ЕВАНГЕЛИЕ ЕЖЕ Ѿ ЛОУКꙐ
5:1
Ⰱⱏⰹ!ⱄ ⰶⰵ ⱀⰰⰾⰵⰶⱔⱎⱅⱓ ⰵⰿⱐ ⱀⰰⱃⱁⰴⱆ. ⰴⰰ ⰱⱘ ⱄⰾⱏⰹⱎⰰⰾⰻ ⱄⰾⱁⰲⱁ ⰱⰶ҃ⰻⰵ. ⰺ҅ ⱅⱏ ⰱⱑ ⱄⱅⱁⱗ ⱂⱃⰻ ⰵⰸⰵⱃⱑ ⰼⰵⱀⰻⱄⰰⱃⰵⱅⱐⱄⱌⱑ.
5:2
ⰺ҅ ⰲⰻⰴⱑⰲⱏ ⰴⱏⰲⰰ ⰽⱁⱃⰰⰱⰻⱌⰰ. ⱄⱅⱁⱗⱎⱅⰰ ⱂⱃⰻ ⰵⰸⰵⱃⱑ. ⱃⱏⰹⰱⰰⱃⰻ ⰶⰵ. ⱁⱎⱐⰴⱏⱎⰵ ⱁⱅⱏ ⱀ̑ⰵⱓ. ⱂⰾⰰⰽⰰⰰⱈⱘ ⰿⱃⱑⰶⱔ.
5:3
ⰲⱏⰾⱑⰸⱏⱎⰵ ⰲⱏ ⰵⰴⰻⱀⱏ ⱁⱅⱏ ⰽⱁⱃⰰⰱⰻⱌⱓ. ⰺ҅ⰶⰵ ⰱⱑ ⱄⰻⰿⱁⱀⱁⰲⱏ. ⰿⱁⰾⰻ ⰹ ⱁⱅⱏⱄⱅⱘⱂⰻⱅⰻ ⰿⰰⰾⱁ. ⰺ҅ ⱄⱑⰴⱏ ⱆⱍⰰⰰⱎⰵ ⰺ҅ⱄ ⰽⱁⱃⰰⰱⰾ̑ⱑ ⱀⰰⱃⱁⰴⱏⰹ.
5:4
Ⱑⰽⱁ ⰶⰵ ⱂⱃⱑⱄⱅⰰ ⰳⰾ҃ⱔ. ⱃⰵⱍⰵ ⱄⰻⰿⱁⱀⱆ. ⰲⰻⰶⰴⱐ ⱑⱈⰰⰹ ⰲⱏ ⰳⰾⱘⰱⰻⱀⱘ. ⰺ҅ ⰲⱏⰿⰵⱅⱑⱅⰵ ⰿⱃⱑⰶⱔ ⰲⰰⱎⱔ ⰲⱏ ⰾⱁⰲⰻⱅⰲⱘ.
5:5
ⰺ҅ ⱁⱅⱏⰲⱑⱎⱅⰰⰲⱏ ⱄⰻⰿⱁⱀⱏ ⱃⰵⱍⰵ ⰵⰿⱆ. ⱀⰰⱄⱅⰰⰲⱐⱀⰻⱍⰵ. ⱁⰱ ⱀⱁⱎⱅⱐ ⰲⱐⱄⱘ ⱅⱃⱆⰶⰴⱐⱎⰵ ⱄⱔ. ⱀⰵ ⱗⱈⱁⰿⱏ ⱀⰻⱍⱐⱄⱁⰶⰵ. ⱂⱁ !ⰳⰾⱆ ⰶⰵ ⱅⰲⱁⰵⰿⱆ ⰲⱏⰲⱃⱏⰶⰵⰿⱏ ⰿⱃⱑⰶⱔ.
5:6
ⰺ҅ ⱄⰵ ⱄⱏⱅⰲⱁⱃⱐⱎⰵ. ⱁⰱⱔⱎⱔ ⰿⱀⱁⰶⱐⱄⱅⰲⱁ ⱃⱏⰹⰱⱏ ⰿⱀⱁⰳⱁ. ⱂⱃⱁⱅⱃⱏⰸⰰⰰⱈⱘ ⰶⰵ ⱄⱔ ⰿⱃⱑⰶⱔ ⰺ҅ⱈⱏ.
