Ⰱⱑ ⰶⰵ ⱂⰰⱄⱈⰰ ⰺ҅ ⱁⱂⱃⱑⱄⱀⱏⱌⰻ. ⱂⱁ ⰴⱏⰲⱁⱓ ⰴⱐⱀⱆ. ⰺ҅ ⰻⱄⰽⰰⰰⱈⱘ ⰰⱃⸯⱈⸯⰻⰵⱃⰵⰻ ⰺ҅ ⰽⱏⱀⰻⰶⱐⱀⰻⱌⰻ. ⰽⰰⰽⱁ ⰹ ⰾⱐⱄⱅⰻⱙ ⰵⰿⱏⱎⰵ ⱆⰱⰻⱙⱅⱏ.

ⰳⰾ҃ⰰⰰⱈⱘ ⰶⰵ ⱀⱏ ⱀⰵ ⱂⱃⰰⰸⰴⱐⱀⰻⰽⱏ. ⰵⰴⰰ ⰽⰰⰽⱁ ⰿⰾ̑ⱐⰲⰰ ⰱⱘⰴⰵⱅⱏ ⰲⱏ ⰾ̑ⱓⰴⱐⱈⱏ.

Ⰺ҅ ⱄⱘⱎⱅⱓ ⰵⰿⱆ ⰲⱏ ⰲⰻⱅⸯⰰⱀⰻⰹ. ⰲⱏ ⰴⱁⰿⱆ ⱄⰻⰿⱁⱀⰰ ⱂⱃⱁⰽⰰⰶⰵⱀⰰⰰⰳⱁ. ⰲⱐⰸⰾⰵⰶⱔⱎⱅⱓ ⰵⰿⱆ. ⱂⱃⰻⰴⰵ ⰶⰵⱀⰰ. ⰺ҅ⰿⱘⱎⱅⰻ ⰰⰾⰰⰲⱑⱄⱅⱃⱏ ⱈⱃⰻⰸⰿⱏⰹ. ⱀⰰⱃⸯⰴⱐⱀⱏⰹ ⱂⰻⱄⱅⰻⰽ̑ⰻⰹ ⰴⱃⰰⰳⱏⰹ. ⰺ҅ ⱄⱏⰽⱃⱆⱎⱐⱎⰻ ⰰⰾⰰⰲⱑⱄⱅⱃⱏ. ⰲⱐⰸⰾⱐⱑ ⰵⰿⱆ ⱀⰰ ⰳⰾⰰⰲⱘ.

ⰱⱑⰰⱈⱘ ⰶⰵ ⰵⱅⰵⱃⰹⰻ ⱀⰵⰳⱁⰴⱆⱙⱎⱅⰵ. ⰲⱐ ⱄⰵⰱⱑ. ⰺ҅ ⰳⰾ҃ⱙⱎⱅⰵ. ⰲⱐ ⱍⰵⰿⱐ ⰳⱏⰹⰱⱑⰾⱐ ⱄⰻ ⱈⱃⰻⰸⰿⱏⱀⰰⱑ ⰱⱏⰹ!ⱄ.

ⰿⱁⰶⰰⰰⱎⰵ ⰱⱁ ⱄⰻ ⱈⱃⰻⰸⰿⰰ ⱂⱃⱁⰴⰰⱀⰰ ⰱⱏⰹⱅⰻ. ⰲⱔⱎⱅⰵ ⱅⱃⰻⰹ ⱄⱏⱅⱏ ⱂⱑⱀⱔⰸⱐ. ⰺ҅ ⰴⰰⱅⰻ ⱄⱔ ⱀⰻⱎⱅⰻⰹⰿⱏ. ⰺ҅ ⱂⱃⱑⱎⱅⰰⰰⱈⱘ ⰵⰹ.

ⰺ҅ⱄ҃ ⰶⰵ ⱃⰵⱍⰵ ⱁⱄⱅⰰⱀⱑⱅⰵ ⰵⱗ. ⱂⱁ ⱍⱐⱅⱁ ⱙ ⱅⱃⱆⰶⰴⰰⰵⱅⰵ. ⰴⱁⰱⱃⱁ ⰱⱁ ⰴⱑⰾⱁ ⱄⱏⰴⱑⰾⰰ ⱁ ⰿⱀⱑ.

Ⰲⱐⱄⰵⰳⰴⰰ ⰱⱁ ⱀⰻⱎⱅⱔⱗ ⰺ҅ⰿⰰⱅⰵ ⱄⱏ ⱄⱁⰱⱁⱙ. ⰺ҅ ⰵⰳⰴⰰ ⱈⱁⱎⱅⰵⱅⰵ. ⰿⱁⰶⰵⱅⰵ ⰴⱁⰱⱃⱁ ⱅⰲⱁⱃⰻⱅⰻ ⰺ҅ⰿⱏ. ⰰ ⰿⰵⱀⰵ ⱀⰵ ⰲⱐⱄⰵⰳⰴⰰ ⰺ҅ⰿⰰⱅⰵ.

ⰺ҅ ⰵⰶⰵ ⰺ҅ⰿⱑ ⱄⰻ ⱄⱏⱅⰲⱁⱃⰻ. ⰲⰰⱃⰻⰾⰰ ⰵⱄⱅⱏ ⱂⱁⱈⱃⰻⰸⰿⰻⱅⰻ ⱅⱑⰾⱁ ⰿⱁⰵ ⱀⰰ ⱂⱁⰳⱃⰵⰱⰵⱀⰻⰵ.

