⱎⱅⱘ ⰺ҅ⱎⱅⰻⱄⱅⰻ ⱄⱔ. ⰺ҅ ⰰⰱⰻⰵ ⰺ҅ⱎⱅⰻⱄⱅⰻ ⱄⱔ ⱁⱅⱏ ⱂⱃⱁⰽⰰⰸⱏⰹ.
8:4
ⰺ҅ ⱃⰵⱍⰵ ⰵⰿⱆ ⰻⱄ҃. ⰱⰾ̑ⱓⰴⰻ ⱀⰻⰽⱁⰿⱆⰶⰵ ⱀⰵ ⱂⱁⰲⱑⰶⰴⱐ. ⱀⱏ ⱎⱐⰴⱏ ⱂⱁⰽⰰⰶⰻ ⱄⱔ ⰰⱃⸯⱈⰻⰵⱃⰵⱁⰲⰻ ⰺ҅ ⱀⰵⱄⰻ ⰴⰰⱃⱏ. ⰺ҅ⰶⰵ ⱂⱁⰲⰵⰾⱑ ⰿⱁⱄⰻ. ⰲⱏ ⱄⱏⰲⱑⰴⱑⱀⰻⰵ ⰺ҅ⰿⱏ: -
8:5
Ⰲⱏⱎⰵⰴⱏⱎⱓ ⰶⰵ ⰵⰿⱆ ⰲⱏ ⰽⰰⱇⸯⰵⱃⱏⱀⰰⱆⰿⱏ. ⱂⱃⰻⱄⱅⱘⱂⰻ ⰽⱏ ⱀ̑ⰵⰿⱆ ⱄⱏⱅⱐⱀⰻⰽⱏ ⰿⱁⰾⱔ ⰻ
8:6
ⰺ҅ ⰳⰾ̑ⱔ. ⰳ҃ⰻ. ⱁⱅⱃⱁⰽⱏ ⰿⱁⰻ ⰾⰵⰶⰻⱅⱏ ⰲⱏ ⰴⱁⰿⱆ ⱁⱄⰾⰰⰱⰾ̑ⰵⱀⱏ. ⰾ̑ⱓⱅⱑ ⱑⰽⱁ ⱄⱅⱃⰰⰶⰴⱔ.
8:7
ⰺ ⰳⰾ҃ⰰ ⰵⰿⱆ ⰻⱄ҃. ⰰⰸⱏ ⱂⱃⰻⱎⰵⰴⱏ ⰺ҅ⱄⱌⸯⱑⰾ̑ⱙ ⰻ.
8:8
ⰺ҅ ⱁⱅⱏⰲⱑⱎⱅⰰⰲⱏ ⱄⱏⱅⱐⱀⰻⰽⱏ ⱃⰵⱍⰵ ⰵⰿⱆ. ⰳ҃ⰻ ⱀⱑⱄⰿⱐ ⰴⱁⱄⱅⱁⰺⱀⱏ ⰴⰰ ⰲⱏ ⰴⱁⰿⱏ ⰿⱁⰻ ⰲⱐⱀⰻⰴⰵⱎⰻ. ⱀⱏ ⱅⱏⰽⸯⰿⱁ ⱃⱌⰻ ⱄⰾⱁⰲⱁ. ⰺ҅ ⰻⱌⱑⰾⱑⰵⱅⱏ ⱁⱅⱃⱁⰽⱏ ⰿⱁⰻ.
8:9
ⰺ҅ⰱⱁ ⰰⰸⱏ ⱍⰽ҃ⱏ ⰵⱄⰿⱐ ⱂⱁⰴⱏ ⰲⰾⰰⰴⱏⰹⰽⱁⱙ. ⰺ҅ⰿⱏⰹ ⱂⱁⰴⱏ ⱄⱁⰱⱁⱙ ⰲⱁⰺⱀⱏⰹ. ⰺ҅ ⰳⰾ̑ⱙ. ⱄⰵⰿⱆ ⰺ҅ⰴⰻ. ⰺ҅ ⰻⰴⰵⱅⱏ. ⰺ҅ ⰴⱃⱆⰳⱆⰿⱆ ⱂⱃⰻⰴⰻ. ⰺ҅ ⱂⱃⰻⰴⰵⱅⱏ. ⰺ҅ ⱃⰰⰱⱆ ⰿⱁⰵⰿⱆ ⱄⱏⱅⰲⱁⱃⰻ ⱄⰵ ⰺ҅ ⱄⱏⱅⰲⱁⱃⰻⱅⱏ.
