Ⰺ҅ ⱀⰰⱍⱔⱅⱏ ⰺ҅ⰿⱏ ⱂⱃⰻⱅⱏⱍⰰⰿⰻ ⰳⰾ҃ⰰⱅⰻ. ⰲⰻⱀⱁⰳⱃⰰⰴⱏ ⱍⰽ҃ⱏ ⱀⰰⱄⰰⰴⰻ. ⰺ҅ ⱁⰳⱃⰰⰴⰻ ⰹ ⱁⱂⰾⱁⱅⱁⰿⱐ. ⰺ҅ ⰻⱄⰽⱁⱂⰰ ⱅⱁⱍⰻⰾⱁ. ⰺ҅ ⱄⱏⰸⱏⰴⰰ ⱄⱅⰾⱏⱂⱏ. ⰺ҅ ⰲⱏⰴⰰⱄⱅⱏ ⰺ ⱅⱔⰶⰰⱅⰵⰾ̑ⰵⰿⱏ ⰺ҅ ⱁⱅⰻⰴⰵ.

ⰺ҅ ⱂⱁⱄⱏⰾⰰ. ⰽⱏ ⱅⱔⰶⰰⱅⰵⰾ̑ⰵⰿⱏ ⱃⰰⰱⱏ ⰲⱏ ⰲⱃⱑⰿⱔ. ⰴⰰ ⱁⱅⱏ ⱅⱔⰶⰰⱅⰵⰾⱏ ⱂⱃⰻⰿⰵⱅⱐ. ⱁⱅⱏ ⱂⰾⱁⰴⱏ ⰲⰻⱀⱁⰳⱃⰰⰴⰰ.

ⰺ҅ ⰻⰿⱏⱎⰵ ⰹ ⰱⰻⱎⱔ. ⰺ҅ ⱂⱁⱄⱏⰾⰰⱎⱔ ⱅⱏⱎⱅⱐ.

ⰺ҅ ⱂⰰⰽⱏⰹ ⱂⱁⱄⱏⰾⰰ ⰽⱏ ⱀ̑ⰻⰿⱏ ⰴⱃⱆⰳⱏⰺ ⱃⰰⰱⱏ. ⰺ҅ ⱅⱁⰳⱁ ⰽⰰⰿⰵⱀⰻⰵⰿⱐ ⰱⰻⰲⱏⱎⰵ ⱂⱃⱁⰱⰻⱎⱔ ⰳⰾⰰⰲⱘ ⰵⰿⱆ. ⰺ҅ ⱂⱁⱄⱏⰾⰰⱎⱔ ⰱⰵⱎⱅⱐⱄⱅⱏⱀⰰ.

ⰺ҅ ⱂⰰⰽⱏⰹ ⰺ҅ⱀⱁⰳⱁ ⱂⱁⱄⱏⰾⰰ. ⰺ҅ ⱅⱁⰳⱁ ⱆⰱⰻⱎⱔ. ⰺ҅ ⰻⱀⱏⰹ ⰿⱀⱁⰳⱏⰹ. ⱁⰲⱏⰹ ⰱⱐⱙⱎⱅⰵ. ⱁⰲⱏⰹ ⰶⰵ ⱆⰱⱐ̆ⱑⱙⱎⱅⰵ.

*̆ⰵⱎⱅⰵ ⰶⰵ ⰺ҅ⰿⱑⰰⱎⰵ ⰵⰴⰻⱀⱁⰳⱁ ⱄⱀ҃ⰰ. ⰲⱏⰸⰾ̑ⱓⰱⰾ̑ⰵⱀⰰⰰⰳⱁ ⱄⰲⱁⰵⰳⱁ. ⱂⱁⱄⱏⰾⰰ ⰺ҅ ⱅⱁⰳⱁ ⰽⱏ ⱀ̑ⰻⰿⱏ ⱂⱁⱄⰾⱑⰴⰻ ⰳⰾ҃ⱔ ⱑⰽⱁ ⱂⱁⱄⱃⰰⰿⰾ̑ⱑⱙⱅⱏ ⱄⱔ ⱄⱀ҃ⰰ ⰿⱁⰵⰳⱁ.

