ЕВАНГЕЛИЕ ЕЖЕ Ѿ МАТѲЕꙖ
15:1
Ⱅⱏⰳⰴⰰ ⱂⱃⰻⱄⱅⱘⱂⰻⱎⱔ ⰽⱏ ⰺⱄ҃ⰲⰻ. ⰺ҅ⰶⰵ ⰱⱑⰰⱈⱘ ⰲⱏ ⰺⰾ҃ⰿⱑ. ⰽⱏⱀⰻⰶⱐⱀⰻⱌⰻ ⰺ҅ ⱇⰰⱃⰻⱄⱑⰻ ⰳⰾ̑ⱙⱎⱅⰵ.
15:2
ⱂⱁ ⱍⱐⱅⱁ ⱆⱍⰵⱀⰻⱌⰻ ⱅⰲⱁⰻ ⱂⱃⱑⱄⱅⱘⱂⰰⱙⱅⱏ. ⱂⱃⱑⰴⰰⰰⱀⰻⰵ ⱄⱅⰰⱃⱐⱌⱐ. ⱀⰵ ⱁⰿⱏⰹⰲⰰⱙⱅⱏ ⰱⱁ ⱃⱘⰽⱏ ⱄⰲⱁⰺⱈⱏ. ⰵⰳⰴⰰ ⱈⰾⱑⰱⱏ ⱑⰴⱔⱅⱏ.
15:3
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⱂⱁ ⱍⱐⱅⱁ ⰲⱏⰹ ⱂⱃⱑⱄⱅⱘⱂⰰⰵⱅⰵ ⰸⰰⱂⱁⰲⱑⰴⱐ ⰱⰶ҃ⰻⱙ. ⰸⰰ ⱂⱃⱑⰴⰰⱀⰻⰵ ⰲⰰⱎⰵ.
15:4
ⰱ҃ⱏ ⰱⱁ ⰸⰰⱂⱁⰲⱑⰴⱑ ⰳⰾ̑ⱔ. ⱍⱐⱅⰻ ⱁⱌ҃ⰰ ⰺ҅ ⰿⱃ҃ⱐ. ⰺ҅ ⰻⰶⰵ ⰸⱏⰾⱁⱄⰾⱁⰲⰻⱅⱏ ⱁⱌ҃ⰰ ⰾⰻ ⰿⱃ҃ⱐ. ⱄⱏⰿⱃⱏⱅⰻⱙ ⰴⰰ ⱆⰿⱐⱃⰵⱅⱏ.
15:5
ⰲⱏⰹ ⰶⰵ ⰳⰾ҃ⰵⱅⰵ. ⰺ҅ⰶⰵ ⰽⱁⰾⰻⰶⱐⰴⱁ ⱃⰵⱍⰵⱅⱏ ⱁⱌ҃ⱓ ⰾⰻ ⰿⱃ҃ⰻ ⰴⰰⱃⱏ. ⰺ҅ⰶⰵ ⰽⱁⰾⰻⰶⱐⰴⱁ ⱁⱅⱏ ⰿⰵⱀⰵ. ⱂⱁⰾⱐⰸⰵⰲⰰⰾⱏ ⱄⱔ ⰵⱄⰻ. ⰺ҅ⰶⰵ ⱀⰵ ⱂⱁⱍⱐⱅⰵⱅⱏ ⱁⱌ҃ⰰ ⰾⰻ ⰿⱃ҃ⰵ ⱄⰲⱁⰵⱗ.
15:6
ⰺ҅ ⱃⰰⰸⱁⱃⰻⱄⱅⰵ ⰸⰰⰽⱁⱀⱏ ⰱⰶ҃ⰹⰻ. ⰸⰰ ⱂⱃⱑⰴⰰⰰⱀⰻⰵ ⰲⰰⱎⰵ.