5:7
ⰺ҅ ⱂⱁⰿⰰⱀⱘⱎⱔ ⱂⱃⰻⱍⱔⱄⱅⱐⱀⰻⰽⱁⰿⱏ. ⰺ҅ⰶⰵ ⰱⱑⰰⱈⱘ ⰲⱏ ⰴⱃⱆⰸⱑⰿⱐ ⰽⱁⱃⰰⰱⰾ̑ⰻ. ⰴⰰ ⱂⱃⰻⱎⱐⰴⱐⱎⰵ ⱂⱁⰿⱁⰳⱘⱅⱏ ⰺ҅ⰿⱏ. ⰺ҅ ⱂⱃⰻⰴⱁⱎⱔ ⰺ҅ ⰻⱄⱂⰾⱏⱀⰻⱎⱔ ⱁⰱⰰ ⰽⱁⱃⰰⰱⰾ̑ⱑ ⱑⰽⱁ ⱂⱁⰳⱃⱘⰶⰰⱅⰻ ⱄⱔ ⰺ҅ⰿⰰ.
5:8
Ⰲⰻⰴⱑⰲⱏ ⰶⰵ ⱄⰻⰿⱁⱀⱏ ⱂⰵⱅⱃⱏ. ⱂⱃⰻⱂⰰⰴⰵ ⰽⱏ ⰽⱁⰾⱑⱀⱁⰿⰰ ⰺ҅ⱄ҃ⰲⰰⰿⰰ ⰳⰾ҃ⱔ. ⰺ҅ⰸⰻⰴⰻ ⱁⱅⱏ ⰿⰵⱀⰵ. ⱑⰽⱁ ⰿⱘⰶⱐ ⰳⱃⱑⱎⱐⱀⱏ ⰵⱄⰿⱐ ⰳ҃ⰻ.
5:9
ⱆⰶⰰⱄⱏ ⰱⱁ ⱁⰴⱃⱏⰶⰰⰰⱎⰵ ⰹ. ⰺ҅ ⰲⱄⱔ ⱄⱘⱎⱅⱔⱗ ⱄⱏ ⱀ̑ⰻⰿⱐ. ⱁ ⰾⱁⰲⰻⱅⰲⱑ ⱃⱏⰹⰱⱏ ⱗⰶⰵ ⱗⱎⱔ.
5:10
ⱅⰰⰽⱁⰶⰴⰵ ⰶⰵ. ⰺ҅ ⱑⰽⱁⰲⰰ. ⰺ҅ ⱁⰰⱀⸯⱀⰰ. ⱄⱀ҃ⰰ ⰸⰵⰲⰵⰴⰵⱁⰲⰰ. ⱑⰶⰵ ⰱⱑⱄⱅⰵ ⱁⰱⱐⱎⱅⱐⱀⰻⰽⰰ ⱄⰻⰿⱁⱀⱁⰲⰻ. Ⰺ҅ ⱃⰵⱍⰵ ⰽⱏ ⱄⰻⰿⱁⱀⱆ ⰻⱄ҃. ⱀⰵ ⰱⱁⰺ ⱄⱔ. ⱁⱅⱏⱄⰵⰾⱑ ⱍⰽ҃ⱏⰹ ⰱⱘⰴⰵⱎⰻ ⰾⱁⰲⱔ.
5:11
ⰺ҅ⰸⰲⰵⰸⱏⱎⰵ ⰽⱁⱃⰰⰱⱐ ⱀⰰ ⱄⱆⱈⱁ. ⰺ ⱁⱄⱅⰰⰲⱐⱎⰵ ⰲⱄⰵ ⰲⱐ ⱄⰾⱑⰴⱏ ⰵⰳⱁ ⰺ҅ⰴⱁⱎⱔ.