ⰰⰿⰻⱀⸯ ⰳⰾ҃ⱙ ⰲⰰⰿⱏ. ⰺ҅ⰴⰵⰶⰵ ⰽⱁⰾⰻⰶⱐⰴⱁ ⱂⱃⱁⱂⱁⰲⱑⰴⰰⱀⱁ ⰱⱘⰴⰵⱅⱏ !̆ⰵⰲⰰⰼⰾⰻⰵ ⱄⰵ ⰲⱏ ⰲⱐⱄⰵⰿⱐ ⰿⰻⱃⱑ. ⰺ҅ ⰵⰶⰵ ⱄⱏⱅⰲⱁⱃⰻ ⱄⰻ. ⰳⰾ҃ⰰⱀⱁ ⰱⱘⰴⰵⱅⱏ ⰲⱏ !ⱂⱅⱐ ⰵⱗ.

Ⰺ҅ ⰻⱓⰴⰰ ⰺ҅ⱄⰽⰰⱃ ⱁⱅⱐⱄⰽⱏⰹ. ⰵⰴⰻⱀⱏ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ. ⰺ҅ⰴⰵ ⰽⱏ ⰰⱃⱈⰻⰵⱃⰵⱁⰿⱏ. ⰴⰰ ⰺ ⱂⱃⱑⰴⰰⱄⱅⱏ ⰺ҅ⰿⱏ.

ⱁⱀⰻ ⰶⰵ ⱄⰾⱏⰹⱎⰰⰲⱏⱎⰵ. ⰲⱏⰸⰴⱃⰰⰴⱁⰲⰰⱎⱔ ⱄⱔ. ⰺ҅ ⱁⰱⱑⱎⱅⰰⱎⱔ ⱄⱔ ⰵⰿⱆ ⱄⱏⱃⰵⰱⱃⱐⱀⰻⰽⱏⰹ ⰴⰰⱅⰻ. ⰺ҅ ⰻⱄⰽⰰⰰⱎⰵ ⰽⰰⰽⱁ ⰹ ⰲⱏ ⱂⱁⰴⱁⰱⱐⱀⱁ ⰲⱃⱑⰿⱔ ⱂⱃⱑⰴⰰⱄⱅⱏ.

Ⰺ ⰲⱏ ⱂⱃⱐⰲⱏⰹ ⰴⸯⱀⱐ ⱁⱂⱃⱑⱄⱀⱏⰽⱏ. ⰵⰳⰴⰰ ⱂⰰⱄⱈⱘ ⰶⱐⱃⱑⰰⱈⱘ. ⰳⰾ҃ⰰⱎⱔ ⰵⰿⱆ ⱆⱍⰵⱀⰻⱌⰻ ⱄⰲⱁⰹ. ⰽⱏⰴⰵ ⱈⱁⱎⱅⰵⱎⰻ. ⱎⱐⰴⱏⱎⰵ ⱆⰳⱁⱅⱁⰲⰰⰵⰿⱏ ⱅⰻ ⰴⰰ ⱑⱄⰻ ⱂⰰⱄⱈⰰ.

ⰺ҅ ⱂⱁⱄⱏⰾⰰ ⰴⱏⰲⰰ ⱁⱅⱏ ⱆⱍⰵⱀⰻⰽⱏ ⱄⰲⱁⰺ҅ⱈⱏ. ⰺ҅ ⰳⰾ҃ⰰ ⰺ҅ⰿⰰ. ⰺ҅ⰴⱑⱅⰰ ⰲⱏ ⰳⱃⰰⰴⱏ. ⰺ҅ ⱄⱏⱃⱔⱎⱅⰵⱅⱏ ⰲⱏⰹ ⱍⰽ҃ⱏ. ⰲⱏ ⱄⰽⱘⰴⱁⰾⱐⱀⰻⱌⱑ ⰲⱁⰴⱘ ⱀⰵⱄⱔ. ⱂⱁ ⱀ̑ⰵⰿⱐ ⰺ҅ⰴⱑⱅⰰ.

ⰺ҅ ⰻⰴⰵⰶⰵ ⰰⱎⱅⰵ ⰲⱐⱀⰻⰴⰵⱅⱏ. ⱃⱐⱌⱑⱅⰰ ⰳⱀ҃ⱆ ⰴⱁⰿⱆ. ⱆⱍⰻⱅⰵⰾ̑ⱐ ⰳⰾ҃ⰵⱅⱏ. ⰽⱏⰴⰵ ⰵⱄⱅⱏ ⱁⰱⰻⱅⱑⰾ̑ⱐ. ⰺ҅ⰴⰵⰶⰵ ⱂⰰⱄⱈⱘ ⱄⱏ ⱆⱍⰵⱀⰻⰽⱏⰹ ⰿⱁⰺ҅ⰿⰻ ⱄⱏⱀⱑⰿⱐ.

ⰺ҅ ⱅⱏ ⰲⰰⰿⰰ ⱂⱁⰽⰰⰶⰵⱅⱏ ⰳⱁⱃⱐⱀⰻⱌⱘ ⰲⱏⰹⱄⱁⰽⱘ. ⱂⱁⱄⱅⱏⰾⰰⱀⱘ ⰳⱁⱅⱁⰲⱘ. ⱅⱆ ⱆⰳⱁⱅⱁⰲⰰⰺ҅ⱅⰰ ⱀⰰⰿⱏ.

ⰺ҅ ⰻⰸⰻⰴⱁⱄⱅⰵ ⱆⱍⰵⱀⰻⰽⰰ. ⰺ҅ ⱂⱃⰻⰴⱁⱄⱅⰵ ⰲⱏ ⰳⱃⰰⰴⱏ. ⰺ҅ ⱁⰱⱃⱑⱅⱁⱄⱅⰵ ⱑⰽⱁⰶⰵ ⱃⰵⱍⰵ ⰺ҅ⰿⰰ. ⰺ҅ ⱆⰳⱁⱅⱁⰲⰰⱄⱅⰵ ⱂⰰⱄⱈⱘ.