15:7
ⰾⰻⱌⰵⰿⱑⱃⰻ. ⰴⱁⰱⱃⱑ ⱂⱃⱁⱃⱁⱍⱐⱄⱅⰲⱁⰲⰰ ⱁ ⰲⰰⱄ ⰺ҅ⱄⰰⰺ҅ⱑ ⰳⰾ̑ⱔ.
15:8
ⱂⱃⰻⰱⰾⰻⰶⰰⱙⱅⱏ ⱄⱔ ⰾ̑ⱓⰴⰻⰵ ⱄⰻⰹ ⱆⱄⱅⱏⰹ ⱄⰲⱁⰺ҅ⰿⰻ. ⰺ҅ ⱆⱄⱅⱏⱀⰰⰿⰻ ⱍⱐⱅⱘⱅⱏ ⰿⱔ. ⰰ ⱄⱃⱏⰴⱐⱌⰵ ⰺ҅ⱈⱏ ⰴⰰⰾⰵⱍⰵ ⱁⱅⱏⱄⱅⱁⰺ҅ⱅⱏ ⱁⱅⱏ ⰿⰵⱀⰵ.
15:9
ⱄⱆⰵ ⰶⰵ ⱍⱐⱅⱘⱅⱏ ⰿⱔ. ⱆⱍⱔⱎⱅⰵ ⱆⱍⰵⱀⰻⱑ. ⰸⰰⱂⱁⰲⱑⰴⰻ ⱍⱄ҃ⰽⱏⰹ.
15:10
ⰺ҅ ⱂⱃⰻⰸⱏⰲⰰⰲⱏ ⰶⰵ ⱀⰰⱃⱁⰴⱏⰹ ⱃⰵⱍⰵ ⰺ҅ⰿⱏ. Ⱄⰾⱏⰹⱎⰻⱅⰵ ⰺ҅ ⱃⰰⰸⱆⰿⱑⰺ҅ⱅⰵ.
15:11
ⱀⰵ ⰲⱏⱈⱁⰴⱔⱎⱅⰵⰵ ⰲⱏ ⱆⱄⱅⰰ ⱄⰽⰲⱃⱏⱀⰻⱅⱏ ⱍⰽ҃ⰰ. ⱀⱏ ⰺ҅ⱄⱈⱁⰴⱔⱎⱅⰵⰵ ⰺ҅ⰸ ⱆⱄⱅⱏ ⱄⰽⰲⱃⱏⱀⰻⱅⱏ ⱍⰽ҃ⰰ.
15:12
Ⱅⱏⰳⰴⰰ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⱃⱑⱎⱔ ⰵⰿⱆ. ⰲⱑⱄⰻ ⰾⰻ ⱑⰽⱁ ⱇⰰⱃⰻⱄⰵⰻ. ⱄⰾⱏⰹⱎⰰⰲⱏⱎⰵ ⱄⰾⱁⰲⱁ ⱄⱏⰱⰾⰰⰶⱀⰻⱎⱔ ⱄⱔ.
15:13
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⰲⱄⱑⰽⱏ ⱄⰰⰴⱏ ⰵⰳⱁⰶⰵ ⱀⰰⱄⰰⰴⰻ ⱁⱌ҃ⱐ ⰿⱁⰻ ⱀⰵⰱ҃ⱄⰽⱏⰺ. ⰺ҅ⱄⰽⱁⱃⰵⱀⰻⱅⱏ ⱄⱔ.
15:14
ⱉⱄⱅⰰⱀⱑⱅⰵ ⰺ҅ⱈⱏ. ⰲⱁⰶⰴⰻ ⱄⱘⱅⱏ ⱄⰾⱑⱂⰻ ⱄⰾⱑⱂⱐⱌⰵⰿⱏ. ⱄⰾⱑⱂⱏ ⰶⰵ ⱄⰾⱑⱂⱐⱌⰰ ⰰⱎⱅⰵ ⰲⱁⰴⰻⱅⱏ. ⱁⰱⰰ ⰲⱏ ⱑⰿⱘ ⰲⱏⱂⰰⰴⰵⱅⰰ ⱄⱔ.