5:12
Ⰺ҅ ⰱⱏⰹ!ⱄ ⰵⰳⰴⰰ ⰱⱏⰹ!ⱄ. ⰲⱏ ⰵⰴⰻⱀⱁⰿⱐ ⱁⱅⱏ ⰳⱃⰰⰴⱏ. ⰺ҅ ⱄⰵ ⰿⱘⰶⱐ ⰺ҅ⱄⱂⰾⱏⱀⱐ ⱂⱃⱁⰽⰰⰶⰵⱀⱐⱑ. ⰺ҅ ⰲⰻⰴⱑⰲⱏ ⰺ҅ⱄ҃ⰰ ⱂⰰⰴⰵ ⱀⰻⱌⱐ. ⰿⱁⰾⱔ ⱄⱔ ⰵⰿⱆ ⰺ҅ ⰳⰾ҃ⱔ ⰳ҃ⰻ. ⰰⱎⱅⰵ ⱈⱁⱎⱅⰵⱎⰻ ⰿⱁⰶⰵⱎⰻ ⰿⱔ ⱁⱍⰻⱄⱅⰻⱅⰻ.
5:13
ⰺ҅ ⱂⱃⱁⱄⱅⱐⱃⱏ ⱃⱘⰽⱘ ⰽⱁⱄⱀⱘ ⰹ ⱃⰵⰽⱏ. ⱈⱁⱎⱅⱘ ⱁⱍⰻⱄⱅⰻ ⱄⱔ. ⰺ҅ ⰰⰱⱐⰵ ⱂⱃⱁⰽⰰⰸⰰ ⱁⱅⰻⰴⰵ ⱁⱅⱏ ⱀ̑ⰵⰳⱁ.
5:14
ⰺ҅ ⱅⱏ ⰸⰰⱂⱃⱑⱅⰻ ⰵⰿⱆ ⱀⰻⰽⱁⰿⱆⰶⰵ ⱀⰵ ⰳⰾ҃ⰰⱅⰻ. ⱀⱏ ⱎⱐⰴⱐ ⱂⱁⰽⰰⰶⰻ ⱄⱔ ⰺ҅ⰵⱃⱑⱁⰲⰻ. ⰺ҅ ⱂⱃⰻⱀⰵⱄⰻ ⱁ ⱁⱍⰻⱎⱅⰵⱀⰹⰻ ⱄⰲⱁⰵⰿⱐ. ⱑⰽⱁⰶⰵ ⱂⱁⰲⰵⰾⱑ ⰿⱛⱄⰻ. ⰲⱏ [ⱁⱍⰻⱎⱅ̆ⰵ]ⱀⱐⰵ ⰺ҅ⰿⱏ.
5:15
ⱂⱃⱁⱈⱁⰶⰴⰰⰰⱎⰵ ⰶⰵ ⱂⰰⱍⰵ ⱄⰾⱁⰲⱁ ⱁ ⱀ̑ⰵⰿⱐ. ⰺ҅ ⱄⱏⱀⰻⰿⰰⰰⱈⱘ ⱄⱔ ⱀⰰⱃⱁⰴⰻ ⰿⱀⱁⰷⰻ. ⱄⰾⱏⰹⱎⰰⱅⰻ ⰺ҅ ⰻⱌⱑⰾⰻⱅⱏ ⱄⱔ ⱁⱅⱏ ⱀ̑ⰵⰳⱁ. ⱁⱅⱏ ⱀⰵⰴⱘⰳⱏ ⱄⰲⱁⰺⱈⱏ.
5:16
ⱅⱏ ⰶⰵ ⰱⱑ ⱁⱈⱁⰴⱔ ⰲⱏ ⱂⱆⱄⱅⱏⰹⱀ̑ⱙ. ⰺ҅ ⰿⱁⰾⱔ ⱄⱔ.
