ЕВАНГЕЛИЕ ЕЖЕ Ѿ МАРЪКА
15:1
Ⰺ҅ ⰰⰱⱐⰵ ⱀⰰ ⱆⱅⱃⱐⱑ. ⱄⱏⰲⱑⱅⱏ ⱄⱅⰲⱁⱃⰻⱎⱔ ⰰⱃⱈⸯⰻⰵⱃⰵⰹ. ⱄⱏ ⱄⱅⰰⱃⸯⱌⰻ ⰺ҅ ⰽⱏⱀⰻⰶⱐⱀⰻⰽⱏⰹ. ⰺ҅ ⰲⱐⱄⱐ ⱄⱏⱀⱏⰿⱏ. ⱄⱏⰲⱔⰸⰰⰲⱏⱎⰵ ⰺ҅ⱄ҃ⰰ ⰲⰵⰴⱁⱎⱔ. ⰺ҅ ⱂⱃⱑⰴⰰⱎⱔ ⰹ ⱂⰻⰾⰰⱅⱁⰲⰻ.
15:2
Ⰺ҅ ⰲⱏⱂⱃⱁⱄⰻ ⰹ ⱂⰻⰾⰰⱅⱏ. ⱅⱏⰹ ⰾⰻ ⰵⱄⰻ ⱌⱃ҃ⱐ ⰺ҅ⱓⰴⰵⰺ҅ⱄⰽⱏ. ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⱅⱏⰹ ⰳⰾ҃ⰵⱎⰻ.
15:3
ⰺ҅ ⰳⰾ҃ⰰⰰⱈⱘ ⱀⰰ ⱀ̑ⱐ ⰰⱃⱈⰻⰵⱃⱑⰹ ⰿⱀⱁⰳⱁ. ⱁⱀⱏ ⰶⰵ ⱀⰻⱍⱐⱄⱁⰶⰵ ⱀⰵ ⱁⱅⱏⰲⱑⱎⱅⰰⰲⰰⰰⱎⰵ.
15:4
Ⱂⰻⰾⰰⱅⱏ ⰶⰵ ⱂⰰⰽⱏⰹ ⰲⱏⱂⱃⰰⱎⰰⰰⱎⰵ ⰹ ⰳⰾ҃ⱔ. ⱀⰵ ⱁⱅⱏⰲⱑⱎⱅⰰⰲⰰⰵⱎⰻ ⰾⰻ ⱀⰻⱍⱐⱄⱁⰶⰵ. ⰲⰻⰶⰴⱐ ⰽⱁⰾⰻⰽⱁ ⱀⰰ ⱅⱔ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱙⱅⱏ.
15:5
ⰺ҅ⱄ҃ ⰶⰵ ⰽⱏ ⱀ̑ⰵⰿⱆ ⱀⰻⱍⱐⱄⱁⰶⰵ ⱀⰵ ⱁⱅⱏⰲⱑⱎⱅⰰ. ⱑⰽⱁ ⰴⰻⰲⰻⱅⰻ ⱄⱔ ⱂⰻⰾⰰⱅⱁⰲⰻ.
15:6
Ⱀⰰ ⰲⱄⱑⰽⱏ ⰶⰵ ⱂⱃⰰⰸⰴⱐⱀⰻⰽⱏ. ⱁⱅⱏⱂⱆⱎⱅⰰⰰⱎⰵ ⰺ҅ⰿⱏ. ⰵⰴⰻⱀⱁⰳⱁ ⱄⱏⰲⱔⰸⱐⱀ̑ⱑ ⰵⰳⱁⰶⰵ ⱂⱃⱁⱎⰰⰰⱈⱘ.
