ЕВАНГЕЛИЕ ЕЖЕ Ѿ МАТѲЕꙖ
25:1
Ⱅⱏⰳⰴⰰ ⱆⱂⱁⰴⱁⰱⰻ ⱄⱔ ⱌⱃ҃ⱄⰻⰵ !ⱀⱄⰽⱁⰵ. ⰺ҃ ⰴⱑⰲⱏ. ⱗⰶⰵ ⱂⱃⰻⰿⱏⱎⱗ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⱗ. ⰺ҅ⰸⰻⰴⱁⱎⱔ ⱂⱃⱁⱅⰻⰲⱘ ⰶⰵⱀⰻⱈⱆ [ⰺ҅ ⱀⰵⰲⱑⱄⱅⱑ.]
25:2
ⱂⱔⱅⱐ ⰶⰵ ⰱⱑ ⱁⱅⱏ ⱀ̑ⰻⱈⱏ ⰱⱆⰹ. ⰺ҅ ⱂⱔⱅⱐ ⰿⱘⰴⱃⱏ.
25:3
ⰱⱆⱗ ⰱⱁ ⱂⱃⰻⰵⰿⱏⱎⱔ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⱗ. ⱀⰵ ⰲⱐⰸⱔⱎⱔ ⰱⱁ ⱄⱏ ⱄⱁⰱⱁⱙ ⰺ҅ ⱁⰾⱑⱑ.
25:4
ⰰ ⰿⱘⰴⱃⱏⰹⱗ ⱂⱃⰻⱗⱎⱔ ⰺ҅ ⱁⰾⱑⰹ. ⰺ҅ ⰲⱏ ⱄⱏⱄⱘⰴⱑⱈⱏ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⰺ҅ⰿⰻ.
25:5
ⰿⱆⰴⱔⱎⱅⱓ ⰶⰵ ⰶⰵⱀⰻⱈⱆ. ⰲⱏⰸⰴⱃⱑⰿⰰⱎⱔ ⱄⱔ ⰲⱄⱔ. ⰺ҅ ⱄⱏⱂⰰⰰⱈⱘ.
25:6
ⱂⱁⰾⱆ ⱀⱁⱎⱅⰻ ⰶⰵ ⰲⱏⱂⰾⱐ ⰱⱏⰹ!ⱄ. ⱄⰵ ⰶⰵⱀⰻⱈⱏ ⰳⱃⱔⰴⰵⱅⱏ. ⰺ҅ⱄⱈⱁⰴⰻⱅⰵ ⰲⱏ ⱄⱏⱃⱑⱅⰵⱀⰻⰵ ⰵⰳⱁ.
25:7
ⱅⱏⰳⰴⰰ ⰲⱏⱄⱅⰰⱎⱔ ⰲⱄⱔ ⰴⱑⰲⱏⰹ ⱅⱏⰹ. ⰺ҅ ⱆⰽⱃⰰⱄⰻⱎⱔ ⱄⰲⱑⱅⰻⰾⱐⱀⰻⰽⱏⰹ ⱄⰲⱁⱗ.
25:8
ⰰ ⰱⱆⱗ ⱃⱑⱎⱔ ⰿⱘⰴⱃⱏⰺ҅ⰿⱏ. ⰴⰰⰴⰻⱅⰵ ⱀⰰⰿⱏ ⱁⱅⱏ ⱁⰾⱑⱑ ⰲⰰⱎⰵⰳⱁ. ⱑⰽⱁ ⱄⰲⱑⱅⰻⰾⱐⱀⰻⱌⰻ ⱀⰰⱎⰻ ⱆⰳⰰⱄⰰⱙⱅⱏ.
25:9
*̆ⱉⱁⱅⱏⰲⱑⱎⱅⰰⱎⱔ ⰶⰵ ⰿⱘⰴⱃⱏⰹⱗ ⰳⰾ̑ⱙⱎⱅⱔ. ⰵⰴⰰ ⰽⰰⰽⱁ ⱀⰵ ⰴⱁⱄⱅⰰⱀⰵⱅⱏ ⰲⰰⰿⱏ ⰺ҅ ⱀⰰⰿⱏ. ⰺ҅ⰴⱑⱅⰵ ⰶⰵ ⱂⰰⱍⰵ ⰽⱏ ⱂⱃⱁⰴⰰⱙⱎⱅⰻⰹⰿⱏ ⰺ҅ ⰽⱆⱂⰻⱅⰵ ⱄⰵⰱⱑ.
