бѫдетъ бо тъгда скръбь велиѣ. ѣкаже нѣ бꙑла. Ѡтъ начѧла всего мира. доселѣ. ни ꙇ҅матъ бꙑти.

ꙇ҅ аште не бишѧ прѣкратили сѧ дьне ти. не оубо !съпсла сѧ всѣка плъть. За ꙇзбъранъꙇхъ же прѣкратѧтъ сѧ дьне ти.

Тъгда аште речетъ кто вамъ. се сьде х҃ъ. ли сьде. не ꙇмѣте вѣрꙑ.

въстанѫтъ бо лъжиі !хи. ꙇ҅ лъжиі пророци. ꙇ҅ дадѧтъ знамениѣ велиѣ ꙇ҅ чюдеса ѣко прѣльстити. аште естъ възможьно ꙇзбъранꙑѩ.

Се прѣжде рѣхъ вамъ.

аште же рекѫтъ вамъ. се въ поустꙑн̑и естъ. не ꙇ҅дѣте. се въ съкровѣхъ. не ꙇ҅мѣте вѣрꙑ.

Ѣкоже бо млъни ꙇ҅сходитъ отъ въстокъ. ꙇ҅ авлѣатъ сѧ до западъ. тако бѫдетъ ꙇ҅ пришьствие сн҃а чс҃каго.

ꙇ҅ждеже бо аште бѫдетъ троупъ тоу съберѫтъ сѧ орли.

абие же по кръби дьн̑иі тѣхъ слънце мръкнетъ. ꙇ мсць не дастъ свѣта своего. ꙇ҅ ѕвѣздꙑ ꙇ҅спадѫтъ съ неб҃се. ꙇ҅ силꙑ неб҃скꙑѩ двигнѫтъ сѧ.

Ꙇ҅ тъгда авитъ сѧ знамение сн҃а чс҃каго. грѧдѫштаго на облацѣхъ !нскъꙇхъ. съ силоѭ своеѭ велиеѭ.

ꙇ҅ посъл̑етъ ађ҃лꙑ своѩ. съ гласомь велиімь трѫбьнъꙇ҅мь ꙇ҅ съберѫтъ ꙇ҅збъранꙑѩ его. отъ четꙑрь вѣтръ. отъ коньць !нсъ. до коньць ꙇ҅хъ.

Ѡтъ смоковьницѧ же наоучите сѧ притъчи. егда оуже вѣѣ еѩ бѫдетъ млада. ꙇ҅ листвие прозѧбнетъ. вѣсте ѣко близъ естъ жѧтва.

такожде ꙇ҅ вꙑ. егда оузьрите всѣ си. вѣдите ѣко близъ естъ. при двьрехъ.

аминⸯ гл̑ѭ вамъ. ѣко не мимо ꙇ҅детъ родось. дондеже всѣ си бѫдѫтъ.

небо ꙇ҅ земл̑ѣ мимоꙇ҅детъ. а словеса моѣ не мимоꙇ҅дѫтъ.

а о дьни томь. ꙇ҅ о годинѣ тои. никтоже не вѣстъ. ни ађ҃ли неб҃сциі. тъкъмо оц҃ь единъ.

Ѣкоже бо въ дьни ноевꙑ. тако бѫдетъ ꙇ҅ въ дьнь сн҃а чс҃каго.

ѣкоже бо бѣахѫ. въ дьни прѣжде потопа. ѣдѫште ꙇ҅ пиѭште. женѧште сѧ ꙇ҅ посагаѭште. до н̑егоже дьне. вьниде ное въ ковьчегъ.

ꙇ҅ не оштютишѧ. доꙇ҅деже приде вода. ꙇ҅ вьзѧтъ всѧ. тако бѫдетъ ꙇ҅ въ пришьстие сн҃а чс҃каго.

тъгда два бѫдета на селѣ. единъ поемл̑етъ сѧ. а дроугъꙇ оставл̑ѣетъ сѧ.

двѣ мел̑ѭшти въ жрънⸯвахъ. едина поемл̑етъ сѧ. ꙇ҅ едина оставл̑ѣетъ сѧ.

бьдите оубо ѣко не вѣсте въ кѫѭ годинѫ г҃ь вашь придетъ.

Се же вѣдите. ѣко аште би вѣдѣлъ гн҃ъ храма. въ кѫѭ стражѫ тать придетъ. бьдѣлъ оубо би. ꙇ҅ не би оставилъ подърꙑти храма своего.

сего ради ꙇ҅ вꙑ бѫдѣте готови. ѣко въ ньже не мните часъ. сн҃ъ чс҃къꙇ придетъ.

Къто оубо естъ вѣрънъꙇ рабъ. ꙇ҅ мѫдрꙑ. егоже поставитъ г҃ь надъ домомь своꙇ҅мь. да дастъ ꙇ҅мъ въ врѣмѧ пиштѫ ꙇ҅хъ.

блаженъ рабъ тъ. егоже пришьдъ г҃ь свои. обрѧштетъ тако творѧшта.

*̆аминⸯ гл̑ѭ вамъ. ѣко надъ всѣмь ꙇ҅мѣниемь своꙇмь. поставитъ ꙇ.

аште ли речетъ зълъꙇ рабъ тъ. въ сръдьци своемъ. моудитъ мои гн҃ъ прити.

ꙇ҅ начьнетъ. клеврѣтꙑ своѩ. ѣсти же ꙇ҅ пити. съ пьѣницами.

придетъ г҃ь раба того. въ дьнь въ н̑ьже не чаетъ. ꙇ҅ въ часъ въ н̑ьже не вѣстъ.

ꙇ҅ протешетъ ꙇ полъма. ꙇ҅ чѧсть его съ ѵ҅покритꙑ [тꙑ] положитъ. тоу бѫдетъ плачь ꙇ҅ скрьжетъ зѫбомъ: !за!ч.