ЕВАНГЕЛИЕ ЕЖЕ Ѿ МАРЪКА
6:1
Ⰺ ⰻⱎⱐⰴⱏ ⱁⱅⱏⱅⱘⰴⱑ. ⰺ҅ ⱂⱃⰻⰴⰵ ⰲⱏ ⱁⱍ҃ⱄⱅⰲⱁ ⱄⰲⱁⰵ. ⰺ҅ ⱂⱁ ⱀ̑ⰵⰿⱐ ⰺ҅ⰴⱁⱎⱔ ⱆⱍⰵⱀⰻⱌⰻ ⰵⰳⱁ.
6:2
ⰺ҅ ⰱⱏⰹⰲⱏⱎⰻ ⱄⱘⰱⱁⱅⱑ. ⱀⰰⱍⱔⱅⱏ ⱀⰰ ⱄⱏⱀⱏⰿⰻⱎⱅⰻ ⱆⱍⰻⱅⰻ. ⰺ҅ ⰿⱀⱁⰸⰻ ⱄⰾⱏⰹⱎⰰⰲⱏⱎⰵ ⰴⰻⰲⰾ̑ⱑⰰⱈⱘ ⱄⱔ ⱁ ⱆⱍⰵⱀⰻⰹ ⰵⰳⱁ ⰳⰾ҃ⱙⱎⱅⰵ. ⱁⱅⱏⰽⱘⰴⱑ ⱄⰵ ⰵⱄⱅⱏ ⱄⰵⰿⱆ. ⰺ҅ ⱍⱐⱅⱁ ⱂⱃⱑⰿⱘⰴⱃⱁⱄⱅⱐ ⰴⰰⱀⰰⰰ ⰵⰿⱆ. ⰺ҅ ⱄⰻⰾⱏⰹ ⱅⰰⰽⱏⰹ ⱃⱘⰽⰰⰿⰰ ⰵⰳⱁ ⰱⱏⰹⰲⰰⱙⱅⱏ.
6:3
ⱀⰵ ⱄⱐ ⰾⰻ ⰵⱄⱅⱏ ⱅⰵⰽⸯⱅⱁⱀⱏ. ⱄⱀ҃ⱏ ⰿⰰⱃⰻⰹⱀⱏ. ⰺ҅ ⰱⱃⰰⱅⱃⱏ ⰶⰵ ⰺ҅ⱑⰽⱁⰲⱆ. ⰺ҅ ⱁⱄⰻⰹ. ⰺ҅ ⰻⱓⰴⱑ. ⰺ҅ ⱄⰻⰿⱁⱀⱆ. ⱀⰵ ⰺ ⰾⰻ ⱄⰵⱄⱅⱃⱏⰹ ⰵⰳⱁ ⱄⱘⱅⱏ ⱄⱐⰴⰵ ⰲⱏ ⱀⰰⱄⱏ. ⰺ҅ ⱄⱏⰱⰾⰰⰶⱀ̑ⱑⱈⱘ ⱄⱔ ⱁ ⱀ̑ⰵⰿⱐ.
6:4
ⰳⰾ҃ⰰⰰⱎⰵ ⰶⰵ ⰺ҅ⰿⱏ ⰻⱄ҃. ⱑⰽⱁ ⱀⱑⱄⱅⱏ ⱂⱃⱁⱃⱁⰽⱏ ⰱⰵⱎⱅⱐⱄⱅⰻ. ⱅⱏⰽⱏⰿⱁ ⰲⱏ ⱄⰲⱁⰵⰿⱐ ⱁⱅⱐⱍⱐⱄⱅⰲⰻⰹ. ⰺ҅ ⰲⱏ ⱃⱁⰶⰴⰵⱀⰻⰹ. ⰺ҅ ⰲⱏ ⰴⱁⰿⱆ ⱄⰲⱁⰵⰿⱆ.
6:5
ⰺ҅ ⱀⰵ ⰿⱁⰶⰰⰰⱎⰵ ⱅⱆ ⱀⰻ ⰵⰴⰻⱀⱁⱗ ⰶⰵ ⱄⰻⰾⱏⰹ ⱄⱏⱅⰲⱁⱃⰻⱅⰻ. ⱅⱏⰽⱏⰿⱁ ⱀⰰ ⰿⰰⰾⱁ ⱀⰵⰴⱘⰶⱐⱀⰻⰽⱏ ⰲⱏⰸⰾⱁⰶⰻ ⱃⱘⱌⱑ ⰺ҅ ⰻⱌⱑⰾⰻ.
6:6
ⰺ ⰴⰻⰲⰻ ⱄⱔ ⰸⰰ ⱀⰵⰲⱑⱃⱐⱄⱅⰲⰻⰵ ⰺ҅ⱈⱏ. ⰺ҅ ⱁⰱⱐⱈⱁⰶⰴⰰⰰⱎⰵ ⰳⱃⰰⰴⱐⱌⱔ ⱆⱍⱔ.