25:10
ⰺ҅ⰴⱘⱎⱅⰰⰿⱏ ⰶⰵ ⰺ҅ⰿⱏ ⰽⱆⱂⰻⱅⱏ. ⱂⱃⰻⰴⰵ ⰶⰵⱀⰻⱈⱏ. ⰺ҅ ⰳⱁⱅⱁⰲⱏⰹⱗ ⰲⱐⱀⰻⰴⱘ. ⱄⱏ ⱀ̑ⰻⰿⱐ ⱀⰰ ⰱⱃⰰⰽⱏ. ⰺ҅ ⰸⰰⱅⰲⱁⱃⰵⱀⱏⰹ ⰱⱏⰹⱎⱔ ⰴⰲⱐⱃⰻ.
25:11
ⱂⱁⱄⰾⱑⰴⱐ ⰶⰵ ⱂⱃⰻⰴⱁⱎⱔ ⱂⱃⱁⱍⱔⱗ ⰴⱑⰲⱏⰹ ⰳⰾ̑ⱙⱎⱅⱔ. ⰳ҃ⰻ ⰳ҃ⰻ. ⱁⱅⰲⱃⱏⰸⰻ ⱀⰰⰿⱏ.
25:12
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⰰⰿⰻⱀⸯ ⰳⰾ҃ⱙ ⰲⰰⰿⱏ ⱀⰵ ⰲⱑⰴⱑ ⰲⰰⱄⱏ.
25:13
ⰱⱐⰴⰻⱅⰵ ⱆⰱⱁ. ⱑⰽⱁ ⱀⰵ ⰲⱑⱄⱅⰵ ⰴⱀⰻ ⱀⰻ ⱍⰰⱄⰰ. ⰲⱏ ⱀ̑ⱐⰶⰵ ⱄⱀ҃ⱏ ⱍⱄ҃ⰽⱏⰺ ⱂⱃⰻⰴⰵⱅⱏ. !ⰽⱁ!ⱌ.
25:14
Ⱑⰽⱁⰶⰵ ⰱⱁ ⱍⰽ҃ⱏ ⱁⱅⱏⱈⱁⰴⱔ. ⱂⱃⰻⰸⱏⰲⰰ ⱄⰲⱁⱗ ⱃⰰⰱⱏⰹ. ⰺ҅ ⱂⱃⱑⰴⰰⱄⱅⱏ ⰺⰿⱏ ⰺ҅ⰿⱑⱀⰻⰵ ⱄⰲⱁⰵ.
25:15
Ⰺ҅ ⱁⰲⱁⰿⱆ ⰴⰰⱄⱅⱏ ⰴ҃ ⱅⰰⰾⰰⱀⸯⱅⱏ. ⱁⰲⱁⰿⱆ ⰶⰵ !ⰱ. ⱁⰲⱁⰿⱆ ⰶⰵ !ⰰ. ⰽⱁⰶⰴⱁ ⱂⱃⱁⱅⰻⰲⱘ ⱄⰻⰾⱑ ⱄⰲⱁⰵⰻ. ⰺ҅ ⱁⱅⰻⰴⰵ ⰰⰱⰻⰵ.
25:16
ⱎⱐⰴⱏ ⰶⰵ ⱂⱃⰻⰵⰿⱏⰺ ⰴ҃ ⱅⰰⰾⰰⱀⸯⱅⱏ. ⰴⱑⰾⰰ ⱁ ⱀⰻⱈⱏ. ⰺ҅ ⱂⱃⰻⱁⰱⱃⱑⱅⰵ ⰴⱃⱆⰳⱘⱙ. ⰴ҃ ⱅⰰⰾⰰⱀⸯⱅⱏ.
