ЕВАНГЕЛИЕ ЕЖЕ Ѿ МАРЪКА
8:1
Ⰲⱏ ⱅⱏⰹ ⰴⱐⱀⰻ ⱂⰰⰽⱏⰹ ⰿⱀⱁⰳⱆ ⱀⰰⱃⱁⰴⱆ ⱄⱘⱎⱅⱓ. ⰺ҅ ⱀⰵ ⰺ҅ⰿⱘⱎⱅⰵⰿⱏ ⱍⰵⱄⱁ ⱑⱄⱅⰻ. ⱂⱃⰻⰸⱏⰲⰰⰲⱏ ⰻⱄ҃ ⱆⱍⰵⱀⰻⰽⱏⰹ ⱄⰲⱁⱗ ⰳⰾ҃ⰰ ⰺ҅ⰿⱏ.
8:2
ⰿⰻⰾⱏ ⰿⰻ ⰵⱄⱅⱏ ⱀⰰⱃⱁⰴⱏ ⱄⱐ. ⱑⰽⱁ ⱆⰶⰵ ⱅⱃⰻ ⰴⱐⱀⰻ ⱂⱃⰻⱄⱑⰴⱔⱅⱏ ⰿⱀⱑ. ⰺ҅ ⱀⰵ ⰺ҅ⰿⱘⱅⱏ ⱍⰵⱄⱁ ⱑⱄⱅⰻ.
8:3
ⰺ҅ ⰰⱎⱅⰵ ⱁⱅⱏⱂⱆⱎⱅⱘ ⱗ ⱀⰵ ⱑⰴⱏⱎⱔ ⰲⱏ ⰴⱁⰿⱏⰹ ⱄⰲⱁⱗ. ⱁⱄⰾⰰⰱⱑⱙⱅⱏ ⱀⰰ ⱂⱘⱅⰻ. ⰴⱃⱆⰸⰻⰹ ⰱⱁ ⱁⱅⱏ ⱀ̑ⰻⱈⱐ ⰺ҅ⰸⰴⰰⰾⰵⱍⰵ ⱄⱘⱅⱏ ⱂⱃⰻⱎⱐⰾⰻ.
8:4
ⰺ҅ ⱁⱅⱐⰲⱑⱎⱅⰰⱎⱔ ⰵⰿⱆ ⱆⱍⰵⱀⰻⱌⰻ ⰵⰳⱁ. ⱁⱅⱏⰽⱘⰴⱆ ⰿⱁⰶⰵⱅⱏ ⰽⱏⱅⱁ ⱄⰻⱗ ⱀⰰⱄⱏⰹⱅⰻⱅⰻ ⱈⰾⱑⰱⰰ. ⱀⰰ ⱂⱆⱄⱅⱏⰹⱀ̑ⰻ.
8:5
ⰺ҅ ⰲⱏⱂⱃⱁⱄⰻ ⱗ ⰽⱁⰾⰻⰽⱁ ⰺⰿⰰⱅⰵ ⱈⰾⱑⰱⱏ. ⱁⱀⰻ ⰶⰵ ⱃⱑⱎⱔ !ⰶ.
8:6
ⰺ҅ ⱂⱁⰲⰵⰾⱑ ⱀⰰⱃⱁⰴⱆ ⰲⱐⰸⰾⰵⱎⱅⰻ ⱀⰰ ⰸⰵⰿⰾ̑ⰻ. ⰺ҅ ⱂⱃⰻⰹⰿⱏ ⱄⰵⰴⰿⱐ ⱅⱘ ⱈⰾⱑⰱⱏ. ⱈⰲⰰⰾⱘ ⰲⱏⰸⰴⰰⰲⱏ ⱂⱃⱑⰾⱁⰿⰻ. ⰺ҅ ⰴⰰⱑⱎⰵ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ ⰴⰰ ⱂⱃⱑⰴⱐⱂⱁⰾⰰⰳⰰⱙⱅⱏ. ⰺ҅ ⱂⱁⰾⱁⰶⰻⱎⱔ ⱂⱃⱑⰴⱏ ⱀⰰⱃⱁⰴⱁⰿⱐ.
