ЕВАНГЕЛИЕ ЕЖЕ Ѿ МАТѲЕꙖ
5:1
ⱆⰸⱐⱃⱑⰲⱏ ⰶⰵ ⱀⰰⱃⱁⰴⱏⰹ ⰲⱐⰸⰻⰴⰵ ⱀⰰ ⰳⱁⱃⱘ. ⰺ҅ ⱑⰽⱁ ⱄⱑⰴⰵ ⱂⱃⰻⱄⱅⱘⱂⰻⱎⱔ ⰽⱏ ⱀ̑ⰵⰿⱆ ⱆⱍⰵⱀⰻⱌⰻ ⰵⰳⱁ.
5:2
ⰺ҅ ⱁⱅⰲⱃⱏⰸⱏ ⱆⱄⱅⰰ ⱄⰲⱁⱑ ⱆⱍⰰⰰⱎⰵ ⱗ ⰳⰾ҃ⱔ:
5:3
Ⰱⰾⰰⰶⰵⱀⰻ ⱀⰻⱎⱅⰻⰹ ⰴⱈ҃ⱁⰿⱐ. ⱑⰽⱁ ⱅⱑⱈⱏ ⰵⱄⱅⱏ ⱌⱃ҃ⱄⱁ ⱀⰱ҃ⱄⰽⱁⰵ:
5:4
ⰱⰾⰰⰶⰵⱀⰻ ⱂⰾⰰⱍⱘⱎⱅⰵⰻ. ⱑⰽⱁ ⱅⰻ ⱆⱅⱑⱎⱔⱅⱏ ⱄⱔ:
5:5
ⰱⰾⰰⰶⰵⱀⰻ ⰽⱃⱁⱅⱐⱌⰻ. ⱑⰽⱁ ⱅⰻ ⱀⰰⱄⰾⱑⰴⱔⱅⱏ ⰸⰵⰿⰾ̑ⱙ.
5:6
ⰱⰾⰰⰶⰵⱀⰻ ⰰⰾⸯⱍⱘⱎⱅⰻⰺ ⰺ҅ ⰶⱔⰶⰴⱘⱎⱅⰻⰹ ⱂⱃⰰⰲⱏⰴⱏⰹ ⱃⰰⰴⰻ. ⱑⰽⱁ ⱅⰻ ⱀⰰⱄⱏⰹⱅⱔⱅⱏ ⱄⱔ:
5:7
ⰱⰾⰰⰶⰵⱀⰻ ⰿⰻⰾⱁⱄⱅⰻⰲⰻⰹ. ⱑⰽⱁ ⱅⰻ ⱂⱁⰿⰻⰾⱁⰲⰰⱀⰻ ⰱⱘⰴⱘⱅⱏ:
5:8
ⰱⰾⰰⰶⰵⱀⰻ ⱍⰻⱄⱅⰻⰹ ⱄⱃⱏⰴⱌⰵⰿⱐ. ⱑⰽⱁ ⱅⰻ ⰱ҃ⰰ ⱆⰸⱐⱃⱔⱅⱏ:
5:9
ⰱⰾⰰⰶⰵⱀⰻ ⱄⱏⰿⰻⱃⱑⱙⱎⱅⰻⰹ. ⱑⰽⱁ ⱅⰻ ⱄⱀ҃ⱁⰲⰵ ⰱⰶ҃ⰹⰻ ⱀⰰⱃⰵⰽⱘⱅⱏ ⱄⱔ:
5:10
ⰱⰾⰰⰶⰵⱀⰻ ⰺⰸⰳⱏⱀⰰⱀⰻ ⱂⱃⰰⰲⱏⰴⱏⰹ ⱃⰰⰴⰻ. ⱑⰽⱁ ⱅⱑⱈⱏ ⰵⱄⱅⱏ ⱌⱃ҃ⱄⱅⰲⱁ ⱀⰱ҃ⱄⰽⱁⰵ:
5:11
ⰱⰾⰰⰶⰵⱀⰻ ⰵⱄⱅⰵ ⰵⰳⰴⰰ ⱂⱁⱀⱁⱄⱔⱅⱏ ⰲⰰⰿⱏ. ⰺ҅ ⰻⰶⰴⰵⱀⱘⱅⱏ ⰲⱏⰹ. ⰺ҅ ⱃⰵⰽⱘⱅⱏ. ⰲⱐⱄⱑⰽⱏ ⰸⱏⰾⱏ ⰳⰾ҃ⱏ ⱀⰰ ⰲⱏⰹ. ⰾⱏⰶⱘⱎⱅⰵ ⰿⰵⱀⰵ ⱃⰰⰴⰻ:
5:12
Ⱃⰰⰴⱆⰻⱅⰵ ⱄⱔ ⰺ ⰲⰵⱄⰵⰾⰻⱅⰵ ⱄⱔ. ⱑⰽⱁ ⰿⱏⰸⰴⰰ ⰲⰰⱎⰰ ⰿⱀⱁⰳⰰ ⰵⱄⱅⱏ ⱀⰰ ⱀⰵⰱⰵⱄⰵⱈⱏ: ⱅⰰⰽⱁ ⰱⱁ ⰺ҅ⰸⰳⱏⱀⰰⱎⱔ ⱂⱃⱁⱃⱁⰽⱏⰹ. ⰺⰶⰵ ⰱⱑⱎⱔ ⱂⱃⱑⰶⰴⰵ ⰲⰰⱄⱏ.
5:13
ⰲⱏⰹ ⰵⱄⱅⰵ ⱄⱁⰾⱐ ⰸⰵⰿⰻ. ⰰⱎⱅⰵ ⰶⰵ ⱄⱁⰾⱐ ⱁⰱⱆⱑⰵⱅⱏ. ⱍⰻⰿⱐ ⱁⱄⱁⰾⰻⱅⱏ ⱄⱔ. ⱀⰻ ⱍⱐⱄⱁⰿⱆ ⰶⰵ ⰱⱘⰴⰵⱅⱏ ⰽⱏ ⱅⱁⰿⱆ. ⰴⰰ ⰺ҅ⱄⱏⰹⱂⰰⱀⰰ ⰱⱘⰴⰵⱅⱏ ⰲⱏⱀⱏ. ⰺ҅ ⱂⱁⱂⰻⱃⰰⰵⰿⰰ ⱍⰽ҃ⱏⰹ. !ⰸⰰ!ⱍ.
5:14
Ⰲⱏⰹ ⰵⱄⱅⰵ ⱄⰲⱑⱅⱏ ⰿⰻⱃⱆ. ⱀⰵ ⰿⱁⰶⰵⱅⱏ ⰳⱃⰰⰴⱏ ⱆⰽⱃⱏⰹⱅⰻ ⱄⱔ ⰲⱃ.ⱈⱆ ⰳⱁⱃⱏⰹ ⱄⱅⱁⱗ.
5:15
ⱀⰻ ⰲⱏⰶⰰⰳⰰⱙⱅⱏ ⱄⰲⱑⱅⰻⰾⱐⱀⰻⰽⰰ. ⰺ҅ ⱂⱁⱄⱅⰰⰲⰾ̑ⱑⱙⱅⱏ ⰵⰳⱁ ⱂⱁⰴⱏ ⱄⱂⱘⰴⱁⰿⱐ. ⱀⱏ ⱀⰰ ⱄⰲⱑⱎⱅⱐⱀⰻⱌⱑ. ⰺ҅ ⱄⰲⱑⱅⰻⱅⱏ ⰲⱐⱄⱑⰿⱏ. ⰺ҅ⰶⰵ ⰲⱏ ⱈⱃⰰⰿⰻⱀⱑ ⱄⱘⱅⱏ.
