ЕВАНГЕЛИЕ ЕЖЕ Ѿ МАТѲЕꙖ
16:1
ⰺ҅ ⱂⱃⰻⱄⱅⱘⱂⱐⱎⰵ ⱇⰰⱃⰻⱄⱑⰻ. ⰺ҅ ⱄⰰⰴⱆⰽ̑ⰵⰹ. ⰺ҅ⱄⰽⱆⱎⰰⱙⱎⱅⰵ ⰻ. ⱂⱃⱁⱄⰻⱎⱔ ⰸⱀⰰⰿⰵⱀⰻⱑ ⱄⱏ ⱀⰱ҃ⱄⰵ ⱂⱁⰽⰰⰸⰰⱅⰻ ⰺ҅ⰿⱏ.
16:2
̆ⱉⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⰲⰵⱍⰵⱃⱏ ⱄⱘⱎⱅⱓ ⰳⰾ҃ⰵⱅⰵ. ⰲⰵⰴⱃⱁ ⱍⱃⱏⰿⱏⱀⱆⰵⱅⱏ ⱄⱔ ⱀⰱ҃ⱁ.
16:3
ⰺ҅ ⱓⱅⱃⱁ. ⰴⱐⱀⱐ ⱄⱐ ⰸⰻⰿⱀⱏ. ⱍⱃⱏⰿⱏⱀⱆⰵⱅⱏ ⰱⱁ ⱄⱔ ⰴⱃⱔⱄⰵⰾⱆⱗ ⱀⰱ҃ⱁ. ⰾⰻⱌⰵ ⱆⰱⱁ ⱀ҃ⱄⰻ ⱆⰿⱑⰵⱅⰵ. ⱃⰰⱄⱘⰶⰴⰰ...
16:4
Ⱃⱁⰴⱏ ⰸⱏⰾⱏⰹ ⱂⱃⱑⰾ̑ⱓⰱⱁⰴⱑⰻ. ⰸⱀⰰⰿⰵⱀⰻⱑ ⰺ҅ⱎⱅⰵⱅⱏ. ⰺ҅ ⰸⱀⰰⰿⰵⱀⰻⰵ ⱀⰵ ⰴⰰⱄⱅⱏ ⱄⱔ ⰵⰿⱆ. ⱅⱏⰽⱏⰿⱁ ⰸⱀⰰⰿⰵⱀⰻⰵ ⰺⱁⱀⱑ ⱂⱃⱁⱃⱁⰽⱆ. ⰺ҅ ⱁⱄⱅⰰⰲⱐ ⱗ ⱁⱅⰻⰴⰵ.
16:5
Ⰺ ⱂⱃⱑⱎⱐⰴⱏⱎⰵ ⱆⱍⰵⱀⰻⱌⰻ ⱀⰰ ⱁⱀⱏ ⱂⱁⰾⱏ. ⰸⰰⰱⱏⰹⱎⱔ ⱈⰾⱑⰱⱏⰹ ⰲⱐⰸⱔⱅⰻ.
16:6
ⰺⱄ҃ ⰶⰵ ⱃⰵⱍⰵ ⰺ҅ⰿⱏ. ⰲⱏⱀⰵⰿⰾ̑ⱑⱅⰵ ⰺ ⰱⰾ̑ⱓⰴⱑⱅⰵ ⱄⱔ. ⱁⱅⱏ ⰽⰲⰰⱄⰰ ⱇⰰⱃⰻⱄⰵⰺ҅ⱄⰽⰰ. ⰺ҅ ⱄⰰⰴⱆⰽ̑ⰵⰺ҅ⱄⰽⰰ.
16:7
ⱁⱀⰻ ⰶⰵ ⱂⱁⰿⱏⰹⱎⰾ̑ⱑⰰⱈⱘ ⰳⰾ̑ⱙⱎⱅⰵ. ⰽⰰⰽⱁ ⱈⰾⱑⰱⱏ ⱀⰵ ⰲⱏⰸⱔⱈⱁⰿⱏ.