8:7
ⰺ҅ ⰻⰿⱑⰰⱈⱘ ⱃⱏⰹⰱⰻⱌⱐ ⰿⰰⰾⱁ. ⰺ҅ ⱅⱏⰹ ⰱⰳ҃ⰲⰻⰲⱏ ⱃⰵⱍⰵ. ⱂⱃⱑⰴⱏⰾⱁⰶⰻⱅⰵ ⰺ҅ ⱅⱏⰹ.
8:8
ⱑⱎⱔ ⰶⰵ ⰺ҅ ⱀⰰⱄⱏⰹⱅⰻⱎⱔ ⱄⱔ. ⰺ҅ ⰲⱐⰸⱔⱎⱔ ⰺ҅ⰸⰱⱏⰹⱅⱏⰽⱏⰹ ⱆⰽⱃⱆⱈⱏ. ⱄⰵⰴⰿⱐ ⰽⱁⱎⱐⱀⰻⱌⱐ.
8:9
ⰱⱑ ⰶⰵ ⱑⰴⱏⱎⰻⰹⱈⱏ. ⱑⰽⱁ ⱍⰵⱅⱏⰹⱃⰻ ⱅⱏⰹⱄⱘⱎⱅⱔ. ⰺ҅ ⱁⱅⱏⱂⱆⱄⱅⰻ ⱗ.
8:10
ⰺ҅ ⰰⰱⱐⰵ ⰲⱐⰾⱑⰸⱏ ⰲⱏ ⰽⱁⱃⰰⰱⱐ. ⱄⱏ ⱆⱍⰵⱀⰻⰽⱏⰹ ⱄⰲⱁⰺ҅ⰿⰻ. ⱂⱃⰻⰴⰵ ⰲⱏ ⱄⱅⱃⰰⱀⱏⰹ ⰴⰰⰾⱐⰿⰰⱀⱆⱇⰰⱀⱐⱄⰽⱏⰹ.
8:11
ⰺ҅ ⰻⰸⰻⰴⱘ ⱇⰰⱃⰻⱄⱑⰻ. ⰺ҅ ⱀⰰⱍⱔⱎⱔ ⱄⱏⱅⱔⰸⰰⱅⰻ ⱄⱔ ⱄⱏ ⱀ̑ⰻⰿⱐ. ⰺ҅ⱄⰽⱘⱎⱅⰵ ⱁⱅⱏ ⱀ̑ⰵⰳⱁ ⰸⱀⰰⰿⰵⱀⱐⱑ ⱄⱐ !ⱀⱄⰵ. ⰺ҅ⱄⰽⱆⱎⰰⱙⱎⱅⰵ ⰻ.
8:12
ⰺ҅ ⰲⱏⰸⰴⱏⱈⱀⱘⰲⱏ ⰴⱈ҃ⱁⰿⱐ ⱄⰲⱁⰺⰿⱐ ⰳⰾ҃ⰰ. ⱍⱐⱅⱁ ⱃⱁⰴⱁⱄⱐ ⰸⱀⰰⰿⰵⱀⱐⱑ ⰺ҅ⱎⱅⰵⱅⱏ. ⰰⰿⰻⱀⸯ. ⰳⰾ̑ⱙ ⰲⰰⰿⱏ. ⰰⱎⱅⰵ ⰴⰰⱄⱅⱏ ⱄⱔ ⱃⱁⰴⱆ ⱄⰵⰿⱆ ⰸⱀⰰⰿⰵⱀⰻⰵ.
8:13
ⰺ҅ ⱁⱄⱅⰰⰲⱐ ⱗ. ⰲⱏⰾⱑⰸⱏ ⱂⰰⰽⱏⰹ ⰲⱏ ⰽⱁⱃⰰⰱⰾ̑ⱐ. ⰺ҅ⰴⰵ ⱀⰰ ⱁⱀⱏ ⱂⱁⰾⱏ.