5:16
ⱅⰰⰽⱁ ⰴⰰ ⱂⱃⱁⱄⰲⱑⱅⰻⱅⰻⱅⱏ ⱄⱔ ⱄⰲⱑⱅⱏ ⰲⰰⱎⱐ ⱂⱃⱑⰴⱏ ⱍⰽ҃ⱏⰹ. ⰴⰰ ⱆⰸⱐⱃⱔⱅⱏ ⰴⱑⰾⰰ ⰲⰰⱎⰰ ⰴⱁⰱⱃⰰⱑ. ⰺ ⱂⱃⱁⱄⰾⰰⰲⱔⱅⱏ ⱁⱌ҃ⰰ ⰲⰰⱎⰵⰳⱁ ⰺⰶⱐ ⰵⱄⱅⱏ ⱀⰰ ⱀⰱ҃ⱈⱏ.
5:17
Ⱀⰵ ⰿⱀⰻⱅⰵ ⱑⰽⱁ ⱂⱃⰻⰴⱏ ⱃⰰⰸⱁⱃⰻⱅⱏ ⰸⰰⰽⱁⱀⰰ ⰾⰻ ⱂⱃⱁⱃⱁⰽⱏ. ⱀⰵ ⱂⱃⰻⰴⱏ ⱃⰰⰸⱁⱃⰻⱅⱏ ⱀⱏ ⰺ҅ⱄⱂⰾⱏⱀⰻⱅⱏ.
5:18
ⰰⰿⰻⱀⸯ. ⰰⰿⰻⱀⸯ. ⰳⰾ҃ⱙ ⰲⰰⰿⱏ. ⰴⱁⰺⰴⰵⰶⰵ ⱂⱃⱑⰺⰴⰵⱅⱏ ⱀⰱ҃ⱁ ⰺ҅ ⰸⰵⰿⰾ̑ⱑ. ⱂⰻⱄⰿⱔ ⰵⰴⰻⱀⱁ. ⰾⰻ ⰵⰴⰻⱀⰰ ⱍⱃⱏⱅⰰ ⱀⰵ ⱂⱃⱑⰺⰴⰵⱅⱐ ⱁⱅⱏ ⰸⰰⰽⱁⱀⰰ. ⰴⱁⰺⰴⰵⰶⰵ ⰲⱄⱑ ⰱⱘⰴⱘⱅⱏ.
5:19
ⰺ҅ⰶⰵ ⰱⱁ ⱃⰰⰸⱁⱃⰻⱅⱏ ⰵⰴⰻⱀⱘ ⰸⰰⱂⱁⰲⱑⰴⱐ. ⰺ҅ ⱄⰻⱈⱏ ⰿⰰⰾⱏⰺⱈⱏ. ⰺ ⱀⰰⱆⱍⰻⱅⱐ ⱅⰰⰽⱁ ⱍⰽ҃ⱏⰹ. ⰿⱐⱀⰻⰹ ⱀⰰⱃⰵⱍⰵⱅⱏ ⱄⱔ ⰲⱏ ⱌⱃ҃ⱄⰻ ⱀⰱ҃ⱄⱌⱑⰿⱐ. ⰰ ⰺ҅ⰶⱐ ⱄⱏⱅⰲⱁⱃⰻⱅⱏ ⰺ҅ ⱀⰰⱆⱍⰻⱅⱏ. ⱄⱐ ⰲⰵⰾⰻⰹ ⱀⰰⱃⰵⱍⰵⱅⱏ ⱄⱔ ⰲⱏ ⱌⱃ҃ⱄⰻ ⱀⰱ҃ⱄⱌⱑⰿⱐ.
5:20
Ⰳⰾ̑ⱙ ⰱⱁ ⰲⰰⰿⱏ. ⱑⰽⱁ ⰰⱎⱅⰵ ⱀⰵ ⰺⰸⰱⱘⰴⰵⱅⱏ ⱂⱃⰰⰲⱏⰴⰰ ⰲⰰⱎⰰ. ⱂⰰⱍⰵ ⰽⱏⱀⰻⰶⱐⱀⰻⰽⱏ ⰺ҅ ⱇⰰⱃⰻⱄⰵⰻ. ⱀⰵ ⰺ҅ⰿⰰⱅⰵ ⰲⱐⱀⰻⱅⰻ ⰲⱏ ⱌⱃ҃ⱄⱁ ⱀⰱ҃ⱄⰽⱁⰵ.