15:7
Ⰱⱑ ⰶⰵ ⱀⰰⱃⰻⱌⰰⰵⰿⱏⰺ ⰲⰰⱃⰰⰰⰲⰰ. ⱄⱏ ⱄⰲⱁⰹⰿⰻ ⰽⱁⰲⱐⱀⰻⰽⱏⰹ ⱄⱏⰲⱔⰸⰰⱀⱏ. ⰺ҅ⰶⰵ ⰲⱏ ⰳⱁⱃⱑ ⱆⰱⱐⰹⱄⱅⰲⰰ ⱄⱅⰲⱁⱃⰻⱎⱔ.
15:8
ⰺ҅ ⰲⱏⰸⱏⱂⰻⰲⱏ ⱀⰰⱃⱁⰴⱏ. ⱀⰰⱍⱔ ⱂⱃⱁⱄⰻⱅⰻ. ⱑⰽⱁⰶⰵ ⱅⰲⱁⱃⱑⰰⱎⰵ ⰺ҅ⰿⱏ.
15:9
Ⱂⰻⰾⰰⱅⱏ ⰶⰵ ⱁⱅⱏⰲⱑⱎⱅⰰ ⰺ҅ⰿⱏ ⰳⰾ҃ⱔ. ⱈⱁⱎⱅⰵⱅⰵ ⰾⰻ ⰴⰰ ⱁⱅⱏⱂⱆⱎⱅⱘ ⰲⰰⰿⱏ ⱌⱃ҃ⱑ ⰺ҅ⱓⰴⰵⰺ҅ⱄⰽⰰ.
15:10
ⰲⱑⰴⱑⰰⱎⰵ ⰱⱁ ⱑⰽⱁ ⰸⰰⰲⰻⱄⱅⰻ ⱃⰰⰴⰻ ⱂⱃⱑⰴⰰⱎⱔ ⰹ ⰰ!ⱃⱈⸯⰻⰵⱃⰵⰹ.
15:11
ⰰⱃⱈⸯⰻⰵⱃⰵⰹ ⰶⰵ ⱂⱁⰿⰰⱀⱘⱎⱔ ⱀⰰⱃⱁⰴⱆ. ⰴⰰ ⱂⰰⱍⰵ ⰲⰰⱃⰰⰰⰲⱘ ⱁⱅⱏⱂⱆⱄⱅⰻⱅⱏ ⰺⰿⱏ.
15:12
Ⱂⰻⰾⰰⱅⱏ ⰶⰵ ⱁⱅⱏⰲⱑⱎⱅⰰⰲⱏ. ⱂⰰⰽⱏⰹ ⱃⰵⱍⰵ ⱍⱐⱅⱁ ⱆⰱⱁ ⱈⱁⱎⱅⰵⱅⰵ ⱄⱅⰲⱁⱃ̑ⱙ. ⰵⰳⱁⰶⰵ ⰳⰾ҃ⰵⱅⰵ ⱌⱃ҃ⱑ ⰺ҅ⱓⰴⰵⰺ҅ⱄⰽⰰ.
15:13
ⱁⱀⰻ ⰶⰵ ⱂⰰⱍⰵ ⰲⱏⰸⱏⱂⰻⱎⱔ ⱂⱃⱁⱂⱐⱀⰻ ⰻ.
15:14
ⱂⰻⰾⰰⱅⱏ ⰶⰵ ⰳⰾ҃ⰰ ⰺ҅ⰿⱏ. ⱍⱐⱅⱁ ⱆⰱⱁ ⱄⱅⰲⱁⱃⰻ ⰸⱏⰾⱁ. ⱁⱀⰻ ⰶⰵ ⰾⰻⱎⰵ ⰲⱏⰸⱏⱂⰻⱎⱔ ⱂⱃⱁⱂⱐⱀⰻ ⰹ.
15:15
Ⱂⰻⰾⰰⱅⱏ ⰶⰵ ⱈⱁⱅⱔ ⱀⰰⱃⱁⰴⱆ ⱂⱁⱈⱁⱅⱐ ⱄⱏⱅⰲⱁⱃⰻⱅⰻ. ⱂⱆⱄⱅⰻ ⰺ҅ⰿⱏ ⰲⰰⱃⰰⰰⰲⱘ. ⰺ҅ ⱂⱃⱑⰴⰰⱄⱅⱏ ⰻⱄ҃ⰰ ⱅⰵⱂⱏ. ⰴⰰ ⰹ ⱃⰰⱄⱂⱏⱀⱘⱅⱏ.