15:15
Ⱉⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⱃⰵⱍⰵ ⰵⰿⱆ. ⱄⱏⰽⰰⰶⰻ ⱀⰰⰿⱏ ⱂⱃⰻⱅⱏⱍⱘ ⱄⰻⱙ.
15:16
ⰻⱄ҃ ⰶⰵ ⱃⰵⱍⰵ ⰵⰿⱆ. ⰵⰴⱏⱀⰰⱍⰵ ⰾⰻ ⰲⱏⰹ ⰱⰵⰸⰴ ⱃⰰⰸⱆⰿⰰ ⰵⱄⱅⰵ.
15:17
ⱀⰵ ⱆ ⰾⰻ ⱃⰰⰸⱆⰿⱑⰲⰰⰵⱅⰵ ⱑⰽⱁ ⰲⱄⱑⰽⱁ ⰵⰶⰵ ⰲⱏⱈⱁⰴⰻⱅⱏ ⰲⱏ ⱆⱄⱅⰰ. ⰲⱏ ⱍⱃⱑⰲⱁ ⰲⱏⰿⱑⱎⱅⰰⰵⱅⱏ ⱄⱔ ⰺ҅ ⰰⱇⱃⰵⰴⱁⰿⱐ ⰺ҅ⱄⱈⱁⰴⰻⱅⱏ.
15:18
ⰰ ⰺ҅ⱄⱈⱁⰴⱔⱎⱅⰰⰰ ⰺ҅ⰸ ⱆⱄⱅⱏ. ⱁⱅⱏ ⱄⱃⱏⰴⸯⱌⰰ ⰺⱄⱈⱁⰴⱔⱅⱏ. ⰺ҅ ⱅⰰ ⱄⰽⰲⱃⱏⱀⱔⱅⱏ ⱍⰽ҃ⰰ.
15:19
ⱁⱅⱏ ⱄⱃⱏⰴⱌⰰ ⰱⱁ ⰺ҅ⱄⱈⱁⰴⱔⱅⱏ. ⱂⱁⰿⱏⰹⱎⰾ̑ⰵⱀⰻⱑ ⰸⱏⰾⰰⱑ. ⱆⰱⰻⰹⱄⱅⰲⰰ ⱂⱃⱑⰾ̑ⱓⰱⱁⰴⱑⰰⱀⰻⱑ. ⱅⰰⱅⱐⰱⱏⰹ. ⰾⱏⰶⰵⱄⱏⰲⱑⰴⱑⱀⰻⱑ. ⰲⰾⰰⱄⰲⰻⰿⰻⱑ.
15:20
ⱄⰻ ⱄⱘⱅⱏ ⱄⰽⰲⱃⱏⱀⱔⱎⱅⰰⰰ ⱍⰽ҃ⰰ. ⰰ ⰵⰶⰵ ⱀⰵ ⱆⰿⱏⰲⰵⱀⰰⰿⰻ ⱃⱘⰽⰰⰿⰻ ⱑⱄⱅⰻ. ⱀⰵ ⱄⰽⰲⱃⱏⱀⱔⱅⱏ ⱍⰽ҃ⰰ.
