ЕВАНГЕЛИЕ ЕЖЕ Ѿ МАРЪКА
10:1
ⰺ҅ ⱁⱅⱏ ⱅⱘⰴⱆ ⰲⱏ ⱂⱃⰻⰴⰵ ⰲⱏ ⱂⱃⱑⰴⱑⰾⱏⰹ ⰺ҅ⱓⰴⰵⰺ҅ⱄⰽⱏⰹ. ⱂⱁ ⱁⱀⱁⰿⱐ ⱂⱁⰾⱆ ⰺⱁⱃⸯⰴⰰⱀⰰ. ⰺ҅ ⱂⱃⰻⰴⱘ ⱂⰰⰽⱏⰹ ⱀⰰⱃⱁⰴⰻ ⰽⱏ ⱀ̑ⰵⰿⱆ. ⰺ҅ ⱑⰽⱁ ⰺ҅ⰿⱑ ⱁⰱⱏⰹⱍⰰⰻ. ⱂⰰⰽⱏⰹ ⱆⱍⰰⰰⱎⰵ ⱗ.
10:2
Ⰺ҅ ⱂⱃⰻⱄⱅⱘⱂⱐⱎⰵ ⱇⰰⱃⰻⱄⱑⰹ ⰲⱏⱂⱃⰰⱎⰰⰰⱈⱘ ⰹ. ⰰⱎⱅⰵ ⰴⱁⱄⱅⱁⰺ҅ⱅⱏ ⰿⱘⰶⱓ ⰶⰵⱀⱘ ⱂⱆⱎⱅⰰⱅⰻ. ⱁⰽⱆⱎⰰⱙⱎⱅⰵ ⰻ.
10:3
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⱍⱐⱅⱁ ⰲⰰⰿⱏ ⰸⰰⱂⱁⰲⱑⰴⱑ ⰿⱛ҅ⱄⰻ.
10:4
ⱁⱀⰻ ⰶⰵ ⱃⱑⱎⱔ. ⱂⱁⰲⰵⰾⱑ ⰿⱁⱄⰻ ⰽⱏⱀ̑ⰻⰳⱏⰹ ⱃⰰⱄⱂⱆⱄⱅⱏⱀⱏⰹⱗ ⱀⰰⱂⸯⱄⰰⱅⰻ. ⰺ҅ ⱂⱆⱄⱅⰻⱅⰻ.
10:5
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃. ⱃⰵⱍⰵ ⰺ҅ⰿⱏ. ⱂⱁ ⰶⰵⱄⱅⱁⱄⱃⱏⰴⰻⱓ ⰲⰰⱎⰵⰿⱆ. ⱀⰰⱂⸯⱄⰰ ⰲⰰⰿⱏ ⰸⰰⱂⱁⰲⱑⰴⱐ ⱄⱐⱙ.
10:6
ⰰ ⱁⱅⱏ ⱀⰰⱍⱔⰾⰰ ⱄⱏⰸⱏⰴⰰⱀⰻⱓ. ⰿⱘⰶⰰ ⰺ҅ ⰶⰵⱀⱘ ⱄⱏⱅⰲⱁⱃⰻⰾⱏ ⱑ ⰵⱄⱅⱏ ⰱ҃ⱏ. ⱄⰵⰳⱁ ⱃⰰⰴⰻ ⱁⱄⱅⰰⰲⰻⱅⱏ ⱍⰽ҃ⱏ ⱁⱌ҃ⰰ ⱄⰲⱁⰵⰳⱁ ⰺ҅ ⰿⱃ҃ⱐ. ⰺ҅ ⱂⱃⰻⰾⱑⱂⰻⱅⱏ ⱄⱔ ⰽⱏ ⰶⰵⱀⱑ ⱄⰲⱁⰵⰻ.
10:8
ⰺ҅ ⰱⱘⰴⰵⱅⰵ ⱁⰱⰰ ⰲⱏ ⱂⰾⱏⱅⱐ ⰵⰴⰻⱀⱘ. ⱅⱑⰿⱐ ⰶⰵ ⱆⰶⰵ ⱀⱑⱄⱅⰵ ⰴⸯⰲⰰ. ⱀⱏ ⱂⰾⱏⱅⱐ ⰵⰴⰻⱀⰰ.
