ЕВАНГЕЛИЕ ЕЖЕ Ѿ МАТѲЕꙖ
4:1
ⱅⱁⰳⰴⰰ ⰻⱄ҃ ⰲⱏⰸⰲⰵⰴⰵⱀⱏ ⰱⱏⰹⱄⱅⱏ ⰴⱈ҃ⱁⰿⱐ ⰲⱏ ⱂⱆⱄⱅⱏⰹⱀ̑ⱙ. ⰺ҅ⱄⰽⱆⱄⰻⱅⰻ ⱄⱔ ⱁⱅⱏ ⱀⰵⱂⱃⰻⱑⰸⱀⰻ.
4:2
ⰺ҅ ⱂⱁⱎⱅⱐ ⱄⱔ ⰴⱐⱀⰻⰹ. ⰽ҃. ⰺ҅ ⱀⱁⱎⱅⰻⰹ ⰽ҃. ⱂⱁⱄⰾⱑⰴⱐ ⰲⱏⰸⰾⰰⰽⰰ.
4:3
Ⰺ ⱂⱃⰻⱄⱅⱘⱂⰻ ⰽⱏ ⱀ̑ⰵⰿⱆ ⰴⰻⱑⰲⱁⰾⱏ. ⰺ҅ⱄⰽⱆⱎⰰⱗ ⰻ ⰺ҅ ⱃⰵⱍⰵ. ⰰⱎⱅⰵ ⱄⱀ҃ⱏ ⰵⱄⰻ ⰱⰶ҃ⰹⰻ. ⱃⱐⱌⰻ ⰴⰰ ⰽⰰⰿⰵⱀⰻⰵ ⱄⰵ ⱈⰾⱑⰱⰻ ⰱⱘⰴⱘⱅⱏ.
4:4
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⱂⰻⱎⰵⱅⱏ. ⱀⰵ ⱁ ⱈⰾⱑⰱⱑ ⰵⰴⰻⱀⱁⰿⱐ ⱂⱁⰶⰻⰲⰵⱅⱏ ⱍⰽ҃ⱏ. ⱀⱏ ⱁ ⰲⱄⰵⰿⱐ ⰳⰾ҃ⱑ ⰺⱄⱈⱁⰴⱔⱎⱅⰻⰹⰿⱐ ⰺⰸ ⱆⱄⱅⱏ ⰱⰶ҃ⰹⰻ.
4:5
ⱅⱁⰳⰴⰰ ⱂⱁⱗⱅⱏ ⰹ ⰴⰻⱑⰲⱁⰾⱏ. ⰲⱐ ⱄⱅ҃ⱏⰺ ⰳⱃⰰⰴⱏ. ⰺ҅ ⱂⱁⱄⱅⰰⰲⰻ ⰹ ⱀⰰ ⰽⱃⰻⰾⱑ ⱌⱃⱏⰽⸯⰲⱐⱀⱑⰵⰿⱐ.
4:6
ⰺ ⰳⰾ҃ⰰ ⰵⰿⱆ. ⰰⱎⱅⰵ ⱄⱀ҃ⱏ ⰵⱄⰻ ⰱⰶ҃ⰹⰻ. ⱂⱆⱄⱅⰻ ⱄⰵⰱⰵ ⰴⱁⰾⱆ. ⱂⰻⱎⰵⱅⱏ ⰱⱁ ⱑⰽⱁ ⰰⰼ҃ⰾⱁⰿⱏ ⱄⰲⱁⰻⰿⱏ ⰸⰰⱂⱁⰲⱑⱄⱅⱏ ⱁ ⱅⰵⰱⱑ. ⰺ҅ ⱀⰰ ⱃⱘⰽⰰⱈⱏ ⰲⱏⰸⱏⰿⱘⱅⱏ ⱅⱔ. ⰴⰰ ⱀⰵ ⰽⱁⰳⰴⰰ ⱂⱃⱑⱅⱏⰽⱀⰵⱎⰻ ⱁ ⰽⰰⰿⰵⱀ.. ⱀⱁⰳⱘ ⱄⰲⱁⱙ.