8:14
ⰺ҅ ⰸⰰⰱⱏⰹⱎⱔ ⰲⱐⰸⱔⱅⰻ ⱈⰾⱑⰱⱏⰹ. ⰺ҅ ⱃⰰⰸⰲⱑ. ⰵⰴⰻⱀⱁⰳⱁ ⱈⰾⱑⰱⰰ. ⱀⰵ ⰺ҅ⰿⱑⰰⱈⱘ ⱄⱏ ⱄⱁⰱⱁⱙ ⰲⱏ ⰽⱁⱃⰰⰱⰻ.
8:15
ⰺ҅ ⱂⱃⱑⱎⱅⰰⰰⱎⰵ ⰺ҅ⰿⱏ ⰳⰾ҃ⱔ. ⰲⰻⰴⰻⱅⰵ ⰱⰾ̑ⱓⰴⱑⱅⰵ ⱄⱔ. ⱁⱅⱏ ⰽⸯⰲⰰⱄⰰ ⱇⰰⱃⰻⱄⱑⰺ҅ⱄⰽⰰ. ⰺ҅ ⱁⱅⱏ ⰽⸯⰲⰰⱄⰰ ⰺ҅ⱃⱁⰴⱁⰲⰰ.
8:16
ⰺ҅ ⱂⱁⰿⱏⰹⱎⰾ̑ⱑⰰⱈⱘ ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⱙⱎⱅⰵ. ⱑⰽⱁ ⱈⰾⱑⰱⱏ ⱀⰵ ⰺ҅ⰿⰰⰿⱏ.
8:17
ⱍⱐⱅⱁ ⱂⱁⰿⱏⰹⱎⰾ̑ⱑⰰⱅⰵ ⱑⰽⱁ ⱈⰾⱑⰱⱏ ⱀⰵ ⰺ҅ⰿⰰⱅⰵ. ⱀⰵ ⱆ ⰾⰻ ⱍⱓⰵⱅⰵ ⱀⰻ ⱃⰰⰸⱆⰿⱑⰵⱅⰵ. ⱁⰽⰰⰿⰵⱀ̑ⰵⱀⱁ ⰾⰻ ⰺ҅ⰿⰰⱅⰵ ⱄⱃⱏⰴⱐⱌⰵ ⰲⰰⱎⰵ.
8:18
ⱁⱍⰻ ⰺ҅ⰿⱘⱎⱅⰵ ⱀⰵ ⰲⰻⰴⰻⱅⰵ. ⰺ҅ ⱆⱎⰻ ⰺ҅ⰿⱘⱎⱅⰵ. ⱀⰵ ⱄⰾⱏⰹⱎⰻⱅⰵ. ⰺ҅ ⱀⰵ ⱂⱁⰿⱐⱀⰻⱅⰵ ⰾⰻ.
8:19
ⰵⰳⰴⰰ ⱂⱔⱅⱐ ⱈⰾⱑⰱⱏ ⱂⱃⱑⰾⱁⰿⰻⱈⱏ. ⰲⱐ ⱂⱔⱅⱐ ⱅⱏⰹⱄⱘⱎⱅⱐ. ⰺ҅ ⰽⱁⰾⰻⰽⱁ ⰽⱁⱎⱐ ⱆⰽⱃⱆⱈⱏ ⰲⱐⰸⱔⱄⱅⰵ. ⰳⰾ҃ⰰⱎⱔ ⰵⰿⱆ. !ⰱ!ⰺ.
8:20
ⰺ҅ ⰵⰳⰴⰰ ⱄⰵⰴⰿⰻⱗ ⰲⱏ ⱍⰵⱅⱏⰹⱃⰻ ⱅⱏⰹⱄⱘⱎⱅⱔ. ⰽⱁⰾⰻⰽⱁ ⰽⱁⱎⱐⱀⰻⱌⱐ ⰺ҅ⱄⱂⰾⱏⱀ̑ⰵⱀⱐⱑ ⱆⰽⱃⱆⱈⱏ ⰲⱐⰸⱔⱄⱅⰵ. ⱁⱀⰻ ⰶⰵ ⱃⱑⱎⱔ !ⰶ.
