ЕВАНГЕЛИЕ ЕЖЕ Ѿ МАТѲЕꙖ
6:1
Ⰲⱏⱀⰵⰿⰾ̑ⱑⱅⰵ ⰿⰻⰾⱁⱄⱅⱏⰹⱀ̑ⱔ ⰲⰰⱎⱔ. ⱀⰵ ⱅⰲⱁⱃⰻⱅⰻ ⱂⱃⱑⰴⱏ ⱍⰽ҃ⱏ[ⰹ] ⰴⰰ ⰲⰻⰴⰻⰿⰻ ⰱⱘⰴⰵⱅⰵ ⰺ҅ⰿⰻ. ⰰⱎⱅⰵ ⰾⰻ ⰶⰵ ⱀⰻ. ⰿⱏⰸⰴⱏⰹ ⱀⰵ ⰺ҅ⰿⰰⱅⰵ ⱁⱅⱏ ⱁⱌ҃ⰰ ⰲⰰⱎⰵⰳⱁ. ⰺ҅ⰶⱐ ⰵⱄⱅⱏ ⱀⰰ ⱀⰵⰱⰵⱄⰵⱈⱏ.
6:2
ⰵⰳⰴⰰ ⱆⰱⱁ ⱅⰲⱁⱃⰻⱎⰻ ⰿⰻⰾⱁⱄⱅⱏⰹⱀ̑ⱙ. ⱀⰵ ⰲⱏⱄⱅⱃⱘⰱⰻ ⱂⱃⱑⰴⱏ ⱄⱁⰱⱁⱙ. ⱑⰽⱁ ⱛⱂⱁⰽⱃⰻⱅⰻ ⱅⰲⱁⱃⱔⱅⱏ ⰲⱏ ⱄⱏⱀⱏⰿⰻⱎⱅⰻⱈⱏ. ⰺ҅ ⰲⱏ ⱄⱅⱏⰳⱀⰰⱈⱏ. ⰴⰰ ⱂⱃⱁⱄⰾⰰⰲⱔⱅⱏ ⱄⱔ ⱁⱅⱏ ⱍⰽ҃ⱏ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⰲⱏⱄⱂⱃⰻⰹⰿⱘⱅⱏ ⰿⱏⰸⰴⱘ ⱄⰲⱁⱙ
6:3
ⱅⰵⰱⱑ ⰶⰵ ⱅⰲⱁⱃⱔⱎⱅⱓ ⰿⰻⰾⱁⱄⱅⱏⰹⱀ̑ⱙ. ⰴⰰ ⱀⰵ ⱍⱓⰵⱅⱏ ⱎⱓⰺⱌⰰ ⱅⰲⱁⱑ. ⱍⱐⱅⱁ ⱅⰲⱁⱃⰻⱅⱏ ⰴⰵⱄⱀⰻⱌⰰ ⱅⰲⱁⱑ.
6:4
ⰴⰰ ⰱⱘⰴⰵⱅⱏ ⰿⰻⰾⱁⱄⱅⱏⰹⱀ̑ⰻ ⱅⰲⱁⱑ ⰲⱏ ⱅⰰⰺ҅ⱀⱑ. ⰺ҅ ⱁⱌ҃ⱐ ⱅⰲⱁⰻ ⰲⰻⰴⱔ ⰲⱏ ⱅⰰⰺⱀⱑ. ⰲⱏⰸⰴⰰⱄⱅⱏ ⱅⰵⰱⱑ ⰰⰲⱑ.
6:5
ⰺ҅ ⰵⰳⰴⰰ ⰿⱁⰾⰻⱎⰻ ⱄⱔ ⱀⰵ ⰱⱘⰴⰻ ⱑⰽⱁ ⰺ҅ ⰾⰻⱌⰵⰿⱑⱃⱏ. ⱑⰽⱁ ⰾ̑ⱓⰱⱔⱅⱏ. ⱀⰰ ⱄⱏⱀⱏⰿⰻⱎⱅⰻⱈⱏ. ⰺ҅ ⰲⱏ ⱄⱅⱏⰳⱀⰰⱈⱏ. ⱀⰰ ⱃⰰⱄⱂⱘⱅⰻⰺ҅ⱈⱏ. ⱄⱅⱁⱗⱎⱅⰵ ⰿⱁⰾⰻⱅⰻ ⱄⱔ. ⰴⰰ ⱑⰲⱔⱅⱏ ⱄⱔ ⱍⰽ҃ⱁⰿⱏ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱑⰽⱁ ⰲⱏⱄⱂⱃⰻⰿⱘⱅⱏ ⰿⱏⰸⰴⱘ ⱄⰲⱁⱙ.
