ЕВАНГЕЛИЕ ЕЖЕ Ѿ МАТѲЕꙖ
28:1
Ⰲⱏ ⰲⰵⱍⰵⱃⱏ ⰶⰵ ⱄⱘⰱⱁⱅⱏⱀⱏⰺ. ⱄⰲⰻⱅⰰⱙⱎⱅⰻ ⰲⱏ ⱂⱃⱏⰲⱘⱙ ⱄⱘⰱⱁⱅⱘ. ⱂⱃⰻⰴⰵ ⰿⰰⱃⰻⱑ ⰿⰰⰳⱏⰴⰰⰾⱏⰹⱀ̑ⰻ. ⰺ҅ ⰴⱃⱆⰳⰰⱑ ⰿⰰⱃⰻⱑ ⰲⰻⰴⱑⱅⱏ ⰳⱃⱁⰱⰰ.
28:2
ⰺ҅ ⱄⰵ ⱅⱃⱘⱄⱏ ⰱⱏⰹⱄⱅⱏ ⰲⰵⰾⰻⰹ. ⰰⰼ҃ⰾⱏ ⰱⱁ ⰳⱀ҃ⱐ ⱄⱏⱎⱐⰴⱏ ⱄⱏ ⱀⰱ҃ⱄⰵ. ⰺ҅ ⱂⱃⰻⱄⱅⱘⱂⱐ ⱁⱅⱏⰲⰰⰾⰻ ⰽⰰⰿⰵⱀⱐ. ⱉⱅⱏ ⰴⰲⱐⱃⰻⰹ ⰳⱃⱁⰱⰰ. ⰺ҅ ⱄⱑⰴⱑⰰⱎⰵ ⱀⰰ ⱀ̑ⰵⰿⱐ.
28:3
ⰱⱑ ⰶⰵ ⰸⱃⰰⰽⱏ ⰵⰳⱁ ⱑⰽⱁ ⰿⰾⱏⱀⰻ. ⰺ҅ ⱁⰴⱑⱀⰻⰵ ⰵⰳⱁ ⰱⱑⰾⱁ ⱑⰽⱁ ⱄⱀⱑⰳⱏ.
28:4
̆ⱉⱅⱏ ⱄⱅⱃⰰⱈⰰ ⰶⰵ ⰵⰳⱁ ⱄⱏⱅⱃⱔⱄⱁⱎⱔ ⱄⱔ ⱄⱅⱃⱑⰳⱘⱎⱅⰵⰹ. ⰺ҅ ⰱⱑⱎⱔ ⱑⰽⱁ ⰿⱃⱏⱅⰲⰻ.
28:5
ⱁⱅⱏⰲⱑⱎⱅⰰⰲⱏ ⰶⰵ ⰰⰼ҃ⰾⱏ ⱃⰵⱍⰵ ⰶⰵⱀⰰⰿⰰ. ⱀⰵ ⰱⱁⰺⱅⰰ ⰲⱏⰹ ⱄⱔ. ⰲⱑⰿⱐ ⰱⱁ ⱑⰽⱁ ⰺ҅ⱄ҃ⰰ. ⱂⱃⱁⱂⱔⱅⰰⰵⰳⱁ ⰺ҅ⱎⱅⰵⱅⰰ.
28:6
ⱀⱑⱄⱅⱏ ⱄⱐⰴⰵ. ⰲⱏⱄⱅⰰ ⰱⱁ. ⱑⰽⱁⰶⰵ ⱃⰵⱍⰵ. ⱂⱃⰻⰴⱑⱅⰰ ⰲⰻⰴⰻⱅⰰ ⰿⱑⱄⱅⱁ. ⰺ҅ⰴⰵⰶⰵ ⰾⰵⰶⰰ ⱈ҃ⱏ.
28:7
ⰺ҅ ⱄⰽⱁⱃⱁ ⱎⱐⰴⱏⱎⰻ. ⱃⱐⱌⱑⱅⰰ ⱆⱍⰵⱀⰻⰽⱁⰿⱏ ⰵⰳⱁ. ⱑⰽⱁ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰺⱈⱏ. ⰺ҅ ⱄⰵ ⰲⰰⱃⱑⰵⱅⱏ ⰲⱏⰹ ⰲⱏ ⰳⰰⰾⰻⰾⰵⰻ. ⱅⱆ ⰹ ⱆⰸⱐⱃⰻⱅⰵ. ⱄⰵ ⱃⱑⱈⱏ ⰲⰰⰿⰰ.
