ЕВАНГЕЛИЕ ЕЖЕ Ѿ МАРЪКА
4:12
ⰴⰰ ⰲⰻⰴⱔⱎⱅⰵ ⰲⰻⰴⱔⱅⱏ. ⰺ҅ ⱀⰵ ⱆⰸⱐⱃⱔⱅⱏ. ⰺ҅ ⱄⰾⱏⰹⱎⱔⱎⱅⰵ ⱄⰾⱏⰹⱎⱔⱅⱏ. ⰺ҅ ⱀⰵ ⱃⰰⰸⱆⰿⱑⱙⱅⱏ. ⰵⰳⰴⰰ ⱁⰱⱃⰰⱅⱔⱅⱏ ⱄⱔ. ⰺ҅ ⱁⱅⱏⱂⱆⱄⱅⱔⱅⱏ ⱄⱔ ⰺ҅ⰿⱏ ⰳⱃⱑⱄⰻ.
4:13
ⰺ҅ ⰳⰾ҃ⰰ ⰺ҅ⰿⱏ. ⱀⰵ ⰲⱑⱄⱅⰵ ⰾⰻ ⱂⱃⰻⱅⱏⱍⱔ ⱄⰵⱗ. ⰺ҅ ⰽⰰⰽⱁ ⰲⱄⱔ ⱂⱃⰻⱅⱏⱍⱔ ⱆⰿⱑⰵⱅⰵ.
4:15
ⱄⰵ ⰶⰵ ⱄⱘⱅⱏ ⱑⰶⰵ ⱀⰰ ⱂⱘⱅⰻ. ⰺ҅ⰴⰵⰶⰵ ⱄⱑⰵⱅⱏ ⱄⱔ ⱄⰾⱁⰲⱁ. ⰺ҅ ⰵⰳⰴⰰ ⱆⱄⰾⱏⰹⱎⰻⱅⱏ. ⰰⰱⰻⰵ ⱂⱃⰻⰴⰵⱅⱏ ⱄⱁⱅⱁⱀⰰ. ⰺ҅ ⱁⱅⱏⰺ҅ⰿⰵⱅⱏ ⱄⰾⱁⰲⱁ. ⱄⱑⰰⱀⱁⰵ ⰲⱏ ⱄⱃⱏⰴⱐⱌⰻⱈⱏ ⰺ҅ⱈⱏ.
4:16
ⰺ҅ ⱄⰻ ⱅⰰⰽⱁⰶⰴⰵ ⱄⱘⱅⱏ. ⰺ҅ⰶⰵ ⱀⰰ ⰽⰰⰿⰵⱀⰻⱈⱏ ⱄⱑⰵⰿⰻⰹ. ⰺ҅ⰶⰵ ⰵⰳⰴⰰ ⱄⰾⱏⰹⱎⱔⱅⱏ ⱄⰾⱁⰲⱁ. ⰰⰱⱐⰵ ⱄⱏ ⱃⰰⰴⱁⱄⱅⰻⱙ ⱂⱃⰻⰵⰿⰾ̑ⱘⱅⱏ ⰵ.
4:17
ⰺ҅ ⱀⰵ ⰺ҅ⰿⱘⱅⱏ ⰽⱁⱃⰵⱀⰵ ⰲⱐ ⱄⰵⰱⱑ. ⱀⱏ ⰲⱃⱑⰿⰵⱀⱀⰻ ⱄⱘⱅⱏ. ⱂⱁⱅⱁⰿⱐ ⰶⰵ ⰱⱏⰹⰲⱏⱎⰻ ⱂⰵⱍⰰⰾⰻ. ⰾⰻ ⰳⱁⱀ̑ⰵⱀⰻⱓ. ⱄⰾⱁⰲⰵⱄⰵ ⱃⰰⰴⰻ. ⰰⰱⱐⰵ ⱄⱏⰱⰾⰰⰶⱀ̑ⱑⱙⱅⱏ ⱄⱔ
4:18
ⰰ ⱄⰻ ⱄⱘⱅⱏ. ⱄⱑⰰⱀⰻ ⰲⱏ ⱅⱃⱏⱀⰻⰹ. ⱄⰾⱏⰹⱎⱔⱎⱅⰵⰻ ⱄⰾⱁⰲⱁ.
