ЕВАНГЕЛИЕ ЕЖЕ Ѿ МАТѲЕꙖ
24:21
ⰱⱘⰴⰵⱅⱏ ⰱⱁ ⱅⱏⰳⰴⰰ ⱄⰽⱃⱏⰱⱐ ⰲⰵⰾⰻⱑ. ⱑⰽⰰⰶⰵ ⱀⱑ ⰱⱏⰹⰾⰰ. Ⱉⱅⱏ ⱀⰰⱍⱔⰾⰰ ⰲⱄⰵⰳⱁ ⰿⰻⱃⰰ. ⰴⱁⱄⰵⰾⱑ. ⱀⰻ ⰺ҅ⰿⰰⱅⱏ ⰱⱏⰹⱅⰻ.
24:22
ⰺ҅ ⰰⱎⱅⰵ ⱀⰵ ⰱⰻⱎⱔ ⱂⱃⱑⰽⱃⰰⱅⰻⰾⰻ ⱄⱔ ⰴⱐⱀⰵ ⱅⰻ. ⱀⰵ ⱆⰱⱁ !ⱄⱏⱂⱄⰾⰰ ⱄⱔ ⰲⱄⱑⰽⰰ ⱂⰾⱏⱅⱐ. Ⰸⰰ ⰺⰸⰱⱏⱃⰰⱀⱏⰺⱈⱏ ⰶⰵ ⱂⱃⱑⰽⱃⰰⱅⱔⱅⱏ ⱄⱔ ⰴⱐⱀⰵ ⱅⰻ.
24:23
Ⱅⱏⰳⰴⰰ ⰰⱎⱅⰵ ⱃⰵⱍⰵⱅⱏ ⰽⱅⱁ ⰲⰰⰿⱏ. ⱄⰵ ⱄⱐⰴⰵ ⱈ҃ⱏ. ⰾⰻ ⱄⱐⰴⰵ. ⱀⰵ ⰺⰿⱑⱅⰵ ⰲⱑⱃⱏⰹ.
24:24
ⰲⱏⱄⱅⰰⱀⱘⱅⱏ ⰱⱁ ⰾⱏⰶⰻⰹ !ⱈⰻ. ⰺ҅ ⰾⱏⰶⰻⰹ ⱂⱃⱁⱃⱁⱌⰻ. ⰺ҅ ⰴⰰⰴⱔⱅⱏ ⰸⱀⰰⰿⰵⱀⰻⱑ ⰲⰵⰾⰻⱑ ⰺ҅ ⱍⱓⰴⰵⱄⰰ ⱑⰽⱁ ⱂⱃⱑⰾⱐⱄⱅⰻⱅⰻ. ⰰⱎⱅⰵ ⰵⱄⱅⱏ ⰲⱏⰸⰿⱁⰶⱐⱀⱁ ⰺⰸⰱⱏⱃⰰⱀⱏⰹⱗ.
24:25
Ⱄⰵ ⱂⱃⱑⰶⰴⰵ ⱃⱑⱈⱏ ⰲⰰⰿⱏ.
24:26
ⰰⱎⱅⰵ ⰶⰵ ⱃⰵⰽⱘⱅⱏ ⰲⰰⰿⱏ. ⱄⰵ ⰲⱏ ⱂⱆⱄⱅⱏⰹⱀ̑ⰻ ⰵⱄⱅⱏ. ⱀⰵ ⰺ҅ⰴⱑⱅⰵ. ⱄⰵ ⰲⱏ ⱄⱏⰽⱃⱁⰲⱑⱈⱏ. ⱀⰵ ⰺ҅ⰿⱑⱅⰵ ⰲⱑⱃⱏⰹ.
24:27
Ⱑⰽⱁⰶⰵ ⰱⱁ ⰿⰾⱏⱀⰻ ⰺ҅ⱄⱈⱁⰴⰻⱅⱏ ⱁⱅⱏ ⰲⱏⱄⱅⱁⰽⱏ. ⰺ҅ ⰰⰲⰾⱑⰰⱅⱏ ⱄⱔ ⰴⱁ ⰸⰰⱂⰰⰴⱏ. ⱅⰰⰽⱁ ⰱⱘⰴⰵⱅⱏ ⰺ҅ ⱂⱃⰻⱎⱐⱄⱅⰲⰻⰵ ⱄⱀ҃ⰰ ⱍⱄ҃ⰽⰰⰳⱁ.
24:28
ⰺ҅ⰶⰴⰵⰶⰵ ⰱⱁ ⰰⱎⱅⰵ ⰱⱘⰴⰵⱅⱏ ⱅⱃⱆⱂⱏ ⱅⱆ ⱄⱏⰱⰵⱃⱘⱅⱏ ⱄⱔ ⱁⱃⰾⰻ.
