Ⰺ҅ ⰻⱄⱈⱁⰴⱔⱎⱅⱓ ⰵⰿⱆ ⱁⱅⱏ ⱌⱃⱏⰽⱏⰲⰵ. ⰳⰾ҃ⰰ ⰵⰿⱆ ⰵⰴⰻⱀⱏ ⱁⱅⱏ ⱆⱍⰵⱀⰻⰽⱏ ⱄⰲⱁⰺ҅ⱈⱏ. ⱆⱍⰻⱅⰵⰾ̑ⱓ. ⰲⰻⰶⰴⱐ. ⰽⰰⰽⱁⰲⱁ ⰽⰰⰿⰵⱀⱐⰵ. ⰺ҅ ⰽⰰⰽⱁⰲⱁ ⰸⱏⰴⰰⱀⰻⰵ.

ⰺⱄ҃ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⰲⰻⰴⰻⱎⰻ ⰾⰻ ⰲⰵⰾⰻⰽⰰⱑ ⱄⰻ ⰸⱏⰴⰰⱀⰻⱑ. ⱀⰵ ⰺ҅ⰿⰰⱅⱏ ⱁⱄⱅⰰⱅⰻ ⱄⱐⰴⰵ ⰽⰰⰿⰵⱀⱐ ⱀⰰ ⰽⰰⰿⰵⱀⰵ. ⰺ҅ⰶⰵ ⱀⰵ ⰺ҅ⰿⰰⱅⱏ ⱃⰰⰸⱁⱃⰻⱅⰻ ⱄⱔ.

Ⰺ҅ ⱄⱑⰴⱔⱎⱅⱓ ⰵⰿⱆ ⱀⰰ ⰳⱁⱃⱑ ⰵⰾⰵⱁⱀⱄⱌⱑ. ⱂⱃⱑⰿⱁ ⱌⱃ҃ⰽⰲⰻ. ⰲⱏⱂⱃⰰⱎⰰⰰⱈⱘ ⰹ ⰵⰴⰻⱀⱁⰳⱁ. ⱂⰵⱅⱃⱏ. ⰺ҅ ⱑⰽⱁⰲⱏ. ⰺ҅ ⱁⰰⱀⱀⱏ. ⰺ҅ ⰰⱀⸯⰴⱃⱑⰰ.

ⱃⱐⱌⰻ ⱀⰰⰿⱏ ⰽⱁⰳⰴⰰ ⱄⰵ ⰱⱘⰴⰵⱅⱏ. ⰺ҅ ⰽⱁⰵ ⰱⱘⰴⰵⱅⱏ ⰸⱀⰰⰿⰵⱀⱐⰵ. ⰵⰳⰴⰰ ⰺ҅ⰿⱘⱅⱏ ⱄⱏⰽⱁⱀⱐⱍⰰⱅⰻ ⱄⱔ ⰲⱐⱄⱑ ⱄⰻ.

ⰺ҅ⱄ҃ ⰶⰵ ⱁⱅⱏⰲⱑⱎⱅⰰⰲⱏ. ⱀⰰⱍⱔⱅⱏ ⰳⰾ҃ⰰⱅⰻ ⰺ҅ⰿⱏ. ⰱⰾ̑ⱓⰴⱑⱅⰵ ⱄⱔ. ⰴⰰ ⱀⰵ ⰽⱏⱅⱁ ⰲⰰⱄⱏ ⱂⱃⱑⰾⱐⱄⱅⰻⱅⱏ.

ⰿⱀⱁⰸⰻ ⰱⱁ ⱂⱃⰻⰴⱘⱅⱏ ⰲⱏ ⰿⱁⰵ ⰺ҅ⰿⱔ ⰳⰾ̑ⱙⱎⱅⰵ. ⱑⰽⱁ ⰰⰸⱏ ⰵⱄⰿⱐ. ⰺ҅ ⰿⱀⱁⰳⱏⰹ ⱂⱃⱑⰾⱐⱄⱅⱔⱅⱏ.

