ЕВАНГЕЛИЕ ЕЖЕ Ѿ МАРЪКА
11:1
Ⰺ҅ ⰵⰳⰴⰰ ⱂⱃⰻⰱⰾⰻⰶⰻ ⱄⱔ ⰲⱏ ⰻⰾ҃ⰿⱏ. ⰲⱏ ⰲⰻⱅⸯⰰⰼⰻⱙ. ⰺ҅ ⰲⰻⱇⰰⱀⰻⱙ. ⰽⱏ ⰳⱁⱃⱑ ⰵⰾⰵⱁⱀⱐⱄⱌⱑ. ⱂⱁⱄⱏⰾⰰ ⰴⱏⰲⰰ ⱁⱅⱏ ⱆⱍⰵⱀⰻⰽⱏ ⱄⰲⱁⰺ҅ⱈⱏ.
11:2
ⰺ҅ ⰳⰾ҃ⰰ ⰺ҅ⰿⰰ. ⰺ҅ⰴⱑⱅⰰ ⰲⱏ ⰲⱐⱄⱐ ⱑⰶⰵ ⰵⱄⱅⱏ ⱂⱃⱑⰿⱁ ⰲⰰⰿⰰ. ⰺ҅ ⰰⰱⱐⰵ ⰲⱏⱈⱁⰴⱔⱎⱅⰰ ⰲⱐ ⱀ̑ⱙ. ⱁⰱⱃⱔⱎⱅⰵⱅⰰ ⰶⱃⱑⰱⱐⱌⱐ ⱂⱃⰻⰲⱔⰸⰰⱀⱏ. ⱀⰰ ⱀ̑ⰵⰿⱐⰶⰵ ⱀⱑⱄⱅⱏ ⱀⰵ ⱆ ⱀⰻⰽⱅⱁⰶⰵ ⱁⱅⱏ ⱍⰽ҃ⱏ ⰲⱐⱄⱑⰾⱏ. ⱁⱅⱃⱑⱎⸯⱎⰰ ⰹ ⱂⱃⰻⰲⰵⰴⱑⱅⰰ.
11:3
ⰺ҅ ⰰⱎⱅⰵ ⰲⰰⰿⰰ ⰽⱏⱅⱁ ⱃⰵⱍⰵⱅⱏ ⱍⱐⱅⱁ ⱄⰵ ⰴⱑⰵⱅⰰ. ⱃⱐⱌⱑⱅⰰ ⱑⰽⱁ ⰳ҃ⱐ ⱅⱃⱑⰱⱆⰵⱅⱏ. Ⰺ҅ ⰺ҅ ⰰⰱⱐⰵ ⱂⰰⰽⱏⰹ ⱂⱁⱄⱏⰾ̑ⰵⱅⱏ ⰹ ⱄⱑⰿⱁ.
11:4
ⰺ҅ⰴⱁⱄⱅⰵ ⰶⰵ ⰺ҅ ⱁⰱⱃⱑⱅⱁⱄⱅⰵ ⰶⱃⱑⰱⱐⱌⱐ ⱂⱃⰻⰲⱔⰸⰰⱀⱏ. ⱂⱃⰻ ⰴⰲⱐⱃⰵⱈⱏ. ⰲⱐⱀⱑ ⱀⰰ ⱃⰰⱄⱂⱘⱅⰻⰹ. ⰺ҅ ⱁⱅⱃⱑⱎⰰⰰⱎⰵⱅⰵ ⰹ.
11:5
ⰺ҅ ⰵⱅⰵⱃⰻ ⱁⱅⱏ ⱄⱅⱁⱗⱎⱅⰻⰹⱈⱏ ⱅⱆ. ⰳⰾ҃ⰰⰰⱈⱘ ⰺ҅ⰿⰰ. ⱍⱐⱅⱁ ⰴⱑ̆ⰵⱅⰰ ⱁⱅⱃⱑⱎⰰⱙⱎⱅⰰ ⰶⱃⱑⰱⱐⱌⱐ.
11:6
ⱁⱀⰰ ⰶⰵ ⱃⱑⱄⱅⰰ ⰺ҅ⰿⱏ. ⱑⰽⱁⰶⰵ ⰸⰰⱂⱁⰲⱑⰴⱑ ⰻⱄ҃. ⰺ҅ ⱁⱄⱅⰰⰲⰻⱎⱔ ⱑ.