28:8
ⰺ҅ ⱁⱎⱐⰴⱏⱎⰻ ⱄⰽⱁⱃⱁ ⱁⱅⱏ ⰳⱃⱁⰱⰰ. ⱄⱏ ⱄⱅⱃⰰⱈⱁⰿⱐ ⰺ҅ ⱃⰰⰴⱁⱄⱅⰻⱙ ⰲⰵⰾⰻⰵⱙ. ⱅⱑⱄⱅⰵ ⰲⱏⰸⰲⱑⱄⱅⰻⱅⱏ ⱆⱍⰵⱀⰻⰽⱁⰿⱏ. ⰵⰳⰴⰰ ⰶⰵ ⰺ҅ⰴⱑⰰⱎⰵⱅⰵ ⰲⱏⰸⰲⱑⱄⱅⰻⱅⱏ ⱆⱍⰵⱀⰻⰽⱁⰿⱏ ⰵⰳⱁ.
28:9
ⰺ҅ ⱄⰵ ⰻⱄ҃. ⱄⱏⱃⱑⱅⰵ ⰹ ⰳⰾ҃ⱔ. ⱃⰰⰴⱆⰺ҅ⱅⰰ ⱄⱔ. ⱁⱀⱑ ⰶⰵ ⱂⱃⰻⱄⱅⱘⱂⱐⱎⰻ. ⱗⱄⱅⰵ ⱄⱔ ⰸⰰ ⱀⱁⰸⱑ ⰵⰳⱁ. ⰺ҅ ⱂⱁⰽⰾⱁⱀⰻⱄⱅⰵ ⱄⱔ ⰵⰿⱆ.
28:10
Ⱅⱏⰳⰴⰰ ⰳⰾ҃ⰰ ⰺ҅ⰿⰰ ⰻⱄ҃. ⱀⰵ ⰱⱁⰺ҅ⱅⰰ ⱄⱔ. ⰺ҅ⰴⱑⱅⰰ ⰺ҅ ⰲⱏⰸⰲⱑⱄⱅⰻⱅⰰ ⰱⱃⰰⱅⱃⰻⰹ ⰿⱁⰵⰻ. ⰴⰰ ⰺ҅ⰴⱘⱅⱏ ⰲⱏ ⰳⰰⰾⰻⰾ̆ⰵⱙ ⰺ҅ ⱅⱆ ⰿⱔ ⰲⰻⰴⱔⱅⱏ.
28:11
ⰺ҅ⰴⱘⱎⱅⰵⰿⰰ ⰶⰵ ⰺ҅ⰿⰰ. ⱄⱐ ⰵⱅⰵⱃⱏⰹ ⱁⱅⱏ ⰽⱆⱄⱅⱁⰴⰻⱗ. ⱂⱃⰻⱎⱐⰴⱏⱎⰵ ⰲⱏ ⰳⱃⰰⰴⱏ. ⰲⱏⰸⰲⱑⱄⱅⰻⱎⱔ ⰰⱃⸯⱈⰻⰵⱃⰵⱁⰿⱏ ⰲⱄⱑ ⰱⱏⰹⰲⱏⱎⰰⰰ.
28:12
ⰺ҅ ⱄⱏⰱⱏⱃⰰⱎⱔ ⱄⱔ ⱄⱅⰰⱃⱌⰻ. ⱄⱏⰲⱑⱅⱏ ⰶⰵ ⱄⱏⱅⰲⱁⱃⱐⱎⰵ. ⱄⱏⱃⰵⰱⱃⱁ ⰿⱀⱁⰳⱁ ⰴⰰⱎⱔ ⰲⱁⰺⱀⱁⰿⱏ.
28:13
ⰳⰾ҃ⱙⱎⱅⰵ. ⱃⱐⱌⱑⱅⰵ. ⱑⰽⱁ ⱆⱍⰵⱀⰻⱌⰻ ⰵⰳⱁ ⱀⱁⱎⱅⰻⱙ. ⱂⱃⰻⱎⱐⰴⱏⱎⰵ ⱆⰽⱃⰰⰴⱁⱎⱔ ⰹ ⱀⰰⰿⱏ ⱄⱏⱂⱔⱎⱅⰵⰿⱏ.