25:17
ⱅⰰⰽⱁⰶⰴⰵ ⰺ҅ⰶⰵ ⰴⱏⰲⰰ. ⱂⱃⰻⱁⰱⱃⱑⱅⰵ ⰺ҅ ⰴⱃⱆⰳⰰⱑ !ⰱ.
25:18
ⰰ ⱂⱃⰻⰿⱏⰺ ⰵⰴⰻⱀⱏ. ⱎⱐⰴⱏ ⱃⰰⱄⰽⱁⱂⰰ ⰸⰵⰿⰾ̑ⱙ. ⰺ҅ ⱄⱏⰽⱃⱏⰹ ⱄⱏⱃⰵⰱⱃⱁ !ⰳⰰ ⱄⰲⱁⰵⰳⱁ.
25:19
ⱂⱁ ⰿⱀⱁⰸⱑⱈⱏ ⰶⰵ ⰲⱃⱑⰿⰵⱀⰵⱈⱏ. ⱂⱃⰻⰴⰵ ⰳ҃ⱐ ⱃⰰⰱⱏ ⱅⱑⱈⱏ. ⰺ҅ ⱄⱏⱅⱔⰸⰰ ⱄⱔ ⱄⱏ ⱀ̑ⰻⰿⰻ [ⱁ] ⱄⰾⱁⰲⰵⱄⰻ.
25:20
ⰺ҅ ⱂⱃⰻⱄⱅⱘⱂⰾ̑ⱐ. ⱂⱃⰻⰿⱏⰺ ⰴ҃ ⱅⰰⰾⰰⱀⱅⱏ. ⱂⱃⰻⱀⰵⱄⰵ ⰴⱃⱆⰳⱘⱙ ⰴ҃ ⱅⰰⰾⰰⱀⸯⱅⱏ. ⰳⰾ҃ⱔ ⰳ҃ⰻ. ⰴ҃ ⱅⰰⰾⰰⱀⸯⱅⱏ ⰿⰻ ⰵⱄⰻ ⱂⱃⱑⰴⰰⰾⱏ. ⱄⰵ ⰴⱃⱆⰳⱘⱙ ⰴ҃ ⱅⰰⰾⰰⱀⸯⱅⱏ. ⱂⱃⰻⱁⰱⱃⱑⱅⱏⱈⱏ ⰺ҅ⰿⰻ.
25:21
ⱃⰵⱍⰵ ⰵⰿⱆ ⰳ҃ⱐ ⰵⰳⱁ. ⰴⱁⰱⱃⱏⰺ ⱃⰰⰱⰵ ⰱⰾⰰⰳⱏⰺ. ⰺ҅ ⰲⱑⱃⱏⱀⱏⰹ. ⱁ ⰿⰰⰾⱑ ⰱⱑ ⰲⱑⱃⱐⱀⱏ. ⱀⰰⰴⱏ ⰿⱀⱁⰳⱏⰹ ⱅⱔ ⱂⱁⱄⱅⰰⰲⰾ̑ⱘ. ⰲⱐⱀⰻⰴⰻ ⰲⱏ ⱃⰰⰴⱁⱄⱅⱐ ⰳ҃ⰻ ⱄⰲⱁⰵⰳⱁ.
25:22
ⱂⱃⰻⱄⱅⱘⱂⰾⱐ ⰶⰵ. ⱂⱃⰻⰿⱏⰺ ⰱ҃ ⱅⰰⰾⰰⱀⸯⱅⰰ. ⱃⰵⱍⰵ ⰳ҃ⰻ. ⰱ҃ ⱅⰰⰾⰰⱀⸯⱅⰰ ⰿⰻ ⰵⱄⰻ ⱂⱃⱑⰴⰰⰾⱏ. ⱄⰵ ⰴⱃⱆⰳⰰⱑ ⰱ҃ ⱅⰰⰾⰰⱀⸯⱅⰰ ⱂⱃⰻⱁⰱⱃⱑⱅⱁⱈⱏ ⰺ҅ⰿⰰ.
