ЕВАНГЕЛИЕ ЕЖЕ Ѿ ЛОУКꙐ
9:1
Ⱄⱏⰸⱏⰲⰰⰲⱏ ⰶⰵ ⱁⰱⰰ ⱀⰰ ⰴⰵⱄⱔⱅⰵ. ⰴⰰⱄⱅⱏ ⰺ҅ⰿⱏ ⱄⰻⰾⱘ ⰺ҅ ⰲⰾⰰⱄⱅⱐ. ⱀⰰ ⰲⱄⱑⱈⱏ ⰱⱑⱄⱑⱈⱏ. ⰺ҅ ⱀⰵⰴⱘⰳⱏⰹ ⱌⱑⰾⰻⱅⰻ.
9:2
ⰺ҅ ⱂⱁⱄⱏⰾⰰ ⱗ ⱂⱃⱁⱂⱁⰲⱑⰴⰰⱅⰻ ⱌⱃ҃ⱄⱅⰲⰻⰵ ⰱⰶ҃ⱐⰵ. ⰺ҅ ⰻⱌⱑⰾⰻⱅⰻ ⰱⱁⰾⱔⱎⱅⱔⱗ.
9:3
ⰺ ⱃⰵⱍⰵ ⰽⱏ ⱀ̑ⰻⰿⱏ. ⱀⰻⱍⱐⱄⱁⰶⰵ ⱀⰵ ⰲⱏⰸⰵⰸⰿ̑ⱑⱅⰵ ⱀⰰ ⱂⱘⱅⱐ. ⱀⰻ ⰶⱐⰸⰾⰰ. ⱀⰻ ⱂⰻⱃⱏⰹ. ⱀⰻ ⱈⰾⱑⰱⰰ. ⱀⰻ ⱄⱏⱃⰵⰱⱃⰰ. ⱀⰻ ⰴⱏⰲⱁⱓ ⱃⰻⰸⱆ ⰺ҅ⰿⱑⱅⰻ.
9:4
ⰺ҅ ⰲⱏ ⱀ̑ⱐⰶⰵ ⰴⱁⰿⱏ ⰲⱐⱀⰻⰴⰵⱅⰵ. ⱅⱆ ⱂⱃⱑⰱⱏⰹⰲⰰⰹⱅⰵ. ⰺ҅ ⱁⱅⱏⱅⱘⰴⱆ ⰺ҅ⱄⱈⱁⰴⰻⱅⰵ.
9:5
Ⰺ҅ ⰵⰾⰻⰽⱁ ⱀⰵ ⱂⱃⰻⰵⰿⰾ̑ⱙⱅⱏ ⰲⰰⱄⱏ. ⰺ҅ⱄⱈⱁⰴⱔⱎⱅⰵ ⱁⱅⱏ ⰳⱃⰰⰴⰰ ⱅⱁⰳⱁ. ⱂⱃⰰⱈⱏ ⱁⱅⱏ ⱀⱁⰳⱏ ⰲⰰⱎⰻⱈⱏ ⱁⱅⱏⱅⱃⱔⱄⱑⱅⰵ. ⰲⱏ ⱄⱏⰲⱑⰴⱑⱀⰻⰵ ⱀⰰ ⱀ̑ⱔ.
9:6
Ⰺ҅ⱄⱈⱁⰴⱔⱎⱅⰵ ⰶⰵ ⱂⱃⱁⱈⱁⰶⰴⰰⰰⱈⱘ ⱄⰽⰲⱁⰸⱑ ⰲⱄⰻ. ⰱⰾⰰⰳⱁⰲⱑⱄⱅⱆⱙⱎⱅⰵ ⰲⱏⱄⱘⰴⱆ.
9:7
Ⱄⰾⱏⰹⱎⰰ ⰶⰵ ⰺ҅ⱃⱁⰴⱏ ⱍⰵⱅⰲⱃⱏⱅⱁⰲⰾⰰⱄⱅⱐⱌⱐ. ⰱⱏⰹⰲⰰⱙⱎⱅⰰⰰ ⱁⱅⱏ ⱀ̑ⰵⰳⱁ ⰲⸯⱄⱑ. ⰺ҅ ⱀⰵ ⰴⱁⰿⱏⰹⱎⰾ̑ⱑⰰⱎⰵ ⱄⱔ. ⰸⰰⱀ̑ⰵ ⰳⰾ҃ⰵⰿⱁ ⰱⱑ ⱁⱅⱏ ⰵⱅⰵⱃⱏ. ⱑⰽⱁ ⰺ҅ⱁⰰⱀⱏ. ⰲⱏⱄⱅⰰ ⱁⱅⱏ ⰿⱃⱏⱅⰲⱏⰹⱈⱏ.
9:8
ⱁⱅⱏ ⰺ҅ⱀⱑⱈⱏ ⰶⰵ ⱑⰽⱁ ⰺ҅ⰾⰻⱑ ⰰⰲⰻ ⱄⱔ. ⱁⱅⱏ ⰴⱃⱆⰳⱏⰹⱈⱏ ⰶⰵ. ⱑⰽⱁ ⱂⱃⱁⱃⱁⰽⱏ. ⱀⱑⰽⱏⰹ ⱁⱅⱏ ⰴⱃⰵⰲⰾⱐⱀⰻⱈⱏ ⰲⱏⱄⰽⱃⱏⱄⰵ.