ⰵⰳⰴⰰ ⰶⰵ ⱆⱄⰾⱏⰹⱎⰻⱅⰵ ⰱⱃⰰⱀⰻ. ⰺ҅ ⱄⰾⱆⱈⱏⰹ ⰱⱃⰰⱀⰻⰹ. ⱀⰵ ⱆⰶⰰⱄⰰⰺ҅ⱅⰵ ⱄⱔ. ⱂⱁⰴⱁⰱⰰⰵⱅⱏ ⰱⱁ ⰱⱏⰹⱅⰻ. ⱀⱏ ⱀⰵ ⱆ ⰽⱁⱀⱐⱍⰻⱀⰰ.

ⰲⱏⱄⱅⰰⱀⰵⱅⱏ ⰱⱁ ⱗⰸⱏⰹⰽⱏ. ⱀⰰ ⱗⰸⱏⰹⰽⰰ. ⰺ҅ ⱌⱃ҃ⱄⱁ ⱀⰰ ⱌⱃ҃ⱄⱁ. ⰺ҅ ⰱⱘⰴⱘⱅⱏ ⱅⱃⱘⱄⰻ ⱂⱁ ⰿⱑⱄⱅⰰ. ⰺ҅ ⰱⱘⰴⱘⱅⱏ ⰳⰾⰰⰴⰻ ⰺ҅ ⰿⱔⱅⰵⰶⰻ.

ⱀⰰⱍⱔⰾⱁ ⰱⱁⰾⱑⰸⱀⱐⰿⱏ ⱄⰻ. Ⰱⰾ̑ⱓⰴⱑⱅⰵ ⰶⰵ ⰲⱏⰹ ⱄⱔ ⱄⰰⰿⰻ. ⱂⱃⱑⰴⰰⰴⱔⱅⱏ ⰱⱁ ⰲⱏⰹ ⰲⱏ ⱄⱏⱀⱔⱅⰻⱑ. ⰺ҅ ⱀⰰ ⱄⱏⱀⱏⰿⰻⱎⱅⰻⱈⱏ ⰱⱐⰵⱀⰻ ⰱⱘⰴⰵⱅⰵ. ⰺ҅ ⱂⱃⱑⰴⱏ ⰲⱁⰵⰲⱁⰴⰰⰿⰻ. ⰺ҅ !ⱌⱃⰻ ⱄⱅⰰⱀⰵⱅⰵ ⰿⰵⱀⰵ ⱃⰰⰴⰻ. ⰲⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰺ҅ⰿⱏ.

Ⰺ҅ ⰲⱏ ⰲⱐⱄⱑⱈⱏ ⱗⰸⱏⰹⱌⱑⱈⱏ. ⱂⱁⰴⱁⰱⰰⰵⱅⱏ ⱂⱃⱑⰶⰴⰵ ⱂⱃⱁⱂⱁⰲⱑⰴⰰⱅⰻ ⱄⱔ !̆ⰵⰲⰰⰼⰾⰻⱓ.

*̆ⰵⰳⰴⰰ ⰶⰵ ⰲⱁⰴⱔⱅⱏ ⰹ ⱂⱃⱑⰴⰰⱙⱎⱅⰵ. ⱀⰵ ⱂⱐⱌⱑⱅⰵ ⱄⱔ ⱂⱃⱑⰶⰴⰵ ⱍⱐⱅⱁ ⰲⱏⰸⰳⰾⰰⰳⱁⰾ̑ⰵⱅⰵ. ⱀⰻ ⱂⱁⱆⱍⰰⰺ҅ⱅⰵ ⱄⱔ. ⱀⱏ ⰵⰶⰵ ⰰⱎⱅⰵ ⰴⰰⱄⱅⱏ ⱄⱔ ⰲⰰⰿⱏ ⰲⱏ ⱅⱏ ⱍⰰⱄⱏ. ⱅⱁ ⰳⰾ̑ⰻⱅⰵ. ⱀⰵ ⰲⱏⰹ ⰱⱁ ⰱⱘⰴⰵⱅⰵ ⰳⰾ̑ⱙⱎⱅⰵⰻ. ⱀⱏ ⰴⱈ҃ⱏ ⱄⱅ҃ⱏⰺ.

