ЕВАНГЕЛИЕ ЕЖЕ Ѿ ЛОУКꙐ
4:1
!Ⰺⱄ ⰶⰵ ⰺⱄⱂⰾⱏⱀ̑ⱐ ⰴⱈ҃ⰰ ⱄⱅ҃ⰰ. ⰲⱏⰸⰲⱃⰰⱅⰻ ⱄⱔ ⱁⱅⱏ ⰺ҅ⱁⱃⸯⰴⰰⱀⰰ. ⰺ҅ ⰲⰵⰴⱑⰰⱎⰵ ⱄⱔ ⰴⱈ҃ⱁⰿⱐ ⰲⱏ ⱂⱆⱄⱅⱏⰹⱀⱙ.
4:2
!ⰽ ⰴⱐⱀⰻⰹ. ⰺ҅ⱄⰽⱆⱎⰰⰵⰿⱏ ⰴⰻⱑⰲⱁⰾⱁⰿⱐ. ⰺ҅ ⱀⰵ ⱑⱄⱅⱏ ⱀⰻⱍⱐⱅⱁⰶⰵ ⰲⱏ ⱅⱏⰹ ⰴⱐⱀⰻ. Ⰺ҅ ⰽⱁⱀⱐⱍⰰⰲⱏⱎⰵⰿⱏ ⱄⱔ ⰺ҅ⰿⱏ. ⱂⱁⱄⰾⱑⰴⱐ ⰲⱏⰸⰾⰰⰽⰰ.
4:3
ⰺ҅ ⱃⰵⱍⰵ ⰵⰿⱆ ⰴⰻⱑⰲⱁⰾⱏ. ⰰⱎⱅⰵ ⱄⱀ҃ⱏ ⰵⱄⰻ ⰱⰶ҃ⰻⰹ. ⱃⱐⱌⰻ ⰽⰰⰿⰵⱀⱐⱓ ⱄⰵⰿⱆ ⰴⰰ ⰱⱘⰴⱘⱅⱏ ⱈⰾⱑⰱⰻ.
4:4
ⰺ҅ ⱁⱅⱏⰲⱑⱎⱅⰰ ⰻⱄ҃ ⰽⱏ ⱀ̑ⰵⰿⱆ ⰳⰾ҃ⱔ. ⱂⸯⱄⰰⱀⱁ ⰵⱄⱅⱏ. ⱑⰽⱁ ⱀⰵ ⱁ ⱈⰾⱑⰱⱑ ⰵⰴⰻⱀⱁⰿⱐ ⰶⰻⰲⱏ ⰱⱘ ⰲⱐⱄⰻ ⱑⱃⱁⱄⱅⰻ. ⱀⰰ ⱄⱏⱀⱏⰿⰻⱎⱅⰻ. ⱄⰾⱏⰹⱎⱔⱎⱅⰵ ⱄⰵ.
4:29
ⰺ҅ ⰲⱏⱄⱅⰰⰲⱏⱎⰵ ⰺ҅ⰸⰳⱏⱀⰰⱎⱔ ⰹ ⰲⱏⱀⱏ ⰺ҅ⰸ ⰳⱃⰰⰴⰰ. ⰺ҅ ⰲⰵⰴⱁⱎⱔ ⰹ ⰴⱁ ⰲⱃⱏⱈⱆ ⰳⱁⱃⱏⰹ. ⱀⰰ ⱀ̑ⰵⰺ҅ⰶⰵ ⰳⱃⰰⰴⱏ ⰺ҅ⱈⱏ ⱄⱏⰸⱏⰴⰰⱀⱏ ⰱⱑⰰⱎⰵ. ⰴⰰ ⰱⱘ ⰹ ⱀⰻⰸⱏⱃⰻⱀⱘⰾⰻ.
4:30
ⱁⱀⱏ ⰶⰵ ⱂⱃⱁⱎⱐⰴⱏ ⱂⱁⱄⱃⱑⰴⱑ ⰺ҅ⱈⱏ ⰺ҅ⰴⱑⰰⱎⰵ.
4:31
Ⰺ ⰲⱏⱀⰻⰴⰵ ⰲⱏ ⰽⰰⱇⰵⱃⱏⱀⰰⱆⰿⱏ. ⰲⱏ ⰳⱃⰰⰴⱏ ⰳⰰⰾⰻⰾⰵⰺ҅ⱄⰽⱏ. Ⰺ҅ ⰱⱑ ⱆⱍⱔ ⰲⱏ ⱄⱘⰱⱁⱅⱏⰹ.