5:17
Ⰺ҅ ⰱⱏⰹⱄⱅⱏ ⱁⱅⱏ ⰴⱐⱀⰻⰹ. ⰺ҅ ⱅⱏ ⰱⱑ ⱆⱍⱔ. ⰺ҅ ⰱⱑⰰⱈⱘ ⱄⱑⰴⱔⱎⱅⰵ ⱇⰰⱃⰻⱄⱑⰹ. ⰺ҅ ⰸⰰⰽⱁⱀⱁⱆⱍⰻⱅⰵⰾ̑ⰵ. ⰺⰶⰵ ⰱⱑⰰⱈⱘ ⱂⱃⰻⱎⱐⰾⰻ ⱁⱅⱏ ⰲⸯⱄⱑⰽⱁⱗ ⰲⱄⰻ. ⰳⰰⰾⰻⰾⰵⰺ҅ⱄⰽⱏⰹ. ⰺ҅ ⱓⰴⰵⰺⱄⰽⱏⰹ. ⰺ҅ ⱁⱅⱏ !ⰺ҅ⰾⰿⰰ ⰺ҅ ⱄⰻⰾⰰ ⰳⱀ҃ⱑ ⰱⱑ ⱌⱑⰾⰻⱅⰻ ⱗ.
5:18
ⰺ҅ ⱄⰵ ⰿⱘⰶⰻ ⱀⱁⱄⱔⱎⱅⰵ ⱀⰰ ⱁⰴⱃⱑ ⱍⰽ҃ⰰ. ⰺ҅ⰶⰵ ⰱⱑ ⱁⱄⰾⰰⰱⰾ̑ⰵⱀⱏ. ⰺ҅ ⰻⱄⰽⰰⰰⱈⱘ ⰲⱐⱀⰵⱄⱅⰻ ⰹ. ⰺ҅ ⱂⱁⰾⱁⰶⰻⱅⰻ ⰹ ⱂⱃⱑⰴⱐ ⱀ̑ⰻⰿⱐ
5:19
ⰺ҅ ⱀⰵ ⱁⰱⱃⱑⱅⱏⱎⰵ ⰽⱘⰴⱆ ⰲⱏⱀⰵⱄⱅⰻ ⰹ. ⱀⰰⱃⱁⰴⰰ ⱃⰰⰴⰻ. ⰲⱐⰸⰾⱑⰸⱏⱎⰵ ⱀⰰ ⱈⱃⰰⰿⱏ. ⱄⰽⰲⱁⰸⱑ ⱄⰽⱘⰴⱁⰾⱐ ⱀⰻⰸⱏⰲⱑⱄⰻⱎⱔ ⰹ. ⱄⱏ ⰾⱁⰶⰵⰿⱐ ⱂⱃⱑⰴⱏ ⰺⱄ҃ⰰ.
5:20
ⰺ҅ ⰲⰻⰴⱑⰲⱏ ⰲⱑⱃⱘ ⰺ҅ⱈⱏ ⱃⰵⱍⰵ ⰵⰿⱆ. !ⱍⰾⱍⰵ ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ ⱅⰲⱁⰹ.
5:21
ⰺ҅ ⱀⰰⱍⱔⱎⱔ ⱂⱁⰿⱏⰹⱎⰾⱑⱅⰻ. ⰽⱏⱀⰻⰶⱐⱀⰻⱌⰻ ⰺ҅ ⱇⰰⱃⰻⱄⱑⰹ ⰳⰾ̑ⱙⱎⱅⰵ. ⰽⱏⱅⱁ ⰵⱄⱅⱏ ⱄⱐ. ⰺ҅ⰶⰵ ⰳⰾ҃ⰵⱅⱏ ⰲⰾⰰⱄⰲⰻⰿⰻⱙ. ⰽⱏⱅⱁ ⰿⱁⰶⰵⱅⱏ ⱁⱅⱏⱂⱆⱎⱅⰰⱅⰻ ⰳⱃⱑⱈⱏⰹ. ⱅⱏⰽⱏⰿⱁ ⰵⰴⰻⱀⱏ ⰱ҃ⱏ.
5:22
ⱃⰰⰸⱆⰿⱑⰲⱏ ⰶⰵ ⰻⱄ҃. ⱂⱁⰿⱏⰹⱎⰾⰵⱀⱐⱑ ⰺ҅ⱈⱏ. ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⱍⱐⱅⱁ ⱂⱁⰿⱏⰹⱎⰾ̑ⱑⰵⱅⰵ ⰲⱏ ⱄⱃⱏⰴⱐⱌⰻⱈⱏ ⰲⰰⱎⰻⱈⱏ.