ⱁⱀⰻ ⰶⰵ ⱅⱔⰶⰰⱅⰵⰾ̑ⰵ ⰲⰻⰴⱑⰲⱏⱎⰵ ⰻ ⰳⱃⱔⰴⱘⱎⱅⱐ ⰽⱏ ⱄⰵⰱⱑ ⱃⱑⱎⱔ. ⱑⰽⱁ ⱄⱐ ⰵⱄⱅⱏ ⱀⰰⱄⰾⱑⰴⱐⱀⰻⰽⱏ. ⱂⱃⰻⰴⱑⱅⰵ ⱆⰱⰻⱑⰿⱏ ⰺ. ⰺ҅ ⱀⰰⱎⰵ ⰱⱘⰴⰵⱅⱏ ⰴⱁⱄⱅⱁⱑⱀⱐⰵ.

ⰺ҅ ⰻⰿⱏⱎⰵ ⱆⰱⰻⱎⱔ ⰻ. ⰺ҅ ⰻⰸⰲⱃⱏⰳⱁⱎⱔ ⰻ ⰲⱏⱀⱏ ⰺ҅ⰸ ⰲⰻⱀⱁⰳⱃⰰⰴⰰ.

ⱍⱐⱅⱁ ⱆⰱⱁ ⱄⱏⱅⰲⱁⱃⰻⱅⱏ ⰳ҃ⱐ ⰲⰻⱀⱁⰳⱃⰰⰴⰰ. ⱂⱃⰻⰴⰵⱅⱏ. ⰺ҅ ⱂⱁⰳⱆⰱⰻⱅⱏ ⱅⱔⰶⰰⱅⰵⰾ̑ⱔ. ⰺ҅ ⰴⰰⱄⱅⱏ ⰲⰻⱀⱁⰳⱃⰰⰴⱏ ⰺ҅ⱀⱑⰿⱏ.

ⱀⰻ ⰾⰻ ⱄⰻⱈⱏ ⰵⱄⱅⰵ ⰽⱏⱀ̑ⰻⰳⱏ ⱍⱐⰾⰻ. ⰽⰰⰿⰵⱀⱐ ⰵⰳⱁⰶⰵ ⱀⰵ ⰲⱃⱑⰴⱆ ⱄⱏⱅⰲⱁⱃⰻⱎⱔ ⰸⰻⰶⰴⱘⱎⱅⰵⰻ. ⱄⱐ ⰱⱏⰹ!ⱄ ⰲⱏ ⰳⰾⰰⰲⱘ ⱘⰳⱏⰾⱆ.

ⱁⱅⱏ !ⰳⱑ ⰱⱏⰹⱄⱅⱏ ⱄⰻ. ⰺ҅ ⰵⱄⱅⱏ ⰴⰻⰲⱏⱀⰰ ⰲⱏ ⱁⱍⰻⱓ ⱀⰰⱎⰵⱓ.

ⰺ҅ ⰻⱄⰽⰰⰰⱈⱘ ⱗⱅⰻ ⰹ. ⰺ҅ ⱆⰱⱁⱑⱎⱔ ⱄⱔ ⱀⰰⱃⱁⰴⰰ. ⱃⰰⰸⱆⰿⱑⱎⱔ ⰱⱁ ⱑⰽⱁ ⰽⱏ ⱀ̑ⰻⰿⱏ ⱂⱃⰻⱅⱏⱍⱘ ⱃⰵⱍⰵ. ⰺ҅ ⱁⱄⱅⰰⰲⱐⱎⰵ ⰻ ⱁⱅⰻⰴⱁⱎⱔ.