15:21
ⰺ҅ ⰻⱎⱐⰴⱏ ⱁⱅⱏⱅⱘⰴⱆ ⰻⱄ҃. ⱁⱅⰻⰴⰵ ⰲⱏ ⱄⱅⱃⰰⱀⱘ ⱅⱆⱃⱐⱄⰽⱘ. ⰺ҅ ⱄⰻⰴⱁⱀⱐⱄⰽⱘ:
15:22
Ⰻ ⱄⰵ ⰶⰵⱀⰰ ⱈⰰⱀⰰⱀⱑⰺ҅ⱄⰽⰰ. ⱁⱅⱏ ⱂⱃⱑⰴⱑⰾⱏ. ⱅⱑⱈⱏ ⱎⱐⰴⱏⱎⰻ. ⰲⱏⰸⱏⱂⰻ ⰳⰾ҃ⱙⱎⱅⰻ. ⱂⱁⰿⰻⰾⱆⰺ҅ ⰿⱔ ⰳ҃ⰻ ⱄⱀ҃ⱆ !ⰴⰰⰲⱏ. ⰴⱏⱎⱅⰻ ⰿⱁⱑ ⰸⱐⰾⱑ ⰱⱑⱄⱏⱀⱆⰵⱅⱏ ⱄⱔ.
15:23
ⱁⱀⱏ ⰶⰵ ⱀⰵ ⱁⱅⱐⰲⱑⱎⱅⰰ ⰵⰹ ⱄⰾⱁⰲⰵⱄⰵ. ⰺ҅ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⰵⰳⱁ ⰿⱁⰾ̑ⱑⰰⱈⱘ ⰻ ⰳⰾ̑ⱙⱎⱅⰵ. ⱁⱅⱏⱂⱆⱄⱅⰻ ⱙ ⱑⰽⱁ ⰲⱏⱂⰻⰵⱅⱏ ⰲⱏ ⱄⰾⱑⰴⱏ ⱀⰰⱄⱏ.
15:24
Ⱁⱀⱏ ⰶⰵ ⱁⱅⱐⰲⱑⱎⱅⰰⰲⱏ ⱃⰵⱍⰵ. ⱀⱑⱄⰿⱐ ⱂⱁⱄⱏⰾⰰⱀⱏ ⱅⱏⰽⸯⰿⱁ ⰽⱏ ⱁⰲⱐⱌⰰⰿⱏ ⱂⱁⰳⱏⰹⰱⱏⱎⰻⰹⰿⱏ ⰴⱁⰿⱆ !ⰺ҅ⰾⰵⰲⰰ.
15:25
Ⱉⱀⰰ ⰶⰵ ⱂⱃⰻⱎⱐⰴⱏⱎⰻ ⱂⱁⰽⰾⱁⱀⰻ ⱄⱔ ⰵⰿⱆ ⰳⰾ̑ⱙⱎⱅⰻ. ⰳ҃ⰻ ⱂⱁⰿⱁⰸⰻ ⰿⰻ.
15:26
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⱀⱑⱄⱅⱏ ⰴⱁⰱⱃⱁ ⱁⱅⱔⱅⰻ ⱈⰾⱑⰱⰰ ⱍⱔⰴⱁⰿⱏ. ⰺ҅ ⱂⱁⰲⱃⱑⱎⱅⰻ ⱂⱐⱄⱁⰿⱏ.
15:27
ⱁⱀⰰ ⰶⰵ ⱃⰵⱍⰵ ⰵⰹ ⰳ҃ⰻ. ⰺ҅ⰱⱁ ⰺ҅ ⱂⱄⰻ ⱑⰴⱔⱅⱏ ⱁⱅⱏ ⰽⱃⱆⱂⰻⱌⱐ. ⱂⰰⰴⰰⱙⱎⱅⰻⰹⱈⱏ ⱁⱅⱏ ⱅⱃⰵⱂⰵⰸⱏⰹ !ⰳⰻⰹ ⱄⰲⱁⰺ҅ⱈⱏ.
15:28
ⱅⱏⰳⰴⰰ ⱁⱅⱏⰲⱑⱎⱅⰰⰲⱏ ⰻⱄ҃. ⱃⰵⱍⰵ ⰵⰻ. ⱉ ⰶⰵⱀⱁ ⰲⰵⰾⰻⱑ ⰵⱄⱅⱏ ⰲⱑⱃⰰ ⱅⰲⱁⱑ. ⰱⱘⰴⰻ ⱅⰵⰱⱑ ⱑⰽⱁⰶⰵ ⱈⱁⱎⱅⰵⱎⰻ. ⰺ҅ ⰻⱌⱑⰾⱑ ⰴⱏⱎⱅⰻ ⰵⱗ ⰲⱏ ⱅⱏ ⱍⰰⱄⱏ.