10:9
ⰵⰶⰵ ⱆⰱⱁ ⰱ҃ⱏ ⱄⱏⱍⰵⱅⰰⰾⱏ ⰵⱄⱅⱏ. ⱍⰽ҃ⱏ ⰴⰰ ⱀⰵ ⱃⰰⰸⰾⱘⱍⰰⰵⱅⱏ.
10:10
Ⰺ҅ ⰲⱏ ⰴⱁⰿⱆ ⱂⰰⰽⱏⰹ ⱆⱍⰵⱀⰻⱌⰻ ⰵⰳⱁ. ⱁ ⱄⰵⰿⱐ ⰲⱏⱂⱃⰰⱎⰰⰰⱈⱘ ⰹ.
10:11
ⰺ҅ ⰳⰾ҃ⰰ ⰺ҅ⰿⱏ. ⰺ҅ⰶⰵ ⰱⱁ ⰰⱎⱅⰵ ⱂⱆⱄⱅⰻⱅⱏ ⰶⰵⱀⱘ ⱄⰲⱁⱙ. ⰺ҅ ⱁⰶⰵⱀⰻⱅⱏ ⱄⱔ ⰺ҅ⱀⱁⱙ. ⱂⱃⱑⰾ̑ⱓⰱⱏⰹ ⱅⰲⱁⱃⰻⱅⱏ ⱀⰰ ⱀ̑ⱙ.
10:12
ⰺ҅ ⰰⱎⱅⰵ ⰶⰵⱀⰰ ⱂⱆⱄⱅⰻⰲⱏⱎⰻ ⰿⱘⰶⰰ ⱄⰻ. ⰺ҅ ⱂⱁⱄⰰⰳⱀⰵⱅⱏ ⰸⰰ ⰺ҅ⱀⱏ. ⱂⱃⱑⰾ̑ⱓⰱⱏⰹ ⱅⰲⱁⱃⰻⱅⱏ.
10:13
Ⰺ҅ ⱂⱃⰻⱀⱁⱎⰰⰰⱈⱘ ⰽⱏ ⱀ̑ⰵⰿⱆ ⰴⱑⱅⰻ. ⰴⰰ ⱗ ⰽⱁⱄⱀⰵⱅⱏ. ⱆⱍⰵⱀⰻⱌⰻ ⰶⰵ ⱂⱃⱑⱎⱅⰰⰰⱈⱘ. ⱂⱃⰻⱀⱁⱄⱔⱎⱅⰻⰹⰿⱏ.
10:14
ⰲⰻⰴⱑⰲⱏ ⰶⰵ ⰻⱄ҃. ⱀⰵⰳⱁⰴⱁⰲⰰ ⰺ҅ ⰳⰾ҃ⰰ ⰺ҅ⰿⱏ. ⱀⰵ ⰴⱑⰹⱅⰵ ⰴⱑⱅⰻⰹ ⱂⱃⰻⱈⱁⰴⰻⱅⰻ ⰽⱏ ⰿⱀⱑ. ⰺ҅ ⱀⰵ ⰱⱃⰰⱀⰻⱅⰵ ⰺ҅ⰿⱏ. ⱅⰰⱌⱑⱈⱏ ⰱⱁ ⰵⱄⱅⱏ ⱌⱃ҃ⱄⱅⰲⰻⰵ ⰱⰶ҃ⰻⰵ.
10:15
ⰰⰿⰻⱀⱐ. ⰳⰾ̑ⱙ ⰲⰰⰿⱏ. ⰺ҅ⰶⰵ ⰰⱎⱅⰵ ⱀⰵ ⱂⱃⰻⰹⰿⰵⱅⱏ ⱌⱃ҃ⱄⱐⱑ ⰱⰶ҃ⰻⱑ. ⱑⰽⱁ ⱁⱅⱃⱁⱍⱔ. ⱀⰵ ⰺ҅ⰿⰰⱅⱏ ⰲⱐⱀⰻⱅⰻ ⰲⱐ ⱀ̑ⰵ.
