Бꙑ!с же належѧштю емь народоу. да бѫ слꙑшали слово бж҃ие. ꙇ҅ тъ бѣ стоѩ при езерѣ ђенисаретьсцѣ.

ꙇ҅ видѣвъ дъва корабица. стоѩшта при езерѣ. рꙑбари же. ошьдъше отъ н̑ею. плакаахѫ мрѣжѧ.

вълѣзъше въ единъ отъ корабицю. ꙇ҅же бѣ симоновъ. моли і отъстѫпити мало. ꙇ҅ сѣдъ оучааше ꙇ҅с корабл̑ѣ народꙑ.

Ѣко же прѣста гл҃ѧ. рече симоноу. виждь ѣхаі въ глѫбинѫ. ꙇ҅ въметѣте мрѣжѧ вашѧ въ ловитвѫ.

ꙇ҅ отъвѣштавъ симонъ рече емоу. наставьниче. об ношть вьсѫ троуждьше сѧ. не ѩхомъ ничьсоже. по !глоу же твоемоу въвръжемъ мрѣжѧ.

ꙇ҅ се сътворьше. обѧшѧ множьство рꙑбъ много. протръзаахѫ же сѧ мрѣжѧ ꙇ҅хъ.

ꙇ҅ поманѫшѧ причѧстьникомъ. ꙇ҅же бѣахѫ въ дроузѣмь корабл̑и. да пришьдьше помогѫтъ ꙇ҅мъ. ꙇ҅ придошѧ ꙇ҅ исплънишѧ оба корабл̑ѣ ѣко погрѫжати сѧ ꙇ҅ма.

Видѣвъ же симонъ петръ. припаде къ колѣнома ꙇ҅с҃вама гл҃ѧ. ꙇ҅зиди отъ мене. ѣко мѫжь грѣшьнъ есмь г҃и.

оужасъ бо одръжааше і. ꙇ҅ всѧ сѫштѧѩ съ н̑имь. о ловитвѣ рꙑбъ ѩже ѩшѧ.

такожде же. ꙇ҅ ѣкова. ꙇ҅ оанⸯна. сн҃а зеведеова. ѣже бѣсте обьштьника симонови. Ꙇ҅ рече къ симоноу ис҃. не боꙇ сѧ. отъселѣ чк҃ꙑ бѫдеши ловѧ.

ꙇ҅звезъше корабь на соухо. ꙇ оставьше все вь слѣдъ его ꙇ҅дошѧ.

Ꙇ҅ бꙑ!с егда бꙑ!с. въ единомь отъ градъ. ꙇ҅ се мѫжь ꙇ҅сплънь прокаженьѣ. ꙇ҅ видѣвъ ꙇ҅с҃а паде ниць. молѧ сѧ емоу ꙇ҅ гл҃ѧ г҃и. аште хоштеши можеши мѧ очистити.

ꙇ҅ простьръ рѫкѫ коснѫ і рекъ. хоштѫ очисти сѧ. ꙇ҅ абье проказа отиде отъ н̑его.

ꙇ҅ тъ запрѣти емоу никомоуже не гл҃ати. нъ шьдь покажи сѧ ꙇ҅ерѣови. ꙇ҅ принеси о очиштеніи своемь. ѣкоже повелѣ мѵси. въ [очишт̆е]нье ꙇ҅мъ.

прохождааше же паче слово о н̑емь. ꙇ҅ сънимаахѫ сѧ народи мноѕи. слꙑшати ꙇ҅ ицѣлитъ сѧ отъ н̑его. отъ недѫгъ своꙇхъ.

тъ же бѣ оходѧ въ поустꙑн̑ѭ. ꙇ҅ молѧ сѧ.

Ꙇ҅ бꙑстъ отъ дьниі. ꙇ҅ тъ бѣ оучѧ. ꙇ҅ бѣахѫ сѣдѧште фарисѣі. ꙇ҅ законооучител̑е. ꙇже бѣахѫ пришьли отъ вⸯсѣкоѩ вси. галилеꙇ҅скꙑ. ꙇ҅ юдеꙇскꙑ. ꙇ҅ отъ !ꙇ҅лма ꙇ҅ сила гн҃ѣ бѣ цѣлити ѩ.

ꙇ҅ се мѫжи носѧште на одрѣ чк҃а. ꙇ҅же бѣ ослабл̑енъ. ꙇ҅ искаахѫ вьнести і. ꙇ҅ положити і прѣдь н̑имь

ꙇ҅ не обрѣтъше кѫдоу вънести і. народа ради. вьзлѣзъше на храмъ. сквозѣ скѫдоль низъвѣсишѧ і. съ ложемь прѣдъ ꙇс҃а.