6:6
ⱅⱏⰹ ⰶⰵ ⰵⰳⰴⰰ ⰿⱁⰾⰻⱎⰻ ⱄⱔ. ⰲⱏⱀⰻⰴⰻ ⰲⱏ ⰽⰾⱑⱅⱐ ⱅⰲⱁⱙ. ⰺ҅ ⰸⰰⱅⰲⱁⱃⱐ ⰴⰲⱐⱃⰻ ⱅⰲⱁⱗ. ⱂⱁⰿⱁⰾⰻ ⱄⱔ ⱁⱌ҃ⱓ ⱅⰲⱁⰵⰿⱆ ⰲⱏ ⱅⰰⰺⱀⱑ. ⰺ҅ ⱁⱌ҃ⱐ ⱅⰲⱁⰻ ⰲⰻⰴⱔⰻ ⰲⱏ ⱅⰰⰺⱀⱑ. ⰲⱏⰸⰴⰰⱄⱅⱏ ⱅⰵⰱⱑ ⰰⰲⱑ.
6:7
Ⰿⱁⰾⱔⱎⱅⰵ ⰶⰵ ⱄⱔ ⱀⰵ ⰾⰻⱈⱁ ⰳⰾ҃ⱑⱅⰵ. ⱑⰽⱁⰶⰵ ⰺ҅ ⱗⰸⱏⰹⱍⱐⱀⰻⱌⰻ. ⰿⱐⱀⱔⱅⱏ ⱄⱔ ⱑⰽⱁ ⰲⱏ ⰿⱀⱁⰷⱑ ⰳⰾ҃ⰰⱀⰻ ⱄⰲⱁⰵⰿⱐ. ⱆⱄⰾⱏⰹⱎⰰⱀⰻ ⰱⱘⰴⱘⱅⱏ.
6:8
ⱀⰵ ⱂⱁⰴⱁⰱⰻⱅⰵ ⱄⱔ ⱆⰱⱁ ⰺⰿⱏ. ⰲⱑⱄⱅⱏ ⰱⱁ ⱁⱌ҃ⱐ ⰲⰰⱎⱐ ⰺ҅ⱈⱏⰶⰵ ⱅⱃⱑⰱⱆⰵⱅⰵ. ⱂⱃⱑⰶⰴⰵ ⱂⱃⱁⱎⰵⱀⰻⱑ ⰲⰰⱎⰵⰳⱁ.
6:9
ⱅⰰⰽⱁ ⱆⰱⱁ ⰿⱁⰾⰻⱅⰵ ⱄⱔ ⰲⱏⰹ: Ⱉⱍ҃ⰵ ⱀⰰⱎⱐ. ⰺ҅ⰶⰵ ⰵⱄⰻ ⱀⰰ ⱀⰵⰱⰵⱄⰵⱈⱏ. ⰴⰰ ⱄⱅ҃ⰻⱅⱏ ⱄⱔ ⰺ҅ⰿⱔ ⱅⰲⱁⰵ.
6:10
ⰴⰰ ⱂⱃⰻⰴⰵⱅⱏ ⱌⱃ҃ⱄⱅⰲⰻⰵ ⱅⰲⱁⰵ. ⰴⰰ ⰱⱘⰴⰵⱅⱏ ⰲⱁⰾ̑ⱑ ⱅⰲⱁⱑ. ⱑⰽⱁ ⱀⰰ ⱀ҃ⱄⰻ ⰺ ⱀⰰ ⰸⰵⰿⰾ̑ⰻ.