4:32
ⰺ҅ ⱆⰶⰰⱄⰰⰰⱈⱘ ⱄⱔ ⱁ ⱆⱍⰵⱀⰻⰹ ⰵⰳⱁ. ⱑⰽⱁ ⱄⱏ ⰲⰾⰰⱄⱅⱐⱙ ⰱⱑ ⱄⰾⱁⰲⱁ ⰵⰳⱁ.
4:33
Ⰺ ⰲⱏ ⱄⱏⱀⱏⰿⰻⱎⱅⰻ ⰱⱑ ⱍⰽ҃ⱏ. ⰺ҅ⰿⱏⰹ ⰴⱈ҃ⱏ ⰱⱑⱄⱏ ⱀⰵⱍⰻⱄⱅⱏ. ⰺ҅ ⰲⱏⰸⱏⱂⰻ ⰳⰾⰰⱄⱁⰿⱐ ⰲⰵⰾⱐⰵⰿⱐ ⰳⰾ҃ⱔ.
4:34
ⰺ҅ⱄ҃ⰵ ⱀⰰⰸⰰⱃⱑⰰⱀⰻⱀⰵ. ⱂⱃⰻⱎⱐⰾⱏ ⰵⱄⰻ ⱂⱁⰳⱆⰱⰻⱅⱏ ⱀⰰⱄⱏ. ⰲⱑⰿⱏ ⱅⱔ ⰽⱏⱅⱁ ⰵⱄⰻ. ⱄⱅ҃ⱏⰹ ⰱⰶ҃ⰹⰹ.
4:35
ⰺ҅ ⰸⰰⱂⱃⱑⱅⰻ ⰵⰿⱆ ⰻⱄ҃. ⰳⰾ҃ⱔ. ⱂⱃⱑⰿⰾⱐⱍⰻ ⰺ҅ⰸⰻⰴⰻ ⰺ҅ⰶ ⱀⰵⰳⱁ. ⰺ҅ ⱂⱁⰲⱃⱏⰳⱏ ⰹ ⰱⱑⱄⱏ ⱂⱁⱄⱃⱑⰴⱑ. ⰺ҅ⰸⰻⰴⰵ ⰺ҅ⰸ ⱀⰵⰳⱁ. ⱀⰻⰽⰰⰽⱁⰶⰵ ⱀⰵ ⰲⱃⱑⰶⰴⱐ ⰵⰳⱁ.
4:36
Ⰺ҅ ⰱⱏⰹⱄⱅⱏ ⱆⰶⰰⱄⱏ ⱀⰰ ⰲⱄⱑⱈⱏ. ⰺ҅ ⱄⱏⱅⱔⰸⰰⰰⱈⱘ ⱄⱔ. ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ̑ⱙⱎⱅⰵ. ⱍⱐⱅⱁ ⰵⱄⱅⱏ ⱄⰾⱁⰲⱁ ⱄⰵ. ⱑⰽⱁ ⰲⰾⰰⱄⱅⱐⱙ ⰺ҅ ⱄⰻⰾⱁⱙ. ⰲⰵⰾⰻⱅⱏ ⱀⰵⱍⰻⱄⱅⱏⰺⰿⱏ ⰴⱈ҃ⱁⰿⱏ. ⰺ҅ ⰻⱄⱈⱁⰴⰻⱅⱏ. !ⰽⱁ!ⱌ.
4:37
ⰺ҅ ⰻⱄⱈⱁⰶⰴⰰⰰⱎⰵ ⱎⱓⰿⱏ ⱁ ⱀ̑ⰵⰿⱐ. ⰲⱏ ⰲⱄⱑⰽⱁ ⰿⱑⱄⱅⱁ ⱄⱅⱃⰰⱀⱏⰹ.
4:38
ⰲⱏⱄⱅⰰⰲⱏ ⰶⰵ ⰺ҅ ⱄⱏⱀⱏⰿⰻⱎⱅⰰ. ⰲⱐⱀⰻⰴⰵ ⰲⱏ ⰴⱁⰿⱏ ⱄⰻⰿⱁⱀ̑ⱐ. ⱅⱏⱎⱅⰰ ⰶⰵ ⱄⰻⰿⱁⱀ̑ⱑ ⰱⱑ. ⱁⰴⱃⱏⰶⰻⰿⰰ ⱁⰳⱀ̑ⰵⰿⱐ ⰲⰵⰾⱐⰵⰿⱐ. ⰺ҅ ⰿⱁⰾⰻⱎⱔ ⰹ ⱁ ⱀ̑ⰵⰹ
4:39
ⰺ҅ ⱄⱅⰰⰲⱏ ⱀⰰⰴⱐ ⱀ̑ⰵⱙ ⰸⰰⱂⱃⱑⱅⰻ ⱁⰳⱀ̑ⱓ. ⰺ҅ ⱁⱄⱅⰰⰲⰻ ⱙ. Ⰺ҅ ⰰⰱⱐⰵ ⰲⱏⱄⱅⰰⰲⱏⱎⰻ ⱄⰾⱆⰶⰰⰰⱎⰵ ⰺ҅ⰿⱏ.