28:14
ⰺ҅ ⰰⱎⱅⰵ ⱄⰵ ⱆⱄⰾⱏⰹⱎⰰⱀⱁ ⰱⱘⰴⰵⱅⱏ. ⱆ ⰺ҅ⰼⰵⰿⱁⱀⰰ. ⰿⱏⰹ ⱆⱅⱁⰾⰻⰿⱏ ⰹ. ⰺ҅ ⰲⱏⰹ ⰱⰵⱄ ⱂⰵⱍⰰⰾⰻ ⱄⱏⱅⰲⱁⱃⰻⰿⱏ.
28:15
ⱁⱀⰻ ⰶⰵ ⱂⱃⰻⰹⰿⱏⱎⰵ ⱄⱏⱃⰵⰱⱃⱁ. ⱄⱏⱅⰲⱁⱃⰻⱎⱔ ⱑⰽⱁⰶⰵ ⱀⰰⱆⱍⰵⱀⰻ ⰱⱏⰹⱎⱔ. ⰺ҅ ⱂⱃⱁⰿⱐⱍⰵ ⱄⱔ ⱄⰾⱁⰲⱁ ⱄⰵ. ⰲⱏ ⰺⱓⰴⰵⰺ҅ⱈⱏ ⰴⱁ ⱄⰵⰳⱁ ⰴⱀⰵ.
28:16
Ⰵⰴⰻⱀⱏⰺ ⰶⰵ ⱀⰰ ⰴⰵⱄⱔⱅⰵ ⱆⱍⰵⱀⰻⰽⱏ ⰺ҅ⰴⱁⱎⱔ ⰲⱏ ⰳⰰⰾⰻⰾⰵⱙ ⰲⱏ ⰳⱁⱃⱘ ⱑⰿⱁⰶⰵ ⱂⱁⰲⰵⰾⱑ ⰺ҅ⰿⱏ ⰻⱄ҃.
28:17
ⰺ҅ ⰲⰻⰴⱑⰲⱏⱎⰵ ⰻ ⱂⱁⰽⰾⱁⱀⰻⱎⱔ ⱄⱔ ⰵⰿⱆ. ⱁⰲⰻ ⰶⰵ ⱆⱄⱘⰿⱐⱀⱑⱎⱔ ⱄⱔ.
28:18
ⰺ҅ ⱂⱃⰻⱄⱅⱘⱂⰾⱐ ⰻⱄ҃. ⱃⰵⱍⰵ ⰺ҅ⰿⱏ ⰳⰾ҃ⱔ. ⰴⰰⱀⰰ ⰿⰻ ⰵⱄⱅⱏ ⰲⱄⱑⰽⰰ ⰲⰾⰰⱄⱅⱐ. ⱀⰰ ⱀⰱ҃ⱄⰵ ⰺ҅ ⱀⰰ ⰸⰵⰿⰾⰻ.
28:19
ⱎⱐⰴⱏⱎⰵ ⱆⰱⱁ ⱀⰰⱆⱍⰻⱅⰵ ⰲⱄⱔ ⱗⰸⱏⰹⰽⱏⰹ. ⰽⱃⱐⱄⱅⱔⱎⱅⱔ ⱗ. ⰲⱏ ⰺ҅ⰿⱔ ⱁⱌ҃ⰰ ⰺ҅ ⱄⱀ҃ⰰ ⰺ҅ ⱄⱅ҃ⰰⰳⱁ ⰴⱈ҃ⰰ.
28:20
ⱆⱍⱔⱎⱅⱔ ⱗ ⰱⰾ̑ⱓⱄⱅⰻ. ⰲⱐⱄⱑ ⰵⰾⰻⰽⱁ ⰸⰰⱂⱁⰲⱑⰴⱑⱈⱏ ⰲⰰⰿⱏ. ⰺ҅ ⱄⰵ ⰰⰸⱏ ⱄⱏ ⰲⰰⰿⰻ ⰵⱄⰿⱐ. ⰲⱄⱔ ⰴⱀⰻ. ⰴⱁ ⱄⱏⰽⱁⱀⱐⱍⰰⱀⰻⱑ ⰲⱑⰽⰰ. ⰰⰿⰻⱀⱐ: +