5:23
ⱍⱐⱅⱁ ⰵⱄⱅⱏ ⱆⰴⱁⰱⱑⰵ ⱃⰵⱎⱅⰻ ⱁⱄⰾⰰⰱⰾ̑ⰵⱀⱆⰿⱆ. ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ ⱅⰲⱁⰹ. ⰾⰻ ⱃⰵⱎⱅⰻ ⰲⱏⱄⱅⰰⱀⰻ ⰺ҅ ⱈⱁⰴⰻ.
5:24
ⱀⱏ ⰴⰰ ⱆⰲⱑⱄⱅⰵ ⱑⰽⱁ ⰲⰾⰰⱄⱅⱐ ⰺ҅ⰿⰰⱅⱏ ⱄⱀ҃ⱏ !ⱍⱍⱄⰽⱏⰹ. ⱀⰰ ⰸⰵⰿⰻ ⱁⱅⱏⱂⱆⱎⱅⰰⱅⰻ ⰳⱃⱑⱈⱏⰹ. ⱃⰵⱍⰵ ⰶⰵ ⱁⱄⰾⰰⰱⰾ̑ⰵⱀⱆⰿⱆ. ⱅⰵⰱⱑ ⰳⰾ҃ⱙ ⰲⱏⱄⱅⰰⱀⰻ. ⰺ҅ ⰲⱏⰸⱏⰿⰻ ⰾⱁⰶⰵ ⱅⰲⱁⰵ. ⰺ҅ ⰻⰴⰻ ⰲⱏ ⰴⱁⰿⱏ ⱅⰲⱁⰹ.
5:25
ⰺ҅ ⰰⰱⱐⰵ ⰲⱏⱄⱅⰰ ⱂⱃⱑⰴⱏ ⱀ̑ⰻⰿⰻ. ⰲⱏⰸⱐⰿⱏ ⱀⰰ ⱀ̑ⰵⰿⱐⰶⰵ ⰾⰵⰶⰰⰰⱎⰵ ⰺ҅ⰴⰵ ⰲⱏ ⰴⱁⰿⱏ ⱄⰲⱁⰹ. ⱄⰾⰰⰲⱔ ⰱ҃ⰰ.
5:26
ⰺ҅ ⱆⰶⰰⱄⱏ ⱂⱃⰻⱗ ⰲⱄⱔ. ⰺ҅ ⱄⰾⰰⰲⰾ̑ⱑⰰⱈⱘ ⰱ҃ⰰ. ⰺ҅ ⰻⱄⱂⰾⱏⱀⰻⱎⱔ ⱄⱔ ⱄⱅⱃⰰⱈⱁⰿⱐ ⰳⰾ҃ⱙⱎⱅⰵ. ⱑⰽⱁ ⰲⰻⰴⱑⱈⱁⰿⱏ ⰴⰻⰲⱏⱀⰰ ⰴⱐⱀⱐⱄⱐ.
5:27
ⰺ҅ ⱂⱁ ⱄⰻⱈⱏ ⰺ҅ⰸⰻⰴⰵ. ⰺ҅ ⱆⰸⱐⱃⱑ ⰿⱏⰹⱅⰰⱃ̑ⱑ. ⰺ҅ⰿⰵⱀⰵⰿⱐ ⰾⰵ̆ⱛⰼⰻⱙ. ⱄⱑⰴⱔⱎⱅⱐ ⱀⰰ ⰿⱐⰸⰴⱐⱀⰻⱌⰻ. ⰺ҅ ⱃⰵⱍⰵ ⰵⰿⱆ ⰺ҅ⰴⰻ ⱂⱁ ⰿⱀⱑ.
5:28
ⰺ҅ ⱁⱄⱅⰰⰲⱐ ⰲⸯⱄⱑ. ⰲⱏⱄⱅⰰⰲⱏ ⰲⱐ ⱄⰾⱑⰴⱏ ⰵⰳⱁ ⰺⰴⰵ.