ⰺ҅ ⱂⱁⱄⱏⰾⰰⱎⱔ ⰽⱏ ⱀ̑ⰵⰿⱆ. ⰵⱅⰵⱃⱏⰹ ⱁⱅⱏ ⱇⰰⱃⰻⱄⰵⰻ. ⰺ҅ ⰻⱃⱁⰴⰻⱑⱀⱏ. ⰴⰰ ⰺ҅ ⰱⱘ ⱁⰱⰾⱐⱄⱅⰻⰾⰻ ⱄⰾⱁⰲⱁⰿⱐ.

̆ⱉⱀⰻ ⰶⰵ ⱂⱃⰻⱎⱐⰴⱏⱎⰵ ⰳⰾ҃ⰰⱎⱔ ⰵⰿⱆ. ⱆⱍⰻⱅⰵⰾ̑ⱓ. ⰲⱑⰿⱏ ⱑⰽⱁ ⰺ҅ⱄⱅⰻⱀⱐⱀⱏ ⰵⱄⰻ. ⰺ҅ ⱀⰵ ⱃⱁⰴⰻⱎⰻ ⱀⰻ ⱁ ⰽⱁⰿⱐⰶⰵ. ⱀⰵ ⰸⱐⱃⰻⱎⰻ ⰱⱁ ⱀⰰ ⰾⰻⱌⰵ ⱍⰽ҃ⱁⰿⱏ. ⱀⱏ ⰲⱏ ⰺⱄⱅⰻⱀⱘ ⱂⱘⱅⰻ ⰱⰶ҃ⱐⱓ ⱆⱍⰻⱎⰻ. ⱃⱐⱌⰻ ⱆⰱⱁ ⱀⰰⰿⱏ. ⰴⱁⱄⱅⱁⰺⱅⱏ ⰾⰻ. ⰽ̑ⰻⱀⱄⱏ ⰴⰰⱅⰻ ⰽ̑ⰵⱄⰰⱃⰵⰲⰻ. ⰺ҅ⰾⰻ ⱀⰻ. ⰴⰰⰿⱏ ⰾⰻ ⰺ҅ⰾⰻ ⱀⰵ ⰴⰰⰿⱏ.

ⱁⱀⱏ ⰶⰵ ⰲⱑⰴⱏⰹ ⰺ҅ⱈⱏ ⰾⰻⱌⰵⰿⱑⱃⱐⰵ. ⱃⰵⱍⰵ ⰺ҅ⰿⱏ. ⱍⱐⱅⱁ ⰿⱔ ⱁⰽⱆⱎⰰⰵⱅⰵ. ⱂⱃⰻⱀⰵⱄⱑⱅⰵ ⰿⰻ ⱂⱑⱀⱔⰸⱐ ⰴⰰ ⰲⰻⰶⰴⱘ.

ⱁⱀⰻ ⰶⰵ ⱂⱃⰻⱀⰵⱄⱁⱎⱔ ⰵⰿⱆ. ⰺ҅ ⰳⰾ҃ⰰ ⰺ҅ⰿⱏ. ⱍⰻⰹ ⰵⱄⱅⱏ ⱁⰱⱃⰰⰸⱁⱄⱐ ⰺ҅ ⱀⰰⱂⸯⱄⰰⱀⰻⰵ. ⱁⱀⰻ ⰶⰵ ⱃⱑⱎⱔ ⰵⰿⱆ ⰽ̑ⰵⱄⰰⱃⰵⰲⱏ.

ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰺ҅ⰿⱏ. ⰽ̑ⰵⱄⰰⱃⰵⰲⰰⱑ ⰲⱏⰸⰴⰰⰴⰻⱅⰵ ⰽ̑ⰵⱄⰰⱃⰵⰲⰻ. ⰺ҅ ⰱⰶ҃ⱐⱑ !ⰱⰲⰻ. ⰺ҅ ⱍⱓⰴⰻⱎⱔ ⱄⱔ ⱁ ⱀ̑ⰵⰿⱐ.