8:21
ⰺ҅ ⰳⰾ҃ⰰ ⰺ҅ⰿⱏ ⱀⰵ ⱆ ⰾⰻ ⱃⰰⰸⱆⰿⱑⰵⱅⰵ.
8:22
Ⰺ҅ ⱂⱃⰻⰴⰵ ⰲⱏ ⰲⰻⰴⱐⱄⰰⰺ҅ⰴⱘ. ⰺ҅ ⱂⱃⰻⰲⰵⰴⱁⱎⱔ ⰽⱏ ⱀ̑ⰵⰿⱆ ⱄⰾⱑⱂⰰ. ⰺ҅ ⰿⱁⰾ̑ⱑⰰⱈⱘ ⰹ. ⰴⰰ ⰹ ⰽⱁⱄⱀⰵⱅⱏ.
8:23
ⰺ҅ ⰻⰿⱏ ⰸⰰ ⱃⱘⰽⱘ ⱄⰾⱑⱂⰰⰵⰳⱁ. ⰺ҅ ⰻⰸⰲⰵⰴⰵ ⰻ ⰲⱏⱀⱏ ⰺ҅ⰸ ⰲⱐⱄⰻ. ⰺ҅ ⱂⰾⰻⱀⱘ ⱀⰰ ⱁⱍⰻ ⰵⰳⱁ. ⰲⱏⰸⰾⱁⰶⰻ ⱃⱘⱌⱑ ⱀⰰ ⱀ̑ⱐ. ⰲⱏⱂⱃⰰⱎⰰⰰⱎⰵ ⰻ ⰰⱎⱅⰵ ⱍⱐⱅⱁ ⰲⰻⰴⰻⱅⱏ.
8:24
ⰺ҅ ⰲⱏⰸⱐⱃⱑⰲⱏ ⰳⰾ҃ⰰⰰⱎⰵ ⰲⰻⰶⰴⱘ ⱍⰽ҃ⱏⰹ. ⱑⰽⱁ ⰴ..... ⰲⰻⰶⰴⱘ ⱈⱁⰴⱔⱎⱅⱔ.
8:25
ⱂⱁⱅⱁⰿⱐ ⰶⰵ ⱂⰰⰽⱏⰹ ⰲⱏⰸⰾⱁⰶⰻ ⱃⱘⱌⱑ ⱀⰰ ⱁⱍⰻ ⰵⰳⱁ. ⰺ҅ ⱄⱏⱅⰲⱁⱃⰻ ⰹ ⱂⱃⱁⰸⱐⱃⱑⱅⰻ. ⰺ҅ ⱆⱅⰲⱁⱃⰻ ⱄⱔ. ⰺ҅ ⱆⰸⱐⱃⱑ ⰲⱄⱔ ⱄⰲⱑⱅⱏⰾⱁ.
8:26
ⰺ҅ ⱂⱁⱄⱏⰾⰰ ⰹ ⰲⱏ ⰴⱁⰿⱏ ⰵⰳⱁ ⰳⰾ҃ⱔ. ⱀⰻ ⰲⱏ ⰲⱐⱄⱐ ⰲⱐⱀⰻⰴⰻ. ⱀⰻ ⱂⱁⰲⱑⰶⰴⱐ ⱀⰻⰽⱁⰿⱆⰶⰵ ⰲⱏ ⰲⱐⱄⰻ.
8:27
Ⰺ҅ⰸⰻⰴⰵ ⰶⰵ ⰻⱄ҃. ⰺ҅ ⱆⱍⰵⱀⰻⱌⰻ ⰵⰳⱁ. ⰲⱏ ⰲⱐⱄⱐ ⰽ̑ⰵⱄⰰⱃⰻⱗ ⱇⰻⰾⰻⱂⱁⰲⱏⰹ. ⰺ҅ ⱀⰰ ⱂⱘⱅⰻ ⰲⱏⱂⱃⰰⱎⰰⰰⱎⰵ ⱆⱍⰵⱀⰻⰽⱏⰹ ⱄⰲⱁⱗ ⰳⰾ҃ⱔ ⰺ҅ⰿⱏ. ⰽⱁⰳⱁ ⰿⱔ ⰳⰾ҃ⰵⱅⰵ ⱍⱌ҃ⰻ ⰱⱏⰹⱅⰻ.