10:16
Ⰺ҅ ⱁⰱⱐ..ⰿⱏ ⰵ ⰱⰾⰰⰳⱁⱄⰾⱁⰲⰵⱎⱅⰰⰰⱎⰵ. ⰲⱏⰸⰾⰰⰳⰰⱗ ⱃⱘⱌⱑ ⱀⰰ ⱀ̑ⰵ
10:17
Ⰺ҅ⱄⱈⱁⰴⱔⱎⱅⱓⰿⱆ ⱀⰰ ⱂⱘⱅⱐ. ⱂⱃⰻⱅⰵⰽⱏ ⰵⰴⰻⱀⱏ ⰱⱁⰳⰰⱅⱏ. ⰺ҅ ⱂⱁⰽⰾⱁⱀⰻ ⱄⱔ ⰵⰿⱆ ⱀⰰ ⰽⱁⰾⱑⱀⱆ. ⰲⱏⱂⱃⰰⱎⰰⰰⱎⰵ ⰹ. ⱆⱍⰻⱅⰵⰾ̑ⱓ ⰱⰾⰰⰳⱏⰺ. ⱍⱐⱅⱁ ⱄⱏⱅⰲⱁⱃ̑ⱘ. ⰴⰰ ⰶⰻⰲⱁⱅⱏ ⰲⱑⱍⱐⱀⱏⰹ ⱀⰰⱄⰾⱑⰴⱆⱙ.
10:18
ⰺⱄ҃ ⰶⰵ ⱃⰵⱍⰵ. ⱍⱐⱅⱁ ⰿⱔ ⰳⰾ҃ⰵⱎⰻ ⰱⰾⰰⰳⰰ. ⱀⰻⰽⱏⱅⱁⰶⰵ ⰱⰾⰰⰳⱏ ⱅⱏⰽⱏⰿⱁ ⰵⰴⰻⱀⱏ ⰱ҃ⱏ.
10:19
ⰸⰰⱂⱁⰲⱑⰴⰻ ⰲⱑⱄⰻ. ⱀⰵ ⱂⱃⱑⰾ̑ⱓⰱⱏⰹ ⰴⱑⰹ. ⱀⰵ ⱆⰱⰻⰹ. ⱀⰵ ⱆⰽⱃⰰⰴⰻ. ⱀⰵ ⰾⱏⰶⰵ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰻ. ⱀⰵ ⱁⰱⰻⰴⰻ. ⱍⱐⱅⰻ ⱁⱌ҃ⰰ ⱄⰲⱁⰵⰳⱁ ⰺ҅ ⰿⱃ҃ⱐ.
10:20
*̆ⱉⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰵⰿⱆ. ⱆⱍⰻⱅⰵⰾ̑ⱓ. ⰲⱐⱄⱑ ⱄⰻ ⱄⱏⱈⱃⰰⱀⰻⱈⱏ ⱁⱅⱏ ⱓⱀⱁⱄⱅⰻ ⰿⱁⰵⱗ.
10:21
ⰺⱄ҃ ⰶⰵ ⰲⱏⰸⱐⱃⱑⰲⱏ ⰲⱐⰸⰾ̑ⱓⰱⰻ ⰹ. ⰺ҅ ⱃⰵⱍⰵ ⰵⰿⱆ. ⰰⱎⱅⰵ ⱈⱁⱎⱅⰵⱎⰻ ⱄⱏⰲⱃⱏⱎⰵⱀⱏ ⰱⱏⰹⱅⰻ. ⰵⰴⰻⱀⱁⰳⱁ ⰵⱄⰻ ⱀⰵ ⰴⱁⰽⱁⱀⱐⱍⰰⰾⱏ. ⰺ҅ⰴⰻ ⰵⰾⰻⰽⱁ ⰺ҅ⰿⰰⱎⰻ ⱂⱃⱁⰴⰰⰶⰴⱐ. ⰺ҅ ⰴⰰⰶⰴⱐ ⱀⰻⱎⱅⰻⰹⰿⱏ. ⰺ҅ ⰻⰿⱑⱅⰻ ⰺ҅ⰿⰰⱎⰻ ⱄⱏⰽⱃⱁⰲⰻⱎⱅⰵ ⱀⰰ ⱀⰱ҃ⱄⱈⱏ. ⰺ҅ ⱂⱃⰻⰴⰻ ⱈⱁⰴⰻ ⰲⱏ ⱄⰾⱑⰴⱏ ⰿⰵⱀⰵ. ⰲⱏⰸⱏⰿⰻ ⰽⱃⱏⱄⱅⱏ.
10:22
*̆ⱉⱀⱏ ⰶⰵ ⰴⱃⱔⱄⰵⰾⱏ ⰱⱏⰹⰲⱏ ⱁ ⱄⰾⱁⰲⰵⱄⰵ. ⱁⱅⰻⰴⰵ ⱄⰽⱃⱏⰱⱔ. ⰱⱑ ⰱⱁ ⰺ҅ⰿⱑⱗ ⱄⱏⱅⱔⰶⰰⱀⰻⱑ ⰿⱀⱁⰳⰰ.