Ⰺ҅ ⰲⰵⱍⰵⱃⱆ ⰱⱏⰹⰲⱏⱎⱓ. ⱂⱃⰻⰴⰵ ⱄⱏ ⱁⰱⱑⰿⰰ ⱀⰰ ⰴⰵⱄⱔⱅⰵ.

ⰺ҅ ⰲⱐⰸⰾⰵⰶⱔⱎⱅⰵⰿⱏ ⰺ҅ⰿⱏ ⰺ҅ ⱑⰴⱘⱎⱅⰵⰿⱏ. ⱃⰵⱍⰵ ⰻⱄ҃. ⰰⰿⰻⱀⸯ. ⰳⰾ҃ⱙ ⰲⰰⰿⱏ. ⱑⰽⱁ ⰵⰴⰻⱀⱏ ⱁⱅⱏ ⰲⰰⱄⱏ ⱂⱃⱑⰴⰰⱄⱅⱏ ⰿⱔ. ⱑⰴⱏⰹ ⱄⱏ ⰿⱀⱁⱙ.

Ⱉⱀⰻ ⰶⰵ ⱀⰰⱍⱔⱎⱔ ⱄⰽⱃⱏⰱⱑⱅⰻ ⰺ҅ ⰳⰾ҃ⰰⱅⰻ ⰵⰿⱆ. ⰵⰴⰻⱀⱏ ⱂⱁ ⰵⰴⰻⱀⱁⰿⱆ. ⰵⰴⰰ ⰰⰸⱏ. ⰺ҅ ⰴⱃⱆⰳⱏⰹ ⰵⰴⰰ ⰰⰸⱏ.

*̆ⱉⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⰵⰴⰻⱀⱏ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ. ⱁⰿⱁⱍⱐⰹ ⱄⱏ ⰿⱏⱀⱁⱙ ⰲⱏ ⱄⱁⰾⰻⰾⱁ

ⱄⱀ҃ⱏ ⰶⰵ ⱍⱄ҃ⰽⱏⰺ ⰺ҅ⰴⰵⱅⱏ ⱑⰽⱁⰶⰵ ⰵⱄⱅⱏ ⱂⸯⱄⰰⱀⱁ ⱁ ⱀ̑ⰵⰿⱐ. Ⰳⱁⱃⰵ ⰶⰵ ⱍⰽ҃ⱆ ⱅⱁⰿⱆ. ⰺ҅ⰿⱐⰶⰵ ⱄⱀ҃ⱏ ⱍⱄ҃ⰽⱏⰹ ⱂⱃⱑⰴⰰⰵⱅⱏ ⱄⱔ. ⰴⱁⰱⱃⱑⰵ ⰵⰿⱆ ⰱⰻ ⰱⱏⰹⰾⱁ. ⰰⱎⱅⰵ ⱀⰵ ⰱⰻ ⱃⱁⰴⰻⰾⱏ ⱄⱔ ⱍⰽ҃ⱏ ⱅⱏ.

Ⰺ҅ ⱑⰴⱘⱎⱅⰵⰿⱏ ⰺ҅ⰿⱏ. ⱂⱃⰻⰹⰿⱏ ⰻⱄ҃ ⱈⰾⱑⰱⱏ. ⰺ҅ ⱈⰲⰰⰾⱘ ⰲⱏⰸⰴⰰⰲⱏ. !ⰱⰾⰳⱄⰲⰵⱎⱅⱐ ⱂⱃⱑⰾⱁⰿⰻ. ⰺ҅ ⰴⰰⱄⱅⱏ ⰺ҅ⰿⱏ. ⰺ҅ ⱃⰵⱍⰵ ⱂⱃⰻⰹⰿⱑⱅⰵ ⱄⰵ ⰵⱄⱅⱏ ⱅⱑⰾⱁ ⰿⱁⰵ.

Ⰺ҅ ⱂⱃⰻⰹⰿⱏ ⱍⰰⱎⱘ ⱈⰲⰰⰾⱘ ⰲⱏⰸⰴⰰⰲⱏ. ⰴⰰⱄⱅⱏ ⰺ҅ⰿⱏ. ⰺ҅ ⱂⰻⱎⱔ ⱁⱅⱏ ⱀ̑ⰵⱗ ⰲⱄⰻ.

ⰺ҅ ⱃⰵⱍⰵ ⰺ҅ⰿⱏ ⱄⰵ ⰵⱄⱅⱏ ⰽⱃⱏⰲⱐ ⰿⱁⱑ. ⱀⱁⰲⰰⰳⱁ ⰸⰰⰲⱑⱅⰰ. ⱂⱃⱁⰾⰻⰲⰰⰵⰿⰰⱑ ⰸⰰ ⰿⱀⱁⰳⱏⰹ.

*̆ⰰⰿⰻⱀⸯ. ⰳⰾ̑ⱙ ⰲⰰⰿⱏ. ⱑⰽⱁ ⱆⰶⰵ ⱀⰵ ⰺ҅ⰿⰰⰿⱐ ⱂⰻⱅⰻ ⱁⱅⱏ ⱂⰾⱁⰴⰰ ⰾⱁⰸⱏⱀⰰⰰⰳⱁ. ⰴⱁ ⱅⱁⰳⱁ ⰴⱐⱀⰵ. ⰵⰳⰴⰰ ⱂⱐⱙ ⰺ҅ ⱀⱁⰲⱐ ⱌⱃ҃ⱄⱐⰻ ⰱⰶ҃ⰹⰻ.

Ⰺ҅ ⰲⱏⱄⱂⱑⰲⱏⱎⰵ ⰺ҅ⰸⰻⰴⱘ. ⰲⱏ ⰳⱁⱃⱘ ⰵⰾⰵⱁⱀⱐⱄⰽⱘⱙ.