5:29
ⰺ҅ ⱄⱏⱅⰲⱁⱃⰻ ⱍⱃⱑⰶⰴⰵⱀⱐⰵ ⰲⰵⰾⰻⰽⱁ. ⰾⰵ̆ⱛⰼⰻⰹ ⰵⰿⱆ. ⰲⱏ ⰴⱁⰿⱆ ⱄⰲⱁⰵⰿⱐ. ⰺ҅ ⰱⱑ ⱀⰰⱃⱁⰴⱏ ⰿⱀⱁⰳⱏ ⰿⱏⰹⱅⰰⱃ̑ⱐ ⰺ҅ ⰻⱀⱑⱈⱏ ⰺ҅ⰶⰵ ⰱⱑⰰⱈⱘ ⱄⱏ ⱀ̑ⰻⰿⱐ ⰲⱐⰸⰾⰵⰶⱔⱎⱅⰵ.
5:30
ⰺ҅ ⱃⱐⱂⱏⱅⰰⰰⱈⱘ ⰽⱏⱀⰻⰶⱐⱀ̑ⰻⱌⰻ ⰺ҅ ⱇⰰⱃⰻⱄⱑⰹ. ⰽⱏ ⱆⱍⰵⱀⰻⰽⱁⰿⱏ ⰵⰳⱁ ⰳⰾ҃ⱙⱎⱅⰵ. ⱂⱁ ⱍⱐⱅⱁ ⱄⱏ ⰿⱏⰹⱅⰰⱃⰻ ⰺ҅ ⰳⱃⱑⱎⱐⱀⰻⰽⱏⰹ ⱑⱄⱅⱏ ⰺ҅ ⱂⱐⰵⱅⱏ.
5:31
Ⰺ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰽⱏ ⱀ̑ⰻⰿⱏ. ⱀⰵ ⱅⱃⱑⰱⱆⱙⱅⱏ ⱄⱏⰴⱃⰰⰲⰻⰹ ⰲⱃⰰⱍⰵⰲⱏ. ⱀⱏ ⰱⱁⰾⱔⱎⱅⰵⰹ.
5:32
ⱀⰵ ⱂⱃⰻⰴⱁⱈⱏ ⱂⱃⰻⰸⱏⰲⰰⱅⱏ ⱂⱃⰰⰲⱐⰴⱐⱀⰻⰽⱏ. ⱀⱏ ⰳⱃⱑⱎⱐⱀⰻⰽⱏⰹ ⰲⱏ ⱂⱁⰽⰰⰰⱀⱐⰵ.
5:33
ⱁⱀⰻ ⰶⰵ ⱃⱑⱎⱔ ⰽⱏ ⱀ̑ⰵⰿⱆ. ⱂⱁ ⱍⱐⱅⱁ ⱆⱍⰵⱀⰻⱌⰻ ⰺ҅ⱁⰰⱀⱁⰲⰻ ⱂⱁⱄⱅⱔⱅⱏ ⱄⱔ ⱍⱔⱄⱅⱁ. ⰺ҅ ⰿⱁⰾⰻⱅⰲⱏⰹ ⱅⰲⱁⱃⱔⱅⱏ. ⱅⰰⰽⱁⰶⰴⰵ ⰺ҅ ⱇⰰⱃⰻⱄⱑⰺ҅ⱄⱌⰻ. ⰰ ⱅⰲⱁⰹ ⱑⰴⱔⱅⱏ ⰺ҅ ⱂⱐⱙⱅⱏ.
5:34
ⱁⱀⱏ ⰶⰵ ⱃⰵⱍⰵ ⰽⱏ ⱀ̑ⰻⰿⱏ. ⰵⰴⰰ ⰿⱁⰶⰵⱅⰵ !ⱄⱀⱏⰹ ⰱⱃⰰⱍⱐⱀⱏⰹⱗ. ⰴⱁⰺ҅ⰴⰵⰶⰵ ⰶⰵⱀⰻⱈⱏ ⰵⱄⱅⱏ ⱄⱏ ⱀ̑ⰻⰿⰻ. ⱄⱏⱅⰲⱁⱃⰻⱅⰻ ⱂⱁⱄⱅⰻⱅⰻ ⱄⱔ.