6:7
ⰺ҅ ⱂⱃⰻⰸⱏⰲⰰⰲⱏ ⱁⰱⰰ ⱀⰰ ⰴⰵⱄⱔⱅⰵ. ⰺ ⱀⰰⱍⱔⱅⱏ ⱄⱏⰾⰰⱅⰻ. ⰴⱏⰲⰰ. ⱀⱏ ⰴⱏⰲⰰ. ⰺ҅ ⰴⰰⱑⰰⱎⰵ ⰺⰿⱏ ⰲⰾⰰⱄⱅⱐ ⱀⰰ ⰴⱆⱄⱑⱈⱏ ⱀⰵⱍⰻⱄⱅⱏⰺⱈⱏ.
6:8
ⰺ҅ ⰸⰰⱂⱃⱑⱅⰻ ⰺ҅ⰿⱏ. ⰴⰰ ⱀⰻⱍⰵⱄⱁⰶⰵ ⱀⰵ ⰲⱐⰸⰵⰿⰾ̑ⱙⱅⱏ ⱀⰰ ⱂⱘⱅⱐ. ⱅⱏⰽⱏⰿⱁ ⰶⱐⰸⰾⱏ ⰵⰴⰻⱀⱏ. ⱀⰻ ⱂⸯⰻⱃⱏⰹ ⱀⰻ ⱈⰾⱑⰱⰰ. ⱀⰻ ⱂⱃⰻ ⱂⱁⱑⱄⱑ ⰿⱑⰴⰻ.
6:9
ⱀ.. ⱁⰱⱆⰲⰵⱀⰻ ⰲⱏ ⱄⰰⱀⰴⰰⰾⰻⱗ. ⰺ҅ ⱀⰵ ⱁⰱⰾⰰⱍⰻⱅⰻ ⱄⱔ ⰲⱏ ⰴⱐⰲⱑ ⱃⰻⰸⱑ.
6:10
Ⰺ҅ ⰳⰾ҃ⰰⰰⱎⰵ ⰺ҅ⰿⱏ. ⰺ҅ⰶⰴⰵ ⰶⰵ ⰽⱁⰾⰻⰶⱐⰴⱁ ⰲⱐⱀⰻⰴⰵⱅⰵ ⰲⱏ ⰴⱁⰿⱏ. ⱅⱆ ⱂⱃⱑⰱⱏⰹⰲⰰⰺⱅⰵ. ⰴⱁⰺ҅ⰴⰵⰶⰵ ⰺ҅ⰸⰻⰴⰵⱅⰵ ⱁⱅⱏⱅⱘⰴⱑ.
6:11
ⰺ҅ ⰵⰾⰻⰽⱁ ⰰⱎⱅⰵ ⱀⰵ ⱂⱃⰻⰵⰿⰾ̑ⱙⱅⱏ ⰲⰰⱄⱏ. ⱀⰻ ⱂⱁⱄⰾⱆⱎⰰⱙⱅⱏ ⰲ!ⰰⱄⱏ. ⰺⱄⱈⱁⰴⱔⱎⱅⰵ ⱁⱅⱏⱅⱘⰴⱆ. ⱁⱅⱏⱅⱃⱔⱄⱑⱅⰵ ⱂⱃⰰⱈⱏ. ⰺ҅ⰶⰵ ⰵⱄⱅⱏ ⱂⱁⰴⱏ ⱀⱁⰳⰰⰿⰻ ⰲⰰⱎⰻⰿⰻ. ⰲⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰺ҅ⰿⱏ. ⰰⰿⰻⱀ ⰳⰾ̑ⱙ ⰲⰰⰿⱏ ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ. ⱄⱁⰴⱁⰿⱁⰿⱏ. ⰾⰻ ⰳⱁⰿⱁⱃ̑ⱑⱀⰵⰿⱏ. ⰲⱏ ⰴⱐⱀⱐ ⱄⱘⰴⱏⱀⱏⰺ. ⱀⰵⰶⰵ ⰳⱃⰰⰴⱆ ⱅⱁⰿⱆ.
6:12
ⰺ҅ ⰻⱎⱐⰴⱏⱎⰵ ⱂⱃⱁⱂⱁⰲⱑⰴⰰⰰⱈⱘ. ⰴⰰ ⱂⱁⰽⰰⱙⱅⱏ ⱄⱔ.
6:13
ⰺ҅ ⰱⱑⱄⱏⰹ ⰿⱀⱁⰳⱏⰹ ⰺ҅ⰸⰳⰰⱀ̑ⱑⰰⱈⱘ. ⰺ҅ ⰿⰰⰸⰰⰰⱈⱘ ⱁⰾⱑⱁⰿⱐ. ⰿⱀⱁⰳⱏⰹ ⱀⰵⰴⱘⰶⱐⱀⱏⰹⱗ. ⰺ҅ ⰻⱌⱑⰾ̑ⱑⰰⱈⱘ.