8:10
ⱄⰾⱏⰹⱎⰰⰲⱏ ⰶⰵ ⰻⱄ҃. ⰴⰻⰲⰻ ⱄⱔ ⰵⰿⱆ. ⰺ҅ ⰳⰾ҃ⰰ ⰳⱃⱔⰴⱘⱎⱅⰻⰹⰿⱏ ⱂⱁ ⱀ̑ⰵⰿⱐ. ⰰⰿⰻⱀⸯ ⰳⰾ̑ⱙ ⰲⰰⰿⱏ. ⱀⰻ ⰲⱏ ⰺⰾ҃ⰻ ⱅⱁⰾⰻⰽⱏⰹ ⰲⱑⱃⱏⰹ ⱀⰵ ⱁⰱⱃⱑⱅⱏ.
8:11
ⰳⰾ̑ⱙ ⰶⰵ ⰲⰰⰿⱏ. ⱑⰽⱁ ⰿⱀⱁⰷⰻ ⱁⱅⱏ ⰲⱏⱄⱅⱁⰽⱏ. ⰺ҅ ⰸⰰⱂⰰⰴⱏ. ⱂⱃⰻⰴⱘⱅⱏ ⰺ҅ ⰲⱏⰸⰳⰾⰰⰳⱁⰾ̑ⱙⱅⱏ ⱄⱏ ⰰⰲⱃⰰⰰⰿⱁⰿⱐ ⰺ ⰻⱄⰰⰽⱁⰿⱐ. ⰺ҅ ⱑⰽⱁⰲⱁⰿⱐ. ⰲⱏ ⱌⱃ҃ⱄⰻ ⱀⰱ҃ⱄⱌⱑⰿⱐ.
8:12
ⰰ ⱄⱀ҃ⱁⰲⰵ ⱌⱃ҃ⱄⱅⰲⰻⱑ ⰺ҅ⰸⰳⱏⱀⰰⱀⰻ ⰱⱘⰴⱘⱅⱏ. ⰲⱏ ⱅⱏⰿⱘ ⰽⱃⱁⰿⱑⱎⱐⱀ̑ⱙⱙ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰺ ⱄⰽⱃⱐⰶⱐⱅⱏ ⰸⱘⰱⱁⰿⱏ: -
8:13
Ⰺ҅ ⱃⰵⱍⰵ ⰻⱄ҃ ⱄⱏⱅⱐⱀⰻⰽⱆ. ⰺⰴⰻ ⱑⰽⱁⰶⰵ ⰲⱑⱃⱁⰲⰰ ⰱⱘⰴⰻ ⱅⰵⰱⱑ. ⰺ҅ ⰻⱌⱑⰾⱑ ⱁⱅⱃⱁⰽⱏ ⰵⰳⱁ ⰲⱏ ⱅⱏ ⱍⰰⱄⱏ. !ⰽⱁ!ⱀ. ⰺ҅ ⱁⰱⱃⰰⱎⱅⱐ ⱄⱔ ⱄⱏⱅⱐⱀⰻⰽⱏ ⰲⱏ ⱅⱏ ⱍⰰⱄⱏ ⰲⱏ ⰴⱁⰿⱏ ⱄⰲⱁⰻ ⱁⰱⱃⱑⱅⰵ ⰻ ⱄⱏⰴⱃⰰⰲⰰ.
8:14
Ⰺ ⱂⱃⰻⱎⰵⰴⱏ ⰻⱄ҃. ⰲⱏ ⰴⱁⰿⱏ ⱂⰵⱅⱃⱁⰲⱏ. ⰲⰻⰴⱑ ⱅⱏⱎⱅⱘ ⰵⰳⱁ ⰾⰵⰶⱘⱎⱅⱘ ⱁⰳⱀ̑ⰵⰿⱐ ⰶⰵⰳⱁⰿⱘ.