ⱂⱃⱑⰴⰰⱄⱅⱏ ⰶⰵ ⰱⱃⰰⱅⱏ ⰱⱃⰰⱅⱃⰰ ⱀⰰ ⱄⱏⰿⱃⱏⱅⱐ. ⰺ҅ ⱁⱌ҃ⱐ ⱍⱔⰴⱁ. ⰺ҅ ⰲⱏⱄⱅⰰⱀⱘⱅⱏ ⱍⱔⰴⰰ ⱀⰰ ⱃⱁⰴⰻⱅⰵⰾ̑ⱔ. ⰺ҅ ⱆⰱⰻⱙⱅⱏ ⱗ.

ⰺ҅ ⰱⱘⰴⰵⱅⰵ ⱀⰵⱀⰰⰲⰻⰴⰻⰿⰻ ⰲⸯⱄⱑⰿⰻ ⰺ҅ⰿⰵⱀⰵ ⰿⱁⰵⰳⱁ ⱃⰰⰴⰻ. ⱂⱃⱑⱅⱃⱏⱂⱑⰲⱏⰹ ⰶⰵ ⰴⱁ ⰽⱁⱀⱐⱌⰰ ⱄⱂ҃ⰵⱀⱏ ⰱⱘⰴⰵⱅⱏ.

*̆ⰵⰳⰴⰰ ⰶⰵ ⱆⰸⱐⱃⰻⱅⰵ ⰿⱃⱐⰸⱁⱄⱅⱐ ⰸⰰⱂⱆⱄⱅⱑⱀⱐⱑ. ⱃⰵⱍⰵⱀⱘⱙ ⰴⰰⱀⰻⰾⱁⰿⱐ ⱂⱃⱁⱃⱁⰽⱁⰿⱐ. ⱄⱅⱁⱗⱎⱅⱘ ⰺ҅ⰴⰵⰶⰵ ⱀⰵ ⱂⱁⰴⱁⰱⰰⰵⱅⱏ. Ⱍⱐⱅⱏⰹ ⰴⰰ ⱃⰰⰸⱆⰿⱑⰵⱅⱏ. ⱅⱏⰳⰴⰰ ⰺ҅ⰶⰵ ⰱⱘⰴⱘⱅⱏ ⰲⱏ ⰺⱓⰴⰵⰹ. ⰴⰰ ⰱⱑⰳⰰⱙⱅⱏ ⱀⰰ ⰳⱁⱃⱏⰹ.

ⰺ҅ ⰻⰶⰵ ⱀⰰ ⰽⱃⱁⰲⱑ. ⰴⰰ ⱀⰵ ⱄⱏⰾⰰⰸⱔⱅⱏ ⰲⱏ ⰴⱁⰿⱏ. ⱀⰻ ⰴⰰ ⰲⱐⱀⰻⰴⰵⱅⱏ ⰲⱐⰸⱔⱅⱏ ⱍⰵⱄⱁ ⱁⱅⱏ ⰴⱁⰿⱆ ⱄⰲⱁⰵⰳⱁ.

ⰺ҅ ⱄⱔⰹ ⱀⰰ ⱄⰵⰾⱑ. ⰴⰰ ⱀⰵ ⰲⱏⰸⰲⱃⰰⱅⰻⱅⱏ ⱄⱔ ⰲⱐⱄⱂⱔⱅⱐ ⰲⱐⰸⱔⱅⰻ ⱃⰻⰸⱏ ⱄⰲⱁⰺ҅ⱈⱏ.

