ⰺ҅ ⰲⱏⱀⰻⰴⰵ ⱂⰰⰽⱏⰹ ⰲⱏ ⱄⱏⱀⱏⰿⰻⱎⱅⰵ. Ⰺ ⰱⱑ ⱅⱆ ⱍⰽ҃ⱏ ⱄⱆⱈⱘ ⱃⱘⰽⱘ ⰺ҅ⰿⱏⰹ.

ⰺ҅ ⱀⰰⰸⰻⱃⰰⰰⱈⱘ ⰹ. ⰰⱎⱅⰵ ⰲⱏ ⱄⱘⰱⱁⱅⱘ ⰺ҅ⱌⱑⰾⰻⱅⱏ ⰹ. ⰴⰰ ⱀⰰ ⱀ̑ⱐ !ⰲⱏⰸⰳⰾⱙⱅⱏ.

ⰺ҅ ⰳⰾ҃ⰰ ⱍⰽ҃ⱆ ⰺ҅ⰿⱘⱎⱅⱆⰵⰿⱆ ⱄⱆⱈⱘ ⱃⱘⰽⱘ. ⱄⱅⰰⱀⰻ ⱂⱁⱄⱃⱑⰴⱑ.

ⰺ҅ ⰳⰾ҃ⰻ ⰺ҅ⰿⱏ. ⰴⱁⱄⱅⱁⰺ҅ ⰾⰻ ⰲⱏ ⱄⱘⰱⱁⱅⱏⰹ ⰴⱁⰱⱃⱁ ⱅⰲⱁⱃⰻⱅⰻ ⰾⰻ ⰸⱏⰾⱁ ⱅⰲⱁⱃⰻⱅⰻ. ⰴⱎ҃ⱘ ⱄⱂ҃ⱄⱅⰻ ⰾⰻ ⱂⱁⰳⱆⰱⰻⱅⰻ. ⱁⱀⰻ ⰶⰵ ⰿⰾⱐⱍⰰⰰⱈⱘ.

ⰲⱏⰸⱏⱃⱑⰲⱏ ⱀⰰ ⱀ̑ⱔ ⱄⱏ ⰳⱀⱑⰲⱁⰿⱐ. ⱄⰽⱃⱏⰱⱔ ⱁ ⱁⰽⰰⰿⰵⱀ̑ⰵⱀⰻⰹ ⱄⱃⱏⰴⱐⱌⰰ ⰺⱈⱏ. ⰳⰾ҃ⰰ ⱍⰽ҃ⱆ ⱂⱃⱁⱄⱅⱐⱃⰻ ⱃⱘⰽⱘ ⱅⰲⱁⱙ. ⰺ҅ ⱂⱃⱁⱄⱅⱐⱃⱑ. ⰺ҅ ⱆⱅⰲⱃⱏⰴⰻ ⱄⱔ ⱃⱘⰽⰰ ⰵⰳⱁ ⱌⱑⰾⰰ ⱑⰽⱏⰹ ⰴⱃⱆⰳⰰⱑ.

Ⰺ҅ ⰰⰱⱐⰵ ⰺ҅ⱎⱐⰴⱏⱎⰵ ⱇⰰⱃⰻⱄⱑⰻ. ⱄⱏ ⰹⱃⱁⰴⰻⱑⱀⱏⰹ. ⱄⱏⰲⱑⱅⱏ ⱄⱏⱅⰲⰰⱃⱑⰰⱈⱘ ⱀⰰ ⱀ̑ⱐ. ⰽⰰⰽⱁ ⰺ҅ ⰱⱘ ⱂⱁⰳⱆⰱⰻⰾⰻ.

ⰺⱄ҃ ⰶⰵ ⱁⱅⰻⰴⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰺ҅ⰿⰻ ⰽⱏ ⰿⱁⱃ̑ⱓ. ⰺ҅ ⰿⱀⱁⰳⱏ ⱀⰰⱃⱁⰴⱏ ⱁⱅⱏ ⰳⰰⰾⰻⰾⰵⱗ. ⱂⱁ ⱀ̑ⰵⰿⱐ ⰺ҅ⰴⱁⱎⱔ. ⰺ҅ ⱁⱅⱏ ⰺ҅ⱓⰴⰵⱗ.