Ⰺ҅ ⱂⱃⰻⰴⱁⱎⱔ ⱄⰰⰴⱆⰽ̑ⰵⰹ ⰽⱏ ⱀ̑ⰵⰿⱆ. ⰺ҅ⰶⰵ ⰳⰾ̑ⱙⱅⱏ ⱀⰵ ⰱⱏⰹⱅⰻ ⰲⱏⱄⰽⱃⱑⱎⰵⱀⱐⱓ. ⰺ҅ ⰲⱏⱂⱃⰰⱎⰰⰰⱈⱘ ⰹ ⰳⰾ̑ⱙⱎⱅⰵ.

ⱆⱍⰻⱅⰵⰾ̑ⱓ. ⱀⰵ ⰿⱁⱄⰻ ⰾⰻ ⱀⰰⱂⸯⱄⰰ ⱀⰰⰿⱏ. ⱑⰽⱁ ⰰⱎⱅⰵ ⰽⱁⰿⱆ ⰱⱃⰰⱅⱃⱏ ⱆⰿⱐⱃⰵⱅⱏ ⰺ҅ ⱁⱄⱅⰰⰲⰻⱅⱏ ⰶⰵⱀⱘ. ⰰ ⱍⱔⰴⱏ ⱀⰵ ⱁⱄⱅⰰⰲⰻⱅⱏ. ⰴⰰ ⱂⱁⰺ҅ⰿⰵⱅⱏ ⰱⱃⰰⱅⱃⱏ ⰶⰵⱀⱘ ⰵⰳⱁ. ⰺ҅ ⰲⱏⱄⰽⱃⱑⱄⰻⱅⱏ ⱄⱑⰿⱔ ⰱⱃⰰⱅⱃⰰ ⱄⰲⱁⰵⰳⱁ.

ⰱⱑ ⰶⰵ ⱄⰵⰴⰿⱐ ⰱⱃⰰⱅⱃⱐⱗ. ⰺ҅ ⱂⱃⱐⰲⱏⰹ ⱂⱁⱗ ⰶⰵⱀⱘ. ⰺ҅ ⱆⰿⰻⱃⰰⱗ ⱀⰵ ⱁⱄⱅⰰⰲⰻ ⱄⱑⰿⰵⱀⰵ.

ⰺ҅ ⰲⱏⱅⱁⱃⱏⰹ ⱂⱁⱗⱅⱏ ⱙ. ⰺ҅ ⱆⰿⱃⱑⱅⱏ. ⰺ҅ ⱅⱏ ⱀⰵ ⱁⱄⱅⰰⰲⰻ ⱄⱑⰿⰵⱀⰵ. ⰺ҅ ⱅⱃⰵⱅⰻⰹ ⱅⰰⰽⱁⰶⰴⰵ.

ⰺ҅ ⱂⱁⱗⱎⱔ ⱙ ⱄⰵⰴⰿⱐ. ⰺ҅ ⱀⰵ ⱁⱄⱅⰰⰲⰻⱎⱔ ⱄⱑⰿⰵⱀⰵ. ⱂⱁⱄⰾⱑⰶⰴⰵ ⰶⰵ ⰲⱐⱄⱑⱈⱏ ⱆⰿⱃⱑⱅⱏ ⰺ҅ ⰶⰵⱀⰰ.

ⰲⱏ ⰲⱏⱄⰽⱃⱑⱎⰵⱀⱐⰵ ⰵⰳⰴⰰ ⰲⱏⱄⰽⱃⱏⱄⱀⱘⱅⱏ. ⰽⱁⱅⱁⱃⱆⰿⱆ ⰺ҅ⱈⱏ ⰱⱘⰴⰵⱅⱏ ⰶⰵⱀⰰ. ⱄⰵⰴⰿⱐ ⰱⱁ ⰺ҅ⰿⱑⱎⱔ ⱙ ⰶⰵⱀⱘ.

ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰺ҅ⰿⱏ. ⱀⰵ ⱄⰵⰳⱁ ⰾⰻ ⱃⰰⰴⰻ ⰱⰾⱘⰴⰻⱅⰵ. ⱀⰵ ⰲⱑⰴⱘⱎⱅⰵ ⰽⱏⱀ̑ⰻⰳⱏ. ⱀⰻ ⱄⰻⰾⱏⰹ ⰱⰶ҃ⰻⱗ.

ⰵⰳⰴⰰ ⰱⱁ ⰺ҅ⰸ ⰿⱃⱏⱅⰲⱏⰺ҅ⱈⱏ ⰲⱏⱄⰽⱃⱏⱄⱀⱘⱅⱏ. ⱀⰻ ⰶⰵⱀⱔⱅⱏ ⱄⱔ ⱀⰻ ⱂⱁⱄⰰⰳⰰⱙⱅⱏ. ⱀⱏ ⱄⱘⱅⱏ ⰰⰽⱏⰹ ⰰⰼ҃ⰾⰻ ⱀⰰ ⱀⰱ҃ⱄⱈⱏ.

ⰰ ⱁ ⰿⱃⱐⱅⰲⱏⰺⱈⱏ ⱑⰽⱁ ⰲⱏⱄⱅⰰⱀⱘⱅⱏ. ⱀⱑⱄⱅⰵ ⰾⰻ ⱍⱐⰾⰻ ⰲⱏ ⰽⱏⱀ̑ⰻⰳⰰⱈⱏ ⰿⱛ҅ⱄⱑⱁⰲⰰⱈⱏ. ⱂⱃⰻ ⰽⱘⱂⰻⱀⱑ. ⰽⰰⰽⱁ ⱃⰵⱍⰵ ⰵⰿⱆ ⰱ҃ⱏ ⰳⰾ҃ⱔ. ⰰⰸⱏ !ⰱⱏ ⰰⰲⱃⰰⰰⰿⰾ̑ⱐ. ⰺ҅ ⰱ҃ⱏ ⰺ҅ⱄⰰⰰⰽⱁⰲⱏ. ⰺ҅ ⰱ҃ⱏ ⰺ҅ⱑⰽⱁⰲⰾ̑ⱐ.

ⱀⱑⱄⱅⱏ ⰱ҃ⱏ ⰿⱃⱏⱅⰲⱏⰺ҅ⱈⱏ. ⱀⱏ ⰶⰻⰲⱏⰺⱈⱏ. ⰲⱏⰹ ⱆⰱⱁ ⰿⱀⱁⰳⱁ ⰱⰾⱘⰴⰻⱅⰵ.

Ⰺ҅ ⱂⱃⰻⱄⱅⱘⱂⱐ ⰵⰴⰻⱀⱏ ⱁⱅⱏ ⰽⱏⱀⰻⰶⱐⱀⰻⰽⱏ. ⱄⰾⱏⰹⱎⰰⰲⱏ ⱗ ⱄⱏⱅⱔⰸⰰⱙⱎⱅⱔ ⱄⱔ. ⰲⰻⰴⱑⰲⱏ ⱑⰽⱁ ⰴⱁⰱⱃⱑ ⱁⱅⱏⰲⱑⱎⱅⰰ ⰺ҅ⰿⱏ. ⰲⱏⱂⱃⱁⱄⰻ ⰹ. ⰽⰰⱑ ⰵⱄⱅⱏ ⰸⰰⱂⱁⰲⱑⰴⱐ ⱂⱃⱐⰲⰰⱑ ⰲⱐⱄⱑⱈⱏ.

ⰺⱄ҃ ⰶⰵ ⰳⰾ҃ⰰ ⰵⰿⱆ. ⱑⰽⱁ ⱂⱃⱐⰲⱑⰺ҅ⱎⰻ ⰸⰰⱂⱁⰲⱑⰴⱐⰹ. ⰵⱄⱅⱏ ⰲⱄⱑⱈⱏ. ⱄⰾⱏⰹⱎⰻ !ⰺⰾ̑ⱓ. ⰳ҃ⱐ ⰱ҃ⱏ ⱀⰰⱎⱐ ⰳ҃ⱐ ⰵⰴⰻⱀⱏ ⰵⱄⱅⱏ.