4:19
ⰺ҅ ⱂⰵⱍⰰⰾⰻ ⰲⱑⰽⰰ ⱄⰵⰳⱁ. ⰺ҅ ⰾⱐⱄⱅⱐ ⰱⱁⰳⰰⱅⱐⱄⱅⰲⰻⱑ. ⰺ҅ ⱁ ⱂⱃⱁⱍⰻⰹⱈⱏ ⱂⱁⱈⱁⱅⰻⰹ. ⰲⱏⱈⱁⰴⱔⱎⱅⱔ ⱂⱁⰴⰰⰲⰾ̑ⱑⱙⱅⱏ ⱄⰾⱁⰲⱁ. ⰺ҅ ⰱⰵⱄ ⱂⰾⱁⰴⰰ ⰱⱏⰹⰲⰰⰵⱅⱏ.
4:20
ⰰ ⱄⰻ ⱄⱘⱅⱏ ⱄⱑⰰⱀⰻⰹ ⱀⰰ ⰴⱁⰱⱃⱑⰹ ⰸⰵⰿⰾⰻ. ⰺ҅ⰶⰵ ⱄⰾⱏⰹⱎⱔⱅⱏ ⱄⰾⱁⰲⱁ. ⰺ҅ ⱂⱃⰻⰵⰿⰾ̑ⱘⱅⱏ ⰵ. ⰺ҅ ⱂⰾⱁⰴⱔⱅⱏ ⱄⱔ. ⱀⰰ...........
4:21
ⰺ҅ ⰳⰾ҃ⰰⰰⱎⰵ ⰺⰿⱏ. Ⰵⰳⰴⰰ ⱂⱃⰻⱈⱁⰴⰻⱅⱏ ⱄⰲⱑⱅⰻⰾⱐⱀⰻⰽⱏ. ⰴⰰ ⱂⱁⰴⱏ ⱄⱂⱘⰴⱁⰿⱐ ⱂⱁⰾⱁⰶⰵⱀⱏ ⰱⱘⰴⰵⱅⱏ. ⰾⰻ ⱂⱁⰴⱏ ⱁⰴⱃⱁⰿⱐ. ⱀⰵ ⰴⰰ ⰾⰻ ⱀⰰ ⱄⰲⱑⱎⱅⱐⱀⰻⰽⱏ ⰲⱏⰸⰾⱁⰶⱔⱅⱏ ⰹ.
4:22
ⱀⱑⱄⱅⱏ ⰱⱁ ⱀⰻⱍⱐⱅⱁ ⰶⰵ ⱅⰰⰺⱀⱁ. ⰵⰶⰵ ⱀⰵ ⰰⰲⰻⱅⱏ ⱄⱔ. ⱀⰻ ⰱⱏⰹⱄⱅⱏ ⱂⱁⱅⰰⰵⱀⱁ. ⱀⱏ ⰴⰰ ⱂⱃⰻⰴⰵⱅⱏ ⰲⱏ ⰰⰲⰾ̑ⰵⱀⰻⰵ.
4:23
ⰺ҅ⰶⰵ ⰺ҅ⰿⰰⱅⱏ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ.
4:24
ⰺ҅ ⰳⰾ҃ⰰⰰⱎⰵ ⰺⰿⱏ. Ⰱⰾ̑ⱓⰴⱑⱅⰵ ⱄⱔ ⱍⱐⱅⱁ ⱄⰾⱏⰹⱎⰻⱅⰵ. ⰲⱏ ⱀ̑ⱙⰶⰵ ⰿⱑⱃⱘ ⰿⱑⱃⰻⱅⰵ. ⱀⰰⰿⱑⱃⰻⱅⱏ ⱄⱔ ⰲⰰⰿⱏ. ⰺ҅ ⱂⱃⰻⰾⱁⰶⰻⱅⱏ ⱄⱔ ⰲⰰⰿⱏ ⱄⰾⱏⰹⱎⱔⱎⱅⰵⰺ҅ⰿⱏ.
4:25
Ⰺ҅ⰶⰵ ⰱⱁ ⰰⱎⱅⰵ ⰺ҅ⰿⰰⱅⱏ ⰴⰰⱄⱅⱏ ⱄⱔ ⰵⰿⱆ. ⰰ ⰺⰶⱐ ⱀⰵ ⰺ҅ⰿⰰⱅⱏ. ⰺ҅ ⰵⰶⰵ ⰺ҅ⰿⰰⱅⱏ ⱁⱅⱏⰺ҅ⰿⰵⱅⱏ ⱄⱔ ⱁⱅⱏ ⱀ̑ⰵⰳⱁ.
4:26
ⰺ҅ ⰳⰾ҃ⰰⰰⱎⰵ. ⱅⰰⰽⱁ ⰵⱄⱅⱏ ⱌⱃ҃ⱄⰻⰵ ⰱⰶ҃ⰻⰵ. ⱑⰽⱁⰶⰵ ⱍⰽ҃ⱏ ⰲⱏⰿⱑⱅⰰⰵⱅⱏ ⱄⱑⰿⱔ ⰲⱏ ⰸⰵⰿⰾ̑ⱘ.