6:14
ⰺ҅ ⱆⱄⰾⱏⰹⱎⰰ ⱌⱃ҃ⱐ ⰺ҅ⱃⱁⰴⱏ. ⱄⰾⱆⱈⱏ ⰺⱄ҃ⰲⱏ. ⰰⰲⱑ ⰱⱁ ⰱⱏⰹⱄⱅⱏ ⰺ҅ⰿⱔ ⰵⰳⱁ. ⰺ ⰳⰾ҃ⰰⰰⱎⰵ. ⱑⰽⱁ ⰺ҅ⱁⰰⱀⱏ ⰽⱃⱐⱄⱅⱔⰹ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰺⱈⱏ. ⰺ҅ ⱄⰵⰳⱁ ⱃⰰⰴⰻ ⱄⰻⰾⱏⰹ ⰴⱑⱙⱅⱏ ⱄⱔ ⱁ ⱀ̑ⰵⰿⱐ
6:15
ⰺ҅ⱀⰻ ⰶⰵ ⰳⰾ҃ⰰⰰⱈⱘ ⱑⰽⱁ ⰺ҅ⰾⰻⱑ ⰵⱄⱅⱏ. ⰺ҅ⱀⰻ ⰶⰵ ⰳⰾ҃ⰰⰰⱈⱘ ⱑⰽⱁ ⱂⱃⱁⱃⱁⰽⱏ ⰵⱄⱅⱏ. ⱑⰽⱁ ⰵⰴⰻⱀⱏ ⱁⱅⱏ ⱂⱃⱁⱃⱁⰽⱏ:
6:16
ⱄⰾⱏⰹⱎⰰⰲⱏ ⰶⰵ ⰺ҅ⱃⱁⰴⱏ ⱃⰵⱍⰵ. ⱑⰽⱁ ⰵⰳⱁⰶⰵ ⰰⰸⱏ. ⱆⱄⱑⰽⱀⱘⱈⱏ ⰺ҅ⱁⰰⱀⱀⰰ. ⱄⱐ ⰵⱄⱅⱏ. ⱅⱏ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰺⱈⱏ.
6:17
Ⱅⱏ ⰱⱁ ⰺⱃⱁⰴⱏ. ⱂⱁⱄⱏⰾⰰⰲⱏ ⱗⱅⱏ ⰺ҅ⱁⰰⱀⰰ. ⰺ҅ ⱄⱏⰲⱔⰸⰰ ⰹ. ⰲⱏ ⱅⱐⰿⱐⱀⰻⱌⰻ. ⰺ҅ⱃⱁⰴⰻⱑⰴⱏⰹ ⱃⰰⰴⰻ. ⰶⰵⱀⱏⰹ ⱇⰻⰾⰻⱂⰰ ⰱⱃⰰⱅⱃⰰ ⱄⰲⱁⰵⰳⱁ. ⱑⰽⱁ ⱁⰶⰵⱀⰻ ⱄⱔ. ⰵⱙ.
6:18
ⰳⰾ҃ⰰⰰⱎⰵ ⰱⱁ ⰺ҅ⱁⰰⱀⱏ ⰺ҅ⱃⱁⰴⱁⰲⰻ. ⱑⰽⱁ ⱀⰵ ⰴⱁⱄⱅⱁⰺⱅⱏ ⱅⰵⰱⱑ. ⰺ҅ⰿⱑⱅⰻ ⰶⰵⱀⱏⰹ ⱇⰻⰾⰻⱂⰰ ⰱⱃⰰⱅⰰ ⱄⰲⱁⰵⰳⱁ.
6:19
ⰺ҅ⱃⱁⰴⰻⱑ ⰶⰵ ⰳⱀⱑⰲⰰⰰⱎⰵ ⱄⱔ ⱀⰰ ⱀ̑ⱐ. ⰺ҅ ⱈⱁⱅⱑⰰⱎⰵ ⰹ ⱆⰱⰻⱅⰻ. ⰺ҅ ⱀⰵ ⰿⱁⰶⰰⰰⱎⰵ.
6:20
ⰺ҅ⱃⱁⰴⱏ ⰱⱁ ⰱⱁⱑⱎⰵ ⱄⱔ ⰺ҅ⱁⰰⱀⰰ. ⰲⱑⰴⱏⰹ ⰿⱘⰶⰰ ⱂⱃⰰⰲⱐⰴⱏⱀⰰ ⰺ ⱄⱅ҃ⰰ. ⰺ҅ ⱈⱃⰰⱀ̑ⱑⰰⱎⰵ ⰹ. ⰺ҅ ⱂⱁⱄⰾⱆⱎⰰⱗ ⰵⰳⱁ ⰿⱏⱀⱁⰳⱁ ⱅⰲⱁⱃⱑⰰⱎⰵ. ⰺ҅ ⰲⱏ ⱄⰾⰰⱄⱅⱐ ⰵⰳⱁ ⱄⰾⱆⱎⰰⰰⱎⰵ.