5:21
ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹⱄⱅⱏ ⰴⱃⰵⰲⱐⱀⰻⰹⰿⱏ. ⱀⰵ ⱆⰱⰻⰵⱎⰻ. ⰺ҅ⰶⱐ ⰱⱁ ⱆⰱⰻⰵⱅⱏ. ⱂⱁⰲⰻⱀⰵⱀⱏ ⰵⱄⱅⱏ ⱄⱘⰴⱆ.
5:22
ⰰⰸⱏ ⰶⰵ ⰳⰾ҃ⱙ ⰲⰰⰿⱏ. ⱑⰽⱁ ⰳⱀⱑⰲⰰⱗ ⰺ ⱄⱔ ⱀⰰ ⰱⱃⰰⱅⰰ ⱄⰲⱁⰵⰳⱁ ⱄⱂⱏⰹⱅⰻ. ⱂⱁⰲⰻⱀⰵⱀⱏ ⰵⱄⱅⱏ ⱄⱘⰴⱆ. ⰺ҅ⰶⱐ ⰱⱁ ⱃⰵⱍⰵⱅⱏ ⰱⱃⰰⱅⱆ ⱄⰲⱁⰵⰿⱆ. ⱃⰰⰽⸯⰽⰰ. ⱂⱁⰲⰻⱀⱀⱏ ⰵⱄⱅⱏ ⱄⱏⱀⱏⰿⰻⱎⱅⱓ. ⰰ ⰺ҅ⰶⱐ ⱃⰵⱍⰵⱅⱏ ⰱⱆⰵ. ⱂⱁⰲⰻⱀⰵⱀⱏ ⰵⱄⱅⱏ ⰼⰵⱁⱀⱑ ⱁⰳⱀⱐⱀⱑⰻ.
5:23
ⰰⱎⱅⰵ ⱆⰱⱁ ⱂⱃⰻⱀⰵⱄⰵⱎⰻ ⰴⰰⱃⱏ ⱄⰲⱁⰻ ⰽⱏ ⱁⰾⸯⱅⰰⱃ̑ⱓ. ⰺ҅ ⱅⱆ ⱂⱁⰿⱑⱀⰵⱎⰻ ⱑⰽⱁ ⰱⱃⱏ ⱅⰲⱁⰻ ⰺ҅ⰿⰰⱅⱏ ⱀⱑⱍⱅⱁ ⱀⰰ ⱅⱔ.
5:24
ⱁⱄⱅⰰⰲⰻ ⰴⰰⱃⱏ ⱅⰲⱁⰻ ⱅⱆ ⱂⱃⱑⰴⱏ ⱁⰾⸯⱅⰰⱃⰵⰿⱐ. ⰺ҅ ⱎⰵⰴⱏ ⱂⱃⱑⰶⰴⰵ ⱄⱏⰿⰻⱃⰻ ⱄⱔ ⱄⱏ ⰱⱃⱁⱅⱁⰿⱐ ⱅⰲⱁⰹⰿⱐ. ⰺ҅ ⱅⱏⰳⰴⰰ ⱂⱃⰻⱎⱐⰴⱏ ⱂⱃⰻⱀⰵⱄⰻ ⰴⰰⱃⱏ ⱄⰲⱁⰻ.