11:7
ⰺ҅ ⱂⱃⰻⰲⰵⰴⱁⱄⱅⰰ ⰶⱃⱑⰱⱐⱌⱐ. ⰽⱏ ⰺ҅ⱄ҃ⰲⰻ. ⰺ҅ ⰲⱏⰸⰾⱁⰶⰻⱎⱔ ⱀⰰ ⱀ̑ⱐ ⱃⰻⰸⱏⰹ ⱄⰲⱁⱗ. ⰺ҅ ⰲⱐⱄⱑⰴⰵ ⱀⰰ ⱀ̑ⰵ.
11:8
ⰿⱀⱁⰸⰻ ⰶⰵ ⱃⰻⰸⱏⰹ ⱄⰲⱁⱗ ⱂⱁⱄⱅⰻⰾⰰⰰⱈⱘ ⱂⱁ ⱂⱘⱅⰻ. ⰰ ⰴⱃⱆⰸⰻⰹ ⰲⱑⰺ҅ⰵ ⱃⱑⰸⰰⰰⱈⱘ ⱁⱅⱏ ⰴⱃⱑⰲⱏ. ⰺ҅ ⱂⱁⱄⱅⰻⰾⰰⰰⱈⱘ ⱂⱁ ⱂⱘⱅⰻ.
11:9
ⰺ҅ ⱂⱃⱑⰴⱐⱈⱁⰴⱔⱎⱅⰵⰹ. ⰺ҅ ⰲⱏ ⱄⰾⱑⰴⱏ ⱈⱁⰴⱔⱎⱅⰵⰹ. ⰲⱏⱂⱐ̆ⱑⱈⱘ ⰳⰾ̑ⱙⱎⱅⰵ. ⱁⱄⰰⱀⸯⱀⰰ ⰱⰳ҃ⰲⱀⱏ ⰳⱃⱔⰴⱔⰻ ⰲⱏ ⰺ҅ⰿⱔ ⰳⱀ҃ⰵ.
11:10
!ⰱⰳⱄⰲⱀⱁ ⰳⱃⱔⰴⱘⱎⱅⰵⰵ ⱌⱃ҃ⱄⱐⰵ. ⰲⱏ ⰺⰿⱔ ⰳ҃ⰻ ⱁⱌ҃ⰰ ⱀⰰⱎⰵⰳⱁ ⰴⰰ҃ⰴⰰ. *̆ⱉⱄⰰⱀ̑ⱀⰰ ⰲⱏ ⰲⱏⰹⱎⱐⱀⰹⰻⱈⱏ.
11:11
Ⰺ҅ ⰲⱏⱀⰻⰴⰵ ⰲⱏ !ⰹⰾⰿⱏ ⰻⱄ҃. ⰺ҅ ⰲⱏ ⱌⱃⱏⰽⱏⰲⱐ. ⰺ҅ ⱄⱏⰳⰾⱔⰴⰰ ⰲⱐⱄⱔ. ⱂⱁⰸⰴⱑ ⰶⰵ ⱄⱘⱎⱅⱓ ⱍⰰⱄⱆ. ⰺ҅ⰸⰻⰴⰵ ⰲⱏ ⰲⰻⱅⸯⰰⱀⰻⱙ. ⱄⱏ ⱁⰱⱑⰿⰰ ⱀⰰ ⰴⰵⱄⱔⱅⰵ
11:12
ⰲⱏ ⱆⱅⱃⱐⱀ̑ⰻⰹ. ⰺ҅ ⰻⱎⱐⰴⱏⱎⰵⰿⱏ ⰺ҅ⰿⱏ ⱁⱅⱏ ⰲⰻⱅⰰⱀⰻⱗ. ⰲⱏⰸⰾⰰⰽⰰ.
11:13
ⰺ҅ ⰲⰻⰴⱑ ⱄⰿⱁⰽⱁⰲⱐⱀⰻⱌⱘ ⰺ҅ⰸⰴⰰⰾⰵⱍⰵ. ⰺ҅ⰿⱘⱎⱅⱘ ⰾⰻⱄⱅⰲⰻⰵ. ⱂⱃⰻⰴⰵ ⰰⱎⱅⰵ ⱆⰱⱁ ⱁⰱⱃⱔⱎⱅⰵⱅⱏ ⱍⱐⱅⱁ ⱀⰰ ⱀ̑ⰵⰹ. ⰺ҅ ⱂⱃⰻⱎⱐⰴⱏ ⰽⱏ ⱀ̑ⰵⰹ. ⱀⰻⱍⱐⱄⱁⰶⰵ ⱀⰵ ⱁⰱⱃⱑⱅⰵ ⱀⰰ ⱀ̑ⰵⰻ. ⱅⱏⰽⱏⰿⱁ ⰾⰻⱄⱅⰲⱐⰵ. ⱀⰵ ⱆ ⰱⱁ ⰱⱑ ⰲⱃⱑⰿⱔ ⱄⰿⱁⰽⱏⰲⰰⰿⱏ.