6:11
ⱈⰾⱑⰱⱏ ⱀⰰⱎⱐ ⱀⰰⱄⱅⱁⱗⱎⱅ....... ⰴⰰⰶⰴⱐ ⱀⰰⰿⱏ ⰴⱀⰵⱄⱐ.
6:12
ⰺ҅ ⱁⱅⱏⱂⱆⱄⱅⰻ ⱀⰰⰿⱏ ⰴⰾⱐⰳⱏⰹ ⱀⰰⱎⱔ. ⱑⰽⱁ ⰺ҅ ⰿⱏⰹ ⱁⱅⱏⱂⱆⱎⱅⰰⰵⰿⱏ ⰴⰾⱐⰶⱐⱀⰻⰽⱁⰿⱏ ⱀⰰⱎⰻⰿⱏ.
6:13
ⰺ҅ ⱀⰵ ⰲⱏⰲⰵⰴⰻ ⱀⰰⱄⱏ ⰲⱏ ⱀⰰⱂⰰⱄⱅⱐ. ⱀⱏ ⰺ҅ⰸⰱⰰⰲⰻ ⱀⱏⰹ ⱁⱅⱏ ⱀⰵⱂⱃⰻⱑⰸⱀⰻ. ⱑⰽⱁ ⱅⰲⱁⰵ ⰵⱄⱅⱏ ⱌⱃ҃ⱄⱅⰲⰻⰵ. ⰺ҅ ⱄⰻⰾⰰ ⰺ҅ !ⱄⰾⰰ!ⰲ ⰲⱏ [ⰲⱑ!ⰽ] ⰲⱑⰽ[ⱁⰿⱏ.] ⰰⰿⰻⱀⱐ: !ⰸⰰ!ⱍ:
6:14
Ⰰⱎⱅⰵ ⰱⱁ ⱁⱅⱏⱂⱆⱎⱅⰰⰵⱅⰵ ⱍⰽ҃ⱁⰿⱏ ⱄⱏⰳⱃⱑⱎⰵⱀⰻⱑ ⰺ҅ⱈⱏ. ⱁⱅⱏⱂⱆⱄⱅⰻⱅⱏ ⰺ҅ ⰲⰰⰿⱏ ⱁⱌ҃ⱐ ⰲⰰⱎⱐ ⱀⰱ҃ⱄⰽⱏⰺ.
6:15
ⱁⱅⱏⱂⱆⱄⱅⰻⱅⱏ ⰲⰰⰿⱏ. ⱄⱏⰳⱃⱑⱎⰵⱀⰻⰹ ⰲⰰⱎⰻⱈⱏ.
6:16
Ⰵⰳⰴⰰ ⱂⱁⱄⱅⰻⱅⰵ ⱄⱔ. ⱀⰵ ⰱⱘⰴⱑⱅⰵ ⱑⰽⱁ ⱛ҅ⱂⱁⰽⱃⰻⱅⰻ. ⱄⱑⱅⱆⱙⱎⱅⰵ. ⱂⱃⱁⱄⰿⱃⰰⰶⰴⰰⱙⱎⱅⰵ ⰱⱁ ⰾⰻⱌⰰ ⱄⰲⱁⱑ. ⰴⰰ ⰱⰻⱎⱔ ⱄⱔ ⰰⰲⰻⰾⰻ ⱍⰽ҃ⱁⰿⱏ ⱂⱁⱄⱅⱔⱎⱅⰵ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱑⰽⱁ ⰲⱏⱄⱂⱃⰻⰹⰿⱘⱅⱏ ⰿⱏⰸⰴⱘ ⱄⰲⱁⱙ.
6:17
ⱅⱏⰹ ⰶⰵ ⱂⱁⱄⱅⱔ ⱄⱔ ⱂⱁⰿⰰⰶⰻ ⱄⰻ ⰳⰾⰰⰲⱘ ⱄⰲⱁⱙ. ⰺ҅ ⰾⰻⱌⰵ ⱅⰲⱁⰵ ⱆⰿⱏⰹ.