Ⰺ҅ ⰳⰾ҃ⰰ ⰺ҅ⰿⱏ ⰻⱄ҃. ⱑⰽⱁ ⰲⱐⱄⰻ ⱄⱏⰱⰾⰰⰸⱀⰻⱅⰵ ⱄⱔ ⱁ ⰿⱀⱑ. ⰲⱏ ⱄⱐⱙ ⱀⱁⱎⱅⱐ. Ⱂⸯⱄⰰⱀⱁ ⰱⱁ ⰵⱄⱅⱏ. ⱂⱁⱃⰰⰶⱘ ⱂⰰⱄⱅⱏⰹⱃ̑ⱑ. ⰺ҅ ⱁⰲⱐⱌⱔ ⱃⰰⰸⰱⱑⰳⱀⱘⱅⱏ ⱄⱔ.

ⱀⱏ ⱂⱁ ⱅⱁⰿⱐ ⰵⰳⰴⰰ ⰲⱏⱄⰽⱃⱏⱄⱀⱘ. ⰲⰰⱃ̑ⱙ ⰲⱏⰹ ⰲⱏ ⰳⰰⰾⰻⰾⰵⰹ.

Ⱂⰵⱅⱃⱏ ⰶⰵ ⱃⰵⱍⰵ ⰵⰿⱆ. ⰺ҅ ⰰⱎⱅⰵ ⰺ҅ ⰲⱐⱄⰻ ⱄⱏⰱⰾⰰⰸⱀⱔⱅⱏ ⱄⱔ ⱀⱏ ⱀⰵ ⰰⰸⱏ.

ⰺ҅ ⰳⰾ҃ⰰ ⰵⰿⱆ ⰻⱄ҃. ⰰⰿⰻⱀⸯ. ⰳⰾ̑ⱙ ⱅⰻ. ⱑⰽⱁ ⱅⱏⰹ ⰴⱐⱀⱐⱄⱐ ⰲⱏ ⱄⰻⱙ ⱀⱁⱎⱅⱐ. ⱂⱃⱑⰶⰴⰵ ⰴⰰⰶⰵ ⰲⱏⱅⱁⱃⰻⱌⰵⱙ. ⰽⱆⱃⱏ ⱀⰵ ⰲⱏⰸⰳⰾⰰⱄⰻⱅⱏ. ⱅⱃⰻ ⰽⱃⰰⱅⱏⰹ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ.

Ⱂⰵⱅⱃⱏ ⰶⰵ ⰺ҅ⰸⰾⰻⱈⰰ ⰳⰾ҃ⰰⰰⱎⰵ ⱂⰰⱍⰵ. ⰰⱎⱅⰵ ⰿⰻ ⱄⱔ ⰾⱆⱍⰻⱅⱏ ⱆⰿⱃⱑⱅⰻ ⱄⱏ ⱅⱁⰱⱁⱙ. ⱀⰵ ⱁⱅⱏⰲⱃⱏⰳⱘ ⱄⱔ ⱅⰵⰱⰵ. ⱅⰰⰽⱁⰶⰴⰵ ⰺ҅ ⰲⱄⰻ ⰳⰾ҃ⰰⰰⱈⱘ.

Ⰺ҅ ⱂⱃⰻⰴⱁⱎⱔ ⰲⱐ ⰲⱐⱄⱐ ⰼⰵⱀⸯⱄⰻⰿⰰⱀⰻ. Ⰺ҅ ⰳⰾ҃ⰰ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱄⱔⰴⱑⱅⰵ ⱄⱐⰴⰵ. ⰴⱁⱀⱐⰴⰵⰶⰵ ⱎⱐⰴⱏ ⱂⱁⰿⱁⰾ̑ⱙ ⱄⱔ.

ⰺ҅ ⱂⱁⱗⱅⱏ. ⱂⰵⱅⱃⰰ. ⰺ҅ ⱑⰽⱁⰲⰰ. ⰺ҅ ⰻⱁⰰⱀⸯⱀⰰ. ⱄⱏ ⱄⱁⰱⱁⱙ. ⰺ҅ ⱀⰰⱍⱔⱅⱏ ⱆⰶⰰⱄⰰⱅⰻ ⱄⱔ ⰺ҅ ⱅⱘⰶⰻⱅⰻ.

Ⰺ҅ ⰳⰾ҃ⰰ ⰺ҅ⰿⱏ. ⱂⱃⰻⱄⰽⱃⱏⰱⱏⱀⰰ ⰵⱄⱅⱏ ⰴⱎ҃ⰰ ⰿⱁⱑ ⰴⱁ ⱄⱏⰿⱃⱏⱅⰻ. ⱂⱁⰶⰻⰴⱑⱅⰵ ⱄⱐⰴⰵ ⰺ҅ ⰱⱐⰴⰻⱅⰵ.

Ⰺ҅ ⱂ!ⱃⱑⱎⱐⰴⱏ ⰿⰰⰾⱁ ⱂⰰⰴⰵ ⱀⰰ ⰸⰵⰿⰾ̑ⰻ. ⰺ҅ ⰿⱁⰾ̑ⱑⰰⱎⰵ ⱄⱔ. ⰴⰰ ⰰⱎⱅⰵ ⰲⱏⰸⰿⱁⰶⱐⱀⱁ ⰵⱄⱅⱏ. ⰿⰻⰿⱁⰺ҅ⱅⰻ ⱁⱅⱏ ⱀ̑ⰵⰳⱁ ⱍⱑⱄⱏ.