4:27
ⰺ҅ ⱄⱏⱂⰻⱅⱏ. ⰺ҅ ⰲⱏⱄⱅⰰⰵⱅⱏ ⱀⱁⱎⱅⱐ ⰺ҅ ⰴⱐⱀⱐ. ⰺ҅ ⱄⱑⰿⱔ ⱂⱃⱁⰸⱔⰱⰰⰵⱅⱏ. ⰺ҅ ⱃⰰⱄⱅⰵⱅⱏ ⱑⰽⱁⰶⰵ ⱀⰵ ⰲⱑⱄⱅⱏ ⱁⱀⱏ.
4:28
ⰲⱐ ⱄⰵⰱⱑ ⰱⱁ ⰸⰵⰿⰾ̑ⱑ ⱂⰾⱁⰴⰻⱅⱏ ⱄⱔ. ⱂⱃⱑⰶⰴⰵ ⱅⱃⱑⰲⱘ ⱂⱁⱅⱁⰿⱐ ⰶⰵ ⰽⰾⰰⱄⱏ. ⱂⱁⱅⱁⰿⱐ ⰶⰵ ⱂⱐⱎⰵⱀⰻⱌⱘ ⰲⱏ ⰽⰾⰰⱄⱑ.
4:29
ⰵⰳⰴⰰ ⰶⰵ ⱄⱏⰸⱐⱃⱑⰵⱅⱏ ⱂⰾⱁⰴⱏ. ⱂⱁⱄⱏⰾⰵⱅⱏ ⱄⱃⱏⱂⱏ. ⱀⰰⱄⱅⱁⰺⱅⱏ ⰶⱔⱅⰲⰰ.
4:30
ⰺ҅ ⰳⰾ҃ⰰⰰⱎⰵ. Ⱍⰵⱄⱁⰿⱆ ⱆⱂⱁⰴⱁⰱⰻⰿⱏ ⱌⱃ҃ⱄⰻⰵ ⰱⰶ҃ⰻⰵ. ⰾⰻ ⰽⱁⰵⰹ ⱂⱃⰻⱅⱏⱍⰻ. ⱂⱃⰻⰾⱁⰶⰻⰿⱏ ⰵ
4:31
ⱑⰽⱁ ⰳⱁⱃⱆⱎⱐⱀⱑ ⰸⱃⱏⱀⱑ. ⰵⰶⰵ ⰵⰳⰴⰰ ⰲⱏⱄⱑⱀⱁ ⰱⱘⰴⰵⱅⱏ ⰲⱏ ⰸⰵⰿⰾ̑ⱙ. ⰿⱐⱀ̑ⰵ ⰲⱄⱑⱈⱏ ⰵⱄⱅⱏ ⱄⱑⰿⰵⱀⱏ. ⰸⰵⰿⱏⱀⱏⰺ҅ⱈⱏ.
4:32
ⰺ҅ ⰵⰳⰴⰰ ⰲⱐⱄⱑⱀⱁ ⰱⱘⰴⰵⱅⱏ ⰲⱏⰸⰴⱃⰰⱄⱅⰵⱅⱏ. ⰺ҅ ⰱⱘⰴⰵⱅⱏ ⰱⱁⰾ̑ⰵ ⰲⱄⱑⱈⱏ ⰸⰵⰾⰻⰹ. ⰺ҅ ⱅⰲⱁⱃⰻⱅⱏ ⰲⱑⱅⰲⰻ ⰲⰵⰾⱐⱗ. ⱑⰽⱁ ⰿⱁⱎⱅⰻ ⱂⱁⰴⱏ ⱄⱑⱀⰻⱙ ⰵⰳⱁ. ⱂⱅⰻⱌⰰⰿⱏ ⱀⰵⰱ҃ⱄⰽⱏⰺⰿⱏ ⰲⰻⱅⰰⱅⰻ.
4:33
ⰺ҅ ⱅⰰⱌⱑⰿⰻ ⱂⱃⰻⱅⱏⱍⰰⰿⰻ ⰿⱀⱁⰳⰰⰿⰻ. ⰳⰾ҃ⰰⰰⱎⰵ ⰺ҅ⰿⱏ ⱄⰾⱁⰲⱁ. ⱑⰽⱁⰶⰵ ⰿⱁⰶⰰⰰⱈⱘ ⱄⰾⱏⰹⱎⰰⱅⰻ.