11:14
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰵⰹ. ⰽⱏ ⱅⱁⰿⱆ ⱁⱅⱏ ⱅⰵⰱⰵ ⰲⱏ ⰲⱑⰽⱏ. ⱀⰻⰽⱏⱅⱁⰶⰵ ⱂⰾⱁⰴⰰ ⱄⱏⱀⱑⰶⰴⱐ. ⱄⰾⱏⰹⱎⰰⰰⱈⱘ ⰶⰵ ⱆⱍⰵⱀⰻⱌⰻ ⰵⰳⱁ.
11:15
ⰺ҅ ⱂⱃⰻⰴⱁⱎⱔ ⱂⰰⰽⱏⰹ ⰲⱏ ⰺⰾ҃ⰿⱏ. ⰺ҅ ⰲⱏⱎⱐⰴⱏ ⰻⱄ҃ ⰲⱏ ⱌⱃⱏⰽⱏⰲⱐ. ⱀⰰⱍⱔⱅⱏ ⰺ҅ⰸⰳⱁⱀⰻⱅⰻ. ⱂⱃⱁⰴⰰⱙⱎⱅⱔⱗ ⰺ҅ ⰽⱆⱂⱆⱙⱎⱅⱔⱗ ⰲⱏ ⱌⱃⱏⰽⱏⰲⰵ. ⰺ҅ ⰴⱏⱄⰽⱏⰹ ⱅⱃⱏⰶⱐⱀⰻⰽⱏ. ⰺ҅ ⱄⱑⰴⰰⰾⰰ ⱂⱃⱁⰴⰰⱙⱎⱅⰻⰹⱈⱏ ⰳⱁⰾⱘⰱⰻ. ⰺ҅ⱄⱂⱃⱁⰲⱃⱏⰶⰵ.
11:16
ⰺ҅ ⱀⰵ ⰴⰰⰴⱑⰰⱎⰵ ⱀⰻⰽⱁⰿⱆⰶⰵ ⰿⰻⰿⱁⱀⰵⱄⱅⰻ. ⱄⱏⱄⱘⰴⱏ ⱄⰽⰲⱁⰸⱑ ⱌⱃⱏⰽⱁⰲⱐ.
11:17
ⰺ҅ ⱆⱍⰰⰰⱎⰵ ⰳⰾ҃ⱔ ⰺ҅ⰿⱏ. ⱀⱑⱄⱅⱏ ⰾⰻ ⱂⱄⰰⱀⱁ. ⱑⰽⱁ ⱈⱃⰰⰿⱏ ⰿⱁⰹ ⱈⱃⰰⰿⱏ ⰿⱁⰾⰻⱅⰲⱑ ⱀⰰⱃⰵⱍⰵⱅⱏ ⱄⱔ. ⰲⱄⱑⰿⱏ ⱗⰸⱏⰹⰽⱁⰿⱏ. ⰲⱏⰹ ⰶⰵ ⱄⱏⱅⰲⱁⱃⰻⱄⱅⰵ ⰻ. ⰲⱃⱏⱅⱏⱂⱏ ⱃⰰⰸⰱⱁⰺⱀⰻⰽⱁⰿⱏ.
11:18
ⰺ҅ ⱄⰾⱏⰹⱎⰰⱎⱔ ⰽⱏⱀⰻⰶⱐⱀⰻⱌⰻ. ⰺ҅ ⰰⱃⸯⱈⰻⰵⱃⰵⰻ. ⰺ҅ ⰻⱄⰽⰰⰰⱈⱘ ⰽⰰⰽⱁ ⰹ ⰱⱘ ⱂⱁⰳⱆⰱⰻⰾⰻ. ⰱⱁⱑⱈⱘ ⰱⱁ ⱄⱔ ⰵⰳⱁ. ⱑⰽⱁ ⰲⱐⱄⱐ ⱀⰰⱃⱁⰴⱏ ⰴⰻⰲⰾ̑ⱑⰰⱈⱘ ⱄⱔ ⱁ ⱆⱍⰵⱀⰻⰹ ⰵⰳⱁ.
11:19
ⰺ҅ ⱑⰽⱁ ⱂⱁⰸⰴⱑ ⰱⱏⰹⱄⱅⱏ. ⰺ҅ⱄⱈⱁⰶⰴⰰⰰⱎⰵ ⰲⱏⱀⱏ. ⰺ҅ⰸ ⰳⱃⰰⰴⰰ.