15:16
Ⰲⱁⰺⱀⰻ ⰶⰵ ⰲⰵⰴⱁⱎⱔ ⰹ ⰲⱏⱀⱘⱅⱃⱐ ⱀⰰ ⰴⰲⱁⱃⱏ. ⰵⰶⰵ ⰵⱄⱅⱏ ⱂⱃⱑⱅⱁⱃⱏ. ⰺ҅ ⱂⱃⰻⰸⱏⰲⰰⱎⱔ ⰲⱐⱄⱘ ⱄⱂⰻⱃⱘ.
15:17
ⰺ҅ ⱁⰱⰾⱑⱎⱔ ⰹ ⰲⱏ ⱂⱃⰰⱂⱃⱘⰴⱘ. ⰺ҅ ⰲⱏⰸⰾⱁⰶⰻⱎⱔ ⱀⰰ ⱀ̑ⱐ. ⱄⱏⱂⰾⰵⱅⱏⱎⰵ. ⱅⱃⱐⱀⱁⰲⱏ ⰲⱑⱀⱐⱌⱐ.
15:18
ⰺ҅ ⱀⰰⱍⱔⱄⱔ ⱌⱑⰾⱁⰲⰰⱅⰻ ⰹ. ⱃⰰⰴⱆⰹ ⱄⱔ !ⱌⱃⱓ ⰺ҅ⱓⰴⱑⰺ҅ⱄⰽⱏ.
15:19
ⰺ҅ ⰱⱐ̆ⱑⰰⱈⱘ ⱅⱃⱐⱄⱅⱐⱙ ⱂⱁ ⰳⰾⰰⰲⱑ. ⰺ҅ ⱂⰾⱐⰲⰰⰰⱈⱘ ⱀⰰ ⱀ̑ⱐ. ⰺ҅ ⱂⱃⱑⰳⱏⰹⰱⰰⱙⱎⱅⰵ ⰽⱁⰾⱑⱀⰰ. ⱂⱁⰽⰾⰰⱀ̑ⱑⰰⱈⱘ ⰵⰿⱆ.
15:20
Ⰺ҅ ⰵⰳⰴⰰ ⱂⱁⱃⱘⰳⰰⱎⱔ ⱄⱔ ⰵⰿⱆ. ⱄⱏⰲⰾⱑⱎⱔ ⱄⱏ ⱀ̑ⰵⰳⱁ ⱂⱃⰰⱂⱃⱘⰴⱏ. ⰺ҅ ⱁⰱⰾⱑⱎⱔ ⰻ ⰲⱐ ⱃⰻⰸⱏⰹ ⱄⰲⱁⱗ. ⰺ҅ ⰻⰸⰲⰵⰴⱁⱎⱔ ⰹ ⰴⰰ ⰹ ⱂⱃⱁⱂⱐⱀⱘⱅⱏ.
15:21
Ⰺ҅ ⰸⰰⰴⱑⱎⱔ ⰿⰻⰿⱁⱈⱁⰴⱔⱎⱅⱓ. ⰵⱅⰵⱃⱆ ⱄⰻⰿⱁⱀⱆ. ⰽ̑ⱛⱃⱑⱀⰻⱀⱆ ⰳⱃⱔⰴⱘⱎⱅⱓ ⱄⱏ ⱄⰵⰾⰰ. !ⱁⱌⱓ ⰰⰾⰵⰽⸯⱄⰰⱀⸯⰴⱃⱁⰲⱆ. ⰺ҅ ⱃ[ⱆ]ⱇⱁⰲⱆ. ⰴⰰ ⰲⱏⰸⱏⰿⰵⱅⱏ ⰽⱃⱏⱄⱅⱏ ⰵⰳⱁ.