Ⰺ҅ ⰳⰾ҃ⰰ ⰰⰲⸯⰲⰰ ⱁⱌ҃ⱐ. ⰲⱐⱄⱑ ⰲⱏⰸⰿⱁⰶⱐⱀⰰ ⱅⰵⰱⱑ ⱄⱘⱅⱏ. ⰿⰻⰿⱁⱀⰵⱄⱅⰻ ⱍⰰⱎⱘ ⱄⱐⱙ ⱁⱅⱏ ⰿⰵⱀⰵ. ⱀⱏ ⱀⰵ ⱑⰽⱁ ⰰⰸⱏ ⱈⱁⱎⱅⱘ. ⱀⱏ ⰵⰶⰵ ⱅⱏⰹ.

Ⰺ҅ ⱂⱃⰻⰴⰵ ⰺ҅ ⱁⰱⱃⱑⱅⰵ ⱗ ⱄⱏⱂⱔⱎⱅⱔ. ⰺ҅ ⰳⰾ҃ⰰ ⱂⰵⱅⱃⱁⰲⰻ. ⱄⰻⰿⱁⱀⰵ ⱄⱏⱂⰻⱎⰻ ⰾⰻ. ⱀⰵ ⰲⱏⰸⰿⱁⰶⰵ ⰵⰴⰻⱀⱁⰳⱁ ⱍⰰⱄⰰ ⱂⱁⰱⱐⰴⱑⱅⰻ.

Ⰱⱐⰴⰻⱅⰵ ⰺ҅ ⰿⱁⰾⰻⱅⰵ ⱄⱔ. ⰴⰰ ⱀⰵ ⰲⱐⱀⰻⰴⰵⱅⰵ ⰲⱏ ⱀⰰⱂⰰⱄⱅⱐ. ⰴⱈ҃ⱏ ⰱⱁ ⰱⱐⰴⱃⱏ ⰰ ⱂⰾⱏⱅⱐ ⱀⰵⰿⱁⱎⱅⱐⱀⰰ.

Ⰺ҅ ⱂⰰⰽⱏⰹ ⱎⱐⰴⱏ. ⱂⱁⰿⱁⰾⰻ ⱄⱔ ⱅⱁⰶⰴⰵ ⱄⰾⱁⰲⱁ ⱃⰵⰽⱏ.

ⰺ҅ ⰲⱏⰸⰲⱃⰰⱎⱅⱐ ⱄⱔ. ⱁⰱⱃⱑⱅⰵ ⱗ ⱂⰰⰽⱏⰹ ⱄⱏⱂⱔⱎⱅⱔ. ⰱⱑⰰⱎⰵⱅⰵ ⰱⱁ ⰺ҅ⰿⱏ ⱁⱍⰻ ⱅⱔⰳⱁⱅⱐⱀⱑ. ⰺ҅ ⱀⰵ ⱆⰿⱑⰰⱈⱘ ⱍⱐⱅⱁ ⰱⰻⱎⱔ ⱁⱅⱏⰲⱑⱎⱅⰰⰾⰻ ⰵⰿⱆ.

Ⰺ҅ ⱂⱃⰻⰴⰵ ⱅⱃⰵⱅⰻⰹⱌⰵⱙ. ⰺ҅ ⰳⰾ҃ⰰ ⰺ҅ⰿⱏ. ⱄⱏⱂⰻⱅⰵ ⱂⱃⱁⱍⰵⰵ ⱂⱁⱍⰻⰲⰰⰺ҅ⱅⰵ. ⱂⱃⰻⱄⱂⱑ ⰽⱁⱀⱐⱍⰻⱀⰰ. ⱂⱃⰻⰴⰵ ⱍⰰⱄⱏ. ⱄⰵ ⱂⱃⱑⰴⰰⰵⱅⱏ ⱄⱔ ⱄⱀ҃ⱏ ⱍⱄ҃ⰽⱏⰺ. ⰲⱏ ⱃⱘⱌⱑ ⰳⱃⱑⱎⱐⱀⰻⰽⱁⰿⱏ.

ⰲⱏⱄⱅⰰⱀⱑⱅⰵ ⰺ҅ⰴⱑⰿⱏ. ⱄⰵ ⱂⱃⱑⰴⰰⱗⰹ ⰿⱔ ⱂⱃⰻⰱⰾⰻⰶⰻ ⱄⱔ.

Ⰺ҅ ⰰⰱⱐⰵ ⰵⱎⱅⰵ ⰵⰿⱆ ⰳⰾ̑ⱙⱎⱅⱓ. ⱂⱃⰻⰴⰵ ⰺ҅ⱓⰴⰰ ⰺ҅ⱄⰽⰰⱃ ⱁⱅⱐⱄⰽⱏⰹ. ⰵⰴⰻⱀⱏ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ. ⰺ҅ ⱄⱏ ⱀ̑ⰻⰿⱐ ⱀⰰⱃⱁⰴⰻ ⱄⱏ ⱁⱃⱘⰶⰻⰹ. ⰺ҅ ⰴⱃⱐⰽⱁⰾⸯⰿⰻ. ⱁⱅⱏ ⰰⱃⱈⸯⰻⰵⱃⱑⰻ. ⰺ҅ ⰽⱏⱀⰻⰶⱐⱀⰻⰽⱏ. ⰺ҅ ⱄⱅⰰⱃⸯⱌⱐ.

Ⰴⰰⱄⱅⱏ ⰶⰵ ⱂⱃⱑⰴⰰⱗⰹ ⰵⰳⱁ ⰸⱀⰰⰿⰵⱀⱐⰵ ⰺ҅ⰿⱏ ⰳⰾ҃ⱔ. ⰵⰳⱁⰶⰵ ⰰⱎⱅⰵ ⰾⱁⰱⱏⰶⱘ ⰺ҅ⰿⱑⱅⰵ ⰻ ⱅⱁ ⰵⱄⱅⱏ. ⰺ҅ ⰲⰵⰴⱑⱅⰵ ⰹ ⱄⱏⱈⱃⰰⱀⱐⱀⱁ.