9:9
ⰺ҅ ⱃⰵⱍⰵ ⰺ҅ⱃⱁⰴⱏ. ⰺ҅ⱁⰰⱀⱀⰰ ⰰⰸⱏ ⱆⱄⱑⰽⱀⱘⱈⱏ. ⰽⱏⱅⱁ ⰶⰵ ⰵⱄⱅⱏ ⱄⱐ. ⱁ ⱀ̑ⰵⰿⱐⰶⰵ ⰰⰸⱏ ⱄⰾⱏⰹⱎⱘ ⱅⰰⰽⱁⰲⰰⱑ. ⰺ҅ ⰻⱄⰽⰰⰰⱎⰵ ⰲⰻⰴⱑⱅⰻ ⰹ.
9:10
Ⰺ҅ ⰲⱏⰸⰲⱃⰰⱎⱅⱐⱎⰵ ⱄⱔ !̆ⰰⱂⱁⰾⰻ. ⱂⱁⰲⱑⰴⰰⱎⱔ ⰵⰿⱆ ⰵⰾⰻ ⱄⱏⱅⰲⱁⱃⰻⱎⱔ. Ⰺ ⱂⱁⰺ҅ⰿⱏ ⱗ ⱁⱅⰻⰴⰵ ⰵⰴⰻⱀⱏ. ⱀⰰ ⰿⱑⱄⱅⱁ ⱂⱆⱄⱅⱁ. ⰳⱃⰰⰴⰰ ⱀⰰⱃⰻⱌⰰⰵⰿⰰⰳⱁ ⰲⰻⰴⱏⱄⰰⰺ҅ⰴⰰ.
9:11
ⱀⰰⱃⱁⰴⰻ ⰶⰵ ⱃⰰⰸⱆⰿⱑⰲⱏⱎⰵ ⱂⱁ ⱀ̑ⰵⰿⱐ ⰺ҅ⰴⱘ. ⰺ҅ ⱂⱃⰻⰺ҅ⰿⱏ ⱗ ⰳⰾ҃ⰰⰰⱎⰵ ⰺ҅ⰿⱏ. ⱁ ⱌⱃ҃ⱄⱅⰲⰻ ⰱⰶ҃ⰻ. ⰺ҅ ⱅⱃⱑⰱⱆⱙⱎⱅⱔⱗ. ⰺ҅ⱌⱑⰾ̑ⰵⱀⱐⱑ ⱌⱑⰾ̑ⱐⱎⰵ.
9:12
Ⰴⱐⱀⱐ ⰶⰵ ⱀⰰⱍⱔⱅⱏ ⱂⱃⱑⰽⰾⰰⱀ̑ⱑⱅⰻ ⱄⱔ. ⱂⱃⰻⱄⱅⱘⱂⰾ̑ⱐⱎⰰ ⰶⰵ ⱁⰱⰰ ⱀⰰ ⰴⰵⱄⱗⱅⰵ. ⱃⱑⱄⱅⰵ ⰵⰿⱆ. ⱁⱅⱏⱂⱆⱄⱅⰻ ⱀⰰⱃⱁⰴⱏⰹ. ⰴⰰ ⱁⱎⱐⰴⱏⱎⰵ ⰲⱏ ⱁⰽⱃⱏⱄⱅⱏⱀ̑ⱔⱗ ⰲⱄⰻ. ⰺ҅ ⱄⰵⰾⰰ ⰲⰻⱅⰰⱙⱅⱏ. ⰺ҅ ⱁⰱⱃⱔⱎⱅⱘⱅⱏ ⰱⱃⰰⱎⱐⱀⱁ. ⱑⰽⱁ ⱄⱐⰴⰵ ⱀⰰ ⱂⱆⱄⱅⱑ ⰿⱑⱄⱅⱑ ⰵⱄⰿⱏ.
9:13
ⱃⰵⱍⰵ ⰶⰵ ⰽⱏ ⱀ̑ⰻⰿⱏ. ⰴⰰⰴⰻⱅⰵ ⰺ҅ⰿⱏ ⰲⱏⰹ ⱑⱄⱅⰻ. ⱁⱀⰻ ⰶⰵ ⱃⱑⱎⱔ. ⱀⰵ ⰺ҅ⰿⰰⰿⱏ ⱄⱐⰴⰵ. ⰲⱔⱎⱅⰵ ⱂⱔⱅⰻ ⱈⰾⱑⰱⱏ. ⰺ҅ ⱃⱏⰹⰱⱆ ⰴⱏⰲⱁⱓ. ⰰⱎⱅⰵ ⱆⰱⱁ ⱀⰵ ⰿⱏⰹ ⱎⱐⰴⱏⱎⰵ ⰲⱏ ⰲⱄⱔ ⰾ̑ⱓⰴⰻ ⱄⱐⱗ ⰽⱆⱂⰻⰿⱏ ⰱⱃⰰⱎⱐⱀⰰ.
9:14
ⰱⱑⰰⱎⰵ ⰱⱁ ⰿⱘⰶⱐ. ⱑⰽⱁ ⱂⱔⱅⱐ ⱅⱏⰹⱄⱘⱎⱅⱐ. ⱃⰵⱍⰵ ⰶⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱂⱁⱄⰰⰴⰻⱅⰵ ⱗ ⱀⰰ ⱄⱂⱁⰴⱏⰹ. ⱂⱁ ⱂⱔⱅⰻ ⰴⰵⱄⱔⱅⱏ.
9:15
ⰺ҅ ⱄⱏⱅⰲⱁⱃⰻⱎⱔ ⱅⰰⰽⱁ ⰺ҅ ⱂⱁⱄⰰⰴⰻⱎⱔ ⰲⱄⱔ.