ⰺ҅ ⱁⱅⱏ ⰵⰾ҃ⰿⰰ. ⰺ҅ ⱁⱅⱏ ⰺⰴⱆⰿⱑⱗ. ⰺ҅ ⱄⱏ ⱁⱀⱁⰳⱁ ⱂⱁⰾⱆ ⰺ҅ⱁⱃⰴⰰⱀⰰ. ⰺ҅ ⱄⱘⱎⱅⰵⰹ ⱁⱅⱏ ⱅⸯⱆⱃⱑ ⰺ҅ ⱄⰻⰴⱁⱀⰰ. ⰿⱀⱁⰳⱁ ⰿⱏⱀⱁⰶⱐⱄⱅⰲⱁ. ⱄⰾⱏⰹⱎⰰⰲⱏⱎⰵ ⰵⰾⰻⰽⱁ ⱄⱏⱅⰲⰰⱃⱑⰰⱎⰵ ⱂⱃⰻⰴⱁⱎⱔ ⰽⱏ ⱀ̑ⰵⰿⱆ.

ⰺ҅ ⱃⰵⱍⰵ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⰴⰰ ⰵⱄⱅⱏ ⱂⱃⰻ ⱀ̑ⰵⰿⱐ ⰾⰰⰴⰻⰹⱌⰰ ⱀⰰⱃⱁⰴⰰ ⱃⰰⰴⰻ. ⰴⰰ ⱀⰵ ⱄⱏⱅⱘⰶⰰⱙⱅⱏ ⰵⰿⱆ.

ⰿⱏⱀⱁⰳⱏⰹ ⰱⱁ ⰺ҅ⱌⱑⰾⰻ. ⱑⰽⱁ ⱀⰰⱂⰰⰴⰰⰰⱈⱘ ⰵⰿⱐ. ⱈⱁⱅⱔⱎⱅⰵ ⱂⱃⰻⰽⱁⱄⱀⱘⱅⰻ ⱄⱔ ⰵⰿⱐ. ⰵⰾⰻⰽⱁ ⰺ҅ⰿⱑⰰⱈⱘ ⱃⰰⱀⱏⰹ.

Ⰺ҅ ⰵⰳⰴⰰ ⰲⰻⰴⱑⰰⱈⱘ ⰹ ⰴⱄ҃ⰻ ⱀⰵⱍⰻⱄⱅⰻⰹ. ⱂⱃⰻⱂⰰⰴⰰⰰⱈⱘ ⰽⱏ ⱀ̑ⰵⰿⱆ. ⰺ҅ ⰲⱏⱂⰻⱑⱈⱘ ⰳⰾ̑ⱙⱎⱅⰵ. ⱑⰽⱁ ⱅⱏⰹ ⰵⱄⰻ ⱈ҃ⱏ ⱄⱀ҃ⱏ ⰱⰶ҃ⰹⰻ.

ⰺ҅ ⰿⱀⱁⰳⱁ ⱂⱃⱑⱎⱅⰰⰰⱎⰵ ⰺ҅ⰿⱏ. ⰴⰰ ⰰⰲⱑ ⱅⰲⱁⱃⱔⱅⱏ ⰵⰳⱁ. ⱑⰽⱁ ⰲⱑⰴⱑⰰⱈⱘ ⱈ҃ⰰ ⱄⰰⰿⱁⰳⱁ ⱄⱘⱎⱅⰰ.

Ⰺ҅ ⰲⱐⰸⰻⰴⰵ ⱀⰰ ⰳⱁⱃⱘ ⰺ҅ ⱂⱃⰻⰸⱏⰹⰲⰰ ⱗⰶⰵ ⱄⰰⰿⱏ ⰲⱏⱄⱈⱁⱅⱑ. ⰺ҅ ⰻⰴⱁⱎⱔ ⰽⱏ ⱀ̑ⰵⰿⱆ.

ⰺ҅ ⱄⱏⱅⰲⱁⱃⰻ .ⰱⰺ. ⰴⰰ ⰱⱘⰴⱘⱅⱏ ⱄⱏ ⱀ̑ⰻⰿⱐ. ⰺ҅ ⱂⱁⱄⱏⰹⰾⰰⰵⱅⱏ ⱗ ⱂⱃⱁⱂⱁⰲⱑⰴⰰⱅⰻ.