6:21
ⰺ҅ ⱂⱃⰻⰽⰾⱓⱍⱐⱎⱓ ⱄⱔ ⰴⱐⱀⰻ ⱂⱁⱅⱃⱑⰱⱏⱀⱆ. ⰵⰳⰴⰰ ⰺ҅ⱃⱁⰴⱏ ⱃⱁⰶⰴⱐⱄⱅⰲⱆ ⱄⰲⱁⰵⰿⱆ ⰲⰵⱍⰵⱃⱘ ⱅⰲⱁⱃ̑ⱑⰰⱎⰵ. ⰽⱏⱀⱔⰸⰵⰿⱏ ⱄⰲⱁⰺ҅ⰿⱏ ⰺ҅ ⱅⱏⰹⱄⱘⱎⱅⱐⱀⰻⰽⱁⰿⱏ. ⰺ҅ ⱄⱅⰰⱃⱑⰺ҅ⱎⰻⱀⰰⰿⱏ. ⰳⰰⰾⰻⰾⱑⰺ҅ⱄⰽⰰⰿⱏ.
6:22
ⰺ҅ ⰲⱏⱎⱐⰴⱏⱎⰻ ⰴⱏⱎⱅⰵⱃⰻ ⰵⱗ. ⰺ҅ⱃⱁⰴⰻⱑⰴⱑ. ⰺ҅ ⱂⰾⱔⱄⰰⰲⱏⱎⰻ. ⰺ҅ ⱆⰳⱁⰶⰴⱐⱎⰻ ⰺ҅ⱃⱁⰴⱁⰲⰻ. ⰺ҅ ⰲⱏⰸⰾⰵⰶⱔⱎⱅⰹⰻⰿⱏ ⱄⱏ ⱀ̑ⰻⰿⱐ. ⱃⰵⱍⰵ ⱌⱃ҃ⱐ ⰴⱑⰲⰻⱌⰻ. ⰵⰿⱆⰶⰵ ⰰⱎⱅⰵ ⱈⱁⱎⱅⰵⱎⰻ ⰴⰰⰿⱐ ⱅⰻ.
6:23
ⰺ҅ ⰽⰾⱔⱅⱏ ⱄⱔ ⰵⰹ. ⱑⰽⱁ ⰵⰳⱁⰶⰵ ⰰⱎⱅⰵ ⱂⱃⱁⱄⰻⱎⰻ ⰴⰰⰿⱐ ⱅⰻ. ⰴⱁ ⱂⱁⰾⱏ ⱌⱃ҃ⱄⰻⱑ ⰿⱁⰵⰳⱁ.
6:24
ⱁⱀⰰ ⰶⰵ ⰺ҅ⱎⱐⰴⱏⱎⰻ ⱃⰵⱍⰵ ⰽⱏ ⰿⱃ҃ⰻ ⱄⰲⱁⰵⰹ. ⱍⰵⱄⱁ ⱂⱃⱁⱎⱘ. ⱁⱀⰰ ⰶⰵ ⱃⰵⱍⰵ ⰳⰾⰰⰲⱏⰹ ⰺ҅ⱁⰰⱀⰰ ⰽⱃⱐⱄⱅⰻⱅⰵⰾ̑ⱑ.
6:25
ⰺ҅ ⰲⱏⱎⱐⰴⱏⱎⰻ ⰰⰱⱐⰵ ⱄⱏ ⱅⱏⱎⱅⰰⱀⰻⰵⰿⱐ ⰽⱏ !ⱌⱃⱓ. ⱂⱃⱁⱄⰻ ⰳⰾ҃ⱙⱎⱅⰻ. ⱈⱁⱎⱅⱘ ⰴⰰ ⰿⰻ ⰴⰰⱄⰻ ⱆⱄⱑⱍⰵⱀⱘ ⱀⰰ ⰱⰾ̑ⱓⰴⱑ ⰳⰾⰰⰲⱘ. ⰺ҅ⱁⰰⱀⰰ ⰽⱃⱐⱄⱅⰻⱅⰵⰾ̑ⱑ.
6:26
ⰺ҅ ⱂⱃⰻⱄⰽⱃⱏⰱⱐⱀⱏ ⰱⱏⰹⱄⱅⱏ ⱌⱃ҃ⱐ ⰸⰰ ⰽⰾⱔⱅⰲⱏⰹ. ⰺ҅ ⰲⱏⰸⰾⰵⰶⱔⱎⱅⰻⱈⱏ ⱄⱏ ⱀ̑ⰻⰿⱐ. ⱀⰵ ⰲⱏⱄⱈⱁⱅⱑ ⱁⱅⱏⱃⰵⱎⱅⰻ ⱄⱔ ⰵⰹ.