8:28
ⱁⱀⰻ ⰶⰵ ⱁⱅⱏⰲⱑⱎⱅⰰⱎⱔ. ̆ⱉⰲⰻ ⰺ҅ⱁⰰⱀⰰ ⰽⱃⱐⱄⱅⰻⱅⰵⰾ̑ⱑ. ⰺ҅ ⰻⱀⰻ ⰺ҅ⰾⰻⱙ. ⰰ ⰴⱃⱆⰸⰻⰹ ⰵⰴⰻⱀⱁⰳⱁ ⱁⱅⱏ ⱂⱃⱁⱃⱁⰽⱏ.
8:29
ⰺ҅ ⱅⱏ ⰳⰾ҃ⰰ ⰺ҅ⰿⱏ. ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ. ⱁⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ. ⰳⰾ҃ⰰ ⰵⰿⱆ. ⱅⱏⰹ ⰵⱄⰻ ⱈ҃ⱏ.
8:30
ⰺ҅ ⰸⰰⱂⱃⱑⱅⰻ ⰺ҅ⰿⱏ. ⰴⰰ ⱀⰻⰽⱁⰿⱆⰶⰵ ⱀⰵ ⰳⰾ̑ⱙⱅⱏ ⱁ ⱀ̑ⰵⰿⱐ.
8:31
ⰺ҅ ⱀⰰⱍⱔⱅⱏ ⱆⱍⰻⱅⰻ ⱗ. ⱑⰽⱁ ⱂⱁⰴⱁⰱⰰⰵⱅⱏ ⱄⱀ҃ⱆ ⱍⱄ҃ⰽⱆⰿⱆ. ⰿⱀⱁⰳⱁ ⱂⱁⱄⱅⱃⰰⰴⰰⱅⰻ. ⰺ҅ ⰻⱄⰽⱆⱎⰵⱀⱆ ⰱⱏⰹⱅⰻ. ⱁⱅⱏ ⱄⱅⰰⱃⱐⱌⱐ. ⰺ҅ ⰰⱃⸯⱈⰻⰵⱃⰵⰹ. ⰺ҅ ⰽⱏⱀⰻⰶⱐⱀⰻⰽⱏ. ⰺ҅ ⱆⰱⰻⰵⱀⱆ ⰱⱏⰹⱅⰻ. ⰺ҅ ⱅⱃⰵⱅⰻⰹ ⰴⱀⱐ ⰲⱏⱄⰽⱃⱏⱄⱀⱘⱅⰻ.
8:32
ⰺ҅ ⱀⰵ ⱁⰱⰻⱀⱆⱗ ⱄⱔ ⱄⰾⱁⰲⱁ ⰳⰾ҃ⰰⰰⱎⰵ. ⰺ҅ ⱂⱃⰻⰵⰿⱏ ⰹ ⱂⰵⱅⱃⱏ. ⱀⰰⱍⱔⱅⱏ ⱂⱃⱑⱅⰻⱅⰻ ⰵⰿⱆ.
8:33
ⱁⱀⱏ ⰶⰵ ⱁⰱⱃⰰⱎⱅⱐ ⱄⱔ ⰺ҅ ⰲⱏⰸⱐⱃⱑⰲⱏ ⱀⰰ ⱆⱍⰵⱀⰻⰽⱏⰹ ⱄⰲⱁⱗ. ⰸⰰⱂⱃⱑⱅⰻ ⱂⰵⱅⱃⱁⰲⰻ ⰳⰾ҃ⱔ. ⰺ҅ⰴⰻ ⰸⰰ ⰿⱏⱀⱁⱙ ⱄⱁⱅⱁⱀⱁ. ⱑⰽⱁ ⱀⰵ ⰿⱏⰹⱄⰾⰻⱎⰻ ⱑⰶⰵ ⱄⱘⱅⱏ ⰱⰶ҃ⱐⱑ. ⱀⱏ ⱑⰶⰵ ⱍⱄ҃ⰽⰰⰰ.