5:35
ⱂⱃⰻⰴⱘⱅⱏ ⰶⰵ ⰴⱐⱀⱐⰵ. ⰵⰳⰴⰰ ⱁⱅⱏⱗⱅⱏ ⰱⱘⰴⰵⱅⱏ ⱁⱅⱏ ⱀ̑ⰻⱈⱏ ⰶⰵⱀ̑ⰻⱈⱏ. ⱅⱏⰳⰴⰰ ⱂⱁⱄⱅⱔⱅⱏ ⱄⱔ ⰲⱏ ⱅⱏⰹ ⰴⱀⰻ.
5:36
ⰳⰾ҃ⰰⰰⱎⰵ ⰶⰵ ⰺ҅ ⱂⱃⰻⱅⱏⱍⱘ ⰽⱏ ⱀ̑ⰻⰿⱏ. ⱑⰽⱁ ⱀⰻⰽⱏⱅⱁ ⰶⰵ ⱂⱃⰻⱄⱅⰰⰲⰾ̑ⰵⱀⱐⱑ ⱃⰻⰸⱏⰹ ⱀⱁⰲⱏⰹ. ⱀⰵ ⱂⱃⰻⱄⱅⰰⰲⰾ̑ⱑⰵⱅⱏ ⱀⰰ ⱃⰻⰸⱘ ⰲⰵⱅⱏⱈⱘ. ⰰⱎⱅⰵ ⰾⰻ ⰶⰵ ⱀⰻ. ⰺ ⱀⱁⰲⱘⱙ ⱃⰰⰸⰴⰵⱃⰵⱅⱏ. ⰺ҅ ⰲⰵⱅⱏⱄⱑⰻ ⱀⰵ ⱂⱃⰻⰽⰾⱓⱍⰻⱅⱏ ⱄⱔ ⱂⱃⰻⱄⱅⰰⰲ̑ⰵⱀⱐⰵ. ⰵⰶⰵ ⱁⱅⱏ ⱀⱁⰲⰰⰰⰳⱁ.
5:37
ⰺ҅ ⱀⰻⰽⱏⱅⱁⰶⰵ ⱀⰵ ⰲⱐⰾⰻⰲⰰⰵⱅⱏ. ⰲⰻⱀⰰ ⱀⱁⰲⰰ ⰲⱏ ⰿⱑⱈⱏⰹ ⰲⰵⱅⱏⱈⱏⰹ. ⰰⱎⱅⰵ ⰾⰻ ⰶⰵ ⱀⰻ. ⱂⱃⱁⱄⰰⰴⰻⱅⱏ ⰲⰻⱀⱁ ⱀⱁⰲⱁⰵ ⰿⱑⱈⱏⰹ. ⰺ҅ ⱅⱁ ⱂⱃⱁⰾⱑⰵⱅⱏ ⱄⱔ. ⰺ҅ ⰿⱑⱄⰻ ⱂⱁⰳⱏⰹⰱⱀⱘⱅⱏ.
5:38
ⱀⱏ ⰲⰻⱀⱁ ⱀⱁⰲⱁ ⰲⱏ ⰿⱑⱈⱏⰹ ⱀⱁⰲⱏⰹ. ⰲⱏⰾⰻⰲⰰⱅⰻ. ⰺ҅ ⱁⰱⱁⰵ ⱄⱏⰱⰾ̑ⱓⰴⰵⱅⱏ ⱄⱔ.
5:39
ⰺ҅ ⱀⰻⰽⱏⱅⱁⰶⰵ ⱂⰻⰲⱏ ⰲⰵⱅⱏⱈⰰ. ⰰⰱⱐⰵ ⱈⱁⱎⱅⰵⱅⱏ ⱀⱁⰲⱆⰿⱆ. ⰳⰾ҃ⰵⱅⱏ ⰱⱁ ⰲⰵⱅⱏⱈⱁⰵ ⰾⱆⱍⰵ ⰵⱄⱅⱏ.