5:25
Ⰱⱘⰴⰻ ⱆⰲⱑⱎⱅⰰⱗ ⱄⱔ ⱄⱏ ⱄⱘⱂⱐⱃⱐⰿⱐ ⱄⰲⱁⰺⰿⱐ ⱄⰽⱁⱃⱁ. ⰴⱁⰺ҅ⰴⰵⰶⰵ ⰵⱄⰻ ⱀⰰ ⱂⱘⱅⰻ ⱄⱏ ⱀ̑ⰻⰿⱐ. ⰴⰰ ⱀⰵ ⱂⱃⱑⰴⰰⱄⱅⱏ ⱅⰵⰱⰵ ⱄⱘⱂⱐⱃⱐ ⱄⱘⰴⰻⰹ. ⰺ҅ ⱄⱘⰴⰻⰹ ⱅⱔ ⱂⱃⱑⰴⰰⱄⱅⱏ ⱄⰾⱆⰷⱑ ⰺ҅ ⰲⱏ ⱅⰵⰿⱐⱀⰻⱌⱘ ⰲⱏⰲⱃⱏⰶⰵⱅⱏ ⱅⱔ.
5:26
ⰰⰿ҃ⱀⱐ. ⰳⰾ̑ⱙ ⱅⰻ ⱀⰵ ⰺ҅ⰸⰻⰴⰵⱎⰻ ⱁⱅⱏⱅⱘⰴⱑ. ⰴⱁⱀⱐⰴⰵⰶⰵ ⰲⱏⰸⰴⰰⱄⰻ ⱂⱁⱄⰾⱑⰴⱐⱀⰻⰹ. ⰽⱁⱀⱏⰴⱃⰰⱅⱏ.
5:27
Ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹⱄⱅⱏ ⰴⱃⰵⰲⱐⱀ̑ⰻⰿⱏ. ⱀⰵ ⱂⱃⱑⰾ̑ⱓⰱⱏⰹ ⱄⱏⱅⰲⱁⱃⰻⱎⰻ.
5:28
ⰰⰸⱏ ⰶⰵ ⰳⰾ̑ⱙ ⰲⰰⰿⱏ. ⱑⰽⱁ ⰲⱐⱄⱑⰽⱏ ⰺ҅ⰶⰵ ⰲⱏⰸⱐⱃⰻⱅⱏ ⱀⰰ ⰶⰵⱀⱘ ⱄⱏ ⱂⱁⱈⱁⱅⰻⱙ. ⱆⰶⰵ ⰾ̑ⱓⰱⱏⰹ ⱄⱏⱅⰲⱁⱃⰻ ⱄⱏ ⱀ̑ⰵⱙ. ⰲⱏ ⱄⱃⱏⰴⱐⱌⰻ ⱄⰲⱁⰵⰿⱐ.
5:29
ⰰⱎⱅⰵ ⰶⰵ ⱁⰽⱁ ⱅⰲⱁⰵ ⰴⰵⱄⱀⱁⰵ ⱄⱏⰱⰾⰰⰶⱀ̑ⱑⰵⱅⱏ ⱅⱔ ⰺ҅ⱄⱅⱏⰽⱀⰻ ⰵ. ⰺ҅ ⱁⱅⱏⰲⱃⱏⰸⰻ ⱁⱅⱏ ⱄⰵⰱⰵ. ⰴⱁⰱⱃⱑⰵ ⰱⱁ ⱅⰻ ⰵⱄⱅⱏ ⰴⰰ ⱂⱁⰳⱏⰹⰱⰾ̑ⰵⱅⱏ ⰵⰴⰻⱀⱏ ⱆⰴⱏ ⱅⰲⱁⰺ҅ⱈⱏ. ⰰ ⱀⰵ ⰲⱄⰵ ⱅⱑⰾⱁ ⱅⰲⱁⰵ. ⰲⱏⰲⱃⱏⰶⰵⱀⱁ ⰱⱘⰴⰵⱅⱏ ⰲⱏ ⰼⰵⱁⱀⱘ.