10:23
ⰺ҅ ⰲⱏⰸⱐⱃⱑⰲⱏ ⰻⱄ҃. ⰳⰾ҃ⰰ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⰽⰰⰽⱁ ⱀⰵ ⱆⰴⱁⰱⱐ ⰺ҅ⰿⱘⱎⱅⰵⰻ ⰱⱁⰳⰰⱅⱐⱄⱅⰲⱁ. ⰲⱏ ⱌⱃ҃ⱄⱁ ⰱⰶ҃ⰻⰵ ⰲⱐⱀⰻⰴⱘⱅⱏ.
10:24
ⱆⱍⰵⱀⰻⱌⰻ ⰶⰵ ⱆⰶⰰⱄⰰⰰⱈⱘ ⱄⱔ ⱁ ⱄⰾⱁⰲⰵⱄⰵⱈⱏ ⰵⰳⱁ. ⰻⱄ҃ ⰶⰵ ⱂⰰⰽⱏⰹ ⱁⱅⱏⰲⱑⱎⱅⰰⰲⱏ ⰳⰾ҃ⰰ ⰺ҅ⰿⱏ. ⱍⱔⰴⰰ. ⱑⰽⱁ ⱀⰵ ⱆⰴⱁⰱⱐ ⰵⱄⱅⱏ ⱆⱂⱏⰲⰰⱙⱎⱅⰻⰹⰿⱏ ⱀⰰ ⰱⱁⰳⰰⱅⱐⱄⱅⰲⱁ. ⰲⱏ ⱌⱃ҃ⱄⰻⰵ ⰱⰶ҃ⰻⰵ ⰲⱐⱀⰻⱅⰻ.
10:25
ⱆⰴⱁⰱⱑⰵ ⰵⱄⱅⱏ ⰲⰵⰾⱐⰱⱘⰴⱆ. ⱄⰽⰲⱁⰸⱑ ⰺ҅ⰳⱏⰾⰻⱀⱑ ⱆⱎⰻ ⱂⱃⱁⰺ҅ⱅⰻ. ⱀⰵⰶⰵ ⰱⱁⰳⰰⱅⱆ ⰲⱐ ⱌⱃ҃ⱄⰻⰵ ⰱⰶ҃ⱐⰵ ⰲⱐⱀⰻⱅⰻ.
10:26
ⱁⱀⰻ ⰶⰵ ⰺ҅ⰸⰾⰻⱈⰰ ⰴⰻⰲⰾ̑ⱑⰰⱈⱘ ⱄⱔ ⰳⰾ҃ⱙⱎⱅⰵ ⰽⱏ ⱄⰵⰱⱑ. ⰽⱏⱅⱁ ⰿⱁⰶⰵⱅⱏ ⱄⱂ҃ⰵⱀⱏ ⰱⱏⰹⱅⰻ.
10:27
ⰺ҅ ⰲⱏⰸⱐⱃⱑⰲⱏ ⱀⰰ ⱀ̑ⱗ ⰻⱄ҃ ⰳⰾ҃ⰰ. ⱁⱅⱏ ⱍⰽ҃ⱏ ⱀⰵⰲⱏⰸⰿⱁⰶⱐⱀⱁ. ⱀⱏ ⱀⰵ ⱁⱅⱏ ⰱ҃ⰰ. ⰲⱄⱑ ⰱⱁ ⰲⱏⰸⰿⱁⰶⱐⱀⰰ ⱁⱅⱏ ⰱ҃ⰰ ⱄⱘⱅⱏ.
10:28
ⱀⰰⱍⱔⱅⱏ ⱂⰵⱅⱃⱏ ⰳⰾ҃ⰰⱅⰻ ⰵⰿⱆ. ⱄⰵ ⰿⱏⰹ ⱁⱄⱅⰰⰲⰻⱈⱁⰿⱏ ⰲⱐⱄⱑ. ⰺ҅ ⰲⱏ ⱄⰾⱑⰴⱏ ⱅⰵⰱⰵ ⰺ҅ⰴⱁⱈⱁⰿⱏ.