6:18
ⰴⰰ ⱀⰵ ⰰⰲⰻⱎⰻ ⱄⱔ ⱍⰽ҃ⱁⰿⱏ ⱂⱁⱄⱅⱔ ⱄⱔ. ⱀⱏ ⱁⱌ҃ⱓ ⱅⰲⱁⰵⰿⱆ. ⰺ҅ⰶⱐ ⰵⱄⱅⱏ ⰲⱏ ⱅⰰⰺⱀⱑ. ⰺ҅ ⱁⱌ҃ⱐ ⱅⰲⱁⰻ ⰲⰻⰴⱔⰻ ⰲⱏ ⱅⰰⰺⱀⱑ. ⰲⱏⰸⰴⰰⱄⱅⱏ ⱅⰵⰱⱑ ⰰⰲⱑ.
6:19
ⱀⰵ ⱄⱏⰽⱃⱏⰹⰲⰰⰻⱅⰵ ⱄⰵⰱⱑ ⱄⱏⰽⱃⱁⰲⰻⱎⱅⰰ ⱀⰰ ⰸⰵⰿⰻ. ⰺ҅ⰴⰵⰶⰵ ⱍⱃⱏⰲⱐ ⰺ ⱅⱐⰾ̑ⱑ ⱅⱐⰾⰻⱅⱏ. ⰺ҅ⰴⰵⰶⰵ ⱅⰰⱅⰻⰵ ⱂⱁⰴⱏⰽⱁⱂⰰⰲⰰⱙⱅⱏ ⰺ҅ ⰽⱃⰰⰴⱘⱅⱏ.
6:20
ⱄⱏⰽⱃⱏⰹⰲⰰⰺⱅⰵ ⱄⰵⰱⱑ ⱄⱏⰽⱃⱁⰲⰻⱎⱅⰰ ⱀⰰ ⱀⰱ҃ⱄⰵ. ⰺ҅ⰴⰵⰶⰵ ⱀⰻ ⱍⱃⱏⰲⱐ ⱀⰻ ⱅⱐⰾ̑ⱑ ⱅⱐⰾⰻⱅⱏ. ⰺ҅ⰴⰵⰶⰵ ⱀⰻ ⱅⰰⱅⰻⰵ ⱂⱁⰴⱏⰽⱁⱂⰰⱙⱅⱏ ⱀⰻ ⰽⱃⰰⰴⱘⱅⱏ
6:21
ⰺ҅ⰴⰵⰶⰵ ⰱⱁ ⰵⱄⱅⱏ ⱄⱏⰽⱃⱁⰲⰻⱎⱅⰵ ⰲⰰⱎⰵ. ⱅⱆ ⰵⱄⱅⱏ ⰺ҅ ⱄⱃⰴⱐⱌⰵ ⰲⰰⱎⰵ.
6:22
Ⱄⰲⱑⱅⰻⰾⱐⱀⰻⰽⱏ ⱅⱑⰾⱆ ⰵⱄⱅⱏ ⱁⰽⱁ. ⰰⱎⱅⰵ ⱆⰱⱁ ⰱⱘⰴⰵⱅⱏ ⱁⰽⱁ ⱅⰲⱁⰵ ⱂⱃⱁⱄⱅⱁ. ⰲⱄⰵ ⱅⱑⰾⱁ ⱅⰲⱁⰵ ⰱⱘⰴⰵⱅⱏ ⱄⰲⱑⱅⱏⰾⱁ.