11:20
ⰺ҅ ⰿⰻⰿⱁⱈⱁⰴⱔⱎⱅⰵ ⱆⱅⱃⱁ. ⰲⰻⰴⱑⱎⱔ ⱄⰿⱁⰽⱁⰲⱐⱀⰻⱌⱘ ⱆⱄⱁⱈⱏⱎⱘ ⰺ҅ⱄ ⰽⱁⱃⰵⱀⰵ. ⰺ҅ ⰲⱏⱄⱂⱁⰿⱑⱀⱘⰲⱏ ⱂⰵⱅⱃⱏ ⰳⰾ҃ⰰ ⰵⰿⱆ. ⱃⰰⰲⸯⰲⰻ. ⰲⰻⰶⰴⱐ ⱄⰿⱁⰽⱁⰲⱐⱀⰻⱌⰰ ⱙⰶⰵ ⱂⱃⱁⰽⰾⱔⱅⱏ ⱆⱄⱏⱎⰵ.
11:22
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃. ⰳⰾ҃ⰰ ⰵⰿⱆ. ⰺ҅ⰿⱑⰺ҅ⱅⰵ ⰲⱑⱃⱘ ⰱⰶ҃ⱐⱙ.
11:23
ⰰⰿⰻⱀⱐ. ⰳⰾ҃ⱙ ⰲⰰⰿⱏ. ⱑⰽⱁ ⰺ҅ⰶⰵ ⰰⱎⱅⰵ ⱃⰵⱍⰵⱅⱏ ⰳⱁⱃⱑ ⱄⰵⰻ. ⰴⰲⰻⰳⱀⰻ ⱄⱔ ⰺ҅ ⰲⱃⱏⰸⰻ ⱄⱔ ⰲⱏ ⰿⱁⱃⰵ. ⰺ҅ ⱀⰵ ⱆⱄⱘⰿⱐⱀⰻⱅⱏ ⱄⱔ ⰲⱏ ⱄⱃⱏⰴⱐⱌⰻ ⱄⰲⱁⰵⰿⱐ ⱀⱏ ⰲⱑⱃⱘ ⰵⰿⰾ̑ⰵⱅⱏ. ⱑⰽⱁⰶⰵ ⰳⰾ̑ⰵⱅⱏ. ⰱⱏⰹⰲⰰⰵⱅⱏ. ⰱⱘⰴⰵⱅⱏ ⰵⰿⱆ ⰵⰶⰵ ⰰⱎⱅⰵ ⱃⰵⱍⰵⱅⱏ.
11:24
Ⱄⰵⰳⱁ ⱃⰰⰴⰻ ⰳⰾ҃ⱙ ⰲⰰⰿⱏ. ⰲⱐⱄⱑ ⰵⰾⰻⰽⱁ ⰰⱎⱅⰵ ⰿⱁⰾⱔⱎⱅⰵ ⱄⱔ ⱂⱃⱁⱄⰻⱅⰵ. ⰲⱑⱃⱆⰺ҅ⱅⰵ ⱑⰽⱁ ⱂⱃⰻⰵⰿⰾ̑ⰵⱅⰵ. ⰺ҅ ⰱⱘⰴⰵⱅⱏ ⰲⰰⰿⱏ.
11:25
ⰺ҅ ⰵⰳⰴⰰ ⱄⱅⱁⰺⱅⰵ ⰿⱁⰾⱔⱎⱅⰵ ⱄⱔ. ⱁⱅⱏⱂⱆⱎⱅⰰⰺ҅ⱅⰵ. ⰰⱎⱅⰵ ⱍⱐⱅⱁ ⰺ҅ⰿⰰⱅⰵ ⱀⰰ ⰽⱁⰳⱁ. ⰴⰰ ⰺ҅ ⱁⱌ҃ⱐ ⰲⰰⱎⱐ ⱀⰵⰱ҃ⱄⰽⱏⰺ. ⱁⱅⱏⱂⱆⱄⱅⰻⱅⱏ ⰲⰰⰿⱏ. ⱂⱃⱑⰳⱃⱑⱎⰵⱀⰻⱑ ⰲⰰⱎⰰ.