ⰺ҅ ⱂⱃⰻⱎⱐⰴⱏ ⰰⰱⱐⰵ ⱂⱃⰻⱄⱅⱘⱂⱐ ⰽⱏ ⱀ̑ⰵⰿⱆ ⰳⰾ҃ⰰ. ⱃⰰⰱⰱⰻ ⱃⰰⰱⰱⰻ. ⰺ҅ ⱁⰱⰾⱁⰱⱏⰹⰸⰰ ⰹ.

Ⱉⱀⰻ ⰶⰵ ⰲⱏⰸⰾⱁⰶⰻⱎⱔ ⱃⱘⱌⱑ ⱀⰰ ⱀ̑ⱐ ⰺ҅ ⱗⱎⱔ ⰹ.

ⰵⰴⰻⱀⱏ ⰶⰵ ⱁⱅⱏ ⱄⱅⱁⱗⱎⱅⰻⰹⱈⱏ. ⰺ҅ⰸⰲⰾⱐⰽⱏ ⱀⱁⰶⱐ. ⱆⰴⰰⱃⰻ ⱃⰰⰱⰰ ⰰⱃⱈⸯⰻⰵⱃⰵⱁⰲⰰ. ⰺ҅ ⱆⱃⱑⰸⰰ ⰵⰿⱆ ⱆⱈⱁ.

ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰺ҅ⰿⱏ. ⱑⰽⱁ ⱀⰰ ⱃⰰⰸⰱⱁⰺ҅ⱀⰻⰽⰰ ⰾⰻ ⰺ҅ⰸⰻⰴⱁⱄⱅⰵ. ⱄⱏ ⱁⱃⱘⰶⱐⰹⰿⰻ ⰺ҅ ⰴⱃⱐⰽⱁⰾ̑ⱐⰿⰻ. ⱗⱅⰻ ⰿⰵⱀⰵ.

ⱂⱁ ⰲⱄⱔ ⰴⱐⱀⰻ ⰱⱑⱈⱏ ⰲⱏ ⰲⰰⱄⱏ. ⱆⱍⱔ ⰲⱏ ⱌⱃⱏⰽⱏⰲⰵ ⰺ҅ ⱀⰵ ⱗⱄⱅⰵ ⰿⰵⱀⰵ. Ⱀⱏ ⰴⰰ ⱄⱏⰱⱘⰴⱘⱅⱏ ⱄⱔ ⰽⱏⱀⰻⰳⱏⰹ.

ⰺ҅ ⱁⱄⱅⰰⰲⱐⱎⰵ ⰹ ⰱⱑⰶⰰⱎⱔ.

ⰺ҅ ⰵⰴⰻⱀⱏ ⰵⱅⰵⱃⱏ ⱓⱀⱁⱎⰰ ⱂⱁ ⱀ̑ⰵⰿⱐ ⰺ҅ⰴⰵ. ⱁⰴⱑⱀⱏ ⰲⱏ ⱂⱁⱀ̑ⱑⰲⰻⱌⱘ ⱀⰰⰳⱏ. ⰺ҅ ⱗⱎⱔ ⰺ҅ ⱓⱀⱁⱎⱘ.

ⱁⱀⱏ ⰶⰵ ⱁⱄⱅⰰⰲⱐ ⱂⱁⱀ̑ⱑⰲⰻⱌⱘ. ⱀⰰⰳⱏ ⰱⱑⰶⰰ ⱁⱅⱐ ⱀ̑ⰻⱈⱏ.

ⰺ҅ ⰲⰵⰴⱁⱎⱔ ⰻⱄ҃ⰰ ⰽⱏ ⰰⱃⱈⸯⰻⰵⱃⰵⱆ ⰽⰰⰺⱇⱑ. ⰺ҅ ⱄⱏⱀⰻⰴⱘ ⱄⱔ ⰽⱏ ⱀ̑ⰵⰿⱆ ⰲⱄⰻ ⰰⱃⱈⸯⰻⰵⱃⰵⰹ. ⰺ҅ ⱄⱅⰰⱃⱐⱌⰻ. ⰺ҅ ⰽⱏⱀ̑ⰻⰶⱐⱀⰻⱌⰻ.

Ⰺ҅ ⱂⰵⱅⱃⱏ ⰺ҅ⰴⱑⰰⱎⰵ ⰺ҅ⰸⰴⰰⰾⰵⱍⰵ ⰲⱐ ⱄⰾⱑⰴⱏ ⰵⰳⱁ. ⰴⱁ ⰲⱏⱀⱘⱅⱃⱐ ⰲⱏ ⰴⰲⱁⱃⱏ ⰰⱃⱈⰻⰵⱃⰵⱁⰲⱏ. ⰺ҅ ⰱⱑ ⱄⱑⰴⱔ ⱄⱏ ⱄⰾⱆⰳⰰⰿⰻ. ⰺ҅ ⰳⱃⱑⱗ ⱄⱔ ⱂⱃⰻ ⱄⰲⱑⱎⱅⰻ.

*̆ⰰⱃⱈⸯⰻⰵⱃⰵⰺ҅ ⰶⰵ ⰺ҅ ⰲⱐⱄⱐ ⱄⱏⱀⱐⰿⱏ. ⰺ҅ⱄⰽⰰⰰⱈⱘ ⱀⰰ ⰺⱄ҃ⰰ. ⱄⱏⰲⱑⰴⱑⱅⰵⰾ̑ⱐⱄⱅⰲⰰ ⰴⰰ ⰹ ⱆⰱⱐⱙⱅⱏ. ⰺ҅ ⱀⰵ ⱁⰱⱃⱑⱅⰰⰰⱈⱘ.