15:22
Ⰺ ⱂⱃⰻⰲⰵⰴⱁⱎⱔ ⰹ ⱀⰰ ⰿⱑⱄⱅⱁ ⰼⰵⰾⱏⰼⱁⱅⰰ. ⰵⰶⰵ ⰵⱄⱅⱏ ⱄⱏⰽⰰⰸⰰⰵⰿⱁ ⰽⱃⰰⱀⰻⰵⰲⱁ ⰿⱑⱄⱅⱁ.
15:23
Ⰺ҅ ⰴⰰⱑⱈⱘ ⰵⰿⱆ. ⱂⰻⱅⰹ ⱁⱌⱐⱅⱏⱀⱁ ⰲⰻⱀⱁ. ⱁⱀⱏ ⰶⰵ ⱀⰵ ⱂⱃⰻⱗⱅⱏ.
15:24
Ⰺ҅ ⱂⱃⱁⱂⱐⱀⱏⱎⰵ ⰹ. ⱃⰰⰸⰴⱑⰾⱐⱎⰵ ⱃⰻⰸⱏⰹ ⰵⰳⱁ ⰿⰵⱅⰰⱎⱔ ⰶⱃⱑⰱⱐⱗ ⱁ ⱀ̑ⱔ. ⰽⱏⱅⱁ ⱍⱐⱅⱁ ⰲⱐⰸⱏⰿⰵⱅⱏ.
15:25
Ⰱⱑ ⰶⰵ ⰳⱁⰴⰻⱀⰰ ⱅⱃⱐⱅⱐⱑ. ⰺ҅ ⱂⱃⱁⱂⱔⱎⱔ ⰹ.
15:26
ⰺ҅ ⰱⱑ ⱀⰰⱄⸯⱂⰰⱀⱐⰵ ⰲⰻⱀⱏⰹ ⰵⰳⱁ ⱀⰰⱂⸯⱄⰰⱀⱁ. ⱌⱃ҃ⱐ ⰺ҅ⱓⰴⰵⰺ҅ⱄⰽⱏ.
15:27
Ⰺ҅ ⱄⱏ ⱀ̑ⰻⰿⱐ ⱃⰰⱄⱂⱔⱎⱔ ⰴⰲⰰ ⱃⰰⰸⰱⱁⰺ҅ⱀⰻⰽⰰ. ⰵⰴⰻⱀⱁⰳⱁ ⱁ ⰴⰵⱄⱀⱘⱙ. ⰰ ⰴⱃⱆⰳⰰⰰⰳⱁ ⱁ ⱎⱓⱙ ⰵⰳⱁ.
15:28
Ⰺ҅ ⱄⱏⰱⱏⰹⱄⱅⱏ ⱄⱔ ⱂⸯⱄⰰⱀⱁⰵ ⰵⰶⰵ ⰳⰾ҃ⰵⱅⱏ. Ⰺ ⱄⱏ ⰱⰵⰸⰰⰽⱁⱀⱀⰻⰽⱁⰿⰰ ⱂⱃⰻⱍⱐⱅⰵⱀⱏ ⰱⱏⰹ!ⱄ.
15:29
ⰺ҅ ⰿⰻⰿⱁⱈⱁⰴⱔⱎⱅⰵⰻ ⱈⱆⰾ̑ⱑⰰⱈⱘ ⰹ. ⱂⱁⰽⱏⰹⰲⰰⱙⱎⱅⰵ ⰳⰾⰰⰲⰰⰿⰻ ⱄⰲⱁⰺ҅ⰿⰻ. ⰺ҅ ⰳⰾ̑ⱙⱎⱅⰵ ⱆⰲⸯⰲⰰ. ⱃⰰⰸⰰⱃⱑⱗⰹ ⱌⱃⱏⰽⱏⰲⰵ ⰺ҅ ⱅⱃⱐⰿⰻ ⰴⱐⱀⱐⰿⰻ ⱄⱏⰸⰻⰴⰰⱗ.