24:29
ⰰⰱⰻⰵ ⰶⰵ ⱂⱁ ⰽⱃⱏⰱⰻ ⰴⱐⱀ̑ⰻⰹ ⱅⱑⱈⱏ ⱄⰾⱏⱀⱌⰵ ⰿⱃⱏⰽⱀⰵⱅⱏ. ⰺ ⰿⱄⱌⱐ ⱀⰵ ⰴⰰⱄⱅⱏ ⱄⰲⱑⱅⰰ ⱄⰲⱁⰵⰳⱁ. ⰺ҅ ⰷⰲⱑⰸⰴⱏⰹ ⰺ҅ⱄⱂⰰⰴⱘⱅⱏ ⱄⱏ ⱀⰵⰱ҃ⱄⰵ. ⰺ҅ ⱄⰻⰾⱏⰹ ⱀⰵⰱ҃ⱄⰽⱏⰹⱗ ⰴⰲⰻⰳⱀⱘⱅⱏ ⱄⱔ.
24:30
Ⰺ҅ ⱅⱏⰳⰴⰰ ⰰⰲⰻⱅⱏ ⱄⱔ ⰸⱀⰰⰿⰵⱀⰻⰵ ⱄⱀ҃ⰰ ⱍⱄ҃ⰽⰰⰳⱁ. ⰳⱃⱔⰴⱘⱎⱅⰰⰳⱁ ⱀⰰ ⱁⰱⰾⰰⱌⱑⱈⱏ !ⱀⱄⰽⱏⰺⱈⱏ. ⱄⱏ ⱄⰻⰾⱁⱙ ⱄⰲⱁⰵⱙ ⰲⰵⰾⰻⰵⱙ.
24:31
ⰺ҅ ⱂⱁⱄⱏⰾ̑ⰵⱅⱏ ⰰⰼ҃ⰾⱏⰹ ⱄⰲⱁⱗ. ⱄⱏ ⰳⰾⰰⱄⱁⰿⱐ ⰲⰵⰾⰻⰹⰿⱐ ⱅⱃⱘⰱⱐⱀⱏⰺ҅ⰿⱐ ⰺ҅ ⱄⱏⰱⰵⱃⱘⱅⱏ ⰺ҅ⰸⰱⱏⱃⰰⱀⱏⰹⱗ ⰵⰳⱁ. ⱁⱅⱏ ⱍⰵⱅⱏⰹⱃⱐ ⰲⱑⱅⱃⱏ. ⱁⱅⱏ ⰽⱁⱀⱐⱌⱐ !ⱀⱄⱏ. ⰴⱁ ⰽⱁⱀⱐⱌⱐ ⰺ҅ⱈⱏ.
24:32
Ⱉⱅⱏ ⱄⰿⱁⰽⱁⰲⱐⱀⰻⱌⱔ ⰶⰵ ⱀⰰⱆⱍⰻⱅⰵ ⱄⱔ ⱂⱃⰻⱅⱏⱍⰻ. ⰵⰳⰴⰰ ⱆⰶⰵ ⰲⱑⱑ ⰵⱗ ⰱⱘⰴⰵⱅⱏ ⰿⰾⰰⰴⰰ. ⰺ҅ ⰾⰻⱄⱅⰲⰻⰵ ⱂⱃⱁⰸⱔⰱⱀⰵⱅⱏ. ⰲⱑⱄⱅⰵ ⱑⰽⱁ ⰱⰾⰻⰸⱏ ⰵⱄⱅⱏ ⰶⱔⱅⰲⰰ.
24:33
ⱅⰰⰽⱁⰶⰴⰵ ⰺ҅ ⰲⱏⰹ. ⰵⰳⰴⰰ ⱆⰸⱐⱃⰻⱅⰵ ⰲⱄⱑ ⱄⰻ. ⰲⱑⰴⰻⱅⰵ ⱑⰽⱁ ⰱⰾⰻⰸⱏ ⰵⱄⱅⱏ. ⱂⱃⰻ ⰴⰲⱐⱃⰵⱈⱏ.
24:34
ⰰⰿⰻⱀⸯ ⰳⰾ̑ⱙ ⰲⰰⰿⱏ. ⱑⰽⱁ ⱀⰵ ⰿⰻⰿⱁ ⰺ҅ⰴⰵⱅⱏ ⱃⱁⰴⱁⱄⱐ. ⰴⱁⱀⰴⰵⰶⰵ ⰲⱄⱑ ⱄⰻ ⰱⱘⰴⱘⱅⱏ.
24:35
ⱀⰵⰱⱁ ⰺ҅ ⰸⰵⰿⰾ̑ⱑ ⰿⰻⰿⱁⰺ҅ⰴⰵⱅⱏ. ⰰ ⱄⰾⱁⰲⰵⱄⰰ ⰿⱁⱑ ⱀⰵ ⰿⰻⰿⱁⰺ҅ⰴⱘⱅⱏ.