16:8
ⱃⰰⰸⱆⰿⱑⰲⱏ ⰶⰵ ⰻⱄ҃ ⱃⰵⱍⰵ. ⱍⱐⱅⱁ ⰿⱏⰹⱄⰾⰻⱅⰵ ⰲⱐ ⱄⰵⰱⱑ ⰿⰰⰾⱁⰲⱑⱃⰻ. ⱑⰽⱁ ⱈⰾⱑⰱⱏ ⱀⰵ ⰲⱏⰸⱔⱄⱅⰵ.
16:9
ⱀⰻ ⰾⰻ ⱃⰰⰸⱆⰿⱑⱄⱅⰵ ⱀⰻ ⱂⱁⰿⱏⰹⱄⰾⰻⱅⰵ. ⰴ҃ ⱈⰾⱑⰱⱏ. ⱂⱔⱅⰻ ⱅⱏⰹⱄⱔⱎⱅⱐ. ⰺ҅ ⰽⱁⰾⰻⰽⱁ ⰽⱁⱎⱐⱀⰻⱌⱐ ⰲⱐⰸⱔⱄⱅⰵ.
16:10
ⱀⰻ !ⰶ ⱈⰾⱑⰱⱏ. ⱍⰵⱅⱏⰹⱃⰵⰿⱏ ⱅⱏⰹⱄⱔⱎⱅⰰⰿⱏ. ⰺ҅ ⰽⱁⰾⰻⰽⱁ ⰽⱁⱎⱐⱀⰻⱌⱐ ⰲⱐⰸⱔⱄⱅⰵ.
16:11
ⰽⰰⰽⱁ ⱀⰵ ⱃⰰⰸⱆⰿⱑⰵⱅⰵ. ⱑⰽⱁ ⱀⰵ ⱁ ⱈⰾⱑⰱⱑⱈⱏ ⰲⰰⰿⱏ ⰲⱏⱀⱏⰿⰰⱅⰻ ⱃⱑⱈⱏ: ⱈⱃⰰⱀⰻⱅⰵ ⰶⰵ ⱄⱔ. ⱁⱅⱏ ⰽⰲⰰⱄⰰ ⱇⰰⱃⰻⱄⰵⰻⱄⰽⰰ ⰺ҅ ⱄⰰⰴⱆⰽ̑ⰵⰺⱄⰽⰰ.
16:12
ⱅⱏⰳⰴⰰ ⱃⰰⰸⱆⰿⱑⱎⱔ ⱑⰽⱁ ⱃⰵⱍⰵ ⱈⱃⰰⱀⰻⱅⰵ ⱄⱔ. ⱀⰵ ⱁⱅ ⰽⰲⰰⱄⰰ ⱈⰾⱑⰱⱏⱀⰰⰰⰳⱁ. ⱀⱏ ⱁⱅⱏ ⱆⱍⰵⱀⰻⱑ ⱇⰰⱃⰻⱄⰵⰻⱄⰽⰰ ⰺ҅ ⱄⰰⰴⱆⰽⰵⰺ҅ⱄⰽⰰ:
16:13
Ⱂⱃⰻⱎⱐⰴⱏ ⰶⰵ ⰻⱄ҃. ⰲⱏ ⱄⱅⱃⰰⱀⱘ ⰽ̑ⰵⱄⰰⱃⰻⱗ ⱇⰻⰾⰻⱂⱁⰲⱏⰹ. ⰲⱏⱂⱃⰰⱎⰰⰰⱎⰵ ⱆⱍⰵⱀⰻⰽⱏⰹ ⱄⰲⱁⱗ ⰳⰾ҃ⱔ. ⰽⱁⰳⱁ ⰳⰾ̑ⱙⱅⱏ ⰿⱔ ⱍⱌ҃ⰻ ⱄⱘⱎⱅⰰ. ⱄⱀ҃ⰰ ⱍⱄ҃ⰽⰰⰳⱁ.