Ⰳⱁⱃⰵ ⰶⰵ ⱀⰵⱂⱃⰰⰸⰴⱏⱀⱏⰺⰿⱏ ⰺ҅ ⰴⱁⱗⱎⱅⰻⰹⰿⱏ ⰲⱏ ⱅⱏⰹ ⰴⱀⰻ.

ⰿⱁⰾⰻⱅⰵ. ⰶⰵ ⱄⱔ ⰴⰰ ⱀⰵ ⰱⱘⰴⰵⱅⱏ ⰱⱑⱄⱅⰲⱁ ⰲⰰⱎⰵ ⰸⰻⰿⱑ.

Ⰱⱘⰴⱘⱅⱏ ⰱⱁ ⰴⱐⱀⱐⰵ ⱅⰻ ⱄⰽⱃⱏⰱⱐⱀⰻ. ⱑⰽⱁ ⱀⰵ ⰱⱏⰹⱄⱅⱏ ⱅⰰⰽⱁ ⱁⱅⱏ ⱀⰰⱍⱔⰾⰰ ⰸⱏⰴⰰⱀⰻⱓ. ⰵⰶⰵ ⱄⱏⰸⱏⰴⰰ ⰱ҃ⱏ ⰴⱁ ⱀⱏⰹⱀⱑ. ⰺ҅ ⱀⰵ ⰱⱘⰴⰵⱅⱏ.

Ⰺ҅ ⰰⱎⱅⰵ ⱀⰵ ⰱⰻ ⰳ҃ⱐ ⱂⱃⱑⰽⱃⰰⱅⰻⰾⱏ ⰴⱐⱀⰻⰹ. ⱀⰵ ⰱⰻ ⰱⱏⰹⰾⰰ ⱄⱂ҃ⰵⱀⰰ ⰲⱄⱑⰽⰰ ⱂⰾⱏⱅⱐ. ⱀⱏ ⰺ҅ⰸⰱⱏⱃⰰⱀⱏⰺⱈⱏ ⱃⰰⰴⰻ ⱗⰶⰵ ⰺ҅ⰸⰱⱏⱃⰰ. ⱂⱃⱑⰽⱃⰰⱅⰻⱅⱏ ⰴⱐⱀⰻ.

Ⰺ҅ ⰰⱎⱅⰵ ⰽⱏⱅⱁ ⱅⱏⰳⰴⰰ ⱃⰵⱍⰵⱅⱏ ⰲⰰⰿⱏ. ⱄⱐⰴⰵ ⱈ҃ⱏ. ⱄⰵ ⱁⰲⱐⰴⰵ. ⱀⰵ ⰺ҅ⰿⱑⱅⰵ ⰲⱑⱃⱏⰹ.

Ⰲⱏⱄⱅⰰⱀⱘⱅⱏ ⰱⱁ ⰾⱏⰶⰻⰹ ⱈⱃⱐⱄⱅⰻ. ⰺ҅ ⰾⱏⰶⰻⰹ !ⱂⱃⱁ!ⱃⱌⰻ. ⰺ҅ ⰴⰰⰴⱔⱅⱏ ⰸⱀⰰⰿⰵⱀⱐⱑ ⰺ҅ ⱍⱓⰴⰵⱄⰰ. ⰴⰰ ⱂⱃⱑⰾⱐⱄⱅⱔⱅⱏ ⰰⱎⱅⰵ ⰲⱏⰸⰿⱁⰳⱘⱅⱏ ⰺ҅ⰸⰱⱏⱃⰰⱀⱏⰹⱗ.

ⰲⱏⰹ ⰶⰵ ⰱⰾ̑ⱓⰴⱑⱅⰵ ⱄⱔ. Ⱄⰵ ⱂⱃⱑⰶⰴⰵ ⱃⱑⱈⱏ ⰲⰰⰿⱏ ⰲⱄⱑ.