6:27
ⰺ҅ ⰰⰱⱐⰵ ⱂⱁⱄⱏⰾⰰⰲⱏ ⱌⱃ҃ⱐ ⰲⱁⰺⱀⰰ. ⱂⱁⰲⰵⰾⱑ ⱂⱃⰻⱀⰵⱄⱅⰻ ⰳⰾⰰⰲⱘ ⰵⰳⱁ.
6:28
ⱁⱀⱏ ⰶⰵ ⱎⱐⰴⱏ ⱆⱄⱑⰽⱀⱘ ⰹ ⰲⱏ ⱅⱐⰿⱐⱀⰻⱌⰻ. ⰺ҅ ⱂⱃⰻⱀⰵⱄⰵ ⰳⰾⰰⰲⱘ ⰵⰳⱁ ⱀⰰ ⰱⰾ̑ⱓⰴⱑ. ⰺ҅ ⰴⰰⱄⱅⱏ ⰴⱑⰲⰻⱌⰻ. ⰺ҅ ⰴⱑⰲⰻⱌⰰ ⰴⰰⱄⱅⱏ ⱙ ⰿⱃ҃ⰻ ⱄⰲⱁⰵⰹ.
6:29
ⰺ҅ ⱄⰾⱏⰹⱎⰰⰲⱏⱎⰵ ⱆⱍⰵⱀⰻⱌⰻ ⰵⰳⱁ. ⱂⱃⰻⰴⱁⱎⱔ ⰺ҅ ⰲⱐⰸⱔⱎⱔ ⱅⱃⱆⱂⱏ ⰵⰳⱁ. ⰺ҅ ⱂⱁⰾⱁⰶⰻⱎⱔ ⰹ ⰲⱏ ⰳⱃⱁⰱⱑ.
6:30
ⰺ҅ ⱄⱏⰱⱏⱃⰰⱎⱔ ⱄⱔ ⰰⱂ҃ⱁⰾⰻ ⰽⱏ ⰹⱄ҃ⱛ. ⰺ҅ ⰲⱏⰸⰲⱑⱄⱅⰻⱎⱔ ⰵⰿⱆ ⰲⱄⱑ. ⰵⰾⰻⰽⱁ ⱄⱏⱅⰲⱁⱃⰻⱎⱔ. ⰺ҅ ⰵⰾⰻⰽⱁ ⱀⰰⱆⱍⰻⱎⱔ.
6:31
ⰺ҅ ⱃⰵⱍⰵ ⰺⰿⱏ. ⱂⱃⰻⰴⱑⱅⰵ ⰲⱏⰹ ⱄⰰⰿⰻ ⰲⱏ ⰿⱑⱄⱅⱁ ⰵⰴⰻⱀⰻ. ⰺ҅ ⱂⱁⱍⰻⰹⱅⰵ ⰿⰰⰾⱁ. ⰱⱑⰰⱈⱘ ⰱⱁ ⱂⱃⰻⱈⱁⰴⱔⱎⱅⰵⰹ. ⰺ҅ ⱁⱈⱁⰴⱔⱎⱅⰵⰻ ⰿⱀⱁⰸⰻ. ⰺ҅ ⱀⰵ ⰱⱑ ⰺ҅ⰿⱏ ⰽⱁⰾⰻ ⱂⱁⱀⱑ ⱑⱄⱅⰻ.
6:32
ⰺ҅ ⰻⰴⱁⱎⱔ ⰲⱏ ⱂⱆⱄⱅⱁ ⰿⱑⱄⱅⱁ ⰽⱁⱃⰰⰱⰾ̑ⰵⰿⱐ ⰵⰴⰻⱀⰻ.
6:33
ⰺ҅ ⰲⰻⰴⱑⱎⱔ ⱗ ⱑⰴⱘⱎⱅⱔ. ⰺ҅ ⱂⱁⰸⱀⰰⱎⱔ ⱗ ⰿⱀⱁⰸⰻ. ⰺ҅ ⱂⱑⱎⰻ ⱁⱅⱏ ⰲⱄⱑⱈⱏ ⰳⱃⰰⰴⱏ ⱅⱑⱎⱔ ⱅⰰⰿⱁ. ⰺ҅ ⰲⰰⱃⰻⱎⱔ ⱗ.