25:23
ⱃⰵⱍⰵ ⰵⰿⱆ ⰳ҃ⱐ ⰵⰳⱁ. ⰴⱁⰱⱃⱏⰺ ⱃⰰⰱⰵ ⰱⰾⰰⰳⱏⰹ ⰲⱑⱃⱐⱀⰵ. ⱁ ⰿⰰⰾⱑ ⰱⱑ ⰲⱑⱃⱐⱀⱏ ⱀⰰⰴⱏ ⰿⱀⱁⰳⱏⰹ ⱅⱔ ⱂⱁⱄⱅⰰⰲⰾ̑ⱘ. ⰲⱐⱀⰻⰴⰻ. ⰲⱏ ⱃⰰⰴⱁⱄⱅⱏ !ⰳⰰ ⱄⰲⱁⰵⰳⱁ.
25:24
ⱂⱃⰻⱄⱅⱘⱂⱐ ⰶⰵ ⱂⱃⰻⰿⱏⰺ .!ⰰ ⱅⰰⰾⰰⱀⸯⱅⱏ. ⱃⰵⱍⰵ ⰳ҃ⰻ. ⰲⱑⰴⱑⱈⱏ ⱅⱔ ⱑⰽⱁ ⰶⰵⱄⱅⱁⰽⱏ ⰵⱄⰻ ⱍⰽ҃ⱏ. ⰶⱐⱀ̑ⱔ ⰺ҅ⰴⰵⰶⰵ ⱀⱑⱄⰻ ⱄⱑⱑⰾⱏ. ⰺ҅ ⱄⱏⰱⰻⱃⰰⱗ ⱙⰴⱆⰶⰵ ⱀⰵ ⱃⰰⱄⱅⱁⱍⰻⰲⱏ.
25:25
ⰺ҅ ⱆⰱⱁⱑⰲⱏ ⱄⱔ. ⱎⱐⰴⱏ. ⱄⱏⰽⱃⱏⰹⱈⱏ ⱅⰰⰾⰰⱀⸯⱅⱏ ⱅⰲⱁⰺ ⰲⱏ ⰸⰵⰿ̑ⰻ. ⱄⰵ ⰺ҅ⰿⰰⱎⰻ ⱅⰲⱁⰵ.
25:26
ⱁⱅⱏⰲⱑⱎⱅⰰⰲⱏ ⰶⰵ ⰳ҃ⱐ ⰵⰳⱁ ⱃⰵⱍⰵ ⰵⰿⱆ. ⰸⱏⰾⱏⰺ ⱃⰰⰱⰵ ⰾⱑⱀⱏⰺ. ⰲⱑⰴⱑⱎⰵ. ⱑⰽⱁ ⰶⱐⱀ̑ⱘ ⰺⰴⰵⰶⰵ ⱀⰵ ⱄⱑⱑⱈⱏ. ⰺ҅ ⱄⱏⰱⰻⱃⰰⱙ ⱙⰴⱆⰶⰵ ⱀⰵ ⱃⰰⱄⱅⱁⱍⰻⱈⱏ.
25:27
ⱂⱁⰴⱁⰱⰰⰰⱎⰵ ⱅⰻ ⱆⰱⱁ. ⰲⱏⰴⰰⱅⰻ ⱄⱏⱃⰵⰱⱃⱁ ⰿⱁⰵ ⱅⱃⱏⰶⱐⱀⰻⰽⱁⰿⱏ. ⰺ҅ ⱂⱃⰻⱎⱐⰴⱏ ⰰⰸⱏ. ⰲⱐⰸⱔⰾⱏ ⱆⰱⱁ ⰱⰻⰿⱐ ⱄⰲⱁⰵ ⱄⱏ ⰾⰻⱈⰲⱁⱙ.