6:23
ⰰⱎⱅⰵ ⰾⰻ ⱁⰽⱁ ⱅⰲⱁⰵ ⰾⱘⰽⰰⰲⱁ ⰱⱘⰴⰵⱅⱏ. ⰲⱄⰵ ⱅⱑⰾⱁ ⱅⰲⱁⰵ ⱅⱐⰿⱏⱀⱁ ⰱⱘⰴⰵⱅⱏ. ⰰⱎⱅⰵ ⱆⰱⱁ ⱄⰲⱑⱅⱏ ⰺ҅ⰶⰵ ⰲⱏ ⱅⰵⰱⱑ. ⱅⱏⰿⰰ ⰵⱄⱅⱏ. ⱅⱑ ⱅⱏⰿⰰ ⰽⱁⰾⱐⰿⰻ:
6:24
Ⱀⰻⰽⱏⰺ ⰶⰵ ⱃⰰⰱⱏ ⱀⰵ ⰿⱁⰶⰵⱅⱏ ⰴⰲⱑⰿⰰ ⰳⰿ҃ⰰ ⱃⰰⰱⱁⱅⰰⱅⰻ. ⰾⰻ ⰱⱁ ⰵⰴⰻⱀⱁⰳⱁ ⰲⱏⰸⱀⰵⱀⰰⰲⰻⰴⰻⱅⱏ. ⰰ ⰴⱃⱆⰳⰰⰳⱁ ⰲⱏⰸⰾⱓⰱⰻⱅⱏ. ⰾⰻ ⰵⰴⰻⱀⱁⰳⱁ ⰴⱃⱏⰶⰻⱅⱏ ⱄⱔ. ⰰ ⱁ ⰴⱃⱆⰷⱑⰿⱐ ⱀⰵⰱⱃⱑⱎⱅⰻ ⰲⱏⱍⱐⱀⰵⱅⱏ. ⱀⰵ ⰿⱁⰶⰵⱅⰵ ⰱ҃ⱛ ⱃⰰⰱⱁⱅⰰⱅⰻ ⰺ҅ ⰿⰰⰿⱁⱀⱑ:
6:25
Ⱄⰵⰳⱁ ⱃⰰⰴⰻ ⰳⰾ̑ⱙ ⰲⰰⰿⱏ. ⱀⰵ ⱂⸯⱌⱑⱅⰵ ⱄⱔ ⰴⱎ҃ⰵⱙ ⱄⰲⱁⰵⱙ. ⱍⱐⱅⱁ ⱑⱄⱅⰵ ⰺ҅ⰾⰻ ⱍⱅⱁ ⱂⰻⰵⱅⰵ. ⱀⰻ ⱅⱑⰾⱁⰿⱐ ⰲⰰⱎⰻⰿⱐ. ⰲⱏ ⱍⱅⱁ ⱁⰱⰾⱑⱍⰵⱅⰵ ⱄⱔ. ⱀⰵ ⰴⱎ҃ⰰ ⰾⰻ ⰱⱁⰾⱐⱎⰻ ⰵⱄⱅⱏ ⱂⰻⱎⱅⱔ. ⰺ҅ ⱅⱑⰾⱁ ⱁⰴⰵⰶⰴⱔ.
6:26
ⰲⱏⰸⱐⱃⰻⱅⰵ ⱀⰰ ⱂⱅⰻⱌⱔ ⱀⰱ҃ⱄⰽⱏⰹⱗ. ⰽⰰⰽⱁ ⱀⰵ ⱄⱑⱙⱅⱏ ⱀⰻ ⰶⱐⱀ̑ⱙⱅⱏ. ⱀⰻ ⱄⱏⰱⰻⱃⰰⱙⱅⱏ ⰲⱏ ⰶⰻⱅⱐⱀⰻⱌⱘ. ⰺ҅ ⱁⱌ҃ⱐ ⰲⰰⱎⱐ ⱀⰵⰱ҃ⱄⰽⱏⰺ ⱂⰻⱅⱑⰵⱅⱏ ⱗ. ⱀⰵ ⰲⱏⰹ ⰾⰻ ⱂⰰⱍⰵ ⰾⱆⱍⱐⱎⰻ ⰺ҅ⱈⱏ ⰵⱄⱅⰵ.
6:27
ⰽⸯⱅⱁ ⰶⰵ ⱁⱅⱏ ⰲⰰⱄⱏ ⱂⰵⰽⱏⰹ ⱄⱔ. ⰿⱁⰶⰵⱅⱏ ⱂⱃⰻⰾⱁⰶⰻⱅⰻ ⱅⱑⰾⰵⱄⰻ ⱄⰲⱁⰵⰿⱐ ⰾⰰⰽⱏⱅⱐ ⰵⰴⰻⱀⱏ.