6:34
ⰺ҅ ⰻⱎⱐⰴⱏ ⰻⱄ҃ ⰲⰻⰴⱑ ⱀⰰⱃⱁⰴⱏ ⰿⱀⱁⰳⱏ. ⰺ҅ ⰿⰻⰾⰻ ⰵⰿⱆ ⰱⱏⰹⱎⱔ. ⰸⰰⱀ̑ⰵ ⰱⱑⰰⱈⱘ ⱑⰽⱁ ⱁⰲⱐⱌⱔ ⱀⰵ ⰺ҅ⰿⱘⱎⱅⱔ ⱂⰰⱄⱅⱆⱈⰰ. Ⰺ҅ ⱀⰰⱍⱔⱅⱏ ⱆⱍⰻⱅⰻ ⱗ ⰿⱀⱁⰳⱁ.
6:35
ⰺ҅ ⰿⰻⱀⱘⰲⱏⱎⱓ ⱍⰰⱄⱆ. ⱂⱃⰻⱄⱅⱘⱂⱐⱎⰵ ⰽⱏ ⱀ̑ⰵⰿⱆ ⱆⱍⰵⱀⰻⱌⰻ ⰵⰳⱁ. ⰳⰾ҃ⰰⱎⱔ ⱑⰽⱁ ⱂⱆⱄⱅⱁ ⰵⱄⱅⱏ ⰿⱑⱄⱅⱁ. ⰺ҅ ⱆⰶⰵ ⰳⱁⰴⰻⱀⰰ ⰿⰻⱀⱘ.
6:36
ⱁⱅⱏⱂⱆⱄⱅⰻ ⱗ. ⰴⰰ ⱎⱐⰴⱏⱎⰵ. ⰲⱏ ⱁⰽⱃⱏⱄⱅⱏⱀ̑ⰻⰹⱈⱏ ⱄⰵⰾⱑⱈⱏ ⰺ҅ ⰲⱐⱄⰵⱈⱏ. ⰽⱆⱂⱔⱅⱏ ⱄⰵⰱⱑ ⱈⰾⱑⰱⱏⰹ. ⱀⰵ ⰺ҅ⰿⱘⱅⱏ ⰱⱁ ⱍⱐⱄⱁ ⱑⱄⱅⰻ.
6:37
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⰴⰰⰴⰻⱅⰵ ⰺ҅ⰿⱏ ⰲⱏⰹ ⱑⱄⱅⰻ. ⰺ҅ ⰳⰾ҃ⰰⱎⱔ ⰵⰿⱆ. ⰴⰰ ⱎⱐⰴⱏⱎⰵ ⰽⱆⱂⰻⰿⱏ. ⰴⱐⰲⱑⰿⰰ ⱄⱏⱅⱁⰿⰰ ⱂⱑⱀⱔⰸⱐ ⱈⰾⱑⰱⱏⰹ. ⰺ҅ ⰴⰰⰿⱏ ⰺ҅ⰿⱏ ⱑⱄⱅⰻ.
6:38
Ⱉⱀⱏ ⰶⰵ ⰳⰾ҃ⰰ ⰺ҅ⰿⱏ. ⰽⱁⰾⰻⰽⱁ ⰺ҅ⰿⰰⱅⰵ ⱈⰾⱑⰱⱏ. ⰺ҅ⰴⱑⱅⰵ [ⰴⰰ]ⰴⰻⱅⰵ. ⰺ҅ ⱆⰲⱑⰴⱑⰲⱏⱎⰵ ⰳⰾ҃ⰰⱎⱔ. ⰴ҃ ⱈⰾⱑⰱⱏ. ⰺ҅ ⰱ҃ ⱃⱏⰹⰱⱑ.
6:39
ⰺ҅ ⱂⱁⰲⰵⰾⱑ ⰺ҅ⰿⱏ ⱂⱁⱄⰰⰴⰻⱅⰻ ⱗ ⰲⱄⱔ. ⱀⰰ ⱄⱂⱁⰴⱏⰹ. ⱀⰰ ⱄⱂⱁⰴⱏⰹ. ⱀⰰ ⱅⱃⱑⰲⱑ ⰸⰵⰾⰵⱀⱑ.
6:40
ⰺ҅ ⰲⱏⰸⰾⰵⰳⱁⱎⱔ ⱀⰰ ⰾⱑⱈⱏⰹ. ⱀⰰ ⰾⱑⱈⱏⰹ. ⱂⱁ ⱄⱏⱅⱆ ⰺ҅ ⱂⱔⱅⰻ ⰴⰵⱄⱔⱅⱏ.