10:29
*̆ⱉⱅⱏⰲⱑⱎⱅⰰⰲⱏ ⰶⰵ ⰻⱄ҃ ⱃⰵⱍⰵ. ⰰⰿⰻⱀⸯ. ⰳⰾ҃ⱙ ⰲⰰⰿⱏ. ⱀⰻⰽⱏⱅⱁⰶⰵ ⰵⱄⱅⱏ ⰺ҅ⰶⰵ ⱁⱄⱅⰰⰲⰻⱅⱏ ⰴⱁⰿⱏ. ⰾⰻ ⰱⱃⰰⱅⱃⰻⱙ. ⰾⰻ ⱄⰵⱄⱅⱃⱏⰹ. ⰾⰻ ⱁⱌ҃ⰰ. ⰾⰻ ⰿⱃ҃ⱐ. ⰾⰻ ⰶⰵⱀⱘ. ⰾⰻ ⱍⱔⰴⰰ. ⰾⰻ ⱄⰵⰾⰰ. ⰿⰵⱀⰵ ⱃⰰⰴⰻ. ⰺ҅ !ⰵⰲⰼⰾⰻⱑ.
10:30
ⰰⱎⱅⰵ ⱀⰵ ⰺ҅ⰿⰰⱅⱏ ⱂⱃⰻⱗⱅⰻ ⱄⱏⱅⱁⱃⰻⱌⰵⱙ. ⱀⱏⰹⱀ̑ⱑ ⰲⱏ ⰲⱃⱑⰿⱔ ⱄⰵ. ⰴⱁⰿⱏⰹ. ⰱⱃⰰⱅⱃⱐⱙ. ⱄⰵⱄⱅⱃⱏⰹ. ⰺ҅ ⱁⱌ҃ⰰ ⰺ҅ ⰿⱃ҃ⱐ. ⰺ҅ ⱍⱔⰴⰰ. ⰺ҅ ⱄⰵⰾⰰ. ⱂⱁ ⰺ҅ⰸⰳⱏⱀⰰⱀⰻⰹ. ⰺ҅ ⰲⱏ ⰲⱑⰽⱏ ⰳⱃⱔⰴⱘⱎⱅⱐⰹ. ⰶⰻⰲⱁⱅⱏ ⰲⱑⱍⱐⱀⱏⰺ.
10:31
Ⰿⱀⱁⰷⰻ ⰱⱘⰴⱘⱅⱏ ⱂⱃⱏⰲⰻⰹ ⱂⱁⱄⰾⱑⰴⱐⱀⰻⰹ. ⰺ҅ ⱂⱁⱄⰾⱑⰴⱐⱀ̑ⰻⰹ ⱂⱃⱏⰲⰻⰹ.
10:32
ⰱⱑⰰⱈⱘ ⰶⰵ ⱀⰰ ⱂⱘⱅⰻ. ⰺ҅ ⰲⱏⱄⱈⱁⰴⱔⱎⱅⰵ ⰲⱏ ⰺⰾ҃ⰿⱏ. ⰺ҅ ⰱⱑ ⰲⰰⱃⱑⱗ ⰻⱄ҃. ⰺ҅ ⱆⰶⰰⱄⰰⰰⱈⱘ ⱄⱔ. ⰺ҅ ⱂⱁⱄⰾⱑⰴⱐ ⰳⱃⱔⰴⱘⱎⱅⰵ ⰱⱁⱑⰰⱈⱘ ⱄⱔ. ⰺ҅ ⱂⱁⰺ҅ⰿⱏ ⰻⱄ҃ ⱂⰰⰽⱏⰹ ⱁⰱⰰ ⱀⰰ ⰴⰵⱄⱗⱅⰵ. ⱀⰰⱍⱔⱅⱏ ⰺ҅ⰿⱏ ⰳⰾ҃ⰰⱅⰻ. ⰵⰶⰵ ⱈⱁⱅⱑⰰⱎⰵ ⰱⱏⰹⱅⰻ ⰵⰿⱆ.