5:30
ⰺ҅ ⰰⱎⱅⰵ ⰴⰵⱄⱀⰰⱑ ⱅⰲⱁⱑ ⱃⱘⰽⰰ ⱄⱏⰱⰾⰰⰶⱀⰰⰵⱅⱏ ⱅⱔ. ⱆⱄⱑⱌⰵ ⱙ. ⰺ҅ ⱁⱅⱏⰲⱃⱏⰸⰻ ⱁⱅⱏ ⱄⰵⰱⰵ. ⰴⱁⰱⱃⱑⰵ ⰱⱁ ⱅⰻ ⰵⱄⱅⱏ ⰴⰰ ⱂⱁⰳⱏⰹⰱⰾ̑ⰵⱅⱏ ⰵⰴⰻⱀⱏ ⱆⰴⱏ ⱅⰲⱁⰺ҅ⱈⱏ. ⰰ ⱀⰵ ⰲⱄⰵ ⱅⱑⰾⱁ ⱅⰲⱁⰵ ⰲⱏⰲⱃⱏⰶⰵⱀⱁ ⰱⱘⰴⰵⱅⱏ ⰲⱏ ⰼⰵⱁⱀⱘ.
5:31
ⱃⰵⱍⰵⱀⱁ ⰶⰵ ⰱⱏⰹⱄⱅⱏ. ⰺ҅ⰶⰵ ⰰⱎⱅⰵ ⱂⱆⱄⱅⰻⱅⱏ ⰶⰵⱀⱘ ⱄⰲⱁⱙ. ⰴⰰⱄⱅⱏ ⰵⰻ ⰽⱏⱀⰻⰳⱏⰹ ⱃⰰⱄⱂⱆⱄⱅⱏⱀⱏⰹⱗ.
5:32
ⰰⰸⱏ ⰶⰵ ⰳⰾ̑ⱙ ⰲⰰⰿⱏ. ⱑⰽⱁ ⰲⱐⱄⱑⰽⱏ ⱂⱆⱎⱅⰰⱗⰻ ⰶⰵⱀⱘ ⱄⰲⱁⱙ. ⱃⰰⰸⰲⱑ ⱄⰾⱁⰲⰵⱄⰵ ⰾ̑ⱓⰱⱁⰴⱑⰺⱀⰰⰰⰳⱁ. ⱅⰲⱁⱃⰻⱅⱏ ⱙ ⱂⱃⱑⰾ̑ⱓⰱⱏⰹ ⰴⱑⰰⱅⰻ. ⰺ҅ ⰻⰶⰵ ⱂⱁⰴⱏⱂⱑⰳⱘ ⱂⱁⰵⰿⰾ̑ⰵⱅⱏ. ⱂⱃⱑⰾ̑ⱓⰱⱏⰹ ⰴⱑⰵⱅⱏ
5:33
ⱂⰰⰽⱏⰹ ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹⱄⱅⱏ ⰴⱃⰵⰲⱐⱀ̑ⰻⰹⰿⱏ. ⱀⱏ ⰲⱏ ⰾⱏⰶⰵ ⰽⰾⱐⱀⰵⱎⰻ ⱄⱔ. ⰲⱏⰸⰴⰰⱄⰻ ⰶⰵ ⰳⰲ҃ⰻ ⰽⰾⱔⱅⰲⱏⰹ ⱄⰲⱁⱗ.
5:34
ⰰⰸⱏ ⰶⰵ ⰳⰾ̑ⱙ ⰲⰰⰿⱏ. ⱀⰵ ⰽⰾⱔⱅⰻ ⱄⱔ ⰲⰰⰿⱏ. ⱀⰵ ⰽⰾⱔⱅⰻ ⱄⱔ ⱁⱅⱏⱀⱘⰴⱐ. ⱀⰵⰱⱁⰿⱐ. ⱑⰽⱁ ⱂⱃⱑⱄⱅⱁⰾⱏ ⰵⱄⱅⱏ ⰱⰶ҃ⰹⰻ.
5:35
ⱀⰻ ⰸⰵⰿⰾ̑ⱙ. ⱑⰽⱁ ⱂⱁⰴⱏⱀⱁⰶⰻⰵ ⰵⱄⱅⱏ ⱀⱁⰳⰰⰿⰰ ⰵⰳⱁ. ⱀⰻ ⰵⰾ҃ⰿⰿⱐ ⱑⰽⱁ ⰳⱃⰰⰴⱏ ⰵⱄⱅⱏ ⰲⰵⰾⰻⰽⰰⰰⰳⱁ ⱌⱃ҃ⱑ.