6:41
ⰺ҅ ⱂⱃⰻⰹⰿⱏ ⰴ҃ ⱈⰾⱑⰱⱏ. ⰺ҅ ⰱ҃ ⱃⱏⰹⰱⱑ. ⰺ҅ ⰲⱏⰸⱐⱃⱑⰲⱏ ⱀⰰ ⱀⰱ҃ⱁ ⰱⰳ҃ⰲⰻ. ⰺ҅ ⱂⱃⱑⰾⱁⰿⰻ ⱈⰾⱑⰱⱏⰹ. ⰺ҅ ⰴⰰⱑⱎⰵ ⱆⱍⰵⱀⰻⰽⱁⰿⱏ ⱄⰲⱁⰺⰿⱏ. ⰴⰰ ⱂⱁⰾⰰⰳⰰⱙⱅⱏ ⱂⱃⱑⰴⱏ ⱀ̑ⰻⰿⰻ. ⰺ҅ ⱁⰱⱑ ⱃⰻⰱⱑ ⱃⰰⰸⰴⱑⰾⰻ ⰲⱄⱑⰿⱏ.
6:42
ⰺ҅ ⱑⱎⱔ ⰲⱄⰻ ⰺ҅ ⱀⰰⱄⱏⰹⱅⰻⱎⱔ ⱄⱔ.
6:43
ⰺ҅ ⰲⱐⰸⱔⱎⱔ ⱆⰽⱃⱆⱈⱏ. ⰱ҃ ⰺ҃ ⰽⱁⱎⰰ ⰺ҅ⱄⱂⰾⱏⱀⱐ. ⰺ҅ ⱁⱅⱏ ⱃⱏⰹⰱⱆ.
6:44
ⱑⰴⱏⱎⰻⰹⱈⱏ ⰶⰵ ⰱⱑ ⱈⰾⱑⰱⱏⰹ. ⱂⱔⱅⱐ ⱅⱏⰹⱄⱘⱎⱅⱐ ⰿⱘⰶⱐ.
6:45
Ⰺ ⰰⰱⱐⰵ ⱆⰱⱑⰴⰻ ⱆⱍⰵⱀⰻⰽⱏⰹ ⱄⰲⱁⱗ. ⰲⱐⱀⰻⱅⰻ ⰲⱏ ⰽⱁⱃⰰⰱⰾ̑ⱐ. ⰺ҅ ⰲⰰⱃⰻⱅⰻ ⰹ ⱀⰰ ⱁⱀⱁⰿⱐ ⱂⱁⰾⱆ. ⰽⱏ ⰲⰻⰴⱏⱄⰰⰺ҅ⰴⱑ. ⰴⱁⱀⱐⰴⰵⰶⰵ ⱄⰰⰿⱏ ⱁⱅⱏⱂⱆⱄⱅⰻⱅⱏ ⱀⰰⱃⱁⰴⱏⰹ.
6:46
ⰺ҅ ⱁⱅⱏⱃⰵ..ⰽⱏ ⱄⱔ ⰺ҅ⰿⱏ. ⰺ҅ⰴⰵ ⰲⱏ ⰳⱁⱃⱘ ⱂⱁⰿⱁⰾⰻⱅⱏ ⱄⱔ.
6:47
Ⰺ҅ ⰲⰵⱍⰵⱃⱏ ⰱⱏⰹⰲⱏⱎⱓ. ⰱⱑ ⰱⱁ ⰽⱁⱃⰰⰱⰾ̑ⱐ ⱂⱁⱄⱃⱑⰴⱑ ⰿⱁⱃ̑ⱑ. ⰰ ⱄⱐ ⰵⰴⰻⱀⱏ ⱀⰰ ⰸⰵⰿⰾ̑ⰻ.
6:48
ⰺ҅ ⰲⰻⰴⱑⰲⱏ ⱗ ⱄⱅⱃⰰⰶⰴⱘⱎⱅⱗ ⰲⱏ ⰳⱃⰵⰱⰵⱀⰻⰹ. ⰱⱑ ⰱⱁ ⰲⱑⱅⱃⱏ ⱂⱃⱁⱅⰻⰲⱐⱀⱏ ⰺ҅ⰿⱏ. ⰺ҅ ⱂⱃⰻ ⱍⰵⱅⰲⱃⱏⱅⱑⰹ ⱄⱅⱃⰰⰶⰻ ⱀⱁⱎⱅⱐⱀⱑⰻ. ⰺ҅ ⱂⱃⰻⰴⰵ ⰽⱏ ⱀ̑ⰻⰿⱏ ⱂⱁ ⰿⱁⱃ̑ⱓ ⱈⱁⰴⱔ. ⰺ҅ ⱈⱁⱅⱑ ⰿⰻⱀⱘⱅⰻ ⱗ.
6:49
ⱁⱀⰻ ⰶⰵ ⰲⰻⰴⱑⰲⱏⱎⰵ ⰹ ⱂⱁ ⰿⱁⱃ̑ⱓ ⱈⱁⰴⱔⱎⱅⱐ. ⱀⰵⱂⱐⱎⱅⰵⰲⰰⱎⱔ ⱂⱃⰻⰸⱃⰰⰽⱏ ⰱⱏⰹⱅⰻ. ⰺ҅ ⰲⱏⰸⱏⰲⰰⱎⱔ.