4:7
Ⱃⰵⱍⰵ ⰶⰵ ⰵⰿⱆ ⰻⱄ҃. ⱂⰰⰽⱏⰹ ⱂⰻⱎⰵⱅⱏ. ⱀⰵ ⰺⱄⰽⱆⱄⰻⱎⰻ !ⰳⰰ ⰱ҃ⰰ ⱄⰲⱁⰵⰳⱁ.
4:8
ⱂⰰⰽⱏⰹ ⱂⱁⱗⱅⱏ ⰵⰳⱁ ⱀⰵⱂⱃⰻⱑⰸⱀⱐ ⱀⰰ ⰳⱁⱃⱘ ⰲⱏⰹⱄⱁⰽⱘ ⰷⱑⰾⱁ. ⰺ҅ ⱂⱁⰽⰰⰸⰰ ⰵⰿⱆ ⰲⱐⱄⱑ ⱌⱃ҃ⱄⱅⰲⰻⱑ ⰿⰻⱃⰰ ⰺ҅ ⱄⰾⰰⰲⱘ ⰵⰳⱁ.
4:9
ⰺ҅ ⰳⰾ҃ⰰ ⰵⰿⱆ ⰲⱐⱄⱑ ⱄⰻ ⰴⰰⰿⱐ ⱅⰻ. ⰰⱎⱅⰵ ⱂⰰⰴⱏ ⱂⱁⰽⰾⱁⱀⰻⱎⰻ ⰿⰻ ⱄⱔ.
4:10
ⱅⱁⰳⰴⰰ ⰳⰾ҃ⰰ ⰵⰿⱆ ⰻⱄ҃. ⱁⱅⰻⰴⰻ ⰴⰻⱑⰲⱁⰾ̑ⰵ. ⱂⰻⱎⰵⱅⱏ ⰱⱁ !ⰳⱓ ⰱ҃ⱛ ⱄⰲⱁⰵⰿⱆ ⱂⱁⰽⰾⱁⱀⰻⱎⰻ ⱄⱔ ⰺ҅ ⱅⱁⰿⱆ ⰵⰴⰻⱀⱁⰿⱆ ⱂⱁⱄⰾⱆⰶⰻⱎⰻ.
4:11
ⱅⱁⰳⰴⰰ ⱁⱄⱅⰰⰲⰻ ⰵⰳⱁ ⰴⰻⱑⰲⱁⰾⱏ. ⰺ҅ ⱄⰵ ⰰⰼ҃ⰾⰻ ⱂⱃⰻⱄⱅⱘⱂⰻⱎⱔ ⰺ ⱄⰾⱆⰶⰰⰰⱈⱘ ⰵⰿⱆ.
4:12
Ⱄⰾⱏⰹⱎⰰⰲⱏ ⰶⰵ ⰻⱄ҃. ⱑⰽⱁ ⰺ҅ⱁⰰⱀⱏ. ⱂⱃⱑⰴⰰⱀⱏ ⰱⱏⰹⱄⱅⱏ ⱁⱅⰻⰴⰵ ⰲⱏ ⰳⰰⰾⰻⰾⰵⱙ.
4:13
ⰺ҅ ⱁⱄⱅⰰⰲⱐ ⱀⰰⰸⰰⱃⰵⱅⱏ. ⱂⱃⰻⱎⰵⰴⱏ ⰲⱐⱄⰵⰾⰻ ⱄⱔ ⰲⱏ ⰽⰰⱂⰵⱃⱐⱀⰰⱆⰿⱏ. ⱀⰰ ⱂⱁⰿⱁⱃⰻⰵ. ⰲⱏ ⱁⰱⰾⰰⱄⱅⱐ ⰸⰰⰲⱛⰾⱁⱀ̑ⱙ. ⰺ҅ ⱀⰵⰲⱏⱇⸯⱅⰰⰾⰻⰿⰾ̑ⱙ.
4:14
ⰴⰰ ⱄⱏ[ⰽ]ⱁⱀⱐⱍⰰⰰⱅⱏ ⱄⱔ. ⱃⰵⱍⰵⱀⱁⰵ ⰺ҅ⱄⰰⰺⰵⰿⱐ ⱂⱃⱁⱃⱁⰽⱁⰿⱐ ⰳⰾ҃ⱙⱎⱅⰵⰿ.. ⰸⰵⰿⰾ̑ⱑ ⰸⰰⰲⱛⰾⱁⱀ̑ⱑ.