5:36
ⱀⰻ ⰳⰾⰰⰲⱁⱙ ⱄⰲⱁⰵⱙ ⰽⰾⱐⱀⰻ. ⱄⱔ. ⱑⰽⱁ ⱀⰵ ⰿⱁⰶⰵⱎⰻ ⰲⰾⰰⱄⰰ ⰵⰴⰻⱀⱁⰳⱁ ⰱⱑⰾⰰ. ⰾⰻ ⱍⱃⱏⱀⰰ ⱄⱏⱅⰲⱁⱃⰻⱅⰻ.
5:37
ⰱⱘⰴⰻ ⰶⰵ ⱄⰾⱁⰲⱁ ⰲⰰⱎⰵ. ⰵⰻ. ⰵⰻ. ⰺ҅ ⱀⰻ ⱀⰻ. ⰾⰻⱈⱁⰵ ⰱⱁ ⱄⰵⱓ ⱁⱅⱏ ⱀⰵⱂⱃⰻⱑⰸⱀⰻ ⰵⱄⱅⱏ.
5:38
ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ !ⰱⱏⰹ!ⱄ. ⱁⰽⱁ ⰸⰰ ⱁⰽⱁ. ⰺ҅ ⰸⱘⰱⱏ ⰸⰰ ⰸⱘⰱⱏ.
5:39
ⰰⰸⱏ ⰳⰾ̑ⱙ ⰲⰰⰿⱏ. ⱀⰵ ⱂⱃⱁⱅⰻⰲⰻⱅⰻ ⱄⱔ ⰸⱏⰾⱆ. ⱀⱏ ⰰⱎⱅⰵ ⰽⱏⱅⱁ ⱅⱔ ⱆⰴⰰⱃⰻⱅⱏ. ⰲⱏ ⰴⰵⱄⱀⱘⱙ ⰾⰰⱀⰻⱅⱘ. ⱁⰱⱃⰰⱅⰻ ⱄⱔ ⰵⰿⱆ ⰴⱃⱆⰳⱘⱙ.
5:40
ⰺ҅ ⱈⱁⱅⱔⱎⱅⱓⰿⱆ ⱄⱘⰴⱏ ⱂⱃⰻⱗⱅⰻ ⱄⱏ ⱅⱁⰱⱁⱙ. ⰺ҅ ⱃⰻⰸⱘ ⱅⰲⱁⱙ ⰲⱐⰸⱔⱅⰻ. ⱁⱅⱏⱂⱆⱄⱅⰻ ⰵⰿⱆ ⰺ҅ ⱄⱃⰰⱍⰻⱌⱘ ⱅⰲⱁⱙ.
5:41
ⰺ҅ ⰰⱎⱅⰵ ⰽⱏⱅⱁ ⱂⱁⰺ҅ⰿⰵⱅⱏ ⱅⱔ ⱂⱁ ⱄⰻⰾⱑ. ⱂⱃⱏⱂⱐⱃⰻⱎⱅⰵ ⰵⰴⰻⱀⱁ ⰺ҅ⰴⰻ ⱄⱏ ⱀ̑ⰻⰿⱐ ⰴⰲⱑ. !ⰸⰰ!ⱍ.
5:42
Ⱂⱃⱁⱄⱔⱎⱅⱓⰿⱆ ⱆ ⱅⰵⰱⰵ ⰴⰰⰻ ⰺ҅ ⱈⱁⱅⱔⱎⱅⰰⰰⰳⱁ ⱁⱅⱏ ⱅⰵⰱⰵ ⰸⰰⱗⱅⰻ. ⱀⰵ ⱁⱅⱏⰲⱃⰰⱅⰻ.
5:43
ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹ!ⱄ. ⰲⱐⰸⰾⱓⰱⰻⱎⰻ ⱂⱁⰴⱃⱆⰳⰰ ⱄⰲⱁⰵⰳⱁ. ⰺ҅ ⰲⱏⰸⱀⰵⱀⰰⰲⰻⰴⰻⱎⰻ ⰲⱃⰰⰳⱏⰹ ⱄⰲⱁⱗ.