ⱀⱏ ⰲⱏ ⱅⱏⰹ ⰴⱐⱀⰻ ⱂⱁ ⱄⰽⱃⱏⰱⰻ ⱅⱁⰹ. ⱄⰾⱏⱀⱐⱌⰵ ⱂⱁⰿⱃⰰⱍⰻⱅⱏ ⱄⱔ. ⰺ҅ ⰾⱆⱀⰰ ⱀⰵ ⰴⰰⱄⱅⱏ ⱄⰲⱑⱅⰰ ⱄⰲⱁⰵⰳⱁ.

ⰺ҅ ⰷⰲⱑⰸⰴⱏⰹ ⱀⰰⱍⱐⱀⱘⱅⱏ ⱄⱏ ⱀⰵⰱ҃ⱄⰵ ⱂⰰⰴⰰⱅⰻ. ⰺ҅ ⱄⰻⰾⱏⰹ ⱗⰶⰵ ⱄⱘⱅⱏ ⱀⰰ ⱀⰱ҃ⱈⱏ. ⱂⱁⰴⰲⰻⰶⱔⱅⱏ ⱄⱔ.

Ⰺ҅ ⱅⱏⰳⰴⰰ ⱆⰸⱐⱃⰻⱅⰵ ⱄⱀ҃ⰰ ⱍⱄ҃ⰽⰰⰵⰳⱁ ⰳⱃⱔⰴⱘⱎⱅⰰ ⱀⰰ ⱁⰱⰾⰰⱌⱑⱈⱏ ⱄⱏ ⱄⰻⰾⱁⱙ ⰿⱀⱁⰳⱁⱙ ⰺ҅ ⱄⰾⰰⰲⱁⱙ.

ⰺ҅ ⱅⱏⰳⰴⰰ ⱂⱁⱄⱏⰾ̑ⰵⱅⱏ ⰰⰼ҃ⰾⱏⰹ ⱄⰲⱁⱗ. ⰺ҅ ⱄⱏⰱⰵⱃⰵⱅⱏ ⰺ҅ⰸⰱⱏⱃⰰⱀⱏⰹⱗ ⱄⰲⱁⱗ. ⱁⱅⱏ ⱍⰵⱅⱏⰹⱃⱏ ⰲⱑⱅⱃⱏ. ⱁⱅⱏ ⰽⱁⱀⸯⱌⰰ ⰸⰵⰿⰾ̑ⱔ. ⰴⱁ ⰽⱁⱀⱐⱌⰰ ⱀⰵⰱ҃ⱄⰻ.

ⱁⱅⱏ ⱄⰿⱁⰽⱁⰲⱐⱀⰻⱌⱔ ⰶⰵ ⱀⰰⰲⱏⰹⰽⱀⱑⱅⰵ ⱂⱃⰻⱅⱏⱍⰻ. ⰵⰳⰴⰰ ⱆⰶⰵ ⰲⱑⱅⰲⱐ ⰵⱗ ⰱⱘⰴⰵⱅⱏ ⰿⰾⰰⰴⰰ. ⰺ҅ ⱂⱃⱁⰸⱔⰱⱀⰵⱅⱏ ⰾⰻⱄⱅⰲⱐⰵ. ⰲⱑⰴⰻⱅⰵ ⱑⰽⱁ ⰱⰾⰻⰸⱏ ⰵⱄⱅⱏ ⰶⱔⱅⰲⰰ.

ⱅⰰⰽⱁ ⰺ҅ ⰲⱏⰹ ⰵⰳⰴⰰ ⱆⰸⱐⱃⰻⱅⰵ ⱄⰻ ⰱⱏⰹⰲⰰⱙⱎⱅⰰⰰ. ⰲⱑⰴⰻⱅⰵ ⱑⰽⱁ ⰱⰾⰻⰸⱏ ⰵⱄⱅⱏ ⱂⱃⰻ ⰴⰲⱐⱃⰵⱈⱏ.

