!Ꙇс же ꙇсплън̑ь дх҃а ст҃а. възврати сѧ отъ ꙇ҅орⸯдана. ꙇ҅ ведѣаше сѧ дх҃омь въ поустꙑнѭ.

!к дьниі. ꙇ҅скоушаемъ диѣволомь. ꙇ҅ не ѣстъ ничьтоже въ тꙑ дьни. Ꙇ҅ коньчавъшемъ сѧ ꙇ҅мъ. послѣдь възлака.

ꙇ҅ рече емоу диѣволъ. аште сн҃ъ еси бж҃иі. рьци каменью семоу да бѫдѫтъ хлѣби.

ꙇ҅ отъвѣшта ис҃ къ н̑емоу гл҃ѧ. пⸯсано естъ. ѣко не о хлѣбѣ единомь живъ бѫ вьси ѣрости. на сънъмишти. слꙑшѧште се.

ꙇ҅ въставъше ꙇ҅згънашѧ і вънъ ꙇ҅з града. ꙇ҅ ведошѧ і до връхоу горꙑ. на н̑еꙇ҅же градъ ꙇ҅хъ съзъданъ бѣаше. да бѫ і низъринѫли.

онъ же прошьдъ посрѣдѣ ꙇ҅хъ ꙇ҅дѣаше.

Ꙇ въниде въ каферънаоумъ. въ градъ галилеꙇ҅скъ. Ꙇ҅ бѣ оучѧ въ сѫботꙑ.

ꙇ҅ оужасаахѫ сѧ о оучениі его. ѣко съ властьѭ бѣ слово его.

Ꙇ въ сънъмишти бѣ чк҃ъ. ꙇ҅мꙑ дх҃ъ бѣсъ нечистъ. ꙇ҅ възъпи гласомь вельемь гл҃ѧ.

ꙇ҅с҃е назарѣанине. пришьлъ еси погоубитъ насъ. вѣмъ тѧ къто еси. ст҃ꙑ бж҃іі.

ꙇ҅ запрѣти емоу ис҃. гл҃ѧ. прѣмльчи ꙇ҅зиди ꙇ҅ж него. ꙇ҅ повръгъ і бѣсъ посрѣдѣ. ꙇ҅зиде ꙇ҅з него. никакоже не врѣждь его.

Ꙇ҅ бꙑстъ оужасъ на всѣхъ. ꙇ҅ сътѧзаахѫ сѧ. дроугъ къ дроугоу гл̑ѭште. чьто естъ слово се. ѣко властьѭ ꙇ҅ силоѭ. велитъ нечистъꙇмъ дх҃омъ. ꙇ҅ исходитъ. !ко!ц.

ꙇ҅ исхождааше шюмъ о н̑емь. въ всѣко мѣсто странꙑ.

въставъ же ꙇ҅ сънъмишта. вьниде въ домъ симон̑ь. тъшта же симон̑ѣ бѣ. одръжима огн̑емь вельемь. ꙇ҅ молишѧ і о н̑еі

ꙇ҅ ставъ надь н̑еѭ запрѣти огн̑ю. ꙇ҅ остави ѭ. Ꙇ҅ абье въставъши слоужааше ꙇ҅мъ.

Заходѧштоу же слъньцю. вьси елико ꙇ҅мѣахѫ болѧштѧѩ недѫгꙑ различьнꙑ. привождаахѫ къ н̑емоу. онъ же на когожьдо ꙇ҅хъ рѫкѫ. възлагаѩ цѣл̑ѣаше ѩ.

Ꙇ҅схождаахѫ же ꙇ҅ бѣси отъ мъногъ. въпиѭште ꙇ҅ гл̑ѭште. ѣко тꙑ еси х҃ъ сн҃ъ бж҃іи. ꙇ҅ запрѣштаѩ не дадѣаше ꙇ҅мъ гл҃ати. ѣко вѣдѣахѫ !гѣ самого сѫшта.

Бꙑвъшю же дни. ꙇ҅шьдъ ꙇ҅де въ поусто мѣсто. ꙇ҅ народи ꙇ҅скаахѫ его. ꙇ҅ придѫ до н̑его. ꙇ҅ дръжаахѫ і да би не ошьлъ отъ н̑ихъ.

онъ же рече къ н̑имъ. ѣко ꙇ҅ дроугꙑмъ градомъ. подобаетъ ми благовѣстити цр҃ствие бж҃ие. ѣко на се посъланъ есмь.

ꙇ҅ бѣ проповѣдаѩ на сънъмиштихъ галилѣꙇ҅сцѣхъ.