24:36
ⰰ ⱁ ⰴⱐⱀⰻ ⱅⱁⰿⱐ. ⰺ҅ ⱁ ⰳⱁⰴⰻⱀⱑ ⱅⱁⰻ. ⱀⰻⰽⱅⱁⰶⰵ ⱀⰵ ⰲⱑⱄⱅⱏ. ⱀⰻ ⰰⰼ҃ⰾⰻ ⱀⰵⰱ҃ⱄⱌⰻⰹ. ⱅⱏⰽⱏⰿⱁ ⱁⱌ҃ⱐ ⰵⰴⰻⱀⱏ.
24:37
Ⱑⰽⱁⰶⰵ ⰱⱁ ⰲⱏ ⰴⱐⱀⰻ ⱀⱁⰵⰲⱏⰹ. ⱅⰰⰽⱁ ⰱⱘⰴⰵⱅⱏ ⰺ҅ ⰲⱏ ⰴⱐⱀⱐ ⱄⱀ҃ⰰ ⱍⱄ҃ⰽⰰⰳⱁ.
24:38
ⱑⰽⱁⰶⰵ ⰱⱁ ⰱⱑⰰⱈⱘ. ⰲⱏ ⰴⱐⱀⰻ ⱂⱃⱑⰶⰴⰵ ⱂⱁⱅⱁⱂⰰ. ⱑⰴⱘⱎⱅⰵ ⰺ҅ ⱂⰻⱙⱎⱅⰵ. ⰶⰵⱀⱔⱎⱅⰵ ⱄⱔ ⰺ҅ ⱂⱁⱄⰰⰳⰰⱙⱎⱅⰵ. ⰴⱁ ⱀ̑ⰵⰳⱁⰶⰵ ⰴⱐⱀⰵ. ⰲⱐⱀⰻⰴⰵ ⱀⱁⰵ ⰲⱏ ⰽⱁⰲⱐⱍⰵⰳⱏ.
24:39
ⰺ҅ ⱀⰵ ⱁⱎⱅⱓⱅⰻⱎⱔ. ⰴⱁⰺ҅ⰴⰵⰶⰵ ⱂⱃⰻⰴⰵ ⰲⱁⰴⰰ. ⰺ҅ ⰲⱐⰸⱔⱅⱏ ⰲⱄⱔ. ⱅⰰⰽⱁ ⰱⱘⰴⰵⱅⱏ ⰺ҅ ⰲⱏ ⱂⱃⰻⱎⱐⱄⱅⰻⰵ ⱄⱀ҃ⰰ ⱍⱄ҃ⰽⰰⰳⱁ.
24:40
ⱅⱏⰳⰴⰰ ⰴⰲⰰ ⰱⱘⰴⰵⱅⰰ ⱀⰰ ⱄⰵⰾⱑ. ⰵⰴⰻⱀⱏ ⱂⱁⰵⰿⰾ̑ⰵⱅⱏ ⱄⱔ. ⰰ ⰴⱃⱆⰳⱏⰺ ⱁⱄⱅⰰⰲⰾ̑ⱑⰵⱅⱏ ⱄⱔ.
24:41
ⰴⰲⱑ ⰿⰵⰾ̑ⱙⱎⱅⰻ ⰲⱏ ⰶⱃⱏⱀⸯⰲⰰⱈⱏ. ⰵⰴⰻⱀⰰ ⱂⱁⰵⰿⰾ̑ⰵⱅⱏ ⱄⱔ. ⰺ҅ ⰵⰴⰻⱀⰰ ⱁⱄⱅⰰⰲⰾ̑ⱑⰵⱅⱏ ⱄⱔ.
24:42
ⰱⱐⰴⰻⱅⰵ ⱆⰱⱁ ⱑⰽⱁ ⱀⰵ ⰲⱑⱄⱅⰵ ⰲⱏ ⰽⱘⱙ ⰳⱁⰴⰻⱀⱘ ⰳ҃ⱐ ⰲⰰⱎⱐ ⱂⱃⰻⰴⰵⱅⱏ.
24:43
Ⱄⰵ ⰶⰵ ⰲⱑⰴⰻⱅⰵ. ⱑⰽⱁ ⰰⱎⱅⰵ ⰱⰻ ⰲⱑⰴⱑⰾⱏ ⰳⱀ҃ⱏ ⱈⱃⰰⰿⰰ. ⰲⱏ ⰽⱘⱙ ⱄⱅⱃⰰⰶⱘ ⱅⰰⱅⱐ ⱂⱃⰻⰴⰵⱅⱏ. ⰱⱐⰴⱑⰾⱏ ⱆⰱⱁ ⰱⰻ. ⰺ҅ ⱀⰵ ⰱⰻ ⱁⱄⱅⰰⰲⰻⰾⱏ ⱂⱁⰴⱏⱃⱏⰹⱅⰻ ⱈⱃⰰⰿⰰ ⱄⰲⱁⰵⰳⱁ.