16:14
ⱉⱀⰻ ⰶⰵ ⱃⱑⱎⱔ ⰵⰿⱆ. ⱁⰲⰻ ⰺ҅ⱁⰰⱀⰰ ⰽⱃⱄⱅⰻⱅⰵⰾ̑ⱑ. ⰺ҅ⱀⰻ ⰶⰵ ⰺ҅ⰾⰻⱙ. ⰴⱃⱆⰸⰻ ⰶⰵ ⰺ҅ⰵⱃⰵⰿⰻⱙ. ⰾⰻ ⰵⰴⰻⱀⱁⰳⱁ ⱁⱅⱏ ⱂⱃⱁⱃⱁⰽⱏ.
16:15
ⰳⰾ҃ⰰ ⰺ҅ⰿⱏ ⰻⱄ҃. ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ.
16:16
ⱁⱅⱏⰲⱑⱎⱅⰰⰲⱐ ⰶⰵ ⱄⰻⰿⱁⱀⱏ ⱂⰵⱅⱃⱏ ⱃⰵⱍⰵ. ⱅⱏⰹ ⰵⱄⰻ ⱈ҃ⱏ ⱄⱀ҃ⱏ ⰱ҃ⰰ ⰶⰻⰲⰰⰳⱁ.
16:17
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰵⰿⱆ. Ⰱⰾⰰⰶⰵⱀⱏ ⰵⱄⰻ ⱄⰻⰿⱁⱀⰵ ⰲⰰⱃⰻⱁⱀⰰ. ⱑⰽⱁ ⱂⰾⱐⱅⱐ ⰺ҅ ⰽⱃⱏⰲⱐ ⱀⰵ ⰰⰲⰻ ⱅⰵⰱⱑ. ⱀⱏ ⱁⱌ҃ⱐ ⰿⱁⰻ ⰺ҅ⰶⱐ ⰵⱄⱅⱏ ⱀⰰ ⱀⰱ҃ⱈⱏ.
16:18
Ⰺ҅ ⰰⰸⱏ ⰶⰵ ⱅⰵⰱⱑ ⰳⰾ̑ⱙ. ⱑⰽⱁ ⱅⱏⰹ ⰵⱄⰻ ⱂⰵⱅⱃⱏ. ⰺ҅ ⱀⰰ ⱄⰵⰿⱐ ⰽⰰⰿⰵⱀⰵ. ⱄⱏⰸⰻⰶⰴⱘ ⱌⱃⱏⰽⱁⰲⱐ ⰿⱁⱙ. ⰺ҅ ⰲⱃⰰⱅⰰ ⰰⰴⱁⰲⰰ ⱀⰵ ⱆⰴⰵⰾⱑⱙⱅⱏ ⰵⰻ.
16:19
ⰺ҅ ⰴⰰⰿⱐ ⱅⰵⰱⱑ ⰽⰾⱓⱍⱔ ⱌⱃ҃ⱄⱅⰲⰻⱑ ⱀⰵⰱ҃ⱄⰽⰰⰰⰳⱁ. ⰺ҅ ⰵⰶⰵ ⰰⱎⱅⰵ ⱄⱏⰲⱔⰶⰵⱎⰻ ⱀⰰ ⰸⰵⰿⰾⰻ. ⰱⱘⰴⰵⱅⱏ ⱄⱏⰲⱔⰸⰰⱀⱏ ⱀⰰ ⱀⰵⰱ҃ⱄⱈⱏ. ⰺ҅ ⰵⰶⰵ ⰰⱎⱅⰵ ⱃⰰⰸⰴⱃⱑⱎⰻⱎⰻ ⱀⰰ ⰸⰵⰿⰾⰻ. ⰱⱘⰴⰵⱅⱏ ⱃⰰⰸⰴⱃⱑⱎⰵ ⰱⱁⱅⱘ.