15:29
Ⰺ ⱂⱃⰻⱎⱐⰴⱏ ⱁⱅⱏⱅⱘⰴⱑ ⰻⱄ҃. ⰺ҅ⰴⰵ ⱂⱃⰻ ⰿⱁⱃⰻ ⰳⰰⰾⰻⰾⱑⰺ҅ⱄⱅⱑⰿⱐ. ⰺ҅ ⰲⱏⱎⱐⰴⱏ ⱀⰰ ⰳⱁⱃⱘ ⱄⱑⰴⰵ ⱅⱆ.
15:30
ⰺ҅ ⱂⱃⰻⱄⱅⱘⱂⰻⱎⱔ ⰽⱏ ⱀ̑ⰵⰿⱆ ⱀⰰⱃⱁⰴⰻ ⰿⱀⱁⰸⰻ. ⰺ҅ⰿⱘⱎⱅⰵ ⱄⱏ ⱄⱁⰱⱁⱙ ⱈⱃⱁⰿⱏⰹ. ⱀⱑⰿⱏⰹ. ⱄⰾⱑⱂⱏⰹ. ⰱⱑⱄⱏⱀⱏⰹ. ⰺ҅ ⰻⱀⱏⰹ ⰿⱀⱁⰳⱏⰹ. ⰺ҅ ⱂⱃⰻⰲⱑⱄⱔ ⱗ. ⰺ҅ ⱂⱃⰻⰲⱃⱏⰳⱘ ⱗ ⰽⱏ ⱀⱁⰳⰰⰿⰰ ⰻⱄ҃ⰲⰰⰿⰰ. ⰺ҅ ⰻⱌⱑⰾⰻ ⱗ.
15:31
ⱑⰽⱁ ⱀⰰⱃⱁⰴⱆ ⰴⰻⰲⰻⱅⰻ ⱄⱔ. ⰲⰻⰴⱔⱎⱅⰵ ⱀⱑⰿⱏⰹⱗ ⰳⰾ̑ⱙⱎⱅⱔ. ⰱⱑⱄⱏⱀⱏⰹⱗ ⱄⱏⰴⱃⰰⰲⱏⰹ. ⰺ҅ ⱈⱃⱁⰿⱏⰹ ⱈⱁⰴⱔⱎⱅⱔ. ⰺ҅ ⱄⰾⱑⱂⱏⰹ ⰲⰻⰴⱔⱎⱅⱔ. ⰺ҅ ⱄⰾⰰⰲⰾ̑ⱑⱈⱘ ⰱ҃ⰰ !ⰺ҅ⰸⰾⰵⰲⰰ. !ⰽⱁ!ⱌ
15:32
ⰻⱄ҃ ⰶⰵ ⱂⱃⰻⰸⱏⰲⰰⰲⱏ ⱆⱍⰵⱀⰻⰽⱏⰹ ⱄⰲⱁⱗ ⱃⰵⱍⰵ ⰺ҅ⰿⱏ. ⰿⰻⰾⱁⱄⱃⱏⰴⱆⱙ ⱁ ⱀⰰⱃⱁⰴⱑ. ⱑⰽⱁ ⱆⰶⰵ ⱅⱃⰻ ⰴⸯⱀⰻ ⱂⱃⰻⱄⱑⰴⱔⱅⱏ ⰿⸯⱀⱑ. ⰺ҅ ⱀⰵ ⰺ҅ⰿⱘⱅⱏ ⱍⰵⱄⱁ ⱑⱄⱅⰻ. ⰺ҅ ⱁⱅⱏⱂⱆⱄⱅⰻⱅⰻ ⰺ҅ⱈⱏ ⱀⰵ ⱈⱁⱎⱅⱘ ⱀⰵ ⱑⰴⱏⱎⱐ. ⰴⰰ ⱀⰵ ⰽⰰⰽⱁ ⱁⱄⰾⰰⰱⱑⱙⱅⱏ ⱀⰰ ⱂⱘⱅⰻ.