ⰺ҅ ⰻⰿⱑⱅⰻ ⱁⰱⰾⰰⱄⱅⱐ. ⱌⱑⰾⰻⱅⰻ ⱀⰵⰴⱘⰳⱏⰹ. ⰺ҅ ⰻⰸⰳⱁⱀⰻⱅⰻ ⰱⱑⱄⱏⰹ.

ⰺ҅ ⱀⰰⱃⰵⱍⰵ ⰺ҅ⰿⱔ ⱄⰻⰿⱁⱀⱆ ⱂⰵⱅⱃⱏ.

ⰺ҅ ⱑⰽⱁⰲⰰ ⰸⰵⰲⰵⰴⰵⱁⰲⰰ. ⰺ҅ ⰻⰰⱀⸯⱀⰰ ⰱⱃⰰⱅⱃⰰ ⰺⱑⰽⱁⰲⰾ̑ⱑ. ⰺ҅ ⱀⰰⱃⰵⱍⰵ ⰺ҅ⰿⰰ ⰺ҅ⰿⰵⱀⱑ. ⰲⱁⱁⰰⱀⰻⱃⰼⰻⱄⰻ. ⰵⰶⰵ ⰵⱄⱅⱏ ⱄⱀ҃ⰰ ⰳⱃⱁⰿⱁⰲⰰ.

ⰺ҅ ⰰⱀⰴⱃⱑⱘ ⰺ҅ ⱇⰻⰾⰻⱂⰰ. ⰺ҅ ⰲⰰⱃⸯⱅⱁⰾⱁⰿⰵⰰ. ⰺ҅ ⰿⰰⱅⸯⱅⰵⰰ ⰿⱏⰹⱅⰰⱃ̑ⱑ. ⰺ҅ ⱅⸯⱁⰿⱘ. ⰺ҅ ⰻⰽⱁⰲⰰ. ⰰⰾⱇⰵⱁⰲⰰ. ⰺ҅ ⱅⰰⰴⰵⰰ. ⰺ҅ ⱄⰻⰿⱁⱀⰰ. ⰽⰰⱀⰰⱀⱑⰰ.

ⰺ҅ ⱓⰴⱘ ⰺ҅ⱄⰽⰰⱃⰻⱁⱅⱐⱄⰽⰰⰰⰳⱁ. ⰺ҅ⰶⰵ ⰹ ⱂⱃⱑⰴⰰⱄⱅⱏ.

ⰺ҅ ⱂⱃⰻⰴⱁⱎⱔ ⰲⱏ ⰴⱁⰿⱏ. ⰺ҅ ⱄⱏⰱⱏⱃⰰⱎⱔ ⱄⱔ ⱂⰰⰽⱏⰹ ⱀⰰⱃⱁⰴⰻ. ⱑⰽⱁ ⱀⰵ ⰿⱁⱎⱅⰻ ⰺⰿⱏ ⱀⰻ ⱈⰾⱑⰱⰰ ⱄⱏⱀⱑⱄⱅⰻ.

ⰺ҅ ⱄⰾⱏⰹⱎⰰⰲⱏⱎⰵ ⰺ҅ⰶⰵ ⰱⱑⰰⱈⱘ ⱆ ⱀ̑ⰵⰳⱁ. ⰺ҅ⰸⰻⰴⱘ ⱗⱅⰻ ⰹ. ⰳⰾ҃ⰰⰰⱈⱘ ⰱⱁ ⱑⰽⱁ ⱀⰵⰺ҅ⱄⱅⱁⰲⱏ ⰵⱄⱅⱏ.

ⰺ҅ ⰽⱏⱀⰻⰶⱐⱀⰻⱌⰻ ⱀⰻⰸⱏⱎⱐⰴⱏⱎⰵ ⱁⱅⱏ ⰺ҅ⰵⰾ҃ⰿⰰ ⰳⰾ҃ⰰⰰⱈⱘ. ⱑⰽⱁ ⰲⰵⰾⱐⰸⱑⱆⰾⱏ ⰺⰿⰰⱅⱏ. ⰺ҅ ⱑⰽⱁ ⱁ ⰽⱏⱀⱔⰸⰻ ⰱⱑⱄⱏ. ⰺ҅ⰸⰳⱁⱀⰻⱅⱏ ⰱⱑⱄⱏⰹ.