9:16
ⱂⱃⰻⰿⱏ ⰶⰵ ⱂⱔⱅⱐ ⱈⰾⱑⰱⱏ. ⰺ҅ ⱁⰱⱑ ⱃⱏⰹⰱⱑ. ⰲⱏⰸⱐⱃⱑⰲⱏ ⱀⰰ ⱀⰱ҃ⱁ ⰱⰳ҃ⰲⰻ ⱗ. ⰺ҅ ⱄⱏⰾⱁⰿⰻ. ⰺ҅ ⰴⰰⱑⱎⰵ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱂⱃⱑⰴⱏⰾⱁⰶⰻⱅⰻ ⱀⰰⱃⱁⰴⱆ.
9:17
ⰺ҅ ⱑⱎⱔ ⰺ҅ ⱀⰰⱄⱏⰹⱅⰻⱎⱔ ⱄⱔ ⰲⱄⰻ. ⰺ҅ ⰲⱏⰸⱔⱎⱔ ⰺ҅ⰸⰱⱏⰹⰲⱏⱎⱔⱗ ⰺ҅ⰿⱏ. ⱆⰽⱃⱆⱈⱏ. ⰽⱁⱎⰰ ⰴⱏⰲⰰ ⱀⰰ ⰴⰵⱄⱔⱅⰵ.
9:18
Ⰺ҅ ⰱⱏⰹⱄⱅⱏ. ⰵⰳⰴⰰ ⰿⱁⰾ̑ⱑⰰⱎⰵ ⱄⱔ ⰵⰴⰻⱀⱏ. ⱄⱏ ⱀ̑ⰻⰿⱐ ⰱⱑⰰⱈⱘ ⱆⱍⰵⱀⰻⱌⰻ ⰵⰳⱁ. ⰺ҅ ⰲⱏⱂⱃⱁⱄⰻ ⱗ ⰳⰾ҃ⱔ. ⰽⱁⰳⱁ ⰿⱔ ⱀⰵⱂⱐⱎⱅⱓⱙⱅⱏ ⱀⰰⱃⱁⰴⰻ ⰱⱏⰹⱅⰻ.
9:19
ⱁⱀⰻ ⰶⰵ ⱁⱅⱏⰲⱑⱎⱅⰰⰲⱏⱎⰵ ⱃⱑⱎⱔ ⰺ҅ⱁⰰⱀⱀⰰ ⰽⱃⱐⱄⱅⰻⱅⰵⰾ̑ⱑ. ⰺ҅ⱀⰻ ⰶⰵ ⰺ҅ⰾⰻⱙ. ⱁⰲⰻ ⰶⰵ ⱑⰽⱁ !ⱂⱃⱁ!ⱃⰽⱏ ⰵⱅⰵⱃⱏ. ⰴⱃⰵⰲⰾ̑ⱐⱀⰻⰹⱈⱏ ⰲⱏⱄⰽⱃⱏⱄⰵ.
9:20
ⱃⰵⱍⰵ ⰶⰵ ⰺ҅ⰿⱏ. ⰲⱏⰹ ⰶⰵ ⰽⱁⰳⱁ ⰿⱔ ⰳⰾ҃ⰵⱅⰵ ⰱⱏⰹⱅⰻ. ⱁⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⱃⰵⱍⰵ. ⱈ҃ⰰ ⰱⰶ҃ⱐⱑ.
9:21
Ⱉⱀⱏ ⰶⰵ ⰸⰰⱂⱃⱑⱎⱅⱐ ⰺ҅ⰿⱏ. ⱂⱁⰲⰵⰾⱑ ⱀⰻⰽⱁⰿⱆⰶⰵ ⱀⰵ ⰳⰾ҃ⰰⱅⰻ. ⱄⰵⰳⱁ
9:22
ⱃⰵⰽⱏ. ⱑⰽⱁ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⱄ҃ⰽⱆⰿⱆ ⰿⱀⱁⰳⱁ ⱂⱁⱄⱅⱃⰰⰴⰰⱅⰻ. ⰺ҅ ⰻⱄⰽⱆⱎⰵⱀⱆ ⰱⱏⰹⱅⰻ. ⱁⱅⱏ ⱄⱅⰰⱃⱌⱐ ⰺ҅ ⰰⱃⱈⰻⰵⱃⰵⰹ. ⰺ҅ ⰽⱏⱀⰻⰶⱐⱀⰻⰽⱏ. ⰺ҅ ⱆⰱⱐⰵⱀⱆ ⰱⱏⰹⱅⰻ. ⰺ҅ ⱅⱃⰵⱅⰻⰹ ⰴⱐⱀⱐ ⰲⱏⱄⰽⱃⱏⱄⱀⱘⱅⰻ.