4:34
ⰱⰵⱄ ⱂⱃⰻⱅⱏⱍⱔ ⰶⰵ ⱀⰵ ⰳⰾ҃ⰰⰰⱎⰵ ⰺ҅ⰿⱏ. ⰵⰴⰻⱀⱏ ⰶⰵ ⱄⱏⰽⰰⰸⰰⰰⱎⰵ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ ⰲⸯⱄⱑ.
4:35
ⰺ҅ ⰳⰾ҃ⰰ ⰺ҅ⰿⱏ. ⰲⱏ ⱅⱏ ⰴⱐⱀⱐ ⰲⰵⱍⰵⱃⱆ ⰱⱏⰹⰲⱏⱎⱓ. ⱂⱃⱑⰺ҅ⰴⱑⰿⱏ ⱀⰰ ⱁⱀⱏ ⱂⱁⰾⱏ.
4:36
ⱁⱅⱏⱂⱆⱎⱅⱐⱎⰵ ⱀⰰⱃⱁⰴⱏ. ⱂⱁⱗⱎⱔ ⰻ ⱑⰽⱁⰶⰵ ⰱⱑ ⰲⱏ ⰾⰰⰴⰻⰹ. ⰺ҅ ⰻⱀⱏⰹ ⰶⰵ ⰾⰰⰴⰻⱗ ⰱⱑⰰⱈⱘ ⱄⱏ ⱀ̑ⰻⰿⰻ.
4:37
ⰺ҅ ⰱⱏⰹⱄⱅⱏ ⰱⱆⱃⱑ ⰲⱑⱅⱃⱏⱀⰰ ⰲⰵⰾⰻⱑ. ⰲⰾⱏⱀⱏⰹ ⰶⰵ ⰲⱏⰾⰻⰲⰰⰰⱈⱘ ⱄⱔ ⰲⱏ ⰾⰰⰴⰻⱙ. ⱑⰽⱁ ⱆⰶⰵ ⱂⱁⰳⱃⱔⰸⱀⱘⱅⰻ ⱈⱁⱅⱑⰰⱎⰵ.
4:38
ⰺ҅ ⰱⱑ ⱄⰰⰿⱏ ⱀⰰ ⰽⱃⱏⰿⱑ. ⱀⰰ ⰴⱁⱈⱏⱅⱁⱃⱑ ⱄⱏⱂⱔ. ⰺ҅ ⰲⱏⰸⰱⱆⰴⰻⱎⱔ ⰻ. ⰺ҅ ⰳⰾ҃ⰰⰰⱈⱘ ⰵⰿⱆ. ⱆⱍⰻⱅⰵⰾ̑ⱓ. ⱀⰵ ⱃⱁⰴⰻⱎⰻ ⰾⰻ ⱑⰽⱁ ⱂⱁⰳⱏⰹⰱⰰⰵⰿⱏ.
4:39
Ⰺ҅ ⰲⱏⱄⱅⰰⰲⱏ ⰸⰰⱂⱃⱑⱅⰻ ⰲⱑⱅⱃⱆ. ⰺ҅ ⱃⰵⱍⰵ ⰿⱁⱃⱓ. ⰿⰾⱐⱍⰻ. ⰺ҅ ⱆⱄⱅⰰⱀⰻ. ⰺ҅ ⱆⰾⰵⰶⰵ ⰲⱑⱅⱃⱏ. ⰺ҅ ⰱⱏⰹⱄⱅⱏ ⱅⰻⱎⰻⱀⰰ ⰲⰵⰾⱐⱑ.
4:40
ⰺ҅ ⱃⰵⱍⰵ ⰺ҅ⰿⱏ ⱍⱐⱅⱁ ⱅⰰⰽⱁ ⱄⱅⱃⰰⱎⰻⰲⰻ ⰵⱄⱅⰵ. ⰽⰰⰽⱁ ⱀⰵ ⰺ҅ⰿⰰⱅⰵ ⰲⱑⱃⱏⰹ.
4:41
ⰺ҅ ⰲⱏⰸⰱⱁⱑⱎⱔ ⱄⱔ ⱄⱅⱃⰰⱈⱁⰿⱐ ⰲⰵⰾⱐⰵⰿⱐ. ⰺ҅ ⰳⰾ҃ⰰⰰⱈⱘ ⰴⱃⱆⰳⱏ ⰽⱏ ⰴⱃⱆⰳⱆ. ⰽⱏⱅⱁ ⱆⰱⱁ ⱄⱐ ⰵⱄⱅⱏ. ⱑⰽⱁ ⰹ ⰲⱑⱅⱃⰻ ⰺ҅ ⰿⱁⱃ̑ⰵ ⱂⱁⱄⰾⱆⱎⰰⱙⱅⱏ ⰵⰳⱁ.