25:28
ⱅⱏⰳⰴⰰ ⱃⰵⱍⰵ ⱃⰰⰱⱁⰿⱏ ⱄⰲⱁⰺ҅ⰿⱏ. ⰲⱏⰸⱏⰿⱑⱅⰵ ⱆⰱⱁ. ⱁⱅⱏ ⱀ̑ⰵⰳⱁ ⱅⰰⰾⰰⱀⸯⱅⱏ. ⰺ҅ ⰴⰰⰴⰻⱅⰵ
25:29
ⰺ҅ⰿⱘⱎⱅⱓⰿⱆ. ⰺ҃ ⱅⰰⰾⰰⱀⸯⱅⱏ. ⰺ҅ⰿⱘⱎⱅⱓⰿⱆ ⰱⱁ ⰲⱐⱄⱐⰴⰵ ⰴⰰⱀⱁ ⰱⱘⰴⰵⱅⱏ ⰺ҅ ⰻⰸⰱⱘⰴⰵⱅⱏ. ⰰ ⱁⱅⱏ ⱀⰵ ⰺ҅ⰿⱘⱎⱅⰰⰰⰳⱁ. ⰺ҅ ⰵⰶⰵ ⰰⱎⱅⰵ ⰿⱀⰻⱅⱏ ⱄⱔ ⰺ҅ⰿⱏⰹ. ⰲⱐⰸⱔⱅⱁ ⰱⱘⰴⰵⱅⱏ ⱁⱅⱏ ⱀ̑ⰵⰳⱁ.
25:30
Ⰺ҅ ⱀⰵⰽⰾ̑ⱓⱍⰻⰿⰰⰵⰳⱁ ⱃⰰⰱⰰ. ⰲⱏⰲⱃⱏⰸⱑⱅⰵ ⰻ ⰲⱏ ⱅⱏⰿⱘ ⰽⱃⱁⰿⱑⱎⱐⱀ̑ⱙ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰺ҅ ⱄⰽⱃⱐⰶⰵⱅⱏ ⰸⱘⰱⱁⰿⱏ.
25:31
Ⰵⰳⰴⰰ ⰶⰵ ⱂⱃⰻⰴⰵⱅⱏ ⱄⱀ҃ⱏ ⱍⱄ҃ⰽⱏⰺ. ⰲⱏ ⱄⰾⰰⰲⱑ ⱄⰲⱁⰵⰻ. ⰺ҅ ⰲⱄⰻ ⱄⱅ҃ⰻ ⰰⰼ҃ⰾⰻ ⱄⱏ ⱀ̑ⰻⰿⱐ. ⱅⱏⰳⰴⰰ ⱄⱔⰴⰵⱅⱏ ⱀⰰ ⱂⱃⱑⱄⱅⱁⰾⱑ ⱄⰾⰰⰲⱏⰹ ⱄⰲⱁⰵⱗ.
25:32
ⰺ҅ ⱄⱏⰱⰵⱃⱘⱅⱏ ⱄⱔ ⱂⱃⱑⰴⱏ ⱀ̑ⰻⰿⱐ ⰲⱄⰻ ⱗⰸⱏⰹⱌⰻ. ⰺ҅ ⱃⰰⰸⰾⱘⱍⰻⱅⱏ ⱗ ⰴⱃⱆⰳⱏ ⱁⱅⱏ ⰴⱃⱆⰳⰰ. ⱑⰽⱁⰶⰵ ⱂⰰⱄⱅⱏⰹⱃⱐ ⱃⰰⰸⰾⱘⱍⰰⰵⱅⱏ. ⱁⰲⱐⱌⱔ ⱁⱅⱏ ⰽⱁⰸⱐⰾⰻⱎⱅⱐ.
25:33
ⰺ҅ ⱂⱁⱄⱅⰰⰲⰻⱅⱏ ⱁⰲⱐⱌⱔ ⱁ ⰴⰵⱄⱀⱘⱙ ⱄⰵⰱⰵ. ⰰ ⰽⱁⰸⱐⰾⰻⱎⱅⱔ ⱁ ⰾⱑⰲⱘⱙ ⱄⰵⰱⰵ.
25:34
ⱅⱏⰳⰴⰰ ⱃⰵⱍⰵⱅⱏ ⱌⱃ҃ⱐ. ⱄⱘⱎⱅⰻⰹⰿⱏ ⱁ ⰴⰵⱄⱀⱘⱙ ⰵⰳⱁ. ⱂⱃⰻⰴⱑⱅⰵ ⰱⰾⰰⰳⱁⱄⰾⱁⰲⰵⱀⰻ ⱁⱌ҃ⰰ ⰿⱁⰵⰳⱁ. ⱀⰰⱄⰾⱑⰴⰻⱅⰵ ⱆⰳⱁⱅⱁⰲⰰⱀⱁⰵ ⰲⰰⰿⱏ ⱌⱃ҃ⱄⰻⰵ. ⱁⱅⱏ ⱄⱏⰾⱁⰶⰵⱀⰻⱑ ⰲⱄⰵⰳⱁ ⰿⰻⱃⰰ.