9:23
ⰳⰾ҃ⰰⰰⱎⰵ ⰲⱄⱑⰿⱏ. ⰰⱎⱅⰵ ⰽⱏⱅⱁ ⱈⱁⱎⱅⰵⱅⱏ ⱂⱁ ⰿⱀⱑ ⰺ҅ⱅⰻ ⰴⰰ ⱁⱅⱏⰲⱃⱏⰶⰵⱅⱏ ⱄⱔ ⱄⰵⰱⰵ. ⰺ҅ ⰴⰰ ⰲⱏⰸⱏⰿⰵⱅⱏ !ⰽⱃⱄⱅⱏ ⱄⰲⱁⰹ. ⱂⱁ ⰲⱄⱔ ⰴⱀⰻ. ⰺ҅ ⱈⱁⰴⰻⱅⱏ ⱂⱁ ⰿⱀⱑ
9:24
ⰺ҅ⰶⰵ ⰱⱁ ⰰⱎⱅⰵ ⱈⱁⱎⱅⰵⱅⱏ ⰴⱎ҃ⱘ ⱄⰲⱁⱙ ⱄⱏⱂⰰⱄⱅⰻ ⱂⱁⰳⱆⰱⰻⱅⱏ ⱙ. ⰺ҅ⰶⰵ ⰰⱎⱅⰵ ⱈⱁⱎⱅⰵⱅⱏ ⱂⱁⰳⱆⰱⰻⱅⱏ ⰴⱎ҃ⱘ ⱄⰲⱁⱙ. ⰿⰵⱀⰵ ⱃⰰⰴⰻ. ⱅⱏ ⱄⱂ҃ⰵⱅⱏ ⱙ.
9:25
ⰽⰰⱑ ⱂⱁⰾⱐⰸⰰ ⱍⰽ҃ⱆ. ⰰⱎⱅⰵ ⱂⱃⰻⱁⰱⱃⱔⱎⱅⰵⱅⱏ ⰲⱐⱄⱐ ⰿⰻⱃⱏ. ⰰ ⱄⰵⰱⰵ ⱂⱁⰳⱆⰱⰻⱅⱏ. ⰾⰻ ⱁⱅⱏⱎⱅⰵⱅⰻⱅⱏ.
9:26
ⰺ҅ⰶⰵ ⰱⱁ ⰰⱎⱅⰵ ⱂⱁⱄⱅⱏⰹⰴⰻⱅⱏ ⱄⱔ ⰿⰵⱀⰵ. ⰺ҅ ⰿⱁⰺⱈⱏ ⱄⰾⱁⰲⰵⱄⱏ. ⱄⰵⰳⱁ ⱄⱀ҃ⱏ ⱍⱄ҃ⰽⱏⰹ ⱂⱁⱄⱅⱏⰹⰴⰻⱅⱏ ⱄⱔ. ⰵⰳⰴⰰ ⱂⱃⰻⰴⰵⱅⱏ ⰲⱏ ⱄⰾⰰⰲⱑ ⱄⰲⱁⰵⰹ. ⰺ҅ !ⱁⱅⱐⱍⰻ. ⰺ҅ ⱄⱅ҃ⱏⰺⱈⱏ ⰰⰼ҃ⰾⱏ.
9:27
!Ⰳⰾⱙ ⰶⰵ ⰲⰰⰿⱏ. ⰲⱏ ⰺⱄⱅⰻⱀⱘ ⱄⱘⱅⱏ ⰵⱅⰵⱃⰻ. ⱁⱅⱏ ⱄⱅⱁⱗⱎⱅⰻⱈⱏ ⱄⱐⰴⰵ. ⰺ҅ⰶⰵ ⱀⰵ ⰺ҅ⰿⱘⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ. ⰴⱁⱀⱐⰴⰵⰶⰵ ⱆⰸⱐⱃⱔⱅⱏ ⱌⱃ҃ⱄⱅⰲⰵ ⰱⰶ҃ⱐⰵ.
9:28
Ⰱⱏⰹⱄⱅⱏ ⰶⰵ ⱂⱁ ⱄⰾⱁⰲⰵⱄⰵⱈⱏ ⱄⰻⱈⱏ. ⱑⰽⱁ ⰴⱐⱀⰻⰹ ⱁⱄⰿⱐ. ⰺ҅ ⱂⱁⰺ҅ⰿⱏ ⱂⰵⱅⱃⰰ. ⰺ҅ ⱁⰰⱀⸯⱀⰰ. ⰺ҅ ⰻⱑⰽⱁⰲⰰ. ⰲⱐⰸⰻⰴⰵ ⱀⰰ ⰳⱁⱃⱘ ⱂⱁⰿⱁⰾⰻⱅⱏ ⱄⱔ.
9:29
ⰺ҅ ⰱⱏⰹ!ⱄ ⰵⰳⰴⰰ ⰿⱁⰾ̑ⱑⰰⱎⰵ ⱄⱔ. ⰲⰻⰴⱑⱀⱐⰵ ⰾⰻⱌⰰ ⰵⰳⱁ ⰺ҅ⱀⱁ. ⰺ҅ ⱁⰴⱑⰰⱀⱐⰵ ⰵⰳⱁ ⰱⱑⰾⱁ ⰱⰾⰻⱄⱌⰰⱗ ⱄⱔ.
9:30
ⰺ҅ ⱄⰵ ⰿⱘⰶⰰ ⰴⱏⰲⰰ ⱄⱏ ⱀ̑ⰻⰿⱐ ⰳⰾ̑ⱙⱎⱅⰰ. ⱑⰽⱁ ⰱⱑⱄⱅⰵ. ⰿⱛ҅ⱄⰻ. ⰺ҅ ⰻⰾⰻⱑ.
9:31
ⰰⰲⱐⱎⰰ ⱄⱔ ⰲⱏ ⱄⰾⰰⰲⱑ. ⰳⰾ҃ⰰⰰⱎⰵ ⰶⰵ ⰺ҅ⱄⱈⱁⰴⱏ ⰵⰳⱁ. ⰺ҅ⰶⰵ ⱈⱁⱅⱑⰰⱎⰵ ⱄⱏⰽⱁⱀⱐⱍⰰⱅⰻ [ⱄⱔ] ⰲⱏ !ⰺ҅ⰾⰿⱑ.