ⰿⱀⱁⰸⰻ ⰱⱁ ⰾⱏⰶⰻ ⱄⱏⰲⱑⰴⱑⱅⰵⰾ̑ⱐⱄⱅⰲⱁⰲⰰⰰⱈⱘ ⱀⰰ ⱀ̑ⱐ. ⰺ҅ ⱀⰵ ⰱⱑⰰⱈⱘ ⱃⰰⰲⱏⱀⰰ ⱄⱏⰲⱑⰴⱑⱅⰵⰾ̑ⱐⱄⱅⰲⱐⱑ.

Ⰺ҅ ⰵⱅⰵⱃⰻⰹ ⰲⱏⱄⱅⰰⰲⱏⱎⰵ. ⰾⱏⰶⱘ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰⰰⱈⱘ ⱀⰰ ⱀ̑ⱐ ⰳⰾ̑ⱙⱎⱅⰵ.

ⱑⰽⱁ ⰿⱏⰹ ⱄⰾⱏⰹⱎⰰⱈⱁⰿⱏ ⰺ ⰳⰾ҃ⱙⱎⱅⱐ. ⱑⰽⱁ ⰰⰸⱏ ⱃⰰⰸⱁⱃ̑ⱙ ⱌⱃⱏⰽⱁⰲⱐ ⱄⰻⱙ ⱃⱘⰽⱁⱅⰲⱁⱃⰵⱀⱘⱙ. ⰺ҅ ⱅⱃⱐⰿⰻ ⰴⱐⱀⱏⰹ. ⰺ҅ⱀⱁ ⱀⰵⱃⱘⰽⱁⱅⰲⱁⱃⰵⱀⱘ ⱄⱏⰸⰻⰶⰴⱘ.

ⱅⰰⰽⱁ ⰶⰵ ⱀⰵ ⰱⱑ ⱃⰰⰲⱏⱀⱁ ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰺ҅ⱈⱏ.

ⰺ҅ ⱄⱅⰰⰲⱏ ⰰⱃⸯⱈⰻⰵⱃⰵⰻ ⱂⱁⱄⱃⱑⰴⱑ. ⰲⱏⱂⱃⱁⱄⰻ ⰺⱄ҃ⰰ ⰳⰾ҃ⱔ. ⱀⰵ ⱁⱅⱏⰲⱑⱎⱅⰰⰲⰰⰵⱎⰻ ⰾⰻ ⱀⰻⱍⱐⱄⱁⰶⰵ. ⱍⱐⱅⱁ ⱄⰻⰹ ⱀⰰ ⱅⱔ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱙⱅⱏ.

ⰺ҅ⱄ ⰶⰵ ⰿⰾⱐⱍⰰⰰⱎⰵ. ⰺ҅ ⱀⰻⱍⱐⱄⱁⰶⰵ ⱀⰵ ⱁⱅⱏⰲⱑⱎⱅⰰⰲⰰⰰⱎⰵ. Ⱂⰰⰽⱏⰹ ⰰⱃⱈⰻⰵⱃⰵⰹ ⰲⱏⱂⱃⱁⱄⰻ ⰹ. ⰳⰾ҃ⱔ ⰵⰿⱆ. ⱅⱏⰹ ⰾⰻ ⰵⱄⰻ ⱈ҃ⱏ ⱄⱀ҃ⱏ !ⰱⰾⰳⰲⰵⱀⰰⰰⰳⱁ.

ⰺⱄ҃ ⰶⰵ ⱃⰵⱍⰵ ⰰⰸⱏ ⰵⱄⰿⱐ. Ⰺ҅ ⱆⰸⱐⱃⰻⱅⰵ ⱄⱀ҃ⰰ ⱍⱄ҃ⰽⰰⰳⱁ. ⱁ ⰴⰵⱄⱀⱘⱙ ⱄⱑⰴⱔⱎⱅⰰ ⱄⰻⰾⱏⰹ. ⰺ҅ ⰳⱃⱔⰴⱘⱎⱅⰰ. ⱄⱏ ⱁⰱⰾⰰⰽⱏⰹ ⱀⰵⰱ҃ⱄⰽⱏⰺ҅ⰿⰻ.

*̆ⰰⱃⱈⸯⰻⰵⱃⰵⰹ ⰶⰵ ⱃⰰⱄⱅⱃⱏⰸⰰⰲⱏ ⱃⰻⰸⱏⰹ ⱄⰲⱁⱗ ⰳⰾ҃ⰰ. ⱍⱐⱅⱁ ⰵⱎⱅⰵ ⱅⱃⱑⰱⱆⰵⰿⱏ ⱄⱏⰲⱑⰴⱑⱅⰵⰾ̑ⱐⱄⱅⰲⰰ.

ⱄⰾⱏⰹⱎⰰⱄⱅⰵ ⰲⰾⰰⱄⰲⰻⰿⰻⱙ. ⱍⱐⱅⱁ ⰲⰰⰿⱏ ⱄⱔ ⰰⰲⰾ̑ⱑⰵⱅⱏ. Ⱉⱀⰻ ⰶⰵ ⰲⱄⰻ ⱁⱄⱘⰴⰻⱎⱔ ⰹ. ⱂⱁⰲⰻⱀⱐⱀⱆ ⰱⱏⰹⱅⰻ ⱄⱏⰿⱃⱏⱅⰻ.