10:33
ⱑⰽⱁ ⱄⰵ ⰲⱏⱄⱈⱁⰴⰻⰿⱏ ⰲⱏ ⰺⰾ҃ⰿⱏ. ⰺ҅ ⱄⱀ҃ⱏ !ⱍⱍⱄⰽⱏⰺ ⱂⱃⱑⰴⰰⱀⱏ ⰱⱘⰴⰵⱅⱏ. ⰰⱃⸯⱈⰻⰵⱃⰵⱁⰿⱏ. ⰺ҅ ⰽⱏⱀⰻⰶⱐⱀⰻⰽⱁⰿⱏ. ⰺ҅ ⱁⱄⱘⰴⱔⱅⱏ ⰺ. ⱀⰰ ⱄⱏⰿⱃⱏⱅⱐ. ⰺ҅ ⱂⱃⱑⰴⰰⰴⱔⱅⱏ ⰹ ⱗⰸⱏⰹⰽⱁⰿⱏ.
10:34
ⰺ҅ ⱂⱁⱃⱘⰳⰰⱙⱅⱏ ⱄⱔ ⰵⰿⱆ. ⰺ҅ ⱆⱅⰵⱂⱘⱅⱏ ⰹ. ⰺ҅ ⱁⱂⰾ̑ⱓⱙⱅⱏ ⰹ. ⰺ҅ ⱆⰱⱐⱙⱅⱏ ⰹ. ⰺ҅ ⱅⱃⰵⱅⰻⰹ ⰴⱀⱐ ⰲⱏⱄⰽⱃⱏⱄⱀⰵⱅⱏ.
10:35
ⰺ҅ ⱂⱃⱑⰴⱏ ⱀ̑ⰻⰿⱐ ⰺ҅ⰴⱁⱄⱅⰵ ⰺⱑⰽⱁⰲⱏ. ⰺ҅ⱁⰰⱀⱏ. ⱄⱀ҃ⰰ ⰸⰵⰲⰵⰴⰵⱁⰲⰰ ⰳⰾ̑ⱙⱎⱅⰰ ⰵⰿⱆ. ⱆⱍⰻⱅⰵⰾ̑ⱓ. ⱈⱁⱎⱅⰵⰲⱑ ⰴⰰ ⰵⰳⱁⰶⰵ ⰰⱎⱅⰵ ⱂⱃⱁⱄⰻⰲⱑ. ⱄⱏⱅⰲⱁⱃⰻⱎⰻ ⱀⰰⰿⰰ.
10:36
ⰺ҅ⱄ҃ ⰶⰵ ⱃⰵⱍⰵ ⰺ҅ⰿⰰ. ⱍⱐⱅⱁ ⱈⱁⱎⱅⰵⱅⰰ ⱄⱏⱅⰲⱁⱃⱘ ⰲⰰⰿⰰ.
10:37
ⱁⱀⰰ ⰶⰵ ⱃⱑⱄⱅⰵ ⰵⰿⱆ. ⰴⰰⰶⰴⱐ ⱀⰰⰿⰰ ⰴⰰ ⰵⰴⰻⱀⱏ ⱁ ⰴⰵⱄⱀⱘⱙ ⱅⰵⰱⰵ. ⰺ҅ ⰵⰴⰻⱀⱏ ⱁ ⰾⱑⰲⱘⱙ ⱅⰵⰱⰵ. ⱄⱔⰴⰵⰲⱑ ⰲⱏ ⱄⰾⰰⰲⱑ ⱅⰲⱁⰵⰹ.
10:38
ⰺ҅ⱄ҃ ⰶⰵ ⱃⰵⱍⰵ ⰺ҅ⰿⰰ. ⱀⰵ ⰲⱑⱄⱅⰰ ⱄⱔ ⱍⰵⱄⱁ ⱂⱃⱁⱄⱔⱎⱅⰰ. ⰿⱁⰶⰵⱅⰰ ⰾⰻ ⱂⰻⱅⰻ ⱍⰰⱎⱘ. ̆ⱙⰶⰵ ⰰⰸⱏ ⱂⰻⱙ. ⰾⰻ ⰽⱃⱐⱎⱅⰵⱀⰻⰵⰿⱐ ⰺ҅ⰿⱐⰶⰵ ⰰⰸⱏ ⰽⱃⱐⱎⱅⰰⱙ ⱄⱔ. ⰽⱃⱐⱄⱅⰻⱅⰻ ⱄⱔ.