8:15
ⰺ҅ ⱂⱃⰻⰽⱁⱄⱀⱘ ⱄⱔ ⱃⱘⱌⱑ ⰵⱗ. ⰺ҅ ⱁⱄⱅⰰⰲⰻ ⱙ ⱁⰳⱀ̑ⱐ. ⰺ҅ ⰲⱏⱄⱅⰰ ⰺ҅ ⱄⰾⱆⰶⰰⰰⱎⰵ ⰵⰿⱆ.
8:16
ⱂⱁⰸⰴⱑ ⰶⰵ ⰱⱏⰹⰲⱏⱎⱓ. ⱂⱃⰻⰲⱑⱄⱔ ⰽⱏ ⱀ̑ⰵⰿⱆ ⰱⱑⱄⱏⱀⱏⰹ ⰿⱀⱁⰳⱏⰹ. ⰺ҅ ⰻⰸⰳⱏⱀⰰ ⱄⰾⱁⰲⱁⰿⱐ ⰴⱆⱈⱏⰹ. ⰺ ⰲⱐⱄⱔ ⱀⰵⰴⱘⰶⱐⱀⱏⰹⱗ ⰺ҅ⱌⱑⰾⰻ.
8:17
ⰴⰰ ⱄⱏⰱⱘⰴⰵⱅⱏ ⱄⱔ ⱃⰵⱍⰵⱀⱁⰵ ⱂⱃⱁⱃⱁⰽⱁⰿⱐ ⰺ҅ⱄⰰⰻⰵⰿⱐ ⰳⰾ̑ⱙⱎⱅⰵⰿⱐ. ⱅⱏ ⱀⰵⰴⱘⰳⱏⰹ ⱀⰰⱎⱔ ⱂⱃⰻⱗⱅⱏ. ⰺ҅ ⰱⱁⰾⱑⰸⱀⰻ ⱂⱁⱀⰵⱄⰵ.
8:18
ⱆⰸⱐⱃⱑⰲⱏ ⰶⰵ ⰻⱄ҃. ⰿⱀⱁⰳⱏⰹ ⱀⰰⱃⱁⰴⱏⰹ ⱁⰽⱃⱏⱄⱅⱏ ⱄⰵⰱⰵ. ⱂⱁⰲⰵⰾⱑ ⰺ҅ⱅⰻ ⱀⰰ ⱁⱀⱏ ⱂⱁⰾⱏ.
8:19
Ⰺ ⱂⱃⰻⱄⱅⱘⱂⱐ ⰵⰴⰻⱀⱏ ⰽⱏⱀⰻⰶⱐⱀⰻⰽⱏ ⱃⰵⱍⰵ ⰵⰿⱆ. ⱆⱍⰻⱅⰵⰾ̑ⱓ ⰺ҅ⰴⱘ ⱂⱁ ⱅⰵⰱⱑ. ⱑⰿⱁⰶⰵ ⰽⱁⰾⰻⰶⰴⱁ ⰺ҅ⰴⰵⱎⰻ.
8:20
ⰺ҅ ⰳⰾ҃ⰰ ⰵⰿⱆ ⰻⱄ҃. ⰾⰻⱄⰻ ⱑⰸⰲⰻⱀⱏⰹ ⰺ҅ⰿⱘⱅⱏ ⰺ҅ ⱂⸯⱅⰻⱌⱔ ⱀⰵⰱ҃ⱄⰽⱏⰹⱗ ⰳⱀⱑⰸⰴⰰ: ⰰ ⱄⱀ҃ⱏ ⱍⱄ҃ⰽⱏⰺ ⱀⰵ ⰺ҅ⰿⰰⱅⱏ ⰽⰴⰵ ⰳⰾⰰⰲⱏⰹ ⱂⱁⰴⱏⰽⰾⱁⱀⰻⱅⰻ.
8:21
ⰴⱃⱆⰳⱏⰹ ⰶⰵ ⱁⱅⱏ ⱆⱍⰵⱀⰻⰽⱏ ⱃⰵⱍⰵ ⰵⰿⱆ. ⰳ҃ⰻ ⱂⱁⰲⰵⰾⰻ ⰿⰻ ⱂⱃⱑⰶⰴⰵ ⰺ҅ⱅⰻ. ⰺ҅ ⱂⱁⰳⱃⰵⱅⰻ ⱁⱌ҃ⰰ ⰿⱁⰵⰳⱁ.