5:44
Ⰰⰸⱏ ⰶⰵ ⰳⰾ̑ⱙ ⰲⰰⰿⱏ. ⰾ̑ⱓⰱⰻⱅⰵ ⰲⱃⰰⰳⱏⰹ ⰲⰰⱎⱔ. ⰱⰾⰰⰳⱁⱄⰾⱁⰲⰻⱅⰵ ⰽⰾⱏⱀⱘⱎⱅⱔⱗ ⰲⱏⰹ. ⰴⱁⰱⱃⱁ ⱅⰲⱁⱃⰻⱅⰵ ⱀⰵⱀⰰⰲⰻⰴⱔⱎⱅⰻⰹⰿⱏ ⰲⰰⱄⱏ. ⰺ҅ ⰿⱁⰾⰻⱅⰵ. ⰸⰰ ⱅⰲⱁⱃⱔⱎⱅⱔⱗ ⰲⰰⰿⱏ ⱀⰰⱂⰰⱄⱅⰻ. ⰺ҅ ⰻⰸⰳⱁⱀⱔⱎⱅⱔⱗ ⰲⱏⰹ.
5:45
ⰴⰰ ⰱⱘⰴⰵⱅⰵ ⱄⱀ҃ⱁⰲⰵ ⱁⱌ҃ⰰ ⰲⰰⱎⰵⰳⱁ. ⰺ҅ⰶⱐ ⰵⱄⱅⱏ ⱀⰰ ⱀⰵⰱⰵⱄⰵⱈⱏ. ⱑⰽⱁ ⱄⰾⱏⱀⱐⱌⰵ ⱄⰲⱁⰵ ⱄⰻⱑⰵⱅⱏ. ⱀⰰ ⰸⱏⰾⱏⰹ ⰺ҅ ⰱⰾⰰⰳⱏⰹ. ⰺ҅ ⰴⱏⰶⰴⰻⱅⱏ ⱀⰰ ⱂⱃⰰⰲⰵⰴⱏⱀⱏⰹⱗ. ⰺ҅ ⱀⰵⱂⱃⰰⰲⱐⰴⱏⱀⱏⰹ.
5:46
ⰰⱎⱅⰵ ⰾ̑ⱓⰱⰻⱅⰵ ⰾ̑ⱓⰱⱔⱎⱅⱔⱗ ⰲⱏⰹ. ⰽⱘⱙ ⰿⱏⰸⰴⱘ ⰺ҅ⰿⰰⱅⰵ. ⱀⰵ ⰺ҅ ⰿⱐⰸⰴⱁⰺⰿⱐⱌⰻ ⰾⰻ ⱅⱁⰶⰴⰵ ⱅⰲⱁⱃⱔⱅⱏ.
5:47
ⰺ҅ ⰰⱎⱅⰵ ⱌⱑⰾⱆⰵⱅⰵ ⰴⱃⱆⰳⱏⰹ ⰲⰰⱎⱔ. ⱅⱁⰽⰿⱁ ⱍⱐⱅⱁ ⱅⰲⱁⱃⰻⱅⰵ. ⱀⰵ ⰺ҅ ⰿⱐⰸⰴⱁⰺ҅ⰿⱐⱌⰻ ⰾⰻ ⱅⱁⰶⰴⰵ ⱅⰲⱁⱃⱔⱅⱏ.
5:48
ⰱⱘⰴⱑⱅⰵ ⱆⰱⱁ ⱄⱏⰲⱃⱏⱎⰵⱀⰻ. ⱑⰽⱁ ⰺ ⱁⱌ҃ⱐ ⰲⰰⱎⱐ ⱀⰱ҃ⱄⰽⱏ ⱄⱏⰲⱃⱏⱎⰵⱀⱏ ⰵⱄⱅⱏ. !ⰽⱁ!ⱀ. !ⰸⰰ!ⱍ.