25:35
ⰲⱏⰸⰾⰰⰽⰰⱈⱏ ⰱⱁ ⱄⱔ ⰺ҅ ⰴⰰⱄⱅⰵ ⰿⰻ ⱑⱄⱅⰻ. ⰲⱏⰶⰴⱔⰴⰰⱈⱏ ⱄⱔ. ⰺ҅ ⱀⰰⱂⱁⰺ҅ⱄⱅⰵ ⰿⱔ. ⱄⱅⱃⰰⱀⱀⱏ ⰱⱑⱈⱏ ⰺ҅ ⰲⱏⰲⰵⰴⱁⱄⱅⰵ ⰿⱔ.
25:36
ⱀⰰⰳⱏ ⰺ҅ ⱁⰴⱑⱄⱅⰵ ⰿⱔ. ⰱⱁⰾⱑⱈⱏ. ⰺ҅ ⱂⱁⱄⱑⱅⰻⱄⱅⰵ ⰿⰵⱀⰵ. ⰲⱏ ⱅⱐⰿⱐⱀⰻⱌⰻ ⰱⱑⱈⱏ. ⰺ҅ ⱂⱃⰻⰴⱁⱄⱅⰵ ⰽⱏ ⰿⱀⱑ.
25:37
ⱅⱏⰳⰴⰰ ⱁⱅⱏⰲⱑⱎⱅⰰⱙⱅⱏ ⰵⰿⱆ. ⱂⱃⰰⰲⱐⰴⱐⱀⰻ ⰳⰾ҃ⱙⱎⱅⰵ. ⰳ҃ⰻ. ⰽⱏⰳⰴⰰ ⱅⱔ ⰲⰻⰴⱑⱈⱁⰿⱏ. ⰾⰰⱍⱘⱎⱅⰰ ⰺ҅ ⱀⰰⱅⱃⱆⱈⱁⰿⱏ. ⰾⰻ ⰶⱔⰶⰴⱘⱎⱅⰰ. ⰺ҅ ⱀⰰⱂⱁⰺ҅ⱈⱁⰿⱏ.
25:38
ⰽⱁⰳⰴⰰ ⰶⰵ ⱅⱔ ⰲⰻⰴⱑⱈⱁⰿⱏ ⱄⱅⱃⰰⱀⱀⰰ. ⰺ҅ ⰲⱏⰲⱑⱄⱁⰿⱏ. ⰾⰻ ⱀⰰⰳⰰ ⰺ҅ ⱁⰴⱑⱈⱁⰿⱏ.
25:39
ⰽⱁⰳⰴⰰ ⰶⰵ ⱅⱔ ⰲⰻⰴⱑⱈⱁⰿⱏ ⰱⱁⰾⱔⱎⱅⰰ. ⰺ҅ⰾⰻ ⰲⱏ ⱅⱐⰿⱐⱀⰻⱌⰻ. ⰺ҅ ⱂⱃⰻⰴⱁⰿⱏ ⰽⱏ ⱅⰵⰱⱑ.
25:40
Ⰻ ⱁⱅⱏⰲⱑⱎⱅⰰⰲⱏ ⱌⱃ҃ⱐ ⱃⰵⱍⰵⱅⱏ ⰺ҅ⰿⱏ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱂⱁⱀ̑ⰵⰶⰵ ⱄⱏⱅⰲⱁⱃⰻⱄⱅⰵ ⰵⰴⰻⱀⱁⰿⱆ ⱁⱅⱏ ⱄⰻⱈⱏ ⰿⰰⰾⱏⰺⱈⱏ ⰱⱃⰰⱅⱏ ⰿⱁⰻⱈⱏ ⰿⱐⱀⱐⱎⰻⱈⱏ. ⰿⱀⱑ ⱄⱅⰲⱁⱃⰻⱄⱅⰵ.