9:32
ⱂⰵⱅⱃⱏ ⰶⰵ ⰺ ⱄⱘⱎⱅⰰⰰ ⱄⱏ ⱀ̑ⰻⰿⱐ. ⰱⱑⰰⱈⱘ ⱁⱅⱔⰳⱏⱍⰵⱀⰻ ⱄⱏⱀⱏⰿⱐ. ⱆⰱⱆⰶⰴⱐⱎⰵ ⰶⰵ ⱄⱔ ⰲⰻⰴⱑⱎⱔ ⱄⰾⰰⰲⱘ ⰵⰳⱁ. ⰺ҅ ⱁⰱⰰ ⰿⱘⰶⰰ ⱄⱅⱁⱗⱎⱅⰰ ⱄⱏ ⱀ̑ⰻⰿⱐ.
9:33
ⰺ҅ ⰱⱏⰹⱄⱅⱏ ⰵⰳⰴⰰ ⱃⰰⰸⰾⱘⱍⰰⰰⱎⰵⱅⰵ ⱄⱔ ⱁⱅⱏ ⱀ̑ⰵⰳⱁ. ⱃⰵⱍⰵ ⱂⰵⱅⱃⱏ ⰽⱏ ⰺⱄ҃ⰲⰻ. ⱀⰰⱄⱅⰰⰲⱐⱀⰻⱍⰵ. ⰴⱁⰱⱃⱁ ⰵⱄⱅⱏ ⱀⰰⰿⱏ ⱄⱐⰴⰵ ⰱⱏⰹⱅⰻ. ⰺ҅ ⱄⱏⱅⰲⱁⱃⰻⰿⱏ ⱄⰽⰻⱀⰻⱗ ⱅⱃⰹ. ⱅⰵⰱⱑ ⰵⰴⰻⱀⱘ. ⰺ҅ ⰵⰴⰻⱀⱘ ⰿⱁⱄⱑⱁⰲⰻ. ⰺ҅ ⰵⰴⰻⱀⱘ ⰺ҅ⰾⰻⰹ. ⱀⰵ ⰲⱑⰴⱏⰹ ⰶⰵ ⰳⰾ҃ⰰⰰⱎⰵ.
9:34
Ⱄⰵ ⰶⰵ ⰵⰿⱆ ⰳⰾ҃ⱙⱎⱅⱓ. ⰱⱏⰹⱄⱅⱏ ⱁⰱⰾⰰⰽⱏ ⰺ҅ ⱁⱄⱑⱀⰻ ⱗ. ⱆⰱⱁⱑⱎⱔ ⰶⰵ ⱄⱔ. ⰲⱏⱎⱐⰴⱏⱎⰵⰿⱏ ⰶⰵ ⰺ҅ⰿⱏ ⰲⱏ ⱁⰱⰾⰰⰽⱏ.
9:35
ⰺ҅ ⰳⰾⰰⱄⱏ ⰱⱏⰹ!ⱄ ⰺ҅ⰸⱁ ⱁⰱⰾⰰⰽⰰ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ ⰲⱏⰸⰾ̑ⱓⰱⰾ̑ⰵⱀⱏⰺ. ⱅⱁⰳⱁ ⱂⱁⱄⰾⱆⱎⰰⰺ҅ⱅⰵ.
9:36
ⰺ҅ ⰵⰳⰴⰰ ⰱⱏⰹⱄⱅⱏ ⰳⰾ҃ⰰ!ⱄ. ⱁⰱⱃⱑⱅⰵ ⱄⱔ ⰻⱄ҃. ⰵⰴⰻⱀⱏ. ⰺ҅ ⱅⰻ ⱆⰿⰾⱐⱍⰰⱎⱔ. ⰺ҅ ⱀⰻⰽⱁⰿⱆⰶⰵ ⱀⰵ ⰲⱏⰸⰲⱑⱄⱅⰻⱎⱔ ⰲⱏ ⱅⱏⰹ ⰴⱀⰻ ⱀⰻⱍⱐⱄⱁⰶⰵ ⱁ ⱅⱑⱈⱏ ⱑⰶⰵ ⰲⰻⰴⱑⱎⱔ.
9:37
Ⰱⱏⰹⱄⱅⱏ ⰶⰵ ⰲⱏ ⱂⱃⱁⱍⰻ ⰴⸯⱀⱐ. ⱄⱏⱎⰵⰴⱏⱎⰵⰿⱏ ⰺ҅ⰿⱏ ⱄⱏ ⰳⱁⱃⱏⰹ. ⱄⱏⱃⱑⱅⰵ ⰹ ⱀⰰⱃⱁⰴⱏ ⰿⱀⱁⰳⱏ.
9:38
ⰺ҅ ⱄⰵ ⰿⱘⰶⱐ ⰺ҅ⰸ ⱀⰰⱃⱁⰴⰰ ⰲⱏⰸⱏⱂⰻ ⰳⰾ̑ⱔ. ⱆⱍⰻⱅⰵⰾ̑ⱓ ⰿⱁⰾ̑ⱙ ⱅⰻ ⱄⱔ. ⱂⱃⰻⰸⱐⱃⰻ ⱀⰰ ⱄⱀ҃ⱏ ⰿⱁⰹ. ⱑⰽⱁ ⰵⰴⰻⱀⱁⱍⱔⰴⱏ ⰿⰻ ⰵⱄⱅⱏ.