ⰺ҅ ⰲⱐⰸⰾ̑ⱓⰱⰻⱎⰻ !ⰳⱑ ⰱ҃ⰰ ⱄⰲⱁⰵⰳⱁ. ⰲⱄⱑⰿⱐ ⱄⱃⱏⰴⸯⱌⰵⰿⱐ ⱅⰲⱁⰺ҅ⰿⱐ. ⰺ҅ ⰲⱐⱄⰵⱙ ⰴⱎ҃ⰵⱙ ⱄⰲⱁⰵⱙ. ⰺ҅ ⰲⱄⱑⰿⱐ ⱆⰿⱁⰿⱐ ⱅⰲⱁⰺ҅ⰿⱐ. ⰺ҅ ⰲⱐⱄⰵⱙ ⰽⱃⱑⱂⱁⱄⱅⰻⱙ ⱅⰲⱁⰵⱙ. ⱄⰻ ⱂⱃⱏⰲⱑⰺ҅ⱎⰻ ⰲⱐⱄⱑⱈⱏ ⰸⰰⱂⱁⰲⱑⰴⰻⰹ.

ⰺ҅ ⰲⱏⱅⱁⱃⰰⱑ ⱂⱁⰴⱁⰱⱐⱀⰰ ⰵⰹ. ⰲⱐⰸⰾ̑ⱓⰱⰻⱎⰻ ⱂⱁⰴⱃⱆⰳⰰ ⱄⰲⱁⰵⰳⱁ ⱑⰽⱏⰹ ⱄⰰⰿⱏ ⱄⱔ. ⰱⱁⰾⱐⱎⱔ ⱄⰵⱗ ⰺ҅ⱀⱁⱗ ⰸⰰⱂⱁⰲⱑⰴⰻ ⱀⱑⱄⱅⱏ.

Ⰺ҅ ⱃⰵⱍⰵ ⰵⰿⱆ ⰽⱏⱀ̑ⰻⰶⱐⱀⰻⰽⱏ. ⰴⱁⰱⱃⱑ ⱆⱍⰻⱅⰵⰾ̑ⱓ ⰺ҅ⱄⱅⰻⱀⱘ ⱃⰵⱍⰵ. ⱑⰽⱁ ⰵⰴⰻⱀⱏ ⰵⱄⱅⱏ ⰺ҅ ⱀⱑⱄⱅⱏ ⰺ҅ⱀⱁⰳⱁ ⱃⰰⰸⰲⱑ ⰵⰳⱁ.

ⰺ҅ ⰵⰶⰵ ⰾ̑ⱓⰱⰻⱅⰻ ⰹ ⰲⱐⱄⱑⰿⱐ ⱄⱃⱏⰴⱐⱌⰵⰿⱐ. ⰺ҅ ⰲⱄⱑⰿⱐ ⱃⰰⰸⱆⰿⱁⰿⱐ. ⰺ҅ ⰲⱐⱄⰵⱙ ⰴⱎ҃ⰵⱙ. ⰺ҅ ⰲⱐⱄⰵⱙ ⰽⱃⱑⱂⱁⱄⱅⰻⱙ. ⰺ҅ ⰵⰶⰵ ⰾ̑ⱓⰱⰻⱅⰻ. ⰺ҅ⱄⰽⱃⱐⱀ̑ⱑⰵⰳⱁ ⱑⰽⱁ ⱄⰵⰱⰵ. ⰱⱁⰾ̑ⰵ ⰵⱄⱅⱏ ⰲⱐⱄⱑⱈⱏ. ⱉⰾⱁⰽⰰⰲⱏⱅⱁⰿⰰⱅⱏ. ⰺ҅ ⰶⱃⱏⱅⰲⱏ.