10:39
ⱁⱀⰰ ⰶⰵ ⱃⱑⱄⱅⰵ ⰵⰿⱆ ⰿⱁⰶⰵⰲⱑ. ⰺ҅ⱄ҃ ⰶⰵ ⱃⰵⱍⰵ ⰺ҅ⰿⰰ. ⱍⰰⱎⱘ ⱆⰱⱁ ⱙⰶⰵ ⰰⰸⱏ ⱂⰻⱙ. ⰺ҅ⱄⱂⱐ̆ⰵⱅⰰ. ⰺ҅ ⰽⱃⱐⱎⱅⰵⱀⰻⰵⰿⱐ ⰺ҅ⰿⱐⰶⰵ ⰰⰸⱏ ⰽⱃⱐⱎⱅⱘ ⱄⱔ. ⰽⱃⱐⱄⱅⰻⱅⰰ ⱄⱔ.
10:40
ⰰ ⰵⰶⰵ ⱄⱑⱄⱅⰻ ⱁ ⰴⰵⱄⱀⱘⱙ. ⰺ҅ ⱁ ⰾⱑⰲⱘⱙ. ⱀⱑⱄⱅⱏ ⰿⱀⱑ ⰴⰰⱅⰻ. ⱀⱏ ⰺ҅ⰿⱏⰶⰵ ⰵⱄⱅⱏ ⱆⰳⱁⱅⱁⰲⰰⱀⱁ.
10:41
ⰺ҅ ⱄⰾⱏⰹⱎⰰⰲⱏⱎⰵ ⰴⰵⱄⱔⱅⱐ. ⱀⰰⱍⱔⱎⱔ ⱀⰵⰳⱁⰴⱁⰲⰰⱅⰻ. ⱁ ⰺ҅ⱑⰽⱁⰲⱑ. ⰺ҅ ⱁⰰⱀⸯⱀⱑ.
10:42
ⰺ҅ⱄ҃ ⰶⰵ ⱂⱃⰻⰸⱏⰲⰰⰲⱏ ⱗ ⰳⰾ҃ⰰ ⰺ҅ⰿⱏ. ⰲⱑⱄⱅⰵ ⱑⰽⱁ ⰿⱐⱀⱔⱎⱅⰵⰹ ⱄⱔ ⰲⰾⰰⱄⱅⰻ ⱗⰸⱏⰹⰽⱏⰹ. ⱆⱄⱅⱁⱗⱅⱏ ⰺ҅ⰿⱏ. ⰺ҅ ⰲⰵⰾⰻⱌⰻ ⰺ҅ⱈⱏ ⱁⰱⰾⰰⰴⰰⱙⱅⱏ ⰺ҅ⰿⰻ.
10:43
ⱀⰵ ⱅⱁⰶⰴⰵ ⰵⱄⱅⱏ ⰲⱏ ⰲⰰⱄⱏ. ⱀⱏ ⰺ҅ⰶⰵ ⰰⱎⱅⰵ ⱈⱁⱎⱅⰵⱅⱏ. ⰲⱔⱎⱅⰻⰹ ⰱⱏⰹⱅⰻ ⰲⱏ ⰲⰰⱄⱏ. ⰴⰰ ⰱⱘⰴⰵⱅⱏ ⰲⰰⰿⱏ ⱄⰾⱆⰳⰰ.
10:44
ⰺ҅ⰶⰵ ⰰⱎⱅⰵ ⱈⱁⱎⱅⰵⱅⱏ ⰱⱏⰹⱅⰻ ⰲⱏ ⰲⰰⱄⱏ ⱄⱅⰰⱃⱑⰻ. ⰴⰰ ⰱⱘⰴⰵⱅⱏ ⰲⱐⱄⱑⰿⱏ ⱃⰰⰱⱏ.
10:45
Ⰺ҅ⰱⱁ ⱄⱀ҃ⱏ ⱍⱄ҃ⰽⱏⰺ ⱀⰵ ⱂⱃⰻⰴⰵ ⰴⰰ ⱂⱁⱄⰾⱆⰶⱔⱅⱏ ⰵⰿⱆ. ⱀⱏ ⱂⱁⱄⰾⱆⰶⰻⱅⱏ. ⰺ҅ ⰴⰰⱅⰻ ⰴⱎ҃ⱘ ⱄⰲⱁⱙ ⰺ҅ⰸⰱⰰⰲⰾ̑ⰵⱀⱏ ⰸⰰ ⰿⱀⱁⰳⱏⰹ. !ⰽⱁ!ⱌ:
10:46
Ⰺ҅ ⱂⱃⰻⰴⱘ ⰲⱏ ⰵⱃⰻⱈⱘ. ⰺ҅ ⰻⱄⱈⱁⰴⱔⱎⱅⱓ ⰵⰿⱆ ⰲⱏ ⰵⱃⰻⱈⱁⱀⰰ. ⰺ҅ ⱆⱍⰵⱀⰻⰽⱁⰿⱏ ⰵⰳⱁ. ⰺ҅ ⱀⰰⱃⱁⰴⱆ ⰿⱀⱁⰳⱆ. ⱄⱀ҃ⱏ ⱅⸯⰻⰿⰵⱁⰲⱏ. ⰲⰰⱃⸯⱅⰻⰿⰵⰻ. ⱄⰾⱑⱂⱏ ⱄⱑⰴⱑⰰⱎⰵ ⱂⱃⰻ ⱂⱘⱅⰻ ⱈⰾⱘⱂⰰⱗ.