9:39
ⰺ҅ ⱄⰵ ⰴⱈ҃ⱏ ⰵⰿⰾ̑ⰵⱅⱏ ⰹ. ⰺ҅ ⰲⱐⱀⰵⰸⰰⱂⱘ ⰲⱏⱂⰻⰵⱅⱏ. ⰺ҅ ⱂⱃⱘⰶⰰⰰⱅⱏ ⱄⱔ ⱄⱏ ⱂⱑⱀⰰⰿⰻ. ⰺ҅ ⰵⰴⱏⰲⰰ ⱁⱈⱁⰴⰻⱅⱏ ⱁⱅⱏ ⱀ̑ⰵⰳⱁ ⱄⱏⰽⱃⱆⱎⰰⱗ ⰹ.
9:40
ⰺ҅ ⰿⱁⰾⰻⱈⱏ ⱄⱔ ⱆⱍⰵⱀⰻⰽⱁⰿⱏ ⱅⰲⱁⰺⰿⱏ. ⰴⰰ ⰺⰶⰴⰵⱀⱘⱅⱏ ⰹ. ⰺ҅ ⱀⰵ ⰲⱏⰸⰿⱁⰳⱘ.
9:41
ⱉⱅⱏⰲⱑⱎⱅⰰⰲⱏ ⰶⰵ ⰻⱄ҃. ⱃⰵⱍⰵ ⰵⰿⱆ. ⱉ ⱃⱁⰴⰵ ⱀⰵⰲⱑⱃⸯⱀⱏ. ⰺ҅ ⱃⰰⰸⰲⱃⰰⱎⱅⰵⱀⱏ. ⰴⱁⰽⱁⰾⱑ ⰱⱘⰴⱘ ⰲⱏ ⰲⰰⱄⱏ. ⰺ҅ ⱅⱃⱏⱂⰾ̑ⱙ ⰲⱏⰹ. ⱂⱃⰻⰲⰵⰴⰻ ⱄⱀ҃ⱏ ⱅⰲⱁⰹ ⱄⱑⰿⱁ.
9:42
ⰵⱎⱅⰵ ⰶⰵ ⰳⱃⱔⰴⱆⱎⱅⱓ ⰵⰿⱆ ⱂⱁⰲⱃⱏⰶⰵ ⰹ ⰱⱑⱄⱏ. ⰺ҅ ⱄⱏⱅⱃⱔⱄⰵ. ⰸⰰⱂⱃⱑⱅⰻ ⰶⰵ ⰻⱄ҃ ⰴⱈ҃ⰲⰻ ⱀⰵⱍⰻⱄⱅⱆⰿⱆ. ⰴⱎ҃ⰵ ⱀⰵⱍⰻⱄⱅⱏⰹ. ⰺ҅ⰸⰻⰴⰻ ⱁⱅⱏ ⱁⱅⱃⱁⰽⰰ. ⰺ҅ ⰻⱌⱑⰾⰻ ⱁⱅⱃⱁⰽⰰ. ⰺ҅ ⰲⱏⰴⰰⱄⱅⱏ ⰹ ⱁⱌ҃ⱓ ⰵⰳⱁ.
9:43
ⰴⰻⰲⰾ̑ⱑⰰⱈⱘ ⰶⰵ ⱄⱔ ⰲⱄⰻ ⱁ ⰲⰵⰾⰻⱍⰻⰹ ⰱⰶ҃ⰹⰻ. Ⰲⸯⱄⱑⰿⱏ ⰶⰵ ⱍⱓⰴⱔⱎⱅⰵⰿⱏ ⱄⱔ. ⱁ ⰲⱄⱑⱈⱏ ⱑⰶⰵ ⱅⰲⱁⱃ̑ⱑⰰⱎⰵ ⰻⱄ҃. ⱃⰵⱍⰵ ⱆⱍⰵⱀⰻⰽⱁⰿⱏ ⱄⰲⱁⰺⰿⱏ.
9:44
ⰲⱏⰾⱁⰶⰻⱅⰵ ⰲⱏⰹ ⰲⱏ ⱆⱎⰻ ⰲⰰⱎⰻ ⱄⰾⱁⰲⰵⱄⰰ ⱄⰻ. ⱄⱀ҃ⱏ ⰱⱁ ⱍⱄ҃ⰽⱏⰹ ⰺ҅ⰿⰰⱅⱏ ⱂⱃⱑⰴⰰⱅⰻ ⱄⱔ. ⰲⱏ ⱃⱘⱌⱑ !ⱍⱄⱌⱑ.
9:45
ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⰳⰾ҃ⰰ ⱄⰵⰳⱁ. ⰱⱑ ⰱⱁ ⱂⱃⰻⰽⱃⱏⰲⰵⱀⱏ ⱁⱅⱏ ⱀ̑ⰻⱈⱏ. ⰴⰰ ⱀⰵ ⱁⱎⱅⱓⱅⱔⱅⱏ ⰵⰳⱁ. ⰺ҅ ⰱⱁⱑⰰⱈⱘ ⱄⱔ ⰲⱏⱂⱃⱁⱄⰻⱅⰹ ⰻⰹ. ⱁ ⰳⰾ҃ⱑ ⱄⰵⰿⱐ.
9:46
Ⰲⱐⱀⰻⰴⰵ ⰶⰵ ⱂⱁⰿⱏⰹⱎⰾ̑ⰵⱀⱐⰵ ⰲⱐ ⱀ̑ⱔ. ⰽⱏⱅⱁ ⰺ҅ⱈⱏ ⰲⱔⱎⱅⰻⰹ ⰱⰻ ⰱⱏⰹⰾⱏ.