8:22
ⰻⱄ҃ ⰶⰵ ⰳⰾ҃ⰰ ⰵⰿⱆ ⰳⱃⱔⰴⰻ ⱂⱁ ⰿⱀⱑ. ⰺ҅ ⱁⱄⱅⰰⰲⰻ ⰿⱃⱏⱅⰲⱏⰹⱗ. ⱂⱁⰳⱃⰵⱅⰻ ⱄⰲⱁⱗ ⰿⱃⱏⱅⰲⱐⱌⱔ.
8:23
Ⰺ ⰲⱏⰾⱑⰸⱏⱎⱆ ⰵⰿⱆ ⰲⱏ ⰽⱁⱃⰰⰱⰾ̑ⱐ. ⱂⱁ ⱀ̑ⰵⰿⱐ ⰺ҅ⰴⱁⱎⱔ ⱆⱍⰵⱀⰻⱌⰻ ⰵⰳⱁ.
8:24
ⰺ҅ ⱄⰵ ⱅⱃⱘⱄⱏ ⰲⰵⰾⰻ ⰱⱏⰹⱄⱅⱏ ⰲⱏ ⰿⱁⱃⰻ. ⱑⰽⱁ ⱂⱁⰽⱃⱏⰹⰲⰰⱅⰻ ⱄⱔ ⰽⱁⱃⰰⰱⰾ̑ⱓ ⰲⰾⱐⱀⰰⰿⰻ. ⰰ ⱅⱏ ⱄⱏⱂⰰⰰⱎⰵ.
8:25
ⰺ ⱂⱃⰻⱎⰵⰴⱏⱎⰵ ⱆⱍⰵⱀⰻⱌⰻ ⰵⰳⱁ. ⰲⱏⰸⰱⱆⰴⰻⱎⱔ ⰻ ⰳⰾ҃ⱙⱎⱅⰵ. ⰳ҃ⰻ ⱄⱂ҃ⰻ ⱀⱏⰹ ⱂⱁⰳⱏⰹⰱⱀⰵⰿⱏ.
8:26
ⰺ҅ ⰳⰾ҃ⰰ ⰺⰿⱏ. ⱍⱐⱅⱁ ⱄⱅⱃⰰⱎⰻⰲⰻ ⰵⱄⱅⰵ ⰿⰰⰾⱁⰲⱑⱃⰻ. ⱅⱏⰳⰴⰰ ⰲⱏⱄⱅⰰⰲⱏ ⰸⰰⱂⱃⱑⱅⰻ ⰲⱑⱅⱃⱁⰿⱏ ⰺ҅ ⰿⱁⱃ̑ⱓ. ⰺ҅ ⰱⱏⰹⱄⱅⱏ ⱅⰻⱎⰻⱀⰰ ⰲⰵⰾⰻⱑ.
8:27
ⱍⱌ҃ⰻ ⰶⰵ ⱍⱓⰴⰻⱎⱔ ⱄⱔ ⰳⰾ҃ⱙⱎⱅⰵ. ⰽⱏⱅⱁ ⱄⱐ ⰵⱄⱅⱏ ⱑⰽⱁ ⰲⱑⱅⱃⰻ. ⰺ҅ ⰿⱁⱃⰵ ⱂⱁⱄⰾⱆⱎⰰⱙⱅⱏ ⰵⰳⱁ: !ⰽⱁ!ⱀ. !ⰸⰰ!ⱍ
8:28
ⰺ҅ ⱂⱃⰻⱎⱐⰴⱏⱎⱓⰿⱆ ⱀⰰ ⱁⱀⱏ ⱂⱁⰾⱏ. ⰲⱏ ⱄⱅⱃⰰⱀⱘ ⰼⰵⱃⸯⰼⰵⱄⰻⱀⸯⱄⰽⱘ. ⱄⱏⱃⱑⱅⱁⱄⱅⰵ ⰻ ⰴⱏⰲⰰ ⰱⱑⱄⱏⱀⰰ. ⱁⱅⱏ ⰳⱃⰵⰱⰻⱎⱅⱐ ⰺ҅ⱈⱏ. ⰺ҅ⱄⱈⱁⰴⱔⱎⱅⰰ ⰾ̑ⱓⱅⰰ ⰷⱑⰾⱁ. ⱑⰽⱁ ⱀⰵ ⰿⱁⰶⰰⰰⱎⰵ ⱀⰻⰽⸯⱅⱁⰶⰵ. ⰿⰻⱀⱘⱅⰻ ⱂⱘⱅⰵⰿⱐ ⱅⱑⰿⱐ.