4:15
ⰸⰵⰿⰾ̑ⱑ ⱀⰵⰲⱏⱇⸯⱅⰰⰾⰻⰿⰾ̑ⱑ. ⱂⱘⱅⱐ ⰿⱁⱃⱑ ⱀⰰ ⱁⱀⱁⰿⱐ ⱂⱁⰾⱆ ⰺⱁⱃⸯⰴⰰ.. ⰳⰰⰾⰻⰾⰵⱑ ⱗⰸⱏⰹⰽⱁⰿⱏ.
4:16
ⰾⱓⰴⰻ ⱄⱑⰴⱔⱎⱅⰻⰹ ⰲⱏ ⱅⱏⰿⱑ ⰲⰻⰴⱑⱎⱔ ⱄⰲⱑⱅⱏ ⰲⰵⰾⰻⰹ. ⰺ҅ ⱄⱑⰴⱔⱎⱅⰻⰹⰿⱏ ⰲⱏ ⱅⱏⰿⱑ ⰺ҅ ⰲⱏ ⱄⱑⱀⰻ ⱄⱏⰿⱃⱏⱅⱐⱀⱑ. ⱄⰲⱑⱅⱏ ⰲⱏⱄⰻⱑⰵⱅⱏ ⱀⰰ ⱀⰰⱄⱏ.
4:17
Ⱉⱅⱏⱅⱁⰾⰻ ⱀⰰⱍⱔⱅⱏ ⰻⱄ҃. ⱂⱃⱁⱂⱁⰲⱑⰴⰰⱅⰻ ⰺ ⰳⰾ҃ⰰⱅⰻ. ⱂⱁⰽⰰⰺⱅⰵ ⱄⱔ ⱂⱃⰻⰱⰾⰻⰶⰻ ⰱⱁ ⱄⱔ ⱌⱃ҃ⱄⱅⰲⰻⰵ ⱀⰱ҃ⱄⰽⱁⰵ. ⰽⱁⱀ.
4:18
ⱈⱁⰴⱔ ⰶⰵ ⱂⱃⰻ ⰿⱁⱃⰻ ⰳⰰⰾⰻⰾⱑⰺⱄⱌⱑⰿⱐ. ⰲⰻⰴⱑ ⰴⱏⰲⰰ ⰱⱃⰰⱅⱃⰰ. ⱄⰻⰿⱁⱀⰰ ⱀⰰⱃⰻⱌⰰⱙⱎⱅⰰⰰⰳⱁ ⱄⱔ ⱂⰵⱅⱃⰰ. ⰺ҅ ⰰⱀⸯⰴⱃⱑⱙ ⰱⱃⰰⱅⱃⰰ ⰵⰳⱁ. ⰲⱏⰿⱑⱅⰰⱙⱎⱅⰰ ⰿⱃⱑⰶⱔ ⰲⱏ ⰿⱁⱃⰵ. ⰱⱑⰰⱎⰵⱅⰵ ⰱⱁ ⱃⱏⰹⰱⰰⱃⱑ.
4:19
ⰺ҅ ⰳⰾ҃ⰰ ⰺ҅ⰿⰰ. ⰳⱃⱔⰴⱑⱅⰰ ⰲⱏ ⱄⰾⱑⰴⱏ ⰿⰵⱀⰵ. ⰺ҅ ⱄⱏⱅⰲⱁⱃ̑ⱙ ⰲⱏⰹ ⱍⰽ҃ⱁⰿⱏ ⰾⱁⰲⱐⱌⰰ.
4:20
ⱁⱀⰰ ⰶⰵ ⰰⰱⰻⰵ ⱁⱄⱅⰰⰲⱐⱎⰰ ⰿⱃⱑⰶⱔ. ⱂⱁ ⱀⰵⰿⱐ ⰺ҅ⰴⱁⱄⱅⰵ.