15:30
!ⱄⱏⱂⱄⰻ ⱄⱔ ⱄⰰⰿⱏ. ⰺ҅ ⱄⱏⱀⰻⰴⰻ ⱄⱏ !ⰽⱃⱄⱅⰰ.
15:31
Ⱅⰰⰽⱁⰶⰴⰵ ⰺ҅ ⰰⱃⸯⱈⰻⰵⱃⱑⰹ ⱃⱘⰳⰰⰰⱈⱘ ⱄⱔ. ⱄⱏ ⰽⱏⱀⰻⰶⱐⱀⰻⰽⱏⰹ. ⰴⱃⱆⰳⱏ ⰴⱃⱆⰳⱆ ⰳⰾ҃ⰰⰰⱈⱘ. ⰺ҅ⱀⱏⰹ ⱄⱂ҃ⰵ. ⰰⰾⰻ ⱄⰵⰱⰵ ⱀⰵ ⰿⱁⰶⰵⱅⱏ ⱄⱏⱂⰰⱄⱅⰻ.
15:32
ⱈ҃ⱏ ⱌⱃ҃ⱐ !ⰺ҅ⰾⰵⰲⱏ. ⰴⰰ ⱄⱏⱀⰻⰴⰵⱅⱏ ⱀⱏⰹⱀ̑ⱑ ⱄⱏ !ⰽⱃⱄⱅⰰ. ⰴⰰ ⰲⰻⰴⰻⰿⱏ ⰺ҅ ⰲⱑⱃⱘ ⰺ҅ⰿⰵⰿⱏ. !ⰽⱁ!ⱌ: - Ⰺ҅ ⱂⱃⱁⱂⱔⱅⰰⱑ ⱄⱏ ⱀ̑ⰻⰿⱐ. ⱂⱁⱀⱁⱎⰰⰰⱎⰵⱅⰵ ⰵⰿⱆ.
15:33
Ⰱⱏⰹⰲⱏⱎⰻ ⰶⰵ ⰳⱁⰴⰻⱀⱑ ⱎⰵⱄⱅⱑⰹ. ⱅⱏⰿⰰ ⰱⱏⰹ!ⱄ ⱂⱁ ⰲⱐⱄⰵⰹ ⰸⰵⰿⰾ̑ⰻ. ⰴⱁ ⰴⰵⰲⱔⱅⱏⰹⱗ ⰳⱁⰴⰻⱀⱏⰹ.
15:34
Ⰺ҅ ⰲⱏ ⰴⰵⰲⱔⱅⱘⱙ ⰶⰵ ⰳⱁⰴⰻⱀⱘ ⰲⱐⰸⱏⱂⰻ ⰻⱄ҃. ⰳⰾⰰⱄⱁⰿⱐ ⰲⰵⰾⱐⰵⰿⱐ ⰳⰾ҃ⱔ. ⰵⰾⱁⰹ ⰵⰾⱁⰹ. ⰾⰻⰿⰰ ⰸⰰⰲⰰⱈⱏⱅⰰⱀⰻ. ⰵⰶⰵ ⰵⱄⱅⱏ ⱄⱏⰽⰰⰸⰰⰵⰿⱁ. ⰱⰶ҃ⰵ ⰿⱁⰻ. ⰱⰶ҃ⰵ ⰿⱁⰻ ⰲⱏⱄⰽⱘⱙ ⰿⱔ ⱁⱄⱅⰰⰲⰻ.
15:35
Ⰺ҅ ⰵⱅⰵⱃⰻⰹ ⱁⱅⱏ ⱄⱅⱁⱗⱎⱅⰻⰹⱈⱏ. ⱄⰾⱏⰹⱎⰰⰲⱏⱎⰵ ⰳⰾ҃ⰰⰰⱈⱘ. ⰲⰻⰶⰴⱐ. ⰺ҅ⰾⰻⱙ ⰳⰾⰰⱎⰰⰵⱅⱏ.