ⰺⱄ҃ ⰶⰵ ⰲⰻⰴⱑⰲⱏ ⰺ. ⱑⰽⱁ ⱄⱏⰿⱏⰹⱄⰾⱏⱀⱁ ⱁⱅⱏⰲⱑⱎⱅⰰ. ⱃⰵⱍⰵ ⰵⰿⱆ. ⱀⰵⰴⰰⰾⰵⱍⰵ ⰵⱄⰻ ⱁⱅⱏ ⱌⱃ҃ⱄⱐⱑ ⰱⰶ҃ⱐⱑ. Ⰺ҅ ⱀⰻⰽⱏⱅⱁⰶⰵ ⱀⰵ ⱄⱏⰿⱑⰰⱎⰵ ⰵⰳⱁ ⰽⱏ ⱅⱁⰿⱆ ⰲⱏⱂⱃⱁⱄⰻⱅⰻ.

ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⰳⰾ҃ⰰ!̆ⰰⱎⰵ. ⱆⱍⱔ ⰲⱏ ⱌⱃⱏⰽⱏⰲⰵ. ⰽⰰⰽⱁ ⰳⰾ̑ⱙⱅⱏ ⰽⱏⱀ̑ⰻⰶⱐⱀⰻⱌⰻ. ⱑⰽⱁ ⱈ҃ⱏ ⱄⱀ҃ⱏ !ⰴⰲⱏ ⰵⱄⱅⱏ.

ⱅⱏ ⰱⱁ ⰴⰰ҃ⰴⱏ ⱃⰵⱍⰵ. ⰴⱈ҃ⱁⰿⱐ ⱄⱅ҃ⱏⰺⰿⱐ. Ⱃⰵⱍⰵ ⰳ҃ⱐ ⰳⰲ҃ⰻ ⰿⱁⰵⰿⱆ. ⱄⱑⰴⰻ ⱁ ⰴⰵⱄⱀⱘⱙ ⰿⰵⱀⰵ. ⰴⱁⱀⸯⰴⰵⰶⰵ ⱂⱁⰾⱁⰶⱘ ⰲⱃⰰⰳⱏⰹ ⱅⰲⱁⱗ. ⱂⱁⰴⱏⱀⱁⰶⰻⰵ ⱀⱁⰳⰰⰿⰰ ⱅⰲⱁⰺ҅ⰿⰰ.

ⱄⰰⰿⱏ ⱆⰱⱁ ⰴⰰ҃ⰴⱏ ⱀⰰⱃⰻⱌⰰⰵⱅⱏ ⰹ !ⰳⱑ. ⰺ҅ ⱅⱏ ⰽⰰⰽⱁ ⰵⰿⱆ ⰵⱄⱅⱏ ⱄⱀ҃ⱏ. ⰺ҅ ⰿⱀⱁⰷⰻ ⱀⰰⱃⱁⰴⰻ ⱂⱁⱄⰾⱆⱎⰰⰰⱈⱘ ⰵⰳⱁ ⰲⱏ ⱄⰾⰰⱄⱅⱐ.

Ⰺ҅ ⰳⰾ҃ⰰⰰⱎⰵ ⰺ҅ⰿⱏ ⰲⱏ ⱆⱍⰵⱀⰻⰹ ⱄⰲⱁ̆ⰵⰿⱐ. ⰱⰾ̑ⱓⰴⱑⱅⰵ ⱄⱔ ⱁⱅⱏ ⰽⱏⱀⰻⰶⱐⱀⰻⰽⱏ. ⱈⱁⱅⱔⱎⱅⰻⰹⱈⱏ ⰲⱏ ⱁⰴⰵⰶⰴⰰⱈⱏ ⱈⱁⰴⰻⱅⰻ. ⰺ҅ ⱌⱑⰾⱁⰲⰰⱀⰻⱑ ⱀⰰ ⱅⱃⱏⰶⰻⱎⱅⰻⰹⱈⱏ. ⰺ҅ ⱂⱃⱑⰶⰴⰵⱄⱑⰴⰰⱀⰻⱑ ⱀⰰ ⱄⱏⱀⱏⰿⰻⱎⱅⰻⱈⱏ. ⰺ҅ ⱂⱃⱐⰲⱁⰲⱐⰸⰾⰵⰶⰵⱀⱐⱑ ⱀⰰ ⰲⰵⱍⰵⱃⱑⱈⱏ.