9:47
ⰺⱄ҃ ⰶⰵ ⰲⱑⰴⱏⰹ ⱂⱁⰿⱏⰹⱎⰾ̑ⰵⱀⱐⰵ ⱄⱃⱏⰴⱐⱌⰰ ⰺ҅ⱈⱏ. ⱂⱃⰻⰹⰿⱏ ⱁⱅⱃⱁⱍⱔ ⱂⱁⱄⱅⰰⰲⰻ ⰵ ⱆ ⱄⰵⰱⰵ.
9:48
ⰺ҅ ⱃⰵⱍⰵ ⰺ҅ⰿⱏ. ⰺ҅ⰶⰵ ⰰⱎⱅⰵ ⱂⱃⰻⰹⰿⰵⱅⱏ ⱁⱅⱃⱁⱍⱔ ⱄⰵ. ⰲⱏ ⰺ҅ⰿⱔ ⰿⱁⰵ. ⰿⱔ ⱂⱃⰻⰵⰿⰾ̑ⰵⱅⱏ. ⰺ҅ ⰻⰶⰵ ⰰⱎⱅⰵ ⰿⱔ ⱂⱃⰻⰵⰿⰾ̑ⰵⱅⱏ. ⱂⱃⰻⰵⰿⰾ̑ⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺ҅ⰶⰵ ⰱⱁ ⰿⱐⱀ̑ⰻⰹ ⰵⱄⱅⱏ ⰲⱄⱑⱈⱏ ⰲⰰⱄⱏ. ⱄⱐ ⰵⱄⱅⱏ ⰲⱔⱎⱅⱐⰹ.
9:49
Ⱉⱅⱏⰲⱑⱎⱅⰰⰲⱏ ⰶⰵ ⰺ҅ⱁⰰⱀⱀⱏ. ⱃⰵⱍⰵ. ⱀⰰⱄⱅⰰⰲⱐⱀⰻⱍⰵ. ⰲⰻⰴⱑⱈⱁⰿⱏ ⰵⱅⰵⱃⰰ. ⱁ ⰺ҅ⰿⰵⱀⰻ ⱅⰲⱁⰵⰿⱐ. ⰺ҅ⰸⰳⱁⱀⱔⱎⱅⰰ ⰱⱑⱄⱏⰹ. ⰺ҅ ⰲⱏⰸⰱⱃⰰⱀⰻⱈⱁⰿⱏ ⰵⰿⱆ. ⱑⰽⱁ ⰲⱏ ⱄⰾⱑⰴⱏ ⱈⱁⰴⰻⱅⱏ ⱄⱏ ⱀⰰⰿⰻ.
9:50
ⰺ҅ ⱃⰵⱍⰵ ⰽⱏ ⱀ̑ⰵⰿⱆ ⰻⱄ҃. ⱀⰵ ⰱⱃⰰⱀⰻⱅⰵ ⰵⰿⱆ. ⱀⱑⱄⱅⱏ ⰱⱁ ⱀⰰ ⰲⱏⰹ. ⰺ҅ⰶⰵ ⰱⱁ ⱀⱑⱄⱅⱏ ⱀⰰ ⰲⱏⰹ ⱂⱁ ⰲⰰⱄⱏ ⰵⱄⱅⱏ.
9:51
Ⰱⱏⰹ!ⱄ ⰶⰵ ⰵⰳⰴⰰ ⱄⱏⰽⱁⱀⱐⱍⰰⰲⰰⰰⱈⱘ ⱄⱔ ⰴⱐⱀⱐⰵ. ⰲⱏⱄⱈⱁⰶⰴⰵⱀⱐⱓ ⰵⰳⱁ. ⰺ҅ ⱅⱏ ⱆⱅⰲⱃⱏⰴⰻ ⰾⰻⱌⰵ ⱄⰲⱁⰵ ⰺ҅ⱅⰻ ⰲⱏ !ⰹⰾⰿⱏ.
9:52
ⰺ҅ ⱂⱁⱄⱏⰾⰰ ⰲⱑⱄⱅⱐⱀⰻⰽⱏⰹ ⱂⱃⱑⰴⱏ ⰾⰻⱌⰵⰿⱐ ⱄⰲⱁⰺⰿⱐ. ⰺ҅ ⱎⱐⰴⱏⱎⰵ ⰲⱐⱀⰻⰴⱘ ⰲⱏ ⰲⱄⱐ ⱄⰰⰿⰰⱃⱑⱀⱐⱄⰽⱘ. ⰴⰰ ⱆⰳⱁⱅⱁⰲⱔⱅⱏ ⰵⰿⱆ.
9:53
ⰺ҅ ⱀⰵ ⱂⱃⰻⱗⱎⱔ ⰵⰳⱁ. ⱑⰽⱁ ⰾⰻⱌⰵ ⰵⰳⱁ ⰱⱑ ⰳⱃⱔⰴⱏⰹ ⰲⱏ !ⰹⰾⰿⱏ.
9:54
ⰲⰻⰴⱑⰲⱏⱎⰰ ⰶⰵ ⱆⱍⰵⱀⰻⰽⰰ ⰵⰳⱁ. ⰺ҅ⱑⰽⱁⰲⱏ. ⰺ҅ ⱁⰰⱀⸯⱀⱏ. ⱃⱑⱄⱅⰵ. ⰳ҃ⰻ. ⱈⱁⱎⱅⰵⱎⰻ ⰾⰻ. ⰺ҅ ⱃⰵⱍⰵⰲⱑ. ⰴⰰ ⱁⰳⱀ̑ⱐ ⱄⱏⱎⱐⰴⱏ ⱄⱏ ⱀⰵⰱ҃ⱄⰵ. ⰺ҅ ⱂⱁⱑⱄⱅⱏ ⱗ. ⱑⰽⱁⰶⰵ ⰺ҅ⰾⰻⱑ ⱄⱏⱅⰲⱁⱃⰻ.