11:26
ⰰⱎⱅⰵ ⰾⰻ ⰲⱏⰹ ⱀⰵ ⱁⱅⱏⱂⱆⱄⱅⰻⱅⰵ. ⱀⰻ ⱁⱌ҃ⱐ ⰲⰰⱎⱐ ⱀⰵⰱ҃ⱄⰽⱏⰺ. ⱁⱅⱏⱂⱆⱄⱅⰻⱅⱏ ⱂⱃⱑⰳⱃⱑⱎⰵⱀⱐⰹ ⰲⰰⱎⰻⱈⱏ.
11:27
Ⰺ҅ ⱂⱃⰻⰴⱁⱎⱔ ⱂⰰⰽⱏⰹ ⰲⱏ ⰺⰾ҃ⰿⱏ. Ⰺ҅ ⰲⱏ ⱌⱃⱏⰽⱏⰲⰵ ⱄⱘⱎⱅⱓ ⰿⱆ. ⱂⱃⰻⰴⱁⱎⱔ ⰽⱏ ⱀ̑ⰵⰿⱆ ⰰⱃⸯⱈⰻⰵⱃⰵⰹ ⰺ҅ ⰽⱏⱀⰻⰶⱐⱀⰻⱌⰻ. ⰺ҅ ⱄⱅⰰⱃⸯⱌⰻ.
11:28
ⰺ҅ ⰳⰾ҃ⰰⱎⱔ ⰵⰿⱆ. ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⰻⱎⰻ. ⰾⰻ ⰽⱏⱅⱁ ⱅⰻ ⰴⰰⱄⱅⱏ ⱁⰱⰾⰰⱄⱅⱐ ⱄⰻⱙ. ⰴⰰ ⱄⰻⱌⰵ ⱅⰲⱁⱃⰻⱎⰻ.
11:29
ⰻⱄ҃ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⰲⱏⱂⱃⱁⱎⱘ ⰺ҅ ⰰⰸⱏ ⰲⱏⰹ ⰵⰴⰻⱀⱁⰳⱁ ⱄⰾⱁⰲⰵⱄⰵ. ⱁⱅⱏⰲⱑⱎⱅⰰⰺ҅ⱅⰵ ⰿⰻ. ⰺ҅ ⱃⰵⰽⱘ ⰲⰰⰿⱏ ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃ̑ⱙ.
11:30
ⰽⱃⱐⱎⱅⰵⱀⰻⰵ ⰺ҅ⱁⰰⱀⱁⰲⱁ. ⱁⱅⱏⰽⱘⰴⱆ ⰱⱑ. ⱄⱏ !ⱀⰱⰵⱄⰵ ⰾⰻ ⰺ҅ⰾⰻ ⱁⱅⱏ ⱍⰽ҃ⱏ. ⱁⱅⱏⰲⱑⱎⱅⰰⰺ҅ⱅⰵ ⰿⰻ.
11:31
ⰺ҅ ⰿⱏⰹⱎⰾ̑ⱑⰰⱈⱘ ⰽⱏ ⱄⰵⰱⱑ ⰳⰾ̑ⱙⱎⱅⰵ. ⰰⱎⱅⰵ ⱃⰵⱍⰵⰿⱏ ⱄⱏ ⱀⰵⰱ҃ⱄⰵ. ⱃⰵⱍⰵⱅⱏ ⱂⱁ ⱍⱐⱅⱁ ⱆⰱⱁ ⱀⰵ ⰲⱑⱃⱁⰲⰰⱄⱅⰵ ⰵⰿⱆ.
11:32
ⰰⱎⱅⰵ ⰾⰻ ⱃⰵⱍⰵⰿⱏ ⱁⱅⱏ ⱍⰽ҃ⱏ. ⰱⱁⱑⰰⱈⱘ ⰱⱁ ⱄⱔ ⰾ̑ⱓⰴⰻⰹ. ⰲⱐⱄⰻ ⰱⱁ ⰺ҅ⰿⱑⰰⱈⱘ ⰺ҅ⱁⰰⱀⰰ ⱑⰽⱁ ⱂⱃⱁⱃⱁⰽⰰ.
11:33
ⰺ҅ ⱁⱅⱏⰲⱑⱎⱅⰰⰲⱏⱎⰵ ⰳⰾ҃ⰰⱎⱔ ⰻⱄ҃ⰲⰻ ⱀⰵ ⰲⱑⰿⱏ. ⰺ҅ⱄ҃ ⰶⰵ ⱁⱅⱏⰲⱑⱎⱅⰰⰲⱏ ⰳⰾ҃ⰰ ⰺ҅ⰿⱏ. ⱀⰻ ⰰⰸⱏ ⰳⰾ̑ⱙ ⰲⰰⰿⱏ. ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃ̑ⱙ.