ⰰⰿⰻⱀⱐ ⰳⰾ̑ⱙ ⰲⰰⰿⱏ. ⱑⰽⱁ ⱀⰵ ⰺ҅ⰿⰰⱅⱏ ⱂⱃⱑⰺ҅ⱅⰻ ⱃⱁⰴⱁⱄⱐ. ⰴⱁⰺⰴⰵⰶⰵ ⰲⱐⱄⱑ ⱄⰻ ⰱⱘⰴⱘⱅⱏ.

ⱀⰵⰱⱁ ⰺ҅ ⰸⰵⰿⰾ̑ⱑ ⱂⱃⱑⰺ҅ⰴⰵⱅⱏ. ⰰ ⰿⱁⱑ ⱄⰾⱁⰲⰵⱄⰰ ⱀⰵ ⱂⱃⱑⰺ҅ⰴⱘⱅⱏ.

*̆ⰰ !ⱁ ⰴⱐⱀⰻ ⱅⱁⰿⱐ ⰺ҅ ⱁ ⱍⰰⱄⱑ. ⱀⰻⰽⱏⱅⱁⰶⰵ ⱀⰵ ⰲⱑⱄⱅⱏ. ⱀⰻ ⰰⰼ҃ⰾⰻ ⰺ҅ⰶⰵ ⱄⱘⱅⱏ ⱀⰰ !ⱀⰱⱄⰵⱈⱏ. ⱀⰻ ⱄⱀ҃ⱏ. ⱅⱏⰽⱏⰿⱁ !ⱁⱌⱐ ⰵⰴⰻⱀⱏ.

Ⰱⰾ̑ⱓⰴⱑⱅⰵ ⱄⱔ. ⰱⱐⰴⰻⱅⰵ. ⰺ҅ ⰿⱁⰾⰻⱅⰵ ⱄⱔ. ⱀⰵ ⰲⱑⱄⱅⰵ ⰱⱁ ⰽⱏⰳⰴⰰ ⰲⱃⱑⰿⱔ ⰱⱘⰴⰵⱅⱏ.

ⱑⰽⱁⰶⰵ ⱍⰽ҃ⱏ ⱁⱈⱁⰴⱔ. ⱁⱄⱅⰰⰲⰻ ⰴⱁⰿⱏ ⱄⰲⱁⰹ. ⰺ҅ ⰴⰰⰲⱏ ⱃⰰⰱⱁⰿⱏ ⱄⰲⱁⰺⰿⱏ ⰲⰾⰰⱄⱅⱐ. ⰺ҅ ⰽⱁⰿⱆⰶⱐⰴⱁ ⰴⱑⰾⱁ ⱄⰲⱁⰵ. ⰺ҅ ⰲⱃⰰⱅⱐⱀⰻⰽⱆ ⱂⱁⰲⰵⰾⱑ ⰴⰰ ⰱⱐⰴⰻⱅⱏ.

ⰱⱐⰴⰻⱅⰵ ⱆⰱⱁ. ⱀⰵ ⰲⱑⱄⱅⰵ ⰱⱁ ⰽⱏⰳⰴⰰ ⰳ҃ⱐ ⰴⱁⰿⱆ ⱂⱃⰻⰴⰵⱅⱏ. ⰲⰵⱍⰵⱃⱏ ⰾⰻ. ⰾⰻ ⱂⱁⰾⱆ ⱀⱁⱎⱅⰻ. ⰾⰻ ⰲⱏ ⰽⱆⱃⱁⰳⰾⰰⱎⰵⱀⱐⰵ. ⰾⰻ ⱆⱅⱃⱁ.

ⰴⰰ ⱀⰵ ⱂⱃⰻⱎⱐⰴⱏ ⰲⱏⱀⰵⰸⰰⱑⱂⱘ ⱁⰱⱃⱔⱎⱅⰵⱅⱏ ⰲⱏⰹ ⱄⱏⱂⱔⱎⱅⱔ.

ⰰ ⰵⰶⰵ ⰲⰰⰿⱏ ⰳⰾ҃ⱙ. ⰲⱐⱄⱑⰿⱏ ⰳⰾ̑ⱙ ⰱⱐⰴⰻⱅⰵ.