15:36
Ⱅⰵⰽⱏ ⰶⰵ ⰵⰴⰻⱀⱏ. ⰺ҅ ⰻⱄⱂⰾⱏⱀ̑ⱐ ⰳⱘⰱⱘ ⱁⱌⱐⱅⰰ. ⰲⱐⰸⱀⱐⰸⱏ ⱀⰰ ⱅⱃⱐⱄⱅⱐ. ⱀⰰⱂⰰⱑⰰⱎⰵ ⰹ ⰳⰾ҃ⱔ. ⱀⰵ ⰴⱑⰺ҅ⱅⰵ ⰴⰰ ⰲⰻⰴⰻⰿⱏ. ⰰⱎⱅⰵ ⱂⱃⰻⰴⰵⱅⱏ ⰺ҅ⰾⰻⱑ. ⱄⱏⱀⱔⱅⱏ ⰵⰳⱁ.
15:37
!Ⰻⱄ ⰶⰵ ⱂⱆⱎⱅⱐ ⰳⰾⰰⱄⱏ ⰲⰵⰾⱐⰹ. ⰺ҅ⰸⰴⱏⱎⰵ.
15:38
ⰺ҅ ⱁⱂⱁⱀⰰ ⱌⱃ҃ⰽⱏⰲⱏⱀⰰⰰ ⱃⰰⰸⰴⱏⱃⰰ ⱄⱔ ⱀⰰ ⰴⱏⰲⱁⰵ. ⱄⱏ ⰲⱏⰹⱎⰵ ⰴⱁ ⱀⰻⰶⰵ.
15:39
Ⰲⰻⰴⱑⰲⱏ ⰶⰵ ⱄⱏⱅⱐⱀⰻⰽⱏ ⱄⱅⱁⱗⰹ ⱂⱃⱑⰿⱁ ⰵⰿⱆ. ⱑⰽⱁ ⱅⰰⰽⱁ ⰲⱏⰸⱏⱂⰻⰲⱏ ⰺ҅ⰸⰴⱏⱎⰵ. ⱃⰵⱍⰵ. Ⰲⱏ ⰺⱄⱅⰻⱀⱘ ⱍⰽ҃ⱏ ⱄⱐ. ⱄⱀ҃ⱏ ⰱⰶ҃ⱐⰹ ⰱⱑ.
15:40
Ⰱⱑⰰⱈⱘ ⰶⰵ ⰶⰵⱀⱏⰹ ⰺ҅ⰸⰴⰰⰾⰵⱍⰵ ⰸⱐⱃⱔⱎⱅⱔ ⰲⱐ ⱀ̑ⰻⱈⱏ ⰶⰵ ⰱⱑ ⰿⰰⱃⰻⱑ ⰿⰰⰳⰴⰰⰾⱏⰹⱀ̑ⰻ. ⰺ҅ ⰿⰰⱃⰻⱑ ⰺ҅ⱑⰽⱁⰲⰰ ⰿⰰⰾⰰⰰⰳⱁ. ⰺ҅ ⰿⰰⱅⰻ ⰺⱁⱄⰻⱁⰲⰰ. ⰺ҅ ⱄⰰⰾⱁⰿⰻ.
15:41
ⱗⰶⰵ ⰵⰳⰴⰰ ⰱⱑ ⰲⱏ ⰳⰰⰾⰻⰾⰵⰹ. ⱂⱁ ⱀ̑ⰵⰿⱐ ⱈⱁⰶⰴⰰⰰⱈⱘ ⰺ҅ ⱄⰾⱆⰶⰰⰰⱈⱘ ⰵⰿⱆ. ⰺ҅ ⰻⱀⱏⰹ ⰿⱀⱁⰳⱏⰹ. ⰲⱏⱎⱐⰴⱏⱎⱔⱗ ⱄⱏ ⱀ̑ⰻⰿⱐ ⰲⱏ !ⰵⱃⰾⰿⱏ.