25:41
ⱅⱏⰳⰴⰰ ⱃⰵⱍⰵⱅⱏ ⱄⱘⱎⱅⰻⰹⰿⱏ ⱁ ⱎⱓⱙ ⰵⰳⱁ. ⰺ҅ⰴⱑⱅⰵ ⱁⱅⱏ ⰿⰵⱀⰵ ⱂⱃⱁⰽⰾⱔⱅⰻ. ⰲⱏ ⱁⰳⱀ̑ⱐ ⰲⱑⱍⱐⱀⱏⰺ. ⱆⰳⱁⱅⱁⰲⰰⱀⱏⰹ ⰴⰻⱑⰲⱁⰾⱆ ⰺ ⰰⰼ҃ⰾⱁⰿⱏ ⰵⰳⱁ.
25:42
ⰲⱏⰸⰾⰰⰽⰰⱈⱏ ⰱⱁ ⱄⱔ ⰺ҅ ⱀⰵ ⰴⰰⱄⱅⰵ ⰿⰻ ⱑⱄⱅⰻ. ⰲⱏⰶⰴⱔⰴⰰⱈⱏ ⱄⱔ ⰺ҅ ⱀⰵ ⱀⰰⱂⱁⰺ҅ⱄⱅⰵ ⰿⰵⱀⰵ.
25:43
ⱄⱅⱃⰰⱀⱀⱐ ⰱⱑⱈⱏ. ⰺ҅ ⱀⰵ ⰲⱏⰲⰵⰴⱁⱄⱅⰵ ⰿⰵⱀⰵ. ⱀⰰⰳⱏ. ⰺ҅ ⱀⰵ ⱁⰴⱑⱄⱅⰵ ⰿⰵⱀⰵ. ⰲⱏ ⱅⱐⰿⱐⱀⰻⱌⰻ ⰺ҅ ⱀⰵ ⱂⱁⱄⱑⱅⰻⱄⱅⰵ ⰿⰵⱀⰵ.
25:44
ⱅⱏⰳⰴⰰ ⱁⱅⱏⰲⱑⱎⱅⰰⱙⱅⱏ ⰺ҅ ⱅⰻ ⰳⰾ̑ⱙⱎⱅⰵ. ⰳ҃ⰻ. ⰽⱁⰳⰴⰰ ⱅⱔ ⰲⰻⰴⱑⱈⱁⰿⱏ ⰰⰾⸯⱍⱘⱎⱅⰰ. ⰾⰻ ⰶⱔⰶⰴⱘⱎⱅⰰ. ⰾⰻ ⱄⱅⱃⰰⱀⱀⰰ. ⰾⰻ ⱀⰰⰳⰰ. ⰾⰻ ⰱⱁⰾⱐⱀⰰ. ⰾⰻ ⰲⱏ ⱅⱐⰿⱐⱀⰻⱌⰻ. ⰺ҅ ⱀⰵ ⱂⱁⱄⰾⱆⰶⰻⱈⱁⰿⱏ ⱅⰵⰱⱑ.
25:45
ⱅⱏⰳⰴⰰ ⱁⱅⱏⰲⱑⱎⱅⰰⰵⱅⱏ ⰺ҅ⰿⱏ ⰳⰾ҃ⱔ. ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱂⱁⱀ̑ⰵⰶⰵ ⱀⰵ ⱄⱏⱅⰲⱁⱃⰻⱄⱅⰵ. ⰵⰴⰻⱀⱁⰿⱆ ⱁⱅⱏ ⱄⰻⱈⱏ ⰿⱐⱀⱐⱎⰻⱈⱏ. ⱀⰻ ⰿⸯⱀⱑ ⱄⱏⱅⰲⱁⱃⰻⱄⱅⰵ.
25:46
ⰺ҅ⰴⱘⱅⱏ ⱄⰻ ⰲⱏ ⰿⱘⰽⱘ ⰲⱑⱍⱐⱀⱘⱙ. ⰰ ⱂⱃⰰⰲⱐⰴⱐⱀⰻⱌⰻ ⰲⱏ ⰶⰻⰲⱁⱅⱏ ⰲⱑⱍⱐⱀⱏⰺ.