ꙇ҅ видѣвъ вѣрѫ ꙇ҅хъ рече емоу. !члче отъпоуштаѭтъ ти сѧ грѣси твоі.

ꙇ҅ начѧшѧ помꙑшлѣти. кънижьници ꙇ҅ фарисѣі гл̑ѭште. къто естъ сь. ꙇ҅же гл҃етъ власвимиѭ. къто можетъ отъпоуштати грѣхꙑ. тъкъмо единъ б҃ъ.

разоумѣвъ же ис҃. помꙑшленьѣ ꙇ҅хъ. отъвѣштавъ рече ꙇ҅мъ. чьто помꙑшл̑ѣете въ сръдьцихъ вашихъ.

чьто естъ оудобѣе решти ослабл̑еноумоу. отъпоуштаѭтъ ти сѧ грѣси твоі. ли решти въстани ꙇ҅ ходи.

нъ да оувѣсте ѣко власть ꙇ҅матъ сн҃ъ !ччскꙑ. на земи отъпоуштати грѣхꙑ. рече же ослабл̑еноумоу. тебѣ гл҃ѭ въстани. ꙇ҅ възъми ложе твое. ꙇ҅ иди въ домъ твоі.

ꙇ҅ абье въста прѣдъ н̑ими. възьмъ на н̑емьже лежааше ꙇ҅де въ домъ своі. славѧ б҃а.

ꙇ҅ оужасъ приѩ всѧ. ꙇ҅ славл̑ѣахѫ б҃а. ꙇ҅ исплънишѧ сѧ страхомь гл҃ѭште. ѣко видѣхомъ дивъна дьньсь.

ꙇ҅ по сихъ ꙇ҅зиде. ꙇ҅ оузьрѣ мꙑтар̑ѣ. ꙇ҅менемь лӗѵђиѭ. сѣдѧшть на мьздьници. ꙇ҅ рече емоу ꙇ҅ди по мнѣ.

ꙇ҅ оставь вⸯсѣ. въставъ вь слѣдъ его ꙇде.

ꙇ҅ сътвори чрѣжденье велико. лӗѵђиі емоу. въ домоу своемь. ꙇ҅ бѣ народъ многъ мꙑтар̑ь ꙇ҅ инѣхъ ꙇ҅же бѣахѫ съ н̑имь вьзлежѧште.

ꙇ҅ рьпътаахѫ кънижьн̑ици ꙇ҅ фарисѣі. къ оученикомъ его гл҃ѭште. по чьто съ мꙑтари ꙇ҅ грѣшьникꙑ ѣстъ ꙇ҅ пьетъ.

Ꙇ отъвѣштавъ ис҃ рече къ н̑имъ. не трѣбоуѭтъ съдравиі врачевъ. нъ болѧштеі.

не придохъ призъватъ правьдьникъ. нъ грѣшьникꙑ въ покаанье.

они же рѣшѧ къ н̑емоу. по чьто оученици ꙇ҅оанови постѧтъ сѧ чѧсто. ꙇ҅ молитвꙑ творѧтъ. такожде ꙇ҅ фарисѣꙇ҅сци. а твоі ѣдѧтъ ꙇ҅ пьѭтъ.

онъ же рече къ н̑имъ. еда можете !снꙑ брачьнꙑѩ. доꙇ҅деже женихъ естъ съ н̑ими. сътворити постити сѧ.

придѫтъ же дьнье. егда отъѩтъ бѫдетъ отъ н̑ихъ жен̑ихъ. тъгда постѧтъ сѧ въ тꙑ дни.

гл҃ааше же ꙇ҅ притъчѫ къ н̑имъ. ѣко никъто же приставл̑еньѣ ризꙑ новꙑ. не приставл̑ѣетъ на ризѫ ветъхѫ. аште ли же ни. ꙇ новѫѭ раздеретъ. ꙇ҅ ветъсѣи не приключитъ сѧ пристав̑енье. еже отъ новааго.

ꙇ҅ никътоже не вьливаетъ. вина нова въ мѣхꙑ ветъхꙑ. аште ли же ни. просадитъ вино новое мѣхꙑ. ꙇ҅ то пролѣетъ сѧ. ꙇ҅ мѣси погꙑбнѫтъ.

нъ вино ново въ мѣхꙑ новꙑ. въливати. ꙇ҅ обое събл̑юдетъ сѧ.

ꙇ҅ никътоже пивъ ветъха. абье хоштетъ новоумоу. гл҃етъ бо ветъхое лоуче естъ.