6:50
ⰲⱄⰻ ⰱⱁ ⰲⰻⰴⱑⰲⱏⱎⰵ ⰹ. ⰺ҅ ⰲⱐⰸⰿⱔⱅⱁⱎⱔ ⱄⱔ. ⱁⱀⱏ ⰶⰵ ⰰⰱⱐⰵ ⰳⰾ҃ⰰ ⱄⱏ ⱀ̑ⰻⰿⰻ. ⰺ҅ ⱃⰵⱍⰵ ⰺ҅ⰿⱏ. Ⰴⱃⱏⰸⰰⰺⱅⰵ ⰰⰸⱏ ⰵⱄⰿⱐ ⱀⰵ ⰱⱁⰺⱅⰵ ⱄⱔ.
6:51
ⰺ҅ ⰲⱏⱀⰻⰴⰵ ⰽⱏ ⱀ̑ⰻⰿⱏ ⰲⱏ ⰽⱁⱃⰰⰱⰾ̑ⱐ. ⰺ҅ ⱆⰾⰵⰶⰵ ⰲⱑⱅⱃⱏ. ⰺ҅ ⰷⱑⰾⱁ ⰺⰸⰾⰻⱈⰰ ⰴⰻⰲⰾ̑ⱑⰰⱈⱘ ⱄⱔ. ⰺ҅ ⱆⰶⰰⱄⰰⰰⱈⱘ ⱄⱔ.
6:52
ⱀⰵ ⱃⰰⰸⱆⰿⱑⱎⱔ ⰱⱁ ⱁ ⱈⰾⱑⰱⱑⱈⱏ. ⱀⱏ ⰱⱑ ⱄⱃⱏⰴⱐⱌⰵ ⰺ҅ⱈⱏ ⱁⰽⰰⰿⰵⱀ̑ⰵⱀⱁ. ⰺ҅ ⱂⱃⰻⱑⱈⰰⰲⱏⱎⰵ ⱂⱃⰻⰴⱁⱎⱔ ⰲⱏ ⰸⰵⰿⰾ̑ⱙ ⰼⰵⱀⰻⱄⰰⱃⰵⱅⱐⱄⰽⱘ. ⰺ҅ ⱂⱃⰻⱄⱅⰰⱎⱔ.
6:54
ⰺ҅ⱎⸯⰴⱏⱎⰵⰿⱏ ⰶⰵ ⰺⰿⱏ ⰺ҅ⱄ ⰽⱁⱃⰰⰱⰾ̑ⱑ. ⰰⰱⱐⰵ ⱂⱁⰸⱀⰰⱎⱔ ⰻ. ⰺ҅ ⱂⱃⱑⱅⱑⱎⱔ ⰲⱐⱄⱘ ⱄⱅⱃⰰⱀⱘ ⱅⱘ. ⰺ҅ ⱀⰰⱍⱔⱄⱔ ⱂⱃⰻⱀⱁⱄⰻⱅⰻ. ⱀⰰ ⱁⰴⱃⱑⱈⱏ ⰱⱁⰾⱔⱎⱅⱔⱗ. ⰺ҅ⰴⰵⰶⰵ ⱄⰾⱏⰹⱎⰰⰰⱈⱘ ⰻ ⱑⰽⱁ ⱅⱆ ⰵⱄⱅⱏ.
6:56
ⰺ҅ ⱑⰿⱁⰶⰵ ⰽⱁⰾⰻⰶⱐⰴⱁ. ⰲⱏⱈⱁⰶⰴⰰⰰⱎⰵ ⰲⱏ ⰲⱐⱄⰻ. ⰾⰻ ⰲⱏ ⰳⱃⰰⰴⱏⰹ. ⰾⰻ ⰲⱐ ⱄⰵⰾⰰ. ⱀⰰ ⱃⰰⱄⱂⱘⱅⰻⰹⱈⱏ. ⱂⱁⰾⰰⰳⰰⰰⱈⱘ ⱀⰵⰴⱘⰶⱐⱀⱏⰹⱗ. ⰺ҅ ⰿⱁⰾ̑ⱑⰰⱈⱘ ⰻ. ⰴⰰ ⱂⱁⱀⱑ ⰲⱐⱄⰽⱃⰻⰾⰻ ⱃⰻⰸⱏⰹ ⰵⰳⱁ ⱂⱃⰻⰽⱁⱄⱀⱘⱅⱏ ⱄⱔ. ⰺ҅ ⰵⰾⰻⰽⱁ ⰰⱎⱅⰵ ⱂⱃⰻⰽⰰⱄⰰⰰⱈⱘ ⱄⱔ ⰵⰿⱐ. ⱄⱂ҃ⰵⱀⰻ ⰱⱏⰹⰲⰰⰰⱈⱘ.