ⰺ҅ ⱂⱃⰻⰸⱏⰲⰰⰲⱏ ⱗ. ⰲⱏ ⱂⱃⰻⱅⱏⱍⰰⱈⱏ ⰳⰾ҃ⰰⰰⱎⰵ ⰺ҅ⰿⱏ. ⰽⰰⰽⱁ ⰿⱁⰶⰵⱅⱏ ⱄⱁⱅⱁⱀⰰ ⱄⱁⱅⱁⱀⱘ ⰺ҅ⰸⰳⱏⱀⰰⱅⰻ.

ⰺ҅ ⰰⱎⱅⰵ ⱌⱃ҃ⱄⱁ ⱀⰰ ⱄⱔ ⱃⰰⰸⰴⱑⰾⰻⱅⱏ ⱄⱔ. ⱀⰵ ⰿⱁⰶⰵⱅⱏ ⱄⱅⰰⱅⰻ ⱌⱃⱐⱄ҃ⱅⰲⱁ ⱅⱁ.

ⰺ҅ ⰰⱎⱅⰵ ⰴⱁⰿⱏ ⱀⰰ ⱄⱔ ⱃⰰⰸⰴⱑⰾⰻⱅⱏ ⱄⱔ. ⱀⰵ ⰿⱁⰶⰵⱅⱏ ⱄⱅⰰⱅⰻ ⰴⱁⰿⱏ ⱅⱏ.

ⰺ҅ ⰰⱎⱅⰵ ⱄⱁⱅⱁⱀⰰ ⱄⰰⰿⱏ ⰲⱏⱄⱅⰰ ⱀⰰ ⱄⱔ. ⰺ҅ ⱃⰰⰸⰴⱑⰾⰻ ⱄⱔ. ⱀⰵ ⰿⱁⰶⰵⱅⱏ ⱄⱅⰰⱅⰻ. ⱀⱏ ⰽⱁⱀⱐⱍⰻⱀⱘ ⰺ҅ⰿⰰⱅⱏ.

ⱀⰻⰽⱏⱅⱁⰶⰵ ⱀⰵ ⰿⱁⰶⰵⱅⱏ ⱄⱏⱄⱘⰴⱏ ⰽⱃⱑⱂⱏⰽⰰⰵⰳⱁ. ⰲⱏⱎⱐⰴⱏ ⰲⱏ ⰴⱁⰿⱏ ⰵⰳⱁ. ⱃⰰⱄⱈⱏⰹⱅⰻⱅⰻ. ⰰⱎⱅⰵ ⱀⰵ ⱂⱃⱐⰲⱑⰵ ⰽⱃⱑⱂⱏⰽⰰⰵⰳⱁ ⱄⱏⰲⱔⰶⰵⱅⱏ. ⰺ҅ ⱅⱏⰳⰴⰰ ⰴⱁⰿⱏ ⰵⰳⱁ ⱃⰰⱄⱈⱏⰹⱅⰻⱅⱏ.

ⰰⰿⰻⱀⸯ ⰳⰾ҃ⱙ ⰲⰰⰿⱏ. ⱑⰽⱁ ⰲⱄⱑ ⱁⱅⱏⱂⱆⱄⱅⱔⱅⱏ ⱄⱔ ⱄⱀ҃ⱁⰿⱏ ⱍⱄ҃ⰽⱁⰿⱏ. ⱄⱏⰳⱃⱑⱎⰵⱀⰻⱑ. ⰺ҅ ⰲⰾⰰⱄⰿⰻⱗ. ⰵⰾⰻⰽⱁ ⰰⱎⱅⰵ ⰲⰾⰰⱄⰲⰻⰿⰻⱄⰰⱙⱅⱏ.

ⰰ ⰺ҅ⰶⰵ ⰰⱎⱅⰵ ⰲⰾⰰⱄⰲⰻⰿⰻⱄⰰⰵⱅⱏ ⱀⰰ ⱄⱅ҃ⱏⰺ ⰴⱈ҃ⱏ. ⱀⰵ ⰺ҅ⰿⰰⱅⱏ ⱁⱅⱏⱂⱆⱎⱅⰵⱀⰻⱑ ⰲⱏ ⰲⱑⰽⱏⰹ. ⱂⱁⰲⰻⱀⱀⱏ ⰲⱐⱄⰵ ⰱⱏⰹⰲⰰⰵⱅⱏ.