4:21
ⰺ҅ ⱂⱃⱑⱎⱐⰴⱏ ⱅⱘⰴⱑ ⰲⰻⰴⱑ ⰺ҅ⱀⰰ ⰴⱏⰲⰰ ⰱⱃⰰⱅⱃⰰ. ⰺ҅ⱑⰽⱁⰲⰰ ⰸⰵⰲⰵⰴⰵⱁⰲⰰ. ⰺ҅ⱁⰰⱀⰰ ⰱⱃⰰⱅⰰ ⰵⰿⱆ. ⰲⱏ ⰽⱁⱃⰰⰱⰻ ⱄⱏ ⰸⰵⰲⰵⰴⰵⱁⰿⱐ ⱁⱌ҃ⰵⰿⱐ ⰵⱓ. ⰸⰰⰲⱔⰸⰰⱙⱎⱅⰰ ⰿⱃⱑⰶⱔ ⱄⰲⱁⱗ. ⰺ҅ ⰲⱏⰸⱏⰲⰰ ⱑ.
4:22
ⱁⱀⰰ ⰶⰵ ⰰⰱⰻⰵ ⱁⱄⱅⰰⰲⱐⱎⰰ ⰽⱁⱃⰰⰱ̑ⱐ. ⰺ҅ ⱁⱌ҃ⰰ ⱄⰲⱁⰵⰳⱁ ⱂⱁ ⱀ̑ⰵⰿⱐ ⰺ҅ⰴⱁⱄⱅⰵ.
4:23
ⰺ ⱂⱃⱁⱈⱁⰶⰴⰰⰰⱎⰵ ⰲⸯⱄⱙ ⰳⰰⰾⰻⰾⰵⱙ ⰻⱄ҃. ⱆⱍⱔ ⱀⰰ ⱄⱏⱀⱏⰿⰻⱎⱅⰻⱈⱏ ⰺ҅ⱈⱏ. ⰺ҅ ⱂⱃⱁⱂⱁⰲⱑⰴⰰⱗ ⰵⰲⰰⰼ҃ⰾⰻⰵ ⱌⱃ҃ⱄⱅⰲⰻⱑ. ⰺ҅ ⱌⱑⰾⱔ ⰲⱐⱄⱑⰽⱏ ⱀⰵⰴⱘⰳⱏ. ⰺ҅ ⰲⱄⱑⰽⱘ ⱗⰸⱘ ⰲⱏ ⰾ̑ⱓⰴⰵⱈⱏ.
4:24
ⰺ҅ ⰻⰸⰻⰴⰵ ⱄⰾⱆⱈⱏ ⰵⰳⱁ ⰲⱏ ⰲⱐⱄⰵⰻ ⱄⸯⱛⱃⰻⰹ. ⰺ҅ ⱂⱃⰻⰲⱑⱄⱔ ⰵⰿⱆ ⰲⱐⱄⱔ ⰱⱁⰾⱔⱎⱅⱔⱗ. ⱃⰰⰸⰾⰻⱍⱐⱀⱏⰺⰿⰻ ⱀⰵⰴⱘⰳⱏⰹ. ⰺ҅ ⱄⱅⱃⰰⱄⱅⱐⰿⰻ ⱁⰴⱃⱏⰶⰻⰿⱏⰹ. ⰺ҅ ⰱⱑⱄⱏⱀⱏⰹⱗ. ⰺ҅ ⰿⱑⱄⱔⱍⱐⱀⱏⰹⱗ ⰸⱏⰾⱏⰹ ⱀⰵⰴⱘⰳⱏⰹ ⰺ҅ⰿⱘⱎⱅⱔ. ⰺ҅ ⱁⱄⰾⰰⰱⰾ̑ⰵⱀⱏⰹ ⰶⰻⰾⰰⰿⰻ. ⰺ҅ ⰻⱌⱑⰾⰻ ⱗ.
4:25
ⰺ ⱂⱁ ⱀ̑ⰵⰿⱐ ⰺⰴⱁⱎⱔ ⱀⰰⱃⱁⰴⰻ ⰿⱀⱁⰷⰻ. ⱁⱅⱏ ⰳⰰⰾⰻⰾⰵⱗ ⰺ҅ ⰴⰵⰽⰰⱂⱁⰾⱑⰰ. ⰺ҅ ⱁⱅⱏ ⰺⰾ҃ⰿⰰ ⰺ ⰻ ⱓⰴⰵⱗ. ⰺ҅ ⱄⱏ ⱁⱀⱁⰳⱁ ⱂⱁⰾⱆ ⰺ҅ⱁⱃⰴⰰⱀⰰ