15:42
!ⰸⰰⱍ. Ⰺ҅ ⱓⰶⰵ ⱂⱁⰸⰴⱑ ⰱⱏⰹⰲⱏⱎⱓ. ⱂⱁⱀ̑ⰵⰶⰵ ⰱⱑ ⱂⰰⱃⰰⱄⰽ̑ⰵⰲⱐⰼⰻⸯⰹ. ⰵⰶⰵ ⰵⱄⱅⱏ ⰽⱏ ⱄⱘⰱⱁⱅⱑ.
15:43
ⱂⱃⰻⰴⰵ ⰺ҅ⱁⱄⰻⱇⱏ ⱁⱅⱏ ⰰⱃⰻⰿⰰⱅⸯⰵⱗ. ⰱⰾⰰⰳⱁ̆ⱁⰱⱃⰰⰸⱐⱀⱏ ⱄⱏⰲⱑⱅⱐⱀⰻⰽⱏ. ⰺ҅ⰶⰵ ⰺ҅ ⱅⱏ ⰱⱑ ⱍⰰⱗ ⱌⱃ҃ⱄⰻⱑ ⰱⰶ҃ⱐⱑ. ⰺ҅ ⰴⱃⱏⰸⱀⱘⰲⱏ ⰲⱐⱀⰻⰴⰵ ⰽⱏ ⱂⰻⰾⰰⱅⱆ. ⰺ҅ ⱂ!ⱃⱁⱄⰻ ⱅⱑⰾⰰ ⰺⱄ҃ⰲⰰ.
15:44
ⱂⰻⰾⰰⱅⱏ ⰶⰵ ⰴⰻⰲⰹ ⱄⱔ. ⰰⱎⱅⰵ ⱆⰶⰵ ⱆⰿⱃⱑⱅⱏ. ⰺ҅ ⱂⱃⰻⰸⱏⰲⰰⰲⱏ ⱄⱏⱅⱐⱀⰻⰽⰰ. ⰲⱏⱂⱃⱁⱄⰻ ⰹ ⰰⱎⱅⰵ ⱆⰿⱃⱑⱅⱏ.
15:45
ⰺ҅ ⱆⰲⱑⰴⱑⰲⱏ ⱁⱅⱏ ⰽ̑ⰵⱀⱏⱅⱆⱃⰻⱁⱀⰰ. ⰴⰰⱄⱅⱏ ⱅⱑⰾⱁ ⰺ҅ⱁⱄⰻⱇⱁⰲⰻ.
15:46
Ⰺ҅ ⰽⱆⱂⰾ̑ⱐ ⱂⱁⱀ̑ⱑⰲⰻⱌⱘ. ⰺ҅ ⱄⱏⱀⱐⰿⱏ ⱁⰱⰻⱅⱏ ⰹ ⰲⱏ ⱂⱁⱀ̑ⱑⰲⰻⱌⱘ. ⰺ҅ ⰲⱏⰾⱁⰶⰻ ⰹ ⰲⱏ ⰳⱃⱁⰱⱏ. ⰺ҅ⰶⰵ ⰱⱑ ⰺ҅ⱄⱑⱍⰵⱀⱏ ⰲⱏ ⰽⰰⰿⰵⱀⰵ. ⰺ҅ ⱂⱃⰻⰲⰰⰾⰻ ⰽⰰⰿⰵⱀⱐ ⱀⰰ ⰴⰲⱐⱃⰻ ⰳⱃⱁⰱⰰ.
15:47
Ⰿⰰⱃⰻⱑ ⰶⰵ ⰿⰰⰳⰴⰰⰾⱏⰹⱀ̑ⰻ. ⰺ҅ ⰿⰰⱃⰻⱑ ⰺ҅ⱁⱄⰻⱁⰲⰰ. ⰸⱐⱃⱑⰰⱎⰵⱅⰵ ⰽⱏⰴⰵ ⰹ ⱂⱁⰾⰰⰳⰰⰰⱈⱘ. !ⰽⱁ!ⱌ.