8:29
ⰺ҅ ⱄⰵ ⰲⱏⰸⱏⱂⰻⱄⱅⰵ ⰳⰾ̑ⱙⱎⱅⰰ. ⱍⱐⱅⱁ ⰵⱄⱅⱏ ⱀⰰⰿⰰ ⰺ҅ ⱅⰵⰱⱑ ⰻⱄ҃ⰵ. ⱄⱀ҃ⰵ ⰱⰶ҃ⰹⰻ. ⱂⱃⰻⱎⰵⰾⱏ ⰾⰻ ⰵⱄⰻ ⱄⱑⰿⱁ. ⱂⱃⱑⰶⰴⰵ ⰲⱃⱑⰿⰵⱀⰵ ⰿⱘⱍⰻⱅⱏ ⱀⰰⱄⱏ.
8:30
ⰱⱑ ⰶⰵ ⰴⰰⰾⰵⱍⰵ ⱁⱅⱏ ⱀ̑ⰵⱓ. ⱄⱅⰰⰴⱁ ⱄⰲⰻⱀ̑ⰻⰹ ⰿⱀⱁⰳⱁ ⱂⰰⱄⱁⰿⱁ.
8:31
ⰱⱑⱄⰻ ⰶⰵ ⰿⱁⰾ̑ⱑⰰⱈⱘ ⰻ ⰳⰾ̑ⱙⱎⱅⰵ. ⰰⱎⱅⰵ ⰺ҅ⰸⰳⱁⱀⰻⱎⰻ ⱀⱏⰹ. ⱂⱁⰲⰵⰾⰻ ⱀⰰⰿⱏ ⰺ҅ⱅⰻ ⰲⱏ ⱄⱅⰰⰴⱁ ⱄⰲⰻⱀⱁⰵ.
8:32
ⰺ҅ ⱃⰵⱍⰵ ⰺ҅ⰿⱏ. ⰺ҅ⰴⱑⱅⰵ. ⱁⱀⰻ ⰶⰵ ⱎⱐⰴⱏⱎⰵ ⰲⱏⱀⰻⰴⱘ ⰲⱏ ⱄⰲⰻⱀⰻⱗ. ⰺ҅ ⰰⰱⰻⰵ ⱆⱄⱅⱃⱏⰿⰻ ⱄⱔ ⱄⱅⰰⰴⱁ ⰲⱄⰵ ⱂⱁ ⰱⱃⱑⰳⱆ ⰲⱏ ⰿⱁⱃⰵ. ⰺ҅ ⱆⰿⱃⱑⱎⱔ. ⰺ҅ ⱆⱅⱁⱂⱁⱎⱔ ⰲⱏ ⰲⱁⰴⰰⱈⱏ.
8:33
ⰺ҅ ⱂⰰⱄⱘⱎⱅⰵⰻ ⰱⱑⰶⰰⱎⱔ. ⰺ҅ ⱎⱐⰴⱏⱎⰵ ⰲⱏ ⰳⱃⰰⰴⱏ ⰲⱏⰸⰲⱑⱄⱅⰻⱎⱔ ⰲⸯⱄⱑ. ⰺ҅ ⱁ ⰱⱑⱄⱏⱀⱆⱓ.
8:34
ⰺ҅ ⱄⰵ ⰲⱄⱐ ⰳⱃⰰⰴⱏ ⰺ҅ⰸⰻⰴⰵ ⱂⱃⱁⱅⰻⰲⱘ ⰻⱄ҃ⰲⰻ. ⰺ҅ ⰲⰻⰴⱑⰲⱏⱎⰵ ⰻ ⰿⱁⰾⰻⱎⱔ. ⰴⰰ ⰱⰻ ⱂⱃⱑⱎⱐⰾⱏ ⱁⱅⱏ ⱂⱃⱑⰴⱑⰾⱏ ⰺ҅ⱈⱏ.