24:44
ⱄⰵⰳⱁ ⱃⰰⰴⰻ ⰺ҅ ⰲⱏⰹ ⰱⱘⰴⱑⱅⰵ ⰳⱁⱅⱁⰲⰻ. ⱑⰽⱁ ⰲⱏ ⱀⱐⰶⰵ ⱀⰵ ⰿⱀⰻⱅⰵ ⱍⰰⱄⱏ. ⱄⱀ҃ⱏ ⱍⱄ҃ⰽⱏⰺ ⱂⱃⰻⰴⰵⱅⱏ.
24:45
Ⰽⱏⱅⱁ ⱆⰱⱁ ⰵⱄⱅⱏ ⰲⱑⱃⱏⱀⱏⰺ ⱃⰰⰱⱏ. ⰺ҅ ⰿⱘⰴⱃⱏⰹ. ⰵⰳⱁⰶⰵ ⱂⱁⱄⱅⰰⰲⰻⱅⱏ ⰳ҃ⱐ ⱀⰰⰴⱏ ⰴⱁⰿⱁⰿⱐ ⱄⰲⱁⰺ҅ⰿⱐ. ⰴⰰ ⰴⰰⱄⱅⱏ ⰺ҅ⰿⱏ ⰲⱏ ⰲⱃⱑⰿⱔ ⱂⰻⱎⱅⱘ ⰺ҅ⱈⱏ.
24:46
ⰱⰾⰰⰶⰵⱀⱏ ⱃⰰⰱⱏ ⱅⱏ. ⰵⰳⱁⰶⰵ ⱂⱃⰻⱎⱐⰴⱏ ⰳ҃ⱐ ⱄⰲⱁⰻ. ⱁⰱⱃⱔⱎⱅⰵⱅⱏ ⱅⰰⰽⱁ ⱅⰲⱁⱃⱔⱎⱅⰰ.
24:47
*̆ⰰⰿⰻⱀⸯ ⰳⰾ̑ⱙ ⰲⰰⰿⱏ. ⱑⰽⱁ ⱀⰰⰴⱏ ⰲⱄⱑⰿⱐ ⰺ҅ⰿⱑⱀⰻⰵⰿⱐ ⱄⰲⱁⰺⰿⱐ. ⱂⱁⱄⱅⰰⰲⰻⱅⱏ ⰺ.
24:48
ⰰⱎⱅⰵ ⰾⰻ ⱃⰵⱍⰵⱅⱏ ⰸⱏⰾⱏⰺ ⱃⰰⰱⱏ ⱅⱏ. ⰲⱏ ⱄⱃⱏⰴⱐⱌⰻ ⱄⰲⱁⰵⰿⱏ. ⰿⱆⰴⰻⱅⱏ ⰿⱁⰻ ⰳⱀ҃ⱏ ⱂⱃⰻⱅⰻ.
24:49
ⰺ҅ ⱀⰰⱍⱐⱀⰵⱅⱏ. ⰽⰾⰵⰲⱃⱑⱅⱏⰹ ⱄⰲⱁⱗ. ⱑⱄⱅⰻ ⰶⰵ ⰺ҅ ⱂⰻⱅⰻ. ⱄⱏ ⱂⱐⱑⱀⰻⱌⰰⰿⰻ.
24:50
ⱂⱃⰻⰴⰵⱅⱏ ⰳ҃ⱐ ⱃⰰⰱⰰ ⱅⱁⰳⱁ. ⰲⱏ ⰴⱐⱀⱐ ⰲⱏ ⱀ̑ⱐⰶⰵ ⱀⰵ ⱍⰰⰵⱅⱏ. ⰺ҅ ⰲⱏ ⱍⰰⱄⱏ ⰲⱏ ⱀ̑ⱐⰶⰵ ⱀⰵ ⰲⱑⱄⱅⱏ.
24:51
ⰺ҅ ⱂⱃⱁⱅⰵⱎⰵⱅⱏ ⰺ ⱂⱁⰾⱏⰿⰰ. ⰺ҅ ⱍⱔⱄⱅⱐ ⰵⰳⱁ ⱄⱏ ⱛ҅ⱂⱁⰽⱃⰻⱅⱏⰹ [ⱅⱏⰹ] ⱂⱁⰾⱁⰶⰻⱅⱏ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰺ҅ ⱄⰽⱃⱐⰶⰵⱅⱏ ⰸⱘⰱⱁⰿⱏ: !ⰸⰰ!ⱍ.