ⰺ҅ ⱀⰰⱍⱔⱎⱔ ⰵⱅⰵⱃⰻⰹ ⱂⰾ̑ⱐⰲⰰⱅⰻ ⱀⰰ ⱀ̑ⱐ. ⰺ҅ ⱂⱃⰻⰽⱃⱏⰹⰲⰰⱅⰻ ⰾⰻⱌⰵ ⰵⰳⱁ. ⰺ҅ ⰿⱘⱍⰻⱅⰻ ⰹ. ⰺ҅ ⰳⰾ҃ⰰⱅⰻ ⰵⰿⱆ. ⱂⱃⱁⱃⱐⱌⰻ ⱀⰰⰿⱏ !ⱈⰵ ⰽⱏⱅⱁ ⰵⱄⱅⱏ ⱆⰴⰰⱃⰻⰲⱏⰹ ⱅⱔ. ⰺ҅ ⱄⰾⱆⰳⱏⰹ ⰱⱐⱙⱎⱅⰵ ⰹ ⰸⰰ ⰾⰰⱀⰻⱅⱘ. ⱂⱃⰻⱗⱎⱔ ⰹ.

Ⰺ҅ ⱄⱘⱎⱅⱓ ⱂⰵⱅⱃⱁⰲⰻ ⱀⰻⰸⱆ ⱀⰰ ⰴⰲⱁⱃⱑ. ⱂⱃⰻⰴⰵ ⰵⰴⰻⱀⰰ ⱁⱅⱏ ⱃⰰⰱⱏⰹⱀ̑ⱐ ⰰⱃⸯⱈⸯⰻⰵⱃⰵⱁⰲⱏ.

ⰺ҅ ⰲⰻⰴⱑⰲⱏⱎⰻ ⱂⰵⱅⱃⰰ ⰳⱃⱑⱙⱎⱅⰰ ⱄⱔ. ⰲⱏⰸⱐⱃⱑⰲⱏⱎⰻ ⱀⰰ ⱀ̑ⱐ ̑ⰳⰾ҃ⰰ. Ⰺ҅ ⱅⱏⰹ ⱄⱏ ⱀⰰⰸⰰⱃⱑⰰⱀⰻⱀⱁⰿⱐ ⰺ҅ⱄ҃ⰿⱐ ⰱⱑ.

Ⱁⱀⱏ ⰶⰵ ⱁⱅⱏⰲⱃⱏⰶⰵ ⱄⱔ ⰳⰾ҃ⱔ ⱀⰵ ⱆⰿⱑⱙ ⱀⰻ ⱄⱏⰲⱑⰿⱐ. ⱍⱐⱅⱁ ⱅⱏⰹ ⰳⰾ҃ⰵⱎⰻ. ⰺ҅ ⰻⰸⰻⰴⰵ ⰲⱏⱀⱏ ⱀⰰ ⱂⱃⱑⰴⱏⰴⰲⱁⱃⰻⰵ. ⰺ҅ ⰽⱆⱃⱏ ⰲⱏⱄⱂⱑⱅⱏ.

ⰺ҅ ⰲⰻⰴⱑⰲⱏⱎⰻ ⰹ ⱂⰰⰽⱏⰹ ⰺ҅ⱀⰰ ⱃⰰⰱⱏⰹⱀ̑ⰻ. ⱀⰰⱍⱔⱅⱏ ⰳⰾ҃ⰰⱅⰻ ⰽⱏ ⱄⱅⱁⱗⱎⱅⰻⰹⰿⱏ. ⱑⰽⱁ ⱄⱐ ⱁⱅⱏ ⱀ̑ⰻⱈⱏ ⰵⱄⱅⱏ.

ⱁⱀⱏ ⰶⰵ ⱂⰰⰽⱏⰹ ⱁⱅⱏⰿⱑⱅⰰⰰⱎⰵ ⱄⱔ. ⰺ҅ ⱀⰵ ⱂⱁ ⰿⱀⱁⰳⱆ ⱂⰰⰽⱏⰹ ⱄⱅⱁⱗⱎⱅⰵⰹ. ⰳⰾ҃ⰰⰰⱈⱘ ⱂⰵⱅⱃⱁⰲⰻ. ⰲⱏ ⰺ҅ⱄⱅⰻⱀⱘ ⱁⱅⱏ ⱀ̑ⰻⱈⱏ ⰵⱄⰻ. ⰺ҅ⰱⱁ ⰳⰰⰾⰻⰾⰵⰰⱀⰻⱀⱏ ⰵⱄⰻ. ⰺ҅ ⰱⰵⱄⱑⰴⰰ ⱅⰲⱁⱑ ⱂⱁⰴⱁⰱⰻⱅⱏ ⱅⰻ ⱄⱔ.

*̆ⱉⱀⱏ ⰶⰵ ⱀⰰⱍⱔⱅⱏ ⱃⱁⱅⰻⱅⰻ ⱄⱔ ⰺ҅ ⰽⰾⱔⱅⰻ ⱄⱔ. ⱑⰽⱁ ⱀⰵ ⰲⱑⰿⱐ ⱍⰽ҃ⰰ ⱄⰵⰳⱁ. ⰵⰶⰵ ⰳⰾ҃ⰵⱅⰵ.

[ⰺ҅ ⰲⱏⱅⱁⱃⰻ] ⰺ҅ ⰲⱏⱅⱁⱃⰻⱌⰵⱙ ⰽⱆⱃⱏ ⰲⱏⱄⱂⱑⱅⱏ. ⰺ҅ ⱂⱁⰿⱑⱀⱘ ⱂⰵⱅⱃⱏ ⰳⰾ҃ⱏ. ⱑⰽⱁⰶⰵ ⱃⰵⱍⰵ ⰵⰿⱆ ⰻⱄ҃. ⱂⱃⱑⰶⰴⰵ ⰴⰰⰶⰵ ⰽⱆⱃⱏ ⱀⰵ ⰲⱏⰸⰳⰾⰰⱄⰻⱅⱏ. ⰴⱏⰲⰰ ⰽⱃⰰⱅⱏⰹ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ. ⱅⱃⰻ ⰽⱃⰰⱅⱏⰹ. ⰺ҅ ⱀⰰⱍⱐⱀⱏ ⱂⰾⰰⰽⰰⰰⱎⰵ ⱄⱔ.