6:28
ⰺ҅ ⱁ ⱁⰴⰵⰶⰴⰻ ⱍⱐⱅⱁ ⱄⱔ ⱂⰵⱍⰵⱅⰵ. ⱄⱏⰿⱁⱅⱃⰻⱅⰵ ⱌⰲⱑⱅⱏ ⱄⰵⰾⱏⱀⱏⰺⱈⱏ ⰽⰰⰽⱁ ⱃⰰⱄⱅⱘⱅⱏ. ⱀⰵ ⱅⱃⱆⰶⰴⰰⱙⱅⱏ ⱄⱔ ⱀⰻ ⱂⱃⰻⰴⱘⱅⱏ.
6:29
ⰳⰾ̑ⱙ ⰶⰵ ⰲⰰⰿⱏ. ⱑⰽⱁ ⱀⰻ ⱄⱁⰾⱁⰿⱛⱀⱏ. ⰲⱏ ⰲⱄⰵⰻ ⱄⰾⰰⰲⱑ ⱄⰲⱁⰵⰻ ⱁⰱⰾⱑⱍⰵ ⱄⱔ. ⱑⰽⱁ ⰵⰴⰻⱀⱏ ⱁⱅⱏ ⱄⰻⱈⱏ.
6:30
ⰰⱎⱅⰵ ⰶⰵ ⱄⱑⱀⱁ ⰴⱐⱀⱐⱄⱐ ⱄⱘⱎⱅⰵⰵ. ⰰ ⱆⱅⱃⱑ ⰲⱏ ⱁⰳⱀ̑ⱐ ⰲⱏⰿⱑⱅⰰⰵⰿⱁ. ⰱ҃ⱏ ⱅⰰⰽⱁ ⱁⰴⱑⰵⱅⱏ. ⰽⱁⰾⰿⰻ ⱂⰰⱍⰵ ⰲⰰⱄⱏ ⰿⰰⰾⱁⰲⱑⱃⰻ.
6:31
ⱀⰵ ⱂⸯⱌⱑⱅⰵ ⱄⱔ ⱆⰱⱁ ⰳⰾ̑ⱙⱎⱅⰵ. ⱍⱐⱅⱁ ⱑⰿⱏ ⰾⰻ ⱍⱐⱅⱁ ⱂⰻⰵⰿⱏ. ⰾⰻ ⱍⰻⰿⱐ ⱁⰴⰵⰶⰴⰵⰿⱏ ⱄⱔ.
6:32
ⰲⱄⱑⱈⱏ ⰱⱁ ⱄⰻⱈⱏ ⱗⰸⱏⰹⱌⰻ ⰺ҅ⱎⱅⱘⱅⱏ. ⰲⱑⱄⱅⱏ ⰱⱁ ⱁⱌ҃ⱐ ⰲⰰⱎⱐ ⱀⰵⰱ҃ⱄⰽⱏⰹ. ⱑⰽⱁ ⱅⱃⱑⰱⱆⰵⱅⰵ ⱄⰻⱈⱏ ⰲⱐⱄⱑⱈⱏ.
6:33
ⰺ҅ⱎⱅⱑⱅⰵ ⰶⰵ ⱂⱃⱑⰶⰴⰵ ⱌⱃ҃ⱄⱅⰲⰻⱑ ⰱⰶ҃ⰻⱑ. ⰺ҅ ⱂⱃⰰⰲⱏⰴⱏⰹ ⰵⰳⱁ. ⰺ҅ ⱄⰻ ⰲⱄⱑ ⱂⱃⰻⰾⱁⰶⱔⱅⱏ ⱄⱔ ⰲⰰⰿⱏ. !ⰽⱁ!ⱀ.
6:34
Ⱀⰵ ⱂⸯⱌⱑⱅⰵ ⱄⱔ ⱆⰱⱁ ⱀⰰ ⱆⱅⱃⱑⰻ. ⱆⱅⱃⱐⱀ̑ⰻ ⰱⱁ ⰴⱀⱐ ⱄⱁⰱⱁⱙ ⱂⰵⱍⰵⱅⱏ ⱄⱔ. ⰴⱁⰲⱐⰾ̑ⰵⱅⱏ ⰴⱐⱀⰻ ⰸⱏⰾⱁⰱⰰ ⱄⰲⱁⱑ. !ⰸⰰ!ⱍ.