10:47
ⰺ҅ ⱄⰾⱏⰹⱎⰰⰲⱏ ⱑⰽⱁ ⰻⱄ҃. ⱀⰰⰸⰰⱃⱑⱀⰻⱀⱏ ⰵⱄⱅⱏ. ⱀⰰⱍⱔⱅⱏ ⰸⱏⰲⰰⱅⰻ ⰹ ⰳⰾ҃ⱔ. ⱄⱀ҃ⰵ !ⰴⰰⰲⱏ. !̆ⰻⱄⰵ ⱂⱁⰿⰻⰾⱆⰺ҅ ⰿⱔ.
10:48
ⰺ҅ ⱂⱃⱑⱎⱅⰰⰰⱈⱘ ⰵⰿⱆ ⰿⱀⱁⰸⰻ. ⰴⰰ ⱆⰿⰾⱐⱍⰻⱅⱏ. ⱁⱀⱏ ⰶⰵ ⰺ҅ⰸⰾⰻⱈⰰ ⰲⱏⱂⰻⱑⰰⱎⰵ. ⱄⱀ҃ⰵ !ⰴⰰⰲⱏ ⱂⱁⰿⰻⰾⱆⰺ ⰿⱔ.
10:49
ⰺ҅ ⱄⱅⰰⰲⱏ ⰻⱄ҃ ⱃⰵⱍⰵ ⰺ҅ⰿⱏ. ⰲⱏⰸⰳⰾⰰⱄⰻⱅⰵ ⰹ. ⰺ҅ ⰲⱏⰸⱏⰲⰰⰰⱈⱘ ⱄⰾⱑⱂⱐⱌⰰ ⰳⰾ̑ⱙⱎⱅⰵ ⰵⰿⱆ ⰴⱃⱏⰸⰰⰹ. ⰲⱏⱄⱅⰰⱀⰻ ⰸⱁⰲⰵⱅⱏ ⱅⱔ.
10:50
ⱁⱀⱏ ⰶⰵ ⱁⱅⱏⰲⱃⱏⰳⱏ ⱃⰻⰸⱏⰹ ⱄⰲⱁⱗ. ⰲⱏⱄⱅⰰⰲⱏ ⱂⱃⰻⰴⰵ ⰽⱏ ⰺⱄ҃ⱛⰲⰻ.
10:51
ⰺ҅ ⱁⱅⱏⰲⱑⱎⱅⰰⰲⱏ. ⰺ҅ ⰳⰾ҃ⰰ ⰵⰿⱆ ⰻⱄ҃. ⱍⰵⱄⱁⰿⱆ ⱈⱁⱎⱅⰵⱎⰻ ⰴⰰ ⱄⱏⱅⰲⱁⱃ̑ⱙ ⱅⰵⰱⱑ. ⱄⰾⱑⱂⱐⱌⱐ ⰶⰵ ⰳⰾ҃ⰰ ⰵⰿⱆ. ⱃⰰⰲⸯⰲⰻ. ⰴⰰ ⱂⱃⱁⰸⱐⱃ̑ⱙ.
10:52
ⰺ҅ⱄ҃ ⰶⰵ ⱃⰵⱍⰵ ⰵⰿⱆ. ⰺ҅ⰴⰻ ⰲⱑⱃⰰ ⱅⰲⱁⱑ ⱄⱂ҃ⰵ ⱅⱔ. ⰺ҅ ⰰⰱⱐⰵ ⱂⱃⱁⰸⱐⱃⱑ. ⰺ҅ ⱂⱁ ⰺⱄ҃ⱑ ⰺ҅ⰴⰵ ⰲⱏ ⱂⱘⱅⱐ.