4:40
Ⰸⰰⱈⱁⰴⱔⱎⱅⱆ ⰶⰵ ⱄⰾⱏⱀⱐⱌⱓ. ⰲⱐⱄⰻ ⰵⰾⰻⰽⱁ ⰺ҅ⰿⱑⰰⱈⱘ ⰱⱁⰾⱔⱎⱅⱔⱗ ⱀⰵⰴⱘⰳⱏⰹ ⱃⰰⰸⰾⰻⱍⱐⱀⱏⰹ. ⱂⱃⰻⰲⱁⰶⰴⰰⰰⱈⱘ ⰽⱏ ⱀ̑ⰵⰿⱆ. ⱁⱀⱏ ⰶⰵ ⱀⰰ ⰽⱁⰳⱁⰶⱐⰴⱁ ⰺ҅ⱈⱏ ⱃⱘⰽⱘ. ⰲⱏⰸⰾⰰⰳⰰⱗ ⱌⱑⰾ̑ⱑⰰⱎⰵ ⱗ.
4:41
Ⰺ҅ⱄⱈⱁⰶⰴⰰⰰⱈⱘ ⰶⰵ ⰺ҅ ⰱⱑⱄⰻ ⱁⱅⱏ ⰿⱏⱀⱁⰳⱏ. ⰲⱏⱂⰻⱙⱎⱅⰵ ⰺ҅ ⰳⰾ̑ⱙⱎⱅⰵ. ⱑⰽⱁ ⱅⱏⰹ ⰵⱄⰻ ⱈ҃ⱏ ⱄⱀ҃ⱏ ⰱⰶ҃ⰹⰻ. ⰺ҅ ⰸⰰⱂⱃⱑⱎⱅⰰⱗ ⱀⰵ ⰴⰰⰴⱑⰰⱎⰵ ⰺ҅ⰿⱏ ⰳⰾ҃ⰰⱅⰻ. ⱑⰽⱁ ⰲⱑⰴⱑⰰⱈⱘ !ⰳⱑ ⱄⰰⰿⱁⰳⱁ ⱄⱘⱎⱅⰰ.
4:42
Ⰱⱏⰹⰲⱏⱎⱓ ⰶⰵ ⰴⱀⰻ. ⰺ҅ⱎⱐⰴⱏ ⰺ҅ⰴⰵ ⰲⱏ ⱂⱆⱄⱅⱁ ⰿⱑⱄⱅⱁ. ⰺ҅ ⱀⰰⱃⱁⰴⰻ ⰺ҅ⱄⰽⰰⰰⱈⱘ ⰵⰳⱁ. ⰺ҅ ⱂⱃⰻⰴⱘ ⰴⱁ ⱀ̑ⰵⰳⱁ. ⰺ҅ ⰴⱃⱏⰶⰰⰰⱈⱘ ⰹ ⰴⰰ ⰱⰻ ⱀⰵ ⱁⱎⱐⰾⱏ ⱁⱅⱏ ⱀ̑ⰻⱈⱏ.
4:43
ⱁⱀⱏ ⰶⰵ ⱃⰵⱍⰵ ⰽⱏ ⱀ̑ⰻⰿⱏ. ⱑⰽⱁ ⰺ҅ ⰴⱃⱆⰳⱏⰹⰿⱏ ⰳⱃⰰⰴⱁⰿⱏ. ⱂⱁⰴⱁⰱⰰⰵⱅⱏ ⰿⰻ ⰱⰾⰰⰳⱁⰲⱑⱄⱅⰻⱅⰻ ⱌⱃ҃ⱄⱅⰲⰻⰵ ⰱⰶ҃ⰻⰵ. ⱑⰽⱁ ⱀⰰ ⱄⰵ ⱂⱁⱄⱏⰾⰰⱀⱏ ⰵⱄⰿⱐ.
4:44
ⰺ҅ ⰱⱑ ⱂⱃⱁⱂⱁⰲⱑⰴⰰⱗ ⱀⰰ ⱄⱏⱀⱏⰿⰻⱎⱅⰻⱈⱏ ⰳⰰⰾⰻⰾⱑⰺ҅ⱄⱌⱑⱈⱏ.