Ⱂⱁⱑⰴⰰⱙⱎⱅⰵⰹ ⰴⱁⰿⱏⰹ ⰲⱏⰴⱁⰲⰻⱌⱐ. ⰺ҅ ⱀⰵⱂⱐⱎⱅⰵⰲⰰⱀⰻⰵⰿⱐ. ⰴⰰⰾⰵⱍⰵ ⰿⱁⰾⱔⱎⱅⰵ ⱄⱔ. ⱄⰻⰹ ⱂⱃⰻⰹⰿⱘⱅⱏ ⰾⰻⱎⸯⱎⰵⰵ ⱁⱄⱘⰶⰴⰵⱀⱐⰵ.

Ⰺ҅ ⱄⱑⰴⱏ ⰻⱄ҃. ⱂⱃⱑⰿⱁ ⰳⰰⰸⱁⱇⰻⰾⰰⰽ̑ⰻⱁⰲⰻ. ⰲⰻⰴⱑⰲⱏ ⰽⰰⰽⱁ ⱀⰰⱃⱁⰴⱏ. ⰿⰵⱎⱅⰵⱅⱏ ⰿⱑⰴⱐ ⰲⱏ ⰳⰰⰸⰰⱇⰻⰾⰰⰽ̑ⰻⱙ. ⰺ҅ ⰿⱀⱁⰸⰻ ⰱⱁⰳⰰⱅⰻⰹ. ⰲⱏⰿⱑⱅⰰⰰⱈⱘ ⰿⱀⱁⰳⰰⱑ.

ⰺ҅ ⱂⱃⰻⱎⱐⰴⱏⱎⰻ ⰵⰴⰻⱀⰰ ⰲⱏⰴⱁⰲⰻⱌⰰ ⱆⰱⱁⰳⰰ. ⰲⱏⰲⱃⱏⰶⰵ ⰴⱐⰲⱑ ⰾⰵⱂⸯⱅⱑ. ⰵⰶⰵ ⰵⱄⱅⱏ ⰽⱁⱀⱏⰴⱃⰰⱅⱏ.

ⰺ҅ ⱂⱃⰻⰸⱏⰲⰰⰲⱏ ⱆⱍⰵⱀⰻⰽⱏⰹ ⱄⰲⱁⱗ. ⱃⰵⱍⰵ ⰺ҅ⰿⱏ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⰲⱏⰴⱁⰲⰻⱌⰰ ⱄⰻ ⱆⰱⱁⰳⰰⱑ. ⰿⱀⱁⰶⰰⰵ ⰲⱐⱄⱑⱈⱏ ⰲⱏⰲⱃⱏⰶⰵ. ⰲⱏⰿⱑⱅⰰⱙⱎⱅⰹⰻⱈⱏ ⰲⱏ ⰳⰰⰸⱁⱇⱆⰾⰻⰽ̑ⰻⱙ.

ⰲⱄⰻ ⰱⱁ ⱁⱅⱏ ⰺ҅ⰸⰱⱏⰹⱅⱏⰽⰰ ⱄⰲⱁⰵⰳⱁ ⰲⱏⰲⱃⱏⰳⱁⱎⱔ. ⰰ ⱄⰻ ⱁⱅⱏ ⰾⰻⱎⰵⱀⰻⱑ ⱄⰲⱁⰵⰳⱁ. ⰲⱐⱄⰵ ⰵⰾⰻⰽⱁ ⰺ҅ⰿⱑⰰⱎⰵ ⰲⱏⰲⱃⱏⰶⰵ ⰲⱐⱄⰵ ⰶⰻⱅⱐⰵ ⱄⰲⱁⰵ.