Ꙇ҅ исходѧштю емоу отъ цръкъве. гл҃а емоу единъ отъ оученикъ своꙇ҅хъ. оучител̑ю. виждь. каково каменье. ꙇ҅ каково зъдание.

ꙇс҃ же отъвѣштавъ рече емоу. видиши ли великаѣ си зъданиѣ. не ꙇ҅матъ остати сьде камень на камене. ꙇ҅же не ꙇ҅матъ разорити сѧ.

Ꙇ҅ сѣдѧштю емоу на горѣ елеонсцѣ. прѣмо цр҃кви. въпрашаахѫ і единого. петръ. ꙇ҅ ѣковъ. ꙇ҅ оаннъ. ꙇ҅ анⸯдрѣа.

рьци намъ когда се бѫдетъ. ꙇ҅ кое бѫдетъ знаменье. егда ꙇ҅мѫтъ съконьчати сѧ вьсѣ си.

ꙇ҅с҃ же отъвѣштавъ. начѧтъ гл҃ати ꙇ҅мъ. бл̑юдѣте сѧ. да не къто васъ прѣльститъ.

мнози бо придѫтъ въ мое ꙇ҅мѧ гл̑ѭште. ѣко азъ есмь. ꙇ҅ многꙑ прѣльстѧтъ.

егда же оуслꙑшите брани. ꙇ҅ слоухꙑ браниі. не оужасаꙇ҅те сѧ. подобаетъ бо бꙑти. нъ не оу коньчина.

въстанетъ бо ѩзꙑкъ. на ѩзꙑка. ꙇ҅ цр҃со на цр҃со. ꙇ҅ бѫдѫтъ трѫси по мѣста. ꙇ҅ бѫдѫтъ глади ꙇ҅ мѧтежи.

начѧло болѣзньмъ си. Бл̑юдѣте же вꙑ сѧ сами. прѣдадѧтъ бо вꙑ въ сънѧтиѣ. ꙇ҅ на сънъмиштихъ бьени бѫдете. ꙇ҅ прѣдъ воеводами. ꙇ҅ !цри станете мене ради. въ съвѣдѣтел̑ьство ꙇ҅мъ.

Ꙇ҅ въ вьсѣхъ ѩзꙑцѣхъ. подобаетъ прѣжде проповѣдати сѧ !̆евађлию.

*̆егда же водѧтъ і прѣдаѭште. не пьцѣте сѧ прѣжде чьто възглагол̑ете. ни пооучаꙇ҅те сѧ. нъ еже аште дастъ сѧ вамъ въ тъ часъ. то гл̑ите. не вꙑ бо бѫдете гл̑ѭштеи. нъ дх҃ъ ст҃ъꙇ.

прѣдастъ же братъ братра на съмръть. ꙇ҅ оц҃ь чѧдо. ꙇ҅ въстанѫтъ чѧда на родител̑ѧ. ꙇ҅ оубиѭтъ ѩ.

ꙇ҅ бѫдете ненавидими вⸯсѣми ꙇ҅мене моего ради. прѣтръпѣвꙑ же до коньца сп҃енъ бѫдетъ.

*̆егда же оузьрите мрьзость запоустѣньѣ. реченѫѭ даниломь пророкомь. стоѩштѫ ꙇ҅деже не подобаетъ. Чьтꙑ да разоумѣетъ. тъгда ꙇ҅же бѫдѫтъ въ ꙇюдеі. да бѣгаѭтъ на горꙑ.

ꙇ҅ иже на кровѣ. да не сълазѧтъ въ домъ. ни да вьнидетъ вьзѧтъ чесо отъ домоу своего.

ꙇ҅ сꙙі на селѣ. да не възвратитъ сѧ вьспѧть вьзѧти ризъ своꙇ҅хъ.

Горе же непраздънъꙇмъ ꙇ҅ доѩштиімъ въ тꙑ дни.

молите. же сѧ да не бѫдетъ бѣство ваше зимѣ.

Бѫдѫтъ бо дьнье ти скръбьни. ѣко не бꙑстъ тако отъ начѧла зъданию. еже съзъда б҃ъ до нꙑнѣ. ꙇ҅ не бѫдетъ.

Ꙇ҅ аште не би г҃ь прѣкратилъ дьниі. не би бꙑла сп҃ена всѣка плъть. нъ ꙇ҅збъранъꙇхъ ради ѩже ꙇ҅збъра. прѣкратитъ дьни.

Ꙇ҅ аште къто тъгда речетъ вамъ. сьде х҃ъ. се овьде. не ꙇ҅мѣте вѣрꙑ.

Въстанѫтъ бо лъжиі хрьсти. ꙇ҅ лъжиі !про!рци. ꙇ҅ дадѧтъ знаменьѣ ꙇ҅ чюдеса. да прѣльстѧтъ аште възмогѫтъ ꙇ҅збъранꙑѩ.

вꙑ же бл̑юдѣте сѧ. Се прѣжде рѣхъ вамъ всѣ.

нъ въ тꙑ дьни по скръби тоі. слъньце помрачитъ сѧ. ꙇ҅ лоуна не дастъ свѣта своего.

ꙇ҅ ѕвѣздꙑ начьнѫтъ съ неб҃се падати. ꙇ҅ силꙑ ѩже сѫтъ на нб҃хъ. подвижѧтъ сѧ.

Ꙇ҅ тъгда оузьрите сн҃а чс҃каего грѧдѫшта на облацѣхъ съ силоѭ многоѭ ꙇ҅ славоѭ.

ꙇ҅ тъгда посъл̑етъ ађ҃лꙑ своѩ. ꙇ҅ съберетъ ꙇ҅збъранꙑѩ своѩ. отъ четꙑръ вѣтръ. отъ конⸯца земл̑ѧ. до коньца неб҃си.

отъ смоковьницѧ же навꙑкнѣте притъчи. егда оуже вѣтвь еѩ бѫдетъ млада. ꙇ҅ прозѧбнетъ листвье. вѣдите ѣко близъ естъ жѧтва.

тако ꙇ҅ вꙑ егда оузьрите си бꙑваѭштаа. вѣдите ѣко близъ естъ при двьрехъ.

аминь гл̑ѭ вамъ. ѣко не ꙇ҅матъ прѣꙇ҅ти родось. доꙇдеже вьсѣ си бѫдѫтъ.

небо ꙇ҅ земл̑ѣ прѣꙇ҅детъ. а моѣ словеса не прѣꙇ҅дѫтъ.

*̆а !о дьни томь ꙇ҅ о часѣ. никътоже не вѣстъ. ни ађ҃ли ꙇ҅же сѫтъ на !нбсехъ. ни сн҃ъ. тъкъмо !оць единъ.

Бл̑юдѣте сѧ. бьдите. ꙇ҅ молите сѧ. не вѣсте бо къгда врѣмѧ бѫдетъ.

ѣкоже чк҃ъ оходѧ. остави домъ своі. ꙇ҅ давъ рабомъ своꙇмъ власть. ꙇ҅ комоужьдо дѣло свое. ꙇ҅ вратьникоу повелѣ да бьдитъ.

бьдите оубо. не вѣсте бо къгда г҃ь домоу придетъ. вечеръ ли. ли полоу ношти. ли въ коуроглашенье. ли оутро.

да не пришьдъ вънезаѣпѫ обрѧштетъ вꙑ съпѧштѧ.

а еже вамъ гл҃ѭ. вьсѣмъ гл̑ѭ бьдите.