9:55
ⱉⰱⱃⰰⱎⱅⱐ ⰶⰵ ⱄⱔ ⰸⰰⱂⱃⱑⱅⰻ ⰺ҅ⰿⰰ ⰺ҅ ⱃⰵⱍⰵ. ⱀⰵ ⰲⱑⱄⱅⰰ ⱄⱔ. ⰽⱁⰳⱁ ⰴⱈ҃ⰰ ⰵⱄⱅⰰ ⰲⱏⰹ. ⱄⱀ҃ⱏ ⰱⱁ ⱍⱄ҃ⰽⱏⰹ ⱀⱑⱄⱅⱏ ⱂⱃⰻⱎⱐⰾⱏ. ⰴⱎ҃ⱐ ⱍⱄ҃ⰽⱏ ⱂⱁⰳⱆⰱⰻⱅⱏ. ⱀⱏ ⱄⱂ҃ⱄⱅⱏ.
9:57
Ⰱⱏⰹⱄⱅⱏ ⰶⰵ ⰺ҅ⰴⱘⱎⱅⰵⰿⱏ ⰺ҅ⰿⱏ ⱂⱁ ⱂⱘⱅⰻ. ⱃⰵⱍⰵ ⰵⱅⰵⱃⱏ ⰽⱏ ⱀ̑ⰵⰿⱆ. ⰺ҅ⰴⱘ ⱂⱁ ⱅⰵⰱⱑ ⱑⰿⱁⰶⰵ ⰽⱁⰾⰻⰶⱐⰴⱁ ⰺ҅ⰴⰵⱎⰻ ⰳ҃ⰻ.
9:58
ⰺ҅ ⱃⰵⱍⰵ ⰵⰿⱆ ⰻⱄ҃. ⰾⰻⱄⰻ ⱑⰸⰲⰻⱀⱏⰹ ⰺ҅ⰿⱘⱅⱏ. ⰺ҅ ⱂⸯⱅⰻⱌⱔ ⱀⰱ҃ⱄⰽⱏⰹⱗ ⰳⱀⱑⰸⰴⰰ. ⰰ ⱄⱀ҃ⱏ ⱍⱄ҃ⰽⱏⰹ ⱀⰵ ⰺ҅ⰿⰰⱅⱏ ⰽⱏⰴⰵ ⰳⰾⰰⰲⱏⰹ ⱂⱁⰴⱏⰽⰾⱁⱀⰻⱅⰻ.
9:59
ⱃⰵⱍⰵ ⰽⱏ ⰴⱃⱆⰳⱆⰿⱆ. ⱈⱁⰴⰻ ⰲⱏ ⱄⰾⱑⰴⱏ ⰿⰵⱀⰵ. ⱁⱀⱏ ⰶⰵ ⱃⰵⱍⰵ ⰳ҃ⰻ. ⱂⱁⰲⰵⰾⰻ ⰿⰻ. ⰴⱃⰵⰲⰾ̑ⰵ ⱎⱐⰴⱏⱎⰵ ⱂⱁⰳⱃⰵⱅⰻ ⱁⱌ҃ⰰ ⰿⱁⰵⰳⱁ.
9:60
ⱃⰵⱍⰵ ⰶⰵ ⰵⰿⱆ ⰻⱄ҃. ⱁⱄⱅⰰⰲⰻ ⰿⱃⱏⱅⰲⱏⰺⰿⱏ. ⱂⱁⰳⱃⰵⱅⰻ ⱄⰲⱁⱗ ⰿⱃⱏⱅⰲⱐⱌⱔ. ⱅⱏⰹ ⰶⰵ ⱎⱐⰴⱏ ⰲⱏⰸⰲⱑⱎⱅⰰⰹ ⱌⱃ҃ⱄⰻⰵ ⰱⰶ҃ⱐⰵ.
9:61
Ⱃⰵⱍⰵ ⰶⰵ ⰺ҅ ⰴⱃⱆⰳⱏⰺ. ⰺ҅ⰴⱘ ⱂⱁ ⱅⰵⰱⱑ ⰳ҃ⰻ. ⰴⱃⰵⰲⰾ̑ⰵ ⰶⰵ ⱂⱁⰲⰵⰾⰻ ⱁⱅⱏⰲⱃⱑⱎⱅⰻ ⰿⰻ ⱄⱔ. ⰺ҅ⰶⰵ ⱄⱘⱅⱏ ⰲⱏ ⰴⱁⰿⱆ ⰿⱁⰵⰿⱐ.
9:62
ⱃⰵⱍⰵ ⰶⰵ. ⱀⰻⰽⱏⱅⱁⰶⰵ ⰲⱏⰸⰾⱁⰶⱐ ⱃⱘⰽⱏⰹ ⱄⰲⱁⰵⱗ ⱀⰰ ⱃⰰⰾⱁ. ⰺ҅ ⰸⱐⱃⱔ ⰲⱐⱄⱂⱔⱅⱐ. ⱆⱂⱃⰰⰲⰾ̑ⰵⱀⱏ ⰵⱄⱅⱏ ⰲⱏ ⱌⱃ҃ⱄⰻ ⰱⰶ҃ⰹⰻ.