8:34
Ⰺ҅ ⱂⱃⰻⰸⱏⰲⰰⰲⱏ ⱀⰰⱃⱁⰴⱏⰹ. ⱄⱏ ⱆⱍⰵⱀⰻⰽⱏⰹ ⱄⰲⱁⰺ҅ⰿⰻ. ⱃⰵⱍⰵ ⰺ҅ⰿⱏ. ⰺ҅ⰶⰵ ⱈⱁⱎⱅⰵⱅⱏ ⱂⱁ ⰿⱀⱑ ⰺ҅ⱅⰻ. ⰴⰰ ⱁⱅⱏⰲⱃⱏⰶⰵⱅⱏ ⱄⱔ ⱄⰵⰱⰵ. ⰺ҅ ⰲⱏⰸⱏⰿⰵⱅⱏ !ⰽⱃⱄⱅⱏ ⱄⰲⱁⰹ. ⰺ҅ ⰳⱃⱔⰴⰵⱅⱏ ⱂⱁ ⰿⱀⱑ.
8:35
ⰺ҅ⰶⰵ ⰱⱁ ⰰⱎⱅⰵ ⱈⱁⱎⱅⰵⱅⱏ ⰴⱎ҃ⱘ ⱄⰲⱁⱙ ⱄⱏⱂⰰⱄⱅⰻ ⱂⱁⰳⱆⰱⰻⱅⱏ ⱙ. ⰺ҅ ⰻⰶⰵ ⱂⱁⰳⱆⰱⰻⱅⱏ ⰴⱎ҃ⱘ ⱄⰲⱁⱙ ⰿⰵⱀⰵ ⱃⰰⰴⰻ. ⰺ҅ ⰵⰲⰰⰼ҃ⰾⰻⱑ ⱅⱏ ⱄⱂ҃ⰵⱅⱏ ⱄⱔ.
8:36
ⰽⰰⱑ ⰱⱁ ⰵⱄⱅⱏ ⱂⱁⰾⱐⰸⰰ ⱍⰽ҃ⱆ ⰰⱎⱅⰵ ⱂⱃⰻⱁⰱⱃⱔⱎⱅⰵⱅⱏ ⰺ҅ ⰲⱐⱄⱐ ⰿⰻⱃⱏ. ⰺ҅ ⱁⱅⱏⱎⱅⰵⱅⰻⱅⱏ ⰴⱆⱎⱘ ⱄⰲⱁⱙ.
8:37
Ⱍⱐⱅⱁ ⰱⱁ ⰴⰰⱄⱅⱏ ⱍⰽ҃ⱏ ⰺ҅ⰸⰿⱑⱀⱘ ⰸⰰ ⰴⱎ҃ⱘ ⱄⰲⱁⱙ.
8:38
ⰺ҅ⰶⰵ ⰱⱁ ⱂⱁⱄⱅⱏⰹⰴⰻⱅⱏ ⱄⱔ ⰿⰵⱀⰵ. ⰺ҅ ⰿⱁⰺⱈⱏ ⱄⰾⱁⰲⰵⱄⱏ. ⰲⱏ ⱃⱁⰴⱑ ⱄⰵⰿⱐ ⱂⱃⱑⰾ̑ⱓⰱⱁⰴⱑⰺ҅ⰿⱐ. ⰺ҅ ⰳⱃⱑⱎⱐⱀⱑⰿⱐ. ⰺ҅ ⱄⱀ҃ⱏ ⱍⱄ҃ⰽⱏⰺ ⱂⱁⱄⱅⱏⰹⰴⰻⱅⱏ ⱄⱔ ⰵⰳⱁ. ⰵⰳⰴⰰ ⱂⱃⰻⰴⰵⱅⱏ ⰲⱏ ⱄⰾⰰⰲⱑ ⱁⱌ҃ⰰ ⱄⰲⱁⰵⰳⱁ. ⱄⱏ ⰰⰼ҃ⰾⱏⰻ ⱄⱅ҃ⱏⰺⰿⰻ.