15:33
ⰺ҅ ⰳⰾ҃ⰰⱎⱔ ⰵⰿⱆ ⱆⱍⰵⱀⰻⱌⰻ. ⱁⱅⱏⰽⱘⰴⱆ ⰲⱐⰸⱏⰿⰵⰿⱏ ⱀⰰ ⱂⱆⱄⱅⱑ ⰿⱑⱄⱅⱑ ⱈⰾⱑⰱⱏⰹ. ⱀⰰⱄⱏⰹⱅⰻⱅⰻ ⱅⱁⰾⰻⰽⱁ ⱀⰰⱃⱁⰴⰰ.
15:34
ⰺ҅ ⰳⰾ҃ⰰ ⰺ҅ⰿⱏ ⰻⱄ҃. ⰽⱁⰾⰻⰽⱁ ⱈⰾⱑⰱⱏ ⰺ҅ⰿⰰⱅⰵ. ⱁⱀⰻ ⰶⰵ ⱃⱑⱎⱔ !ⰶ. ⰺ҅ ⰿⰰⰾⱁ ⱃⱏⰹⰱⰻⱌⱐ.
15:35
ⰺ҅ ⱂⱁⰲⰵⰾⱑ ⱀⰰⱃⱁⰴⱆ ⰲⱏⰸⰾⰵⱎⱅⰻ ⱀⰰ ⰸⰵⰿⰾⰻ.
15:36
ⰺ҅ ⱂⱃⰻⰺⰿⱏ !ⰶ ⱈⰾⱑⰱⱏ ⰺ҅ ⱃⱏⰹⰱⱏⰹ. ⱈⰲⰰⰾⱘ ⰲⱏⰸⰴⰰⰲⱏ ⱂⱃⱑⰾⱁⰿⰻ. ⰺ҅ ⰴⰰⱄⱅⱏ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱆⱍⰵⱀⰻⱌⰻ ⰶⰵ ⱀⰰⱃⱁⰴⱁⰿⱏ.
15:37
ⰺ҅ ⱑⱎⱔ ⰲⱄⰻ ⰺ҅ ⱀⰰⱄⱏⰹⱅⰻⱎⱔ ⱄⱔ. ⰺ҅ ⰲⱐⰸⱔⱎⱔ ⰺ҅ⰸⰱⱏⰹⱅⱐⰽⱏⰹ ⱆⰽⱃⱆⱈⱏ. !ⰶ ⰽⱁⱎⱐⱀⰻⱌⱐ ⰺ҅ⱄⱂⰾⱏⱀⱐ.
15:38
ⰺ҅ ⱑⰴⱏⱎⰻⰹⱈⱏ ⰱⱑⰰⱎⰵ ⱍⰵⱅⱏⰹⱃⰻ ⱅⱏⰹⱄⱔⱎⱅⱔ ⰿⱘⰶⱐ. ⱃⰰⰸⰲⱑ ⰶⰵⱀⱏ ⰺ҅ ⰴⱑⱅⰻⰹ.
15:39
ⰺ҅ ⱁⱅⱏⱂⱆⱎⱅⱐ ⱀⰰⱃⱁⰴⱏⰹ. Ⰲⱏⰾⱑⰸⱏ ⰲⱏ ⰽⱁⱃⰰⰱⱐ. ⰺ҅ ⱂⱃⰻⰴⰵ ⰲⱏ ⱂⱃⱑⰴⱑⰾⱏⰹ. ⰿⰰⰳⰴⰰⰾⰰⱀⱐⱄⰽⱏⰹ.